محل تصوير نسائي ثقه بشرق الرياض ؟؟؟

[رايقة]

تعرفون محل ثقه

وحده قالتيلي كتاليا بالقدس بس مدري وينه فيه ؟؟

هلب مي بليز

[حايمتن تسبده]

أتذكر بشارع عنيزه من جهة الريان فيه محل تصوير نسائي بس خايس مب حلوو
إذا كنتي بتصورين فيه للجواز..

بس ما أعتقد فيه محل تصوير ثقه

[رايقة]

هلا حايمه لا مابي خايس ابي شئ زين

شكرا لك

[ديقش]

الغرض من التصوير
حكومي - شخصي - اطفال

[رايقة]

اهلا اخوي دقيش
للجواز فقط

[ديقش]

اي محل يفي بالغرض
اهم شي خلفية بيضاء
من جهه الثقة
يمكن بعض المحلات تمسح الصور بعد الطباعه
اسئليهم قبل التصوير . ومري اكثر من محل لتعرفي النظام السائد بمحلات التصوير .

موفقة اختي

[رايقة]

شكرا لك ديقيش بس ماظنتى بروح لاي محل بدور محل نسائي اريح نفسيا

[ديقش]

العفو اختي
انا قصدي اي محل نسائي
وسيمائهم على وجههم

[تميمية]

أنا صورت بـ ساما ..

شرق الرياض مااعرف أماكن فية كثير

عموماً أكدي عليهم أنتِ بمسح الصورة عقب ..

الله يسهل لك يارب

[رؤوف الغطريفي]

جود
وشلون ثقة !!

الصورة بتتنقل من مكتب لمكتب بالجوازات
والمنافذ والفنادق والشقق المفروشة

ليه الخوف وش بيصير يعني
اعتقد موضوع الصورة والخوف من تسربها

تجاوزنها من اكثر من سبع سنوات

صوري ولا اهنا الا العافية

[شهد الأيام]

اذا انتي تبينها لجواز مايحتاج لشي زين ,,خوذيلك اي حاقة ,,

بس سالفة ثقة الله يستر ..انا اذا اضطريت اصور اروح لحليمة الي كان أمل قبل..

مكانة في شارع احمد بن حنبل في الريان ,,

لانه قديم من زمان لو احتجنا رحنا له.. وصديقاتي من زمان فيه <<يعني خلاص صار ثقة

لا الجد مادري انا قبل لاادخل اقعد اقرأ الاذكار واخاف كاني مسوية جريمة

تدرين ليه لان الي فيه تصور توحش لاتحاكينها نفسها بخشمها ماتبي احد يناقش تعصب <اظنها ارتيريه

اخر مرة يوم اصور صورةشخصية ولازم مايتغير شي بملامحك طبعا المهم انها صرخت علي لايميل حاجبك وافمك

[ذكرى]

محلات ابو هنود اللي بالشارع .. ياشيخه متحجبه واشكالنا بالحجاب يالله لك الحمد
مير اللي يشوفك بالحجاب مب عارفك ...

ومن ناحيه الثقه روحي لاضواء معروف ومشهور

[شهد الأيام]

8
زوجة اخوي تصور عند ابو هنود ..بس مهما كان صح انه بتنقل بعدين بين مكاتب ,,

بس احس فرق لو اني متعنية ورايحة للهندي وفيه بـديل ,,

[رايقة]

ابشركم صورت وطلعت الصوره

كله فلاش ......111

الله يهديهم المحل اللي ابي مقفلين اليوم الجمعه اضطريت اروح لمحل عادي ع السريع

عجزت اكائد عليه تمسح الصوره استحيت خفت تقبع بوجهي تقول وشرايك يعنى مافيه ثقه

همن قلت بنفسي يالله يابنت الحلال هو وجهي اللي طالع ماتفرق الحين مب زي اول الله يخلف بس

شكر لكم جميعا

[رايقة]

لا والله معصى ابوهند يتمقل وجهي

بقريح حقين الجوزات اصلا الصوره مارح تبين مثل الطبيعه

[خطاب]

يا جماعة الخير

الموضوع بسيط جدا والله

لي أكثر من مدري كم سنة ماني ذاكر متى أخر مرة

رحت فيها لإستديوا لصورة شخصية

قسم بالله

صورت نفسي بالبيت لكل هالشغلات :

الجواز

الرخصة

بطاقة العمل

شهاداتي

تأشيرة الفيز للدول اللي رحت لها ومنها برغم شروط الفيزا المعقدة بالصور

ترى رأس مالها

كمرا ديجتال وحامل وصلى الله وبارك

بتقولين ماعندي كمرا

طيب مادام الصورة للجواز أكيد إنكم تبون تسافرون

ومادام إنكم تبون تسافرون

أكيد عندكم نيه تصورون

ومادام تبون تصورون

أكييييييييد راح تشرون كمرا

\\\\ ياخوفي تقولين راح اصور بالجوال


لذلك إشري كمرا لصورة الجواز وخليها كمرة السفرة

بحوالي 500 ريال إلى 800

نيكون كومبلكس ولا أي كمرا المهم يكون الرزليوشن فوق 6 ميقا

بعد كذا إذا شريتي الكمرا إشري معها حامل ارخص حامل بي 50 ريال

ركبي الكمرا على الحامل

ثم شوفي أي غرفة عندكم بالبيت جدارها أبيض

\\\\\\ لا تقولين بيتنا جدرانه كلها معتقه

ثم إجلسي على كرسي وخلي واحد يوزن الكمرا على الوجه

ثم خوذي لك بدل الصورة خمسين

ولو كنتي من النوع اللي يضحك إذا صار أحد يصورة

ما عندك مشكلة إستخدمي المؤقت وصوري نفسك

بعد كذا روحي لكمبيوتر وإختاري الصورة تشوفين إنها الأفضل

ذلك الوقت إن كنتي تعرفين للفوتوشوب ولا عندك أحد قريب يعرف للفوتوشوب

عدلي وزبطي ما يحتاج بالصورة

ثم نزليها على فلاش يطلع فيها أخوك ولا زوجك

للأستديو وهو فوق راسه يدخل الفلاش بالكمبيوتر ويقول له إطبع الصورة هذي

ويطبعها من الفلاش حقك ماهو من الكمبيوتر حقه

وإذا لا أنت ولا أحد يقرب لك يعرف بالفوتوشوب


كلورا على الذمة

ما تقصر

[جلنار]

بس سالفة ثقة الله يستر ..انا اذا اضطريت اصور اروح لحليمة الي كان أمل قبل..

مكانة في شارع احمد بن حنبل في الريان ,,

..يمااي لاتقويلنة لااحد ياهو يخوفني ..
اذكر مرة سالتها ..على بالي قوية وخايفة على صوري ..< مين صاحبة المحل ؟؟
قزتني بنظرة تحدي ..وقالت : اميرة <<<يعني اسكتي لالاتتكلمين
وجهك ...لولا القرب ولا كان ماطبينا عندها...
وصورة الجواز مب مشكلة ..عاد مع الحجاب من يباخذها

[أبو أحمد]

فيه استيديو حصة ممتاز >> عشانه بالمنار بس




مشعاب ، صارت قصة حياتك ذي

[لووك جديد]

ياربي وش هالغرابيل

الله يعين

[ابو الفله]

المشاركة الأصلية كتبت بواسطة محبس

جود
وشلون ثقة !!

الصورة بتتنقل من مكتب لمكتب بالجوازات
والمنافذ والفنادق والشقق المفروشة

ليه الخوف وش بيصير يعني
اعتقد موضوع الصورة والخوف من تسربها

تجاوزنها من اكثر من سبع سنوات

صوري ولا اهنا الا العافية

والله انك كذا

لكن تعرف حريمنا.