محاورة شعرية بين شاعرين

[ابورغد]

دارة موحاورة شعرية بين الشاعرين ملفي المورقي ومحمد السناني اتركم مع الشعر..

ملفي المورقي
مرحبا فالحلة الي لها شأن رفيع
في السنين الأولة والسنين التالية

من مهبط سوق الغلا يشتري ولا يبيع
يشتري ويبيع في كل دعوى غالية

محمد السناني
البقا واللي يجيب الدلائل مايضيع
والعرب كلا يشوف النجوم العالية

قابل العربان بالعقل والصدر الوسيع
الليالي يوم مرة ويوم حالية

ملفي المورقي
يامحمد لاتنادي على رؤؤس الجميع
تحسبنك واقف في ديار خالية

انشر الأخبار ياصحف وأعلن يامذيع
مالله ألزمنا بجمع العظام البالية
محد السناني
جيت أعلم واتكلم ولي قلب شجيع
والديار بخير وأنتة وش الأحوالية

لاتحسبنك مسوي بخلق الله صنيع
بكرة الحملة يقفي بها الجمالية
ملفي المورقي
دايم المدهور يفرح ليا شاف الربيع
مير من دونة شبوب الجحيم الصالية

سرع ماشفتك مروح مع الخط السريع
روح مع در خلا جعل مالك والية
محد السناني
قسمت الأرزاق مافية ديس بلا رضيع
لاتحسبنك مسلم وعينك سالية

كنت عاقل وش يحملك مالا تستطيع
اعرف ان الأرض زلزل بها الزلزالية
ملفي المورقي
لوتبي شقرا ترى دونها الحصن المنيع
والحصون أثبت من الضلع ماتنشالية

يامحمد لويهب الهوا مع كل ريع
مايحرك في طرف غترتي وإعقالية
محمد السناني
أدر إنك جيت فازع ومن غيرك فزيع
مير خاطب حارس الباب والأقفالية
________________________________________________________________________
وسلامتكم وإنشاءالله تنال إعجابكم