وش تستخدمين عطر لطفلك او طفلتك .. ؟؟

[ام الهنوف]

السلام عليكم ..


يا ليت يا اخواتي نستفيد من بعض وكل وحده تفيد الثانيه بأحلى العطور اللي جربتها لطفلها أو طفلتها أو حتى أخوانها الصغار


و الأفضل يدعم الموضوع بالصور عشان يكتمل :)


بالنسبه لي ماعطرت بنتي إلا بعد ما كملت السنه الأولى


واستخدمت لها عطر بولغاري يجنن وما ينمل منه وخفييييييييف


يعني ارش على ملابسها رشه وحده ثم بعد ربع ساعه ألبسها الملابس


صورته بالمرفقات لأني ماعرفت انزلها بالموضوع :(

يالله بإنتظار البقيه :)

[أسيف]

اهلين ام الهنوووووووف

بالنسبة لي انا استعمل دهن العود غاااااااالبا

او هذا الطقم

http://www.alqosman.net/vb/attachment.php?attachmentid=157&stc=1&d=1161869888

هذا الجل اما الكريم والعطر فوق عند الشغاله لانه هي غالبا تلبسهم

[ام الهنوف]

هلا دمووعه ..

ما قلتي لي وش اسم العطر ؟؟

ما وضحت الكتابه على علبة الكريم

سؤال خاص يا دمووعه إذا تسمحين :)

.. ليش اغراض اطفالك عند الشغاله ؟؟ ليش ماتكون بغرفتهم ؟؟ أو بغرفتك !!

لأن الشغاله ممكن تستخدم العطر والكريمات والجل لنفسها

صح ولا لأ !!

[بنت الشيحية]

اهلين ام الهنوف

بالنسبه لي استخدم عطر بيبي جونسون الزهر من اول يوم يجون

لين يتمون سنتين تقريبا بعين استخدم اي عطر خفيف مالي نوع معين المهم

اني اشتري لهم عطور خفيفه

تراني دخت والله بقوقل ادور لتس على عطر بيبي جونسون بس مالقيت ولااظن ماتعرفينه!

[ام الهنوف]

هـــــــلا بنت الشيحيه

تقصدين كولونيا بيبي جونسون

الصوره بالمرفقات

ريحتها حلوه

بس اللي مرررررررررره يمدحونه عطر جوفان مسك

إن شاء راح اجربه واعطيكم رايي فيه

[بنت الشيحية]

ام الهنوف

هوووووا بزاته مشاء الله عليك من وين جبتيه!!

انا ابترم راسي وانا ادور عليه

[ام الهنوف]

شووشووووووووو

وراه ابترم راستس

تسان صورتيه من عندتس خخخخخخخخخخ

حياتس ربي

وإذا عندك اضافات وآراء يا هلا بك

ننتظر الأخوات :)

[المغتربة]

اهلين ام الهنوف00
انا والله اعطر ولدي من عطوري او عطور ابوه00
بس جوفاني مسك مرة ريحته حلوه تحسينه ريحة اطفال من جد00
انا شميته بس مابعد شريته له00
ويسلمو على الموضوع 00

[ام الهنوف]

هلا المغتربه

يا قلبي عطورات الكبار قوية على الأطفال انتبهي

وتجيب كتمات وربو ( بعيد الشر إن شاء الله )

جيبي له شي بارد وخفيف .. يعني مهب مركز مثل عطورات الكبار ..

ومشكوووره على التفاعل

[قمر الزمان]

أحس ما فيه عطر أحسن من دهن العود لين يوصل الطفل سنتين،،

بعدها استخدم أي عطر خفيف،،

يعني على حسب اللي نازل جديد..

[طايرتن بالعجة]

أغلب عطور الأطفال قوية .. مدري ليه !!!!
وأكثرهن مثل عطر الليمون اللي يحطونها منول على المغاسل :D

نادر تلقين عطر ريحته خفيفة وتنفع للصغار ..

أذكر عندي واحد حلوة ريحته مرة وخفيفة ومميزة .. جاني هدية ودورت مثله ما لقيت الا في صيدلية
الحبيب .. بس عقب معاد لقيته أبد ...

والصدق ان عطر ( جوفان ) ما فيه مثله للصغار .. ريحة نظافة ..




.

[طايرتن بالعجة]

قمر الزمان ...

دهن العود للأطفال !!!!

من قوته يكتمني ... وشلون عاد يتحملونه الصغار !!!!!!!!!

[ام الهنوف]

قمر الزمان

دهن العود قوي جدا جدا على صدر الطفل

ولد اختي ما جته الكتمات وأزمات الربو إلا من الدهن اللي تكببه عليه اختي الله يصلحها ..

جربي الكريمات المعطره اخف و احلى ريحه

دهن عود وطفل ؟؟ احس ان ريحته مثل الشايب :)

[ام الهنوف]

طيووره

بالعكس غالبيه عطور الأطفال خفيفه ويراعون صحة الأطفال ..

جربي عطر من عند محل جاكادي , حلو وخفيف

و جوفان مسك حلوه ريحته

عندي كريم من فكتوريا سيكرت بالفراوله تجنن ريحته

ادهن بنتي وتجلس الريحه فيها وما تروح

اهم شي دوري على الأصلي مو التقليد

حياك ربي

[ذكرى]

انا اشوف مرة اخوي تستخدم لبنتها عطر اسمه سيرين من اجمل حلوة ريحته وتثبت على الملابس وخفيفه مررة حتى رخيص يمكن ب 30 ريال

شريت منه استخدمه للكليه دايم لان ريحته ثابته المشكله بلوتوثي خربان والا كان صورته

[ام الهنوف]

هلا طلوووقه

إن شاء الله ابجرب العطر اللي قلتي عليه ( سيرين )

يعطيك الف عافيه

[رايقة]

سؤال؟؟؟

وشو عطر جوفان وين يلقى؟؟؟؟

اختي تستخدم ريما من الماجد للعود حلوة ريحته بس قويه شوي

الا وش رايكم بغسل الملابس للاطفال بصابون الامبشور ( اللبناني) تخلى ريحة الملابس حلوة

[ام الهنوف]

هلا جود

عطر ( جوفان مسك ) تلاقينه عند محلات وجوه ..هذي صورته :

http://www.alqosman.net/vb/attachment.php?attachmentid=228&stc=1&d=1163173941

غالبيه البناات اللي اعرفهم يعطرون أطفالهم منه , ريحته خفيفه ومنعشه .

ـــــــ

والصابون المبشور ( الوزير ) ممتاز بس ريحته لك عليها شوي
عن نفسي اغسل ثياب بنتي بشامبو الملابس
وهلا بك

[رؤوف الغطريفي]

ماعندكم عطور للي كانوا اطفال منذو مبطي وكبروا هالحين

خخخخخخخخخخ الله يرحم الحال كنا نتطيب بالميرندا

[عواطف]

انا احط وراذان ولدي دهن عود خفيف
http://www.areejalalam.com/images/Dohnfakhir1_4.gif


ملابس البيت اعطرهن اكثر شي بلوشن بيجون، انا احس انه كولونيا وهم مسمينه لوشن
كولونيا جونسون ما جاز لي صراحة احس انه طيب مغاسل الاولين
http://www.babyandcompany.co.za/pigeon/pigeon6.jpg


وملابس الطلعات جكادي الاخضر .. واذ بغيت اطلع اعطر حتى ملابسه الداخلية واحط بهن من اللوشن سابق الذكر
http://a1378.g.akamai.net/7/1378/8278/20061102192317/www.sephora.fr/assets/dyn/product/P11838/P11838_hero.jpg

.. .. ..

والحين ودي اغير عشان كذا ابي ارفع الموضوع