دسمان بالقصمان <<

[دسمان]

السلام عليكم ورحمة الله وبركاته

صبحكم الله بالخير او مساكم بمثل ماصبحكم << متوهق مايدري وش يبدا به:D

بصراحه انا جاي وكلي امل << اقول اها بس انت جاي تعرف بنفسك ولا تخطب:cool:

إذا دسمان وصل القصمان وش تبون تقولون له؟

[التوته]

وعليكم السلام ورحمة الله وبركاته :)



أكيد نبي نقول له:

http://www.alqosman.net/vb/uploaded/32_1153428970.gif




وووومرحبا الساع ^_^
.
.
.

[رسـّــــاوي]

دسمان


أهلا وسهلا بك في القصمان



أسفرت وأنورت

[مزاجيه]

أكيد بنقول أرحبوا وحياك الله بيننا بين أخوانك وخواتك
إختك
ملحه الحضريه

[مدرس خصوصي]

دسمااااااااان ..!!


http://www.alqosman.net/vb/uploaded/32_1153428970.gif

[أسيف]

يـــــاهلا بدسمـــــــــــان


http://www.alqosman.net/vb/uploaded/32_1153428970.gif

[دسمان]

التوته

تسلمين يارب والمهلي مايولي لكن تعالي اخيتي شوي




7


7


7

والله ياعنديلك كتاب الغاز يهبل وجديد تسذاتا:c014:

وتراه مايغش منه رساوي:a234:

مير... سو <<ع المرور

[دسمان]

رســــــــــاوي
انورت بالكهرب ونور الموجودين
وشمعه خمسه واط من حضرتي:p



مير...سو على المرور الكريم

وشكرا على كل بيضه لك بهالمنتدى الرائع<< قصده على كل مجهود مبذول للمنتدى:D

[دسمان]

حيالله ملح الحضر



أكيد بنقول أرحبوا وحياك الله بيننا بين أخوانك وخواتك
إختك
ملحه الحضريه

الحمرا اللي تشر مادري وش يردون عليه لكن عز الله مقامك:D
<< يبلش خطوت النوبه بالسلوم:rolleyes:

وتحيين وتبقين اخيتي

والله يديم الاخوه بين الموجودين


مير ... سو على مرورك ملحه

[دسمان]

الكحلي

ياهلا بك اكثر وتسلم على ذوقك بس تعاااال

7

7


7


دسمااااااااان ..!!

وراتس متعجبتن منّ اخيتي:p هو بي توفه ولاّ تشابه نيمات:)


الكحلي
مير... سو على مرورك يالغالي.

[دسمان]

دمعه منقهره:cool:

المهلي مايولي


ومير ... سو على مرورك الكريم.

[القشراء]

اهلا وسهلا بمن جاء الينا ..
العز تجلى والنور هل علينا ..
يااااهلا ومرحباًبكـ ..
:: دسمـــــــــان ::

[دسمان]

القشراء

ياهلابك اكثر

وبصراحه ودي اقولك شي ومستحي لكن ماهمن ابقول





ليت اللي هال علينا براد مهوب نور :D
<< ميت من الحر ومايواطن النور:p


القشراء
مير ... سو على مرورك

[برجس]

وعليكم السلام ورحمة الله وبركاته

هلا بالاخ دسمان في منتدى القصمان
جعلك تاكل رمان وتلحقه بعصير بردقان

كلمات والحان وانشاد / برجس بن صنهات آل شمقمقي

ياهلا ومسهلا بالاخ دسمان

معك اخوك برجس بن صنهات آل شمقمقي
عضو مخضرم بهالموقع المبارك، حبيب، شقردي، فزوع، خفيف دم، سريع البديهيه
راعي مواجيب، قوي، يشوت برجله اليسار :)، يكتب بيده اليمين، يعرف يهرج، اسلوبه زين

هذي بعض مواصفاتي ومميزاتي على عجاله لان الوقت ضيق
تلقان دايم معسكر بمجلس سواليف على كيفك
مهب حب لهالمجلس لكن وش تقول بالفضاوه
يجي الواحد وقت مايقدر يحك راسه من الاشغال، وبعض الايام يصير فاضي لدرجه انه يقعد يناقر ذا
ويهوش ذا ويمعط شوشة الثاني ويسطر الثالث
الله لايعيده من فضاوه
تصدق مره من المرات صرت فاضي ومير امسك خط حرض
لاشعوريا .. لبست ثوبي وشماغي ولقطت المفتاح وركبت موتري ودقيت سلف
وعقب نص ساعه مادريت الا مقابلتن لوحه حرض 55 ك :) <<< هذا محشش مهب فاضي :D

اسم دسمان مختاره نسبه لدسمان اللي بالكويت؟
بس تصدق اسم حلو ورااايق

:D:D
:D

[حلم العالم]

حيّ الله دسمآن ، جعل ربّي يجعلك بزنس مآن:D

أسفرت وانورت وأسفهلّت لكن مآأمطرت ، يجيب الله خير:D

مآشآء الله تبآرك الله ، مبيّن من ردودك أنّك متآبع للأعضآء وكيفيّة تعآملهم وتقرأ الموآضيع وتشوف الردود أوّل بأوّل ، وهالشي هذآ يبي يسآعدك على الخشوش << يعني الدخول عرض معنآ:D

بس حبّيت أنبّهك إن كنت نآسي من هالعضو اللي رد قبلي ، ترى لسآنه يلوط أذآنه ، ومستغرب إلى الحين كيف مآغلط عليك وهو يرحّب بك:D ، يعني ترآه مستغل لونه العلفي الغآمق وجآلسن يخوّف بوه الأعضآء الجدد وهو مآعنده مآعند جدّتي ، فلذلك وسّع صدرك عليه ولآ يهمّك خل بآلك وسيع معه :)

[مجنونهــــــــا]

هلا والله وغلا بأخونا الغالي دسمان,,,

يخوي ماأدري ليه من شفت اسمك تخيلت شكل الفطحة على الصحن :o

حياك الله بيننا بالقصمان,,,

وأتمنى لك أسعد الأقات بيننا...


وتقبل تحياتي...

أخوك
مجنونهــــــا

[دسمان]

وعليكم السلام ورحمة الله وبركاته

هلا بالاخ دسمان في منتدى القصمان
جعلك تاكل رمان وتلحقه بعصير بردقان

كلمات والحان وانشاد / برجس بن صنهات آل شمقمقي

ياهلا ومسهلا بالاخ دسمان


ياهلا والله وسهلا وكل هلا تسبق غلا << ميهيب بنات خالته:)
وانا اقول منور الجهاز قبل ما اشغله اثرك حبيبنا قاعد تسقينا عصِّير:a063: << عصير عنب:cool:



معك اخوك برجس بن صنهات آل شمقمقي
عضو مخضرم بهالموقع المبارك، حبيب، شقردي، فزوع، خفيف دم، سريع البديهيه
راعي مواجيب، قوي، يشوت برجله اليسار :)، يكتب بيده اليمين، يعرف يهرج، اسلوبه زين




مايعّرف علم وانت علم على رأسه نار >> من صلافة الطبع والحبابه:c032:
ياجعل عين حبيب وشقردي وفزوع وخفيف دم وعيال البديهه كلهم قبل عينك:c019:
وعلى فكره نسيت اقولك إن اكره شي عندي لعب الكوره بالشتاء<< يخاف يمزعه بالبرد:D


هذي بعض مواصفاتي ومميزاتي على عجاله لان الوقت ضيق
تلقان دايم معسكر بمجلس سواليف على كيفك
مهب حب لهالمجلس لكن وش تقول بالفضاوه
يجي الواحد وقت مايقدر يحك راسه من الاشغال، وبعض الايام يصير فاضي لدرجه انه يقعد يناقر ذا
ويهوش ذا ويمعط شوشة الثاني ويسطر الثالث
الله لايعيده من فضاوه


ياحبك للتواضع >>لكن مايضيع حق او وراه مطالب>> هيه وين تبي:eek:
>> قصده يقول من تواضع لله رفعه;)



تصدق مره من المرات صرت فاضي ومير امسك خط حرض
لاشعوريا .. لبست ثوبي وشماغي ولقطت المفتاح وركبت موتري ودقيت سلف
وعقب نص ساعه مادريت الا مقابلتن لوحه حرض 55 ك :) <<< هذا محشش مهب فاضي :D



ياسبحان الله والله اني مامن بعايد عنك<< مايقصد شي:rolleyes:
واني بعد اكتشفت انه فيه بيني وبينك تواصل روحي عجيب<< بعد ما يقصد شي:D
حتى انا إذا فاضي ومالن من روحي >> وحتى هي مالتن من :p اني ماروح لم حرض:eek:
<< لا ياشيخ عسى ماتكلفت:cool:



اسم دسمان مختاره نسبه لدسمان اللي بالكويت؟
بس تصدق اسم حلو ورااايق


:c022:
وربنا يقبر بخطرك زي ماقبرت بخطري وكدت الاعادي يا سيد الرقاله<< مايبي شي من برجس:e142:


حبيب الكل برجس ومعاها ميت ورد وفل:D << يبي يقول انه راعي سجق:)


مير ... سو على مرورك الكريم

[دسمان]

حيّ الله دسمآن ، جعل ربّي يجعلك بزنس مآن:D


تحيا وتبقا والله انه ابرك الساعات جيتك لمنا حتى ابرك من ساعات الغزالي:D


أسفرت وانورت وأسفهلّت لكن مآأمطرت ، يجيب الله خير:D

يجيب الله خير إن شاء الله
>> موقت جيته على دخلت سهيل:)



مآشآء الله تبآرك الله ، مبيّن من ردودك أنّك متآبع للأعضآء وكيفيّة تعآملهم وتقرأ الموآضيع وتشوف الردود أوّل بأوّل ، وهالشي هذآ يبي يسآعدك على الخشوش << يعني الدخول عرض معنآ:D


بصراحه انا متابع قديم لهذا الصرح الرائع وجاب الله الطوفان وانفتحت البيبان على دسمان:D << سجق على الطاير
وقدرت اني اتشرف بكم زي ماتشرفتو بي <<الاناالعليا ميته عنده :p
لكن حبيبنا وش السالفه مابقى إلا التشارتات ونحلل القصمان :D




بس حبّيت أنبّهك إن كنت نآسي من هالعضو اللي رد قبلي ، ترى لسآنه يلوط أذآنه ، ومستغرب إلى الحين كيف مآغلط عليك وهو يرحّب بك:D ، يعني ترآه مستغل لونه العلفي الغآمق وجآلسن يخوّف بوه الأعضآء الجدد وهو مآعنده مآعند جدّتي ، فلذلك وسّع صدرك عليه ولآ يهمّك خل بآلك وسيع معه :)


إلا على طاري العلفي وش شغلتهم العلفيين هنا ؟؟؟:D
لا يصيرون مثل ملكة بريطانيا لطلطه ولا بيدهم شي:36_5_11[1]: << يمكن انه دش بردميه:D


حلم العالم
مير... سو على مرورك الكريم

[دسمان]

هلا والله وغلا بأخونا الغالي دسمان,,,


هلابك اكثر حبيبي:)



يخوي ماأدري ليه من شفت اسمك تخيلت شكل الفطحة على الصحن :o


مجنون(ها) انا من شفتك رازن الصوره فلاف تشهر<< على راي ياسر:D
وانت تحسبه ولد وانا ما استغربت انك تخيلن تسذاتا:D

لكن شف الخيال العلفي البديع

اسم دسمان مختاره نسبه لدسمان اللي بالكويت؟
بس تصدق اسم حلو ورااايق


:36_1_12[1]: << يبي الفكه
حياك الله بيننا بالقصمان,,,


وأتمنى لك أسعد الأقات بيننا...
وتقبل تحياتي...

أخوك
مجنونهــــــا



الله يسعدك حبيبي
ومير ... سو على مرورك اللزيز