لي تسعة أكرف وأنا أشهر - تدوير عليكم

[عاجل جدا]

السلام عليكم دار قوم مؤمنين --- لا.. لا هاذي تقال بالمقبره :mad: :p

السلام عليكم يالحيين :D --- وشلونكم وش أخباركم - يانا تقطعت رجليني
أدور عليكم - حتى يوم جيت ارجع للمنتدى لقيتوه ( صاك ) :rolleyes: الله يخلف
وراوه صاك -- قالوا الرخصه منتهيه والبلديه حالفه مايفتحونه ثانيــه
ألين يسددون -- وش يسددون ؟؟ :confused: -- قال إييييه : رسوم لوحة السطح
المنعفطه من هاكا الغبار اللي جانا بهالفايت :( :(
--------------------------------
تسجيلي له قصه وكاريه بعد :p ... يوم جيت اسجل حطيت أسمي الكريم;)
عاجل جدا ودفعت المعلوم يومها ماكان بمخباتي الا سهم واحد للمواشي:D
المهم دخلت يوم جيتن هاكالرساله : ترانا نعرفك بس رقمك لك عليه شف
لك رقمن ثاني أنت ووجهك :confused: ... حاولت لكن البايكه حقت المنتدى عيت تفتح
ليش ؟؟؟ ماأدري :mad: المهم حطيت بعد أسمي كلمة ( صخصيا ) يعني شخصيا
همن يالله من فضلك : شكرا لتسجيلك ...... ياربيه ... مأصدق ... صدز دخلت :36_5_11[1]:

عموما يالسلاتيح ياحقين سواليف رحبوا بي وأولكم ياسر راعي السخانه :D
وبرجس احمر الخدين --- عساوه قام من النوووووم .:cool:


المهم تراي ماابي هرجن فاضي - ترا التسبد حايمه وجوعان أقل من 3 مفاطيح
مااستعزم لاأحد لو هو الدعبلي بكبره :D :D

باتسر موعنا مع قصة غيابي الطووووووووووووووويله ...

[سمرمدي]

يالهوي


نعم خير وش انتحال الشخصيات هذا فيه شئ ياخ داخل وبكل قوة


وناطل اسمي عيني عينك.

[عاجل جدا]

الأخوة إدارة المنتدى / المراقبين / المشرفين / الأعضاء


السلام عليكم ورحمة الله وبركاته ,,,,,,,,,,,


استغلال مدة انقطاع واقفال المنتدى جعل من البعض يستسهل الدخول بأسماء الغير

لقد شرحت كيفية صعوبة دخولي للمنتدى !!! بأسمي السابق ( عاجل جدا ) وشرحت لكم أعلاه أني اضفت كلمة ( صخصيا ) لكي أستطيع الدخول ، وبالمقابل وجدت الأخ ( عاجل جدا المزيف ) أعلاه يقول : أنه أنا الأصلي

مع العلم أن اسمي ويوزري في المنتدى القديم لا يعرفه غيري ، ولدي أيضا دليلا ناصعا على صحة كلامي بأني ( الأصلي ) مداخلاتي مع كل من برجس ( أحمر الخدين ) وياسر ( السخانة ) اسألوا المزيف عن أصل هذه الأسماء ؟ وعن محتوى أي موضوع سابق

((( جميع مواضيعي السابقة حافظهم ومستعد لطرحهم هنـــــــــــــا )))

أناشد الإدارة بتصحيح الوضع بشكل عااااااجل جدااااااا

[وجه السعد]

يا ترى من هو الصدزي:D :D


>>> داخل يوم سمع صوت الهواش :36_5_11[1]:



نرجو من الادراة ان تبين لنا الصدزي من التسذبي:D :D :D

وعفوا:D

[مجنونهــــــــا]

فكو الهوشة شباااااب :a049: ,,,


وجه السعد امسك اللي بإسمه صخصياً وأنا علي الثاني تكفى :c032:

وإلا أقولك :c041:

هات اللي معك علشان أرحب بوه وأهلي بوه :c013: ...



حياك الله أخوي عاجل جداً (صخصياً) بيننا بالقصمان,,, وعوداً حميداً يالغالي ...

شكلك من الحرس القديم :36_1_12[1]:


أتمنى لك أسعد الفريح,,,:e136: قصدي أسعد الأوقات معنا يالغالي..



وتقبل تحياتي...

أخوك
مجنونهـــــــا

[جوري]

وااااااوك عندنا اثنين عاجل جدن

طيب وماله خلي توصلنا الاخبار طااازه من الفرن لكروشنا على طوول << وش تبين الحين

ابي ارحب بك اخوي عاجل جدن صخصي يا حليلك بعد

[عيـون * الفجـر]

إيييش الهرجة ...!!!!!


عموما حياك عاجل جدا ....

[Samaa]

مصير الحق يظهر

عاجل صخصيا


هلا بك وحيااااااااااااااك

و

مرحب السااااااااااااااااااع

[الذئب الهلالي]

ما أدري !! عندي إحساس انك أنت رفيقنا الأولي :)

بس وش لون فاتت على المعازيب ؟؟ :confused:

عموما يا عويجل الكذب حبله قصير:D :D :D

قبل لا أنسى :rolleyes:

http://www.alqosman.net/vb/uploaded/32_1151156972.jpg

[التوته]

وعليكم السلام والرحمه :)



http://www.alqosman.net/vb/uploaded/32_1151156663.gif
.
.
.

[ياسر]

ههههههههههههههههههههههههه
الله يرجك
اجل لك تسع تكرف وانا اشهر ادور عليكم
طيب هالحين من اللي صادز منكم ومن التسذوب
عاجل جدا
انا خابر ان لك برجلك اليمين 4 اصابع بس
يوم يطيح التجوري على رجلك اليسار ويقررون التخاترة انهم يقطعون اصبع رجلك اليمين
لذلك بهالعلامة ننقدر نفرق
تعال خل اشوف

[عاجل جدا]

وجه السعد /
أنا الصدزي -- على فكرة وش يقرب لك عثمان السعد - اذا تعرفه تكفا
توسط لي أبي أسنتر بالمنتخب أستر الباقي خخخخخخخخخخخخ




مجنونها /

ماهنا هوشه . هنا دم للركب الدعوى سرق عينك عينك





جوري /

شكلتس راعية دسم وقرصان ومثلوثه .. تسان عندي علم



عيون الفجر /
إيش الهرجه ؟؟ أبد ماغير صلخ وصليخ . الرجال سرق أسمي ومن زين العلوم
قاعدن يقول برده ( نطل ) يعني سرق --- تقل احس انه من المزاحميه اللي ورا حقل



حبوبه /
مصير الحق يظهر خخخخخخخ يبي يظهر المصير والطحال واللي ورا الغدة الدرقيه




الذيب الهلالي /
خلك على احساس فانا عاجل جدا الصدزي ورب الكعبه- لكن المعازيب فاتتهم
وثقتي بهم كبيره بعودتي واخذ حقي من هالنصاب -
المعازيب فاتتهم لانهم مايدرون - الصقر بلشن بالاسهم ومركبن درابيل قدام الشاشه
والدعبلي قاعدن يشجع توجو بس عشان يقهر الاتفاق خخخخخخخخخخ



التوته /
ذكرتين برمضان



ياسر/
هلا براعي الكشتات والصور - هلا والله براعي الاستراحات وطريق دخنه
تذكر يوم اعزمك انت وبرجس وابوالغنايم على اندومي خخخخخخخخ

ابشرك اصابعي صارن خمس ماغير حطيت كيماوي يوم نط تقل جني
تخبر يوم اروح لسنغافورة بشهر العسل - جبت الكيماوي وحطيته

شف الدبره ياياسر انت وكشرك اللي تسنه صدام مازدا
وحاتس الادارة على هالاخ اللي لابسن ثوبن مهب ثوبه

[عاجل جدا]

وين أحمر الخدين ياجماعه

----------------------------

ياسر /

تكفا شل توقيعك تراوه يلوع التسبد - معك يالاخضر - يقالك راعي رسمي
انت وكشرك اللي تسنه كربت اثله ;)
على فكره ورا محطة سرايا بقصر بن عقيل مايبيعون فحم - لاني يوم طلبت فحم
قال العامل / مافيه دوكان - يعني دخان - يحسبن أتتن -- مع اني مااتتن الا لاصرت نيم
يعني بالحلم خخخخخخخخ البنغالي يحسن أشيش مهب اتتن بس :D :D :D

[عاجل جدا]

والله


قهـر

عقب

الحنــه

والرنـــه

وعاجل جدا

أسمه على كل لهات

صرت ( عضو جديد )

وسرقوا مني اللقب بعد ( جنتل الهمق )


أغدي الصقر يشوف حل

مع أني اتوقع تنحــل دارفور والملف النووي وتاخذ استراليا كاس العالم

ولاتنحل قضيتي :36_5_11[1]:

[بريداوي أصيل]

ههههههههههههههه
صراحة سالفك سالفة ...
إلا انت من وين من بريدة...؟؟!!!
أكيد تبي تسال وراه اسالك عن ديرك...لان من خلال جوابك نبي نعرف إذا كنت انت الصدزي ولا لا

اما عاااد نطلة اللقب نكته تراه مانطله لوحده الصقر ساعده :D << هالولد شكله يبي يطرد من المنتدى :D
شف اللقب حقك اول ماجاء هذا بدون مايقول حطولي لقب نط الصقر وحطه من الفرحة بـ ( عاجل جدا)
تراي صادز و إذا تبي تتاكد رح لموضوع الترحيب حقه..
اقول إذا تبي مساعدة بالهوشة او مادري الصلخ والصليخ تراي مانب خويك << جحده :D

إيه نسيت ارحب بك هلابك <<< وش عقبه :D

[وجه السعد]

اين الصقر يتأكد من البصمات:D


ياسر سبحان الله تسنك حاس منذ مبطي ان المسألة بها انّ


انظر الى ردك في موضوع الترحيب بعاجل جدا الاولي:)

هلا وغلا
هو صدز انت او احد متنكر
ترى عندنا كاشف رقم






ملحوظة ...

بسمي عاجل جدا ----> الأولي
عاجل جدا صخصيا ----> الثاني

حتى يتبين الصادق من الكاذب لذلك جرى التنبيه

والله ولي التوفيق


:D:D:D
:D:D
:D

[ياسر]

وجه السعد
شفت وشلون انا خطير بقوة
لا يقولن بعد دردغانة
اوالله القهر :D
عاجل
رح شف الموضوع بالسواليف
الرجال يبي يعطيك اللقب بس بشرط
لا بشروط مهوب شرط واحد
الله يعينك
تتبيع لك كمن سهم بينساب عشان تعطيه حسب شروطه
مير بع ينساب تراهم يقولون صارت حرام :D
وعطه القروش اللي يقول
وبالنسبة لسرايا
العامل كان وراه كاميرة يبي يسوي بك مقلب صادوه بس انت الله يصلحك عجل على اسمك مشيت وخليته
أصلا كانن وراه اكياس الفحم وش لون ماشفتهن :D