المساعد الشخصي الرقمي

مشاهدة النسخة كاملة : انشودة بصوتي { القلق }

NISSAN
19-01-2007, 07:01 PM
السلام عليكم :bs53:

اليوم قلت بخرب ابوها وبنزل انشودة بصوتي :bs42:

اول شيء اذكروا ربكم وتفلوا عليّ وهللوا :bs32:

>>>>>> مصدق عمره وش نسوي

الصراحة صوتي مهب زين لكن من باب التفائل قلت بنزله واللي يصير يصير حتى لو اعتزلوا الناس النت

قصة هالانشودة هي تحدي بيني وبين احد الشباب اني انزل هالانشودة بصوتي حتى اجاكر لفلان من الخلق

قلت له حرام عليكم ماهنا صوت علشان اجاكرلوه قالي ايه بلاك خواف عاد بعد كم يوم اقتنعت وقلت ماني خسران شيء الا انا الربحان


طلب خاص لكم انتم يا القصمان لا تردوني :

ابي راايكم الصريح بدون مجامله ياليت بدون مجامله هل صوتي جميل ام لا؟



.
اليكم الانشودة :








http://www.alqosman.net/vb/uploaded/1769_1169222095.zip
لووك جديد
19-01-2007, 08:11 PM
وعليكم السلام

شف الصوت ماعليه كلام ماشاء الله

بس مافهمت وش انت تقول لان الصدى مخفي اكثر الكلمات وماسمعت الا اول كلمه اذا مالليل والباقي ماادري وش قلت

وبالتوفيق ان شاء الله

ويعطيك العافيه يااارب
سيف بن زايد
19-01-2007, 08:35 PM
حركااااات انت بعد يا راعي النسيان:bs10:

طلعت مب هين.. صوتك حلو ذكرني بصوت صلاح بو خاطر ..
إلا وين سجلته بالإستدويو ؟ اسمع مثل المؤثرات الصوتيه داخله مع صوتك
ياااخي صوتك حلو لكن المقطع قصير ما لحقت ادقق ..
و اشغله و اعيده ..و اشغله و اعيده ..

لااااااااا بصراحه .. ان شاء الله راح يكون لك مستقبل زاهر في مجاال الانشاد
و ما عليك من صويحبك ذاك .. تراك فزت عليه .. و رح اطبع له هرجنا ذا .. وشف حالك:bs42:

و كل سنه و انت طيب >>> اشوف عمرك صار 23 ...
مبروك يا اخوي الصغير .. يا صاحب الصوت العذب :D

بس هااااااه ؟
ترى الاصدار الأول لي انا .. مفهوووووووووووووووم
و بالتوفيق ..
ام الهنوف
19-01-2007, 09:18 PM
وانا اختك الصدى مخفي معالم الكلمات

مدري وش تقول ولا وش كلماتك

وبالنسبه لنبرة الصوت ماشاء الله كويسه

الله يوفقك
ديقش
19-01-2007, 11:00 PM
ما شاء الله عليك
خامة صوتك ممتازه
تدرب كثير على النفس

وحاول تخفف الصدى
جلنار
20-01-2007, 12:47 AM
ماشالله ..قريبا اجل نسمع عن منشد <<فتى البدائع
وزي ماقالو الاخوان الصوت حلو بس الصدى قوووي ...
منوووله
20-01-2007, 01:44 AM
ماشاء الله تبارك الله

صوووتك مررره حلووو
بس مثل ماقالوا الصدى مرره مغطي الكلمات

وننتظر جديدك
NISSAN
20-01-2007, 06:18 AM
اخجلتم تواضعنا هع هع هع هع >>>> حاول يستحي لكن ابوه قاله اها بس ورد عليهم

الصدى وما ادراكم ما الصدى ولا يهمكم بحاول ابرمجه مره ثانيه من غير صدى

لوك جديد - سيف بن زايد - ام الهنوف - ديقش - جلنار - منووله :

ربي يحفظكم ولا يحرمني من هالكلمات التشجيعيه

وان شاء الله بحاول اعدل فيها وسامحوني على القصور .
مزاجيه
20-01-2007, 03:36 PM
نسيان صوتك واضح انه حلو

لكن الصدى هو المشكله والله يوفقك يارب

ونبي اول نسخه هنا بالقصمان اهداء لنا وتكتب اسامينا بالصفحه الاولى يعني زي كذا

((شمعة دربي وهم من انارو طريقي انهم القصمان شجعوني بكلماتهم فرحوني بإطراءاتهم...الخ

))


هههههههههههههههههههههههههههه بالتووفيق يارب
NISSAN
20-01-2007, 05:27 PM
هههههههههههههههه طيب خيتو مزاجيه هههههههههههههههه

بحاول اليوم احط وحده ثانيه ان قدرت


مشكورة على هالطله.
النور
20-01-2007, 07:26 PM
صراحه ما يحكم على الصوت في هالمقطع لاستخدام الهندسه الصوتيه

الشي الوحيد اللي قدرت اميزه نفسك قليل <<هذا بعد استخدام الهندسه

من الغلط انك تستخدم صدى
الهندسه الصوتيه كلها لاتقرب منها لانك تبينا نحكم عالصوت
وباستخدام الهندسه مو شطارة المنشد لو صار الصوت حلو هنااا تكون شطارة المهندس اللي قدر يخفي عيوب صوت المنشد


شي ثاني وراك تنشد بشويش وكانك خايف احد يسمعك ويدري انك تنشد
الانشااد بطريقتك هذي تخرب الصوت ياخي ارفع صوتك تحمس



تبي نحكم على الصوت افتح المسجل فقط وسجل صوتك ومباشره نزله من غير تعديلات
حلم العالم
20-01-2007, 09:55 PM
منتآز صوتك مع الصدى ، بس منهو عبدالله بن المبآرك يرحمه الله؟ :D



تبي نحكم على الصوت افتح المسجل فقط وسجل صوتك ومباشره نزله من غير تعديلات


بالضبـط ...:)
عيون المكيف
20-01-2007, 10:04 PM
من ردود الشباب والفتيات تحمست وحملته

ونفس ملاحظتهم ..الصدى طاغي

لكن الصوت يأهل للمغامره

تشكرات نيسان
غـــــزلان
20-01-2007, 10:05 PM
اخوي نيسان

ماشاء الله تبارك الله

تف تف

<<<<خخخخخخخخخ


جد الصوت حلو بس المؤثرات شوي خربت




..
ツRose Lover
20-01-2007, 10:10 PM
أتمنى لك مستقبل زاهرا بمجال الإنشاد

..

وبالتأكيد تكون الإنطلاقة من نقد محبيك

..

نبرة الصوت ممتازة .. ولكن يغلبها الصدى ؟

..

وبالتوفيق إن شاء الله

..
NISSAN
21-01-2007, 12:44 AM
النور : ان شاء الله بنزلها من غير مؤثرات

حلم العالم : عبدالله بن المبارك عالم وزاهد

عيون المكيف : ملاحظاتك وملاحظات الجميع ستاخذ بعين الاعتبار

غزلان - اسيل : ربي يحفظكم والجاي ان شاء المولى اجمل



بارك الرحمن في الجميع وانتظروا الانشودة الادمة من غير مؤثرات
حلم العالم
21-01-2007, 01:20 PM
حلم العالم : عبدالله بن المبارك عالم وزاهد




الله يغفر له ويرحمه

لكن أنآ سألت لأني يوم نزّلت الملف وفكّيت الضغط عنه طلع لي اسم المقطع عبدالله بن المبآرك رحمه الله ، فعلشآن كذآ أسأل قلت يمكن أنت أسمك عبدالله بن المبآرك بعد هع هع هع << نفس ضحكتك :D
بنت الشيحية
21-01-2007, 04:58 PM
الواضح انه بإذن الله قد يكون لك مستقبل زاهر في مجال الإنشاد

ان استخدمت اسلوب الإصرار والحماس الذاتي

من ناحية تعليقي فأنا مع النور بكل الي قالته ماشاء الله عليها

شكرا لك
سيف بن زايد
21-01-2007, 05:17 PM
جرب تسجل صوتك بالجوال ..
و نزله على طووول ( من الهاتف إلى الكمبيوتر ) .. راح يطلع خياااال :D

>>> هذا العضو دايم يغرد و يسجل صوته العذب خاصه إذا كان في بيت الراحه .. :D خخخخ
NISSAN
21-01-2007, 08:20 PM
حلم العالم : لا ضير اخي ربي يحفظك

بنت الشيحية : ولا يهمك وجزاك الله خير

سيف بن زايد : بارك الرحمن فيك بس اخاف يصير المقطع طويل