بـــــــــرق
13-09-2006, 11:26 AM
وِداعة الله ياهل الدّار ياهيه =وان مرّكم خلّي فقولو وداعي
قولو له ان القلب ضاعت امانيه =والرّوح ذابت من عظيم الْتياعي
وشْ فايده لقْيا قلوبٍ متاييه =حظٍ عثر حتى بشوف وسماعي
صِرْنا عذاب الخلق كلّه نعانيه =انا ومن له بالمعاليق داعي
خلّي يبيني والله اعْلم وانا ابيه =وكلٍ على خِلّه قضى الليل واعي
لاشكّ حظ وعاثراتٍ خطاويه =عيّ ينوّلْني لذيذ المساعي
ماغير بحْروفٍ يناجي واناجيه =ونبْكي بعضْ ببيوت قافٍ رفاعي
والمشكله مامن دليل لمرابيه =الا انّه بْشرقٍ وانا غرب قاعي
وحتى الحياة بدون خلٍ نهاويه =مالي بها دام الامل فيه ضاعي
برق
قولو له ان القلب ضاعت امانيه =والرّوح ذابت من عظيم الْتياعي
وشْ فايده لقْيا قلوبٍ متاييه =حظٍ عثر حتى بشوف وسماعي
صِرْنا عذاب الخلق كلّه نعانيه =انا ومن له بالمعاليق داعي
خلّي يبيني والله اعْلم وانا ابيه =وكلٍ على خِلّه قضى الليل واعي
لاشكّ حظ وعاثراتٍ خطاويه =عيّ ينوّلْني لذيذ المساعي
ماغير بحْروفٍ يناجي واناجيه =ونبْكي بعضْ ببيوت قافٍ رفاعي
والمشكله مامن دليل لمرابيه =الا انّه بْشرقٍ وانا غرب قاعي
وحتى الحياة بدون خلٍ نهاويه =مالي بها دام الامل فيه ضاعي
برق