سواليف على قد الدلة ( دلتك يبو رعد )

[المهاجر]

السلام عليكم
قبل كم يوم رن جوالي ررنرنرنرنرنرنرنر
ناظرت الرقم وأثره رقم أبو رعد (( سيف ))
رديت وقلت مرحبا
سيف هلا بالمهاجر
أنا هلابك
هو وش أخبارك
أنا بخير عساك بخير
هو وينك بعيد أو قريب
أنا لا هذاي قريب
هو ورى ما تجي تتقهوى معي بالملحق
أنا والله إنها زينة ... أمممم شوي وأجيك
هو حياك الله انا بانتظارك
ويوم قضى الشوي رحت لم بيته وطقيت وفتح لي وقال حياك
وجت القهوة ومعه برحي يحبه قلبك
وهاه فنجال من هنا وسالفة مناك لين خلصنا الدلة
عاد قلت نوريكم صورة للدلة وقولوا كم سالفة سولفنا به لين قضت الدلة

http://www.9q9q.org/index.php?image=6ntzYwy1XgdB

[شريم]

ياهلا بالمهاجر

ماشاء الله .. الله يديم المحبه بينكم .. وأكيد ماتزين السواليف والقهوه الا برجال شرواكم

بس تعال ياخي ..

قبل كم يوم طحت بالصدفة على منتداكم وشفت من الصور والمواضيع مايبهج الخاطر ويشرح النفس

واللي أعرفه أن اهل الرس كرماء بس ليه تبخلون علينا هنا بمثل هالمواضيع

ادري أن التواجد في أكثر من منتدى غير اشغال الدنيا تاخذ الكثير من وقتكم

لكن والله نتمنى مثل هالمواضيع هنا

تحياتي لك ..

[حلم العالم]

هلآ والله وغلآ بالمهآجر ،، مآشآء الله عليكم جمعه مبآركه إن شآء الله والله يديم عليكم المحبّة ..

بالنسبة للسوآليف أظن أنّكم على هالدلّه فصفصتوا مجلس السفر والرحلآت كلّه :D

ومآشآء الله ، عليك جلسه تآخذ العقل وأنت تصوّر ، صورتك طآلعتن بالدلّه :D

[التوته]

7
7
7
مب هووووووو :D


أول شي وعليكم السلام :)


وآظن أن سيف الرعد اللي ظاهر في الدلة :D خخخخخخخخخخ

لأن المهاجر ماسك الدله وسيف الرعد يصور :D خخخخخخخخخخخخ



وووشككككككرااااااااً
.
.
.

[الغريبة شوق]

مآشآء الله عليكم جمعه مبآركه إن شآء الله والله يديم عليكم المحبّة

==

[سيف الرعد]

يا خي تراي ما قلت تعال
خخخخخخخخخ
انت اللي طبيت على وانا اتقهوى بدلتي الخاصه
دلتي هذه ما يتقهوى بها الا الناس الغالين ولغلاك انت تقهويت معي فيها


هذي دلتي لا بغيت اتقهوى لحالي
ما يخاشرن فيها الا من الناس غالين
اللي لهم بالقلب قدر وكبير عالي
ترومهم نفسي اللي من الناس وافين

[المهاجر]

شريم

حلم العالم

التوته

الغريبة شوق

سيف الرعد

مشكورين على المشاركة والرد

[ام الهنوف]

يا محلا الفنجال مع سيحة البال
في مجلس مابه نفس ثقيله
صح لساني
ورى يدك اكبر من الدله هههههههههه