انفهزو شوي خل احط عفشي

[هيكارو]

مراااااحب على الجميييع

لي اسبوووع طاقتن في رااسي حنيني وكل مره ابروح اجيبه من محل تعرفه جود

>>اخاف اقول اسمه امن تبصم بالعشر انه لنا

الموهيم ان امي قالت وشولووه يابعدي خل نزينه بيتنا يالله لك الحمد كلش موجود بس قومي ساعدين

وبالفعل قامت وقرصت >>ماصورته كنت محوحيه على النت

اليكم الترييقه بالتفاصيل

قرصان يربص بحليب

زبده قالب كبير مقشود

تمر اخلااص استخدمت الكيسه الصغيره كله مشيول منه العبس

فلفل للزينه


طبعا زي ماقلت القرصان مربص بحليب ومصبوب عليه زبده



يفرم كل من القرصان والتمر بالفرامه



ولا خلصنا من فرمه

تجمعه بقدر ونشب عليه نار هاديه ونقلب فيه مع شويه زبده



وبس

ونقدمه بأي شكل تحبون والبااقي يدخل للثلاجه ولا بغيتو احموووه بالميكرويف>>صيده انه اسهل شي بالعالم






وبالهناء والعافيه علي

[مويه بارد!]

دااااااااااااانبي هذااااااااااااا شيء خورافي
هذااااااااااا شيء مؤؤؤؤؤؤؤؤؤلم
هذاااااااااا شيء إجرااااااااااام
فتااااااااااااااااااااااااااااااك
ماشاء الله ماشاء الله
ياانا خاقن على شغل امتس الله يحفظه لكم يارب
فنااااااااااااااااانه ماشاء الله
يكفي جريشه ذا الى يومتس كل ماشفت جريش
قلت والله لو انه جريش ام دانبي

انا اموووت على الحنيني..ولاعمري ذقت احد يضبطه
الا المرحومه الله يجعله للجنة البارده ومن عقبه
استوى عندي الطعم واحد

سلمت يديتس ياخالة..عسى ربي يخليتس لعييلتس يارب

[ليالي]

يسلمو عليه

متى يصل ترى فاتحه البريد عندي

[كنون!]

.
مآشآءآلله تسلم يدين آلمآمآ

[تميمية]

ماشالله
ماشالله

تسلم إدياتكم يارب

ويخلي لكم أميمتس ياكريم ..

[الصمت]

الله يعطي اميمتس العافيه

والله يحرمه من النار

على ها الحنيني الي جاء بوقته

[ذكرى]

ماشاء الله يشهوي ...
ماتكزون لنا ...

[جــــــود]

نيهههههااي
تعجبن امتس
هذا الشغل البيتي والابلاش ماشاء الله تبارك الله ربي يحفظه ويطول بعمره <<مطخه على رويس اميمتس
لي اسبوع اقول لامي خلينا نسوى حنيني تقول مب سهل ويبيله شغل القرص اسرع واطعم
<<ماهتوت ام صالح

اي فاقولتس وشرايتس تبيعين الصحن علينا ب25
وتسمونه حلويات دانبي وهانبي <<ماتجئ مع هيكارو

وصحه وعافيه على قلوبكم
ولتس احلى تميز لان بصراحه التصوير والشغل نظيف ميه ميه


وذي ختم ثاني لان حبر الاوله قاضي

[هيكارو]

دااااااااااااانبي هذااااااااااااا شيء خورافي
هذااااااااااا شيء مؤؤؤؤؤؤؤؤؤلم
هذاااااااااا شيء إجرااااااااااام
فتااااااااااااااااااااااااااااااك
ماشاء الله ماشاء الله

كل ذا على حنيني شكل لك دهر مااكلته

بحالتك ذي ينفع نكز لك بحافظه قسم ان ناخذ اجرك واجر جيرانكم

ياانا خاقن على شغل امتس الله يحفظه لكم يارب
فنااااااااااااااااانه ماشاء الله
يكفي جريشه ذا الى يومتس كل ماشفت جريش
قلت والله لو انه جريش ام دانبي

امي قرت هالمقطع وكرته ضحك وقالت :

اييييه بس يالتسذوووب اقطع واخس

انا اموووت على الحنيني..ولاعمري ذقت احد يضبطه
الا المرحومه الله يجعله للجنة البارده ومن عقبه
استوى عندي الطعم واحد

الله يرحمه ويجعله بجنات النعيم

بصراحه قليل اللي يضبطونه

لكن لو تذوق حق امي كاان يرجع لك نفس الطعم اللي انت فاقده

مهب مدح بأميمتي لا جد مضبوط طعمه وحلاه

سلمت يديتس ياخالة..عسى ربي يخليتس لعييلتس يارب

الله يسلمك ياوليدي من كل شر

حياك ربي

[هيكارو]

يسلمو عليه

متى يصل ترى فاتحه البريد عندي

ههههههههههههههههههه

لا لا ذا ماينفع معه بريد يتكب كب ويملي بريدتس

حياتس ربي

[هيكارو]

مآشآءآلله تسلم يدين آلمآمآ

الله يسلمتس من كل شر ميرسي اوي

ماشالله
ماشالله

تسلم إدياتكم يارب

ويخلي لكم أميمتس ياكريم ..

الله يسلمتس من كل شر هذا بعض مما عندكم

الف شر لتس

حياتس ربي

[نونا!]

ماشاء الله .. شكلوه مره مشهي مع اني ما اكله كثير دسم
حلو لوحطيتي شوية هيل
تسلم يدياتس ويديات اميمتس يارب..

[نوار]

عوافي عليكم
يا اني حبيت امك الله يسلمها
ماعمري ذقت الحنيني شكلي بسوية

[ليالي]

هيكارو

نسيت الله يحفظ امك

وسلميلي عليه وقوليله

ليالي تقول تسلم ايديك

[هيكارو]

الله يعطي اميمتس العافيه

والله يحرمه من النار

على ها الحنيني الي جاء بوقته

آآآمييين

الله يجزاتس خير ايه والله انه وقته ونص مع القهيووه يطلع شياات

حياتس ربي

ماشاء الله يشهوي ...
ماتكزون لنا ...

اكز لكم !! الا انا اللي اكززز لكم

انتي آآآمري بس

اكززز لحي الرياان كلووو

حياتس ربي

[فجر]

وش بلاكم وش جايكم اليوم السمنة شغالة
كل مادخلت موضوع قالوا حطي سمنه ريحتكم فاحت

هيكو قولي امين الله يخلي لك الوالدة ويمد بعمره على عمل صالح
ويرزقها الفردوس الاعلى ويجمعنا بها في جنة عرضها السموات والارض
ويوسع لها قبرها ويجعله روضة من رياض الجنة سلمي لي عليه حبيته

[لووك جديد]

ماشاء الله تبارك الله
الله يحفظ لكم اميمتس ويرزقه جنات النعيم يارب

الحنيني مبطي ماذقته من تالي مايعجبن مادري وراه !!

يمال العافية هيكووووو

[أشجان]

مشاء الله شكله مظبووط

اجرام هالصوره اليوم مشتهيته وفلت لامي نبي حنيني بس ما عطنن وجه
وبعد الحين جوعانه

يمال الي منيب قايله ياهالشتا الواحد ما يمديه ياكل الا ويجوع



تسلم ايدينك وايدين امك

[رؤوف الغطريفي]

ماشاء الله تبار ك الله


الله يخليكم لبعض

[كلورا]

ماحبيته هالحنيني انا الاكل اللي يخبصونه كذا مااحبه

بالعافيه عليكم

ويسلم ديات الماما