من يعرف جهاز معطر الجو اللي يعمل اتوماتيك

[رساوية]

من تعرف هذا الجهاز وفيه أحد جربه ولو تعرفونه ممكن تعلمونا وين نلقها وبكم يباع؟؟؟..

أرجو لإفاده من أصحاب الخبره..وهل ريحته حلوه..

بصراحه أنا تحمست أشريه لأنه يخلي البيت معطر بوقت مستمر

[الراحل]

هلا
ريحته حسب العطر اللي ينحط فيه على ما اعتقد وبالنسبه لاستخدامه موجود في المطاعم والشقق المفروشة الكبيرة.

[عالي مستواه]

8
8
8
8
اختي انا جربته

وصدقيني ماله ذيك الفايده

الا بشرط ان يكون عندك اكثر من واحد في المكان الواحد

بيكون حلو اذا كان فيه اكثر من علبه في المكان الواحد

تلقينه عند بنده وهو بالتوقيت يعني تحطينه كل عشر دقايق او خمس دقايق

على حسسب رغبتك والوقت الي تبينه

سعره اعتقد والله اعلم انه بالثلاثينات

يعني 35 او 32

يعني كذا

وان شاء الله اذا اخذتيه بتنبسطي بريحته في بيتك

والله يوفقك يارب

[رساوية]

الراحل ..احلف أدري ان ريحته حسب اللي ينحط فيه>>وحده نذله

عالي مستواه..على فكره انت ولد والا بنت

أشوا اللي علمتين بسعره أنا كنت أبشريه ب85ريال من عرض بالنت..

شووووووووووكرن على معلوماتكم الجميله مثلي:D

[عالي مستواه]

8
8
8
8

اول مره احد يسألني هالسؤال


ههههههههه


عاااااااااااااااااالي

مو


عااااااااااااااااااليه



يعني

انا ولد

ههههههههههههههههههههههههههه

من جد ضحكت يوم قريت انت ولد ولا بنت


هههههههههههههههههههههه

[Samaa]

فيه معطر الجو إير ويك

طلعوا منتج جديد يعطّر أوتوماتيك مستخدمينه عندنا بالدوام سعر الواحد بـ 50 درهم يعني 50 ريال

بس مثل ما قال أخوي عالي مستواه لازم تحطين أكقر من واحد في الغرفة خاصة إذا كانت مساحتها كبيره :)

[حلم العالم]

أم طحرور انتبهي من اللي قآلوا لتس عنه الأخوآن اللي فوق ، ترآه ينفجر بالبيت بعد شهر من تركيبه :)

وروحي شوفي وآحدن يبآع بـ (سآكو) سعره تقريباً 45 ريآل وتوقتينه حسب اللي تبين :o

<< تحلفون أن له نسبة عند سآكو :D

بس فيه شي ياأم طحرور ،، ترآه بكل تشّه يطلّع صوت فلذلك وجب الحذر من الموقف :D

[رساوية]

عالي مستواه..عساه ضحكه دايمه>>تقوله بحقد

اقرأ اسمك على أنه اسم بنت وراح يركب يعني كأنه عالي مستواها بس بلهجة القصمان تقال عالي مستواه فعشان كذا احترت وأحسبك بنوته حلوه مثلي..

حبوووووبه..والله انك حبوبه

حلم العالم ...وين ساكو هذا؟؟؟

[لووك جديد]

^
^
^
ساكو ببريده ..ماادري عندكم بالرس والا لا ..اي شي خاص بالمنزل تلقينه واسعاره معقوله ..

واحلى مافي الجهاز انك توقتينه يرش الريحه كل نصف ساعه اوساعه اللي يعجبك ..

والريحه في ريحة نسيم البحر خياااال..

[سـ ـحّّـ ـارة]

فيه العطر الي يرش على حسب اختيارك اقل شي 9 دقايق
حلو واكثر يعجبني الي بريحة الليمون منعش مره
انصحك فيه افضل من الي حاطته صورته
واذا شريتيه خليه بمكان مرتفع عشان ينتشر بالغرفه كلها

[عيون المكيف]

طيب ممكن وحده ماحطت الموضوع وتسئل سؤال :D

الريحه تكون قويه

يعني مثل الفواحه ولا أقل حده من ريحة الفواحه


بالعربي تنفع للي فيهم ربووو ولا تكتم

[ツRose Lover]

أنا عندي من ديتول طبعا له مؤقت كل مثلا نص ساعة تنتشر الريحة

طبعا انا حاطته وانتي بكرامة بالحمام يعني لازم اذا بغيتي للبيت كله لازم بكل مكان تحطين وحده

سعره تقريبا 50 يباع في كارفور هايبر بنده ووووالخ

[رساوية]

لوك جديد..بصراحه تحمست أشريه..

سحاره..الحين وصفتيه لي ولا لطيتي صورته وشلون أبعرفه..بس شووووكرن عالنصيحه..

عيون المكيف..من سمح لتس تسألين بموضوعي الا على فكره المكيف له عيون..؟؟؟
بس أتوقع انه ينفع للي فيهم ربو>>>سني أعرفه من زمان:D


أسيل..والله وصار فيه ديتول بعد والله وناسه عشان ما أغسل حمامنا -الله يكرمك -أبد ...>>الأخت عجازه

[ام الهنوف]

هلا بام الطحروووور

ها المعطرات يبي لها مكان وااسع عشان تنتشر الريحه , مهب بيت او شقه

لكن ودي اقول لك شي , أحيانا تكون هذي المعطرات مركزه بشكل قوي وتكتم صدر الطفل , وانتي طحرورك مازال صغير وحرام تكتمينه وتحشرينه عشان تحصلين على ريحه حلوه

تبين تعطرين بيتك حطي معمول بمبخرة كهرب وصلى الله وبارك

لكن اجازف بصدر ولدي عشان ريحه حلوه لا والله ما تسوى علي

والحمامات الله يكرمك فيه فواحات صغيره لها الغرض , تلاقينها في بنده والسيفوي ورخيصه

[رساوية]

اهلين ام الهنوف

أنا مفكره أحطه بمدخل البيت يعني بالداخل راح تكون الريح على خفيف

وأما اللي تتكلمين عنه حقات الحمامات الله يكومك أنا عندي بس لازم أنا أبخه وحجمه صغير يعني تخلص على طوووووووووووووول..

أنا أبغى اللي تريح>>الأخت عجازه

شوووووكرن عالرد

[أسيف]

تبين نصيحتي

اول شي نظفي السراميك بديتول وبعدين ولعي مبخرة الكهرب وتعالي شوفي الريحه

مثثل ريحة الفنادق

وان كان بيتك موكيت رشيه قبل الكنس بوده معطره ثم اكنسي وشوفي الرييحه والنظافه

[المستشّم]

العطر هذا غير عملى ....................؟

[(بريداوي)]

أنا جربت اللي عند ساكو

ممتاز .... حا طينه بكل دورات المياة وانتم بكرامة

بس مشكلته الصوت شوي ... قوي

يعني اذا الصالة أو غرفة الحريم ... حولها دورة مياه وعندك ضيوف ... ورش ..كلهم يبي يقولون وش هالصوت

يعني ...كود تسكرينهن اذا جاك الضيوف ما له داعي .. صوته


وبالنسبة لريحته ... عندهم (ساكو) اكثر من نوع

[ديقش]

ام الهنوف
كلامها صحيح وعقلاني

بنسبة للجهاز استخدامة( طفة) لبعض اشهر ثمين للمستودع
اغلب الناس لهم طريقه موحدة ومعروفة واي شي دخيل لا يستمر الا اذا ثبت جدارته
والمعطر الالكتروني لم يثبت جدواه اقتصادياً وعملياً .
مجربة والان في المستودع .

[عواطف]

يابنات احب ريحة العطورات والفواحات وصرت خبيرة بهذاالمجال من كثر الفضول ..مااطول عليكم..دايمااجرب كل جديد لكن الريحة ماتطول ..لكن بعداليوم اكتشفت السروماقلتة ولا لاي احد الالكم لعيونكم الحلوة..رححححححححححت محلات اقمصة النوم ومحلات مارينا اللي بالحجازفية ريحة من زمان تسطلني ونفسي اعرف سرها وسرثباتها حتى بالملابس اللي اشتريها..وفجاة..بينماكنت ابحث عن سرالريحةبخفاءوخبث راوقعت عيني علة جهاز مستطيل بالضبط زي جهازجليداللي يبخ من نفسة حاطينة فوق رف علوي بين الملابس قلت بس هذاالسر..ولااخفي عليكم طرت فرحاالمهم بعدبحث طويل لقيت الجهازواسم الزيت العطري اللي حاطينة الجهاز لقيتة في محلات يابلاش والريحة شكلهل زي علبة حليب لونافية روايح كثيرة بس الريحة اللي بمحلاتهم اسمها تروبيكاناتنحط بهذالجهازتحت مروحة صغيرة عشان تنشر الريحة واو تهبل ومستمرة تدوم لالكثرمن شهربيتي صغير جبت لة حبتين وداستها وراالكنب ومين جاني سالني قلت هذي فواحة طب شممينااقول خالطة مية نوعياهووة كل مرة تخلطي مية نوع جربوهاياقماري وادعولي ياسكاكر


جبت لكم يابنات صور الجهاز والعطور
http://www.bin-afif.com/images/picter/FB-1012.jpg

وهذي صورة الجهاز من الداخل
http://www.bin-afif.com/images/picter/FB-1012-b.jpg

وهذي صورة العطور
http://www.bin-afif.com/a1.jpg

المواصفات:
* عطور سائلة عالية التركيز
* عطور متلائمة مع البيئة وغير ضارة على الإطلاق
* تستمر العبوة حتى شهر كامل
* متوفرة بروائح عطرية ساحرة عديدة مثل:

تروبيكانا
فراولة توت
كرز تفاح خوخ
جاردينيا عنب بري فانيلا لافندر بوكيه ياسمين
ليمون أناناس بطيخ ورد
الحجم:
135 مل



http://www.bin-afif.com/index.html

نقلاً عن عالم حواء

.. .. ..

الجهاز حلو لدوراة المياه ما اقتنع فيه لتعطير البيت .. احب علي ابخره بـ "عود معطر ملكي" من عبد الصمد القرشي .. :)

[النور]

صوته يروع
<<ياكثر ماتروعت من صوته