لوك جديد .. نجمه الاسبوع

[ذكرى]

..



ياليت ماحد يرد لما تخلص لوك جديد ..






..

[لووك جديد]

انا جيت

وراح ابدأ من الليله باذن الله

بس لاتتوقعون طبخات وااااو

يقول المثل الجود من الموجود ومد لحافك على قد رجليك

المهم انتظروني بس ابروح احمل هالصور الله يعين عليهن

وتراي منب مرتبه الاطباق مثل المتسابقات اللي قبل

ابخلط عباس على دباس

بعد احمدو ربكم اني طبخت لكم وانا مسخنه

مير الشرهه مهيب عليكم الشرهه علي اللي اطبخ لكم يله هونت منب منزلتهن


8
8
تتنجلد

[لووك جديد]

بسم الله الرحمن الرحيم

اول شي الحلى .. انا مااحب اسوي الحلى كثير وخاصه اللي مقاديره طويله عريضه

بهالموضوع طبقت حلى الفول السوداني والكوكيز اللي نزلتهم كنون

لانهم بسيطين ولذيذين

طبعا المقادير ابنسخ لكم اللي بنفس الموضوع

وتراهم يسوون كميه بسيطه تكفي لقهوة العصريه او المغربيه وهذا هو المطلوب


بقلاوة زبدة آلفول آلسودآني ( بنت بيتر)






1 ونص دقيق
1 آصبع زبدة لين
بيآلة زيت
بيآلة مويه آو زيدي ع حسب مآتشوفينه
آعجنيهم سوآ مآيتحآج ننتظره تختمر
لان مآفيهآ خميرة
آفرديهآ وقطعيهآ مربعآت آو دوآئر
آدهنيهآ بآلفول آلسودآني آلأحسن آلمجروش
ولفيهآ بشكل آسطوآني ولصقي آطرآفهآ ببعض
دخليهآ آلفرن آخبزيهآ من فوق وتحت
لمآ خلاص تطلعينهآ تبرد شويه جيبي شيره ورشيهآ وبعين آقلبيهآ ع آلوجه آلثآني ورشيهآ زييين
عند آلتقديم رشي عليهآ بسكويت مطحون آو فستق

النتيجه النهائية





ممكن تتسلون بهالقوه لين ارجع لكم بالباقي

[لووك جديد]

كوكيز



آول شي بآلخلاط
ثلاثة آربآع آصبع زبدة
بيآلة سكر نآعم
6 جبن مثلث
3 بيآلات طحين آبيض
ملعقة صغيرة بيكنج بودر
آذآ طلعتيه من آلخلاط
آعجنية بيدك وآضيفي له حبيبآت آلهرشي وعآدي لو مآتوفر لك
ودخليه آلفرن

8
8
انا طلعت معي العجينه ناشفه واضفت له شوي مويه


النتيجه النهائية




وتمتعوا بالطعم الطازج واللذيذ مع بيالة شاهي رايقه



الف شكر كنونه

[لووك جديد]

سلطة الخضار المشوية

تراه غير سلطة تمومه لان ذيك المقليه









جزر مقطع لشرائح طوليه
ونفس الشي باذنجان وفلفل بارد وكوسه << ماعندي كوسه وحطيت بطاطس

جرجير مقطع كبار

الصوص

زيت زيتون وملح وليمون

الطريقه

ندهن الخضار بزيت الزيتون ثم تشوى بالفرن او الشوايه لحد ماتستوي

نفرش صحن التقديم بالجرجير ونخلط الصوص بالخضار ونحطه فوق الجرجير


النتيجة النهائية



هالسلطه عذاب

[لووك جديد]

لفائف الباذنجان بالجبن




نقطع الباذنجان شرايح ونقليه بالزيت << تراه دسم مرره

نحشي كل شريحه بالجبن المالح << انا حطيت جبن سائل بس المالح اطعم

نصفهم بصينية زجاجية

عاد هنا لكم حرية الاختيار ممكن تحطون على الوجه باشميل او جبن موزريلا او اي خلطه تحبونه

انا خلطت طحين بحليب واضفت لهم فلفل اسود وطبختهم على النار وصبيتهم على الوجه
بس مااعجبن الطعم اتوقع لو حطيت جبن موزريلا افضل

وتنحط بالفرن حتى تاخذ تحميره من فوق


النتيجة النهائية

[لووك جديد]

مكرونه بالخضار على الطريقة الصينية


اول شي نسلق المكرونه ونضيف له صلصة الطماط <<يعني نسوي المكرونه المعتادة




نجهز الخضار ونقطعهم شرائح طولية

ملفوف + جزر + بصل + باذنجان + فلفل اخضر بارد وحار




نحضر مقلى ونحط شوي زيت زيتون ونضيف نوع واحد من الخضار ونقلبه لمدة دقيتين او ثلاث فقط

ونشيله على جنب ونضيف النوع الثاني وهكذا (الخضار تكون نص استواء )

ماعدا الباذنجان يمكن يبي 5 دقائق عشان ينضج شوي

(ممكن اضافة صلصة الصويا للخضار حسب الرغبة )

اضافة الملح والفلفل وعصرة ليمون للخضار


النتيجة النهائية




طريقة للتقديم بشكل آخر

[لووك جديد]

تمتعو بهالعصير لين ارجع لكم

[لووك جديد]

قصديرة الخضار بالدجاج

كوسه
بطاطس
بصل
دجاج
ملح وبهارات وفلفل اسود واحمر




نقطع الخضار والبصل
والدجاج نزيل الجلد
نحضر الصينيه ونفرش عليه القصدير ونضع كل الدجاج والخضار والبصل والبهارات والملح عليه
(ممكن اضافة طماط حسب الرغبة )
انا احط فلفل رومي بارد احمر مطحون << ابوي مايحب الطماط
وغير كذا الفلفل الاحمر البارد مايسبب حرقان للمعده مثل الطماط

ونقفل القصديرة عدل مدل من الجوانب وفوق ونطبق الصينية وعلى نار هادئه جداااا لمدة ساعه


النتيجة النهائية





وممكن نقدم سلطة جانبية بس تكون مقطعه بشكل شرائح طولية كتغيير عن الشكل التقليدي

[لووك جديد]

مكرونة بالجبن

اول شي نسلق المكرونه

ولاخلصت نشخله ونحطه بالصينيه
ونضيف له الملح والبهارات المنوعه والفلفل الاسود والاحمر المطحون




نخلط علبة قشطه مع اربع ملاعق كبار جبن سائل
ونضيف له قليل من الفلفل الاسود
نحط الخلطة على المكرونه ونقلبه لين تتوزع على المكرونه كله

ونضع على الوجه جبن موزريلا ونكثره اطعم
ورشيت على الجبن شوي كمون << احب نكهته

تدخل الفرن وتحمر من تحت وفوق


النتيجة النهائية




سلطة التبولة كطبق جانبي

[لووك جديد]

قوارب البطاطس




نقشر البطاطس ونقطعه من النصف بشكل طولي
نفرغ البطاطس من الوسط

نقلي البطاطس بالزيت

نحضر الحشوة وهي:
نحمس شوي بصل ونضيف له دجاج مفروم وملح وبهارات وفلفل
بعد ماينضج نقطع فلفل رومي اخضر قطع صغيرة ونحركه لمدة دقيقه فقط << ابي الفلفل يتقرمش

نحشي كل بطاطس من الحشوة اعلاه
ونرشه من فوق بجبن موزريلا << لقيته مخلص وحطيت جبن برايد <<هالنوعيه لذيذه بس ماتذوب

وندخلهن الفرن من فوق بس عشان يذوب الجبن

النتيجة النهائية



لذيذة بس دسمه
ابجربه المره الثانيه بس ابسلق البطاطس


سلطة الملفوف والجزر عشان نهضم هالدهون

[لووك جديد]

فيليه السمك المقلي


طبعا ماصورت الخطوات << زين اللي تفطنت وصورت الشكل النهائي قبل الهجوم


سمك فيليه نقطعه لقطع كبيرة
نتبل السمك بالبهارات والملح والليمون والفلفل الحار
نخليه نص ساعه
ونتبله بالبيض ثم البقسماط <<او طحين بدال البقسماط

نقليه بزيت غزير لين يتشقر لونه
طبعا السمك الفيليه مايحتاج وقت طويل بالزيت لانه ينضج بسرعه

النتيجة النهائية

[لووك جديد]

بــ كوب هالكابتشينو اكون ختمت موضوعي

ان شاء الله يعجبكم طبخي ونفخي ويصل لذائقتكم << اتعب انا على هالذوق

استمتعت بمشاركتي معكم ايما استمتاعي لو اني ودي باطباق اكثر وتكون جديدة

بس هالفترة كنت تعبانه والكحه ملازمتني دعواتكم لي بالشفاء لاني طفشت من زرط العلاجات

والف الف شكر لكل من مشرفات المطبخ وكل اللي شاركو معنا

وياليت يصير به فريق ثالث لان بعض البنات هنا مبدعات ماشاء الله

مع دعواتي للجميع بالنجاح والتوفيق يااارب

[عابره]

أولي

ماشاءلله عليك تسلم هاليدين
قوارب البطاطا حركة

[رؤوف الغطريفي]

ماشاء الله .... لوك
هذا وانتي مصخنة ..

اعجبتني الحلول البديلة في حالة نقص شي
ماتعوق معك .. اجل البطاطس بدل الكوسة !!
او بما معناه ..


بالتوفيق لوك

[نوار]

وعليكم السلام ورحمة الله وبركاته
الف سلامه عليك ماتشوفين شر ان شاء الله
وتسلم يمناااااااك

[نوني..]

ماتشوفين شر لوكة

وتسلم يداتك على الأطباق الشهية

[أم مــشــ ع ــل]

المشاركة الأصلية كتبت بواسطة لووك جديد

بعد احمدو ربكم اني طبخت لكم وانا مسخنه

مير الشرهه مهيب عليكم الشرهه علي اللي اطبخ لكم يله هونت منب منزلتهن

اللي تطلع وجه الشبه بين لوك وبين العصبي اللي يسولف لزوجته وطلقها لها هديه

[أم مــشــ ع ــل]

يآمال العافيه يا لوكاتي

شغل عدل ومرتب

أعجبتني المكرونه اللي بالجبن أحس طعمها بالراس

تسلم يدياتك والف عافيه وصحه عليتس وماتشوفين شر يالغاليه

[جــــــود]

ماشاء الله تبارك الله
يمال العافيه لووك
تصدقين عاد احس ان طبختس فيه نكهه بيتوتيه لكن الاكيد ان الاكلات لذيذه
فالتس الفوز