الله يلوم اللي على البعد لامك

[سالم بن جلعان]

يا للي مجلوى عن عيوني وساكن=في جوف قلبي كيف ابنسى غرامك ؟

وآنا أشوفك في جميع الأماكن=وأقرا كلام الحب واذكر كلامك ..!

ويا كيف الومك وادري ان الغلا .. كن =في جوفك وإني محط اهتمامك

اهيم بك ومجدل الليل داكن=واسهر مع طيفك ولذة غرامك

نشعل فتيل الشوق والشوق ماكن=في من ينزه عن غيابك مقامك

لعل خفاق ٍ همومه تراكن=عليه .. يسلى عن شقاه .. ابـ هيامك

مبعد وآنا يا لذة العمر راكن=اني قنوتك والدعاء في قيامك

وما دام روحك تعتبرني المساكن=فالله يلوم اللي على البعد لامك

ابعد وآنا ببعد عشانك ولكن = حاول مع النسمات ترسل سلامك



وسلامتكم .... سالم بن جلعان

[الغريبة شوق]

والله زمااان !!


-

[قوت القلوب]

صح لسانك ولا هنت

راائعة جدا بمعنى الكلمة

دمت بكل الخير والحب

قوته
.
.
.

[راعي الذوق]

وما دام روحـك تعتبرنـي المساكـن
@@فالله يلوم اللـي علـى البعـد لامـك

اي والله الله يلومه
هلا بالقصيد
هلا بالجزاله
هلا بالروعه

لاعدمناك

اخوك

[محمد الفرحان]

.

.

شاعرنا

سالم بن جلعان

.

.

صح لسانك يامبدع

.

.

قصيده رائعه بروعتك ومتصفح يجبر على

البقاء به طويلا" . .

.

.

دمت بهذا التألق وهذا الحضور ولاعدمنا

تواجدك . . .

.

.

تقبل فائق تقديري واحترامي