صور.. طبخات من جهازي ...

[جلنار]

..اهلين ...قصمانووووه ...
الاسبوع اللي فات ..سافر ماي هزبن ...وارتحلت للاقامة ..في بيت اهلي ..وضفيت عفشي ..
طبعا اخذت لاب توبي معي ...<<مااستغني عن النت ...وعندي أختين .. كل وحدة خاامة جهازها ماتطلقة ابد ... :
قلت ااخذ جهازي ..احفظ كرامتي بدل ..
وذاك اليوم لقيت شهد تفتش جهازي ..<<<اختي قليلة ادب صح ..
.وتقول ..جلنااااار وووش هالصور اللي بجهازك ...
قلت لها هذي ..احيانا اذا طبخت يصير الجوال بالمطبخ واصور واقول ابنزلها بالقصمان ....
...وعجااازة ماتحرك ولا انزل شي ...اصلا اذا دخلت القصمان ادخل اقرا ...واتسلى ...صعب اجيب مقادير واكتب...
شهد ..:يااااسخفك نزليها بسررعة ..انا لو أصور طبخة على طول انزلها...<<<هذا من قل ماتطبخين
عااد امس رحت لااهلي ...ولقيت شهد ..ولاها حاطة ايدها على خصرها <<<على بالها تخوفني الحين ..
وتقول ...<<<ووووين الطبخات ماشفت شي .. .
عاااد اليوم جزمت وصغرت صور الجوال ...وقلت انزلها مرة وحدة ..<<<<ماتلاحظون ان اختي مصطرتني..
8
8
بسم الله نبدا....

هذي صينية خضار ...
تجيبين اي خضار عندك قطعيها واقليها <<كوسة ,بطاطس ,باذنجان,قرع,جزر,......الخ
واحمسي ..دجاج مطبوخ ومنتف من العظم ..مع بصل ..ويفضل مع جزر مبشور..
وحطيها بالصينية وصبي عليها ..<<علبة قشطة مع 8 حبات جبن مثلث وملعقتين مايونيز ...
وقصدريها وخليها بالفرن شو ي تتسبك ...
8
8

هذا دجاج مشووي سهل ..تحطينه بقلاية البيض ...مع بصل وثوم وبطاطس <<مقطعته كبار وبقشره <<اقلد داجن..
ووتبلين الدجاج بببهارات وملح ..وفلفل اسود ..وكمون ..واضيفي البهارات اللي تحبينها ..
واذا تحبوون الحاار ...حطي بهاارات كاري ..وكبيها كب ..يطلع طعم ..
اخلية على نار ضعيفة ..واغطية ..واجي اقلبه كل شوي ..<<يقعد تقريبا ساعة الا ربع...
طبعا لاتحطون زيت عشان يصير مشوي ...
وهذا الطبق ..
8

المشوي كان عشا ..وسويت معه شوربة <ماش < على فكرة الماش مفيد ..يقولون انها يقوي العظام ..زي الحلب..
وهي سهلة وطعمها حلو ..تشبه شوربة العدس ...
8
8

هذي الشابورة الصفرا ...اخذتها من عالم حواء ...ابسوي نسخ ..لموضوع الاخت اللي نقلت طريقتها ..
8
المقادير:
بخلاط الطماطم ((الكاس)):
3بيض
كاس سكر
ثلاث ارباع كاس زيت
فنجان قهوه عصفر ه وتلاقونه عند العطار

بأناء اخر:
2 كاس دقيق ابيض منخول
ملعقه كبيره بكينج باودر
رشه فانيلا
الطريقه:
نخلط مكونات اللي بخلاط الطماطم
نخلطها مع الدقيق والبكينج والفانيلا
8
8
انا سويتها ماعجبتني ...طلعت زيت ونكهة البيض واضحة ....
رحت حطيت بيضيتين ...<<هذا كان اقتراح شغالتي
ونص كاس زيت..وشوي ماء..
نسيت ..وحطيت ملعقة صغيرة شمر وملعقة صغيرة حبة سودا<<<طلعت نكهتها حلووة وطعمها رهيب ..ليتكم تجربونها...بعدين تطلع العجينه اثقل من عجينة الكيك ..رصيها بالصينية ..على ظهر ملعقة مدهونة زيت ...ورشي الوجه سمسم ..
بعدين قطعيها بعد ماتنضج من تحت ..وبعد التحمير من فوق ..قلبيها عشان تحمرين الجوانب ...
8
8
وهذا حلى عشا ..كاسات ...<<<سبق نزلته بالقصمان في زمن مضى ..بس ماحطيت صورة
كان عندي ذاك اليوم ..ماانات ووومنات ....وسويت الكمية ثلاث اضعاف ...
الطبقة الاولى ..
علبة قشطة ,باكيت دريم وب ,باكيت كريمة الخضرا,حبة جبن مثلث ,ملعقة نسكافية ,ملعقة كاكو ,نص علبة بسكويت شاي مطحون ...<<بالخلاط ...ويستحسن لو عندك خلاط كبير ..
رصي الطبقة الاولى بالكاسات ...<<انا رصيتها هينا غلفت ايد نجر بتغليف عشان اواسي الطبقة ...

بعدين بنفس كاس الخلاط حطي ..<<لاتغسلينه عشان يصير اللون بيج ...
نص علبة نستلة كبير <<<يفضل ..لونا ..عشان المقاطعة
4 حبات جبن كيري ,علبة قشطة ,نص علبة بسكويت شاي مطحون <<ااولكر..

وبشرت عليه شوكلاتة ...او حطي فليك ..او كيك شوكلاته مفتت ...او مكسرا ت<<<عارفين مايحتاج تعلمينهم
8
8
اتمنى ...تستفيدون ..من موضوعي ...
تراااه يالله طلع معي ...

[ام الهنوف]

ماشاء الله تبارك الله
تسلم الأيادي والله
اعجبني طريقة الدجاج المشوي , عاد شاريه البارح ترياكي صوص وبسويها بطريقتك
تسلمين جوجو
يعطيك العافيه

[لووك جديد]

مااشاء الله

حركااات هالطبخااات ياجوجو

عجبتني طريقة الشابوره والحلا

تسلم ايدينك يارب على هيك طبخات

[عين حااااارة]

ماشاء الله جلنار وش هالسنع
باين من الريحه انهن لذيذات<<
سلميلنا على شهد اللي خلتك تنزلين الصور...
تسلم يدينك..
.......................................

[كرميلا]

الله لايخلينا منتس جلنار..وتسلم يديتس يعله ماتطب النار يالله

[مويه بارد!]

سنعه والله

يارب بنتس تصير مثلتس
مهوب رفلا مثل شهد

صور خلت سعابيلي تقوطر خل عنتس بس
خاصتن الشابورة<<يالله لاتخلي عيني مشتهي شابوره علشان حزة فطور وبالليل بيشتهي المشوي

[عيون المكيف]

صدز بدون شي بيزين الدجاج

بدون مويه ولا زيت

شلون تاصل الحراره أجل

:

جاز لي حلى العشى شكله مرتب وحلو

[أسيف]

الله يعطيك العافيه جلنار
كل طبخه احلى من الثانيه

[وتــيــن]

ماشاء الله تبارك الله اثرتس سنعه وين السناعه مغبيته فيه هههههههههههه

ياحبيله شهد خليه دايم تنبتس

يهبل الدجاج المقلي اشتهيته>>>وانتي كل شي تشتهيبنه ههههههههههههههههههههههههههههههههههه

ولا اخر واحد واااااااااوك يازينه عقب الطحله من العشا بساعه

عشان تنطحليم مره ثانيه ههههههههههههه

مشكوووووره على هيك طبخات بس صورة البسكوت مدري الشابوره

وراه مقلوبه اوجعتن رقبتي<<<طيب اقلبي الاب توب يالذكيه<<<بس الذكا ذابحني ههههههه

[جلنار]

هنوفة &&&&&
الله يسلمك ويعافيك يالغلا ....ويشرفني انك بتجربين ..طريقيتي ...
<
<
لووك &&&&
اهلييين ...يالله جربي حلاي وشابورتي ترااهم احسن من كليجاتس ..<<< بدا شغل البزران ..
<
<
عين حاارة &&&&
الله يسلمك اخجلتي تواضعي ...خخخخخخخخخخخخخخ...وتشكرااات لمرورك ..هنا
<
<
كرميلا &&&&
ااااامين ..الله يجزاكي خير على هالدعوة ..يسلم لي مرورك ...العسل
<
<

موية بالرد&&&&
تشكرااات على اعجابك وحضورك هنا ...
<
<

عيون المكيف&&&&&
اهلييين ...
الدجاج ..قطعية صغار بالعظم ..وغطية ..وخلية على نار هاادية جدا ..وكل قطعة ااخذه مكانها ..لايصير مكركب ..عشان النضج ...واذا غطيتية بالبداية يبي يطلع موية شوي <<من الدجاج والبصل ....بعدين بتجف الموية ..
كملي تقليبة وطبخة ..الى ان تحسين انه نضج ...<<<يطلع اطعم من دون ماء وزيت ..لانه يتشرب مويته ..
<
<

دمعه مقهورة &&&&&
الله يسلمك يالغالية .....

<
<
وتين .&&&&
هلا وغلا ...يااختي كنت قبل الطوفان انزل طبخات ..وتحطمت يوم راحن ..جااني احباط ..<<<تعذر لروحها ...
يسلمووو لمرورك هنا

[شهد الأيام]

واخيرا ,,
اقول مو كانهن ناقصات :bs25:

<<بدور شي تهاوش عليه

بعدين الله يعافيك اذا جيتي ان شاءالله اليوم سوي شي من هذولا وجيبيه معك ,,وعادي خلي فلبنيتك تساعدك لاتعبين نفسك ,,>>>ياحبي لي مسيطره على اخته

[حمــ خجل ــرة]

^
^
يمه ترررررررروع أشوى أنه مب أختي
يسلمووووو جلنااااار وعساك ع القوة

[جلنار]

شهد &&&
هااا بشري ..عساكي رضيتي ...
<
حمرة خجل&&&
هلا وغلا ..

[بنوتة نجد]

ماشاء الله عليك جلنار كل طبخه احلى من الثانيه
الله يعطيك العافيه
دمتِ بود

[كيرلي]

ياحبيل شهودة الي خلتك تطلعي لنا مواهبك
صراحه سنعه ومحترحفه مرة
عاد نبي منك طرق اخرى للصياني من عملك أنتي
ونزليهن قبل ماتشوفهن شهودة عشان ماتسوي عليك انه قويه
وأهم شي الحلا لانك اتوقع عندك اطباق حلويات مرة حلوة

شهودة
ورينا شطارتك في الطبخ
مو بس على جلنار مطلعه قوتك خلي قوتك في مطبخكم

[جلنار]

fبنوتة&&
يشرفني انه عجبك طبخي ...تسلمين ..
<
<
كيرلي &&
اسمك حلووو كتير <<<لاني عجزت اسرح شعري كيرلي ...
شفتي شهووودة ...بتكرف اختها وهي ماتسوي شي ..<<<صااحت على كتف كيرلي ..
وان شالله اوعد ك...ابدا اصير سنعه انزل هينا ..يسلمو خيتي

[أمــل]

تصدقين كل ماطبخت شي صورته ..
على اساس اني ابنزله هنا ..
بس المشكله الصور يبيلهن تضبيط شوي ..
ان شاء الله اني ابزينهن وانزلهن ...>> بس متى ..


جلناار ..

الشابوره وحلى العشاء رهيبات ..

تسلميين والله ..

[لا تنس ذكر الله]

حلو ما شاء الله

يسلمووووووووووو

[جلنار]

قمرهم &&
الله يسلم عمرك ...
<
لاتنس ذكر الله &&
اسمك حلووووو كثير ...نشوفك ونذكر ...مشكووورة

[صِبا]

الله يعطيك العافيه ..
مشكووره ..
بس لازم اللي يشوف الصور يكووون شبعان .. والا بيصير ماصار لي قامت تقاطر سعابيلي من الجوع ..
ياشين الجوع شيناه ..
يسلموا يالغلا ..