ام مشعل .. نجمه الاسبوع ..

ذكرى · 08-01-2010, 09:51 PM

..

لاحد يرد قبل تختم ام مشعل ..

..

أم مــشــ ع ــل · 08-01-2010, 11:37 PM

شوكرن ذكرى

<< قامت ترتجف كأنها بتدخل أمتحان

أم مــشــ ع ــل · 09-01-2010, 03:25 AM

]

بسم الله الرحمن الرحيم

مساكم الله بالخير جميعاً

ابتدي معكم أطباقي بالتدريج واتمنى تروق لكم وتنال رضاكم وهذا هو منآي

نبتدي مع بعض

بالحلى

هالحلى حلو وسهل وسريع وأهم شي مايبي له وقت بالشغل

يعني لما تركبين القهوه أشتغلي فيه

المقآدير

- لعمل صينيه متوسطه نحتاج لـ

- نص علبه حليب مركز

-نص كيس شوكولآ هيرشي { الدمعه }

-كاس جوز هند
-علبه قشطه
-بسكوت شاي مع زبده تسوينه كقاعده للحلى ..

الطريقه

أخلطي كل المقآدير مع بعض وصبيها فوق البسكوت ..

ا

وآسي سطحها زين ودخليها الفرن من فوق بس

خليها تتشقر شي بسيط

طلعيها وخليها تبرد شوي قطعيها وقدميها

أم مــشــ ع ــل · 09-01-2010, 04:08 AM

الحلى الثاني

::ميني تشيز ::

المقآدير

علبتين زبادي

كاس حليب باودر

علبه قشطه

بيضتين

كاس سكر

فانيلا سائله مقدار ملعقه صغيره

وللقاعده ..

بسكوت جوزاء مطحون مع زبده وبسكوت شاي مطحون مع زبده

حطي بالخلاط كل المقادير ماعدا نوعين البسكوت

حضري ورق بليسيه أو ورق الكب كيك بكذا حجم كبار وصغار او على حسب رغبتك

حطي القاعده أول شي بسكوت جوزاء بعدين بسكوت الشاي

بعدين صبي الخلطه بشويش على القوالب ..

دخليه الفرن من تحت بس

لحد ماتشوفين الطبقه بدت تثقل وتجمد

طلعيه برا وخليه يبرد تماما ..

بعدين شيلي الورق بشويش وبنعومه

هذي قوالب السيلكون بصراحه شويه روووعه

وهنا سويتها بالورق الكبير شوي حق الكب كيك ..

أم مــشــ ع ــل · 10-01-2010, 04:17 PM

يسعدلي مساءتكم وصباحاتكم

عودهـ مع بعض الأطباق الخفيفهـ

:: معجناتي ::

| لفايف الكفته |

لحم أو دجاج مفروم متبل بـ
ثوم - بصل مفروم -بقدونس مفروم - ملح -بهاراتكـ

كفتيها وحطيها بالأعواد الخشبيه
حطيها بمقلى فيه شوي زيت قلبيه حتى يستوي ويتشقر مزبوط

سوي عجينتك المعتمده

أفرديها وقصيها مستطيلات متناسقه

لفي كل حبه كفته بالعجينه على شكل رووول

دخليها الفرن وشقريها وقدميها حارهـ

brb

أم مــشــ ع ــل · 10-01-2010, 04:54 PM

| بيتزا الفصول الأربعه |

عجينتك المعتمده

نحتاج أربع حشوات مختلفه على حسب رغبتك

صوص بيتزا

جبن سائل وجبن موزريلا

اول شي أفردي العجينه بشكل دائري

عشان نسوي خط الأستواء

قصدي الخط الفاصل بين الفصول هاتي قطعه مستطيله وأفرديها وأدهنيها جبن سائل وأطويها
سوي هالحركه مرتين

أدهنيها بالصوص وحطي القطع المستطيله على شكل + << لا عمرتس تشرحين

الصور توضح أكثر من شرحي

حطي الحشوات اللي ترغبين فيها المجال مفتوووووووووح

بعد مادخلتها الفرن

طلعت بهالشكل ..

brb

أم مــشــ ع ــل · 10-01-2010, 05:06 PM

| متبل |

طبعاً كلنا نعرف طبق المقبلات اللي هو المتبل ،،

لكن يظل على مر الأزمان من اروع ألأطباق وخاصه مع المشاوي والمقالي ..

طريقتي فيه ..

باذنجان مقشر ومقلي
زبادي
طحينه
عصير ليمون + رشه ملح

الجميع في الخلاط حتى تندمج كل المقادير

حطيها بصحن التقيم وزينيها على حسب مزاجك ..

أم مــشــ ع ــل · 11-01-2010, 08:08 AM

صباحكم مشرق ومساءكم جنهـ

همبرقرمنزلي

لعمل الهمبرقر نحتاج لـ

دجاج مفروم + بقدونس + ثوم + بصل + ملح وبهارتكـ

نفرم كل المقادير السابقه مع بعض ونسويها اقراص مدوره كبيره شوي

ونحطها في صينيه مدهونه زيت وندخلها الفرن من تحت فقط ,,

نقلبها حتى تتشقر من جميع الجهات ،،

آخر شي أحشيها بخبز الهمبرقر مع البصل الحلقات والخس والجبن والكتشب ..

brb

أم مــشــ ع ــل · 11-01-2010, 08:28 AM

ستيك

نحتاج شرحات لحم وأفضل شي لحم غنم أو حتى دجاج

التتبيله ..

بهاراتكـ - بابريكا - ثوم مدقوق - فلفل أسود - صويا صوص - ملح

تخلط كل البهارات مع بعض وتدعك فيها الشرحات وتنقع ليله كامله حتى تتشرب النكهه ..

بعد كذا نحطها في مقلى فيه شوي زيت ونخليها على نار هاديه مع التقليب المستمر ،،

لما توصل لهاللون خلاص طفي عنها النار ...

في نفس المقلي اللي قلينا فيه الشرحات

نحط نص علبه فطر ونحركها مع باقي الصوص اللي نزل من الشرحات
بعدين نضيف عليها ملعقه دقيق ونحرك حتى يتشقر الدقيق
ثم نضيف عليه نص مويه مغليه ورشه ملح وفلفل اسود ونتركه يتسبك

آخر شي نقدمه مع البطاطا المهروسه مع الزبده والجبن

والف هنا وصحه

brb

أم مــشــ ع ــل · 11-01-2010, 08:56 AM

لفايف صدور الدجاج المحشيه

لعمل الحشوه ،،

بطاطس مقطع صغير
بصل + ثوم + بقدونس + فلفل بارد + ملح وبهارات ..

نحمس كل المقادير مع بعض لحد ماتذبل وتكون بهالشكل

نحط عليها البهارات والملح ونتركه على جنب

نحضر صدور الدجاج

نشقها من النص ونحط فوقها كيس وندقها حتى نطلع الحره اللي داخلنا

بعدين نتبل الشرائح بتتبيلتنا المعتاده

نحط ملعقه الى ملعقتين من الحشوه على شريحه الدجاج

نطويها ونلفها على شكل أسطواني بهالشكل

بعد كذا نحط في مقلى قطعه زبده مع شوي زيت حتى ماتحترق الزبده

نقلب لفايف الدجاج في دقيق بعدين نحطه في المقلى مع التقليب المستمر مع كل الجهات

لما تتشقر نشيلها ونقطعها شرائح ونقدمها بألف عافيه

أم مــشــ ع ــل · 12-01-2010, 12:24 AM

مساءكم رضى من الرحمن

أسماك

أول شي نحضر السمك ونتبله قبل بليله هذي طريقتي بتتبيل الأسماك واللحوم

نحضر سمك الكنعد ونغسله وننقعه بعصير ليمون وملح

بعد كذا نحط في الفرامه ..

ثوم + فلفل بارد + بقدونس أو كزبره + شبث + فلفل أحمر بارد + بابريكا وبهارتكـ

حطي السمكات على التتبيله بعد فرمها ونقعيها فيه

بعد كذا قلبي شرحات الكنعد بشوي زيت يعني مجرد تشويح فقط لحد مايتشقر مع الجهتين

لما يكون عندنا بهالشكل وهاللون شيليه من المقلى وصفيه بصينيه التقديم

بعد كذا نكون مجهزين صوص طماطم مكون من ..

بصل - طماطم - فلفل بارد - ملح - فلفل أسود - معجون طماطم أتركيهن على النار لحد مايتسبكون

حطي من الصوص فوق الشرحات ورشيها جبن موزريلا ودخليها الفرن من تحت على نار هاديه
مده ربع ساعه

بعد ماتذوب الجبنه والسمك ياخذ من نكهه الصوص زينيها وقدميها مع رز أبيض

والف عافيه

brb

أم مــشــ ع ــل · 12-01-2010, 12:38 AM

فيليه هامور

هامور كبير تطلبين من السماك يسويه لك فيليه ولا تنسين تطلبين منه الراس وباقي هيكل الهاموره عشان تسوين عليه صياديه

تقطعين الهامور مربعات وسط لا كبيره ولا صغيره

تتبلينها بنفس التتبيله بتاعت الكنعد <ج أبوك يالعجز لا تكتب ثانيه

تقلبينها بس بدقيق

وتغطينها تغطيه كامله

بعد كذا تسقطينها بزيت غزير حتى تتشقر ويكون لونها ذهبي أشقر

تقدمينها مع رز صياديه وصوص طحينه والف هنا وصحه ..

وأكيد السلطه مانستغنى عنها

brb

أم مــشــ ع ــل · 12-01-2010, 01:03 AM

البرد أشتد والشتا بأ قد

نعمل إييييييه

نشرب موكا وكبتشينو وسحلب وكل حآآآآآآآآآقه

مع هالبرد الواحد يشتهي يشرب شي حار ودافي ولذيذ بنفس الوقت

أنا ماعندي جديد اللي بقولكم عليه معروف من الأزل لكن أنا أضفت عليه لمسات حسنت من الطعم

نبدأ ..

في كاس الخلاص نحط ..

كاس نسكافيه + كاس سكر + كاس مويه

والأضافه مني شيئين ــــ كاس سكر بني + ظرف دريم ويب << الدريم نضيفه لآحقاً ..

بعد مانخلطهم نصبهم في زبديه بارده ونضيف لهم ظرفين دريم ويب ونخفقققققققققق

ونخفقققققققققققققققققققق

لحد مايكون عندنا بهالشكل ..

حطيه في علبه محكمه ونتركه في الفريزر وكل ماجاء في بالكم كاس كبتشينو ملعقتين مع حليب مغلي يخلي الدفا يسر لعروقكم

=======================================

موكا بالتوفي

نحتاج :

كاس كوفي ميت - مبيض القهوه
نص كاس حليب بودر
كاس نسكافيه
نص كاس شوكليت
كاس سكر بني

نخلطهم بالخلاط حتى يندمجون مع بعض ويتحولون لبودره ..

بعدين حطيهم بعلبه أو برطمان أو أي شي محكم

وكل ما جاء في بالك تشربين كاس موكا حطي بالكاس ملعقتين مع مويه مغليه
وتمتعي بأفضل موكا على مر العصور

وهديتي لكم هالتشيز

أم مــشــ ع ــل · 12-01-2010, 01:08 AM

الحمدلله الذي بفضله تتم النعم

أنا أم مشعل إذا كنت أستحق الفوز صوتوا لي وعلى طريقكم قيموني

لكل من مر من هنا وسيمر مره أخرى

عـبدالملكـ · 12-01-2010, 01:14 AM

.
.

وش أقووول وش أخلــّـي .. لا إله إلا الله ..

ما شـاء الله .. ما شــاء الله .. ما شـــاء الله ..

إبـداع .. إبـداااع .. إبـداااااع ..

الله لا يضـرّكـ .. و ربــّـي يحميكـ .. و عـيني عـليتس بـاااردة ..

فعـلاً أطباق متمـيــّـزة .. من أم مشـ ع ـل .. ولا غـرابة ..

أهـنـيـــــــــــكـ .. الله يزيدتس من واسِـع فضله ..

.
.

أصــوّت لتس .. مع مرتبة الشـرف ..

أشجان · 12-01-2010, 03:00 AM

مشاء الله يا ام مشعل

كل طبق يقول الزود عندي

ترتيب وتصوير وكلش

نسلم ايداتس والله

تستاهلين التقييم

وفالتس الفوز ان شاء الله

شوشة بس أخلاق · 12-01-2010, 03:05 AM

ماشاءالله تبارك الرحمن ...................ربي يستر عليتس ........تستاهلين التصويت والتقييم بعد

اعجبتني طريقتس في السمك ,,,,,,,ولفائف الدجاج .............حتى الكابتشينو اشتهيته من ايدينتس ,,,وانا مامن حرص عليه..............