بنت المنفلوطي
18-08-2006, 03:06 PM
((الجزء الثالث عشر))
فتحت باب الصاله وقفت عنده لا دخلت ولا خرجت برى...ام خالد تصيح وام فيصل تمسكها وتمتم عليها بكلمات... عهود اللي كنت اظن انها قوية وما تهمها المشاعر اشوفها قدامي منهاره من الصياح بس ابوي مبتسم وخالد مبتسم...من ذا...
منصــــــــــــور في غيره....
تمنيت لو ادفن راسي داخل صدره من الشوق...ويـــــــــــــنــــــــــــــــــك منصور؟؟؟
منصور وينك عني..اشتقت لك واشتقت لسوالفك...ويـــــــــــــــنـــــــــــــــــــك؟؟ ؟؟ مو معقوله برااااااااااااااااءه وقدامنا مافيه الا العافيه......هاللحين التم شملنا... اللحين احس اني مرتاحه... عجزت افسر الضيق اللي انا فيه واللحين عرفت ان شخص واحد هو اللي غير حياتنا... فرد منا وعضو فقدناه وحسينا بالضيق والكتمه...واللحيــــــــــــــــــــــن....اللحين اقدر افرح واستانس...
ويــــــــــنـــــك ابي اشكي لك همي؟؟احس ان همومي ضايعه تدور قلبك الحنون؟؟
خلود تموت بمنصور وتقدر تشكي له عن أي شئ واكبر همها كان عهود ومعاملتها لها وما اتعدلت العلاقه اللي بينهم الا بعد ما انمسك منصــــــور..تبيه وتبي تقوله عن عهود شلون تغيرت معاها... عن كل شئ بالبيت...
انا ما استحقه ولا استحق لضمه لو بيضمني...لو يدري عني كان ما مسح على راسي ولا قال هذي خوختي
سلمت عليه وجه وتمنت لو ترتمي بحضنه من الشوق.....
منصور:وش فيك؟؟ما وحشتك...
خلود وهي تصيح:شلون ما(وتحاول تكتم صيحتها) شلون ما وحشتنا...والله لك فقده مهيب صاحيه...
منصور:وش فيكم كلكم اليوم مشغليين الماء...خلوه اذا مت..
ام خالد:بسم الله عليك وش فيك قمت تتفاول على نفسك....
منصور:يمه عشاني لا تصيحين...
ام خالد زادت صياح...وراح منصور لامه وحبها على راسها وايدها وام خالد تزيد صياح....
ابو خالد:تعبتوا الولد اقعدوا بدال هالوقفه...
ام خالد:أي والله يا منصور اكيد تعبان...
وتمسكه مع يده وتروح به للصاله الداخلية وتقعده....
ام خالد بحناااااان:انت بخير؟؟؟؟
منصور:هذا انا مابي الا العافيه....
ام خالد:اكيد ما في شئ يعورك؟؟والرصاص(وقامت تصيح) يمه يقولون ان جاك رصاص..
منصور:يمه والله لو اني مو بخير كان ما طلعوني....
عهود كل ما تناظر منصور تزييييييييييد صياح...ياربي منصور اثر لك غلا فوق الحدود.... وجت خلود عند عهود وصاروا يصيحون........
وخلود اللي تحس بروحها انها تحلم وماهي بعلم....آآآه يا منصور يمكن لو كان فيه كان ما خرجت مع سلمان بس هو بيخطبني وبيروح اللي انا خايفه منه.....
خالد:اللحين امي ولها حق بس انتو وش فيكم؟؟؟؟
عهود وخلود يزيدون صيااااااااااااااااااح....
منصور الغالي...منصور اكثر واحد ماخذين عليه وما توقعوا انه يخرج بهالسرعه وتوقعوا انه يطووول ولا يخرج بسرعه...وخالد حب يسوي لهم مفاجأة شفاء منصور وبرائته...
ابو خالد:عاد الذبيحه وجبت..
منصور بضحك:الله يقويكم...يالله اذبحوا......
خالد:لالالالا يا حبيبي الذبايح عليك.........
منصور:اللحين العشا عشاني وانا اللي اذبح.....
خالد:ول عليك يا قحطه(بخيل) خلاص احنا نذبح لك كم عندنا منصور...واحد وراعي سوابق..
ابو خالد:ههههههههههههههههههه.... خالد اترك الولد بحاله لا اللحين امك اللي بتقوم عليك...
خالد:لا عاد الا الوالده..........
منصور:ها يمه اخبارك؟؟واخبار البنات؟؟؟؟؟
ام خالد:حنا بخير دامك انت بخير......يا ولدي ليش ذي اللصقه على وجهك
ابو خالد+خالد:هههههههههههههههههههههه
منصور:يمه صارت لي عمليه...والحمدلله قدامك ما بي الا العافيه.....
خالد:يمه اضربيه على اللصقه وشوفيه توجعه والا لا......
منصور:هيّن يا خالد....
ام خالد:بسم الله عليه ......
خالد:ابسسسط يا عم..اللحين عندك مية محامي ومن جميع الجنسيات....
منصور:لا تعطيني عين..اخبر عينك ما يسلم منها الواحد.....
خالد:طييييييب ترى باعديها لك عشان هالوجه الطيب(ويأشر على امه)
منصور:غصبا عنك...
ابو خالد:لا باقي بالنعول عشان تكمل الهوشه...
الكل:ههههههههههههههههههههه
منصور:اخاف يجي النعال باحد منكم......
ابو خالد:لا صدق تحتسي..قابل امك بس
خالد:يضحك على منصور بطنازه
ابو خالد:وانت تعال ابيك بالملحق.....
منصور رد له نفس الحركه......
وراح خالد وابوه للملحق..........................................
عهود:الحمدلله على سلامتك....
منصور:ولو انها جت متأخره بس الله يسلمك...........
خلود:تو البيت نور...........
منصور:لالالالالالا ترى بادخل هواش مع عمي البيت منور باصحابه............
ام خالد:هم وش قالوا لك اخاف يجون مره ثانيه ويمسكونك.........
منصور:يا عمري يا يمه هم اصلا ما مسكوني...هالمخدرات رموا علي رصاص والشرطه ودتني للمستشفى وثبتوا اني مو منهم وخلاص خرجت........
ام خالد:الله يلعنهم ما شفنا منهم الا البلاوي.....
منصور:لا تلعنينهم يمه...ادعي لهم بالهداية...........
عهود جت بتكمل دعا عليهم بس سكتت وخلود ساكته مهيب مصدقه اللي قدامها هو علم والا حلم...
ام خالد:طيب الرصاص وينها؟؟؟
منصور يبتسم ويعرف انها امه من خوفها ولا يمكن تتطمن من سؤال واحد:جت بساقي وطلعوها..
ام خالد:طيب ليش هالخياط اللي براسك.......
منصور:لانهم ضربوني بالسلاح مدري حديده من هنا(وياشر لامه مكان اللصقه)...
ام خالد:وعساك طبت منها
منصور:أي يمه الحمدلله بس لصقه حاطينها زينه..واذا تبيني اشيلها ترى اشيلها...
ام خالد بسرعه:لالالا يمه وشو تشيلها...اكيد حاطينها عشانها توجعك......
وقعدت ام خالد مع منصور تسولف عليه ويسولف عليها وكل شوي تسأله عن حالته لانها خايفه عليه مره ولانها شافته وهو مغمى عليه وما تحملت تشوفه بهالوضع... وما ارتاحت من سؤال واحد عشان يطمنها.........
خلود وعهود تركوا الصياح وصاروا يشاركون منصور بالسوالف ولو ان الطابع الحزين هو غالب الجلسه......
>>فوق بغرفة جوري...حالتها حاله واوضاعها منقلبه فوق تحت من عرفت ان منصور جا... تحس بخوف يندمج معاه فرح...وشئ مستقبلي مخيف ما تدري هي وسوسه والا من شدة الفرح... آخر شئ توقعته ان منصور يخرج بهالوقت والكل كان مستغرب لان خالد ما بلغهم عن حالته اول بأول لانه يبيها مفاجاة وفعلا كانت اكبر مفاجأة للكل..............
غاده جت من الصاله اللي فوق:اللللللللللللللللله بعض الناس رايحيين فيها
جوري:تكفين مالي خلق مزحك........
غاده:لا حياتي انسي اني اتركك..... الا اليوم اصلا اليوم تااااااااااااااااريخي...
جوري:واللي يرحم والدينك فكيني.........
غاده:لا الحاله مستعصيه تبين طبيب.......
جوري:غاده حرام عليك(ولفت الجهه الثانيه)
جت غاده ولفتها قوه على وجهها وانصدمت من جوري يوم شافت عينها تدمع......
جوري انقهرت من نفسها ومسحت دموعها بسرعه.....
غاده:يا قلبي جوري وش فيك؟؟المفروض اكثر وحده تكونيين مستانسه......
جوري:ما ادري يا غاده خايفه مررررررررره خايفه.......
غاده:خايفه من وشو؟؟؟لاتقولين خطبه ومدري شو؟؟؟؟؟؟
جوري:ليش في شئ اكبر منه!!!!!
غاده:تصدقين اكتشفت انك غبيه.....
جوري:غبيه والا ذكيه ما تفرق معاي.......
غاده:لا من جدك تتكلمين...........
جوري:ياربي وش فيك يا غاده.............
غاده:اقول اتركي عنك خرابيط المسلسلات وتعالي شوفيه والله يا هو حلو مدري انا ويني عنه..
وسحبت غاده جوري وراحت للصاله اللي فوق وخلتها تناظر مع بداية الدرج عشان تشوف منصور.. جوري مسحت الدموع اللي مسببت لها غشاوه قدام عيونها وما تشوف منها.... وتناظر هذا منصور...هذا الي عمري ما فكرت فيه واعتبرته اخ...اللحين بيكون زوجي وخلاص اسبوعيين واكيد عقب الاختبارات بتصير الملكه........بسرعه دخلت الغرفه وانسدحت على سريرها....
غاد بعد ما كملت قز وفصفصه بمنصور رجعت لجوري...........
غاده:جوري بتنامين.......
جوري كانت متلحفه باللحاف ومغطيه كل جسمها:أي بانام......
مسكت اللحاف وشالته عن وجهها ولقت الوجه احمر والخشم طماطم:وش ذا يا بنت احمر خدود طبيعي....
جوري:اقول وش رايك تنقلعيين عني.....
غاده:بس باعرف ليش كل هالخوف..موب انتي قلتي انك موافقه......
جوري:وش صار يوم قلت موافقه...ما امدني استوعب اللي قلته الا طلع بالمستشفى ورصاص وقلبت حياتهم نكد...اجل لو موافقه من جد وش صار...هذي البداية ويا خوفي من اللي بعده...
غاده:/اعوووووذ بالله يهالموسوسه...جوري ترى كل شئ مقدر ومكتوب وهذا الشئ بيصير لمنصور ان وافقتي والا ما وافقتي.......
جوري:بس انا بدايتي نحس مع منصور........
غاده:حرام عليك تقولين هالكلام وبعدين بالله عليكي بس هالسبب اللي مسبب لك هالازمه...لو انا متقدم لي كان وافقت وعلى طول..جوري والله ما ينرد..والللللللللللله ما ينرد.....
جوري:وهذا اللي مجنني بادور أي شئ عشان ارفضه بس ما لقيت....
غاده:منتب صاحيه....جوري هالانسان شااااااااااااريك تعرفين وش كلمة شاريك....
جوري:بس سلطان....
غاده:لا تقوليين احبه...تراك مهبوله ان قلتيها...اللحين باعرف وش الشئ الوحيد اللي فيه وعاجبك... التزام وعلى العين والراس بس والله منصور بيموت لو ما اخذكي...والله عهود قالت لي انه شاااااااااااريك ويبـــييييييييييييييييييك...ويتمنى انه لو ما صرتي من نصيبه يرزقه بوحده مثل جوري....سمعتي وحده مثل جوري....هو يقوله وعهود قالت لي.......
جوري سكتت وحاولت تستوعب اللي تقوله غاده...منصور شاريني ويبيني واذا ما صار نصيب يبي وحده مثلي......ياااااااااااااربي ما اتحمل انا.......
غاده:سلطان ما سأل عنك ولا اتصل ولا عمره تكلم عنك ولا لولو ما الظاهر جابت لك طاري انه يفكر فيكِ...الرجال ما حب ان الزواج يتم بالغصب بس عشان دين....اي والنعم فيه بس الزواج ما صار غصب وابوك دفع الدين..لو انه يبيك كان تقدم لك بس هو سكت ولا اتكلم.....
جوري بدت تتاثر بغاده لانها محتاره وما تعرف لاي كفه تميل والظاهر من كلام غاده انها بتميل كفة منصور...جوري:ما ادري بس انا عمري ما حطيت ببالي الا سلطان...احسه لي وانا له.....
غاده:الله ياللي لي وله...طيب انا حبيت ولد عمي وتمنيت انه لي وانا له وكان الرجل المثالي بس سفهني ولا ناظر بخشتي يوم جا يتزوج وراح اخذ له وحده مدري من وين.......
جوري بدت تفكر بجديه ليش انا اتعب ورى انسان ماني متاكده يبيني والا لا...وقدامي شخص يبيني وشاريني...بدت كلمة غاده(شاريني) ترن براسها لين دخلت بقوه:تدرين ليش افكر بهالموضوع وانا الاسبوع الجاي عندي امتحانات وثانويه عامه.....
غاده:يا عمري لا تفكرين الا بمنصور...شوفي وش حلاته رازن وجهه بالصاله ويناظر يمين وشمال شكله وده يشوفك....الله يا ناس...وحده متسدح عندها واحد يبيها وهي مسويه روحها ما تعرف وتكابر...ووحده محد معطيها فيس بالدنيا......
جوري:رجعنا للفيس قولي وجه لاتسمعك امي والا امك وتسوي لنا سالفه...
غاده:أي كذا رووووووووقي ولاتخلي ولا يوم يفوتك الا وانتي تشوفينه ترااااااه حبيب وشوفي شلون اهله معاه وشلون يعامل اهله...ترى ان انخطبتي بتصيرين عميه وماراح تشوفين ولا شئ... مدري وش سالفتهم المخاطيب يصيرون عمي اذا جا الصدق.....
جوري:الله يقطع سوالفك منتب صاحيه.......
جوري دخلت براسها كل كلمه تقولها غاده ولو انها متخوفه من هالشئ بس اذا جا عليها تفكير مشوش ولاتعرف لاي قرار تستسلم عند أي نقطه تواجهها...واللحين اول نقطه هي غاده حببتها بمنصور...وبدت تفكر فيه جديا.....وبدت تزيح عنها أي فكره عن سلطان لانه فعلا ما سوى ولا شئ يثبت ان يحمل لها أي مشاعر بقلبه........
غاده:بعدين يا قلبي باقولك شئ بما اني باروح بيتنا...
جوري بزعل:بتروحين بيتكم...
غاده:أي عندي اختبارات والله ان قعدت هنا باقعد انا وعهود ونقلبها سوالف ولا نعرف كتبنا...
جوري:يوووو قهرررر
غاده:لا بتقولين يالنشبه...لاني باخلص من هنا اختبارات وباجي عندكم...صراحه مره مستانسه..
جوري:اوكي...الله يالنشبه...
غاده:عيب عليك حتى من غرفتك ما طلعت...قوليها اذا طلعت برى بيتكم...
جوري:لا انا ما اقول الا بالوجه...مو من قفاك...
غاده:الزبده..تراني عجوز واذا ما قلت لك اللي بنفسي انسى وبتقعد بقلبي ليش ما قلت لك...
جوري:من جد عجوز...
غاده:طيب...شوفي خوذيها مني..لا تتعلقين باحد وش ما كان...يعني سلطان ويمكن ظروفه كانت قويه يعني خمس سنيين وانتي تحسبين انكم مخطوبيين..ويالله الحمدلله ان لقائاتكم قليله والا كان رحتي فيها...وهذا هو منصور هو يبيكي...يعني احمدي ربك..ولا تتعلقين باحد لان لو صارت الخطبه لو صار أي شئ..وش دراكي يمكن يصير اللي اكبر منه وهو الموت....
جوري:يمممممه تخوفين....
غاده:ولا اخوفك ولا شئ الموت حق...وصراحه انا بعد ما حبيت ولد عمي وتزوج...تصدقين حمدت ربي..لاني احس اني تافهه يعني مشاعري ارميها على واحد ما ادري عنه...حتى لو ادري عنه المفروض ما ارسم شئ واحلم واخطط على اشياء ماهي متوقعه... وبعدين المفروض الواحد ما يتعلق باي شخص مهما كان...حتى الاب والام... الحب الحقيقي لله وللرسول وغيره ما نسميه حب حقيقي.....ومشاعرنا واحاسيسنا مهيب رخيصه نعطيها أي انسان...نعطيها اللي يستحقها... احنا بنااااااااات يعني اهم شئ بحياتنا هي المشاعر...وخوذيها مني يا جوري محد بياخذ غير اللي كاتبه له الله وكل شئ مقدر ومكتوب....
جوري تسمع بانصات..بعقل..بكل حواسها....تمنت لو سمعت هالشئ قبل لا تحب سلطان وتتعلق فيه... بس قدامها الفرصه انها تنساه...ومثل ما قالت غاده الحب الحقيقي لله وللرسول... وموب أي انسان يستحق حبنا...وينك يا غاده عني من زمان...وينك تفهميني معنى الحب... وينك تنصحيني هالنصايح القيمه الكبيره اللي باعتبرها سلاحي وعدتي بطريقي.....
جوري بدت تبعد عنها أي شئ يذكرها بسلطان..صحيح جتها فتره وكرهت ابوها لانها تظن انه متكبر على خواله..لانها كانت تعشق شئ اسمه سلطان واي شئ يضر بسلطان او اهله بتكره هالشئ بسببه.. كنت مغفله يوم فكرت ان ابوي ما يفكر فينا..ابوي يبي مصلحتي وحياة سعيدة لي وانا افسرها بأي تفسير..
بس سلطان شئ صعب اتخلص منه...اتمنى ابعد عنه نهائيا...ولا افكر فيه ولا يجي ببالي... وكل تفكيري يصير لمنصور...منصور وبس... اتمنى ان قلبي يسمح بدخول منصور وخروج سلطان...
تحاول جوري تبعد عنها كل تصرف من سلطان كانت تظن انه يحبها او ان هالتصرف بس عشان جوري...لازم افكر بعقل..ليش كنت افكر أي تصرف يصدر منه بدافع الحب...ليش كنت اظن ان أي كلمه منه تقصدني انا...بس هو...مدري...يارب يسر لي الخير......
********************************
ام رغد:طيب انت متأكد....
سلطان:اقولك انا سمعت لولو وتأكدت منها.....
ام رغد:طيب انا بعد سألت لولو تقول انها موب رسميه.......
سلطان:شلون موب رسميه...خلاص اذا صارت الخطبه وانتتشرت اكيد وافقوا......
ام رغد:طيب واذا وافقو.....
سلطان:تحسبينها بسيطه...انا يوم فصخت الخطوبه فصختها وانا قلبي يتقطع على بنت خالتي...كنت ابي اثبت لها انها مهيب مغصوبه لاني ابيها توافق باقتناع مو بالغصب او سالفه قديمه بين ابوي وابوها....ابيها تقول هذا اللي بيه بين الناس......وربي هداني وحلفت اني ما اتقدم لها الا وانا خاتم المصحف...والحمدلله ختمت القرآن ولقيت لي وظيفه وكلها سنه واشتغل مع ابوي.....
ام رغد:لا تصيحني يا سلطان.......
سلطان:وشو اصيحك؟؟ابيك تتأكدين..صحيح الكلام واذا مهوب صحيح تقولين لها اني ابيها...
ام رغد:ما ادري يا سلطان بس احسها صعبه..افرض لو صارت خطبه لازم ما اكلمها وهي متكلم عليها احد.......
سلطان:وانا...انا وش اسوي لو راحت عليّ...حلمي اللي كبر معاي افقده بلحظه.....
ام رغد:انت بعد الله يهداك ما تكلمت والا كان كلمتها.....
سلطان:وشو تكلمينها...انا متأكد انها تبيني
ام رغد:وش اللي يأكد لك انها تبيك؟؟؟؟!!!!!
سلطان ارتبش... بس متأكد مية بالمية انها تفكر فيه..تصرفاتها..سوالفها مع لولو...مع امه..واااااضح ان فيه بينهم انسجام..وقال:فيصل يعني مين؟؟؟
ام رغد:ودام فيصل يعرف وقالك ليش...ما اعترض على هالخطبه....
سلطان:ما ادري بس قبل ما التزم كان عادي الوضع واعرف عنها بس بعد ما التزمت حسيت اني عيب عليّ اعرف عنها كل شئ وادور اخبارها وما ادري حاس ان هالشئ عجبها وكاننا متفقيين بس ما امداني سنه الا وتروح......
ام رغد:انت استهدي بالله وانا ما بيدي شئ اذا في خطوبه مستحيل اكلمها.......
سلطان:ام رغد تعرفين اني ما استحيل اقول هالكلام لاحد انتي اختي الكبيره وتفهمين عليّ وابيك تساعديني......
ام رغد:اذا صدق تبيها ادعي بالليل....سهام الليل ما تخطئ.........
سلطان:ان شاء الله..بس انتي بعد تاكدي من هالكلام..........
سلطان حس بالدنيا تضيق عليه وانه خسر اكبر حلم بحياته....وحاول يكتمها بنفسه بس ما قدر ولان ام رغد مستودع اسراره على طول قالها هالخبر اللي بيذبح سلطان.......
**************************
لمياء:عيوش لي اربع ايام ما اشوف فراس وينه؟؟؟
عيوش بربكه:مدري يمكن اجراءات الوفاة تعرفين مافيه الاهو وانتي واكيد هو يروح معاهم....
لمياء:والاجراءات تمنعني من فراس...تكفين ابي اشوفه اسلم عليه...اشوف يمكن ما اكل زين.. والا متأثر بوفاة ابوي(وصارت تصيح)
عيوش:بس لميوه والله ما يصير ما صدقت انك سكتي.....
لمياء:وشلون تبيني اسكت وانا هدمت مستقبلي وروحي بنفسي بسبب هالغباء اللي متجمع بعقلي... والا وفاة ابوي تحسبينها سهله..والله يعيش تعبان وانا اخدمه ولا يموت ويتركنا....
عيوش:لميوه حرام عليك هذا يومه اللي مات فيه.......
لمياء:آآآآآآآآآه ما ادري وش الايام الجايه بتجيب لنا من المصايب......
عيوش:ياااااااربي منك لميوه ما يصير والله اللي تسوينه ما يصير........
لمياء:عيوش وش رايك تذلفين برى...
عيوش:انا!!!!!!!
لمياء:ايه
عيوش مراعاة لنفستها وظروفها الصعبه ما تبي ترفع صوتها وتتهاوش معها:طيب.. وخرجت.. لمياء كل ما تتذكر ان عيوش بنت عمها يعني لها علاقه مع عمها واخوها عادل تنفجر قدامها وتحس ان عيوش متفقه معهم..فقدت أي ثقه باي انسان...ولا صارت تصدق أي احد..وتحس ان المشاعر الرقيقه والرائعه انعدمت وما فيه أي انسان عنده رحمه...
لمياء حست انها بتموت من الضيق اللي فيها...ضاقت عليها الدنيا وحست بروحها ضعيفه ما عندها لاسند ولا ظهر قوي...واخوها فرحة عمرها بدت تحس بتلاشيه من حياتها.... واكيد السبب عمها ومرته وعادل.....آآآآآآآآآآآآآآآه يا عادل ليت زالزال يشيلك من عندي...انت سبب كل البلاوي... وينك يا خالد؟؟وينك تصبرني بكم كلمه وتحترم ابوي ولا تجيب له طاري الا بالخير....ليش الغريب ازين من القريب ليـــــــــــــش؟؟؟؟؟
وينك يا يمه؟؟؟وينك ليش تركتني؟؟وينك لاضاقت بي الدنيا ارتميت بحضنك الدافي؟؟؟وينك اشكي لك همي وانا متأكده انك تحبيني وتتمنين لي الخير؟؟وتدعين ربي يفك همي؟؟وين الاقي احساس مثل احساسك؟؟وين الاقي قلب دافي وحنون صاادق بكل شئ؟؟مافي احد مثلك؟؟؟ويــــــــــــنــــــــك؟
وينك تواسيني لا تخلوا الناس عني؟؟وينك تمسحين على شعري وتصبريني؟؟وينك ما اشم ريحة عطرك؟؟يمه بديت افقد بقوه ريحتك..ريحتك من بعيد تبعد عني كل شئ مخيف..اشم ريحتك احس بدفا وقرب..حتى لو ما عرفتي وش فيني..يكفي قربك..يكفي ريحتك عندي....وينـــــــــــــك؟؟؟
وانت لؤي ما تذكر يوم تقول انك اذ عقلت تبي تتوظف ازين وظيفه....لا عقلت ولا بقيت لنا..مت ورحت عنا ولا بقى لي احد......وينك اللي كانت كل آمالي وطموحاتي بك؟؟
آآآآآآآآآآه يا يبه...يبه اشتقت لصوتك الحنون...اشتقت للمسكة يدك البارده...وينك تقولي ادعي ربك تراه ما يضيع احد...ويــــــــــــــنك تخفف عني؟؟؟؟؟وين ظلك باخر الليل يحسسني بامان؟؟ وينــــــــــــــــــــــــــــــكم؟؟؟؟؟
ارتمت على فراشها على الارض وما عندها الا مخدتها الا تعرف عنها كل شئ وقلبت مخدتها من كثر ما بكت وتبللت هالمخده...وراحت لعالمها القديم...لدنيتها وماضيها السعيد اللي بسنه ضاااااع كل شئ واندفنت هالسعاده وبتواجه الدنيا بوجه ثاني...بانسان ثاني.. لافي ابو يدلعها ويمنع احد يتدخل فيها او يجرحها..ولا اخو سند تعتمد عليه بامورها...ولا وظيفه تقدر تشغلها عن هالحياة ولا راتب يسد حاجتها....ولا خوي يخفف عنها هالمصايب اللي تتحذف عليها من كل صوب....ولا ام تصبرها على قسوة الدنيا.....
ضمت المخده بين يدينها وتخيلت لو انه فراس تضمه وتمنعه من أي شر يجيه بس وينه فراس؟؟ وين املها الوحيد..بيحرموني منه..آآآآآآآآآآآآه يا زمن...
وين طموحي راح؟؟وين تفكيري البعيد؟؟وين فلسفتي وتعلمي؟؟وين اهلي؟؟ وين انا؟؟ وين مصيري بيصير؟؟؟....
آآآآآآآآآه وين راحت زاعتي اللي كنت ازرعها ببنات المتوسط...وين تعليمي لهم...وين راحوا؟؟ وين الامل المفقود اللي كنت احببه فيهم؟؟؟وين البنات؟؟ وصلوا للي يبيونه... انتج ثماره هالامل والا اندفن مثل ما اندفن عندي...
آآآآآآآآآه خرجت منها بعد ما تذكرت الطالبه اللي كان آخر همها بالدنيا اللعب.... وينك تشوفيني وانتي تقولين لي؟؟ابلة لمياء انتي لو منك اثنيين كان انا الثانيه...ابلة لمياء علمتيني اشياء كثيره ما كنت اعرفها..حببتي الامل وزرعتيه بداخلي... خليتيني اعيش على شئ يستاهل..ويني انا عنك... ابلة لمياء باذن الله باحقق طموحاتي وباخلي طريقي كله امل واخلي ورودي الحب واعيش بالحياة وانا راضية....
وينك لو تشوفيني وانا طريقي كله خيانه..كله وغد...كله حقد...انمحى الامل وحتى رماده ضاع مع الرياح....وانمسحت آثار الود من طريقي...
وينك ابيك تعيدين عليّ كلامي يمكن افهمه منك..يمكن اتذكره...يمكن ارجع واروح طريق ثاني.. والا اتعدى هالجسور والاقي طريقي اللي كنت ارسمه.....
وينكم؟؟ويني انا؟؟وين دنيتي؟؟وين امي؟؟وين ابوي؟؟وين املي المفقود؟؟؟؟
وضمت المخده لها بقوه وغرقت بانهار من الدموع...
******************
محمد:تكفى يا نواف آخر شهر بحياتي....
نواف:بس انت ادرى بالموضوع......
محمد:اوكي انا ادرى...ممكن تكلمها تقنعها...شهر واحد بس آخر فرصه لنا اننا مع بعض....
نواف:والله انك غريب...
محمد:انت صديقي واعرف بطبعي......
نواف:اوكيه انا باكلمها...وابقنعها واذا ما اقتنعت الدور عليك.........
محمد:اوكي.....
نواف:يالله تامر بشئ........
محمد:ابد سلامتك........
نواف:الله يسلمك.............
تقلب محمد على سريره وهو يفكر بالشهر اللي بيكون اخر عهده بنهى.... آآآآآآآه يا نهى لو تدرين وش كثر احبك...انا احبها واموت فيها...شلون ما انتبهت لها....شلون ما حسيت بها.... انا اخذتها وانا ادري ان تعبانه بس هالكثر...الله يشفيكي يا نهى وترجعين لي...
لولو:هاي ماي برذر كابيتل(مرحبا اخوي الكبير)
محمد:الله من زين الانقليزي...وش تبين؟؟؟
دخلت لولو الغرفه:لا يا خوي مهيب عوايدك وش فيك من غير نفس تكلمني!!!!
محمد:الله يالنشبه
لولو:شفت قلت لك منتب طبيعي.........
محمد:انجزي وش تبين؟؟
لولو:بس من دون زعل والا تهاوشني مثل سلطان.......
محمد:وش فيه بعد سلطان؟؟؟؟؟؟
لولو:ما عليك من اخوك المخرف وخلنا بسالفتنا
محمد:خير وش فيك؟؟؟
لولو:طلبتك ياخوي قل تم.....
محمد:لا دام فيها تم وقبايل...الموضوع كبير
لولو بحماس مبالغ:كبير وبس...اووووووب لو تعرف وشو بس انت قول تم.....
محمد تحمس مع لولو:تم...
لولو:كلام رجال...
محمد مسك شاحن الجوال اللي بجمبه ورماه عليها:بلا قلة حيا رجال طول بعرض وتقولين كلام رجال....
لولو:آآآآي والله امزح...بعدين انا اقلد الملسل البدوي......
محمد:انجزي عليّ وش تبين؟؟؟
لولو:بما انك قلت تم...(وناظرته بعين الخايف) وانت رجال...ابيك توديني المطعم...
محمد مسك جواله ورماه عليها:يالبقره رجال غصبا عنك...
لولو:والله آسفه انت كل الرجال بس تكفى ابي اروح المطعم........
محمد:والله انك فاضيه وما عندك شغل......
لولو:افا يا الرجال وين اللي...
وما امداها تكمل كلامها الا محمد قام بيضربها..........
لولو صرخت وخرجت برى الغرفه وراحت للصاله........
لولو بصوت عالي:يا ناااااااااااس ابي المطعم.........
لولو:يا ناس ما تفهموووووووووووووووووووووون
لولو:ليش محد معطيني وجه........
ابي المطعااااااااااااام
ام محمد:بلا قلة حيا فضحتينا عند الجيران صوتك عالي........
لولو:طيب ودوني المطعم........
ام محمد:وش فيه اكل البيت......
لولو:وع وماصخ وموب حلو.......
ام محمد:اقول احمدي ربك على النعمه...وما الماصخ الا انتي.......
لولو:يمه والله اكلك يهبل بس انا مشتهيه المطعم.......
ام محمد:والله انك فاضيه لو تنظفين غرفتك تراه ازين.......
لولو:يمممممه بس غرفتك وغرفتك من زينها ما ابيها خلاص ابنام بالصاله وكتبي تحت الكنب عشان ما تبلشكم غرفة لولو...
ام محمد سفهت لولو لانها تعرف ان جتها هالحالة ما ينفعها الا التطنيش....
لولو قعدت بالصالة وفتحت التلفزيون......
كان تقرير عن مباريات الهلال وعن تشكيل الفريق لانه بيدخل الدوري النصف النهائي وبيتبارى مع الشباب....انتهى تقرير الشباب وبدى تقرير الهلال.......
لولو رفعت صوت التلفزيون على اخر شئ وكانت اغاني الهلال مع انها ما تسمع اغاني مره ولا ترفع الصوت بس هالمره ابليس راكبها....
لولو:الله يقلعكم يالهلال ما خرجنا مطعم ولا رحنا وجينا بسببك....
عبود:لالالالالالا مو معقوله لولو عاشق الهلال تسبه لالالالالالالا اكيد صاير شئ بالدنيا..
لولو:ضف وجهك لا اعطيتك ركبه....
عبود:انا باعرف انتي شلون جيتي بنت...هلال وركبه ومضاربات.....
لولو:هي هي هييييي تعرف تنكت......
عبود.:عسى المانع خير وش فيك يا وخيتي.......
لولو:عادي تصرق سيارة ابوي..
عبود فاتح فمه:هــا!!!!!!
لولو:يعني تعرف.........
عبود:اقول اخوياي يبوني برى بنلعب كوره.....
وفرك عبود برى لا اخته اليوم مهيب صاحيه..........
محمد يفكر بنهى ويتمنى الموافقه من نهى عشان يصير اخر شهر بحياتهم واحلى شئ بحياتهم بدل هالثلاثه الشهور اللي راحت عليهم لا استانسوا ولا شئ.......
وسلطان مرتفع ضغطه على الاخر من سالفة جوري واخر شئ كان يتوقعه ان جوري تروح منه بهالسهوله........
وام رغد ما عندها أي مانع تودي لولو مع زوجها بس ابو لولو ما يرضى مشاوير عاديه وبالموت يرضى شلون مطعم..........
وام محمد ابتلشت مع لولو ما تعرف شلون تكلمها...ابلشتها بهالكوره والنت ومنتدى الزعيم الا ما تسولف الا عنه...لا تذاكر ولا تهتم بالبيت ولا المطبخ....
وعبود دوم يتناقر معها بس تجيها حالات ما يقدر عليها والحل الافضل له انه يفرك ويروح عنها.....
وابو محمد مهوب فاضي لحركاتها ودلعها........
لولو:يااااااااااربي...حتى شيماء خارجه برى وش هالمللللللللللللللل
سلطان:اقول لولو تعالي بسرعه....
لولو من الملل قامت له والا العاده بعد عشر دقايق تجيه ويقاله بدري:نعم
سلطان:اكوي هالبنطلون........
لولو:بس تبي هالبنطلون...ابشر كم عندي سلطان واحد زي العسل على قلبي... ما تبي شئ اخوي العزيز؟؟يمكن ناقصك شئ والا شئ...تأكد ترانا بالخدمه...
سلطان حاس ان السالفه فيها شئ والا مو معقوله لولو اللي قدامه لانه يعرفها انها ترمي البنطلون على الخدامه وتمشي..........
سلطان:عسى ما شر.......
لولو:الشر ما يجيك ولا يجي جمبك...اسم الله عليك تف تف من الحسّاد....
سلطان:لالالا صدقيني لولو منتب طبيعيه.....
لولو:كلك ذوق يا خوي...انا صناعي طبيعي على راحتكم يا اخواني الرجال....
سلطان حس بشئ كبير بعد الرجال:لولو فيكي شئ؟؟؟
لولو مشت عنه وراحت للشغاله ورمت عليها البنطلون:يقول سلطان انتي ليش ما تغسلين الملابس اول باول وتكوينها ...مره ثانيه ما نعطيك الراتب......
لاتي:والله هو مافي جيب ملابس وفي قول مافي تدخل قرفه هو..انا ايس اسوي....
لولو:ضفي وجهك وانقلعي...وش دراني عنك ديوان المظالم قدامك....
وراحت عنها والشغاله مسيكينه تحسب ان لولو عندها سالفه...........
لولو طقت وملللللللللللت على الاخر وودها تنفجر من الطفش اللي هي فيه...صديقاتها طالعيين قبل لا تبدى الاختبارات عشان تنفتح نفوسهم للمذاكره وهي قاعده بالبيت ولا احد معبرها.....
ما في الا جوري........
*************************************
--------------------------------------------------------------------------------
سلمان:متأكده يا ليلى....
ليلى:هي قالت لي بصراحه هذا عشاما راح انساه....
سلمان:يا عمري عليها....
ليلى:ابسألك سؤال صريح؟؟؟؟
سلمان:وش عندك؟؟؟؟
ليلى:انت تحب خلود لدرجة الجنون.....
سلمان:اكثر...اكثر من كذا..ما اتخيل حياتي بدونها...مدري يمكن لانها حلوه..وتستحي مره وانا فاقد هالشيئين ببنات عمي...ادب وخلق وجمال...ورومانسيه....
ليلى:بس غالب البنات فيهم هالاشياء......
سلمان:ابدا...مستحيــــــــــل...
ليلى:وليش تقولها بثقه...منت عايش وسط البنات.......
سلمان:بس عايش حول عيال كل واحد يكلم ويفرغون كل شحناتهم العاطفيه بهالبنات والبنات كل وحده اخس من الثانيه...وانا تركت هالاشياء عشانها لاني ابيها وابي هالرومانسيه على ارض الواقع موب العب على بنات الناس...وبيني وبينك لانها بنت متربيه ومن عائلة محافظة يعني مضمونه من أي شائب......
ليلى:وااااااااو يالعيال...يعني الواحد يلعب مثل ما يبي بس لا جا يتزوج ما يبي الا بنت من عائلة محافظة......
سلمان:اكيد...ومجنون اللي يفكر غير كذا......
ليلى:اجل ضاع سوقنا......
سلمان:اذا خرجاتك مع اخوانك تعتبريين من العوائل المحافظة....
ليلى:اشوى يعني في امل....
سلمان:امل والا خلود......
ليلى:كلن على هم سرى..........
سلمان:اقول ليلى في عطر ياخذ العقل...تجين معاي نشوفه واذا حلو باخذه.....
ليلى:لخلود طبعا......
سلمان:اكيــــــــد.....
ليلى:آآآآخ ياربي متى يجي اللي يدلعني........
سلمان:قومي ذاكري بس..........
ليلى:ايه هيّن..........
وراحت ليلى من عند سلمان للتلفون وتقول لخلود التفاصيل الممله....وخلود ميييييييته من الوناسه والفرح على ان داخلها تلوم روحها بس سلمان سحرها وعماها عن كل مخلوق ثاني.....
وخلود قالت لها عن منصور انه جا والاخبار بالتفصيل عند ليلى اللي على طول راحت تقول لحنان عن كل شئ....وحنان ما تزيد الا قهر وحسره بقلبها......
******************
جوري:اوكي انا انزل لك عند الباب.......
لولو:أي يا قلبي اخاف عمك يصير موجود.......
جوري:ما اسمع وش تقوليين...غاده قالبه الدنيا اللحين انزل لك.....
غاده:يالله بسرعه وين العطر اللي قلت باخذه معاي......
جوري:يوه...والله نسيت...تلاقينه بالعلبة اللي فوق بالمستودع......
غاده:والله انك فسقانه اللحين هالعطر تحطينه بالمستودع.....
جوري:مالت عليك اللحين شايلته لك عشان ما انساه بانزله مع الاغراض...... (وطلعت برى الغرفه وبسرعه نادتها غاده)
غاده:جوووووووووري.....
جوري رجعت ركض:نعم......
غاده:أي علبة.....
جوري:الوردي(وجت بتروح)
غادة:وين بتروحين؟؟؟
جوري:باشوف لولو بتجي...ومستحيه من عمي......
غاده:اوكي.......
ونزلت جوري بسرعه...لانها تعرف ان ابوها وعمها بيسلمون ولولو بتوريها لو قابلتهم... وفيصل ما يقصر بالطنازه.....
اول ما نزلت قابلت منصور عند باب الغرفة اللي امه تنام فيها هو بيخرج واستحت لازم تسلم عليه..
جوري ما تقدر تتعداه وتسوي روحها ما شافته لانه بوجهها...وهو وقف شكله ينتظرها تجي وتسلم..
جوري بخوف وقلق:الحمدلله على السلامه......
منصور:الله يسلمك....
جوري ضاعت كل كلمه ونست كل الحروف...ماتعرف هي تقول كيف الحال؟؟والا شلونك؟؟؟ والا اخبارك؟؟والا انت بخير....ضاع كل شئ منها لانها بحالة رعب موب طبيعي.......
منصور:اخبار الاستعداد...ان شاء الله مستعده للاختبار...
جوري:أي زين...لا ...قصدي الله يسهلها علينا......
منصور حس بالاحراج:الله يوفقك عاد انتي ثالث نبي نسبه زينه محترمه....
جوري:ايه ان شاء الله....
ودخل الغرفة منصور على انه خرج منها...بس عشان يخليها تمشي.....
اما جوري جمدت رجلينها من كثر الخوف ويوم راح منصور كأن احد صب عليها ماء بارد.... ومشت بسرعه لبرى......ومن الربكه ما انتبهت لصوت لولو مع بنات عمها بالمجلس وخرجت للحوش...
جت بسرعه للشخص اللي تظن انه فيصل ونغزته بين جنوبه:ابعد عن الطريق ترى؟!؟!؟!
انصدمت يوم سلطان لف عليها وواضح انه متضايق من هالنغزه واشوى ما صرخ والا مسك ايدينها ودفها بقوة لانه دوم يسويه بالعيال لانهم يدرون انه يكره هالشئ...
تفاجأ بعد فيصل من جوري وانه واقفه قدامه بس هو ينتظر فيصل وبسرعه لف وجهه وقال:انا انتظر فيصل..وباطلع برى البيت لاتركضين وتوجعك رجلك....
وخرج سلطان هو بمشاعر متضاربه..ياربي هي ابيها..جوري ما غيرها...شلون تضيع بين يديني بهالسهوله...هي حلم الطفولة اللي كبر معاي.....
اما جوري بعااااااالم ثااااااااااني...ياربي كل ما حاولت ابعد عنه يقترب زياده...وليش وقفت ما مشيت وبعد انغزه...ياربي وش هالغباء اللي بي...شلون ما فرقت بين سلطان وفيصل...بس هو اول مره اشوفه ببنطلون....ولا بعد عرف ان رجلي انكسرت المره الماضيه....
سلطان فيه شئ يجذب لي والا ليش كل ما حاولت ابعد يقترب زياده....ياربي فكني من هالحيره....
والتفت يمين وشمال ما شافت أي احد وتطمنت ان محد شافهم او لاحظهم ودخلت البيت وهي شايله هموم الدنيا فوق راسها.....
ودخلت لقت لولو طالعه منةالمجلس هي وخلود.....
جوري:ما شاء الله انتي داخل.....
لولو:قلت لك تراني بادخل ودخلت البيت على طول...انتي اللي ليش ما جيتي بسرعه....
جوري:ما سمعتك من رجة غاده جمبي...وطلعت برى وما لقيتك فيه.....
لولو:لايكون شفتي سلطان اخبره ينتظر فيصل...
جوري بخاطرها..شفته وكلمني وكأنه يقول الحمدلله على السلامه...وانتبهي على روحك لاتطيحيين...
لولو:ياهو وين الناس....
جوري بحزن:موجوده...(وتبي تغير الموضوع)..وش رايكم لو نغير اليوم ونشتري لنا خرابيط من البقالة ونطلع بالسطوح......
خلود:اللللللله من زمان عن طلعات السطوح.....
لولو:اشوى في احد قروي مثلي.....
عهود:ما شاء الله يعني كل شئ تحطونه بالقراوه....مافيها شئ طلعت السطوح والقعده بفرشه على الارض...احب حياة البساطه......
جوري:عاد تخيلي بالسطوح وبكراسي.......
خلود:مالنا داعي نقعد هنا احسن اذا فيها كراسي.....
وضحكوا وراحوا يكتبون وش يبون من البقالة وبيعطونه السواق يجيبه.....
عهود:تعرفون في خلطه للبطاطس الحار وما تنفع الا للكشتات....
جوري:خلطه للبطاطس......
خلود:والله لذيــــــــــــذه..
لولو:شهيتيني الله يقطع ابليسك........
عهود:اسمعوا من اللي معها الدفتر....
جوري:انا......
عهود:طيب اكتبي...(2)بطاطس تسالي حار....
جوري:واذا ما لقى
عهود:اثنيين(ليزحار كبير)
جوري:طيب وغيره......
عهود:علبة بيبسي كبيره او كوكاكولا.....و5كت كات..و5اندومي......و3علب زبادي(روب)..
لولو:يالله يا عهود ليش ترجعين لي المواجع...ايام زمااااااان كت كات وبيبسي واندومي....
عهود:ههههههه....لازم احنا نبيها جلسة ايام زمان.....
خلود:غريبه حطيتي بيسبي العاده مقاطعه المنتجات الامريكية......
عهود:وش اسوي ما ينفع مع البطاطس الحار الا بيبسي...وبعدين فيه كت كات بدل الجالكسي... وتسالي بدل ليز...
جوري:ما شاء الله عليك...اجل انتي اللي رافعه اقتصاد الدولة.......بعدين تعالي وش تبين بالزبادي...
عهود:اكيـــــــد...اعجبك انا......اما الزبادي خليه لين نطلع واذوقك من الخلطه بعدين احكمي..
جوري:اوكي...ان شاء الله يكفينا...والمكسرات والفص فص عندنا كثير ما يحتاج نشتري......
خلود:اجل على بركة الله عطي الورقة الشغالة تعطيه السواق واحنا بنطلع قبلك للسطوح...ولا تنسين جيبي الفص فص...
لولو:يالله تراني ادل البيت.....والسطوح بعد.....
خلود:اجل شوفي لنا درب....
لولو:هههههههههه يالله....
طلعوا خلود ولولو للسطوح وصاروا يتمشون فيه...اما جوري راحت تعطي الشغالة ورقة الطلبات وعهود تنتظر الطلبات عشان تسوي الخلطه العجيبه........
غاده مالها حس بينهم وفقدتها عهود وجوري بس اذا جو يطلعون بيشوفون وش عندها.......
>>غاده قفلت باب غرفة جوري وجلست تفتش على الصندوق الوردي....اثركِ يا جوري منتب هينه...
فيه رسالة من وحده معجبة...شكلها مسكينة تموت بجوري مره...قرت الرساله والا محتواها غزل وعشق لجوري وتتمنى كل لحظه تشوف فيها جوري وتتكلم معها.....
ولقت ظرف كامل كله شكله للمعجبات..... ولقت ظرف ثاني مربوط فكته بسهوله ولقت اول شئ صوره لسلطان هو وفيصل...والصوره الثانيه لسلطان ولابس النظاره السودا...والثالثه لسلطان وهو يخوف فيصل....وصور كلها لفيصل وسلطان......وصور هم صغار وكبار...
غاده:شكلها تموت بسلطان وتكابر قدامي والا ليش محتفظه بكل هالصور وحاطتها بظرف انيق ورابطتها وبصندوق وبعيد عن الكل....
واللي شدها مره لقت صندوق بني باخر المستودع يالله يالله مسكته...وفتحته.....لقت رساله كبيره..
ومكتوب فيها كتابات....
اول وحده جوري:اتمنى انكم تحبوني وما تكرهوني ونصير اقوياء.....
ثاني واحد فيصل:اتمنى ان سلطان يقص شعره واصير اقوى منه.....
ثالث واحد سلطان:اتمنى اصير اطول واحد بالدنيا....
ومكتوب اسم لولو وبس شخاميط جمبها.......
غاده:يالله يهالورقه شكلها لها عزه خاااااصه بقلب جوري والا ليش كل هالحرص بس وش سالفتها... شكلهم الثلاثه كانوا مع بعض...ولولو شكلها كانت صغيره وما تعرف تكتب....
واندق باب غرفة جوري.......
جوري:غاده يالله بسرعه افتحي الباب...
غاده بسرعه لمت كل الاغراض وحطتها بالصندوق وبالمستودع واخذت العطر وحطته بشنطتها وتأكدت ان كل شئ رجع لوضعه الطبيعي.......وفتحت الباب.......
جوري:ما شاء الله ليش ما تفتحيين بسرعه........
غاده:اممممممممم....مو شغلك......
جوري ما جا ببالها ولا واحد بالميه ان احد يفتش اغراضها:يا طول لسانك بسرعه البنات كلنا بالسطوح......
غاده:يالله...بس تعالي بجلال والا بدون.......
جوري:يالعجوز لا بدون محد بيجينا............
وطلعوا السطوح....................
عهود فرشت السفره وحطت عليه الصحن البيضاوي وفتحت البطاطس الحار على الصحن ومسكت صحون صغيره وحطت فيها خلطتها العجيبه واخذت الاكواب وصبت فيها البيبسي.....
خلود مسكت البطاطس ومررته على الخلطه واكلتها:اممممممممم طعمها يجنن......
غاده:من جد كذا تنأكل.........
عهود اخذت حبة بطاطس:تأخذين الحبه هكذا وتغمسينها غمسا مبرحا بالخلطه وتضعينها كاملة بالفم وبالهنا والشفا......
جوري:نجرب الله يستر منك ومن خلطاتك..(وجربتها)...اممممم روعه طعمها......
لولو:طعمها خياااااااااال...بسرعه شلون طريقتها........
عهود:كم تعطيني.......
لولو:ولا شئ........
عهود:ههههههههههههههه...طيب خلصوها وعقب اقولكم.........
غاده:الله يستر منك لايكون فيها شئ...مع ان طعمها حلو وما فيه شئ............
بعد ما خلصوا أكل علمتهم عهود وشي الطريقه واللي هي....
عهود:تحطين علبة زبادي ومعها حول الملعقتتين سماق وحبة ثوم وقليل خل.....
جوري:بس!!!!!
عهود:أي بس وحسب الكميه الي عندك تزيديين الزبادي والسماق...
غاده:صراحه رووووووووعه باسويها اول ما ارجع بيتنا.....
لولو:وانا بعد باسويها لصديقاتي.......
عهود:أي عاد دعواتكم لا تنسوني...........
جوري:ابشري بس لو جانا تسمم والا شئ يا ويلك مننا........
عهود:هههههههههههههههههههههه
خلود:جوري وين الفص فص بانزل اجيب الشاهي........
جوري:جيبه معك بالمطبخ تلقينه بأول درج........
خلود:مالت عليك المفروض تقوليين بنت عمي وعيب عليّ المفروض انتي تروحين.....
جوري:بدل هالمحاضره كان جبتيه وجيتي.......
خلود:طيب يالدبه...لاني رشيقه باروح اجيبه...........
لولو:تصدقون كان خلق ضاااااااااااااايق على الاخر...من جد طفشانه.....
جوري:ليش؟؟؟؟
لولو:بعد ليش....الاختبارات قرفت من عمري وهي بعدها ما جت......
جوري:اجل وش اقول انا...ثااااالث ثانوي احس اني باموت كل ما تذكرت اني ازم اجيب نسبه...
عهود:الله يوفقك..والله كلنا بثالث نفس الشئ...النفسيه معدوووووومه على الاخر...بس الايام تجري وبتلاقين نفسك بالجامعه وتقوليين يا مسرع الايام.....
جوري:الله يسمع منك......
غاده:المهم بنات اليوم اخر يوم واحنا الفجر بنمشي لازم نخليه يوم تاريخي.....
جوري:يالله وش عندك........
غاده:نلعب بالاوراق.............
لولو:بعد فيها اوراق..........
غاده:المشكله ما فيه غيرها.......
عهود:طيب وش رايكم نلعب لعبة الصراحة........
لولو:اللللللللللله وناسه يالله.......
جوري بخوف:يالله........
غاده:مافي أي مانع...بس ننتظر الاخت خلود........
**********************
سلطان:وانت ما تترك طبعك الشين ذا...ليش ما طلعت بسرعه.......
منصور:معليك منه ولد عمي واعرفه ميت...
فيصل:لانك طالع م المستشفى مني راد عليك........
بدر:وش فيكم على الولد ذبحتوه........
سلطان:ياي...لايكون تضايقت فيصل......
فيصل:الا متضايق هالدب منصور حاشرني ورى.......
منصور:احد لقفك وخلاك ترجع ورى....
بدر:وخالد مهوب جاي.......
فيصل:قلت له بس شكله متردد.........
منصور:يمكنه مشغول........
سلطان:الزبده يا عيال وين استقريتوا.....
فيصل:نروح صالة بلياردوا.......
بدر:انا ميت من الجوع نروح مطعم ناكل وبعدين نروح أي مكان.........
فيصل:وانت اربع وعشرين ساعه جيعان........
بدر:انا آكل وجسمي هو نفسه موب انت تاكل وتنتفخ تقل بالون....
منصور:هههههههههههههه قويه رد عليه......
فيصل:مره عجبتك النكته....
سلطان:وش رايكم ناخذ لنا عشا ونطلع باي منتزه ونتعشى وعقب نقرر باي مكان.....
منصور:ايه ازين......
وكلهم بسيارة سلطان راحوا لاقرب مطعم لهم وتعشوا وبعد اصرار من فيصل راحوا لصالبة بلياردوا....
منصور يناظر سلطان ويراقب تصرفاته...وعقب ما شاف اللي صار بينهم بالحوش...واضح ان ما بينهم كلام او أي شئ بس يكفي وقفة جوري ولا مشت على طول....يعني في بينهم شئ....والا ليش ما وافقت على طول......منصور جزم مية بالمية ان علاقة فيصل قوية واكد له رغبة سلطان بجوري وعنده دليليين...ماردت لهم بالموافقه....وسلطان وهو يكلم جوري(كان يناظرهم من شباك الصاله)....جوري نزلت راسها وسلطان بسرعه لف وجهه وكلمها....يعني اكيد بينهم شئ....صح امنيتي جوري بس انا ليش ما فهمتها من البداية...وليش هالمكابره ما ابي احد يرفضني....
منصور تغير بعد ما طلع من المستشفى...يوم حس انه ضعيف بالمستشفى وان لا علمه ولا حب الناس له هو اللي فاده....والكبرياء اللي كان فيه راح وانزاح عنه...وصار يفكر بعقل وموب كل شئ لصالحه...واول شئ رفض جوري له اللي كان يشوفه من اصعب الواقف بس هانت عليه لسالفه وقرر قرار وهو بهالصالة...وراح يقوله بس اذا جا وقته............
سلطان:دورك يا منصور جرب العب.......
منصور:تراني دلخ بهالالعاب بس اجرب وش وراي....
فيصل:تعال بدر ناخذ قهوه...
بدر:يالله.....
فيصل:وش تبي....
بدر:أي شئ...والا تدري قهوه ايطاليه من زمان عنها....
فيصل:طيب وانا مثلك بعد...
قعدوا على طاولة وجلس فيصل مقابل بدر...
فيصل:وش فيك؟؟؟؟
بدر التفت حواليه:انا!!!!!!!
فيصل:على ولد خالك
بدر:متضايق.....
فيصل:اعرف بس ابي وش السبب.......
بدر:بنرجع البيت.......
فيصل:بزران احنا...ليش متضايق اذا رجعت البيت..مو المفروض تنبسط لان عندك ناس بيستقبلونك استقبال غير(ويغمز له)
بدر مهموم ويتكلم من قلبه:وصلت لا تبعد...هذا اللي مضايقني اذا رجعت ما شفت الا النكد وانا قاصد ما ابي آخذها عشان استانس....
فيصل:ليش طيب؟؟
بدر:ياخي مشكله الحريم....
فيصل:وشو خلنا نستفيد.......
بدر:لا نستفيد ولا شئ بس الله يبعدك عنهم........
فيصل:لا عاد الا الزواج ترى اقضي منها جامعه على بيت الزوجية على طول...
بدر:اقصد الله يبعدك عن هالنوعيات.....
فيصل:اذا ماهو فضول قولي عشان اعرف....
بدر:اصلا من اول وانا باقولك...بس موب عارف شلون افتح معك الموضوع....صراحه يا فيصل ابعد عن البنت اللي يقولون عنها حلوه...سواء كانت حلوه والا مهيب حلوه...ابد ما تشوف الا الغرور والدلع...ونفسك تضيق لاهي اسعدتك ولا انت قادر تسعدها....
فيصل:زوجتك من هالنوع......معليش بدر ما كنت اقصد....
بدر:لا عادي بس.... هي ما تهتم الا بشكلها الخارجي...اخلاقها..تعاملها مع زوجها...رأيه وشخصيته مالها أي اهميه عندها....ما تعرف تحترم امي وتعاملها بلين ولا تحترمني انا بوجود الناس...
فيصل حس ان ماله داعي ويبي يقفل السالفه:طيب بتطلقها.......
بدر:مالنا الا خمس شهور متزوجيين...صعبه مره صعبه...وبعدين انا كلمتها بس هي ماهي مقتنعه تقول انا كل الناس تبيني وانا حلوه...يعني اشياء مالها داعي تقولها...
فيصل:خذ القهوه....والسواة......
بدر:والله محتاااااااار مره محتار..صراحه بيتي ما ينطب جابت لي الهم والغم ولا بعد تقول انت مقصر....
فيصل:طيب طلقها اذا ما منها نفع...لا تبي تسمعك ولا تبي تسعدك وشايفه نفسها...ادبها....
بدر:والله لو الطلاق عندنا سهل كان طلقتها بس مشكلة نظرة المجتمع يعني اقل شئ سنه او بعد كم شهر...يعني ما حسبون فيها عيب قوي او شئ من كذا....
فيصل:والله انت مهتم وهي ما درت عنك.....
بدر:بعد هي تهمني يعني بنت عمي ولازم اصونها حتى لو طلقتها يمكن تتزوج واذا ما فهمت وش سبب الطلاق بتكرر نفس الشئ...واهل عمي هم اللي يصير عليهم الكلام.....
فيصل:الله يعين...شكلي ضيقت صدرك بس والله ما هان عليّ اشوفك كل يوم وانت ضايق صدرك....
بدر:تمون يا ولد الخال.....
فيصل:يالله سلطان ومنصور ينادونا......
سلطان ومنصور اندمجوا مع بعض وتداخلوا بشكل كبير....وحسوا ان فيه اشياء كثيره بينهم مشتركه ومثل بعض......
****************************
عهود:يعععععع جا علي اسألك يا لولو....
لولو:وانا بقوة وصمود باجاوبك.........
عهود:وش اكثر شئ بحياتك تحبينه........
لولو بعد تفكير:من غيره حبيب القلب والروح اللي اتمنى له السعاده والنجاح وين ما كان....
البنات كلهم مصدوميين.....عهود:ميــــــــن؟؟؟؟؟؟
لولو:ملزميين.........
غاده:يا ويلك ان ما جاوبتي لاننا متفققين من بداية اللعبه.......
لولو:طيب عشقي الوحيد وحبي الابدي هو(وتناظر فيهم تبي تحرق اعصابهم) الهلااااااال....
عهود:مالت عليك....
لولو:ههههههههههههه...والله اموت فيه والله ازعل لو خسر واحس اني باموت لو احد يسبه...
خلود:يالله لولو دوري القاروره.....
لولو:حاضر......ودورت القاروره وطلع على جوري........
جوري:يا ويلي منك يا لولو.......
لولو:جاك الموت يا تارك الصلاة.........
جوري:يالله وش عندك................
لولو:امممممممممم...عمرك سويتي شئ مخاف لاهلك او يعني شئ بس اهلك ما يرضوه بس شئ قوي؟؟واكيد وشو؟؟؟؟
خلود انتفضت من الخوف كأنها تحس ان الشئ يعنيها بس حاولت تكون طبيعيه.......
جوري وهي تضحك:اذكر مره ببيت خالتي وامي عيّت عليّ اروح البقاله وانا مره ودي اروح... واسكت عنها واروح مع سلطان للبقاله وقابلنا هناك فيصل وكان بيفتن علينا بس اشوى راضينه بريال....بس وانا كبيره ما اذكر الا وانا راجعه دخلت بيت صديقتي بس من عند الباب وخرجت....
عهود:لا ما شاء الله عليك مطيعه.....
غاده:أي تعالي عهود شلون الخلطه لونها احمر مدري وردي.......
عهود:صباح الليل....لان السماق هو اللي معطيها حموضه ولون وردي.......
غاده:اها!!!
خلود:يالله يا جوري.......
جوري:شكلك انتي الحكم....يالله.....ودورت القاروره وجا وجهها على خلود..........
خلود:الله يستر منك......
جوري:اممممم في انسان بحياتك؟؟؟؟
خلود ارتبكت بعدين ردت بكل ثقه:ايه.......
انصدموا البنات كلهم من ردة فعل خلود وتمنوا لو يعرفون من هالشخص اللي بحياة خلود.....
وكملوا لعب ووناسه لقريب الفجر...ورجعت لولو بيتهم وغاده تجهزت لانها بتروح بعد الفجر على طول...وخلود وعهود وجوري انتظروا صلاة الفجر وصلوا وناموا................
**************************
مشاري:خلاص يمه ما بقي الا موافقتك.......
ام مشاري:مريم شافتها......
مشاري:أي يمه شافتها بمناسبه وتمدحها...واخلاقها بسأل جوري عنها بس لازم اسمع موافقتكي...
ام مشاري:والله انا مابي الا سعادتك واذا الجوهره تمدح فيها ما في أي مانع بالعكس هذا ليوم اللي ودي افرح فيه وابارك لك.......
مشاري:الله يبارك بعمرك ويسلمك(ويروح يحب راسها ويدها)
اللحين اتصل عليها واكلمها........
مشاري:هلا جوري وينك يالدوبه؟؟
جوري:هلا بك على طول دبه.....
مشاري:يو صح نسيت اخبار عجيزنا...........
جوري:هيّن اوريك....بخير تسلم عليك...........
مشاري:اخبار فيصل تراه الدب ما يسأل عن احد يبي له فرش.....
جوري:أي عليك فيه اضربه ضرب مهوب صاحي..........
مشاري:طيب يالسوسه عند اخوك......
جوري:هذا جزاتي ادافع عنك.......
مشاري:هههههههههههههههه....
جوري:مشاري ما تقدر تجينا......
مشاري:توني باقولك....احسها صعبه ببيتكم ما شاء الله بيتكم صار مليان وفيه عمك واهله...
جوري:عادي تعال ونقعد ورى البيت لا هو عند احد ولا طريق لاحد........
مشاري:اوكي صار.....وسلمي لي على امي.......
جوري:يبلغ ان شاء الله مع السلامه......
مشاري:مع السلامه............
ام مشاري:ليش ما قلت لها.......
مشاري:اذا جيتها اقولها.....
نوره:يالله انا جاهزه.............
ام مشاري:على وين؟؟؟؟
نوره:باروح السوق معاه...ما شريت لي قماش لزواج مريم....
ام مشاري:بلا اسراف روحي بفستان زواج بنت خالك.....
نوره:يممممممممممه قديم ولبسته كم مره وبعدين نهذا زواج اختي يعني لازم جديد....
مشاري:معليه يمه ما عندنا الا وحده خلينا ندلعها.......
ام مشاري:الله يصلحها...بس متعبتك........
نوره بزعل:يمممممممممممممممممه
مشاري:خلاص ما حصل الا خير.........
*************************************
اسامه:ما عندك اوربت...
خالد:اول كانت عندي وشلتها وما خليت الا المجد....
اسامه:الله يقويك....
خالد:صالح وش صار عليها.....
اسامه:والله مهم هينيين اللي ورطوه...بس الحمدلله بعد كم تعذيب وتخويف اعترفوا ان صالح ماله أي ذنب....بس الى الان ما اقروا كلام صالح......
خالد:يعني بيقعد يتمشى وهو سبب اللي صار بمنصور.......
اسامه:هد اعصابك..كل شئ بالهدوء نجيبه....وعادل نهايته على يدي عشان اعلمه ان المخدرات مهي لعبه..يرميها على أي واحد يكرهه.....
خالد:تدري انه مغفل...فيه ناس عقولهم صغيره ومدري شلون يفكرون.....
اسامه:انت بس اصبر عليّ وبتشوف كل شئ......
خالد:والله مهمتكم صعبه واحنا ما ندري عن شئ....
اسامه:بس اللي يحب شغله ما يشوفها صعبه...........
خالد:اسامه نسيت اقولك الوالد بلغني اني اقدم لك شئ وقال أي شئ يعجبه...واللي تبيه احنا حاضريين....
اسامه:وش دعوه؟؟احنا ما سوينا الا الواجب.......
خالد:هذا كلام الوالد....وكلام الوالد اوامر...........
اسامه:والا ابو خالد ما نقدر عليه بس خليها اذا اثبتها على عادل......
خالد:يعني براسك شئ.....
اسامه:ايه...بس مثل ما قلت بعد ما ابشرك بعادل.........
خالد:ان شاء الله.....
التفتوا على التلفزيون يناظرون برنامج كشتات بقناة المجد...برنامج اكثر من رائع....اندمجوا معاه مره...شوي التفت اسامه على خالد.........
اسامه:خالد في سؤال يختلج في خاطري وابي اقوله.....
خالد:افا في شئ بخاطرك ولا قلته من زمان........
اسامه:والله مدري عن ردة فعلك والموضوع حساس........
خالد:قول وما عليك من ردة فعلي.........
اسامه:انت قلت لي بالضبط عن الحادث اللي صار لكم انت ولؤي...بس تأثرك فيه مره كبير...لدرجة انك احيانا تنفعل او تنحرف عن السواقه مثل ما صار لنا.......معقوله بس عشان هالحادث....
خالد:آآآآآه يا اسامه...تمنيت ان احد ما يسألني هالسؤال وبنفس الوقت ودي اجاوبه.... ادري بتقول قام يهذر...لكن اللي صار لي شئ كبير....
اسامه:واقدر اعرفه والا لا....
خالد:لا مو لازم تعرفه...بس لازم تعرف ادق التفاصيل....
اسامه بخاطره..ما تترك عوايدك يا خالد....
خالد:ما ادري ليش احسها صعبه..يمكن محد دري عن التفاصيل...يعني تخيل تشوف ام تموت بسبب ولدها..وولدها ما يقصد ابد الحادث بس...يعني(واخذ تنهيده) اقصد لؤي كان مجرد لعب وطيش بس بيخوف العائلة اللي قدامه وسبحان الله من السرعه ما انتبه انها سيارتهم تعرف ددسن..وماليه الديره ما تعرف تفرق بينهم...صدم بالعائلة وماتت امه قدامه واهله الباقيين سابحيين بالدم..وابوه..تخيل اسامه ابوه يشوفه وينتبه ان ولده هو سبب الحادث وقام يدعي عليه...والله دعاوي تقعشر البدن من قوها... لؤي قدامي اللي قوي وصامد وجافه مشاعره انهار عند ابوه يصيح ويبي منه السماح...ابوه مهوب راضي ينتهي من الدعا...وبالموت سكت وصار ما يدعي....لؤي راح لامه وحبها مع راسها ويدها ورجلها بس ماتت ولا تحس به....يعني منظر قوي قدامي ولا يمكن انساه...لا يمكن انساه.... ولؤي ما قعد الا يوم ومات لان الصدمه كانت من جهته وكانت قويه....قويه بالحيل....ابو لؤي صار مقعد ولايقدر يشتغل واخته ما تقدر تداوم اضطرت انها تستقيل وترعى اهلها اللي هم ابوها واخوها الصغير... حياة صعبة تعرضوا لها هالعائلة.....وخصوصا البنت يعني بلحظه امها واخوها يموتون وابوها يصير مقعد....مدري الوم نفسي اني ما حذرت لؤي وما عارضته على اللي سواه... يعني انا كم مره جربت التفحيط وعمري ما جا ببالي اني ممكن ادمر اسره او افرق شمل عائلة ولا فكرت بان التفحيط له نتايج سيئة....وكل ما اشوف احد يفحط ترجع لي المواجع.... واذا شفت حادث اتذكر هالحادث المؤلم...والاكبر منه(وعقدت حواجبه اكثر)..الطامه اني قد صدمت عائلة وانا افحط وطبعا المشاعر كانت عندي جامده ولا اهتميت ولا شئ....تصدق اني صدمت شاب وهو كان وحيد اهله وحتى ابوه ميت وهو اللي يصرف عليهم وصار مقعد ما يقدر يتحرك الا بس راسه.. ووقتها خرجت بكفاله وما صار بي شئ....مدري شلون بعدها رجعت افحط والامور عاديه ولا كأني ارتكبت ابشع جريمه.....واللحين اتمنى اعرف منهم لاني حاولت بس عجزت اعرف.... وخليت اهتمامي بأسرة لؤي يمكن الله يغفر لي.....والله صعبه...صعبه تعيش وانت جامد الاحساس وبعد فتره تحس باللي حولك....صعبه......صحيح ابوي اعطاهم مبلغ جامد وكبير..لكن(ويأشر على قلبه) هذا مو مرتاح....
اسامه:يالــلـــه... همك كبير...الله يغفر لك....اهم شئ انك تبت قبل لا ينقبض روحك والحمدلله...والله يغفر الذنوب السابقه...بس اهم شئ انك تعزم على التوبة الصادقة بدون عودة للذنوب السابقة...
خالد:الله يغفر لنا ما سبق ويعفوا عنا.....
اسامه:آمين....
خالد:اقتنعت..عرفت شلون ان هالحادث قوي....
اسامه:ما كنت اتصور انه بهالصوره وصراحه انا لو مكانك كان متحطم من الحياة ولا اقدر اعيش...
خالد:يالله...كل ذا مقدر ومكتوب من قبل لا نولد بس ما بيدنا الا التوبه......
اسامه:الله يتوب علينا......
خالد:اللهم آمين...........
اسامه اعجب بشخصية خالد القوية ولو ان فيه نظرات ضعف بسبب الحادثيين اللي أثروا عليه بس تبقى شخصيته القوية وكتمانه لاموره الشخصية هو الشئ اللي مخليه يطلع بمنظر قوي وجبار...
اما خالد حس ان جبال من الهموم طاحت واندفنت عقب ما تكلم له سنيين كامته بصدره وبين ضلوعه ما يقدر يقوله لاحد...يحس انه ضعيف...ضعيف حيل عند هالسالفة.....بس كلامه مع اسامة ريحه وخلاه يحس بارتياح وان فيه رب رحيم يغفر الذنوب اذا عزمنا على التوبة.....
********************************
>>مشاري تعذر من جوري وقال انه انشغل حيل مع اخته مريم وتجهيزاتها ويالله يالله يلحق على اموره ووعدها انه يجيها بوقت ثاني.....بس لمح لها عن خلود وجوري ما قصرت مدحت له خلود مرررررره وانها من زمان تتمنى خلود لمشاري.....
<<خالد يفكر بلمياء اللي ظلمها وحس انه مهما كانت هي بنت وحالتها صعبه انها تفقد عائلتها وما عندها أي شغل وشلون يتركها ولا يسئل عنها وين حبه للؤي ويوين وعده للعم سعد انه يسأل عنها.. وعادل الحقودي وش بي انا ما افكر فيه ولا جا ببالي انه راح يضر لمياء....وحاول يفكر بطريقه ممكن تخليه يعرف اخبارها.......
>>غاده راحت بيتهم وهي ميته من الوناسه...روحتهم لبيت خالهم غيرت اشياء كثيره.. زاد حبها لخوالها وتعرفت على بنات خوالها اكثر....وتمنت لو انها تطول وتقعد عندهم اكثر.....
<<اما بدر حايس بمشكلته مع زوجته ويتمنى لو انها تعقل وتصير مثل أي زوجة تحترم زوجها بس لا الاسلوب الطيب نفع معها ولا التلميح....واحتاااااار بامره معها.......
>>وعهود المسيكينه تحلم بسلمان وتتمنى لحظة الخطوبة...هي عمرها ما فكرت فيه بس زاد مزحه لان خلود معها وهي تظن انه يقصدها...ماتت عليه وصارت تفكر فيه وتدور أي اخبار عنه.....
<<خلود احيانا تلوم نفسها على اللي سوته بس تتذكر انها اسبوعيين وبيخطبها ترمي كتابها على جنب وتقول خلاص ما فيها أي شئ........سلمان صرق عقلها وصار هو تفكيرها...وهو حلمها الوحيد لدرجة انه أثر على دراستها...حبها لسلمان غطى عن عيوب كثيره فيه وصارت تشوفه بس هو ولا احد غيره وما تتخيل حياتها بدونه وعقب العشا اللي بالمطعم جزمت على حبه لها وحست انه متعلق فيها مثل ما هي متعلق فيه....وضمت السلسال الي عليها وحبت تعليقته وسبحت بافكارها...
>>اما جوري...جوري المحتاره اللي معذبه روحها من كثر التفكير...احيانا تنشغل بكتبها وتتحمس بالمذاكره واحيانا تروح افكارها بعييييييييييد...بين حبها الطفولي اللي كبر معها وانتهى بالخطوبه اللي كانت لها اكبر صدمه يوم انفصخت...والا بمنصور اللي شاريها ويتمنى لو ما كانت من نصيبه تكون عروسته مثل جوري.....بينفجر راسها من التفكير......
<<منصور تغير مره وحده...انسان ثاني...يفكر بواقعيه اكثر..كان اول تفكيره طموحي ولبعيد..
وما عنده شئ اسمه مستحيل...كل شئ تقدر عليه...بس عقب الحدث اللي صار له تغير وصار مهموم.. عرف ان الحياة صعبه وقوية ولازم الواحد يواجهها بكل قوته مو بس طموح... وعرف ان مول كل شئ بهواه احيانا الواحد يتعرض لاشياء لازم يتماشى مع الوضع المرسوم له بدون أي نقاش... وجته حالة يئس وقنوط من هالدنيا....
>>فيصل اللعاب وده بسرعه تنتهي الاختبارات خلاص مل من هالاجواء ووده يسوي لهم شئ يغير عليهم هالجو المكتوم...وعشان محد ينساه لانها فتره وبيروحون بيت عمهم عنهم.....
<<ابو خالد مشغول ببيته ووده يخلص منه باقرب فرصه لانه انعدم عقب اطلاق النار.... وقرر انه يفتح موضوع لخطبه عقب الامتحانات....
>>ابو فيصل كان همه الوحيد ان بيت اخوه مايضايقهم أي شئ ويتمنى يعرف هم مبسوطيين والا لا.. ويقدم كل شئ عشان ما يحسون بالنقص......
<<ام فيصل وام خالد زادت علاقتهم ببعض وصاروا يدخلون المطبخ مع بعض ويتعلمون من بعض الطبخ.......
>>لولو التهت بالدراتسه ونست سالفة المطعم وكعادتها لا جت الاختبار جا الجد عندها وتركت خرابيطها ولعبها...وصارت ما تكلم احد الا للضروره.......
<<سلطان آخر سنه له...وآخر ترم بحياته الدراسيه والمفروض يعتبره فرحته وسعادته بس شكله بينقلب احزان عليه....كان يتمنى يعدي هالترم والناس تبارك له بالخطوبه من بنت خالته.... الوظيفه وموجوده والعروس وموجوده....بس يختفي احدهم هذا اللي ما حطه بباله ولا فكر فيه....صار يدعي ربه ان كان بهالزواج خير...ييسرله وان كان ما فيه خير يبعده عنه.....
وافقت نهى بعد اصرار من محمد ونواف على انها تقعد شهر...بس بعد اسبوعيين...يعني مع بداية الشهر......
(اسبوعيين للاختبارات وكلن ملتهي بدنيته))
****************************
اسبوعيين بتعدي بس يصير فيها شئ؟؟؟
يصير بعدها شئ؟؟؟
جوري وش نهايتها؟؟؟
سلطان وش بيصير له؟؟؟؟
منصور وش القرار اللي اتخذه وهل هو مجرد تفكير والا حالته النفسية قلبت كل تفكيره؟؟؟
خالد وش بيصير له؟؟بيكلم لمياء يقدر والا لا؟؟؟
حنان وش سالفتها وليش خوفها يزيد؟؟؟وهل تركها للشغل فتره له أي صله بخالد؟؟؟
عادل هل بيسكت عن بنت عمه؟؟؟وفراس وينه وش بيصير له؟؟؟
خلود وش تاليها مع سلمان؟؟؟؟
وعهود تعرف بقصة حبهم واذا عرفت وش بيصير لها؟؟؟؟
غاده بيتغير فيها شئ والا كلامها دايم مزح؟؟؟؟
فتحت باب الصاله وقفت عنده لا دخلت ولا خرجت برى...ام خالد تصيح وام فيصل تمسكها وتمتم عليها بكلمات... عهود اللي كنت اظن انها قوية وما تهمها المشاعر اشوفها قدامي منهاره من الصياح بس ابوي مبتسم وخالد مبتسم...من ذا...
منصــــــــــــور في غيره....
تمنيت لو ادفن راسي داخل صدره من الشوق...ويـــــــــــــنــــــــــــــــــك منصور؟؟؟
منصور وينك عني..اشتقت لك واشتقت لسوالفك...ويـــــــــــــــنـــــــــــــــــــك؟؟ ؟؟ مو معقوله برااااااااااااااااءه وقدامنا مافيه الا العافيه......هاللحين التم شملنا... اللحين احس اني مرتاحه... عجزت افسر الضيق اللي انا فيه واللحين عرفت ان شخص واحد هو اللي غير حياتنا... فرد منا وعضو فقدناه وحسينا بالضيق والكتمه...واللحيــــــــــــــــــــــن....اللحين اقدر افرح واستانس...
ويــــــــــنـــــك ابي اشكي لك همي؟؟احس ان همومي ضايعه تدور قلبك الحنون؟؟
خلود تموت بمنصور وتقدر تشكي له عن أي شئ واكبر همها كان عهود ومعاملتها لها وما اتعدلت العلاقه اللي بينهم الا بعد ما انمسك منصــــــور..تبيه وتبي تقوله عن عهود شلون تغيرت معاها... عن كل شئ بالبيت...
انا ما استحقه ولا استحق لضمه لو بيضمني...لو يدري عني كان ما مسح على راسي ولا قال هذي خوختي
سلمت عليه وجه وتمنت لو ترتمي بحضنه من الشوق.....
منصور:وش فيك؟؟ما وحشتك...
خلود وهي تصيح:شلون ما(وتحاول تكتم صيحتها) شلون ما وحشتنا...والله لك فقده مهيب صاحيه...
منصور:وش فيكم كلكم اليوم مشغليين الماء...خلوه اذا مت..
ام خالد:بسم الله عليك وش فيك قمت تتفاول على نفسك....
منصور:يمه عشاني لا تصيحين...
ام خالد زادت صياح...وراح منصور لامه وحبها على راسها وايدها وام خالد تزيد صياح....
ابو خالد:تعبتوا الولد اقعدوا بدال هالوقفه...
ام خالد:أي والله يا منصور اكيد تعبان...
وتمسكه مع يده وتروح به للصاله الداخلية وتقعده....
ام خالد بحناااااان:انت بخير؟؟؟؟
منصور:هذا انا مابي الا العافيه....
ام خالد:اكيد ما في شئ يعورك؟؟والرصاص(وقامت تصيح) يمه يقولون ان جاك رصاص..
منصور:يمه والله لو اني مو بخير كان ما طلعوني....
عهود كل ما تناظر منصور تزييييييييييد صياح...ياربي منصور اثر لك غلا فوق الحدود.... وجت خلود عند عهود وصاروا يصيحون........
وخلود اللي تحس بروحها انها تحلم وماهي بعلم....آآآه يا منصور يمكن لو كان فيه كان ما خرجت مع سلمان بس هو بيخطبني وبيروح اللي انا خايفه منه.....
خالد:اللحين امي ولها حق بس انتو وش فيكم؟؟؟؟
عهود وخلود يزيدون صيااااااااااااااااااح....
منصور الغالي...منصور اكثر واحد ماخذين عليه وما توقعوا انه يخرج بهالسرعه وتوقعوا انه يطووول ولا يخرج بسرعه...وخالد حب يسوي لهم مفاجأة شفاء منصور وبرائته...
ابو خالد:عاد الذبيحه وجبت..
منصور بضحك:الله يقويكم...يالله اذبحوا......
خالد:لالالالا يا حبيبي الذبايح عليك.........
منصور:اللحين العشا عشاني وانا اللي اذبح.....
خالد:ول عليك يا قحطه(بخيل) خلاص احنا نذبح لك كم عندنا منصور...واحد وراعي سوابق..
ابو خالد:ههههههههههههههههههه.... خالد اترك الولد بحاله لا اللحين امك اللي بتقوم عليك...
خالد:لا عاد الا الوالده..........
منصور:ها يمه اخبارك؟؟واخبار البنات؟؟؟؟؟
ام خالد:حنا بخير دامك انت بخير......يا ولدي ليش ذي اللصقه على وجهك
ابو خالد+خالد:هههههههههههههههههههههه
منصور:يمه صارت لي عمليه...والحمدلله قدامك ما بي الا العافيه.....
خالد:يمه اضربيه على اللصقه وشوفيه توجعه والا لا......
منصور:هيّن يا خالد....
ام خالد:بسم الله عليه ......
خالد:ابسسسط يا عم..اللحين عندك مية محامي ومن جميع الجنسيات....
منصور:لا تعطيني عين..اخبر عينك ما يسلم منها الواحد.....
خالد:طييييييب ترى باعديها لك عشان هالوجه الطيب(ويأشر على امه)
منصور:غصبا عنك...
ابو خالد:لا باقي بالنعول عشان تكمل الهوشه...
الكل:ههههههههههههههههههههه
منصور:اخاف يجي النعال باحد منكم......
ابو خالد:لا صدق تحتسي..قابل امك بس
خالد:يضحك على منصور بطنازه
ابو خالد:وانت تعال ابيك بالملحق.....
منصور رد له نفس الحركه......
وراح خالد وابوه للملحق..........................................
عهود:الحمدلله على سلامتك....
منصور:ولو انها جت متأخره بس الله يسلمك...........
خلود:تو البيت نور...........
منصور:لالالالالالا ترى بادخل هواش مع عمي البيت منور باصحابه............
ام خالد:هم وش قالوا لك اخاف يجون مره ثانيه ويمسكونك.........
منصور:يا عمري يا يمه هم اصلا ما مسكوني...هالمخدرات رموا علي رصاص والشرطه ودتني للمستشفى وثبتوا اني مو منهم وخلاص خرجت........
ام خالد:الله يلعنهم ما شفنا منهم الا البلاوي.....
منصور:لا تلعنينهم يمه...ادعي لهم بالهداية...........
عهود جت بتكمل دعا عليهم بس سكتت وخلود ساكته مهيب مصدقه اللي قدامها هو علم والا حلم...
ام خالد:طيب الرصاص وينها؟؟؟
منصور يبتسم ويعرف انها امه من خوفها ولا يمكن تتطمن من سؤال واحد:جت بساقي وطلعوها..
ام خالد:طيب ليش هالخياط اللي براسك.......
منصور:لانهم ضربوني بالسلاح مدري حديده من هنا(وياشر لامه مكان اللصقه)...
ام خالد:وعساك طبت منها
منصور:أي يمه الحمدلله بس لصقه حاطينها زينه..واذا تبيني اشيلها ترى اشيلها...
ام خالد بسرعه:لالالا يمه وشو تشيلها...اكيد حاطينها عشانها توجعك......
وقعدت ام خالد مع منصور تسولف عليه ويسولف عليها وكل شوي تسأله عن حالته لانها خايفه عليه مره ولانها شافته وهو مغمى عليه وما تحملت تشوفه بهالوضع... وما ارتاحت من سؤال واحد عشان يطمنها.........
خلود وعهود تركوا الصياح وصاروا يشاركون منصور بالسوالف ولو ان الطابع الحزين هو غالب الجلسه......
>>فوق بغرفة جوري...حالتها حاله واوضاعها منقلبه فوق تحت من عرفت ان منصور جا... تحس بخوف يندمج معاه فرح...وشئ مستقبلي مخيف ما تدري هي وسوسه والا من شدة الفرح... آخر شئ توقعته ان منصور يخرج بهالوقت والكل كان مستغرب لان خالد ما بلغهم عن حالته اول بأول لانه يبيها مفاجاة وفعلا كانت اكبر مفاجأة للكل..............
غاده جت من الصاله اللي فوق:اللللللللللللللللله بعض الناس رايحيين فيها
جوري:تكفين مالي خلق مزحك........
غاده:لا حياتي انسي اني اتركك..... الا اليوم اصلا اليوم تااااااااااااااااريخي...
جوري:واللي يرحم والدينك فكيني.........
غاده:لا الحاله مستعصيه تبين طبيب.......
جوري:غاده حرام عليك(ولفت الجهه الثانيه)
جت غاده ولفتها قوه على وجهها وانصدمت من جوري يوم شافت عينها تدمع......
جوري انقهرت من نفسها ومسحت دموعها بسرعه.....
غاده:يا قلبي جوري وش فيك؟؟المفروض اكثر وحده تكونيين مستانسه......
جوري:ما ادري يا غاده خايفه مررررررررره خايفه.......
غاده:خايفه من وشو؟؟؟لاتقولين خطبه ومدري شو؟؟؟؟؟؟
جوري:ليش في شئ اكبر منه!!!!!
غاده:تصدقين اكتشفت انك غبيه.....
جوري:غبيه والا ذكيه ما تفرق معاي.......
غاده:لا من جدك تتكلمين...........
جوري:ياربي وش فيك يا غاده.............
غاده:اقول اتركي عنك خرابيط المسلسلات وتعالي شوفيه والله يا هو حلو مدري انا ويني عنه..
وسحبت غاده جوري وراحت للصاله اللي فوق وخلتها تناظر مع بداية الدرج عشان تشوف منصور.. جوري مسحت الدموع اللي مسببت لها غشاوه قدام عيونها وما تشوف منها.... وتناظر هذا منصور...هذا الي عمري ما فكرت فيه واعتبرته اخ...اللحين بيكون زوجي وخلاص اسبوعيين واكيد عقب الاختبارات بتصير الملكه........بسرعه دخلت الغرفه وانسدحت على سريرها....
غاد بعد ما كملت قز وفصفصه بمنصور رجعت لجوري...........
غاده:جوري بتنامين.......
جوري كانت متلحفه باللحاف ومغطيه كل جسمها:أي بانام......
مسكت اللحاف وشالته عن وجهها ولقت الوجه احمر والخشم طماطم:وش ذا يا بنت احمر خدود طبيعي....
جوري:اقول وش رايك تنقلعيين عني.....
غاده:بس باعرف ليش كل هالخوف..موب انتي قلتي انك موافقه......
جوري:وش صار يوم قلت موافقه...ما امدني استوعب اللي قلته الا طلع بالمستشفى ورصاص وقلبت حياتهم نكد...اجل لو موافقه من جد وش صار...هذي البداية ويا خوفي من اللي بعده...
غاده:/اعوووووذ بالله يهالموسوسه...جوري ترى كل شئ مقدر ومكتوب وهذا الشئ بيصير لمنصور ان وافقتي والا ما وافقتي.......
جوري:بس انا بدايتي نحس مع منصور........
غاده:حرام عليك تقولين هالكلام وبعدين بالله عليكي بس هالسبب اللي مسبب لك هالازمه...لو انا متقدم لي كان وافقت وعلى طول..جوري والله ما ينرد..والللللللللللله ما ينرد.....
جوري:وهذا اللي مجنني بادور أي شئ عشان ارفضه بس ما لقيت....
غاده:منتب صاحيه....جوري هالانسان شااااااااااااريك تعرفين وش كلمة شاريك....
جوري:بس سلطان....
غاده:لا تقوليين احبه...تراك مهبوله ان قلتيها...اللحين باعرف وش الشئ الوحيد اللي فيه وعاجبك... التزام وعلى العين والراس بس والله منصور بيموت لو ما اخذكي...والله عهود قالت لي انه شاااااااااااريك ويبـــييييييييييييييييييك...ويتمنى انه لو ما صرتي من نصيبه يرزقه بوحده مثل جوري....سمعتي وحده مثل جوري....هو يقوله وعهود قالت لي.......
جوري سكتت وحاولت تستوعب اللي تقوله غاده...منصور شاريني ويبيني واذا ما صار نصيب يبي وحده مثلي......ياااااااااااااربي ما اتحمل انا.......
غاده:سلطان ما سأل عنك ولا اتصل ولا عمره تكلم عنك ولا لولو ما الظاهر جابت لك طاري انه يفكر فيكِ...الرجال ما حب ان الزواج يتم بالغصب بس عشان دين....اي والنعم فيه بس الزواج ما صار غصب وابوك دفع الدين..لو انه يبيك كان تقدم لك بس هو سكت ولا اتكلم.....
جوري بدت تتاثر بغاده لانها محتاره وما تعرف لاي كفه تميل والظاهر من كلام غاده انها بتميل كفة منصور...جوري:ما ادري بس انا عمري ما حطيت ببالي الا سلطان...احسه لي وانا له.....
غاده:الله ياللي لي وله...طيب انا حبيت ولد عمي وتمنيت انه لي وانا له وكان الرجل المثالي بس سفهني ولا ناظر بخشتي يوم جا يتزوج وراح اخذ له وحده مدري من وين.......
جوري بدت تفكر بجديه ليش انا اتعب ورى انسان ماني متاكده يبيني والا لا...وقدامي شخص يبيني وشاريني...بدت كلمة غاده(شاريني) ترن براسها لين دخلت بقوه:تدرين ليش افكر بهالموضوع وانا الاسبوع الجاي عندي امتحانات وثانويه عامه.....
غاده:يا عمري لا تفكرين الا بمنصور...شوفي وش حلاته رازن وجهه بالصاله ويناظر يمين وشمال شكله وده يشوفك....الله يا ناس...وحده متسدح عندها واحد يبيها وهي مسويه روحها ما تعرف وتكابر...ووحده محد معطيها فيس بالدنيا......
جوري:رجعنا للفيس قولي وجه لاتسمعك امي والا امك وتسوي لنا سالفه...
غاده:أي كذا رووووووووقي ولاتخلي ولا يوم يفوتك الا وانتي تشوفينه ترااااااه حبيب وشوفي شلون اهله معاه وشلون يعامل اهله...ترى ان انخطبتي بتصيرين عميه وماراح تشوفين ولا شئ... مدري وش سالفتهم المخاطيب يصيرون عمي اذا جا الصدق.....
جوري:الله يقطع سوالفك منتب صاحيه.......
جوري دخلت براسها كل كلمه تقولها غاده ولو انها متخوفه من هالشئ بس اذا جا عليها تفكير مشوش ولاتعرف لاي قرار تستسلم عند أي نقطه تواجهها...واللحين اول نقطه هي غاده حببتها بمنصور...وبدت تفكر فيه جديا.....وبدت تزيح عنها أي فكره عن سلطان لانه فعلا ما سوى ولا شئ يثبت ان يحمل لها أي مشاعر بقلبه........
غاده:بعدين يا قلبي باقولك شئ بما اني باروح بيتنا...
جوري بزعل:بتروحين بيتكم...
غاده:أي عندي اختبارات والله ان قعدت هنا باقعد انا وعهود ونقلبها سوالف ولا نعرف كتبنا...
جوري:يوووو قهرررر
غاده:لا بتقولين يالنشبه...لاني باخلص من هنا اختبارات وباجي عندكم...صراحه مره مستانسه..
جوري:اوكي...الله يالنشبه...
غاده:عيب عليك حتى من غرفتك ما طلعت...قوليها اذا طلعت برى بيتكم...
جوري:لا انا ما اقول الا بالوجه...مو من قفاك...
غاده:الزبده..تراني عجوز واذا ما قلت لك اللي بنفسي انسى وبتقعد بقلبي ليش ما قلت لك...
جوري:من جد عجوز...
غاده:طيب...شوفي خوذيها مني..لا تتعلقين باحد وش ما كان...يعني سلطان ويمكن ظروفه كانت قويه يعني خمس سنيين وانتي تحسبين انكم مخطوبيين..ويالله الحمدلله ان لقائاتكم قليله والا كان رحتي فيها...وهذا هو منصور هو يبيكي...يعني احمدي ربك..ولا تتعلقين باحد لان لو صارت الخطبه لو صار أي شئ..وش دراكي يمكن يصير اللي اكبر منه وهو الموت....
جوري:يمممممه تخوفين....
غاده:ولا اخوفك ولا شئ الموت حق...وصراحه انا بعد ما حبيت ولد عمي وتزوج...تصدقين حمدت ربي..لاني احس اني تافهه يعني مشاعري ارميها على واحد ما ادري عنه...حتى لو ادري عنه المفروض ما ارسم شئ واحلم واخطط على اشياء ماهي متوقعه... وبعدين المفروض الواحد ما يتعلق باي شخص مهما كان...حتى الاب والام... الحب الحقيقي لله وللرسول وغيره ما نسميه حب حقيقي.....ومشاعرنا واحاسيسنا مهيب رخيصه نعطيها أي انسان...نعطيها اللي يستحقها... احنا بنااااااااات يعني اهم شئ بحياتنا هي المشاعر...وخوذيها مني يا جوري محد بياخذ غير اللي كاتبه له الله وكل شئ مقدر ومكتوب....
جوري تسمع بانصات..بعقل..بكل حواسها....تمنت لو سمعت هالشئ قبل لا تحب سلطان وتتعلق فيه... بس قدامها الفرصه انها تنساه...ومثل ما قالت غاده الحب الحقيقي لله وللرسول... وموب أي انسان يستحق حبنا...وينك يا غاده عني من زمان...وينك تفهميني معنى الحب... وينك تنصحيني هالنصايح القيمه الكبيره اللي باعتبرها سلاحي وعدتي بطريقي.....
جوري بدت تبعد عنها أي شئ يذكرها بسلطان..صحيح جتها فتره وكرهت ابوها لانها تظن انه متكبر على خواله..لانها كانت تعشق شئ اسمه سلطان واي شئ يضر بسلطان او اهله بتكره هالشئ بسببه.. كنت مغفله يوم فكرت ان ابوي ما يفكر فينا..ابوي يبي مصلحتي وحياة سعيدة لي وانا افسرها بأي تفسير..
بس سلطان شئ صعب اتخلص منه...اتمنى ابعد عنه نهائيا...ولا افكر فيه ولا يجي ببالي... وكل تفكيري يصير لمنصور...منصور وبس... اتمنى ان قلبي يسمح بدخول منصور وخروج سلطان...
تحاول جوري تبعد عنها كل تصرف من سلطان كانت تظن انه يحبها او ان هالتصرف بس عشان جوري...لازم افكر بعقل..ليش كنت افكر أي تصرف يصدر منه بدافع الحب...ليش كنت اظن ان أي كلمه منه تقصدني انا...بس هو...مدري...يارب يسر لي الخير......
********************************
ام رغد:طيب انت متأكد....
سلطان:اقولك انا سمعت لولو وتأكدت منها.....
ام رغد:طيب انا بعد سألت لولو تقول انها موب رسميه.......
سلطان:شلون موب رسميه...خلاص اذا صارت الخطبه وانتتشرت اكيد وافقوا......
ام رغد:طيب واذا وافقو.....
سلطان:تحسبينها بسيطه...انا يوم فصخت الخطوبه فصختها وانا قلبي يتقطع على بنت خالتي...كنت ابي اثبت لها انها مهيب مغصوبه لاني ابيها توافق باقتناع مو بالغصب او سالفه قديمه بين ابوي وابوها....ابيها تقول هذا اللي بيه بين الناس......وربي هداني وحلفت اني ما اتقدم لها الا وانا خاتم المصحف...والحمدلله ختمت القرآن ولقيت لي وظيفه وكلها سنه واشتغل مع ابوي.....
ام رغد:لا تصيحني يا سلطان.......
سلطان:وشو اصيحك؟؟ابيك تتأكدين..صحيح الكلام واذا مهوب صحيح تقولين لها اني ابيها...
ام رغد:ما ادري يا سلطان بس احسها صعبه..افرض لو صارت خطبه لازم ما اكلمها وهي متكلم عليها احد.......
سلطان:وانا...انا وش اسوي لو راحت عليّ...حلمي اللي كبر معاي افقده بلحظه.....
ام رغد:انت بعد الله يهداك ما تكلمت والا كان كلمتها.....
سلطان:وشو تكلمينها...انا متأكد انها تبيني
ام رغد:وش اللي يأكد لك انها تبيك؟؟؟؟!!!!!
سلطان ارتبش... بس متأكد مية بالمية انها تفكر فيه..تصرفاتها..سوالفها مع لولو...مع امه..واااااضح ان فيه بينهم انسجام..وقال:فيصل يعني مين؟؟؟
ام رغد:ودام فيصل يعرف وقالك ليش...ما اعترض على هالخطبه....
سلطان:ما ادري بس قبل ما التزم كان عادي الوضع واعرف عنها بس بعد ما التزمت حسيت اني عيب عليّ اعرف عنها كل شئ وادور اخبارها وما ادري حاس ان هالشئ عجبها وكاننا متفقيين بس ما امداني سنه الا وتروح......
ام رغد:انت استهدي بالله وانا ما بيدي شئ اذا في خطوبه مستحيل اكلمها.......
سلطان:ام رغد تعرفين اني ما استحيل اقول هالكلام لاحد انتي اختي الكبيره وتفهمين عليّ وابيك تساعديني......
ام رغد:اذا صدق تبيها ادعي بالليل....سهام الليل ما تخطئ.........
سلطان:ان شاء الله..بس انتي بعد تاكدي من هالكلام..........
سلطان حس بالدنيا تضيق عليه وانه خسر اكبر حلم بحياته....وحاول يكتمها بنفسه بس ما قدر ولان ام رغد مستودع اسراره على طول قالها هالخبر اللي بيذبح سلطان.......
**************************
لمياء:عيوش لي اربع ايام ما اشوف فراس وينه؟؟؟
عيوش بربكه:مدري يمكن اجراءات الوفاة تعرفين مافيه الاهو وانتي واكيد هو يروح معاهم....
لمياء:والاجراءات تمنعني من فراس...تكفين ابي اشوفه اسلم عليه...اشوف يمكن ما اكل زين.. والا متأثر بوفاة ابوي(وصارت تصيح)
عيوش:بس لميوه والله ما يصير ما صدقت انك سكتي.....
لمياء:وشلون تبيني اسكت وانا هدمت مستقبلي وروحي بنفسي بسبب هالغباء اللي متجمع بعقلي... والا وفاة ابوي تحسبينها سهله..والله يعيش تعبان وانا اخدمه ولا يموت ويتركنا....
عيوش:لميوه حرام عليك هذا يومه اللي مات فيه.......
لمياء:آآآآآآآآآه ما ادري وش الايام الجايه بتجيب لنا من المصايب......
عيوش:ياااااااربي منك لميوه ما يصير والله اللي تسوينه ما يصير........
لمياء:عيوش وش رايك تذلفين برى...
عيوش:انا!!!!!!!
لمياء:ايه
عيوش مراعاة لنفستها وظروفها الصعبه ما تبي ترفع صوتها وتتهاوش معها:طيب.. وخرجت.. لمياء كل ما تتذكر ان عيوش بنت عمها يعني لها علاقه مع عمها واخوها عادل تنفجر قدامها وتحس ان عيوش متفقه معهم..فقدت أي ثقه باي انسان...ولا صارت تصدق أي احد..وتحس ان المشاعر الرقيقه والرائعه انعدمت وما فيه أي انسان عنده رحمه...
لمياء حست انها بتموت من الضيق اللي فيها...ضاقت عليها الدنيا وحست بروحها ضعيفه ما عندها لاسند ولا ظهر قوي...واخوها فرحة عمرها بدت تحس بتلاشيه من حياتها.... واكيد السبب عمها ومرته وعادل.....آآآآآآآآآآآآآآآه يا عادل ليت زالزال يشيلك من عندي...انت سبب كل البلاوي... وينك يا خالد؟؟وينك تصبرني بكم كلمه وتحترم ابوي ولا تجيب له طاري الا بالخير....ليش الغريب ازين من القريب ليـــــــــــــش؟؟؟؟؟
وينك يا يمه؟؟؟وينك ليش تركتني؟؟وينك لاضاقت بي الدنيا ارتميت بحضنك الدافي؟؟؟وينك اشكي لك همي وانا متأكده انك تحبيني وتتمنين لي الخير؟؟وتدعين ربي يفك همي؟؟وين الاقي احساس مثل احساسك؟؟وين الاقي قلب دافي وحنون صاادق بكل شئ؟؟مافي احد مثلك؟؟؟ويــــــــــــنــــــــك؟
وينك تواسيني لا تخلوا الناس عني؟؟وينك تمسحين على شعري وتصبريني؟؟وينك ما اشم ريحة عطرك؟؟يمه بديت افقد بقوه ريحتك..ريحتك من بعيد تبعد عني كل شئ مخيف..اشم ريحتك احس بدفا وقرب..حتى لو ما عرفتي وش فيني..يكفي قربك..يكفي ريحتك عندي....وينـــــــــــــك؟؟؟
وانت لؤي ما تذكر يوم تقول انك اذ عقلت تبي تتوظف ازين وظيفه....لا عقلت ولا بقيت لنا..مت ورحت عنا ولا بقى لي احد......وينك اللي كانت كل آمالي وطموحاتي بك؟؟
آآآآآآآآآآه يا يبه...يبه اشتقت لصوتك الحنون...اشتقت للمسكة يدك البارده...وينك تقولي ادعي ربك تراه ما يضيع احد...ويــــــــــــــنك تخفف عني؟؟؟؟؟وين ظلك باخر الليل يحسسني بامان؟؟ وينــــــــــــــــــــــــــــــكم؟؟؟؟؟
ارتمت على فراشها على الارض وما عندها الا مخدتها الا تعرف عنها كل شئ وقلبت مخدتها من كثر ما بكت وتبللت هالمخده...وراحت لعالمها القديم...لدنيتها وماضيها السعيد اللي بسنه ضاااااع كل شئ واندفنت هالسعاده وبتواجه الدنيا بوجه ثاني...بانسان ثاني.. لافي ابو يدلعها ويمنع احد يتدخل فيها او يجرحها..ولا اخو سند تعتمد عليه بامورها...ولا وظيفه تقدر تشغلها عن هالحياة ولا راتب يسد حاجتها....ولا خوي يخفف عنها هالمصايب اللي تتحذف عليها من كل صوب....ولا ام تصبرها على قسوة الدنيا.....
ضمت المخده بين يدينها وتخيلت لو انه فراس تضمه وتمنعه من أي شر يجيه بس وينه فراس؟؟ وين املها الوحيد..بيحرموني منه..آآآآآآآآآآآآه يا زمن...
وين طموحي راح؟؟وين تفكيري البعيد؟؟وين فلسفتي وتعلمي؟؟وين اهلي؟؟ وين انا؟؟ وين مصيري بيصير؟؟؟....
آآآآآآآآآه وين راحت زاعتي اللي كنت ازرعها ببنات المتوسط...وين تعليمي لهم...وين راحوا؟؟ وين الامل المفقود اللي كنت احببه فيهم؟؟؟وين البنات؟؟ وصلوا للي يبيونه... انتج ثماره هالامل والا اندفن مثل ما اندفن عندي...
آآآآآآآآآه خرجت منها بعد ما تذكرت الطالبه اللي كان آخر همها بالدنيا اللعب.... وينك تشوفيني وانتي تقولين لي؟؟ابلة لمياء انتي لو منك اثنيين كان انا الثانيه...ابلة لمياء علمتيني اشياء كثيره ما كنت اعرفها..حببتي الامل وزرعتيه بداخلي... خليتيني اعيش على شئ يستاهل..ويني انا عنك... ابلة لمياء باذن الله باحقق طموحاتي وباخلي طريقي كله امل واخلي ورودي الحب واعيش بالحياة وانا راضية....
وينك لو تشوفيني وانا طريقي كله خيانه..كله وغد...كله حقد...انمحى الامل وحتى رماده ضاع مع الرياح....وانمسحت آثار الود من طريقي...
وينك ابيك تعيدين عليّ كلامي يمكن افهمه منك..يمكن اتذكره...يمكن ارجع واروح طريق ثاني.. والا اتعدى هالجسور والاقي طريقي اللي كنت ارسمه.....
وينكم؟؟ويني انا؟؟وين دنيتي؟؟وين امي؟؟وين ابوي؟؟وين املي المفقود؟؟؟؟
وضمت المخده لها بقوه وغرقت بانهار من الدموع...
******************
محمد:تكفى يا نواف آخر شهر بحياتي....
نواف:بس انت ادرى بالموضوع......
محمد:اوكي انا ادرى...ممكن تكلمها تقنعها...شهر واحد بس آخر فرصه لنا اننا مع بعض....
نواف:والله انك غريب...
محمد:انت صديقي واعرف بطبعي......
نواف:اوكيه انا باكلمها...وابقنعها واذا ما اقتنعت الدور عليك.........
محمد:اوكي.....
نواف:يالله تامر بشئ........
محمد:ابد سلامتك........
نواف:الله يسلمك.............
تقلب محمد على سريره وهو يفكر بالشهر اللي بيكون اخر عهده بنهى.... آآآآآآآه يا نهى لو تدرين وش كثر احبك...انا احبها واموت فيها...شلون ما انتبهت لها....شلون ما حسيت بها.... انا اخذتها وانا ادري ان تعبانه بس هالكثر...الله يشفيكي يا نهى وترجعين لي...
لولو:هاي ماي برذر كابيتل(مرحبا اخوي الكبير)
محمد:الله من زين الانقليزي...وش تبين؟؟؟
دخلت لولو الغرفه:لا يا خوي مهيب عوايدك وش فيك من غير نفس تكلمني!!!!
محمد:الله يالنشبه
لولو:شفت قلت لك منتب طبيعي.........
محمد:انجزي وش تبين؟؟
لولو:بس من دون زعل والا تهاوشني مثل سلطان.......
محمد:وش فيه بعد سلطان؟؟؟؟؟؟
لولو:ما عليك من اخوك المخرف وخلنا بسالفتنا
محمد:خير وش فيك؟؟؟
لولو:طلبتك ياخوي قل تم.....
محمد:لا دام فيها تم وقبايل...الموضوع كبير
لولو بحماس مبالغ:كبير وبس...اووووووب لو تعرف وشو بس انت قول تم.....
محمد تحمس مع لولو:تم...
لولو:كلام رجال...
محمد مسك شاحن الجوال اللي بجمبه ورماه عليها:بلا قلة حيا رجال طول بعرض وتقولين كلام رجال....
لولو:آآآآي والله امزح...بعدين انا اقلد الملسل البدوي......
محمد:انجزي عليّ وش تبين؟؟؟
لولو:بما انك قلت تم...(وناظرته بعين الخايف) وانت رجال...ابيك توديني المطعم...
محمد مسك جواله ورماه عليها:يالبقره رجال غصبا عنك...
لولو:والله آسفه انت كل الرجال بس تكفى ابي اروح المطعم........
محمد:والله انك فاضيه وما عندك شغل......
لولو:افا يا الرجال وين اللي...
وما امداها تكمل كلامها الا محمد قام بيضربها..........
لولو صرخت وخرجت برى الغرفه وراحت للصاله........
لولو بصوت عالي:يا ناااااااااااس ابي المطعم.........
لولو:يا ناس ما تفهموووووووووووووووووووووون
لولو:ليش محد معطيني وجه........
ابي المطعااااااااااااام
ام محمد:بلا قلة حيا فضحتينا عند الجيران صوتك عالي........
لولو:طيب ودوني المطعم........
ام محمد:وش فيه اكل البيت......
لولو:وع وماصخ وموب حلو.......
ام محمد:اقول احمدي ربك على النعمه...وما الماصخ الا انتي.......
لولو:يمه والله اكلك يهبل بس انا مشتهيه المطعم.......
ام محمد:والله انك فاضيه لو تنظفين غرفتك تراه ازين.......
لولو:يمممممه بس غرفتك وغرفتك من زينها ما ابيها خلاص ابنام بالصاله وكتبي تحت الكنب عشان ما تبلشكم غرفة لولو...
ام محمد سفهت لولو لانها تعرف ان جتها هالحالة ما ينفعها الا التطنيش....
لولو قعدت بالصالة وفتحت التلفزيون......
كان تقرير عن مباريات الهلال وعن تشكيل الفريق لانه بيدخل الدوري النصف النهائي وبيتبارى مع الشباب....انتهى تقرير الشباب وبدى تقرير الهلال.......
لولو رفعت صوت التلفزيون على اخر شئ وكانت اغاني الهلال مع انها ما تسمع اغاني مره ولا ترفع الصوت بس هالمره ابليس راكبها....
لولو:الله يقلعكم يالهلال ما خرجنا مطعم ولا رحنا وجينا بسببك....
عبود:لالالالالالا مو معقوله لولو عاشق الهلال تسبه لالالالالالالا اكيد صاير شئ بالدنيا..
لولو:ضف وجهك لا اعطيتك ركبه....
عبود:انا باعرف انتي شلون جيتي بنت...هلال وركبه ومضاربات.....
لولو:هي هي هييييي تعرف تنكت......
عبود.:عسى المانع خير وش فيك يا وخيتي.......
لولو:عادي تصرق سيارة ابوي..
عبود فاتح فمه:هــا!!!!!!
لولو:يعني تعرف.........
عبود:اقول اخوياي يبوني برى بنلعب كوره.....
وفرك عبود برى لا اخته اليوم مهيب صاحيه..........
محمد يفكر بنهى ويتمنى الموافقه من نهى عشان يصير اخر شهر بحياتهم واحلى شئ بحياتهم بدل هالثلاثه الشهور اللي راحت عليهم لا استانسوا ولا شئ.......
وسلطان مرتفع ضغطه على الاخر من سالفة جوري واخر شئ كان يتوقعه ان جوري تروح منه بهالسهوله........
وام رغد ما عندها أي مانع تودي لولو مع زوجها بس ابو لولو ما يرضى مشاوير عاديه وبالموت يرضى شلون مطعم..........
وام محمد ابتلشت مع لولو ما تعرف شلون تكلمها...ابلشتها بهالكوره والنت ومنتدى الزعيم الا ما تسولف الا عنه...لا تذاكر ولا تهتم بالبيت ولا المطبخ....
وعبود دوم يتناقر معها بس تجيها حالات ما يقدر عليها والحل الافضل له انه يفرك ويروح عنها.....
وابو محمد مهوب فاضي لحركاتها ودلعها........
لولو:يااااااااااربي...حتى شيماء خارجه برى وش هالمللللللللللللللل
سلطان:اقول لولو تعالي بسرعه....
لولو من الملل قامت له والا العاده بعد عشر دقايق تجيه ويقاله بدري:نعم
سلطان:اكوي هالبنطلون........
لولو:بس تبي هالبنطلون...ابشر كم عندي سلطان واحد زي العسل على قلبي... ما تبي شئ اخوي العزيز؟؟يمكن ناقصك شئ والا شئ...تأكد ترانا بالخدمه...
سلطان حاس ان السالفه فيها شئ والا مو معقوله لولو اللي قدامه لانه يعرفها انها ترمي البنطلون على الخدامه وتمشي..........
سلطان:عسى ما شر.......
لولو:الشر ما يجيك ولا يجي جمبك...اسم الله عليك تف تف من الحسّاد....
سلطان:لالالا صدقيني لولو منتب طبيعيه.....
لولو:كلك ذوق يا خوي...انا صناعي طبيعي على راحتكم يا اخواني الرجال....
سلطان حس بشئ كبير بعد الرجال:لولو فيكي شئ؟؟؟
لولو مشت عنه وراحت للشغاله ورمت عليها البنطلون:يقول سلطان انتي ليش ما تغسلين الملابس اول باول وتكوينها ...مره ثانيه ما نعطيك الراتب......
لاتي:والله هو مافي جيب ملابس وفي قول مافي تدخل قرفه هو..انا ايس اسوي....
لولو:ضفي وجهك وانقلعي...وش دراني عنك ديوان المظالم قدامك....
وراحت عنها والشغاله مسيكينه تحسب ان لولو عندها سالفه...........
لولو طقت وملللللللللللت على الاخر وودها تنفجر من الطفش اللي هي فيه...صديقاتها طالعيين قبل لا تبدى الاختبارات عشان تنفتح نفوسهم للمذاكره وهي قاعده بالبيت ولا احد معبرها.....
ما في الا جوري........
*************************************
--------------------------------------------------------------------------------
سلمان:متأكده يا ليلى....
ليلى:هي قالت لي بصراحه هذا عشاما راح انساه....
سلمان:يا عمري عليها....
ليلى:ابسألك سؤال صريح؟؟؟؟
سلمان:وش عندك؟؟؟؟
ليلى:انت تحب خلود لدرجة الجنون.....
سلمان:اكثر...اكثر من كذا..ما اتخيل حياتي بدونها...مدري يمكن لانها حلوه..وتستحي مره وانا فاقد هالشيئين ببنات عمي...ادب وخلق وجمال...ورومانسيه....
ليلى:بس غالب البنات فيهم هالاشياء......
سلمان:ابدا...مستحيــــــــــل...
ليلى:وليش تقولها بثقه...منت عايش وسط البنات.......
سلمان:بس عايش حول عيال كل واحد يكلم ويفرغون كل شحناتهم العاطفيه بهالبنات والبنات كل وحده اخس من الثانيه...وانا تركت هالاشياء عشانها لاني ابيها وابي هالرومانسيه على ارض الواقع موب العب على بنات الناس...وبيني وبينك لانها بنت متربيه ومن عائلة محافظة يعني مضمونه من أي شائب......
ليلى:وااااااااو يالعيال...يعني الواحد يلعب مثل ما يبي بس لا جا يتزوج ما يبي الا بنت من عائلة محافظة......
سلمان:اكيد...ومجنون اللي يفكر غير كذا......
ليلى:اجل ضاع سوقنا......
سلمان:اذا خرجاتك مع اخوانك تعتبريين من العوائل المحافظة....
ليلى:اشوى يعني في امل....
سلمان:امل والا خلود......
ليلى:كلن على هم سرى..........
سلمان:اقول ليلى في عطر ياخذ العقل...تجين معاي نشوفه واذا حلو باخذه.....
ليلى:لخلود طبعا......
سلمان:اكيــــــــد.....
ليلى:آآآآخ ياربي متى يجي اللي يدلعني........
سلمان:قومي ذاكري بس..........
ليلى:ايه هيّن..........
وراحت ليلى من عند سلمان للتلفون وتقول لخلود التفاصيل الممله....وخلود ميييييييته من الوناسه والفرح على ان داخلها تلوم روحها بس سلمان سحرها وعماها عن كل مخلوق ثاني.....
وخلود قالت لها عن منصور انه جا والاخبار بالتفصيل عند ليلى اللي على طول راحت تقول لحنان عن كل شئ....وحنان ما تزيد الا قهر وحسره بقلبها......
******************
جوري:اوكي انا انزل لك عند الباب.......
لولو:أي يا قلبي اخاف عمك يصير موجود.......
جوري:ما اسمع وش تقوليين...غاده قالبه الدنيا اللحين انزل لك.....
غاده:يالله بسرعه وين العطر اللي قلت باخذه معاي......
جوري:يوه...والله نسيت...تلاقينه بالعلبة اللي فوق بالمستودع......
غاده:والله انك فسقانه اللحين هالعطر تحطينه بالمستودع.....
جوري:مالت عليك اللحين شايلته لك عشان ما انساه بانزله مع الاغراض...... (وطلعت برى الغرفه وبسرعه نادتها غاده)
غاده:جوووووووووري.....
جوري رجعت ركض:نعم......
غاده:أي علبة.....
جوري:الوردي(وجت بتروح)
غادة:وين بتروحين؟؟؟
جوري:باشوف لولو بتجي...ومستحيه من عمي......
غاده:اوكي.......
ونزلت جوري بسرعه...لانها تعرف ان ابوها وعمها بيسلمون ولولو بتوريها لو قابلتهم... وفيصل ما يقصر بالطنازه.....
اول ما نزلت قابلت منصور عند باب الغرفة اللي امه تنام فيها هو بيخرج واستحت لازم تسلم عليه..
جوري ما تقدر تتعداه وتسوي روحها ما شافته لانه بوجهها...وهو وقف شكله ينتظرها تجي وتسلم..
جوري بخوف وقلق:الحمدلله على السلامه......
منصور:الله يسلمك....
جوري ضاعت كل كلمه ونست كل الحروف...ماتعرف هي تقول كيف الحال؟؟والا شلونك؟؟؟ والا اخبارك؟؟والا انت بخير....ضاع كل شئ منها لانها بحالة رعب موب طبيعي.......
منصور:اخبار الاستعداد...ان شاء الله مستعده للاختبار...
جوري:أي زين...لا ...قصدي الله يسهلها علينا......
منصور حس بالاحراج:الله يوفقك عاد انتي ثالث نبي نسبه زينه محترمه....
جوري:ايه ان شاء الله....
ودخل الغرفة منصور على انه خرج منها...بس عشان يخليها تمشي.....
اما جوري جمدت رجلينها من كثر الخوف ويوم راح منصور كأن احد صب عليها ماء بارد.... ومشت بسرعه لبرى......ومن الربكه ما انتبهت لصوت لولو مع بنات عمها بالمجلس وخرجت للحوش...
جت بسرعه للشخص اللي تظن انه فيصل ونغزته بين جنوبه:ابعد عن الطريق ترى؟!؟!؟!
انصدمت يوم سلطان لف عليها وواضح انه متضايق من هالنغزه واشوى ما صرخ والا مسك ايدينها ودفها بقوة لانه دوم يسويه بالعيال لانهم يدرون انه يكره هالشئ...
تفاجأ بعد فيصل من جوري وانه واقفه قدامه بس هو ينتظر فيصل وبسرعه لف وجهه وقال:انا انتظر فيصل..وباطلع برى البيت لاتركضين وتوجعك رجلك....
وخرج سلطان هو بمشاعر متضاربه..ياربي هي ابيها..جوري ما غيرها...شلون تضيع بين يديني بهالسهوله...هي حلم الطفولة اللي كبر معاي.....
اما جوري بعااااااالم ثااااااااااني...ياربي كل ما حاولت ابعد عنه يقترب زياده...وليش وقفت ما مشيت وبعد انغزه...ياربي وش هالغباء اللي بي...شلون ما فرقت بين سلطان وفيصل...بس هو اول مره اشوفه ببنطلون....ولا بعد عرف ان رجلي انكسرت المره الماضيه....
سلطان فيه شئ يجذب لي والا ليش كل ما حاولت ابعد يقترب زياده....ياربي فكني من هالحيره....
والتفت يمين وشمال ما شافت أي احد وتطمنت ان محد شافهم او لاحظهم ودخلت البيت وهي شايله هموم الدنيا فوق راسها.....
ودخلت لقت لولو طالعه منةالمجلس هي وخلود.....
جوري:ما شاء الله انتي داخل.....
لولو:قلت لك تراني بادخل ودخلت البيت على طول...انتي اللي ليش ما جيتي بسرعه....
جوري:ما سمعتك من رجة غاده جمبي...وطلعت برى وما لقيتك فيه.....
لولو:لايكون شفتي سلطان اخبره ينتظر فيصل...
جوري بخاطرها..شفته وكلمني وكأنه يقول الحمدلله على السلامه...وانتبهي على روحك لاتطيحيين...
لولو:ياهو وين الناس....
جوري بحزن:موجوده...(وتبي تغير الموضوع)..وش رايكم لو نغير اليوم ونشتري لنا خرابيط من البقالة ونطلع بالسطوح......
خلود:اللللللله من زمان عن طلعات السطوح.....
لولو:اشوى في احد قروي مثلي.....
عهود:ما شاء الله يعني كل شئ تحطونه بالقراوه....مافيها شئ طلعت السطوح والقعده بفرشه على الارض...احب حياة البساطه......
جوري:عاد تخيلي بالسطوح وبكراسي.......
خلود:مالنا داعي نقعد هنا احسن اذا فيها كراسي.....
وضحكوا وراحوا يكتبون وش يبون من البقالة وبيعطونه السواق يجيبه.....
عهود:تعرفون في خلطه للبطاطس الحار وما تنفع الا للكشتات....
جوري:خلطه للبطاطس......
خلود:والله لذيــــــــــــذه..
لولو:شهيتيني الله يقطع ابليسك........
عهود:اسمعوا من اللي معها الدفتر....
جوري:انا......
عهود:طيب اكتبي...(2)بطاطس تسالي حار....
جوري:واذا ما لقى
عهود:اثنيين(ليزحار كبير)
جوري:طيب وغيره......
عهود:علبة بيبسي كبيره او كوكاكولا.....و5كت كات..و5اندومي......و3علب زبادي(روب)..
لولو:يالله يا عهود ليش ترجعين لي المواجع...ايام زمااااااان كت كات وبيبسي واندومي....
عهود:ههههههه....لازم احنا نبيها جلسة ايام زمان.....
خلود:غريبه حطيتي بيسبي العاده مقاطعه المنتجات الامريكية......
عهود:وش اسوي ما ينفع مع البطاطس الحار الا بيبسي...وبعدين فيه كت كات بدل الجالكسي... وتسالي بدل ليز...
جوري:ما شاء الله عليك...اجل انتي اللي رافعه اقتصاد الدولة.......بعدين تعالي وش تبين بالزبادي...
عهود:اكيـــــــد...اعجبك انا......اما الزبادي خليه لين نطلع واذوقك من الخلطه بعدين احكمي..
جوري:اوكي...ان شاء الله يكفينا...والمكسرات والفص فص عندنا كثير ما يحتاج نشتري......
خلود:اجل على بركة الله عطي الورقة الشغالة تعطيه السواق واحنا بنطلع قبلك للسطوح...ولا تنسين جيبي الفص فص...
لولو:يالله تراني ادل البيت.....والسطوح بعد.....
خلود:اجل شوفي لنا درب....
لولو:هههههههههه يالله....
طلعوا خلود ولولو للسطوح وصاروا يتمشون فيه...اما جوري راحت تعطي الشغالة ورقة الطلبات وعهود تنتظر الطلبات عشان تسوي الخلطه العجيبه........
غاده مالها حس بينهم وفقدتها عهود وجوري بس اذا جو يطلعون بيشوفون وش عندها.......
>>غاده قفلت باب غرفة جوري وجلست تفتش على الصندوق الوردي....اثركِ يا جوري منتب هينه...
فيه رسالة من وحده معجبة...شكلها مسكينة تموت بجوري مره...قرت الرساله والا محتواها غزل وعشق لجوري وتتمنى كل لحظه تشوف فيها جوري وتتكلم معها.....
ولقت ظرف كامل كله شكله للمعجبات..... ولقت ظرف ثاني مربوط فكته بسهوله ولقت اول شئ صوره لسلطان هو وفيصل...والصوره الثانيه لسلطان ولابس النظاره السودا...والثالثه لسلطان وهو يخوف فيصل....وصور كلها لفيصل وسلطان......وصور هم صغار وكبار...
غاده:شكلها تموت بسلطان وتكابر قدامي والا ليش محتفظه بكل هالصور وحاطتها بظرف انيق ورابطتها وبصندوق وبعيد عن الكل....
واللي شدها مره لقت صندوق بني باخر المستودع يالله يالله مسكته...وفتحته.....لقت رساله كبيره..
ومكتوب فيها كتابات....
اول وحده جوري:اتمنى انكم تحبوني وما تكرهوني ونصير اقوياء.....
ثاني واحد فيصل:اتمنى ان سلطان يقص شعره واصير اقوى منه.....
ثالث واحد سلطان:اتمنى اصير اطول واحد بالدنيا....
ومكتوب اسم لولو وبس شخاميط جمبها.......
غاده:يالله يهالورقه شكلها لها عزه خاااااصه بقلب جوري والا ليش كل هالحرص بس وش سالفتها... شكلهم الثلاثه كانوا مع بعض...ولولو شكلها كانت صغيره وما تعرف تكتب....
واندق باب غرفة جوري.......
جوري:غاده يالله بسرعه افتحي الباب...
غاده بسرعه لمت كل الاغراض وحطتها بالصندوق وبالمستودع واخذت العطر وحطته بشنطتها وتأكدت ان كل شئ رجع لوضعه الطبيعي.......وفتحت الباب.......
جوري:ما شاء الله ليش ما تفتحيين بسرعه........
غاده:اممممممممم....مو شغلك......
جوري ما جا ببالها ولا واحد بالميه ان احد يفتش اغراضها:يا طول لسانك بسرعه البنات كلنا بالسطوح......
غاده:يالله...بس تعالي بجلال والا بدون.......
جوري:يالعجوز لا بدون محد بيجينا............
وطلعوا السطوح....................
عهود فرشت السفره وحطت عليه الصحن البيضاوي وفتحت البطاطس الحار على الصحن ومسكت صحون صغيره وحطت فيها خلطتها العجيبه واخذت الاكواب وصبت فيها البيبسي.....
خلود مسكت البطاطس ومررته على الخلطه واكلتها:اممممممممم طعمها يجنن......
غاده:من جد كذا تنأكل.........
عهود اخذت حبة بطاطس:تأخذين الحبه هكذا وتغمسينها غمسا مبرحا بالخلطه وتضعينها كاملة بالفم وبالهنا والشفا......
جوري:نجرب الله يستر منك ومن خلطاتك..(وجربتها)...اممممم روعه طعمها......
لولو:طعمها خياااااااااال...بسرعه شلون طريقتها........
عهود:كم تعطيني.......
لولو:ولا شئ........
عهود:ههههههههههههههه...طيب خلصوها وعقب اقولكم.........
غاده:الله يستر منك لايكون فيها شئ...مع ان طعمها حلو وما فيه شئ............
بعد ما خلصوا أكل علمتهم عهود وشي الطريقه واللي هي....
عهود:تحطين علبة زبادي ومعها حول الملعقتتين سماق وحبة ثوم وقليل خل.....
جوري:بس!!!!!
عهود:أي بس وحسب الكميه الي عندك تزيديين الزبادي والسماق...
غاده:صراحه رووووووووعه باسويها اول ما ارجع بيتنا.....
لولو:وانا بعد باسويها لصديقاتي.......
عهود:أي عاد دعواتكم لا تنسوني...........
جوري:ابشري بس لو جانا تسمم والا شئ يا ويلك مننا........
عهود:هههههههههههههههههههههه
خلود:جوري وين الفص فص بانزل اجيب الشاهي........
جوري:جيبه معك بالمطبخ تلقينه بأول درج........
خلود:مالت عليك المفروض تقوليين بنت عمي وعيب عليّ المفروض انتي تروحين.....
جوري:بدل هالمحاضره كان جبتيه وجيتي.......
خلود:طيب يالدبه...لاني رشيقه باروح اجيبه...........
لولو:تصدقون كان خلق ضاااااااااااااايق على الاخر...من جد طفشانه.....
جوري:ليش؟؟؟؟
لولو:بعد ليش....الاختبارات قرفت من عمري وهي بعدها ما جت......
جوري:اجل وش اقول انا...ثااااالث ثانوي احس اني باموت كل ما تذكرت اني ازم اجيب نسبه...
عهود:الله يوفقك..والله كلنا بثالث نفس الشئ...النفسيه معدوووووومه على الاخر...بس الايام تجري وبتلاقين نفسك بالجامعه وتقوليين يا مسرع الايام.....
جوري:الله يسمع منك......
غاده:المهم بنات اليوم اخر يوم واحنا الفجر بنمشي لازم نخليه يوم تاريخي.....
جوري:يالله وش عندك........
غاده:نلعب بالاوراق.............
لولو:بعد فيها اوراق..........
غاده:المشكله ما فيه غيرها.......
عهود:طيب وش رايكم نلعب لعبة الصراحة........
لولو:اللللللللللله وناسه يالله.......
جوري بخوف:يالله........
غاده:مافي أي مانع...بس ننتظر الاخت خلود........
**********************
سلطان:وانت ما تترك طبعك الشين ذا...ليش ما طلعت بسرعه.......
منصور:معليك منه ولد عمي واعرفه ميت...
فيصل:لانك طالع م المستشفى مني راد عليك........
بدر:وش فيكم على الولد ذبحتوه........
سلطان:ياي...لايكون تضايقت فيصل......
فيصل:الا متضايق هالدب منصور حاشرني ورى.......
منصور:احد لقفك وخلاك ترجع ورى....
بدر:وخالد مهوب جاي.......
فيصل:قلت له بس شكله متردد.........
منصور:يمكنه مشغول........
سلطان:الزبده يا عيال وين استقريتوا.....
فيصل:نروح صالة بلياردوا.......
بدر:انا ميت من الجوع نروح مطعم ناكل وبعدين نروح أي مكان.........
فيصل:وانت اربع وعشرين ساعه جيعان........
بدر:انا آكل وجسمي هو نفسه موب انت تاكل وتنتفخ تقل بالون....
منصور:هههههههههههههه قويه رد عليه......
فيصل:مره عجبتك النكته....
سلطان:وش رايكم ناخذ لنا عشا ونطلع باي منتزه ونتعشى وعقب نقرر باي مكان.....
منصور:ايه ازين......
وكلهم بسيارة سلطان راحوا لاقرب مطعم لهم وتعشوا وبعد اصرار من فيصل راحوا لصالبة بلياردوا....
منصور يناظر سلطان ويراقب تصرفاته...وعقب ما شاف اللي صار بينهم بالحوش...واضح ان ما بينهم كلام او أي شئ بس يكفي وقفة جوري ولا مشت على طول....يعني في بينهم شئ....والا ليش ما وافقت على طول......منصور جزم مية بالمية ان علاقة فيصل قوية واكد له رغبة سلطان بجوري وعنده دليليين...ماردت لهم بالموافقه....وسلطان وهو يكلم جوري(كان يناظرهم من شباك الصاله)....جوري نزلت راسها وسلطان بسرعه لف وجهه وكلمها....يعني اكيد بينهم شئ....صح امنيتي جوري بس انا ليش ما فهمتها من البداية...وليش هالمكابره ما ابي احد يرفضني....
منصور تغير بعد ما طلع من المستشفى...يوم حس انه ضعيف بالمستشفى وان لا علمه ولا حب الناس له هو اللي فاده....والكبرياء اللي كان فيه راح وانزاح عنه...وصار يفكر بعقل وموب كل شئ لصالحه...واول شئ رفض جوري له اللي كان يشوفه من اصعب الواقف بس هانت عليه لسالفه وقرر قرار وهو بهالصالة...وراح يقوله بس اذا جا وقته............
سلطان:دورك يا منصور جرب العب.......
منصور:تراني دلخ بهالالعاب بس اجرب وش وراي....
فيصل:تعال بدر ناخذ قهوه...
بدر:يالله.....
فيصل:وش تبي....
بدر:أي شئ...والا تدري قهوه ايطاليه من زمان عنها....
فيصل:طيب وانا مثلك بعد...
قعدوا على طاولة وجلس فيصل مقابل بدر...
فيصل:وش فيك؟؟؟؟
بدر التفت حواليه:انا!!!!!!!
فيصل:على ولد خالك
بدر:متضايق.....
فيصل:اعرف بس ابي وش السبب.......
بدر:بنرجع البيت.......
فيصل:بزران احنا...ليش متضايق اذا رجعت البيت..مو المفروض تنبسط لان عندك ناس بيستقبلونك استقبال غير(ويغمز له)
بدر مهموم ويتكلم من قلبه:وصلت لا تبعد...هذا اللي مضايقني اذا رجعت ما شفت الا النكد وانا قاصد ما ابي آخذها عشان استانس....
فيصل:ليش طيب؟؟
بدر:ياخي مشكله الحريم....
فيصل:وشو خلنا نستفيد.......
بدر:لا نستفيد ولا شئ بس الله يبعدك عنهم........
فيصل:لا عاد الا الزواج ترى اقضي منها جامعه على بيت الزوجية على طول...
بدر:اقصد الله يبعدك عن هالنوعيات.....
فيصل:اذا ماهو فضول قولي عشان اعرف....
بدر:اصلا من اول وانا باقولك...بس موب عارف شلون افتح معك الموضوع....صراحه يا فيصل ابعد عن البنت اللي يقولون عنها حلوه...سواء كانت حلوه والا مهيب حلوه...ابد ما تشوف الا الغرور والدلع...ونفسك تضيق لاهي اسعدتك ولا انت قادر تسعدها....
فيصل:زوجتك من هالنوع......معليش بدر ما كنت اقصد....
بدر:لا عادي بس.... هي ما تهتم الا بشكلها الخارجي...اخلاقها..تعاملها مع زوجها...رأيه وشخصيته مالها أي اهميه عندها....ما تعرف تحترم امي وتعاملها بلين ولا تحترمني انا بوجود الناس...
فيصل حس ان ماله داعي ويبي يقفل السالفه:طيب بتطلقها.......
بدر:مالنا الا خمس شهور متزوجيين...صعبه مره صعبه...وبعدين انا كلمتها بس هي ماهي مقتنعه تقول انا كل الناس تبيني وانا حلوه...يعني اشياء مالها داعي تقولها...
فيصل:خذ القهوه....والسواة......
بدر:والله محتاااااااار مره محتار..صراحه بيتي ما ينطب جابت لي الهم والغم ولا بعد تقول انت مقصر....
فيصل:طيب طلقها اذا ما منها نفع...لا تبي تسمعك ولا تبي تسعدك وشايفه نفسها...ادبها....
بدر:والله لو الطلاق عندنا سهل كان طلقتها بس مشكلة نظرة المجتمع يعني اقل شئ سنه او بعد كم شهر...يعني ما حسبون فيها عيب قوي او شئ من كذا....
فيصل:والله انت مهتم وهي ما درت عنك.....
بدر:بعد هي تهمني يعني بنت عمي ولازم اصونها حتى لو طلقتها يمكن تتزوج واذا ما فهمت وش سبب الطلاق بتكرر نفس الشئ...واهل عمي هم اللي يصير عليهم الكلام.....
فيصل:الله يعين...شكلي ضيقت صدرك بس والله ما هان عليّ اشوفك كل يوم وانت ضايق صدرك....
بدر:تمون يا ولد الخال.....
فيصل:يالله سلطان ومنصور ينادونا......
سلطان ومنصور اندمجوا مع بعض وتداخلوا بشكل كبير....وحسوا ان فيه اشياء كثيره بينهم مشتركه ومثل بعض......
****************************
عهود:يعععععع جا علي اسألك يا لولو....
لولو:وانا بقوة وصمود باجاوبك.........
عهود:وش اكثر شئ بحياتك تحبينه........
لولو بعد تفكير:من غيره حبيب القلب والروح اللي اتمنى له السعاده والنجاح وين ما كان....
البنات كلهم مصدوميين.....عهود:ميــــــــن؟؟؟؟؟؟
لولو:ملزميين.........
غاده:يا ويلك ان ما جاوبتي لاننا متفققين من بداية اللعبه.......
لولو:طيب عشقي الوحيد وحبي الابدي هو(وتناظر فيهم تبي تحرق اعصابهم) الهلااااااال....
عهود:مالت عليك....
لولو:ههههههههههههه...والله اموت فيه والله ازعل لو خسر واحس اني باموت لو احد يسبه...
خلود:يالله لولو دوري القاروره.....
لولو:حاضر......ودورت القاروره وطلع على جوري........
جوري:يا ويلي منك يا لولو.......
لولو:جاك الموت يا تارك الصلاة.........
جوري:يالله وش عندك................
لولو:امممممممممم...عمرك سويتي شئ مخاف لاهلك او يعني شئ بس اهلك ما يرضوه بس شئ قوي؟؟واكيد وشو؟؟؟؟
خلود انتفضت من الخوف كأنها تحس ان الشئ يعنيها بس حاولت تكون طبيعيه.......
جوري وهي تضحك:اذكر مره ببيت خالتي وامي عيّت عليّ اروح البقاله وانا مره ودي اروح... واسكت عنها واروح مع سلطان للبقاله وقابلنا هناك فيصل وكان بيفتن علينا بس اشوى راضينه بريال....بس وانا كبيره ما اذكر الا وانا راجعه دخلت بيت صديقتي بس من عند الباب وخرجت....
عهود:لا ما شاء الله عليك مطيعه.....
غاده:أي تعالي عهود شلون الخلطه لونها احمر مدري وردي.......
عهود:صباح الليل....لان السماق هو اللي معطيها حموضه ولون وردي.......
غاده:اها!!!
خلود:يالله يا جوري.......
جوري:شكلك انتي الحكم....يالله.....ودورت القاروره وجا وجهها على خلود..........
خلود:الله يستر منك......
جوري:اممممم في انسان بحياتك؟؟؟؟
خلود ارتبكت بعدين ردت بكل ثقه:ايه.......
انصدموا البنات كلهم من ردة فعل خلود وتمنوا لو يعرفون من هالشخص اللي بحياة خلود.....
وكملوا لعب ووناسه لقريب الفجر...ورجعت لولو بيتهم وغاده تجهزت لانها بتروح بعد الفجر على طول...وخلود وعهود وجوري انتظروا صلاة الفجر وصلوا وناموا................
**************************
مشاري:خلاص يمه ما بقي الا موافقتك.......
ام مشاري:مريم شافتها......
مشاري:أي يمه شافتها بمناسبه وتمدحها...واخلاقها بسأل جوري عنها بس لازم اسمع موافقتكي...
ام مشاري:والله انا مابي الا سعادتك واذا الجوهره تمدح فيها ما في أي مانع بالعكس هذا ليوم اللي ودي افرح فيه وابارك لك.......
مشاري:الله يبارك بعمرك ويسلمك(ويروح يحب راسها ويدها)
اللحين اتصل عليها واكلمها........
مشاري:هلا جوري وينك يالدوبه؟؟
جوري:هلا بك على طول دبه.....
مشاري:يو صح نسيت اخبار عجيزنا...........
جوري:هيّن اوريك....بخير تسلم عليك...........
مشاري:اخبار فيصل تراه الدب ما يسأل عن احد يبي له فرش.....
جوري:أي عليك فيه اضربه ضرب مهوب صاحي..........
مشاري:طيب يالسوسه عند اخوك......
جوري:هذا جزاتي ادافع عنك.......
مشاري:هههههههههههههههه....
جوري:مشاري ما تقدر تجينا......
مشاري:توني باقولك....احسها صعبه ببيتكم ما شاء الله بيتكم صار مليان وفيه عمك واهله...
جوري:عادي تعال ونقعد ورى البيت لا هو عند احد ولا طريق لاحد........
مشاري:اوكي صار.....وسلمي لي على امي.......
جوري:يبلغ ان شاء الله مع السلامه......
مشاري:مع السلامه............
ام مشاري:ليش ما قلت لها.......
مشاري:اذا جيتها اقولها.....
نوره:يالله انا جاهزه.............
ام مشاري:على وين؟؟؟؟
نوره:باروح السوق معاه...ما شريت لي قماش لزواج مريم....
ام مشاري:بلا اسراف روحي بفستان زواج بنت خالك.....
نوره:يممممممممممه قديم ولبسته كم مره وبعدين نهذا زواج اختي يعني لازم جديد....
مشاري:معليه يمه ما عندنا الا وحده خلينا ندلعها.......
ام مشاري:الله يصلحها...بس متعبتك........
نوره بزعل:يمممممممممممممممممه
مشاري:خلاص ما حصل الا خير.........
*************************************
اسامه:ما عندك اوربت...
خالد:اول كانت عندي وشلتها وما خليت الا المجد....
اسامه:الله يقويك....
خالد:صالح وش صار عليها.....
اسامه:والله مهم هينيين اللي ورطوه...بس الحمدلله بعد كم تعذيب وتخويف اعترفوا ان صالح ماله أي ذنب....بس الى الان ما اقروا كلام صالح......
خالد:يعني بيقعد يتمشى وهو سبب اللي صار بمنصور.......
اسامه:هد اعصابك..كل شئ بالهدوء نجيبه....وعادل نهايته على يدي عشان اعلمه ان المخدرات مهي لعبه..يرميها على أي واحد يكرهه.....
خالد:تدري انه مغفل...فيه ناس عقولهم صغيره ومدري شلون يفكرون.....
اسامه:انت بس اصبر عليّ وبتشوف كل شئ......
خالد:والله مهمتكم صعبه واحنا ما ندري عن شئ....
اسامه:بس اللي يحب شغله ما يشوفها صعبه...........
خالد:اسامه نسيت اقولك الوالد بلغني اني اقدم لك شئ وقال أي شئ يعجبه...واللي تبيه احنا حاضريين....
اسامه:وش دعوه؟؟احنا ما سوينا الا الواجب.......
خالد:هذا كلام الوالد....وكلام الوالد اوامر...........
اسامه:والا ابو خالد ما نقدر عليه بس خليها اذا اثبتها على عادل......
خالد:يعني براسك شئ.....
اسامه:ايه...بس مثل ما قلت بعد ما ابشرك بعادل.........
خالد:ان شاء الله.....
التفتوا على التلفزيون يناظرون برنامج كشتات بقناة المجد...برنامج اكثر من رائع....اندمجوا معاه مره...شوي التفت اسامه على خالد.........
اسامه:خالد في سؤال يختلج في خاطري وابي اقوله.....
خالد:افا في شئ بخاطرك ولا قلته من زمان........
اسامه:والله مدري عن ردة فعلك والموضوع حساس........
خالد:قول وما عليك من ردة فعلي.........
اسامه:انت قلت لي بالضبط عن الحادث اللي صار لكم انت ولؤي...بس تأثرك فيه مره كبير...لدرجة انك احيانا تنفعل او تنحرف عن السواقه مثل ما صار لنا.......معقوله بس عشان هالحادث....
خالد:آآآآآه يا اسامه...تمنيت ان احد ما يسألني هالسؤال وبنفس الوقت ودي اجاوبه.... ادري بتقول قام يهذر...لكن اللي صار لي شئ كبير....
اسامه:واقدر اعرفه والا لا....
خالد:لا مو لازم تعرفه...بس لازم تعرف ادق التفاصيل....
اسامه بخاطره..ما تترك عوايدك يا خالد....
خالد:ما ادري ليش احسها صعبه..يمكن محد دري عن التفاصيل...يعني تخيل تشوف ام تموت بسبب ولدها..وولدها ما يقصد ابد الحادث بس...يعني(واخذ تنهيده) اقصد لؤي كان مجرد لعب وطيش بس بيخوف العائلة اللي قدامه وسبحان الله من السرعه ما انتبه انها سيارتهم تعرف ددسن..وماليه الديره ما تعرف تفرق بينهم...صدم بالعائلة وماتت امه قدامه واهله الباقيين سابحيين بالدم..وابوه..تخيل اسامه ابوه يشوفه وينتبه ان ولده هو سبب الحادث وقام يدعي عليه...والله دعاوي تقعشر البدن من قوها... لؤي قدامي اللي قوي وصامد وجافه مشاعره انهار عند ابوه يصيح ويبي منه السماح...ابوه مهوب راضي ينتهي من الدعا...وبالموت سكت وصار ما يدعي....لؤي راح لامه وحبها مع راسها ويدها ورجلها بس ماتت ولا تحس به....يعني منظر قوي قدامي ولا يمكن انساه...لا يمكن انساه.... ولؤي ما قعد الا يوم ومات لان الصدمه كانت من جهته وكانت قويه....قويه بالحيل....ابو لؤي صار مقعد ولايقدر يشتغل واخته ما تقدر تداوم اضطرت انها تستقيل وترعى اهلها اللي هم ابوها واخوها الصغير... حياة صعبة تعرضوا لها هالعائلة.....وخصوصا البنت يعني بلحظه امها واخوها يموتون وابوها يصير مقعد....مدري الوم نفسي اني ما حذرت لؤي وما عارضته على اللي سواه... يعني انا كم مره جربت التفحيط وعمري ما جا ببالي اني ممكن ادمر اسره او افرق شمل عائلة ولا فكرت بان التفحيط له نتايج سيئة....وكل ما اشوف احد يفحط ترجع لي المواجع.... واذا شفت حادث اتذكر هالحادث المؤلم...والاكبر منه(وعقدت حواجبه اكثر)..الطامه اني قد صدمت عائلة وانا افحط وطبعا المشاعر كانت عندي جامده ولا اهتميت ولا شئ....تصدق اني صدمت شاب وهو كان وحيد اهله وحتى ابوه ميت وهو اللي يصرف عليهم وصار مقعد ما يقدر يتحرك الا بس راسه.. ووقتها خرجت بكفاله وما صار بي شئ....مدري شلون بعدها رجعت افحط والامور عاديه ولا كأني ارتكبت ابشع جريمه.....واللحين اتمنى اعرف منهم لاني حاولت بس عجزت اعرف.... وخليت اهتمامي بأسرة لؤي يمكن الله يغفر لي.....والله صعبه...صعبه تعيش وانت جامد الاحساس وبعد فتره تحس باللي حولك....صعبه......صحيح ابوي اعطاهم مبلغ جامد وكبير..لكن(ويأشر على قلبه) هذا مو مرتاح....
اسامه:يالــلـــه... همك كبير...الله يغفر لك....اهم شئ انك تبت قبل لا ينقبض روحك والحمدلله...والله يغفر الذنوب السابقه...بس اهم شئ انك تعزم على التوبة الصادقة بدون عودة للذنوب السابقة...
خالد:الله يغفر لنا ما سبق ويعفوا عنا.....
اسامه:آمين....
خالد:اقتنعت..عرفت شلون ان هالحادث قوي....
اسامه:ما كنت اتصور انه بهالصوره وصراحه انا لو مكانك كان متحطم من الحياة ولا اقدر اعيش...
خالد:يالله...كل ذا مقدر ومكتوب من قبل لا نولد بس ما بيدنا الا التوبه......
اسامه:الله يتوب علينا......
خالد:اللهم آمين...........
اسامه اعجب بشخصية خالد القوية ولو ان فيه نظرات ضعف بسبب الحادثيين اللي أثروا عليه بس تبقى شخصيته القوية وكتمانه لاموره الشخصية هو الشئ اللي مخليه يطلع بمنظر قوي وجبار...
اما خالد حس ان جبال من الهموم طاحت واندفنت عقب ما تكلم له سنيين كامته بصدره وبين ضلوعه ما يقدر يقوله لاحد...يحس انه ضعيف...ضعيف حيل عند هالسالفة.....بس كلامه مع اسامة ريحه وخلاه يحس بارتياح وان فيه رب رحيم يغفر الذنوب اذا عزمنا على التوبة.....
********************************
>>مشاري تعذر من جوري وقال انه انشغل حيل مع اخته مريم وتجهيزاتها ويالله يالله يلحق على اموره ووعدها انه يجيها بوقت ثاني.....بس لمح لها عن خلود وجوري ما قصرت مدحت له خلود مرررررره وانها من زمان تتمنى خلود لمشاري.....
<<خالد يفكر بلمياء اللي ظلمها وحس انه مهما كانت هي بنت وحالتها صعبه انها تفقد عائلتها وما عندها أي شغل وشلون يتركها ولا يسئل عنها وين حبه للؤي ويوين وعده للعم سعد انه يسأل عنها.. وعادل الحقودي وش بي انا ما افكر فيه ولا جا ببالي انه راح يضر لمياء....وحاول يفكر بطريقه ممكن تخليه يعرف اخبارها.......
>>غاده راحت بيتهم وهي ميته من الوناسه...روحتهم لبيت خالهم غيرت اشياء كثيره.. زاد حبها لخوالها وتعرفت على بنات خوالها اكثر....وتمنت لو انها تطول وتقعد عندهم اكثر.....
<<اما بدر حايس بمشكلته مع زوجته ويتمنى لو انها تعقل وتصير مثل أي زوجة تحترم زوجها بس لا الاسلوب الطيب نفع معها ولا التلميح....واحتاااااار بامره معها.......
>>وعهود المسيكينه تحلم بسلمان وتتمنى لحظة الخطوبة...هي عمرها ما فكرت فيه بس زاد مزحه لان خلود معها وهي تظن انه يقصدها...ماتت عليه وصارت تفكر فيه وتدور أي اخبار عنه.....
<<خلود احيانا تلوم نفسها على اللي سوته بس تتذكر انها اسبوعيين وبيخطبها ترمي كتابها على جنب وتقول خلاص ما فيها أي شئ........سلمان صرق عقلها وصار هو تفكيرها...وهو حلمها الوحيد لدرجة انه أثر على دراستها...حبها لسلمان غطى عن عيوب كثيره فيه وصارت تشوفه بس هو ولا احد غيره وما تتخيل حياتها بدونه وعقب العشا اللي بالمطعم جزمت على حبه لها وحست انه متعلق فيها مثل ما هي متعلق فيه....وضمت السلسال الي عليها وحبت تعليقته وسبحت بافكارها...
>>اما جوري...جوري المحتاره اللي معذبه روحها من كثر التفكير...احيانا تنشغل بكتبها وتتحمس بالمذاكره واحيانا تروح افكارها بعييييييييييد...بين حبها الطفولي اللي كبر معها وانتهى بالخطوبه اللي كانت لها اكبر صدمه يوم انفصخت...والا بمنصور اللي شاريها ويتمنى لو ما كانت من نصيبه تكون عروسته مثل جوري.....بينفجر راسها من التفكير......
<<منصور تغير مره وحده...انسان ثاني...يفكر بواقعيه اكثر..كان اول تفكيره طموحي ولبعيد..
وما عنده شئ اسمه مستحيل...كل شئ تقدر عليه...بس عقب الحدث اللي صار له تغير وصار مهموم.. عرف ان الحياة صعبه وقوية ولازم الواحد يواجهها بكل قوته مو بس طموح... وعرف ان مول كل شئ بهواه احيانا الواحد يتعرض لاشياء لازم يتماشى مع الوضع المرسوم له بدون أي نقاش... وجته حالة يئس وقنوط من هالدنيا....
>>فيصل اللعاب وده بسرعه تنتهي الاختبارات خلاص مل من هالاجواء ووده يسوي لهم شئ يغير عليهم هالجو المكتوم...وعشان محد ينساه لانها فتره وبيروحون بيت عمهم عنهم.....
<<ابو خالد مشغول ببيته ووده يخلص منه باقرب فرصه لانه انعدم عقب اطلاق النار.... وقرر انه يفتح موضوع لخطبه عقب الامتحانات....
>>ابو فيصل كان همه الوحيد ان بيت اخوه مايضايقهم أي شئ ويتمنى يعرف هم مبسوطيين والا لا.. ويقدم كل شئ عشان ما يحسون بالنقص......
<<ام فيصل وام خالد زادت علاقتهم ببعض وصاروا يدخلون المطبخ مع بعض ويتعلمون من بعض الطبخ.......
>>لولو التهت بالدراتسه ونست سالفة المطعم وكعادتها لا جت الاختبار جا الجد عندها وتركت خرابيطها ولعبها...وصارت ما تكلم احد الا للضروره.......
<<سلطان آخر سنه له...وآخر ترم بحياته الدراسيه والمفروض يعتبره فرحته وسعادته بس شكله بينقلب احزان عليه....كان يتمنى يعدي هالترم والناس تبارك له بالخطوبه من بنت خالته.... الوظيفه وموجوده والعروس وموجوده....بس يختفي احدهم هذا اللي ما حطه بباله ولا فكر فيه....صار يدعي ربه ان كان بهالزواج خير...ييسرله وان كان ما فيه خير يبعده عنه.....
وافقت نهى بعد اصرار من محمد ونواف على انها تقعد شهر...بس بعد اسبوعيين...يعني مع بداية الشهر......
(اسبوعيين للاختبارات وكلن ملتهي بدنيته))
****************************
اسبوعيين بتعدي بس يصير فيها شئ؟؟؟
يصير بعدها شئ؟؟؟
جوري وش نهايتها؟؟؟
سلطان وش بيصير له؟؟؟؟
منصور وش القرار اللي اتخذه وهل هو مجرد تفكير والا حالته النفسية قلبت كل تفكيره؟؟؟
خالد وش بيصير له؟؟بيكلم لمياء يقدر والا لا؟؟؟
حنان وش سالفتها وليش خوفها يزيد؟؟؟وهل تركها للشغل فتره له أي صله بخالد؟؟؟
عادل هل بيسكت عن بنت عمه؟؟؟وفراس وينه وش بيصير له؟؟؟
خلود وش تاليها مع سلمان؟؟؟؟
وعهود تعرف بقصة حبهم واذا عرفت وش بيصير لها؟؟؟؟
غاده بيتغير فيها شئ والا كلامها دايم مزح؟؟؟؟