ابغى مساعدتكم....ورايكم بالموضوع هل اوافق او لا

[دق التحية قدامك قصيمية]

اهلين ياحلوين

شخباركم ان شاء الله بخير

الصراحة انتم مثلي والا لا

الموضوع وما فية اني
على وجه زواج والصاحة انا ما اعرف اطبخ ابدا
فكرت اني ما اوافق بسبب هالمشكلة

بس قالوا لي جماعتي لاحرام الرجل زين وما ينرد

وايش نصيحتكم لي اوافق والا لا على الرجل..؟
وابغى منكم مساعدة ياحلوين..


ومشكورين يااحلى اعضاء منتدى



وتقبلوا خالص تحياتي....:a194: :a194: :a194:

[مزاجيه]

هلا قصيميه

انا من رايي استخيري وتعلمي الطبخ

تراه ماهو بمشكله الطبخ دام الرجال كفو

والله يوفقك

[مزاجيه]

بغيت اقول مالقيتي لون افتح من كذا؟؟

[دق التحية قدامك قصيمية]

اهلين مزاجية

اول شئ غيرت الون عشانج عسى عاجبك الحين

ثاني شئ اشكرج عالمرور

ثالث شئ بالنسبة لي الطبخ مصيبة لاني ولا شئ
وبعدين احس اني توني صغيرة

وخصوصا ان اختي اللي اكبر مني ما تزوجت

عالعموم مشكورة ياقلبي عالمرور..

[njl__o]

أختي نوره عمره الحين 48 سنه والله يطول بعمره

أذكر بعد زواجه بسنه تقريباً يعني قبل 20 سنه أو هالحدود
أخذتن عنده بالرياض <<<--- كاشخ خخخخ

وإلا الحين كل ماجاء طاري الزواج رجعت تقص هالقصه لنا

تقول يوم أتزوج أبونا ماكنت أعرف أزين الشاهي من زود البلاهه
والله وتشتري كتاب للطبخ وكتاب خلى وتبداء أنواع التجارب بالمطبخ
تقول مضى على زواجنا تقريباً 8 شهور وحنا فرم من المطاعم

""
""

والحين ماشاء الله عليه مظرب المثل بالطبخ

وصدقين ياخيتي والله مافيه شي صعب

وإبن آدم ماينولد عالم كلنا نتعلم ونبي نموت وحنا مامعنا من العلم إلا القليل
أجزمي بس يابنت الحلال كان الرجال "طيب" وإن شاء الله يبي يوفقك الله

وترى الطبخ والله ثم والله ثم والله مايبيله ذاك الجهد عشان تتعلمين
إذا وافقتي إن شاء الله فأول خطوه الله لايهينك

- أفتحي لك فرع بالمطبخ وشوفي وشلون يطبخون أهلك وحاولي تتدخلين
- إسألي الطباخين عندكم وشي خطوات الطبخ للمأكولات الرائده ( رز , مكرونه , لامانع من الجريش والسليق )
- أطلبي من الطباخين اللي عندكم يغيرون بانواع الأكل اليومي ( الوجبات الرئيسية )

"""
"""

وإن شاء الله غنه تساهيل بس أهم شي لاتنسين تعزميننا على العرس ترى مبطين عن المفاطيح

وشكراً لإنصاتكم

<<<--- أحس إني صرت مثل هذاك اللي لونه أخضر هو برجس وإلا ...؟

[شهد الأيام]

يابنت الناس امسكي كتاب طبخ وتدربي عليه لين تتمرسين ومو لازم عاد يطلع الشي معك اوكي ,,خليه يمشي الحال >>بتوهقه

مع السنين يطلع معك مزبوط >>راعيه طويله ههههههههه

اقول توكلي على الله وهذا مو سبب لرفض ,,والاستخارة قبل كذا ,,وبالتوفيق لك قصيميه ياعمري,,:w06: :w06: :w06: :wm16: <<هذي هديه الخطوبه ,,خخخخخخخخ

[دق التحية قدامك قصيمية]

اشكرك اخوي
على المرور

والله صراحة بحسد زوجتك لانك متفهم جدا جدا

اما بخصوص العرس فانا ما احب التكلف وافضل مايكون
عرس والا اي شئ يسبب ازعاج ورسميات

بس اذا تبون مفطح فابشر اذا تعلمت الطبخ بسوي انا بنفسي
مفطح واعزمكم انتم تامرون امر


واشكرك اخوي عالمرور...

[ديقش]

فية اساسيات لا بد ان تعرفية ومهم
1- الشاهي والقهوة
2- الكبسة
3- تشكيلة من السلطات

النقاط الثلاثة هي نقطة الانطلاقة
فترة التدريب على النقاط الثلاثة لا تتجاوز 15 يوم
بعدها يأتي التطور ومعرفة ما يحب وما يكرها
وعجلة الحياة تدور .
قبل الزواج علمية انك لستي طباخة ماهرة

[دق التحية قدامك قصيمية]

اهلين شهودة

اشكرج عالمرور

وان شاء الله اتعلم واعزمج عندي بس
بغى منكم دعواتكم الحلوة مثلكم..

وتقبلوا تحياتي...

[رؤوف الغطريفي]

الرجال لئطة وماينفوت

والطبخ سهل تقدرين تتعلمينه بسهولة بس رجال كامل المواصفات وين بتلقينه

توكلي على الله 000

بعدين مري على المطبخ تلاقين ا نواع الطبخات كبسه حاشي كبسة دجاج

ويمكن يطلع حريف طبخ هو ويعلمك

والكتب ماليه المكتبات اشتري واطبخي خصوصا بأيام الزواج الاولي ماراح

يدقق وكل شي يبي يقول والله انه روعة لو هو وسط

مايمر شهرين الا انتي ولا الشيف رمزي

وبالتوفيق

[مزاجيه]

قصيميه

تسلمين على تغيير اللون

بس والله انا كنت امزح

شكرا لطيب اخلاقج:D

[شهد الأيام]

اهلين شهودة

اشكرج عالمرور

وان شاء الله اتعلم واعزمج عندي بس
بغى منكم دعواتكم الحلوة مثلكم..

وتقبلوا تحياتي...

ان شاءالله يحياتي ,,تصلمين,.

[سحلن]

توكلي على الله
لا صرتي ما تعرفين تطبخين منتب ميتين جوع إن شاء الله

[لووك جديد]

الطبخ سهل

بس اهم شي يكون عنتدتس اصرار للتعلم

والله يوفقك يارب

[همسة امل]

نصيحه ..


تعلمي الطبخ من الحين ..

علشان تبدعي بعدين ..

وهاذي مشكلة بنات هاليومين..

اختك .. همسة امل

[رايقة]

الله يوفقك

ما اعتقد ان الطبخ بيكون عائق توكلي على اله وتعلمي وافعلي بالاسباب وما ينولد الانسان عالم لابد من التعلم والصبر
ااذكرر امي تقول انه تزوجت ما تعرف شئ لان بيتهم مليان حموله وحريم عيال وما فيه مجال تطبخ

وتعلمت الطبخ هي وابوي الله يحفظهم

والحين ما شاء الله عليه ما احد يسوي زي كبسته تبارك الله

لابد من الصبر والتوكل على الله
وبالتوفيق ان شاء الله

[دق التحية قدامك قصيمية]

اشكرك اخوي ديقش
علمرور
والظاهر انت ما شاء الله عليك طباخ ماهر
ايش رايك اجيب زوج المستقبل عندك وتعلمة...ههههههه

على فكرة العالم كلة تدري اني ما اعرف شئ بالطبخ
يعني ميح...
واكيد اهو داري بس لا تخاف بقولة وبقول لاهلة بعد اضمن

والله يعطيك العافية....

[دق التحية قدامك قصيمية]

مشكور اخوي محبس الجن
عالمرور

وان شاء الله بروح لجميع المكتبات واشتري كتب طبخ


واذا صار نصيب ان شا الله..

اما من ناحية الطبخ الايام الاولى اكيد وابصم بالمليون ما راح
يدقق


والله يعطيك العافية.....

[دق التحية قدامك قصيمية]

هلا مزاجية
العفوووووووووو ما سوينا شئ
ادري انج تمزحين

بس عشان خاطرج بغيرة
تسلمين ياقلبي والله انتي اخلاقج اطيب ياحلوة..

والله يعطيج العافية.........

[دق التحية قدامك قصيمية]

هلا شهودة
تسلمين ياقلبي ادري
انكم ما راح تقصرون وهذا من طيب اصلكم
واخلاقكم


والله يعطيج العافية ياحلوة...........

[دق التحية قدامك قصيمية]

اشكرك اخوي الصنقر
عالمرور

وادري اني ماراح اموت من الجوع بس
تعرف الزواج مسؤلية وهذا قصدي بس

يعني اكيد الواحد مايتزوج الا عشان يلقى كل شئ يسرة ويسعدة

والله يعطيك العافية.........

[دق التحية قدامك قصيمية]

اهلين لووك اشكرج عالمرور

والله صراحة ماكان لي خلق اتعلم بس عشانج بيكون عندي
اصرار ومو بس اصرار الا اصرار قوووووووووووي
ان شاء الله


والله يوفقج ويوفق الجميع ياحلوة....



والله يعطيج العافية ياحلوة.........

[دق التحية قدامك قصيمية]

هلا اختي همسة
اشكرج عالمرور


من عيوني بتعلم وبتعلم وبتعلم

والله الصراحة الله يعطيكم العافية عطيتوني دافع قوي جدا جداجدا


ادري والله انها مشكلة بنات هاليومين ومن ضمنهم انا..هههههههه

وخصوصا بنات الشرقية امثالي طبعا..ههههههه

لاننا بصراحة معتمدين على الخدامة بكل شئ صحيح انه اسلوب
غلط لكن ما باليد حيلة تعرفين دوامات وعزايم وسفر وتمشي
يعني ما في امل نجلس بالبيت واذا جلسنا يا على التلفون
او تلفزيون او النت...





والله يعطيج العافية ياحلوة.....

[دق التحية قدامك قصيمية]

هلا اختي جود اشكرج
عالمرور

ويمكن يكون الطبخ بالنسبة لكم مهب عائق بس والله بالنسبة لي
عائق كبيرررررررررر

بس الحمد لله اعتقد الحين ماراح يكون عائق بالنسبة لي
والفضل يرجع لله سبحانة وتعالى ثم فضلكم
لانكم اعطيتوني دافع قوي جداجدا جداجدا


عاد تصدقين ودي اقوم الحين واسوي اي شئ لاخواني لاني تحمست بس ايام الاسبوع مزحومة

وان شاء الله قريب بطبخ لاهلي ولجماعتنا ولكم لما تشرفونا في
بيت اهلي اوبيتي بالمستقبل



والله يعطيج العافية ياقلبي..........

[ذكرى]

تكنسلين الزواج عشان الطبخ ..

صج ماعندتس سالفه

تعلمي والطبخ يجي شوي شوي..

ابدي باشياء بسطيه ثم تطوري شرط تصيرين اطلق طباخه ..

[ذكرى]

اهم شي شوفي كم راتبه .. >>بتتصفق..

[دق التحية قدامك قصيمية]

اهلين لميس اشكرج
عالمرور


ان شاء الله اتعلم عن قريب وهو ان شاء الله بيتحملني
لانة ولد ناس اجاويد


اما سالفة الراتب فامومهم المهم اخلاقة وبعدين الراتب


والله يعطيج العافية ياقلبي...