تزويد وقت التعديل في الموضوعات

[ديقش]

الاخوة في ادارة المنتدى

وقت تعديل المشاركة 30 دقيقة وهذا يسمح بكثرة الاخطاء وعدم تعديلها . واحياناً تلافي سوء الفهم .
اقترح تزويد فترة التعديل 3 ساعات . ليصبح كا غيرة من المنتديات
علماً بأن بعض المنتديات يصل فترة التعديل الى 12 ساعة واخرى يوم كامل .

مع الشكر

[عاشق الذكريات]

أضم صوتي لصوتك .. ديقش

[Abu Ali]

مشرفنا العزيز

وضعت موضوع عندكم بالقسم

بعنوان مسامحك يا خبي والصحيح مسامحك يا خلي

خابر الباء حول اللام بالكيبورد والشوف شجر

أرجو تغيير العنوان إلى التالي

I forgive you my friend - مسامحك يا خلي

الله يخليك ذخر للمنتدى وأعضاءه :bs27:




مؤيد وبقوة للعزيز ديقش

وما رأيتموه في الاقتباس أعلاه آخر رسالة طلب تعديل أرسلت من قبلي << ويا كثر الطلبات

الشيبان اللي مثلنا يحتاجون وقت أطول

[ميـــــان]

ايه والله ياليت تطول الفتره

[صِبا]

مؤيده ....

[رسـّــــاوي]

متابعين ..:)

[سارة]

*

ياليت..يطولون وقت التعديل..

ياليت

ياليت

شكرا..لصاحب الفكرة..

[الناسي]

بالفعل ... الوقت المحدد قصير جداً ..

لا أقل من ثلاث ساعات كما ذكر أخي ديقش ..

خصوصاً وأنه يتم إيضاح ذلك أسفل المشاركة ...

شكرا لك ديقش ..

[أمــل]

..
معارضة ..

[لووك جديد]

هااااه وش عندكم ياللي مؤيدين

قط ناوين تخربونه بالردود وبعده تعدلون على كيفكم << اعترفووووووو :bs27:

او انكم سلاحف النينجا << قصدي بطيئين ولاتركزون بالحيل :bs27:

عاد انا لا مؤيده ولامعارضه اللي تشوفونه كويس اعملو به :bs27:

[Abu Ali]

يا حبيلك يا رساوي :)

أجل متابعين أثركم كثير يا رساوي وأنا مدري



واللي معارضين ليش؟؟؟

[السامر]

فكره جميله

ومازلنا متابعين

<<< يبي يقهر راعي الظهران

[بريداوي أصيل]

متابعين :) ...




<<<< يعني اني مشرف واحل واربط ككككككككككككككـ ...




...

[Abu Ali]

أقول

ترى بدا يرتفع ضغطي صحيح

:bs25:

ما بقى إلا طراد!!!!!

يجي ويقول متابعين

:bs67:

[طراد]

متابعين:bs27:

[بريداوي أصيل]

.
.
على فكرة

اعتقد انه خطأ قولة متابعين ... الصح متابعون :) ...

لانه فاعل مرفوع وعلامة رفعه واو الجماعة لانه جمع مذكر سالم :) ...

طراد وش رايك نجيب فشار وعصير :D ...
<<<< لاننا متابعون ككككككككككككـ


...

[كلورا]

متابعين :D




وش معنى اللي فوقي يقولونها :D

[رسـّــــاوي]

أنت يا عساااك سالم :)


نحن ما كنا نكتب الفصحى حتى تأتينا بهذه الفلسفة الإعرابية .. بل كنا نكتب بالعامية


وعلى فكرة .. قولك فاعل .. خطأ ..

هي فعلاً مرفوعة كما ذكرت

ولكن ليست فاعل


راجع وصحح أقوالك


ورجاءً .. لا تحاول أن تصبح مدققاً لغوياً .. فالذي بيته من زجاج لا يرمي الناس بالحجر


<<< ما رأيك بالرد الناري


لقد أحرقتك يا رجل

لا تحاول المراوغة

[سيف بن زايد]

ابد ... :D



لا احل و لا اربط ..
بس جايب العصير و الفشار لبريداوي و طراد :D

[بريداوي أصيل]

.
.
رساوي متابعون اي فاعل او مبتدأ او جمع مذكر بطريق ونوارس وقواقع بحر :D ...

واااااااااوك رساوي ... تراي معكم قايلن متابعين بالاول ... تيك ات إيزي ...

وبعد قايلن اعتقد ;) يعني ماتوقعت تبي تصير مناظرة ...

من تالي بالقصماااان كود ماتقول شيء ياكافي ... على طوووول ينطون بحلقك ...

الهجتووووو <<<< فاعل مرفوع بالجيم تقديره ضمير مستتر هو سيف بن زايد الشمقمقي هههههههههههه


ياسيفووو اعطيني الفيشارووو ونادووو طرادوووو ...
حتى ناكلووو العصيرووو ونشربوووو الفيشاروووو :D ...


سيف اسكت احسن لك لايجيك رشق :D
القصمان من تالي صايرين حرك تبلش :) ...




...

[سيف بن زايد]

.

ياسيفووو اعطيني الفيشارووو ونادووو طرادوووو ...
حتى ناكلووو العصيرووو ونشربوووو الفيشاروووو :D ...

...

و لا يهمك يا الأصيلوووو من رد رساوي الحارقووووو ...:D
متابعٌ متابعوووووو .. كلووووو يمشي حالهووووووو ... :D



لا نحركوووو و لا نبلشوووو .. و دوك استلم الطلبوووو :D

http://members.aol.com/KiteCD/images/popcorn.jpg

[رسـّــــاوي]

اقول أنت واياه ..

اعقلوا خلونا في صلب الموضوع


تحياتوووو

<< لقم معكم بآخر شي

[ام الهنوف]

فعلا نص ساعه مهيب شي ابد
احيانا اكتب الرد ويالله تفتح معي الصفحه
ثم اتصفح موضوع اخر
ثم ارجع اقرأ ردي وتكون علي غلطات كثيره تقل بزر في اولى ابتدائي
وإلا بغيت اعدل يقول ضفي وجهتس
وش دعوه حاطين لنا نص ساعه
<<< مهبل بها مجنونها بكثر التطنز على حدى الردود :(
المفروض على الأقل 5 ساعات كحد أدنى
ودامكم متابعين والمؤيدين واجد وش تحترون
ترى الدعوه ضغطه زر
بس لا يضغطه ياسر عشان ما يجيب لكم العيد

[Abu Ali]

نيابة عن

بقية المراقبين

والمشرفين

والمستشارين

والـ VIP

ومن بعد؟؟

متابعين :)

ولا أشوف واحدن يختل هنيا

يقول متابعين ولا متابعون ولا متابعان

اللي عنده راي ولا يقلب الصفحه!!

[ديقش]

ياحبكم لسواليف والهذرة
كن ما فية مجلس للسواليف
اخخخخخخخخخخخخخ
حتى مكان التوقيع تسولفون فيه

اقترح ان الادارة تفتح مجلس السواليف 2
علشان يغطي الفائض من السواليف ويسع
للحشود الي مع الخيل ياشقراء

وش صار على اصل الموضوع تبون
تعدلون الوقت ولا تحترون الاعضاء كلهم
يجون هنا ويسولفون >> شكلي متحمس صح

[Abu Ali]

^^^^^^^^^^^^

أنا لا تعدن منهم يا ديقش

حاولت أفزع لك

بس ماش

متابعين :)

[برجس]

متابعيش << على وزن ديقش :D

انا اعارض هالاقتراح وبقوووه
تقولي ليش ياديقش
اقولك ..

الله يسلمك مهب انت اللي توجهنا وتعلمنا بالتقنيه وبامور الاوقات المناسبه للردود والتعقيبات
هذا شيء ..
الشيء التو << يعني الشي الثاني بس ابلخمك اني اهرج انقلش :D
هو ان الوقت كافي جداً ومناسب
واللي يبي يكتب رد او تعقيب يتركد الله يصلحه ويشوف وشو هو عليه
ترى الدعوى مهب ملاحق وطردي اينا اللي يسبق ؟!!
انت توحي ياديقش؟
اكيد توحي :)

والواثق من نفسه ومن هرجه وكلامه واسلوبه يبي يكتب اللي يبي بدقيقه
ومهب معدله او مغيره لين تقوم الساعه <<< الله من المبالغه بهالراس تسني داري :D

وأنا - واعوذ بالله من كلمة أنا - ومن منصبي الاستشاري هذا
ارفض اقتراحك جملة وتفصيلا
وابستخدم كافة صلاحياتي الممنوحه لي واللي مابعد منحت من اجل افشال هذا الاقتراح
والوقوف في اقراره في المنتدى
وعناد لك ابنزل موضوع الغاء خاصية الردود والتعقيبات
يعني نصير طرمان :)
نقرأ بس ونعض على شحمه
همن كل واحد يقضب البويب ويروح لاهله
<<< الله يخلف على الديموقراطيه والشورى اللي تعرفهن :c004:

:D:D
:D

[حلم العالم]

8
8

أهب مآقد شفت له رد أقل من 10 سطور :D

[رساوية]

^
^
^
عز الله ان الرجال صار أطرم

[برجس]

8
8

أهب مآقد شفت له رد أقل من 10 سطور :D
آآآآه ياصفاقي
آآآه يا أصابعي
اذكر الله وأتفل ياحلم القايله :bs43:

ترى ان جان شيء ياجماعه فهو من حلم
عطن يوزرك خل اغسلوه واشرب ماووه واكب الباقي على يوزري

:D:D
:D

[Abu Ali]

وأنا - واعوذ بالله من كلمة أنا - ومن منصبي الاستشاري هذا
ارفض اقتراحك جملة وتفصيلا
وابستخدم كافة صلاحياتي الممنوحه لي واللي مابعد منحت من اجل افشال هذا الاقتراح
والوقوف في اقراره في المنتدى
وعناد لك ابنزل موضوع الغاء خاصية الردود والتعقيبات
يعني نصير طرمان :)
نقرأ بس ونعض على شحمه
همن كل واحد يقضب البويب ويروح لاهله


:D:D
:D


أقول ديقش

تطمن الآن

اقتراحك سيؤخذ بعين الاعتبار

وسيطبق في القريب العاجل

دام إن هذا راعي البشت الأخضر (برجس كنج)

يقول باستخدم صلاحياتي

هههههههه

أنت و :D << = خشك

عندك صلاحيات

احمد ربك ما شطبك رساوي من المنتدى بس

قال صلاحيات قال


تحياتي لك ديقش

[برجس]

أقول ديقش

تطمن الآن

اقتراحك سيؤخذ بعين الاعتبار

وسيطبق في القريب العاجل

دام إن هذا راعي البشت الأخضر (برجس كنج)

يقول باستخدم صلاحياتي

هههههههه

أنت و :D << = خشك

عندك صلاحيات

احمد ربك ما شطبك رساوي من المنتدى بس

قال صلاحيات قال


تحياتي لك ديقش

تكلمني انت يالاخو؟!!
<< يناظرك بكبرياء وغطرسه وغرور :D

:D:D
:D

[ديقش]

سواليف × سواليف
برجس ياكثر قرقك
شكلك عندك كرتون اقلام
بعدين الموضوع مهب استفتاء جاي انت ووجهك تقول انا اعارض بشدة .
كل الموضوع ان المدة قصيرة يبيلها تطويل .

الادارة ماردت الى الحين
نعم - لا
خلونا نقفل الموضوع

[رسـّــــاوي]

السلام عليكم ..

الإعدادت حاليا كما يلي ..


1. وقت تحرير العنوان: 5 دقائق
2. وقت تحرير الموضوع: 30 دقيقية


بعد مناقشة الأمر بين المشرفين وأعضاء المجلس الاستشاري .. كان رأي الأغلبية على بقاء وقت تحرير المواضيع كما هو (30 دقيقة ) وزيادة وقت تعديل العنوان إلى 15 دقيقة.


شكرا للجميع هنا

وتحية لك أخي ديقش

[ديقش]

مشكور
رساوي
لتوضيح الامر وانهاء الجدل
ولكن اعتقد ان الوقت لازال قصيرجداً

تحياتي لك
وللجنة المجتمعه

[Abu Ali]

السلام عليكم ..

الإعدادت حاليا كما يلي ..


1. وقت تحرير العنوان: 5 دقائق
2. وقت تحرير الموضوع: 30 دقيقية


بعد مناقشة الأمر بين المشرفين وأعضاء المجلس الاستشاري .. كان رأي الأغلبية على بقاء وقت تحرير المواضيع كما هو (30 دقيقة ) وزيادة وقت تعديل العنوان إلى 15 دقيقة.


شكرا للجميع هنا

وتحية لك أخي ديقش




والله المقعطه

تقل دافعين شي من جيوبكم

ترى الدعوه دقايق

مهب دراهم

وبعدين عسى ما تكلفتوا

مشورات 6 أسابيع علشان

10 دقايق زيادة بتحرير العنوان

وعقب الـ 15 دقيقه

الصلاحية تصير عند أحد المراقبين

حتى المشرف ما يقدر يعدل عنوان الموضوع

هههههههه

أحصد هوا وغمر ماش يا ديقش

ماش! مار علي هالأسم

[رسـّــــاوي]

ديقش ..

فيه أسباب وتجربة سابقة تأكد على ضرورة البقاء على هذا التوقيت فضلا عن أننا نرى التوقيت كافي جداً



راعي الظهران ...

كل المشرفين يملكون صلاحية تعديل العنوان

[حلم العالم]

رآعي الظهرآن دوك العصآ اضرب اللجنه الإشرآفيّة أزين؟ :mad:

لآ دوك دوك لآ تردّه؟ :mad:


الحين كل هالخبّه واللجن والعتن اللي جآلس يوصل للإدآرة والتطوير اللي جآلس يصير وقبل كل هذآ التكآليف اللي انصرفت للدعم والأمور هذي وآخرته جآي تهآوش وتعآبط؟

بدآل مآتقول لهم جزآكم الله خير وشكر الله سعيكم وتشجّعهم جآلس تفلسف وتطنّز؟ :mad:


يآحلآلآت من سلّمك لإدآرة المطآر تتفآهم معك عشآنّك رفعت صوتك على موظّفهم ..
<< مآعآق قلب الموضوع :D

[Abu Ali]

^^^^^^^^

هههههههههه

أرهب شيء رساوي لا صار رسمي

على بالي مراقب عام

أجل كل المشرفين

Ok

بنزل موضوع عنوانه غلط وبشوف


حلوم

الشرطة في خدمة الشعب

ترى كل الدعوة مزوح تجي وتروح

وثقتنا باللجنة الإدارية كبيره

الله يوفقهم

[رسـّــــاوي]

^^^

المسألة مهب مسألة رسمية من عدمها


ولكن ما أشوف إنك تستاهل أرد عليك بأكثر من سطر

[Abu Ali]

^^^^^^

احنا تهزأنا يا قدعان!! :bs10:

[ديقش]

خلاص يا جامعة الخير
يا كلمة ارجعي مكانتس

يا ليت تقفلون الموضوع لانة انحسم
ويقول الشاعر

واعرف الهرج ما ينفع في قلب الصم والمكفوف
واذا هرجك بلا مسموع فبدل هرجتك بسكوت

[الذكي]

انا مؤيد بقوة