حياكم الله بمجلس فديتوهـ حيث المتعه والفائده بلا حدود ....للبنات فقط [الأرشيف]

ورد الجوري

25-09-2006, 11:19 PM

:o السلام عليكم اخواتي وصديقاتي الشباصات الحلوات :o

وشلونكن عساكن بصحه وعافيه وسعادتن دايمه ومبارك عليكن الشهر

اقلطن حياكن الله وافتشن غطاويكن واجدعن أعبيكن مهنا رجاجيل :a122:

وخوذن راحتكن بالسوالف والحش والحشيش نياهاها :c008:

<<< تراه تمزح خخخخخخ :c022:

المجلس مجلسكن احب اقولكن اني سويت هالمجلس خصوصي لنا حنا يالبنات لأني شفت بنات

المنتدى متشتات بكل مكان قلت اسوي هالمجلس يجمعنا وعسى الله انشاء الله يطرح بوه

البركه والفايده والوناسه وسعة الصدر وعشان نتطمن بوه على بعض بعيد عن تماسيح المنتدى

يعني ياوخياتي اي وحده متضايقتن من شي :36_1_38[1]: تجي تقولوه ابذا لصديقاته واخواته

واي وحده صار له موقفن يضحك تجي ابذا وتقولوه لنا عشان نضحك معه واي وحدي تبي تسولف باللي هوهو تجي ابذا

مع ضمان السريه التامه :36_1_12[1]: لأني ابعين من الحين حبشيه توقف عند باب المجلس واي تمساح يبي يويق بالعجرا

من سيقانوه خخخخخخ

عاااد الحين استقبل تهانيكم على افتتاح هالمجلس :butterfly:

بس اسرعن لاتقعدن تزينن سنه عند الكونفيره لمين تبرد القهوه والكليجا اللي انامولمته لكم بأصابعي الناعمات

وملاحظتن صغنبوطه
.
.
.
يمنع منعاً باتاً اصطحاب الجوالات :36_13_1[1]: بكل انواعه والبيجرات بعد

ايه اخاف تقعدن تقرقن بهن وتتركنن بلحالي

.
.
.

بالنهاية أتمنى اعجبتكم الفكره واتمنى التفاعل من الجميع

وتقبلوا خالص حبي :o

.
.
.

قبل مااعتمد الموضوع أتمنىىىى وليتَ وارجووو أنكم تثبتونوه :p

هامورة الاسهم

26-09-2006, 01:48 AM

هلا فديتوه تسيف الحال

ماقلتي وش سويتي فطووووركم اليوم

جلنار

26-09-2006, 03:28 AM

انا جيت وجبت قهوتي ...
بس وين المتعة بلا حدوووود ...<<<ادورها مالقيتها :D

طيب اذكر لكم موقف صار معي وصارت نكتة اهلي فترة يتطنزوبي عليها ...
مره شفت اعلان بالجريدة لمنتج وعجبني واتصلت على الصيدلية اللي رقمها اسفل الاعلان ..<<طيب
ورد علي المصري ..
ومسكت اسئله معه ؟؟؟؟
اخر شي .. سالته قلت وين موقعكم ..؟؟
قال : في حي ................ فراغ:)
قلت : يوه مافي لكم فرع قريب !!!
قال المصري بضحك : انتي فين هههههههههههههه
عاد انا وجهي قعدت ساعة ادور عليه:)
<
بعده خواتي اذا بغو يضحكون يقولون

مافي لكم فرع قريب:(

ورد الجوري

26-09-2006, 08:08 PM

هلا بتس والله ام هلا

انا بخير وصحه وعافيه انتي تسيفتس بشرينا عنتس

والله فطورنا اشكال والوان الله مير يسلم اطباق النخبه وافتحي وزيني

حياااتس اقلطي تراتس معزومه على الفطور باااتسر

عااد لاتفشلينن

ورد الجوري

26-09-2006, 08:17 PM

هلا والله بدميعه

وبقهوته مدي الفنجال ونااختس ترا روسنا صاكتنا عقب الصيام

طيب اذكر لكم موقف صار معي وصارت نكتة اهلي فترة يتطنزوبي عليها ...

ههههههههههههههههههههههههههههه

وش هالموقف الله يرجتس

ذكرتين بموقف صار لي يوم الأحد

قومون اهلي اتسحر معهم الفجر واقوم والبس تنورتي وبلوزتي وتكحل واكد شعري

وانزل لهم

يوم شافون بدو يكركرون علي ونا مدري وش السالفه وجي تقولي امي

وين تبين يابنيتي قلت انا للجامعه

قالت امي وشجامعتوه روحي البسي قميصتس وتعالي تسحري ممديه على القومه

وذاك اليوم طاح وجهي انواع الفشايل :D

مزاجيه

26-09-2006, 09:01 PM

يامرحبا غريبه جيت بدري دايم ما اجي الا والمجلس قد صكن فيه الحريم
الف مبروك
وودي اسولف >>ماعندها وقت

كلورا

26-09-2006, 10:14 PM

قومون اهلي اتسحر معهم الفجر واقوم والبس تنورتي وبلوزتي وتكحل واكد شعري

وانزل لهم

يوم شافون بدو يكركرون علي ونا مدري وش السالفه وجي تقولي امي

وين تبين يابنيتي قلت انا للجامعه

قالت امي وشجامعتوه روحي البسي قميصتس وتعالي تسحري ممديه على القومه

وذاك اليوم طاح وجهي انواع الفشايل :D [/quote]

ههههههههههههههههههههههههههههههههههههههههه

ذكرى

27-09-2006, 06:47 PM

سلخيرااااااااااااااات

فديتوه شحالج شخبارج

ياختي غريب اسمج

كنتس ولد تصدقين اول شي احسبتس معرف رجل

بس يوم صبغتي شعرتس برتقالي عرت انتس سحليه

اما موقفتس شييييييييييي يفطس من الضحك
دايم تصير معي اضيع اذا صرت توي قايمه مدري وش الوقت

يالله بروح اجيب الفطاير من السواق واجي

ورد الجوري

27-09-2006, 08:35 PM

يامرحبا يامرحبا ترحيبتن كلها لش وبأهلش وبجامعتش وبالهلوكس اللي رحل بش :p

ههههههههههههههههههههههههه

وابشرتس هالمجلس مهوب صاكن ابد ن بد بأذن الله

وكل مافضيتي سيري علينا واهرجي كلنااذانن صاغيه :D

هههههههههههههه

ورد الجوري

27-09-2006, 08:40 PM

كلورا

دووووووم هالضحكه

مزاجيه

27-09-2006, 08:40 PM

يامرحبا ترحيبتن كولها لش
تكسيش من راسش ليا حد ما طاش
من قلب مهيوم بغرامن صفالش
.........نسيييت الباقي
فديتوهـ هذا الترحيب لي لأن المجلس مليان وانتي ما قلتي لمين الترحيب عموما اذا هو لي جزاتس الله خييير
واذا ماهو ب لي سامحيني على قطة الوجه خخخخخخخ

ورد الجوري

27-09-2006, 08:48 PM

سلنوورااااات

انا بخير وازقح انتي بشرينا عنتس وتوه ماينور المجلس خيتوو

واسمي ونااختس لوه قصتن طويله

وعساه بس جازت لتس الصبغه هذي مغبيته للعيد

ومعتس علم على الموقف يجون يدفقون عقولنا بهالتقويم تقل بوه حريقه

انواع تدفيق العقل

ويله بسرعه جيبي الفطاير قبل مااجيب الشاهي

اقوله لتس بعدين انشاء الله <<< ماعنده وقت

مزاجيه

27-09-2006, 08:50 PM

أقول فديتوهـ انا قاعده أجهز موضوع عن بنات المنتدى وكلهن أعرف شخصياتهن واسلوبهن الا انتي للحين ما عرفت اسلوبتس عشانتس جديده..
ابي اسولف معتس بالموضوع عشان اقدر اكتب عنتس كلام صح
تسمحين ولا لأ لان الموضوع له شهر وماني قادره افهم بعض الشخصيات

ورد الجوري

27-09-2006, 08:52 PM

لا بالله لش ياملحه يابعدي انتي <<< تعودت على الأش

وسوري اسمتس سقط سهوَ

ههههههههههه

ورد الجوري

27-09-2006, 08:55 PM

اي والله اسمح ونص بعد وهذي الساعه المباركه ياملحه

ونا بعد جاهزه لأي خدمه او موساعده حنا بالخدمه ونااختس

مزاجيه

27-09-2006, 09:01 PM

وهذا والله العشم يالغاليه

وشلونتس وش علومتس
وشلون الجامعه معتس؟
علمينا عن أخبارتس يعني بمعنى أصح عطينا علومتس ابي أعرف الاسلووووووب

مزاجيه

27-09-2006, 09:05 PM

مستخدمين موجودين حالياً يشاهدون الموضوع: 1 (1 أعضاء و0 ضيوف) ملحه الحضريه (http://www.alqosman.net/vb/member.php?u=995)* هذي اللي تسمح؟؟ عموما انا مضطره اطلع ولي عودتن أخرى فديتس انا انتي ونحشتس ما اعماني الا غبااارتس هههههه

اذكى خبله

27-09-2006, 09:41 PM

السلام عليكم (وجه خجول)<<<يعنني رسميه وحيويه ... بالبدايه بس ..لايغركم المظهر :p

معليش تأخرت عليكم (والله مادرووا عنتس :p ) بس كنت اصلح خشتي وامشط شوشتي :36_1_47[1]: اللي اخذت ساعه ونص بالتمشيط :D

الا ماقلت لي شخبارتس وشلونتس وش اخبار رجلتس وعيالتس وشغالتس والجيران وسواقهم ووش اخبار رمضان معكم عساكم ماتعبتوا ووش فطوركم اليوم ؟؟ <<اعصاابك :D

بس صراحه المجلس شييييي والاثاث اشيش :D

بس ورا القهوه بويرده ؟ :cool: <<<شغل عجز القصمان :D

دقيقه ياعيني بروح اعدل شوشتي كنه قبت شوي ولا :temptress: <<تلايطي :D

دندوش

28-09-2006, 01:29 AM

مساء الخيرات والليرات فديتوهـ شلونك شخبارك

كل عام وانتي بخير ورمضان كريم

تسلمين على الفكره الحلوه فرصه نقرب من بعض أكثر ونصير أكثر من خوات

الللللللله وناسه تخيلونا خوات صدق وهالكثر ام الوناسه :D :D

واحسن شي انه مافيه تماسيح يعني الواحد يفخي ويقول اللي بخاطره برااااحته:cool:

بس شوفي اللي أوله شرط اخره نور انا مافيه امل اجيب قهوه وانا جايه لأني ماأشربه

يعني ابجيب شويهي يالله من فضلك ;)

سلملم ولي عوده ان شالله

جلنار

28-09-2006, 04:51 AM

8
8
بنات تبون الموضوع مغلق انقله لمجلس الجمال والاناقة ....<< بعيد عن التماسيح:)

جــــــود

28-09-2006, 05:28 AM

ذكرى

28-09-2006, 02:34 PM

ايه جلنار انقليه المجلس المغلق خل افصخ نقابي و عباتي :D

مزاجيه

28-09-2006, 09:35 PM

مساء الخير يابنات ويا حريم خخخخ

ايه تكفين ياجوجو انقليه ابفصخ برقعي انكتمت عاد هالبرقع من ايام المرحومه جدتي مسويته من الصوف ووصيتها اننا ما نتركه ابد ابد ههههه>>تتحدث اليكم ملحه الحضريه من..مضارب الباديه وجنبي بعير >>للديكور

ورد الجوري

29-09-2006, 01:31 AM

ياختي غريب اسمج
كنتس ولد تصدقين اول شي احسبتس معرف رجل
ياخيتي اطلق وحده قلت لتس سابقاً اسمي لوه قصه واسمعيه الحين
أنا عندي ولد اختي وعمره سنه ونص يالبادلبوه وكل ماشفتوه قلت فديتوه انا
ومااسميه الا فديتوه انا والحين كل ماقلنا له وش اسمك قال فديتوه انا عااد لو تسمعينوه يجنن وهو يقولها
عشان كذا سميت نفسي فديتوه انا عشان اتذكره كل ماشفت اسمي وان شاء الله عجبتس

ورد الجوري

29-09-2006, 01:33 AM

ملحه الحضريه

هذي اللي تسمح؟؟ عموما انا مضطره اطلع ولي عودتن أخرى فديتس اناانتي ونحشتس ما اعماني الا غبااارتس هههههه

لا واخزياه منتس بس وناارد عليتس جتن امي وقالت تبي التيلفون عشانه تبي تلكم على خالتي وقعدت احتريه ساعتين لين مليت ونمت
والحين ان شاء الله ابجاوب عليتس

وشلونتس وش علومتس

والله الحمدلله انا تمام ومهنا علومن جديده

الا اليوم جننا خواتي وتركن بزارينهن عندي وراحن لم السوق

وتشوفينن انواع رفعت الظغط طلع براسي نخل منهم

وجبت عصى المكنسه <<< احلى يالقويه

وقعدت اهددهم الي بيتحرك ابصبخوه بحيل مقوى مع دميجتوه

يوم تأدبو رحمتهم وطلعتهم للحوش وفتحت لهم اللي وخليتهم يوسوعون صدورهم

هههههههههههههههه

ويوم جو خواتي وشافوا عيالهم راطشين حرموا يخلونهم عندي مرتن ثانيه

قلت بقلبي هذا اللي اناابيه رميتن من غير رامي

<<< بدت تقول قصدة حياته

وشلون الجامعهمعتس؟

صكن راسي يوم قلتي الجامعه

هذا ونا بالمستوى الثاني والفروض اكون متحمسه وفرحه

تشوفينن تقولين هموم الدنيا على راسي تقل لي عشر سنين ادرس

يله خليه على الله يابنت الحلال

علمينا عن أخبارتس يعني بمعنى أصح عطينا علومتسابي أعرف الاسلووووووب

والله انا العقده ههههههه

قصدي القعده ومثل ماقلت لتس ادرس بالمستوى الثاني بالجامعه

وبنت تاج القصيم ((بريده))

ورد الجوري

29-09-2006, 01:39 AM

أذكى خبله
السلام عليكم (وجه خجول)<<<يعنني رسميه وحيويه ... بالبدايه بس ..لايغركمالمظهر

وعليكم السلام هلا والله ام هلا من الصمان للدهنا

اسفرت وانورت

معليش تأخرت عليكم

لا ميخالف خوذي راحتس

(والله مادرووا عنتس)

لا عااد تو انا والبنات نسأل عنتس نقول وينه ابطت

بس كنت اصلح خشتي وامشط شوشتياللي اخذت ساعه ونص بالتمشيط

ههههههههه امنه مشاء الله لزقه تقل قصة هنديه

وبودرتس تسان مانيب واهمه هو اللي علبتوه خضراء فصفوريه اللي اول ماتحطينوه يصير وردي امن اذا مسحتيه يصير فوشي

ويعقد اسبوع بالبراطم خخخخخخخخ

الا ماقلت لي شخبارتس وشلونتس

انا الحمد لله عال العال وبخير انتي بشرينا عنتس

وش اخبار رجلتس

واخزياه منتس مابعد اعرستس بس الوكاد انوه بخير واموه داعيتن لوه عشانوه بياخذن ههههههههههه

وعيالتس

مع ابوهم هع هع هع بالطريق ان شاء الله ههههههههههههههههه

وشغالتس

بخير هذا بالمطبخ تحوس تصبخ وتلبخ

والجيران

والجيران بعد بخير ويسلمون عليتس

وسواقهم

بخير ويقول تسسان عندتس اي مشوار تراو يودي معلمات

ووشاخبار رمضان معكم عساكم ماتعبتوا ووش فطوركم اليوم ؟؟ <
الحمد لله وش زينوه الله يطول بأياموه ويغفر لنا بوه

<اعصاابك

اي والله اعصابتس خلين اخذ نفس واشرب ماء نشف ريقي هههههههههههههه

بس صراحه المجلس شييييي والاثاث اشيش

الله يسلمتس هذا من ذوقس عيونتس الحلوه

بس ورا القهوه بويرده ؟<<<شغل عجز القصمان

زاد من الصبح مسويته احتريتس وانتي الله يهديتس ابطيتي

دقيقه ياعيني بروح اعدل شوشتي كنه قبت شوي ولا<<تلايطي

خوذي راحتس وانصحتس بدهون ابو ورده انوه يلبد القصه اسبوع ماتحرك ههههههههههه

ورد الجوري

29-09-2006, 01:40 AM

نغمه رومنسيه
مساء الخيرات والليرات فديتوهـ شلونك شخبارك

مساء الريالات والخمسميات ههههههههه انا بخير وانتي شلونتس بشرينا عنتس

كل عام وانتي بخير ورمضان كريم

وانتي بخير وعلينا وعليتس

تسلمين على الفكره

الله يسلمتس والله اني استحيت ومدري وش اقول

يعني ابجيب شويهي يالله من فضلك

اي والله يالك من فضلك انا مايصحي راسي الا هو

سلملم ولي عوده ان شالله

حياتس الله بأي وقت

ورد الجوري

29-09-2006, 01:41 AM

حياتس الله جلنار

بنات تبون الموضوع مغلق انقله لمجلس الجمال والاناقة ....<< بعيد عنالتماسيح

بكيفتس سوي اللي يريحتس وتشوفينوه مناسب

ورد الجوري

29-09-2006, 01:45 AM

السلام عليكم كيف الحال

طيب عطونا الزبده من خلاصة الموضوع (وحدة ما عند وقت)؟؟

شريتو شئ للعيد قبل الزحمه؟؟ تعرفون محلات حلوة للاطفال غير الماركات اللي كل العالم يشرون منهن؟؟
تعقدت بكل عيد اشوف لبس زارا وطقته!!

يالله ما طول عليكم

شكرا فديتوه على السويليفات
الى اللقاءhttp://smilies.sofrayt.com/%5E/a/bye.gifhttp://smilies.sofrayt.com/%5E/a/bye.gif

هلا والله وعليكم السلام

والله مهنا زبده ولا جبنه حنا ابذا نسولف

وعلى طاري العيد انا توي مابعد شريت شي وشكلي ابشتري بعد العيد ههههههههههههه

اغديه تخف الزحمه

والماركات على قولت تلبسين بلوزه وتلقين خمسين وحده لابسه مثله يالله نروح للمريخ نشتري عشان محد يقلدنا

<<<< تكره التقليد

وحياتس اختي بأي وقت

ورد الجوري

29-09-2006, 01:52 AM

اي والله انقلوه

خلونا نقوطر ونعين من الله خير

ورد الجوري

29-09-2006, 02:10 AM

ياهلا والله ام هلا وش اخباركن مير وش الدنيا بكن

علومكن بسرعه

وه ملينا من شاهي الزنجبيل والكراث

مدي التلفون يابنت خلين اكلم على البقاله تجيب لنا كم ككاوه على كم بيره

<<< انواع المر

واللي ماتبي تعلمن ازين له عصير نعناع باليمون

والله ياطعموه رهيب مع الثلج المجروش

<< قطرت سعابيله

خخخخخخخخخخخخخخخخخخخخ

كلورا

30-09-2006, 06:49 AM

واللي ماتبي تعلمن ازين له عصير نعناع باليمون

والله ياطعموه رهيب مع الثلج المجروش

<< قطرت سعابيله

خخخخخخخخخخخخخخخخخخخخ

وانااااااااا بعد ابي اذا ماعليك كلافه :D

وياليت تنقلووونه للخاص عشان ناخذ راحتنا

ورد الجوري

30-09-2006, 11:31 PM

من عنوني الزرق المكحلات بأسود

اقول بنات

وش رايكن بالدراسه برمضان يعني هل هي في مصلحتنا حنا يالبنات ولا لا

<<<< طبعاً لالو لا

نروح من الصبح ونصنا نوم مالنا خلق

انا بنظري العيال ميخالف اذا درسوا برمضان لأن ماوراهم طبخ ونفخ

بس يتسدحون وياكلون ويتشرطون بعد وراكم ماطبختوا تسذا ووراه طعم ذا تسذا

<<<< الله واكبر ياللي تطبخين عاااد

>>> لا انااراعي المسيكينات هاللي اول مايجن من دراستهن سيدا للمطبخ

يله بانات خلننا نسوي تواقيع اغدي وزير التعليم يشوفهن ويرحمنا ويخلينا نعطل ....

<<<< والله من قلوه

يله سي يو

كلورا

01-10-2006, 03:02 AM

انا من المعارضين وبقوه للدراسه برمضان بس العيال بالطقاق

خلهم يداومون بس ياكلون وينامون هذي شغلتهم

الا بسألكم تعرفون مسلسل مشاريع صغيره اللي بقناة الواحه؟؟

تعرفون مرح جبر تعرفون جوالها (راحت السالفه كلها تعرفون ههههههههههه)

المهم تعرفون جوالها وشو اختي من شافته وهي منهبله عليه

انا اتوقع انه سامسونج . اللي تعرفه تقولي ولها جائزه قيمه :D

برااااايفت ملحــــــــــه حطيني بموضوعك ابي اصير مشهوره

وياحبذا اكون بدور البطله :temptress: <<<<<<<< تمووون

ورد الجوري

01-10-2006, 07:57 PM

هلا والله بكلورا :o

ايه اعرف قناة الواحه :D

واعرف مرح جبر

بس للأسف ماعرف البرنامج :rolleyes:

لأني ماتابع الواحه اصلاُ

<<<<< اجل وشولوه راده :(

بس شكلي ابشوفوه عشان اشوف جواله :D

خخخخخخخخخخخخخخخ

الله من القافه :p

كلورا

01-10-2006, 10:23 PM

فديتوه لها جائزه اللي تعرف وشو :D

أشجان

02-10-2006, 10:27 PM

مساكم الله بالخير:temptress:
شكل القهوه قضت
وشلونكم وشلون اللقيمات معاكم
انا ما تزين معي وش السوااااااااات ابي فزعتكم:c021:
من دخلت رمضان وانا ما ادخل للمطبخ الا اسوي لقيمات ولا تنجح احس اني مليت منها

كلورا

03-10-2006, 12:04 AM

خلاااااااااص عرفت الجوااال رحت لمحل جوالات والا هو بوجهي

طلع موتورولا بصراااحه رهييب ولونه يهبل وبـ 600 ريال بس

راااحت عليكم الجائزه كانت صححححن لقيماااات <<<< تبي تقهر حلو مملح هههههههههه

أشجان

03-10-2006, 12:58 AM

ههههههههههههههههههههههههههههه
كنت بجاوب بس ما ادري وش الجواب>>>>>من القهر مدري وش اقول
الله يخليتس اهدينياه والله مرتفع ظغطي من القيمات

كلورا

04-10-2006, 12:24 AM

بنات وش اخباركم ان شاء الله تمااام

تخيلوا جاء عندكم عزيمه كبيرررره ولبستي وكشختي

ورحتي للعزيمه وفجأه ... :عجب:

تلقين وحده لابسه زيك نفس البلوزه او نفس التنوره

وش بيكون شعورك ؟؟؟

دندوش

06-10-2006, 01:23 AM

كلوراااااااااااااااااااااااااااااااااااااااااااااااااااااااا

حرام عليك احس ضاع وجهي من الفشيله مع اني ماعمري جربت بالنسبه للعزايم

بس صدق موقف باااايخ لأبعد الحدود,,,,

والموقف الأبيخ اذا شريتي شي غااااااااااااااالي وجتك وحده معك بالكليه

وعاديه جدا لابسه زييك <<< صارتلي السنه اللي فاتت

شاريتلك شنطه بذاك السعر يقالي بكشخ اول سنه بالكليه

وتطلعلي بنت بوجهي معه نفس الشنطه بالظبط حتى باللون ودددددي أعجنه:36_1_28[1]:

بس بعدين اقتنعت انه بالكليه مافيه امل تميزين الا قليل جدا وبالصدفه بعد:(

كلورا نسيت اقولك الحمد لله تمااام << من الحماس توي ارد

ورد الجوري

06-10-2006, 01:36 AM

هههههههههههههههههههههههههههههههههههه

خخخخخخخخخخخخخخخخخخخخخخخخخخخخخ

نياها هاهاهاهاهاهاهاهاهاهاهاهاها

كركركركركركركركركركركركركركر

اختاروا وحده من هالضحكات :لسان:

الله يذكرتس بالشهاده ياكلورا

<<< مارتن بمثل هالمواقف

ذكرتين بمرتن من المراريت :دايخ:

معزومين على عرس ونا معييه اروح لأن مااعرف ذولا الناس اللي تعرفهم امي

وبعد اقناع امي لي قررت اروح

وبنفس يوم العرس العصر رحت للسوق اشتري ثوب

وشريت ذاك الثوب مع اني مانيب مقتنعه بوه

ويوم رحت للعرس وجلست وتحديدا يوم رفعت كاس العصير ابشربوه واشوف قدامي ذيك البنت اللي لابسه مثلي

انا شرقت بالعصر ورجعتوه

وطلعت عيوني:36_1_25[1]:

وضاق صدري وصارت حالتي حالته لين ششت وخليت امي ترجعنا للبيت

عااد اني جنيي ولااشوف احد لابسن مثلي سبحان الله محب :36_5_11[1]:

مع ان امي تقول حنا منول نفرح اذا شفنااحد لابسن مثلنا

<<<< يقاله تبي تخفف عن اميمتي :a143:

يله عااد انتن اتحفننا بمواقفكن :c013:

أشجان

06-10-2006, 01:58 AM

ثلاث الله لا يعيده من موقف
ياااااه ياصعب المواقف الي
مثل كذا :حمدز:

تخيلووو مره صارلي هذا الموقف بالعيد من زود الونااسه
مو بس وحده الي لابسه مثلي ثلاث تقولون توئم اامهم مطقمه لهن
وتخيلو بس شكلي
انهبلت ذاك اليوم
ورجعت للبيت وان شوي واصيح من القهر:e076:
وكرهت محلات الماركات المنتشره بكل مجمع بكل ديره مثل برمود ومانجو وكمايو بصراحع كرهتهن وصرت ما ادخلهن البته
اتعب طول الشهر وبالاخر تجين وحده مثلي وياليتها وحده بس لله لا يعيده من موقف