من يقـــول إن الشــدايد مالها غـير الرجال ؟؟؟!!!!

[عيـون * الفجـر]

من يقول إن الشدايد مالهـا غيـر الرجـال
والله إن بعض النساء تعجبك في وقت الشدايد

من قراء التاريخ يلقى بين صفحاتـه مثـال
مثل خوله بنـت الأزور فعلهـا والله كايـد

فارسه وملثمه فـي وسـط ميـدان القتـال
أرتدت درع المعارك وأتركت حلو القلايـد

وذي صفيه يوم خندق فعلهـا مابـه جـدال
وقّفت ضد اليهود بموقفٍ عـن ألـف قايـد

وأذكر أسماء والنطاق وكيف قدمتـه حبـال
يوم بشرها الرسول بجنـةٍ وابخيـر زايـد

وبالشجاعه ذي نسيبه بنت كعب اللي يقـال
في حنين وباليمامـه جالهـا فعـولٍ فرايـد

وإن ذكرت القادسيـة مانسيـت أم العيـال
أقصد الخنساء وكيف بشعرها كانت سنايـد

وأذكر أذكر ذي خديجة وذي بعد ذات العقال
وبنت عتبه هند يوم أفعولهن فيهـا شهايـد

ولـو بعـدد أو بـردد مايكفينـي المجـال
ولايكفيني القلم والطرس وأحروف القصايـد

لكن إني جيت ابيـن كلمـةٍ فـي هالعجـال
ولا قصدت إني اشب النار وأزيـد الوقايـد

من خذت بالدين قدوة بشروها بطيـب فـال
والفلس للـي تقلـد نجمـةٍ وسـط الجرايـد

ولين قيل إن الشدايد مالهـا غيـر الرجـال
قل ترى بنت العقيدة تعجبك وقـت الشدايـد





سعد بن عبدالله اليابس

[الغريبة شوق]

0
قصيده رائعه

شكرا لقلبك على النقل

-

[راعي الصيت]

تسلمين
نقل جميل
وقصيده في غاية الروعه

لك كل الود

[نوف]

ولـو بعـدد أو بـردد مايكفينـي المجـال
ولايكفيني القلم والطرس وأحروف القصايـد

لكن إني جيت ابيـن كلمـةٍ فـي هالعجـال
ولا قصدت إني اشب النار وأزيـد الوقايـد

من خذت بالدين قدوة بشروها بطيـب فـال
والفلس للـي تقلـد نجمـةٍ وسـط الجرايـد

ولين قيل إن الشدايد مالهـا غيـر الرجـال
قل ترى بنت العقيدة تعجبك وقـت الشدايـد


ياكثرهن .. الي مالهن مثيل
اخلاق ودين ..
ويمكن مرن على هالحياة مرور الكرام
مااحد عرفهن ..



اختيار رائع
شكرا لك

[ذكرى]

صح لسانتس

وشكررا على النقل

[عيـون * الفجـر]

الغريبـــة

حضورك الأروع ..

شكرا لك ..


راعي الصيت ..

شكرا لحضورك ..

تسلم ..

نـــوف ..

الأروع أنتِ

كل الشكر ..

أطلق وحده ..

صح بدنك
وصح لسان قايلها ..

وسلمتِ

[شريم]

قصيدة رائعه .. وتذكرني ببيت للشاعر ناصر القحطاني


أن طعت شوري لا تَعرض فلانه=بعض النساء تسوى ثمانين رجال


شكرا عيون الفجر