وش حشوتكم .. ؟

[ذكرى]

..


السلام عليكم ورحمة الله وبركاته

اليوم رحت شريت طرايق سمبوسه نوع اسمه ورده :spy:
ومحتاره وش احشيه ..
متعوده ببيت اهلي نحشي جبن سايل والا لحم مفروم بدون اي اضافات ..
تلبيه لرغبه الاكثر ..

هالمره بحشي انواع ..

كل وحده او واحد الله يحزاكم خير اسدحو لنا طريقه حشواتكم بالتفصيل ..
لو فيه حشوات غريبه او لذيذه .. :دايخ:



..

[عابره]

نقانق+بقدونس مفروم+جبن تشدر مبشور =:دايخ:

دجاج مكشن+ذره+بقدونس+جزر+بطاطس+كوسة (مقليات) =حشوتنا العادية:yelbiggrin:

[معلمة علوم]

اييييييييييييه عرفتها تراها مثل عجينة غوار
عادي احشيها اللي تبيه حنا نحشيها لحم مفروم و قد جربنا فيها الجبن :exactly:

[ياسر]

تونة تندرينا :yelbiggrin:
جربي تونة تندرينا + صنوبر وراح تدعين لي
صح ماعمرنا سويناه
بس احس انه رهيبة

[رايقة]

لحم مفروم <<حاشي طبعا يفرق بالطعم مرره :exactly:
ومبشور جزر+ فلفل رومي مقطع شرايح رفيعه وصغيره وبقدونس <<حطيه اخر شئ طبعا بدون طبخ

هذا اللي احب اسويه :دايخ:
ومره اضفت بازلاء معهم :exactly:

[أشجان]

امممم
طايحين بحشوه
نسلق بيض ونبشر جنه شيدر ومع شوي جبن سايل وشوي بقدونس مقطع صراحه لزيزه :دايخ:

امممم
حشوتنا العاديه دجاج مفروم مع جزر مقطع صغار وبطاطس بعد صغار وبقدونس

سوي فيها المنتو الكذاب

نتفي دجاج مسلوقه وحطي معه خضار
او مثل حشوه السبرنج رول

دجاج مع فلفل رومي ملونات ومع قشطه وجن

مابالي شي جديد :دايخ:

[الوهم الحزين]

اهلين
انا ما اعرف وش نوعية الورده او كيف شكله
تاني شي جربي وانتي فاطره كم حشوة واذا حسيتي انها تناسب عجينة السمبوسه
انا افضل حشوات الجبن
الجبن هنقاري مع نعناع مجفف او طازج

اللحمه الفرومه بحطها على النار ختى يختفي السوائل واضيف بصل مكعبات واخليه لين يذبل البصل واضيف شبت وبقدونس وكزبرة والملح واشوي كمون وفلفل
وملح ليمون

فيه حشوة الدجاج
تسلقي صدر دجاج وتفتييه وتسوي كشنه وتضيف بطاطس مكعبات مسلوقه وتضيفي الدجاج واشوي بقدونس وتيضيفي ملعقة قشطة ولبنه وكمون وملح وفلفل ونص ليمون


حشوة التونه لبنه وقشطة ومايونيز واشوي بقدونس وتحشيها

الحشوة الاخيرة والكل يحبها بس انا مش هاضمتها تعرفي الناس اذواق
جبنه كرافت مبشورة مع جزر مبشور

اتمنى ان تحوز على رضاكي

[رايقة]

ياسر جرب تونه ساتنوري بالليمون روعه للحشوات :exactly:

[أشجان]

كمان فيه
جبن ابيض وزيتون الاسود والاخضر وفلفل رومي ونعناع

اليوم طرت بالي اسويه
اذكر انه موجوده بكتاب النخبه

[هيكارو]

ذكرى

تصدقين داخله طيران ابي اكتب هلب مي :yelbiggrin:

انا ابي بعد افكار حشوات للتوست والاقماع وغيره من اللي يحشى

باتسر اللي هو اليوم :ohno: عندي عزيمه ريااايل <<رقاااله <<رجال:96b:

فمبرااسي حشوات مختلفه :واء:


هلب مي في موضوعتس:yelbiggrin:

[شوشه]

الجبن الابيض مع نعناع مجفف

طيب جربي تسلقين بطاطس ...وبعده تهرسينه وتضيفين له جبن تشدر ,,,بقدونس ..شبت ..واحيانا نقلي كوسا معه

هالحشوه ماشي سوقها عندنا

امي تسوي بعد مجموعة خضار نحبها بشكل

جربي تخلطين كذا نوع من الجبن مع زعتر ونعناع مجفف :exactly:

جربي نوعين من العدس الاصفر والبني او الاخضر وبعدين تشوحين فلفل الوان مع بهارات وبصل كثيييييير

شي بصراحه ...واخلطي معهم جبن ,,,
جربي حشوة الدجاج المقلقل ,,مثل ماقالو ,,,تطلع معتس تشكيلة حلوه

[شوشه]

نسيت اضيف احيانا اسوي نفس خلطة البيتزا من صلصلة وغيرها يعني كل اضافات البيتزا وزيتون نوعين ومخلل

واسوي حشوة بف او فطاير روووووووعه

[ذكرى]

الله يجزاكم خير ..
ناويه اليوم اخوض غمار المعركه جبنا بعض المقاضي امس والباقي يجي اليوم وان شاء الله واريكم وش يطلع معي :blushing:

[رؤوف الغطريفي]

جرت العادة اتلمسهن
اذا هن جبن بالزعتر او بالنعاع تم رفعهن
واذا لحم او دجاج تركتهن مالم يكن ( لحم حاشي طازج)
فتلك الحشوة لايمكن بأي حال من الاحوال ان اتجاوزهن
:yelbiggrin:

[شمـ بريدة ـوخ]

حشواتي
1- جزر مبشور وبصل شرائح وشوي ملفوف وفلل شرائح يحمسن على النار لما يذبلن ثم تحطين عليهم ماجيوملح وبهارات وممكن كاري ثم تكونين سالقه دجاج ومفتته تحطينه عليهن بعد مايذبلن المكونات هذي مره روعه لسمبوسه افضل من المفروم ولا الفرق

2- ممكن تسوينه سمبوسه عادسه او انك تحطين عجينتين بشكل زائد ( الطريقة معروفه :happy0129: ) وتكون الحشوة جبن كرفت مبشور وجبن مزرولا وملعقه جبن سائل وبيضه .. ثم تقلبينهن على الصاج

3- بيض مسلوق مبشور او مقطع مع جبن سائل

4- جبن مالح مع جبن كرفت وبصل اخضر

[شمـ بريدة ـوخ]

انا ابي بعد افكار حشوات للتوست والاقماع وغيره من اللي يحشى


الاقماع جربي حشوة جبن كرفت مبشور م فلفل بارد مقطع مربعات صغيره مع جبن سائل :دايخ:

[عالية]

حشوااتي


1- جبن شيدر مبشور ..مع زيتون شرايح ..مع فلفل بارد
هالحشوه كنك تاكلين بيتزاا

2- بطاطس مسلوق ..يبشر ويعمل له كشنه بصل وجزر
بعدهماتضيفين البطاطس ونحركينه اضيفي البقدونس والكزبره

3- الحشوه هذي للاقماع ..جزر مبشور وفلفل بارد وجبن سايل

4- الحشوه هذي للفطاير .. تونه نشيل الزيت اللي فيها نضيف عليها الليمون والجزر والمخلل والبقدونس
والخيار
طبعا الفطاير تحشينها بهالحشوه بعد ماتخلص من الفرن
اللي تقطع قلوب والا شكل نجمه والا اي شكل تقطع بالنص وتحشى

[أسيف]

جربي جبنة الطيب مع جبنة شيدر مع زيتون وسومطره راح تدعين لي
الطرايق غطيها بلبن وطحين

[نور بريده]

أهلن أهلن ^^

امممم ،،

عندي لك حششوآآت ششيْ ..

*الاولى يآقلبيْ ..

1/ سمبوسه جبنه فيتا:http://www.hawahome.com/vb/uploaded/2_1148858089.gif


جبنه فيتا - جبنه موزوريلا - قليل من الفلفل الاسود
لاتحتاجين للملح لانه الفيتا مالحه وعند خلطها وحشوها بالسمبوسه عند القلي وقضم هذي السمبوسه تصبح جبنه المزوريلا ذائبه ومطاطه مثل البيتزا يم يم

*الثانيه /
سمبوسه اللحم:

لحم مفروم - بصله مفرومه - خضار مجمده مشكله - بهارات حسب الرغبه - ملح - فلفل اخضر حار - قليل من صلصه الطماطم
يقلى البصل حتى يصبح شفاف يضاف الفلفل ويشوح ثم اللحم ويترك حتى ينشف مائه ويضاف الخضار والبهارات والصلصله والملح ثم تحشى السمبوسه

*الثالثه/
سمبوسه الدجاج بالجبن:

دجاجه مسلوقه ومفرومه - ذره - جبن كرافت سائل - جزر مبشور - ملح - فلفل اسود -
يخلط الكل تتميز هذي السمبوسه بطعم الدجاج مع الجبن والذره وتراه ششيْ..طععم يدووخْ.. :دايخ:


أتمنى انها تعجبك ياقلبي واذا تبين زياده انا حاااضر :yelbiggrin:

[سكر بني]

السمبوسه هذي أحسن وألذ حشوة لها
لحم حاشي مع بصل وبقدونس وكزبرة وشوي شبت :)
وفيك تسوي دجاج مفتت مع جزر وفلفل رومي أحمر وبصل
أو جبنة بيضا مع شطة منزلية <<لا تستبدلينها بالجاهزة مو لذيذة أبد :دايخ:
وزيتون أخضر وأسود
أو حشوة خضار << هذي ما أحبها إلا بالسبرينق رول

[أنثى الجنون]

هلا وعليكم السلام ورحمة الله وبركاته

أنه حشووتي .. لحم مفروم أسويه بالطريقه المعتاده وأخلي معاه شبنت وباذنجان مكعبات صغنونات كلش

والحشوه نمبر توو .. جبن وذره

وبس :blushing:

[شمس الامارات]

للسميوسه حشوات البقول


1-عدس أصفر أي حمص مفلوق
http://www.66n.com/pics/hosted/g8gvzbfukf263vh5qgbso2knjrctmt69.jpg
عدس أصفر أي حمص مفلوق+بطاطس+بصل +فصين ثوم فلفل اسود كمون كركم

يسلق العدس الاصفر بمكعب ماجي وتسلق البطاطس وتهرس ثم يقلى البصل
في زيت نباتي والثوم والبهارات يضاف العدس الاصفر والبطاطس ويقلب جيدا

وتحشى به السمبوسه تقلى في زيت او تشوى في فرن مع مسحها بالزيت

2-حشوة العدس الاخضر
http://www.organicroad.com.au/media/images/content/detail/green_lentils-text408.jpg
عدس اخضر +بصل + فصين ثوم +قلقل أسود+كمون زيت نباتي
يسلق العدس الاخضر بمكعب ماجي يقلى البصل في زيت نباتي والثوم والبهارات
يضاف العدس الاخضر ويقلب جيدا

وتحشى به السمبوسه تقلى في زيت او تشوى في فرن مع مسحها بالزيت

3-حشوة الماش

http://www.mekshat.com/pix/upload02/images100/mk106353_alim4067.jpg

ماش+بصل + فصين ثوم +قلقل أسود+كمون زيت نباتي
يسلق الماش بمكعب ماجي ثم يقلى البصل في زيت نباتي والثوم والبهارات
يضاف العدس الاخضر ويقلب جيدا

وتحشى به السمبوسه تقلى في زيت او تشوى في فرن مع مسحها بالزيت

http://www.deeiaar.org/up/deeiaar_175909122.jpg

والعجينه الجاهزه للسميوسه أوعجينة سبرتج رولز