شوفولي حل مع ذا العلة

[عووووويس]

السلام عليكم ورحمة الله وبركاتة

مسهم بالخير :D


عندي مشكلة عويصة وادبلت تسبدي :confused:

اللي هي اني كل ما رعصت على اسم المنتدى وظهر لي وجهه البشوش عيا يقبل اسمي :mad:

يعيني اسجل الاسم وكلمة السر يقول مرحبا بك يا عوووويس فيذا ويا هلا ومرحبا انتظر سوف ينقل بك المتصفح اتوماتيكي الى المنتدى :D

همن شوي الا يظهر لي المنتدى بدون تسجيل دخول مع العلم اني اسمي موجود مع المتصلين
واذا جيت بشارك يقول عزيزي العميل ادخل اسم المستخدم وكلمة المرور :mad:

يعنبو دارك توني مدخل اسمي حلا هو :D

واجلس ادخل في ذا الاسم وكلمة المرور ونفس القصة يظهر اسمي بدون اتصال :mad:

عاد انا شكيت في بررررجس قلت يمكن انه سوا تهديده وكرشني من المنتدى :mad:

واجلس اتعوذ من بليس واتفل عليه خمسطعشر تفله علشان يذلف عني ويبعد عني واسويس برررجس:D

يالله عطوني حل للمشكلة :)

[بنت الشيحية]

صارت لي بالبدايه واكتشفت انها من المربع الصغير الي جنب اسمك

(يذكرني)حط عليه صح واتمنى تكون هاذي المشكله

جرب يمكن تنجح

[التوته]

وعليكم السلام والرحمه


مثل ما قالت بنت الشيحيه

الحين المربع بالحالوه بوه صح ما يحتاج نتعب حالنا ونحط لوه صح :D




وشكراً
.
.
.

[بلوتو]

نفس المشكلة صارت لي
والحل تحط علامة صح عند تذكرني عند تسجيل الدخول
نفس كلام بنت الشيحية والتوتة

[القطوة]

هههههههههههههههههههه


والله ولقيت واحد يعاني نفس معاناتي...

وأنا بعد يصيرلي نفس ماقلت بس مش دوم على مزاجه

اذا كان رايق يخليني مع المتصلين واذا العكس يخليني العكس

هههههههههههه

[Samaa]

المفروض إن المشكلة تم حلها :)

[عووووويس]

بنت الشيحة
+
التوتة
+
بلوتو
+
القطوة
+
حبوبة


مشكورين على المرور :)

بس المشكلة ما انحلت حطيت علامة اكس وعللامة صح ودهنت المربع بعدة الوان ما به فود :D


مثل ما قالت القطوة متى ما كان رايق فتح معي واذا هي قايمتن عنزة لو افحط ما ظهر اسمي :mad:

[برجس]

هذي مشكلة اللي ينتقل من البلاستيشن للانترنت بدون مقدمات :D
يابوالشباب مهب مدخلك لين تقوم وتحب راسي :D

:D:D
:D

[حلم العالم]

عويس مآلك الآ انّك ماتمسح الكوكيز إذآ طلعت ، ومتى ماتبي تدخل على طول :D

بس أهم شي لآ تغيّر الجهآز :D :D <== هالتفكير السآعة 2 إلآ ثلث الظهر:D



برآيفت برجس:

هذي مشكلة اللي ينتقل من البلاستيشن للانترنت بدون مقدمات
يابوالشباب مهب مدخلك لين تقوم وتحب راسي

هههههههههههه إلى الحين أنت طآف بمنصبك؟ بعدين مشكلة لو حب رآسك يمكن مآعآد يلقى يوزره بالمنتدى :eek:

[مجنونهــــــــا]

عويس لازم تغير المودم وكرت الشاشة والطابعة بعد وكرسيك :c013: ...

<== عز الله اللي حاس الرجال :36_1_8[1]: ...

برايفت برجس:
إلى الحين مانتفوك من الكرسي <== صار قميرية :36_1_20[1]: ...

برجس صدز وش صار على منصبك يقولون إنهم إكتشفوا قضايا رشوة وفساد هو صدز؟؟
على العموم إن تسانك تبي فزعة تراني جاهز,,, بس كل شيء بحقه :c026: ...


للكل,,,

شوكرااان جزيلين...

[برجس]

حلم القايله + مجنونها ..

اغدوا رجاجيل ولا تحتكون بالكباريه
واذا بغيتوا تنادونن قولوا قبل اسمي السيد رئيس اعضاء الهيئة الاستشارية
وزين ان رديت عليكم انتم وخششكم

ياقل ملحكم اثنينكم
ودك من يربطكم بحوض شاص ويطعس بكم :)

:D:D
:D

[EXILE]

ياقل ملحكم اثنينكم
ودك من يربطكم بحوض شاص ويطعس بكم

ههههههههههههههههههههههههههههههاااااااااااااااااااااييييييييييييييييي


لا لا ماتحمل أنا أبي أتقطع من الضحك خخخخخخخخخخخخ


تخيلت أشكالهم بالصندوق قسم بالله اقلاع


أقول تكفون قولوا تم وخلوا نطلع نطعس بكم ودي أتفرج على أشكالكم

وتكفون تعالوا مرسمين بعد خخخخخخخخخخخخخخ


ياااااااااااااااملحكم ملحااااااااااااااااه



أخوي اللي مايقدر يدخل

تأكد من الكيلون لا يصيرون مغيرينه خخخخخخخخ


بعدين تعال وش لون ماتقدر تدخل وهذاك كاتب مشاركة وترد بعد هاه !!!! علمن بسرعة <<< يبي يفحط بخشتي

[سمرمدي]

ازين لك سو ثوره على المنتدى واطلب بحذف يوزورك احسنلك يمكن يسرفونك مايبونك (يبي يتسحته)



اسمع بشوري حطلك موضوع وسب المراقبين والمشرفين ترا يخافون منك ويصيرون يدخلونك بسرعه.

[جوري]

اما نصايح كل واحد نصيحته تطق اصبع للثانيه

اقووول تعال وانا امك ماعليك منهم انا اقولك وش تسوي

سوي تحديث وانت تدخل دووغري :)