مشكلة البخور

[طنش تعش تنتعش]

مادري العيب بي ولابالبخور
من تالي البخور ماتقعد ريحته ابد وهو زين ريحته وشريته غالي
بس مادري وش يثبت ريحته
مره دخل ابو الشباب قال مدريت مير انس حاطه بخور يالله من الشكوى لك

الي عنده شي لاتبخل علي وادري ان هالصفه مهب بكن بس زلت لسانم

[ضوئيه !]

السلام عليكم ورحمة الله ,,

والله مآ عندي معلومة ابدا
بس أنآ اظن أن نوع البخور عادي http://www.vb.r7ltamal.com/images/smilies/upset.gif
وان شاء الله يفيدونس الأعضاء

[كنون!]

.

استخدمي جمر بدل مبخرة الكهرب افضل
وفيه طريقه للملابس لما تبخرينهم تكون الملابس رطبه شويه

اتمنى اني اكون ساعدتس :روز:

[رايقة]

طيب يمكنه مب اصلي:3_61:

اتي حاولي تشرينه من محلات معروفه مثل الماجد والعربيه
وان حصل توصين عليه من برء يكون افضل ..

ومثل ماقالت كنون الجمر افضل شئ للبخور :exactly:

[فجر]

اسمعي ياقمر هالطريقة وبتدعين لي

اول شي بخي عطر مميز ويفضل يكون شرقي انا استخدم العاذرية من الماجد
وبعدها بخري ببخورك واغلقي المكان وشوفي الريحة بتثبت لك يومين او اكثر بعد

[ذكرى]

انا نفس فجرابخ كسره البخور بعطر شرقي ..ويطلع :exactly:

[عـبدالملكـ]

.
.

اسمعـي وأنا أخوتس ..

إذا كنتِ حـاطـةٍ البخـور بمكان مكشوف ..
يعـني عـلبة من غـير غـطـاء .. أو بـ أي مكان يدخله الهواء ..
أكيد الزيوت اللي بـ العـود بـ تتبخــّـر عـلى الخفيف ..
لكن لو حطيتيه بعـلبةٍ و أحمكتي الإغـلاق .. بتعـيش ريحته أكثر ..
و بتكون ريحته :exactly:
عـندي بخور من عـام 2000 م غـاااااالي بالحـيــل ..
جاين هـدية بزواجي .. بس كسـرّه كبار .. و ريحته خقق ..
و إلى الحين عـندي منه شيء بسيط .. يعـني باقي حول ربع العـلبة .. تاكينــُـه تـكـ ..
بس ريحته ما زالت موجووودة .. و أكثر من روعـة ..

و أكيد ما يخفاكـ إن العـود أنواااع كثيييييييييييرة ..
فاللي ما يخـاف الله .. يقدر يغـش عـلى خلق الله بأسهل الطـرق ..

فيه شيء ثاني ممكن يسـاعـدكـ .. و دائمـاً أسـوّي هالطريقة ..
إذا بيجين ضيوف بالبيت .. وهو استخـدام معـطــّـر جو ..
لأنه يخلط لِكـ ريحة البخـور مع المعـطــّـر .. و صراحة معـطرات الجو أنواع وأشكال ..
و بعـضهن ريحته تجيب الغـثيان .. لكن به نوع طحت به ولا غـيرته .. يمكن من 4 إلى 5 سنين ..
و أشري منه بالدرزن .. وهو جاردين بريحة التوت البري .. و دوتس صورتــُـه ..
7
7
http://www.7meel.com/upfiles/LbZ13848.jpg (http://www.7meel.com/)
.
.

هـذا أبددد .. ريحته نفسسس ريحة فنادق خمس نجوم .. لا دخلت .. و بدت ريحة المدخل تعـايط ..
بس عـيـبــُـه إن ريحته مركزززة بالحيـــل .. يعـني بخة خفيفة .. تخلي الجو يعـايط ..

و يمشي مع كلشش .. مع العـود .. ومع معـمول العـربية للعـود .. و يصلح تبخبخين به إلحاله << إحلف
( معـمولهم ذاكـ اللي اسمه : معـجون العـربية )

جربيه .. و لن تندمي ..
<< أقصد جاردين و معـمول العـربية ..

سعـر معـمول العـربية بـ 130 تساني منب واهم ..
و معـطر الجو (التوت البري) ببلاش .. بس بـ خمس تريل ..
بس عـاد الله يعـينتس .. عـساتس تلقينه .. أنا أشريه من البقالة اللي عـند بيتي ..
و يمكن تلقينه بأي مكـان ..

<< يحلفون إني مندوب مبيعـات عـلى هالوصف و التلزيم :yelbiggrin:
>> لا .. عـشان تدعـي لي :blushing:

[عـبدالملكـ]

^^
بالنسبة لـ مدخنة الكهرب .. أو الجمر ..
ما يفرق واجد .. بس الجمر أفضل ..

لكن إن استخدمتي الكهرب .. لا تحطين كسرة العـود لين تطلع الصاجة حمراااءءء ..

بالنسبة للجمر .. كل ما كان قوووي (مثلاً جمر سمر أو فحم شوي) مهب أزين ..
لأنه يحرق لِكـ الكسـرة .. تقبع جميع ثم تهجد الريحة ..

من فترة أستخدم جمر سريع الاشتعـال .. و تركت الكهربائية ..
لأن بعـض النوبات أقوم للدوام مستعـجل .. ما أقعـد أحتري المدخنة تحتر ..
أشب هالجمرة .. نص دقيقة وهي محمـرّة .. همن أبخ من أي عـطر أحبه ..
عـلى الشماغ يمين يســار .. و الثوب .. همن أغـمت الريحـة بالمدخنة ..
و تطلع الريحـة من أبدددع ما يكون .. من تدخل أي مكتب .. أو مكان مغـلق ..
ينغـمت من الريحـة :exactly: و تقعـد تبببببطي بالثياب ..

اسألي مجـرّب .. معـاناة مع الجمر و أنواعـه .. كنت أشري كوري الكريتين بـ 30 ريال ..
و تركته و طحت بكريتين بـ 5 تريل .. وش زييييييينه .. يجمر بسرعـة البرق ..
و يقوم بالواجب و زيادة .. و يرمــّـد بسرعـة .. يعـني يكفي لكسرة تكفي شخص شخصين ..
و تقدر تزيد .. و يطلع لكـ إككككه ..

و بالتوفيق يا رب ..

[مدرس خصوصي]

8


8

لأن بعـض النوبات أقوم للدوام مستعـجل .. ما أقعـد أحتري المدخنة تحتر ..
أشب هالجمرة .. نص دقيقة وهي محمـرّة .. همن أبخ من أي عـطر أحبه ..
عـلى الشماغ يمين يســار .. و الثوب .. همن أغـمت الريحـة بالمدخنة ..
و تطلع الريحـة من أبدددع ما يكون .. من تدخل أي مكتب .. أو مكان مغـلق ..
ينغـمت من الريحـة :exactly: و تقعـد تبببببطي بالثياب ..


يالذيذ يا راااايق ..!!

تسيف لك نفس تجلس تتبخر وانت توك قاايم من النووووم :rolleyes1:..!!



طنش ..!!

انا خلقه ماحب البخووور لانه يجين كتمه ..!!<< حنان تقول شكل بك جني :ohno:..!!

[طنش تعش تنتعش]

مشكوره الله يجزاكم خير جميعن
والله كفيتو ووفيتو
وهو بخورغالي بقاي بخور زواج
والله العالم اجل ان العيب بابو الشباب

[ابو الفله]

بالنسبة للجمر .. كل ما كان قوووي (مثلاً جمر سمر أو فحم شوي) مهب أزين ..
لأنه يحرق لِكـ الكسـرة .. تقبع جميع ثم تهجد الريحة ..


والفحم الزين عادة تلقاه عند حقين الشيشة :happy0129:

[مقطع روز]

والله عاد اسالون عنالبخور شوفي يالحيببة اذا بقتي تبخرين البيت سكري كل البيبان ودريش موب كل شي مدلوق المهم اذا كنتى تبين تطلعين وتسيرين او كشخة البو والشباب شوفي الان تروشتي بخري شعرس وجسمس وهو رطب والله ان تطلع ريحتة تجنن قولي روز مهرجتوة:dribble:

[رايقة]

والفحم الزين عادة تلقاه عند حقين الشيشة :happy0129:

ابو الفله

بس حرام نشري منهم ونربحهم عساهم للفلس والفقر :mad2:
والاعساهم للصلاح والهدايه :ohno:



<<عصبت :2_11:

[ليالي]

احتمل وارد ان يكون العيب فعلا في ابو الشباب


وحده تقول زوجي فيه حساسيه من البخور لذالك تبخر اذا كان مو موجود

انا عندي طريقه حلوه تعلمتها من امي الله يحفظها

هي انه بع ماتغسل المفرش او الملبس تحطها في دولاب وتحط معها المبخره وتسكر عليها يوم كامل والله

ان الملابس لو تجلس سنه ماتتغير ريحتها

[عـبدالملكـ]

يالذيذ يا راااايق ..!!
تسيف لك نفس تجلس تتبخر وانت توك قاايم من النووووم :rolleyes1:..!!
طنش ..!!
انا خلقه ماحب البخووور لانه يجين كتمه ..!!<< حنان تقول شكل بك جني :ohno:..!!
.
.

إذا كنت ما تحبه .. هـذا شيء ثاني ..

قـِـد مـرّةٍ حضـرت عـزيمـة .. واحـدٍ من المدعـويين من أهل الحوطة ..
و يبلغ من العـمر الـ 50 و زيــادة ..
لا مـنــّـه مسـكـ المبخـرة استنشششق البخـور .. تقل عـيشـة !
عـاد ذيكـ اللحظـة مادري وش يحس بــُـه :blink1:

بس اللي ينفتن به و يحبه .. يا سـلاااام سـلــّـم ..

[عـبدالملكـ]

والفحم الزين عادة تلقاه عند حقين الشيشة :happy0129:
^^
^^

خـبــــــــــرة
:yelbiggrin:

.
.

ذكرتن نوبةٍ من النوبات كنت مسافر أنا وخالتي الكبيييييرة
و يوم قرّبنا نوصل وناقف عـند محطة بنزين ..
و كان معـي بالسيـارة كم كسرة بخـور .. و كم حبة فحم سريع الاشتعـال ..
بس إن شبيت هالفحيمتين .. أبقعـد ساعـة أشبشب بالولاعـة ..
و أنزل لـ راعـي معـسل و شيشة .. و أعـطيه كسرتي الفحم .. قلت ولــّـعـه الله يعـافيكـ ..
و أعـطيكـ ريـال :96b:
و يجي يحبرش بقوطي نيدو عـندُه فوق قـز .. و ياخذ جميرة .. و يحطه بمدخنتي ..
قلت كم تبي .. قال : ما يبقى شيء << يعـني ما يبغـى شيء :D
و أروح للسيـارة .. و نتبخــّـر .. و نعـكم السيـارة تسننا معـاريس :dribble:

و شكـراً يا أخ العـرب ..

[مقطع روز]

اخوي عبد الملك وراك ماتشري المبخره حقت السيارة دمك تحب العود ولا تقعد تنقل فحم انا شريتة الاخوى واللة انة كل ماشافن يقول والله انى اعيلس ياختى لامن بقيت اروح عزيمة ولا عرس بس اخذ عودي معي لان اقبلت عليبس اشبكة بسيارة واش حليلة سعنونة اصقر من كف لايد اشترة والله ان تدعيلي :2_11:

[ميساوتا]

الله يازين البخور اذا بغيتي تثبت الريحه بالشعر بخريه وهو ندي وتثبت الريحه ..
وعلى حسب كلام ابوي الله يحفظه يقول الكمبودي افضل نوع لازم يصير عليه تقل طبقة شمع تقل يلمع وانتبهي لانه كثير الغش بالبخور ..

[مجروح]

أنا أشوف إنتس تجمعين كل الثياب وتحطينهن بدولاب مثلاً
ثم إذا شبيتي المبخره حطيه بالدولاب وصكيه وخليه فترة

ثمن طلعيه وشوفي كيف ريحته

[توفي]

:دايخ:

وووووهـــــ بس من جاب طاري بخور ..

ما عندي مانع أبخر البيت أكثر من مرة باليوم :دايخ:

فتنة فتنة :دايخ::dribble:

من جد ريحته بالكثير ساعة وتروح ..

أذكر أن شفت مع حدى البنات .. شي اسمه مثبت البخور .. تبخ منه بعد البخور

علبته زي علب معطر الفرش والملابس .. بس معرف من وين جابته بالضبط ..

أتوقع لو دورتي تلقين .. عند اللي يبيعون معطرات من هالنوع ..

وعلى فكرة .. نوعية الفحم تؤثر عليه .. اذا كان حيالله نوع .. يخرب ريحة البخور حتى لو نوعه زينة ..


بخور يا عالم بخور :دايخ:

< أشم ريحته حاليا :dribble:

[طنش تعش تنتعش]

الله يعطيكن العافيه

[ابو الفله]

اخوي عبد الملك وراك ماتشري المبخره حقت السيارة دمك تحب العود ولا تقعد تنقل فحم انا شريتة الاخوى واللة انة كل ماشافن يقول والله انى اعيلس ياختى لامن بقيت اروح عزيمة ولا عرس بس اخذ عودي معي لان اقبلت عليبس اشبكة بسيارة واش حليلة سعنونة اصقر من كف لايد اشترة والله ان تدعيلي :2_11:


لاتوصين هالآدمي تراوه مدمن بخور :yelbiggrin:
قد شفته معه بأحد طلعاتنا

[رايقة]

:دايخ:

وووووهـــــ بس من جاب طاري بخور ..

ما عندي مانع أبخر البيت أكثر من مرة باليوم :دايخ:

فتنة فتنة :دايخ::dribble:

من جد ريحته بالكثير ساعة وتروح ..

أذكر أن شفت مع حدى البنات .. شي اسمه مثبت البخور .. تبخ منه بعد البخور

علبته زي علب معطر الفرش والملابس .. بس معرف من وين جابته بالضبط ..

أتوقع لو دورتي تلقين .. عند اللي يبيعون معطرات من هالنوع ..

وعلى فكرة .. نوعية الفحم تؤثر عليه .. اذا كان حيالله نوع .. يخرب ريحة البخور حتى لو نوعه زينة ..


بخور يا عالم بخور :دايخ:

< أشم ريحته حاليا :dribble:


الله يذكرتس الشهاده

اذكر زميلتي جتنا مره ريحته بخور تهبل على دهن عود

المهم سالته قلته وش هالريحه الزينه :dribble:

قالت والله ماحطيت شئ بس مخليه ملابسي على السرير واخذ ريحة معطر المفارش

اذكر انه تقول شاريته من شركة مي اللي هي هريرا


:exactly:

[™ЯΘΘnA]

:دايخ:

وه يا ناااس ع البخووور ادووووووووخ الا شميته

اخواتي الا سمعوا صوتي مرتفع شبوا على بخور خخخخخخخ
عاد اهجد بسرعة أنا الا شميتوه
ارووووووق بالحيل ههههههههههههههههه

احسن شي بخور يجيبه اخوي
وبعض الاحيان من الهند دايركت من مزارع العود نفسها
شي عالي مستواه :exactly:
ولونه خشبي مايلمع بس شميه :دايخ:
والله يبقى في المكان لساعات
والملابس كمااان

طريقتي ماتختلف عنكم
اطيب بدهن عود اصلي
وبعدين اتبخر بعود اصلي كمااان
وبعض الاحيان احط عطر شوي بس عشان مايغلب ع البخور والعود


والمكان اولا نبخر بمبثوث الماجد والا العربية لانه رائحته عود اصلي
والا اخواتي يدقون عود اصلي ويبخون عليه دهن عود معتق ويتركونه اسبوعين وزيادة
وبعدين ارش ع الستاير عطر نسائي
كالفن كلاين
وبعدين نبخر بعود اصلي
وتعالي شميه :دايخ:
<< اغمى عليها لما تذكررت :2_11:

[إحساس طفلة]

وه بس يازين البخور ... ودي مااقوم من المكان المبخر ..
استفدت كثير من تجاربكم ..
بس مسالة اني ابخر دولابي ..ماش احسه صعبه ..طيب واذا طلعت ومريت من عند رجال ..
ماش انا اخاف من هالنقطه ..واحسب له الف حساب ..
الله يجزاكم جميعا جنان الفردوس ويحرم وجيهكم عن النار ومن تحبون يااارب ..

[توفي]

بعد اذن طنش

احساس .. الريحة تبي تثبت بالملابس .. بس مب لدرجة انها تصير تعااااايط لا ..

يعني ان شاء الله انها ما تطلع من وراء العباية ..

زي الداوني .. وهالطقة :love0090:

[مقطع روز]

اذ

ا بغيتو تبخرون الييت عندكم مبسوس لون الكرتون برتغالي سعرةالكرتون بعشرة ريال اسمة المسني
واللة روعة جربوة للبيت ولان جاكم احد:dribble:

[نونا!]

http://www.7meel.com/upfiles/LbZ13848.jpg (http://www.7meel.com/)

تحمست لهذا الشي :fear: اعطر فيه شي ببالي..... :fear: >> جاري تجربته
فيه بالكيوي مش بطاله ريحته :fear:


ايه البخور ما احبه الا بالبيت وبالرجال فقط .. لكن اتبخر انا مستحيييييييل >>احس اني عجوز
لا بخور ولا عطور شرقيه ..مع انها تجووووز لي ريحتها بس مستحيل استخدمها استخدام شخصي ..
سجيديدتي وشرشف صلاتي وبس ..

[المشاكس]

ياحوووول جئيت امشي اربعمائه واثنان وسبعون كيلوا متر بالساعه

قلت فيه كارثه بالبخور

لكن الحمدلله صااارت المشكله سهله


مثل ماقالت الاستاذه كنون الجمرررررر افضل

كفانا الله وياكم الجمررر والنار وما يودي اليها