المساعد الشخصي الرقمي

مشاهدة النسخة كاملة : فوتوشوبي صار يكتب طلاسم ...! وش السواة .؟!

عيـون * الفجـر
20-02-2007, 05:20 PM
السلام عليكم ..

كيف الحال يااساتذة ..

بغيت اسأل
برنامج الفوتوشوب عندي كذا فجأة صار مايكتب لي إلا إنقليزي والعربي يصير خرابيط مربعات ومثل الطلاسم ..
مع العلم إنه مافيه شي قبل اكتب فيه عاااادي جدا بس كذا فجأة صار مايكتب ...!!!!!!

وش الحل ؟!
لاتقولون حملي البرنامج من جديد ولا إكتبي بالرسام .. إحبااااااااااااااط لو مافيه حل إلا كذا ....!

تكفون وش أقدر أسوي عشان يرجع مثل أول ؟!
عبدالرحمن
20-02-2007, 05:49 PM
عيوون الفجرررر ..!!

ههههههههههههههههههههههههههههه

بعشرتوااقيع ثاانيه واعلمك كيفية حل المشكله :c027: ..!!
شمـ بريدة ـوخ
20-02-2007, 11:01 PM
وعليكم السلام

فقط غيري الخط من قائمة الخطوط
لان قائمة الخطوط بالفوتوشوب مقسمه والقسم الاول فيها خاص بالخطوط العربيه
يعني اختاري خط من اول القائمة ثم اكتبي

.
عبدالرحمن
20-02-2007, 11:17 PM
عيوون الفجررر ..!!

على طااري قول شموخ غيري الخط ..!!

ترااا ( بعض ) الاحياان خط المهند اذا ضغطي انتر صار بنهاية السطر مربع ..!!

وهذي المشكله داائم اعااني منه ..!!
عيـون * الفجـر
20-02-2007, 11:42 PM
الكحلي

مايخالف شكلي بقول لك عشرين الشكوى لله


شموووووخ

سويت الي قلتي عليه
ولا صار شي

الغريب إنه الحين

صار فيه خطوط عادي تكتب لي عربي

وخطوط على حسب مزاجه
احيانا تكتب عربي واحيانا تخربط لي


مدري وش سالفته وقسم

بس الخطوط الي انا محمله ولا الخطوط الأساسية تطلع عادي ..!!!!
عيـون * الفجـر
20-02-2007, 11:45 PM
الكحلي

خط المهند يجنن رهييييييييب ولا قد سوا شي

جايزن لي بقوه
وطافتن به

بس شكله بعيييييييين أحد

الحين الخطوط كلهن أحيانا تخربط واحيانا لا
إلا هو كل أبو دايم صاير يطلع لي خرابيط ..

مدري وش بلاوه


أقول ...

شكلي ببدا أكت الخط وحظك نصيبك إن زاد ولا نجرب مرتن ثانية ....
ديقش
20-02-2007, 11:52 PM
اذا كان النسخه رقم سبعه وطلب منك تحديث
بعد فترة يسوي نفس المشكلة
صارت معي على نسخة 7
اما نسخه 9 لا توجد مشاكل بل افضل من التي قبلها
وذلك لتطورها ومزاياها العديدة
شمـ بريدة ـوخ
21-02-2007, 12:32 AM
عيوون الفجررر ..!!

على طااري قول شموخ غيري الخط ..!!

ترااا ( بعض ) الاحياان خط المهند اذا ضغطي انتر صار بنهاية السطر مربع ..!!

وهذي المشكله داائم اعااني منه ..!!

المربع يطلع إذا صرت حاط مسافه بعد الكلام الي انت كاتب
يعني لما تنتهي الجمله لاتحط مسافه ومراح يطلع مربع
عيـون * الفجـر
21-02-2007, 12:41 AM
8

8

8

حقي النسخة السابعة


لا وأبشركم صاير يستهبل أبن اللذينا

وانا أشتغل فيه
ما أدري إلا فاتح لي 7 أو 8 صفحات للمساعده والدعم الفني ... وأنا ماطلبت لامساعدة ولا دعم ..!!!!


أبشركم ... تأقلمت مع الوضع الجديد وعادي مايخالف يحوس خط اليوم بكرا اكتب فيه ..!!! والله يعين ...
ماودي أبلشكم بكيفه
شمـ بريدة ـوخ
21-02-2007, 12:42 AM
الكحلي
مايخالف شكلي بقول لك عشرين الشكوى لله
شموووووخ
سويت الي قلتي عليه
ولا صار شي
الغريب إنه الحين
صار فيه خطوط عادي تكتب لي عربي
وخطوط على حسب مزاجه
احيانا تكتب عربي واحيانا تخربط لي
مدري وش سالفته وقسم
بس الخطوط الي انا محمله ولا الخطوط الأساسية تطلع عادي ..!!!!

انا اجاوب عليتس على حسب الاصدار الي عندي
اصداري السابع وغالبا تصير معي هالمشكله
.
طيب بالبدايه اختاري خط اسمه Times New
ثم اكتبي الي تبين ثم غيري على الخط
احيانن مراح تتغير المربعات فيلزم انتس تمسحينهن ثم تكتبين من جديد ... مب تحذفين الكلمه لا تمسحينه

.
عيـون * الفجـر
21-02-2007, 12:52 AM
8

8


8

تصدقين أنا أسوي كذا أكتب بtime newsيصير تمام ... همن لاغيرت الخط أحيانا يصير زين وأحيانا يخرب بس لاخرب امسحه ما أكتب من جديد بكتب من جديد يمكن يضبط ...



الله يجزاك خير تسلمين .... إن شاء الله بتضبط
عبدالرحمن
22-02-2007, 01:37 AM
شمووخ بريدة ..!!


المربع يطلع إذا صرت حاط مسافه بعد الكلام الي انت كاتب يعني لما تنتهي الجمله لاتحط مسافه ومراح يطلع مربع


مب داائم يطلع المربع لو بعد نهاية الجمله مساافه ..!!

شكله الخن بط بالاعدادت لان المشكله تطلع بجهااز وجهااز اخر ما يطلع فيه خن بطاات ..!!
Samaa
22-02-2007, 06:45 AM
هلا عنون الفجر

لما تبين تختارين الخط لا تخلينه ع بولد

بعض الخطوط في الفوتوشوب تصير طلاسم لا صارت بولد