بروستد ارهب من برست البيك..

[ذكرى]

\\
//
\\
//



المقادير..

دجاجه مقطعه 8 قطع..

نص ليمونه ونص برتقاله >>تخلط كامله بخلاط الكاس بعد ماتشيلين البذور..

بهارات بروست او اي بهارات دجاج..

ملح ..

شطه حاره حسب الرغبه..



الطريقه..


جيبي زبديه كبيرة وحطي فيها ملعقه كبير من البهارات وملح وحطي عليه كاس مويه..

حطي عليها الدجاجه المقطعه..

وبعدين صبي عليها خليط الليمون والبرتقال..

واخلطيه وغطيه ودخليه الثلاجه..

واقل شي اتركيها 6 ساعات ويفضل يوم كامل..


بعد كذا طلعيها وشيلي عنها الي لازق فيها وغطيها بدقيق واقليها..


وتمتعو بطعم لايقاوم.. :bs00:



http://www.alqosman.net/vb/uploaded/23_1182078855.jpg

[رؤوف الغطريفي]

تهقين ذي خلطة البيك

ناقص سلطة ملفوف

ماقصرتي لميس الله يبارك بهالعطلة

كل شوي موضوع وكل موضوع يختلف
عن الثاني 0000

[ذكرى]

محبس..

الطريقه ماخذتخا من طباخ سوري متخصص بس بالبروستد ..>>سقى الله ايام سوريا.. :D

وجربتها واهلي انهبلو عليها ..


طلع احسن من البيك بعد >>ايه هين..

[njl__o]

شوفي يالميس

بما إن خطتنا بالعطله هذي نبي نقضيها بالإستراحه لأنه صار فيه خطاء بالحجوزات وقالوا لنا بدال رحلتكم لتايلند نبي نوديكم للنمساء

أنا قلت لامعصي إلا أقعد بالرس أبرك لي وأروح أشري ورقه إستعداد للعطله عشان البلوت

قررت الآتي :- إني أجرب خلطتك ذي بس وش نوع الدجاج اللي تنصحين به وكم مقاسه

متعود على أبو 1400 أرخص لهم

[حب رمان]

شكله تجنن يالميس ان شاءالله ابسويه واقولك وشلون طلعت

[ذكرى]

مازن ..

مافي مشكله اي نوع..

الظاهر حقنا الرضويه >>>هو به شي اسمه الرضويه..

على العموم حنا نجيب مبرد صحون مقطعه..

مايضر اي نوع >>توهقت..

[ذكرى]

حب الرمان..

انتظر تجربتك..

[رؤوف الغطريفي]

الله يرحمك يا شجاع الدين

ملك البروستد في بريدة كان صبي عند معلم سوري
اول محل يفتح بروستد في بريدة

ودارت الايام وسافر السوري وصار شجاع الدين
هو المعلم وعنده كم صبي

وفجأة
يجي واحد من هالشباب ويطلب بطاطس
بخسمة ريال ومن سوء الحظ طلع المعلم
شجاع يوصل الطلب الشاب اول ما اخذ

كيس البطاطس داس على الجيب الربع

يبي ينحاش بدون يدفع فلوس

شجاع تعلق بالجيب يبي يمسكه

خلال ثواني كان شجاع تحت الكفرات

ومات شجاع

[مزاجيه]

يحول ياللي ماعندها البيك

وليش اتعب عمري واحوس

بعشرة ريال بروست يعشيني ويزيد :D


<<تحطيم الرد ههههههههههههههههههههههههههههههه

الصراحه يالميس اني اشتهيت اسويها ليش ما حطيتيها قبل اللحين؟ اقل شي يمدي الوحده تجرب اذاا احد تسمم ولا لا بس شكلي بجربها عند خوالي

[ذكرى]

محبس الجن..


الله يرحمك ياشجاع :(

قصه تحزن ..

[ذكرى]

مزاجيه..

افا عليتس اي تسمم..

انا قايلة لتس حطي صراصير محبس ..؟؟؟


سويه وكوليه وماجاتس علي >> الهجه لو جاتس شي..

[مزاجيه]

الله يرحمك ياشجاع:(:(

------

لميسوووووووووووووووووووووووووووه هذا وانتي اخصائيه تغذيه لوع الله كبد العدو جعله يصرصر على بوش الداب الاسود

الا لميس ما شفتي كتكات وهم مصورين الصرصور متبيس داخل .. بس ابعرف وش اخر شي فكّر فيه الصرصور :D

[ذكرى]

مزاجيه ..

وقسم امس اني كنت فاتحه موضوع بنزل فيه الصور بس مادري ليه هونت..

وبعدين وش به اخصائيه التغذيه..

مير على الاقل تسوي البروست بالبيت مو تروح تشتري من البيك >> منحره :D

[رؤوف الغطريفي]

لميس هي خايفه تاكل بسلامتها
انا وش دخلني انا وكابوريتي

[ذكرى]

محبس..

مجرد تشبيه ..

لاتاخذ بالك :D

[مزاجيه]

لميس انا عاد من الله ما احب الكافي ويوم شفت الصوره كرهتهم من قلبببببببببببببببببببببببببببببببببببببب

لميس اووووخيتي الغاليه ممكن تفهميني وش محور حديث هالسالفه
7
7
لميس هي خايفه تاكل بسلامتها
انا وش دخلني انا وكابوريتي
لاني حاسه ان هاء النسوه في كلمة سلامتها ترجع علي<<هو فيه هاء نسوه
----------

لي يومين ما نمت زين صايبني ارق ...:( حسبي الله على الظالم هذا وهو ما جاء الاربعاء اجل لا جاء الجد وش بسوي وااااااااااااااااااااااااااا

[ذكرى]

لايصير الاربعاء هو اليوم الموعود اللي قلتي لي .. :(

احسه قريب مرررة .. :(


عسى الله لايفرقنا..

مزمز انا اقولتس اني ماقلت >> افهميه عاد .. ايه اني ماقلت كولي صراصير محبس..


عاد هو يقول انتس انتي اذا ماودتس تذوقين البروست بسلامته >>اللي وردبه هاء النسوة

يقول وش دخله هو وصراصيره اللي هن الكابوريا..



فهمتي..

:D

[ميـــــان]

ماشاء الله عليك اثرك سنعه

بالنسبه ي ماافكر اسوي بروستد كم مره اسويه وفشلته الدجاج مايستوي
ويطير داخله دم
فوشولووووووووووه اتعب روحي اروح لاقرب برستد العقيلي ------->تقليد البيك
وعلى فكره ترا عندهم حراق للي يحبون الحار يهبببببببببببببببببببل-------->يحلفون ان هالمطعم له

[ذكرى]

ميان ..

تعوذي من ابليس..

خلي الناس يجربون طريقتي..

والله انا سويتها مرتين وطلع الدجاج مستوي ولابه دم..

جربي والله يجنن يطلع..

بس خليه يتتبل يوم كامل..

[مزاجيه]

ايه فهمت خخخخخخخخخخخ اثر ماهي بسالفه<<<تبي كف

:( ايه هو اللي اقولك أأأأخ الله لا يحرمني منكم :(

[ذكرى]

مزاجيه ضيقتي صدري..

يارب اجي عندكم بهالصيف :(

[مزاجيه]

بسم الله عليك


ان شاء الله ياااااااااااااااااااااااااااااااااااااااااارب

[أمــل]

شكلها سهله ..

يسلمو لميس ..

[ذكرى]

حنا نقول يارب :)

[ذكرى]

قمرهم ..

ياهلا فيك..

[عيون المكيف]

بعد عدة محاولات فاشله مع البروستد

خلاص اقتنعت انه ما ينوكل الا من المطاعم

لكن مره تغيرت النظره يوم سوته وحده مع العشاء

وماشاء الله ناضج وبقوووه

وقالت انه وقت التتبيل اذا طال يلين الدجاج وبسرعه يستوي

يعني مثل الشوي

عاد دام لميس ضبط معه بيضبط معنا أكيد:D:D:D:D

جاري التجريب

[صِبا]

هلا لميس ..
ورى ماذوقتيني امس منه ..
شكله مشهي ..
الله يعطيك العافيه

[ذكرى]

عيون..

وش قصدتس يالرفلا..

ترى لعلمتس انا اطلق طباخه ب ماابين لكم مهاراتي :D

انتظر تجربتس يالسنعه وخلي عنتس المطاعم..

[ذكرى]

اضواء..

خلص قبل ماادخل النت >>تصرف.. :D

[لووك جديد]

لموووسه

طريقتي اتبله من الليل واقليه بكرى بس سالفة البرتقال ماخشت مزاجي !!!

مايصير به نكهة برتقال ؟؟؟

والله يعطيكِ العافية على الطريقة


محبس

وشوله تذكرن بسالفة راعي البروست ضيقت صدري الله يهديك :( :(

ياما اكلنا منه يالله من فضلك

تصدق من عقبه ماذقت بروست عليه القيمه

الله يرحمه ويغفر له ياااارب :(

[مويه بارد!]

لميس

ماتسن الصورة من محل البروستد اللي بشارع احمد بن حنبل
اللي بجنب حلويات الحمراء؟:spy:

الصراحة بجربه ..
بس وشوله الغثاء والروايح
عندنا بالرياض فيه الافندي:a194:
تصدقين احبه اكثر من البيك
البيك الحين خرب وصار صنقه ريحته:c001:

يعطيك العافية


محبس
تصدق سمعت بقصة هالبنغالي
هو اللي يتكلم قصمنجي كوح.؟:bs03:

[ذكرى]

لوك..

حتى انا ماخشت ..

هي مهب لازم تخش اهم شي يضبط :D

انا اتبله من الليل او من الصبح واقليه الليل تطلع بالراس..

[ذكرى]

مويه..

وقسم وقسم وقسم انه تصليح بيتنا..

بعدين الجاهز ذبحنا..

ماندري هو منقلي بأي زيت..

على الاقل شغل البيك اضمن قصدي شغل البيت.. :D

[أسيف]

ماشاءالله ست بيت صرتي ماشاءالله عليك
تخرجتي عاد وفضيتي توجهي للمطبخ وتعلمي الطبخ
تسلللللللللللللللللم يدك شكله رهييييييييب

[ذكرى]

دمعه..

افا وش هالتحطيم..

تعلمي الطبخ..

ابودارتس انا احسن طباخه بالحته حقتنا كووولها..


تسلمين دموعه..

[بنت الشيحية]

تسلمين على الطريقه وان شاء الله اجربها

لكن لايمكن الثوم مايدخل فيها مومعقوله السوري ماقلتك ثوم يمكن سقط منتس سهوا

والي يبون الدجاج يستوي نقعوه على الأقل ساعه بخل والأفضل مثل ماقلت لوك تبلوه قبل

بيون وغرقوه باالزيت الزيتون وقسم بالله يصير كنه فش فاش:bs00:


اما سالفه محبس الجن فعلا تضيق الصدر سبحان الله مكتوبه منيته بس وش حاده يتعلق

عشان 5ريال بقريح:bs33:

[الصمت]

والله طبخة شىء


مشكورة
شكلى هالحين احط الخلطة على الدجاج


علشان تزين على مايجى الليل

وبعدين انتعشى وان تسانة زينة ابدعيلتس

وان كان مهب زينة ابدعى عليتس هههههههه

[ذكرى]

بنت الشيحيه..

انا جربته من غير ثوم..

وطلع ماهنا شي يسوى..

سالته عن الثوم بس قال لاتحطين ..

غريبه صح..!!

[ذكرى]

قصيميه مغتربه..

لا ان شاء الله بتدعين لي..

بس اذا سويته ورينا تطبيقتس..

[جلنار]

احلىىىى وش هالسنع ....\
ابجربها ان شالله...

[ذكرى]

جلنار..

السنع ماخوذ مني :D

انتظر تجربتك

[البسمة الخجولة]

شكرا لميس بس وش رايك تسوينها لنا
علشان نذوقها من يدينك <<وحده عجازه

[ذكرى]

البسمه الخجوله..

واخزياه..!!

فسري ذرعانتس وشمري عن ساعديتس وطسي للمطبخ ورينا ابداعتس..

[البسمة الخجولة]

لميس احس اني تفشلت
خلاص ان شاء الله ابحاول اسويها وان شاء الله تضبط

[رسـّــــاوي]

البروست ..

أكلة لذيذة بس يعيبه انه مقلية


اللي يواجهون مشكلة الدم .. فيه طريقة حلوة .. وهي ان الدجاجة تسلق نص سلق .. وبعد ذلك توضع عليها الخلطة وتقلى ..

وكذا تطلع ممتازة جدا :)


تحياتي وتقديري

[ذكرى]

البسمه ..

انتظر تطبيقك.. :D

[ذكرى]

رساوي..

الحل اللي قدمته ممكن يأثر على الطعم..

لان السلق بيخليه يقفد الكثير من النكهه..

في حل ثااني..

انك تقليه وااذا خلصت تحطه بصينيه تيفال وتغطيه بقصدير وتتركه بالفرن ..

[فراشة الالماس]

http://www.lakii.com/vb/smile/1_16.gif (http://www.lakii.com/vb/uploader/smilies.php)

[ذكرى]

فراشه ..

شكلتس ناسيه تكتبين رد .. :D

[بنت عنيزه 2007]

لموسه مشكوره .................



جاري التنفيذ ............

[ذكرى]

بنت عنيزه ..

انتظر تطبيقك..