تحذيرن مهمّن بالحيل !!

[حلم العالم]

السلآم عليكم ورحمة الله وبركآته

يسرّني ويشرّفني أن أنقل لكم هذآ التحذير الخطير والذي بآغتني برؤيته وجلست أتذكّر من اولئك الأشخآص الذين يشتغلون بالنسخ واللصق وأتذكّر حملة لآ للمنقول وغيرهآ من الأمور وأترحّم على أجهزتهم :D

<< يآشين لآ تفلسف هآت الزبده :mad:

الزبده طآلت أعمآركم ألقفوا الخبر :)



مـعلومة خطـيرة انت لم تعرفـها من قبـل


Important Warning



اليكم يا اخوتي الكرام هذه المعلومة الهامة جداً

كلنا يستعمل أتناء عمله في الحاسوب و خصوصا الأنترت اختصارات الكيبورد لاسيما منها النسخ Ctrl+c و اللصق Ctrl+vوللأسف فانه بتركيبة من لغات البرمجة JavaScript و ASP تستطيع بعض المواقع تسجيل ماقمت بنسخه على الشاشة سواء كان نصا أو كلمة مرور أو رقما لبطاقة بنكية الخ...

يمكنكم التأكد من هذا بأنفسكم:

1. ظلل أي نص تريده

2. و قم بنسخه Ctrl+c ثم

3. اذهب لهذا الموقع و ستجده هناك

4. أضغط هنا لمشاهدة ماقمت بنسخة الأن



http://www.friendlycanadian.com/applications/clipboard.htm


لذا تنبهوا يا اخوتي أن تنشروا معلوماتكم الخاصة أو الهامة عن طريق الخطأ ولكن الحمد لله أنه يمكنك بسهولة جدا التغلب على هذه المشكلة كالتالي:

(1) اذهب إلى Tools في متصفح الانترنت

(2) ثم إلى Internet Options

(3) ثم إلى Security

(4) ثم اختار Custom Level في الادنى ثم انزل في القائمة للاسفل حتى تصل إلى عنوان Scripts

(5) وفي السطر الخاص بـ "Allow Paste Operations via Script."

(6) اضغط على خانة Disable.




و الان جرب النسخ مرة اخرى ة واذهب للموقع ستجد عدم وجود ماقمت بنسخه



م . ق للفآئدة :D

[رساوية]

ياربيه روحوا حرثوا بالموقع بتلقون صوري وصور طحروري..الا غديهم مايسرقون صور

[@حــــمـــ عنيزه ــــودي@]

مشكور مشكور علا الموضوع الجميل يخليك ربي يعطيك الف عافيه اخوي


تــــــــــحياتي:@حــــمـــ عنيزه ــــودي@

[حلم العالم]

ياربيه روحوا حرثوا بالموقع بتلقون صوري وصور طحروري..الا غديهم مايسرقون صور

أمّآ صور طحرورتس فمآ هقيت أنّهم بيلقونه بجهآزتس لأن على حسب معلومآت وصلتني أن مآله ملآمح وحول بنفس الوقت :p

<< دعوة لبثّ حمآس أم طحرور لعرض طحرورهآ البليد :D

[حلم العالم]

مشكور مشكور علا الموضوع الجميل يخليك ربي يعطيك الف عافيه اخوي


تــــــــــحياتي:@حــــمـــ عنيزه ــــودي@


العفو أخوي

حيّآك الله ، وتشكّرآت على طلّتك الحلوة يالغآلي :)

[رساوية]

دور لي من يصوت لي وراح تلقى طحروري صاير خلفية للمنتدى..

الا على فكره تراي كنت لاطه صورته بس كنت أنت لاهي تصلي التراويح برمضان وصاك عليك صومعتك

[التوته]

وعليكم السلام ورحمة الله وبركاته :)







هم قالوا هالطريقة خطيرة، بس أنا ما سمعت الكلاااام :D

وحالياً أدرس جافا اسكربت :D



ووومشكووور ع التحذير، وجزاك الله خير ^_^
.
.
.

[كاشت بذاك]

هالحين ياحلم الدعيسه انت وخشك تبي تعلمنا ان الويندوز عندك انقلش :D


<<=== حدوووده بالانقليزي نو آند وي <<== وي تراه فرنسي :P

الحين عرفت الين مستوى مخصص وبعده وش ازين يعني لو يحصل تسوي الشرح بالصور

يكون احسن بس لا تسوي مثلي بذاك الموضووع وتصير الصوور انوااع الحوسه :D


ايه صح تراي قيمتك ولو انا مجرب طريقك قبل كان خفست بنقاطك <<== وجه ابن فهره :D

[حلم العالم]

أم طحرور الله يعطينآ ويعطيتس ، دعيت لطحرورتس بالرمضآن أنّه يصير رئيس الإنتخآبآت البلديّة :p

مآبزينآ هالطحرور بصفحة من صفحآت هالمنتدى تبين تحطّينه خلفيّه بعد نآويتن تنحشين الزوّآر :D

<< لآ يزآل يحآول جآهداً بث حمآس أم طحرور لرؤية طحرورهآ الوسيم :p

[حلم العالم]

التوته ،،

حتى لو تدرسين جآفآ نآيت بعد وش يردّتس مآتسمعين الكلآم؟:mad:

أحسن تسودهم يسرقون توآقيعتس اللي بجهآزتس:p

أغدي مره وسوّي الطريقة يالله قدّآمي:D

[حلم العالم]

أبو خآن يآمآل الصلآح لك نيّة مآتقيّمن وأنآ مقيّمك بموضوعك حق أصوآت المآسنجر؟:mad:

<< شغل شد لي وأقطع لك :p


يآحمبيلك يبو خآن ترى الدعوى مهب صعبة لهالدرجة << يبي الفكّة من التوضيح بالصور :p

الشغلة أنّك تمشي مثل مهب مكتوب بالحروف مهب لآزم تفهم المعنى :D

يعني الحين شف لك أي نص مكتوب وظلّل عليه واضغط كنترول + سي ، همّن افتح الرآبط تبي تشوف الكلآم اللي أنت نآسخ مكتوب قدّآمك ،، :)

فعلشآن كذآ يبو خآن رح افتح لك صفحة جديدة واختر من فوق

>> أدوآت

>> خيآرآت الإنترنت

>> سكيورتي ( حمآية أو أمن )

>> custom level يعني لآ تختآر المستوى الإفترآضي اختر الثآني مدري وشلون ينقآل بالعربي

>> انزل لين تلقى خيآر السمآح بلصق العمليآت بوآسطة السكربت اختر منهآ عدم السمآح

وإن مآفهمت قل لي وأسوي رسومآت الشكوى لله :D

[كاشت بذاك]

اهااا اجل هذا قصدك يعني :D


لا خلااص فهمت وش تقووول <<===== يريّش بجواثيم الدعيسه :D


وعموما مسألة اذا فيه سكربتاات تلطش النسخ واللصق

ما هنا شي يسوى عندي عشان النسخ واللصق لأن اغلب ما انسخ يا كلاام بالمنتدى

او شغل بالرسااااام للشرووحات المهمه :D


واتووقع الطريقه هذي توقف كل السكربتات بالاكسبلورر ولا ودي اتوهق بشي



وتسلم على سعة صدرك حلم العآلم :)

[شمـ بريدة ـوخ]

المعلومه قريته باكثر من منتدى :D ومع ذالك مااستغني عنه :D

منذو مبطي مسويه الطريقه الي انت تقول <<< اجل وش جايبتس :D << بس بقولك شكرا :D :D :D


.

[Samaa]

يسلمو أخوي حلم العالم

مثل شموخ

قريت التحذير بكذا مكان

عاد من زين الكلام اللي نكتبه عشان نخاف عليه

تسلم أخوي حلم العالم على هالتحذير

[حلم العالم]

أبو خآن الله يرحم حآلك شكلك تدربي دميجتك ومتفلسفن علي وأنت مآعندك سآلفة :D

يآبعدي أنت أبشر باللي تبيه وإذآ تبي دورة بالرسّآم ترآي مستعد :p

حيّآك الله :)

[حلم العالم]

المعلومه قريته باكثر من منتدى :D ومع ذالك مااستغني عنه :D

منذو مبطي مسويه الطريقه الي انت تقول <<< اجل وش جايبتس :D << بس بقولك شكرا :D :D :D


.


وهذآ هو المطلوب أولاً وأخيراً وفي كل حآل ومجآل :D

العفو شموخ ، وحيّآتس الله :)

[حلم العالم]

يسلمو أخوي حلم العالم

مثل شموخ

قريت التحذير بكذا مكان

عاد من زين الكلام اللي نكتبه عشان نخاف عليه

تسلم أخوي حلم العالم على هالتحذير


هيه هيه حبوبه ترى توآقيعي بجهآزتس :)

<< خآف أنّه مآتسوّي الحركة وينلطش توقيعه :D

حيّآتس الله اختي ، وتشكّرآت على المرور ..

[كلورا]

الحين ممكن تترجم الطريقه بالعربي

جهازي عربي وعجزانه اترجم

هذا موضوعك ولازم تكمل يله ترجم ننتظرك

[حلم العالم]

أبشري يآكلورآ :D

طآل عمرتس المشكلة يقولون أنّك لو ظلّلتي الحين أي كلآم مكتوب وضغطتي على ( كنترول+ سي ) همّن رعصتي على الرآبط اللي فوق رآح تحصّلين نفس الكلآم اللي نسختيه موجود بوسط الرآبط ..

وعلشآن تنحل هالمشكلة افتحي صفحة انترنت جديدة وبالترتيب تتبّعي التآلي :

>> أدوآت

>> خيآرآت إنترنت

>> أمآن

>> مستوى مخصّص ( تحصلينه تحت )

>> انزلي تحت لين تحصّلين هالجملة : ( السمآح لعمليّآت اللصق بوآسطة البرنآمج ) ، طبعاً رآح تحصّلين تحتهآ ثلآث دوآئر الأولى تعطيل ، الثآنية تمكين ، الثآلثة مطآلبة اختآري تعطيل ..

>> همّن اضغطي موآفق >> موآفق

وكذآ انتهت المشكلة ، وعلشآن تتأكّدين ، روحي انسخي كلآم بنفس الطريقة الأولى ، همّن ادخلي الرآبط ومآرآح تلقين الكلآم المنسوخ مرّة ثآنية ..:)


وإذآ مآ فهمي قولي لي أشرح لتس بالصور ، حيّآتس بأي وقت :D

[كلورا]

سويتها وضبطت معي

مشكوووووووور وماقصرت :)

[عووووويس]

مسيك بالخير حلومي :D

ابشرك سويت كل اللي قلت عليه ما هنا شي ظهر لي حتسي قلينزي وسط مربع :(
مع اني سويت قص ثم لصق بالعربي :D

ظنك ان جدار الحماية اللي انا مركبه وقف في طريدزهم :D

[حلم العالم]

كلورآ :

العفو اخيتي وحيّآتس الله :)






عويس :

صبّحك بالرضى والعآفية :D
الله يهديك أنت الحين سوّيت قص؟؟ الله يعينك أجل معنآة الكلآم العنقلينزي اللي ظهر لك انّهم قدروا يدخلون ملفّك الشخصي حق القصمآن ويسحبون منك 10 نقآط من تقييمك ، والله أعلم :D

أجل تقول جدآر حمآية ، شكل البتآع عندك قوي :p