وشلون تنظفين بشرة وجهك بالبيت؟؟

[نجمة إمسيان]

{ السلام عليكم ورحمة}
تختلف البشره من شخص لأخر في التكوين ولكن طريقة التنظيف واحده فقط تختلف المواد والوقت,
أسهل طريقه لتنظيف الوجه هي بعد الحمام مباشره , وإذا كان الوقت ما يناسب وما كان عند كم جهاز البخار حق الوجه حطوا قدر على النار ثم تغطوا مع القدرربع ساعه للبشره الدهنيه عشر دقايق للبشره العاديه البشره الحساسه خمس دايق أوحسب التحمل.
وبعدين حطوا المقشر اللي نسميه سنفره وافركوا الوجه بشكل دائري ثم أغسلوه وعيدوا البخار مره ثانيه .
إذا كان الوجه فيه رؤوس سودا حطوا بكل يد منديل واضغطوا بأصابعكم حتى تخرج الرؤوس إذا كان ما فيه على طول حطوا القناع {الماسك} وإذا نشف القناع أغسلوه ونشفوه ورطبوه بماء ورد.
حتى الرجال يقدرون يصلحونه بالبيت إذا كانوا يحلقون بالبيت يعني بالعربي صلحي لرجلك وجهه بدل ما يروح للحلاق ....
{معلومات إضافيه}
الماسك اللي بالنعناع منعش,
فيه أله أوبمعنى أصح أدات تشبه الملاس مقاسه 15سم تستعمل لجرف الرؤوس السودا أستعماله بسيط,
يستحسن التنظيف يكون بالليل حتى تكون البشره مرتاحه في الصباح
______________________________________

كلنا ودنا نستغني عن المشاغل قدر الإمكان خاصة بتنظيف البشره اللي هي عمليه بسيطه ونحتاجها دئما.نقدر نسويه لبعض بالبيت .
جربوها مره تعجبكم النتيجه.
يمكن فاتن شي قولوا لي عليه.
أحب شي علي إن أحد يطلب من شي يستفيد منه .
يمكن ما قدرت أوصل بالشرح بس يمكن أعيد اللي ماقلته لكم.
شكرا لكم على تحمل قرقي,,,,,

[حمــ خجل ــرة]

.
مساااااء الخير يالغالية ياليت تقولين لي وين ألقى هالآلة ووش اسمه ؟
ومشكووووووورة

[جلنار]

مشكوووورة نجمة ....
انا شريت الة بخار الوجه بعدين تركتها سمعت ان البخار يضر الوجة!!! صح ولا ....لا ؟؟؟
طيب علمينا وشي الالة حقت الرؤس السوداء ؟؟؟ وووين نلقاهاظظ
8
8
على فكرة نجمة فيه مجلس للاناقة ..اطلبي يلونونك عشان تدخلين المجلس
عاااد تنظيف الوجه الرجال صارو ينافسونا فيه ...

[عطر المحبة]

يسلمووو على الموضوع القيم
يعطيك العاافية يالغلااا


ننتظر جديدك

شكريااااااااااااااات

[لووك جديد]

يعطيكِ العافيه يااارب

طيب انا بشرتي حساسه وتجف مع التنظيف وش اسوي ؟؟؟

والله يجزاكِ خير

[نجمة إمسيان]

.
مساااااء الخير يالغالية ياليت تقولين لي وين ألقى هالآلة ووش اسمه ؟
ومشكووووووورة
هي أدات تشبه مضرب كرة التنس طوله تقريبا 20سم بس شكله مجوف ومخرمه أنا أخذته من محل اسمه {عوارض} ببريده اظنه فرع لأني شفت محل كبير بالرياض بسوق الديره يعني اللي عندنا ببريده فرع للي بالريض ويمكن تلقينه عند محمود سعيد ويمكن تلقينه عند المحلات اللي تمول المشاغل, إن قدرت حطيت صورته إن شاء الله,
إذا رحتي لعوارض تلقين عنده كل شي ويشرح لك وش طريقته...

[نجمة إمسيان]

مشكوووورة نجمة ....
انا شريت الة بخار الوجه بعدين تركتها سمعت ان البخار يضر الوجة!!! صح ولا ....لا ؟؟؟
طيب علمينا وشي الالة حقت الرؤس السوداء ؟؟؟ وووين نلقاهاظظ
8
8
على فكرة نجمة فيه مجلس للاناقة ..اطلبي يلونونك عشان تدخلين المجلس
عاااد تنظيف الوجه الرجال صارو ينافسونا فيه ...
فيه بشره ماتحمل التنظيف دايم بس ممكن إذا خلصتي الحمام العادي سوي الخطوات الثانيه يعني تفركين وجهك بالسنفره وبعدين تغسلينه وإذا لبست ملابسك حطي القناع إذا نشف إغسليه مهوب لازم تنظفين بالبخار دايم حسب الحاجه وحسب الجو,
الألة شرحت للي فوق أقرئيه,
المجلس بكرى أطلبه شكرا لك,

[نجمة إمسيان]

يسلمووو على الموضوع القيم
يعطيك العاافية يالغلااا


ننتظر جديدك

شكريااااااااااااااات
شكرا لك أنت على الرحب والسعه,,

[نجمة إمسيان]

يعطيكِ العافيه يااارب

طيب انا بشرتي حساسه وتجف مع التنظيف وش اسوي ؟؟؟

والله يجزاكِ خير
الله يعافيك,
قبل التنظيف حطي مرطب اللي يحط قبل البخار زين ذكرتين وبعد الماسك وقبل ما ينشف الماء حطي مرطب ولا تحطين ماء ورد لأنه ينشف شوي ,للعلم البشره الحساسه استعملي مرطب طبي . أو خالي من المواد العطريه,

[بنوتة نجد]

نجمه تقصدين هذي اللي تنظف


http://www.alqosman.net/vb/uploaded/1868_1170819161.jpg

اذا هذي اللي تقصدينها ترى يسمونها ابره التنظيف

يسلموووو نجمه على الطريقه
ا
لله يعطيك العافيه

تحياتي ياعسل

[ツRose Lover]

الله يعطيك العافية ..

تحيااااااااتي ..

[نجمة إمسيان]

نجمه تقصدين هذي اللي تنظف




http://www.alqosman.net/vb/uploaded/1868_1170819161.jpg

اذا هذي اللي تقصدينها ترى يسمونها ابره التنظيف

يسلموووو نجمه على الطريقه
ا
لله يعطيك العافيه


تحياتي ياعسل

الله يجزاك خير نفس الشكل بس الراس بيضاوي ومجوف ومخرم, هذا يستعمل إذا كان فيه حبه بالوجه تعقم الحبه وتظغط عليها عشان يطلع اللي فيها, وفيه نفس الشكل بس الراس أبره ما كل أحد يقدر يتحكم فيه,
الله يوفقك كفيتين الصوره....

[نجمة إمسيان]

الله يعطيك العافية ..

تحيااااااااتي ..


الله يعافيك ويسلمك

[قهوة عربية]

إذا كان الوجه فيه رؤوس سودا حطوا بكل يد منديل واضغطوا بأصابعكم حتى تخرج الرؤوس

نجمه!!!!!!!!!!
موب زينه هالحركه تترك أثر
حتى الآله تحفر البشره
اذا بتنظفين روحي لدكتوره
حتى الكوافيرات لاتقربينهم أغراضهم موب معقمه

[نجمة إمسيان]

نجمه!!!!!!!!!!
موب زينه هالحركه تترك أثر
حتى الآله تحفر البشره
اذا بتنظفين روحي لدكتوره
حتى الكوافيرات لاتقربينهم أغراضهم موب معقمه
الله يوفقك ويجزاك خير على التعقيب:
شوفي أختي قهوه كل وحده أكيد ما راح تسوي شئ قبل ماتتأكد إذا تعرف تسوي تنظيف لنفسه أو لا ولا كل واحده تقدر تروح للطبيب دايم .
حتى المستشفيات ينصبون علىالحريم شوفي مستشفيات أدمه وشلون شغلهم عادي تلقين المشاغل العاديه أفضل منهم .
وبعدين تراه تنظيف عادي روتيني كلنا نسويه بالبيت كل شهر كل أسبوعين حسب البشره مثله مثل الشمع والخيط والحلاوه والمشقر يعني ماهوب معقول إن كل شي طبيب حتى العنايه بالبشره وتنظيفه . أقسم بالله العظيم بحياتي كله مارحت مشغل لا لبشره ولا شعر ولا صيغ تعلمته بنفسي وبعدين رحت أخذت دوره , وبعدين خلينا نعلم بعض الطبيب يخلي الممرضه تسوي كل شي والكوفيرات يجيبن بناتهن وبنات صديقاتهن يتعلمن بنا حنا قاصرنا شي حتى ما نكفي أنفسنا وبعدين شكل الحريم بالمشاغل يثير الضحك والأشمئزاز كل وحده منقعه رجلينه وحده ملفوفه ببلاستيك وهذي مكشوفه المشاغل عندنا مهزله ما فيه إحترام للزبونه أبد ,يعني معقول ما نسوي أبسط الأشياء!!!!!
وبعدين أنا منصحه لكن أنقل لكن اللي أعرف حبيت إن كل وحده تعتمد على نفسه مثلي ,وبعدين تحسين إحساس جميل إذا سويت لنفسك إنجاز.
وبعدين أنا ما قلت أحفري وجهك يمكن شفتي الأدات تحسبينه اللي يقلع به الضروس ,
هذا ما هو رد عليك ياقهوه!! بس يمكن فرصه أوضح بعض الأشياء اللي فاتتن شكرا لك مره اخرى وانت مثل أختي ,
أختلاف وجهات النظر لا يفسد للود قضيه,,,

[لووك جديد]

الله يعافيك,
قبل التنظيف حطي مرطب اللي يحط قبل البخار زين ذكرتين وبعد الماسك وقبل ما ينشف الماء حطي مرطب ولا تحطين ماء ورد لأنه ينشف شوي ,للعلم البشره الحساسه استعملي مرطب طبي . أو خالي من المواد العطريه,

المرطب اللي قبل التنظيف يعني اي كريم ؟؟ والا فيه شي معين للبخار ؟؟

طيب كريم دوف ياثر على بشرتي لاني باستمرار استعمله !!

تصدقين مااستعمل اي كريم فيه مواد عطريه ومع ذلك بشتري جافه وتحكن وتحمر ونادرا مااغسله بصابون علشان ماتجف !!

والله يجزاكِ خير على النصايح

[نجمة إمسيان]

المرطب اللي قبل التنظيف يعني اي كريم ؟؟ والا فيه شي معين للبخار ؟؟

طيب كريم دوف ياثر على بشرتي لاني باستمرار استعمله !!

تصدقين مااستعمل اي كريم فيه مواد عطريه ومع ذلك بشتري جافه وتحكن وتحمر ونادرا مااغسله بصابون علشان ماتجف !!

والله يجزاكِ خير على النصايح

مشكوره يا خيتي شوف أسألي الصيدلي عن كريم من من كلينك لأن أخصائين التجميل ينصحون بنتجات كلينك ما تسوي حساسيه...

[شهد الأيام]

تسلموووووو نجمه,,,,,انا كذا طريقتي ,,,,بس بدون الابرة,,,,

[لووك جديد]

مشكوره يا خيتي شوف أسألي الصيدلي عن كريم من من كلينك لأن أخصائين التجميل ينصحون بنتجات كلينك ما تسوي حساسيه...

تصدقين دايم اسمع عن منتجات كلينك ولاعمري جربته شكلي ابجربه

والله يابشرتي تتعب كثير خاصه وقت مايكون الجو غبار ووقت البرد .. الله يعين

والله يجزاكِ خير ياااارب ويوفقكِ لما يحبه ويرضاه ..

[قمر الزمان]

يعطيك العافية،.،

[نجمة إمسيان]

تصدقين دايم اسمع عن منتجات كلينك ولاعمري جربته شكلي ابجربه

والله يابشرتي تتعب كثير خاصه وقت مايكون الجو غبار ووقت البرد .. الله يعين

والله يجزاكِ خير ياااارب ويوفقكِ لما يحبه ويرضاه ..
أنا أختي بشرته حساسه مره وتستعمل منتجات كلينك
تراي أرسلت لك إسم الكريم ..

[نجمة إمسيان]

تسلموووووو نجمه,,,,,انا كذا طريقتي ,,,,بس بدون الابرة,,,,
صحيح ماهب لازم الأبره بس بعض أنواع البشره فيها مسام واسعه وتسود مع كثر أستعمال كريم الأساس أو الغبار
الله يوفقك,,,

[نجمة إمسيان]

يعطيك العافية،.،
ويعطيك العافيه أنت بعد
وشكرا على مرورك..

[Samaa]

هلا نجمتنا اللامعه << رايق لها هاللقب

بالنسبه لي ما أحب ألعب بوجهي

و الحمدلله مب من النوع اللي أحط ميك آب إلا بالمناسبات

إبرة التنظيف أذكر إني آخر مره جربتها من حول 10 سنين إذا ما كان أكثر لأني كنت أعاني من حب الشباب و بعض الروس السودا و قصيت عليهم بـ(الصبر)

و من بعدها ما شاء الله بشرتي صافيه إلا في أحيان نادرة جد تطلع حبه صغيرة و تروح من نفسها

أنظف وجهي بصابون أعشاب خاص للبشره طبيعي 100% و خالي من أي مواد كيميائه

و مرات أحط بعض الماسكات مثل الروب مع الخميره و العسل

أو العسل مع الحلبه

:)
:)

يسلمو يا اللامعه على هالموضوع :)

[نجمة إمسيان]

هلا نجمتنا اللامعه << رايق لها هاللقب

بالنسبه لي ما أحب ألعب بوجهي

و الحمدلله مب من النوع اللي أحط ميك آب إلا بالمناسبات














إبرة التنظيف أذكر إني آخر مره جربتها من حول 10 سنين إذا ما كان أكثر لأني كنت أعاني من حب الشباب و بعض الروس السودا و قصيت عليهم بـ(الصبر)

و من بعدها ما شاء الله بشرتي صافيه إلا في أحيان نادرة جد تطلع حبه صغيرة و تروح من نفسها

أنظف وجهي بصابون أعشاب خاص للبشره طبيعي 100% و خالي من أي مواد كيميائه

و مرات أحط بعض الماسكات مثل الروب مع الخميره و العسل

أو العسل مع الحلبه

:)
:)

يسلمو يا اللامعه على هالموضوع :)
هلا حبوبه ما ودي أحد يفهمن غلط الأدات اللي وصفته ما هي أبره هي تشبه الملعقه الصغيره مره تمررمن الجهه الخلفيه له على طريقة المساج والضغط الخفيف وتستعمل أكثرشي للمسام الواسعه أما البشره العاديه ما تحتاج لها وأكيد الحبوب ما يصلح أي أحد ينظفهن.
كلنا ما نستغني عن التوضيح...

[نجمة إمسيان]

السلام عليكم

اخيرا جبت لكم صورة اداة التنظيف

http://www.vip2222.com/up/uploads/133bffce56.jpg


http://www.vip2222.com/up/uploads/93b41a0903.jpg

هذا هو الابرة
وشوفوا الفرق بينه وبين الثاني

http://www.vip2222.com/up/uploads/44fcf426fe.jpg


وهذا نوع ثاني من أدوات التنظيف

http://www.vip2222.com/up/uploads/c5b90d7c2e.jpg

واللي عنده أسئلة أو استفسار انا موجودة