ليالي واكلات الشتاء

[ليالي]

السلام عليكم ورحمة الله وبركاته



هذي بعض الاكلات الشتويه

1- المطازيز

والجميع يعرفه

يتكون من بصل وثوم يكشن
ثم يوضع الطماطم بعد الطحن
والصلصه والبهار والفلفل الاسود والاخضر ثم اللحم والخضار الذي يتكون من القرع
والبيدجان واكوسه والفقع
ثم يجدع عليه المطزيزكما في الصور





هذي المطازيز طبعا ثلج من الفريز




وهذا العقود اللي هو الخضار واللحم




وهذا المطازيز وهو يطبخ بعد التجديع




لا احد يرد باقي

[ليالي]

2- الحنيني

وهو عباره عن خبز بر يفرم وان حبيتي يكون جدا ممتاز فقومي بخبز الخبزه في الفرن

ثم ضعي التمر المفروم عليه
والسمن او الزبد

ثم ادخليه الى الفرن

كما في الصور



هذا الخبز بعد الفرم




وهذا بعد ما وضعنا التمر والسمن عليه





هذا وحنا نحركه في الفرن




هذا شكله النهائي

لا تردون ما بعد قضيت

[ليالي]

معليش جانا ضيف واضطريت اقطع الموضوع

3-الجريش

جيبي قدر كاتم وحطي البصل والماجي الابيض والسمن وكشنيه
ثم نضع الماء ونكون غاسلين الرز والجريش ونضعه عليه ثم اكتميه وقصري عليه الى ان ينضج

ويكون كذا




لا تردون

[ليالي]

4-صينية الرزباللحم

وهي تكشنين اللحم مع بصل وطماطم
وماجي وفلفل اخضر وصلصه الى ان ينضج اللحم
ثم تسلقين الرز
ثم تضعين الرز في الصينيه ومن ثما تضعين اللحم وتقصدرينه وتتركيه في الفرن الى ان يتسبك
وهذه هي الصور



هذا الرز




هذا بعد وضع اللحم عليه






هذي شكله النهائي

وهذي سلطة البصل
وهي عباره عن بصل وبقدونس وعصير ليمون
يمدحونه مع الجريش




لا تردون

[ليالي]

وهذا عشاء الضيف

صينية سمك مستعجله



ضعي السمك في الصينيه
ثم ضعي عليه كشنت بصل وثوم وطماطم وبهار
وادخليه الفرن

وبعد سويت له كشنة ربيان
وهي كشني بصل وثوم واقسميه قسمين قسم اضيفي له الطماطم
وثم ضعي على القسمين الربيان واتركيهما كل قدر الى الن ينضج الربيان

ويكون بشكل هذا




تشوفون جزء فيه طماطم وجز بدون

عاد نجي لاحب الطبخات عند ليالي



اتمنى ان ليالي قامت بالواجب معكم

ويعجبكم شغلي وعساي ما قصرت في شي
الله يهديه الضيف طب كذا ما دريت فيه

ليالي تقول لكم صحه وعافيه على قلوبكم

[ريــــــــــم]

بعذره الضيف طـــب على غفله ..

جابته الريحه اللي تجنن من اول الشااارع

مثل ماجابتني من باااب المنتدى طيراان على موضووعتس ..

لياالي ..والله باين عليك كحيله ماشااء الله ..تباارك الله

[ليالي]

المشاركة الأصلية كتبت بواسطة ريــــــــــم

بعذره الضيف طـــب على غفله ..

جابته الريحه اللي تجنن من اول الشااارع

مثل ماجابتني من باااب المنتدى طيراان على موضووعتس ..

لياالي ..والله باين عليك كحيله ماشااء الله ..تباارك الله

الله يسلمك يارب

صحه وعافيه على قلبك

[أم مــشــ ع ــل]

ماتشل هاليمين اللي طبخت يا ليالي

ماشاء الله تبارك الله وش خليتي

سنعه ويابخت من أنتي تحت ظله

عسى ربي يسعدتس ويوفقتس ياكريم

[عبدالرحمن]

ليااااالي .!!


ماشاء الله تبااارك الله


اثرررك طبااااااااااااخه ..!!


اما الفيشااار هذا لازم اشتري كل مادخلت البقاااله ..!!

[ليالي]

المشاركة الأصلية كتبت بواسطة أم مــشــ ع ــل

ماتشل هاليمين اللي طبخت يا ليالي

ماشاء الله تبارك الله وش خليتي

سنعه ويابخت من أنتي تحت ظله

عسى ربي يسعدتس ويوفقتس ياكريم

والقائل
الله يسلمك يارب هذا من ذوقك

[ليالي]

المشاركة الأصلية كتبت بواسطة عبدالرحمن

ليااااالي .!!


ماشاء الله تبااارك الله


اثرررك طبااااااااااااخه ..!!


اما الفيشااار هذا لازم اشتري كل مادخلت البقاااله ..!!

وشدعوه ما عرفت ليالي الى الان

اشهر الطبخين اطلعو من تحت ايديني

وبعدين الفيشار اشتري بالكيلو ةاسويه في البيت حق البقاله فيه ريحه

[هيكارو]

ماشاء الله تبارك الله

وش هالزين كل طبخه اسحن من الثانيه

تسلم الايادي ليالي

[ليالي]

المشاركة الأصلية كتبت بواسطة هيكارو

ماشاء الله تبارك الله

وش هالزين كل طبخه اسحن من الثانيه

تسلم الايادي ليالي

الله يسلمك هذا بعض مما عندكم

ويجزاك خير

[نونا!]

تسنه كبسة الطازج








اكلة امي المحببه


شغل سنع ماشاء الله .. الله يسلم يدياتك يارب ..

[ليالي]

المشاركة الأصلية كتبت بواسطة نونا!

تسنه كبسة الطازج








اكلة امي المحببه


شغل سنع ماشاء الله .. الله يسلم يدياتك يارب ..

اخجلتموني

الله يحفظ امك عنده ذوق

الله يسلمك نونا

[كلورا]

يسلم دياتك ليالي

البوب كورن مو صحبه انا وهوو مااحبه ولايحبني

[ليالي]

الله يسلمك

بس هو عيشتي لزم يومي

[ذكرى]

كنت احتري الموضوع يخلص عشان اختمه بالتميز .. ومير ينقطع علي الانترنت ..

مب مشكله نرجع لموضوعتس .. صراحه من شفته قمت اتشهوى وقطرت سعابيلي .. بس رحمه من ربي تعشيت فلافل والا كان الله اعلم وشي حالتي لاني كنت هلكه من الجوع يوم اشوف موضوعتس ..


يالله لتس احلى اصطمبه ..

[أشجان]

مشاء الله وش هالسنع ياليالي



يا عالم فيه احد يحب المطازيز مثلي
مبطيه عنه


تسلم ايدياتك ليالي

[شوشة بس أخلاق]

ماشاءالله الطبخ باين من عنوانه ...............تسلم يمينك ليالي شغل


تعجبني البنت لاصارت ظفره