مطبخ القصيميات

[فجر]

هلا بالجميع وهلا أكثر بالعطلة وطلتها بس للأسف
مايمدينا نفرح فيها إلا مخلصه 00

بالعطلة يتفرغ الإنسان أكثر ويروق أكثر وأكثر

ويصير فيه فرصة يسوي الأشياء الي يحبها ولا الي
من زمان كان ناوي يسويها لكن ظروف العمل والدراسة
مشغلته 00
باختصار هالموضوع مساحة حرة لطبخاتكم في العطلة

باختلاف صعوبتها أو بساطتها يعني وش سويتيه بالمطبخ من كوب شاهي لذبيحة حتى نستفيد من بعض وما راح تكون الإستفادة إلا عن طريق الصور فلا تحرمينا صور طبخاتك إلي سويتيها بها العطلة

ننتظر طبخاتكم ولو نبذة بسيطة عن طريقة إعدادها

[أشجان]

حتى لو صوص الشبس

يمال العافيه على هالموضوع

[™ЯΘΘnA]

احلاااا طبخات

يله اطبخووو وانا راح أكل

[فجر]

راح ابدا انا هذا غدانا أمس رز ابيض بيشاور رزي المفضل
وانصحكم برز ابو شماغ بشاور يعجبني كثير مع سمك فليه بالخضار
الرز مسلوق وكشنت له بشوي بصل وكم حبة هيل ورق غار وكمون
وشوي زيت زيتون
اما الفليه والخضار تبلتها 3 ساعات ببهارات مشكلة الموجود عندك
بس اهم شي الكركم بها الطبخة حطيت ملعقتين كبار تقريبا وثوم وخل
الفليه تتبيلته بالحال والخضار بالحال بعدها سلقت الخضار بشوي موية
تقريبا نص كاس ماء وخليتها تتسبك على نار هادية جدا ً وبين وقت والثاني
قلبيها واذا احتاجت شوي مويه اضيفي لها تقريبا جلست ساعة لحد مانضجت
وغطيها بقصدير قبل الغطاء علشان تنضج بسرعة وتتسبك مضبوط لما تنضج
اضيفها للسمك الي سويته بنفس طريقة الخضار بس بدون مويه بس خليته تقريباً
عشر دقايق مو زي الخضار تاخذ وقت بعدها خلطت الاثنين مع بعض ودخلتهم الفرن
لمدة ربع ساعة وبالهنا والعافية

[فجر]

صينية حلا سويتها لأمي بتسير على صديقتها وبتاخذ قهوتها معها

[فجر]

هذي كم حبة من نفس الحلى لي انا واختي




هذا صورته من جوى بعد ماقضينا عليه

[ذكرى]

وشي ذي يابعدي ؟
كب كيك والا عجينه والا وشي ؟



موضوع اكه

[تميمية]

موضوع رهيب يافجر

تصدقين كنت بقول نفس الفكرة اننا ساعات مانصور

كل الطبخة بالتفصيل اقل شي نحط صورته واللي تعجبه

نكتب له مقاديرة زي سالفتنا برمضان يعني





وهالشي الأليم وشوووو شكلة محشي شوكولاتة صح ..؟

[هيكارو]

ماشاء الله موضوع كذاا

ليتس مبكره اليوم مسوين فطاير اشكل وانوااع تسان مصورتهن


اماا الحلااا شي بالله الطريقه لا هنتي

[نونا!]

هذا غداي في يوم من ايام الدوام صورته بنزله لموضوع يومياتكم بس ما اعجبني التصوير وبلطه هنا بموضوعتس يافجر ..

رز ابيض وقطعة دجاجه وسوتيه خضار


هذي السلطه اهم شي بالدنيا مافيه سلطه خضراء ما اتغدا ابدا

[جلنار]

اهلين فجر ...
طبق السمك شكلة رهيب .... بس شكلتس ماوضحتي الطريقة ..كيف الخضار تطبخ ساعة همن ربع ساعة بالفرن
<< صارت ذبيحة ..

وحلى الكب كيك ..رهيب يعجبني سريع ..عندي صورة له ..ابشوف الحين اذا قدرت احملها حطيتها بالموضوع ..

[نونا!]

هذا حلى الفقع زي ماسمته ام مشعل ونفس الطريقه بعد اذا سويته دقيت على بنات اختي يجون يتقهون معنا >> تقولون ذبيحه

[نونا!]

اليييييييييييييييم هالطبق خاصه اللي بالحواف

[مويه بارد!]

^
^
نونا ذا حلى كليجا الله يعظم اجرتس
وش جابه للفقع؟


بنت آخي انتي
موضوع رائع جداً
اشين شيء تخش جو
وتناظر وانت ماتاكل



هذي خطيرة بقووووة ماشاء الله تبارك الله
حسيت نفسي بكريباوي




بشاور وسمك وخضار ياحبيبي
اشتهيته الله يآخذتس للجنة
بس مادري ليه حسيت هالصحن
تقل لعبة البرزان بالملاهي اللي تدور
خاصتن ان البطه اللي بالنص مطبقه الدور صح

سملت يدينك ولامسهن النار وونتظر باقي الطبخات
من بعض الناس<<مايقصد الجريش من ذكرى قريح

[F o F a]

حلو موضوعتس فجر ..
ليتي قآريتوه قبل
تسآن صوّرت لتس برآبيسي آليوم

[نونا!]

المشاركة الأصلية كتبت بواسطة مويه بارد!

^
^
نونا ذا حلى كليجا الله يعظم اجرتس
وش جابه للفقع؟

يخي هم مسمينه فقع .. اول مره اسمع فيه من ام مشعل بس نفس الطريقه بالضبط حنا مانسميه شي ..
خلاص بسميه انا حلا الكليجا انت وخشك
>>بس يحطم

[فجر]

اشجان هلا وغلا
تعالي لو حتى بكاس ماء وعليه كم قطعة ثلج
حنا نقوى نحمد ربنا انك طليتي علينا

[مويه بارد!]

المشاركة الأصلية كتبت بواسطة نونا!

يخي هم مسمينه فقع .. اول مره اسمع فيه من ام مشعل بس نفس الطريقه بالضبط حنا مانسميه شي ..
خلاص بسميه انا حلا الكليجا انت وخشك
>>بس يحطم

قسم مااحطم صح المقادير مقادير فقع
بس طلعت كليجا..وانا احب الكليجا اكثر<<يسمع برفع المعنويات

[نونا!]

هذا عشا سواه المطعم بالرياض قالري انا وخبلتين معي >> الا غصب تنزل صور
امون ع فجر

[فجر]

عذوبة اهلين حبوبتي
وش حنا نطبخ وانتي تاكلين ماعلينا منك جيبي طبخك
قلنا اي شي لو خفيف هاتيه ولطيه لنا هنا