~ ورقة المقاضي ~

[رايقة]

بسم الله الرحمن الرحيم


السلام عليكم ورحمة الله وبركاته



http://www.7ammil.com/upfiles/3i850902.jpg (http://www.7ammil.com/)




الموضوع ومافيه انه مطلوب من كل عضو وعضوه يوروننا مقاضي بيتهم ...:fear:

من ورقة الطلبات لورقة المشتروات :happy0129:

مثل الصورة أعلاة :rolleyes1:

بنشوف من المقتصد ومن المسرف :2_11:ووش الضروريات عندكم والاساسيات ...:96b:


بنشوف أبداعاتكم .....طريقة الكتابه وهل هي ورقة مرتبه ومصنفه والا تمشي الحال هههههههههه


ومايمنع تورونا خطوطكم اللي والله العالم انه تقل سكة جعل على قولة أمي :happy0129: <<حكم ياناس هههههه







وهذا فاصل اعلاني للضحك فقط ..

http://www.al-afdal.com/up/uploads/images/al-afdal_a073fbfa0e.jpg


انا مدري هي ورقة مقاضي والا شكاوي ؟؟:دايخ:


وهذي مقاله رهيبه تموت ضحك ..:happy0039:

اقرؤ وأضحكوا :96b::2_11:


مقال جميل ومضحك و الظاهر كل واحد منا بيشوف نفسه في هذا المقال

استمتع و أنت تقرأ



ورقة المقاضي ..




ياعااااااااالم قسم راحت حياتي اوراق صغيره .. جيوبي مليانه .. كل ظهريه وبعد صلاة العشا طيب يازوجتي العزيزه فيه شي اسمه دمج .. رئاسة تعليم البنات بكبرها دمجوها .. ماتدمجين انتي ورقة مقاضي الظهر مع ورقة مقاضي الليل ونفتك من هالقلق اليومي .. المشكله وشي .. المشكله اني اقرا طلبات مالها داعي بس مجبور اجيبها .. دراق / طماط/ بقسماط/ برغل / واخرتها مانلقاعلى السفره الا كبسه وان سوينا نفوسنا كنديين حطينا فجل هههههههههههههه طيب هالبقسماط والصولجان وبقية الاسامي الصعبه لمين طبعاً لخواتك اذا جوا يوم الربوع وانا ياغافل لك الله طقني الجوع مع ابوشايع وابوعبدالله وان سوينا فيها فجور وكااااااش ارسلنا حنيف يجيب بروستد وتهاوشنا على الثوم ههههههههه والمدام مع خواتها يتنعمون من خيري ومن تعبي ومطامري في البقاله مع ورقة المقاضي <<:laugh8kb:


مره سويت فيها ذكي وبعد ماقضيت لزوجتي يوم الربوع قلت بروح للشباب .. واطب على المدام بدري واحصل خواتها عندها وتوهم حاطين العشا ... ..... ام الكااااارثه .. اخيرا شفت ورقة المقاضي صدق .. لقيتهم حاطين سفره بدايتها في المقلط ونهايتها عند ساكو اللي ورا حلبان الى درجة انهن حاطين سيكل جنب السفره علشان اذا وحده بغت صحن من طرف السفره يمديها تجيبه .. والقا لوحه مكتوب عليها ( السلطه 60 كلم ) ههههههههه قسسسسم بالله مافيه شي ماهوب على السفره..


المشكله ان زوجتى تعاملني على اني ابلة تدبير وعندي خبره وانا والله ما افرق بين الملوخيه والكزبره تقوم تكتب لي مره في الورقه كيلو كنافه كذابه هههههههههههه قسم تروعت وش ذا الكنافه الكذابه , انا اعرف الصادقه يوم اعرف الكذابه .. واروح البقاله مالقيتها اتصلت بصديق قال رح لمحل حلويات .. واروح وانسى اسمها واقول لراعي المحل عطني كنافه نصابه هههههههههههه ناظرني بأحتقار وعطاني اشكل بدل مايعطيني كنافه .. في الاخير رحت عنده وقلت ياااخي معليش انانسيت اسمها بس انها كنافه ماهيب مضبوطه يعني كنافه كافره وبتروح النار ضحك قال قصدك كنافه كذابه قلت ايييييييييه هذي ابي منها كيلو .. زحمه وكنافه كذابه واخرتها قطعة خبز لاعبين علينا وحاطين عليها شيره هههههههههه ..


وكله كوم ويوم خذت اختي في المدرسه طريقة عمل المكرونه بالبشاميل سرى يومنا ماغير ناكلها الى درجة ان ابوي اضافها في دفتر العايله لانها صارت جزء من العايله ووحده مننا


الله يحفظ الوالده .. ورقة المقاضي حقتها ماتتغير علشان كذا مانرميها انا حاطها في المفضله لانها هي نفس الطلبات كل يوم بصل/ طماط/ رز/دجاج/خبز/ واذا بغت تسوي نفسها كيوت استبدلت البصل بثوم واذا ملينا وبغت تجدد فيها حطت الرز قبل البصل والخبز قبل الطماط والله اني عشت عمري كله وانا نفسي اكل شي جديد وخاصةً ذا اللي يقولوه اومليت الى درجة اني سكنت في فندق مره علشان لقيت في القائمة اومليت مادريت انه بيض الله ياخذهم :96b:


المشكله ماعندهم رحمه .. درجة الحراره في عز الصيف الف وانت تطامر من محل الى محل وبمعية سموك ورقة المقاضي لو تجيب العثيم كله وتنسى شي بسيط قامت القيامه ولازم ترجع وانت اصلاً شرير ولاعمرنا شفنا منك شي يابخييييييييييييل .. وياعيني على استخدام التقنيه .. ورقة المقاضي صارت من العصر الحجري الحين تجيك المقاضي مسج على الجوال والله اني ابغا اصيح اذا قريت رسايل جوالي

( حليب سريلاك .. ) ( ارجع بدري نبي مويه ) ( وانت جاي جب اعواد اسنا ن ) اعواد اسنان في نص الليل الله من الاعذار بس <<:2_11:


وماقطع قلبي ونكد علي حياتي الا اذا طلبوا تسالي .. تجيب برنقلز قالوا نبي جحا .. تجيب بنكهة الكاتشب قالوا نبي بالخل والليمون .. تجيب رقاق الورده قالوا نبي رقاق غوار .. تجيب صلصه قالوا نبي ماجي .. بس خل عنك والله صار عندي خبره ولاخبرة رابحه وانا والله من اول كنت احسب البندوره هي البطاطس ههههههههه


مناسبة هالموضوع اني رحت اليوم بعد صلاة الجمعه ومعي كالعاده رفيقة دربي ورقة المقاضي طولها حوالي 7.12 متر ويوم دخلت العثيم والقا زحمه وانا اللي تصعب علي نفسي واتمرد واشق ورقة المقاضي وارسل للمدام رساله اقولها اني تمردت وقطعت الورقه ... جزاها الله خير تفهمت الموضوع بشكل حضاري وهذا انا اكتب لكم الموضوع من مقهى ههههههههههههههههههه


مقالة مبالغ فيها والا وش رايكم :2_11:

توي لقيته قلت تصلح مع فكرة الموضوع :fear:

بنتظار ردودكم المرحه :happy0039:

انطلقوا يارعاكم الله :exactly::روز2:

[ذكرى]

موضوع حلو .. :exactly:

بس تصدقين ماعترف بورقه الطلبات الا ان كان عندي عزيمه .. عشان اعرف وش ابي وش مابي ..
والا باقي الايام اروح واشتري الاشياء الاساسيه اللي اعرفها واشريها دايم ... :wink0st:
طبعا ماتخلو بسعسعه بين الرفوف وتجربه منتجات جديده .. :yelbiggrin:


راجعه لكم بورقه الطلبات ان شاء الله :yelbiggrin:

[ليالي]

شكرا على الموضوع حبيبتي


صادقه ذكرى اول كانت ورقة المقاضي


لكن الان احنا نروح وناخذ الي نحتاجه دون زياده اونقصان

[نونا!]

جود توي الحين كاتبه لاخوي وريقه بالاتي ::2_11:

دقيق كويتي :yelbiggrin:
حليب صافي صغير :yelbiggrin:
كيك امريكانا بالشوكلت :yelbiggrin:
مخلل بيدر :yelbiggrin:
ملح خشن :yelbiggrin:
اسكريم محترم :yelbiggrin:

[مقطع روز]

:dribble:لاورقة ولاغيرة انا اروح واخذ كل اغراضي دايما انسا اكثرهم مااجيبهم همن تعالو شوفو الهواش وزعل همن اقول ياليت مرحت مرة ثانية بكتب ورقة بعدين انس من اطفقة والعجلة

[ليالي]

:dribble:لاورقة ولاغيرة انا اروح واخذ كل اغراضي دايما انسا اكثرهم مااجيبهم همن تعالو شوفو الهواش وزعل همن اقول ياليت مرحت مرة ثانية بكتب ورقة بعدين انس من اطفقة والعجلة




اكتبي وروحي حتى ترتاحين

[فجر]

ماعمري حطيت ورقة للمقاضي ابدا
ادخل المتجر وابدا من اول رف لين اخر رف
وكل الي ابيه اخليه بسلتي وقضينا :2_11:

كاني نزلت للسوق ابشري ياجود بسعدك

[صِبا]

فكرة حلووووووووه :exactly:
وان شاء الله بصوور
اقرب فاتوره وورقة مقاضي قريباً

[باسمهـ]

قبل امس رحت لبندهـ ومعي ورقهـ المقاضي
توعدت نفسي مااروح الا وانا كاتبهـ وش ابي علشاااان ماانسى شي
اذا رحت بدون ورقهـ جيت ونص اغراضي ماجبتهن ..
ودي اصور الورقهـ بس الخط مايساعد ابد :yelbiggrin:
النص كالتالي

جبن موزرلا
وجبن بارميزان
كباب " دجاج "
خليط كيك بيوتي كويكر
اوريو
جالكسي سااادهـ
مارس كبير
بس هذا اللي بالورقهـ :2_11: كنت بسوي حلا وبيتزابالكباب عندنا طلعهـ
وجبت اغراض ثانيهـ مااعرف امسك نفسي لازم اضف شي مااحتاجهـ :mad2:

[أشجان]

موضوع حلوو جود:دايخ:

راجعه بورقه المقاضي والفواتير :happy0129:

[لووك جديد]

ياتسبديه كل الاوراق بالزباله وانتم بكرامه :happy0129:

بس هالمقاضي هن يخلصن :happy0039:

يعني ابلحق على حداهن وابشري بصورة :yes211:


يمال العافية جوود :روز2:

[رايقة]

موضوع حلو .. :exactly:

بس تصدقين ماعترف بورقه الطلبات الا ان كان عندي عزيمه .. عشان اعرف وش ابي وش مابي ..
والا باقي الايام اروح واشتري الاشياء الاساسيه اللي اعرفها واشريها دايم ... :wink0st:
طبعا ماتخلو بسعسعه بين الرفوف وتجربه منتجات جديده .. :yelbiggrin:


راجعه لكم بورقه الطلبات ان شاء الله :yelbiggrin:

^
^
^

الله يحلى ايامتس ذكرى
تصدقين اقرء الردود واضحك اغلب الاعضاء ماعندهم ورقة طلبات

شكلهم بس المتزوجين هم اللي عندهم ورقة طلبات هههههههههه

ياترى وش الحكمه ؟؟:96b:

[رايقة]

شكرا على الموضوع حبيبتي


صادقه ذكرى اول كانت ورقة المقاضي


لكن الان احنا نروح وناخذ الي نحتاجه دون زياده اونقصان

ليالي

الشكر لتفاعلك وننتظر مشاركتك :wink0st:

[رايقة]

جود توي الحين كاتبه لاخوي وريقه بالاتي ::2_11:

دقيق كويتي :yelbiggrin:
حليب صافي صغير :yelbiggrin:
كيك امريكانا بالشوكلت :yelbiggrin:
مخلل بيدر :yelbiggrin:
ملح خشن :yelbiggrin:
اسكريم محترم :yelbiggrin:


نونااااااا :2_11:
<<مافيه صور >>طراره وتشرط :blushing:

وش سالفه الايسكريم المحترم ههههههههههههههههه<<ميته ضحك

علمين وشو تكفين تراي توي طايحه بالايسكريمات عرض :fear:

[رايقة]

:dribble:لاورقة ولاغيرة انا اروح واخذ كل اغراضي دايما انسا اكثرهم مااجيبهم همن تعالو شوفو الهواش وزعل همن اقول ياليت مرحت مرة ثانية بكتب ورقة بعدين انس من اطفقة والعجلة

اهااا
هلا بتس مقطع روز :2_11:

هنا فيه مشكله :rolleyes1:
طيب لاكتبتي ورقة مرتن ثانيه علمينا وش بتشترين
وشوفي وش يصير :exactly:

[رايقة]

ماعمري حطيت ورقة للمقاضي ابدا
ادخل المتجر وابدا من اول رف لين اخر رف
وكل الي ابيه اخليه بسلتي وقضينا :2_11:

كاني نزلت للسوق ابشري ياجود بسعدك

هلا بفجر:روز2:

الله يسعد ايامتس

انا اعتقد والله اعلم انه الحين ماعندتس مشكله :2_11:

بس عقب لا اعرستي ان شاء الله يمكن يتغير الوضع وتضطرين لوضع قوائم وتصنيفات
ومايمنع تمرين قسم التخفيضات والعروض ...:laugh8kb:

[ابو الفله]

جود،
المشكلة باللي ويكتب ورقة مقاضي ثم يروح ويضف نص اللي بالسوق، وهذا حال كثير منا، عموما، الآن حنا باقبال شهر فضيل وتبون تلاحظون سلوك الشعب في الشراء، مع اني أتمنى ان الأزمة علمتنا كيف نقتصد في مشترياتنا.

[شهد الأيام]

امس انا واخوي بكارفور

بس نسيت اخذ الفاتورة منهم :دايخ:


ياخسارة بروح ارجع اجيبه :happy0129:

[ليالي]

مره كنت في جيان وكانت وحده معها عربيتين استغربت ذالك واذاريه من ديره بعيده وكل بيت معطيه شوي طلبات

[رايقة]

^
لايصير جيان اللي بالرياض غاليري

[رايقة]

فكرة حلووووووووه :exactly:
وان شاء الله بصوور
اقرب فاتوره وورقة مقاضي قريباً

هلا بصبا :روز2:

ننتظر ورقه مقاضيكم :2_11:

[رايقة]

قبل امس رحت لبندهـ ومعي ورقهـ المقاضي
توعدت نفسي مااروح الا وانا كاتبهـ وش ابي علشاااان ماانسى شي
اذا رحت بدون ورقهـ جيت ونص اغراضي ماجبتهن ..
ودي اصور الورقهـ بس الخط مايساعد ابد :yelbiggrin:
النص كالتالي

جبن موزرلا
وجبن بارميزان
كباب " دجاج "
خليط كيك بيوتي كويكر
اوريو
جالكسي سااادهـ
مارس كبير
بس هذا اللي بالورقهـ :2_11: كنت بسوي حلا وبيتزابالكباب عندنا طلعهـ
وجبت اغراض ثانيهـ مااعرف امسك نفسي لازم اضف شي مااحتاجهـ :mad2:



تصدقين خليط بيتي كويكر ماعمري جربته ؟؟

ودي اجربه اختي تمدحه مره تقول اسرع لتس من الكيك العادي :exactly:


وحلو انك تروحين تجيبن الاغراض اللي انتي محدده لطبخه محدده او حلا معين :yes211:
يعجبني اللي كذااا :rolleyes1:

[رايقة]

أشجان :روز2:& ولووووك:روز2:

بنتظار ورقاتكم
مانبي شئ قديم لو سمحتوا
يعني اجدد شئ :rolleyes1:

[رايقة]

جود،
المشكلة باللي ويكتب ورقة مقاضي ثم يروح ويضف نص اللي بالسوق، وهذا حال كثير منا، عموما، الآن حنا باقبال شهر فضيل وتبون تلاحظون سلوك الشعب في الشراء، مع اني أتمنى ان الأزمة علمتنا كيف نقتصد في مشترياتنا.

:دايخ:

يمكن يصير فيه عروض مغريه
بعد مب معقول يفوت على نفسه فرصة الشرااء :2_11:

لكن صدقت بسالفه التقضى لرمضان ..

انا اعتقد اغلب الناس يفطرون صائم لذلك يكثرون مقاضي :yes211:
اما المسرفين مرره الله يعينهم :ohno:

[ليالي]

لا والله في جيان الي في خريص بس قبل تقريبن ثلاث شهور

لمن سئلتها عن ذالك تقول مو سهله الجيه علينا وانا كنت منومه في المستشفا

وعندي مراجعه بكرا وراجعه لذالك ان الي على هالمره اقضي حاجتهم

[رايقة]

امس انا واخوي بكارفور

بس نسيت اخذ الفاتورة منهم :دايخ:


ياخسارة بروح ارجع اجيبه :happy0129:


عاد اهم شئ ورقة الفاتوره

تدرين المفروض تشيكين عليه قبل تطلعين
احيانا يكون فيه اخطاء من المحاسب وياكثر ماصارت لناس
قد صارت لنا بجيان خريص يحسب الشئ دبل :3_61: بس ماعرفنا اليوم رجعنا بس مايمدي خلاص :واء:

[مدرس خصوصي]

فجررررر ..!!


ادخل المتجر وابدا من اول رف لين اخر رف




متاكده انك ساكنه بالريااض او باحد احياااء لندن :rolleyes1:..!!؟؟

[مدرس خصوصي]

جووووووود..!!

انا اذا جيت اروح للمتجررررر:دايخ: اقول اكتبو المقاضي بورقه او ارسلوهاا بمسج على الجوال.:rolleyes1:.!!


لكن ..!!

ارووح للمتجر وارجع وانا ما شفت الورقه او المسج :rolleyes1:..!!

[نونا!]

88
:2_59:
هع

[مدرس خصوصي]

نوناااا ..!!

88
:2_59:
هع

لا يصيررر بعد انتي تقولين المتجر :spy:..!!؟؟

[ذكرى]

ناس مقامات ..

احد يقول متجر واحد يقول دكان > ياقدمي :yelbiggrin:

[كنون!]

.
جود ياحبي لتس يختي
مبطيتن عنتس من عقب وفاء وحليمه :2_59:
شسموة
تبين الفاتورة او الورقه الي انا اكتبه
بالنسبه للورقه دايم هوشه مع اخواني
يختي مايعرفون خطي يجون نص الاغراض ما شروهن :spy:
عاد ان لقيت شي ابصورة واجيبه

[™ЯΘΘnA]

ماعمري كتبت اغراض بيت
إلا اغراض تاثيث بيت اخوي اللي تزوج من فترة لما جينا ناثث بيته

بس كنت بعض الاحيان اروح مع اخواتي اذا بغوا يشترون اغراضهم
من كارفور والا التميمي :قلب: سيفوي والا المزرعة (سوبرماركت هذي ترى مش مزرعة غنم ونخل وشجر :96b:)

يا انا انبسط عند الشراااء :دايخ:

[مدرس خصوصي]

عذبة التجررريح ..!!


(سوبرماركت هذي ترى مش مزرعة غنم ونخل وشجر :96b:)



قوولي متجر احسن :rolleyes1:..!!

[شهد الأيام]

8


ياهي مسكت معك هالمتجر:happy0039:

جود إن شاءالله بجيب الفاتورة مرة ثانيه ان رحت للمتجر :96b:

[فجر]

الكحلي

:mad2:

وش به متجر هاه كيف هالولد يلاحق هرجنا ملاحق

:96b:

الا صدق منين جبت هالكلمة 00 بس والله انه شي :happy0129:

[مدرس خصوصي]

8

8
جود انشاءلله

إن شاء الله


:روز2:

[فجر]

جود بروح للمتجر علشان خاطر عيونك
وابصور كلبوشي

[مدرس خصوصي]

فجرررر ..!!

الا صدق منين جبت هالكلمة 00 بس والله انه شي :happy0129:


التمدن على كبررر شين :rolleyes1:..!!

[مدرس خصوصي]

فجرررر ..!!

جود بروح للمتجر علشان خاطر عيونك
وابصور كلبوشي

لاتنسين تاخذين معك احد بطاقاتك الاتمانية :rolleyes1:..!!

[فجر]

8
8

ماعندي بطاقات ائتمانية عندي دفتر شيكات مايصلح بدالهن :2_11:
تخبر الي توهم متمدنين مابعد عرفوا للبطاقات :واء:

[شهد الأيام]

8

8
إن شاء الله

:روز2:

هو فيه احد غلط بكتابتها؟!:yelbiggrin:

[مدرس خصوصي]

فجررررر ..!!

ماعندي بطاقات ائتمانية عندي دفتر شيكات مايصلح بدالهن :2_11:
تخبر الي توهم متمدنين مابعد عرفوا للبطاقات :واء:

بس اللي اعرفه انك الى الان ماتعرفين توقعين ودايم تشيلين معك الصطمبه:rolleyes1:..!!؟

[مدرس خصوصي]

شهد القصمان ..!!


هو فيه احد غلط بكتابتها؟!:yelbiggrin:


لا ابد ماحد غلط بالكتابه شكلي احلم:rolleyes1: ..!!

[ديقش]

رادار القصمان ( الكحلي )
ياخوك لا تدقق بالحيل الدنيا تساهيل :)

انا ما احب الا متجر واحد وهو كارفور, اما المتاجر الثانيه ما اروح لها, فيه متيجر بالحارة اذا كنت مستعجل زرقتة :)

جود
شكراً على الموضوع وجاء بوقتة قبل رمضان

فجر :روز2: بدون زعل جازتلي كلمة المتجر

[مدرس خصوصي]

ديقش ..!!

رادار القصمان ( الكحلي )
ياخوك لا تدقق بالحيل الدنيا تساهيل :)



فجر :روز2: بدون زعل جازتلي كلمة المتجر




هلا بكل الغلا :روز2:.!!

اذا فيه احد يزعل من التعليق ( والمناقر ) علمونااااا :rolleyes1:..!!

[الوردي]

موضوع:واء:
بالنسبة لي
نكتب المقاضي بأي شي يعني
ورقة - كرتون المناديل اذا قضى وهو جنبك - فاتورة بالبوك
اي شي <<يعني مانكتب طلبات إلا اذا مافيه احد من الحريم بيروح للمتجر
وممكن تكون رسالة جوال

وماننسى شي مهم
اذا جت الفاتورة نلقى نصها مو مسجل بورقة الطلبات

وإن كانه الرجال رايح لحالة
فهنا تجي الطامة
اذا كنت كاتبه
1مربى فراولة
جاني
3مربى فراولة
و1 مشمش
و1فواكه مشكله
وإلا إن كنت كاتبة
3 صامولي(سندويش)
يجيني 7 بدل الثلاث

بس للأسف امس متقضين وراحت الفاتورة
بس إن شاء الله اقرب فاتورة بنزلها لكم
ورمضان جاي عز الله ورقة المقاضي متر ونص:yelbiggrin:

[فجر]

فجررررر ..!!



بس اللي اعرفه انك الى الان ماتعرفين توقعين ودايم تشيلين معك الصطمبه:rolleyes1:..!!؟


ايه الى هالحين وانا اشيله :yelbiggrin: واحيانا اربطه بطرف غطوتي تخبر الكبر شين


ديقش

ماعليك خذ راحتك ترهم يمدحون المتجر والمتاجر :2_11:

[فجر]

جود
اسفة يابعدهم خربنا موضوعك
بس كله من هالكحلي 00الا بالله مهيب كلمة متجر شي :blushing:

[رايقة]

^
الا والله شئ:laugh8kb:

اهم شئ الاعتزاز باللغة العربيه :wink0st:

[ليالي]

http://up.q8ia.com/out.php/i5651_16341638163216391634163216321641163416371640.jpg

[ليالي]

الصوره الي فوق كانت ورقة طلبات كتبتها وحده لزوجها يوم بغت تنام

بحيث انه اذا صحا الى الدوام في الصباح يجدها

لكن الزوج صوره وشفتها معه بصدفه امس وحبيت انزلها لكم

[الصمت]

انا كتبت المقاضي

وارسلتهن لجوال ابو الشباب

[ليالي]

وش كتبتي فيهم او مثل الي فوق

[مدرس خصوصي]

ليااالي ..!!


اتوقع ان الزوجه حاطه ورده على شان الرجل ما ينسى الايسكريم :rolleyes1:..!!

[ليالي]

الله يرزقن على كثر من ظالم للحريم

[مدرس خصوصي]

ليااالي ..!!

الله يرزقن على كثر من ظالم للحريم



امين :rolleyes1:..!!



مب عدمم تحديد عدد معين من الرزق يكون افضل:rolleyes1: ...!!؟

[ليالي]

انت ليه ضد النساء

[مدرس خصوصي]

ليااااالي ..!!

انت ليه ضد النساء


انا مع الجنس الناعم وضد الجنس الناقم :rolleyes1:..!!

[ليالي]

ليااااالي ..!!




انا مع الجنس الناعم وضد الجنس الناقم :rolleyes1:..!!


خذ راحتك بحل دنيا واخره

مثل مايقولون القصمان الجلد العلو لك :love0090:

[فجر]

ليالي
ياحليلك تناقرين الكحلي :2_11:

[ليالي]

تعالي الكحلي هو عبدالرحمن

[عابره]

أنا إذا جيت أطبخ كتبت طلباتي بالجوال
وقمت أغزغزه قدام الناس من سيب لسيب
وكل مره اقول الله يلعن هالحاله ليتي كاتبه بورقة أصرف
وكل مره كذا





وإن كانه الرجال رايح لحالة
فهنا تجي الطامة
اذا كنت كاتبه
1مربى فراولة
جاني
3مربى فراولة
و1 مشمش
و1فواكه مشكله


مرة كنت اسوي حلا .. ومالقيت قشطة .. السواق مهب فيه وأضطريت ارسل أبوي لاحظوا أضطريت:happy0039: جاب لي قشطة بالعسل وقشطة فراولة وقبل يجين انهيار عصبي لقيته جايب قشطة ربنا ولله الحمد
ياحبهم للفلسفة :دايخ:

[هيكارو]

قبل كنت احب اتفلسف واتقضى براحتي

حاليااا لو امر من عند المنتجر:yelbiggrin:وخااصه جيان جاان طرااش ولووعه تسبد

<<في مره من المراريت بعز الوحم دخلت المتجر والى يومكم تحوم تسبدي:ohno:

انا من النوع اللي يكتب بورقه اذاا المعزب هو يبي يرووح ولا بعد نصهن مايجن

<<ايييش هادااا:mad2:

ودي اصور لتس بس حاليااا مافيش بيت نتقضاا لووه:2_11:

[مقطع روز]

واللة مرة من المراريت بقيت اسوى حلا وسلطات عشان عندنا عشاء المهم يعنى اسمعو وحدة سنعة المهم ملقيت الاغرض كاملة مير انقز وكتب وريقة الاخوى عشان ينقز بسرعة وجيبهن راح وجب طماطوخيار قال معرفت وش انتى كاتبة وغراض الحلى مجابهن وهة ياويل قلبي بس مير تنقز امى الله يحفضة قالت روحى مع البزرين وجبي الي تبين بس تعالو شوفون معهم كل وحد ماسك عربية وضاف كل البندة المهم يوم جاء الحساب:blushing: قعدت انا ويهم اهواش قدم المحاسب رجعو منهن كل وحد يصيح مع جهة انا احبة انا ابية واللة رجع وانا معصبة عليهم :5_9: وجدع كل وحد عند امة انا رحو معى مرة ثانية بزرانكم اكتب ورقة وقضينا :o

[مدرس خصوصي]

هيكاروووو ..!!

حاليااا لو امر من عند المنتجر:yelbiggrin:وخااصه جيان جاان طرااش ولووعه تسبد

<<في مره من المراريت بعز الوحم دخلت المتجر والى يومكم تحوم تسبدي:ohno:



ليت كل الحريم يجيهن توحم من المتجر حتى اللي ماتزوجت:rolleyes1: ..!!

[مدرس خصوصي]

لياااالي ..!!

تعالي الكحلي هو عبدالرحمن

لا من قال :spy:..!!؟

[ليالي]

هيكاروووو ..!!




ليت كل الحريم يجيهن توحم من المتجر حتى اللي ماتزوجت:rolleyes1: ..!!




بسم لله علينا كلنا والله يشفيك هيكارو

[فجر]

لياااالي ..!!



لا من قال :spy:..!!؟



صادق والله وش جاب لجاب الله يرحمك يالكحلي :واء:

[مدرس خصوصي]

فجررررررررر ..!!

صادق والله وش جاب لجاب الله يرحمك يالكحلي :واء:



صحيح كثيررررر اللي راحواااا كانوا هم الافضل :rolleyes1:..!!



والكحلي اعتقد لا يريد منكم الان الا الدعاء :واء:..!!



الله يرحم امواتنا واموات جميع المسلمين ..!!

[نونا!]

جازت لي الفكره :exactly:رهيبه هالحرمه :yelbiggrin:http://up.q8ia.com/out.php/i5651_16341638163216391634163216321641163416371640.jpg

لوكل الحريم يكتبن تسذا اذا راحو رجالهم للمتجر تسان تمام :exactly:

[كنون!]

لقيت فاتورة عندي طول قريح
تبون فواتير والا طلبات الي بورقه :fear:

[مدرس خصوصي]

نوناااا.!!


عاد انتي لو اول من قال المتجر كان انتحررررر :ohno: ..!!

[فجر]

:واء:

:واء:

:واء:

هذي فايدة الي يتكلم باللغة العربية وهو يدرس يصير
مايعرف يهرج زين مع العرب هين يامديرتي ان تكلمت
باللغة العربية مرة ثانية

شكلي باخذ دورة باللهجة القصيمية والعامية البحته
بس من بيدرسني :happy0129:

البقالة 00 الدكان 00 البقالة 00 الدكان 00 ( وحدة جالسة تذاكر للدورة الي تتدخلها )

[بنت الشيحية]

مااذكر اني كتبت ورقة طلبات الا ناااادر جداً
حنا محددين كل شهر ونص تقريبا نروح لهايبر بنده ونمتره سيب سيب عشان ماننسى شي
ونقش كل الي نبي ولاطلعنا مرينا سوق البيض وشرينا لنا طبقين :yelbiggrin:
لازم هاذي الخطه الي نسويها
وبالأخير اذا كانت مقاضينا مره طاقه الألفين مثلاً نمر نآخذ لنا صبه وان ماتكلفنا واجد مرينا برجر كنج الي عند بيتا وتعشينا به >>يقالهم مخربينه :yelbiggrin:

[جـــــراح]

أسرع طريقة للتبذير أن تدخل سوبر ماركت معتمداً على ذاكرتك !

مايتم وضعه فوق الرفوف ينطبق عليه دوماً ( لاشيء غير صالح للشراء ) وإذا كنا ننادي بعدم الإسراف فالتسوّق العشوائي هو الإسراف بعينه .

الحياة سهلة ولا تميل للتعقيد لكن هذا لايعني ان نهرب من البخل لنقع في الإسراف والتوسط حسن في كل شيء .

وليس من مُتع الدنيا أن نحرم أنفسنا الإختيارات المفتوحه . لكن بنفس الوقت ليس من العقل أن نرمي أو نكدّس ثلث مانشتريه !


شكراً جـــود .


تحياتي .

[رايقة]

أنا إذا جيت أطبخ كتبت طلباتي بالجوال
وقمت أغزغزه قدام الناس من سيب لسيب
وكل مره اقول الله يلعن هالحاله ليتي كاتبه بورقة أصرف
وكل مره كذا





مرة كنت اسوي حلا .. ومالقيت قشطة .. السواق مهب فيه وأضطريت ارسل أبوي لاحظوا أضطريت:happy0039: جاب لي قشطة بالعسل وقشطة فراولة وقبل يجين انهيار عصبي لقيته جايب قشطة ربنا ولله الحمد
ياحبهم للفلسفة :دايخ:


ايه مشكله تكتبينه بالجوال كل شوي تغزينه قدام الناس وكسافه
الورقه ارتب :exactly:

وكل القشطات واحد امر الله من سعة وانا اختس :2_11:

[رايقة]

مااذكر اني كتبت ورقة طلبات الا ناااادر جداً
حنا محددين كل شهر ونص تقريبا نروح لهايبر بنده ونمتره سيب سيب عشان ماننسى شي
ونقش كل الي نبي ولاطلعنا مرينا سوق البيض وشرينا لنا طبقين :yelbiggrin:
لازم هاذي الخطه الي نسويها
وبالأخير اذا كانت مقاضينا مره طاقه الألفين مثلاً نمر نآخذ لنا صبه وان ماتكلفنا واجد مرينا برجر كنج الي عند بيتا وتعشينا به >>يقالهم مخربينه :yelbiggrin:


اييه هذي ان شاء الله لاصرنا عائله كبيره وعندنا بيت ملك بنسويه ان شاء الله
بس الحين مشكله تكثرين مقاضي :دايخ:
والا بالعكس حركة مريحه مرره لاشريتي بالكرتون وارتحتي :exactly:

شكرا ام فهد

[رايقة]

أسرع طريقة للتبذير أن تدخل سوبر ماركت معتمداً على ذاكرتك !

مايتم وضعه فوق الرفوف ينطبق عليه دوماً ( لاشيء غير صالح للشراء ) وإذا كنا ننادي بعدم الإسراف فالتسوّق العشوائي هو الإسراف بعينه .

الحياة سهلة ولا تميل للتعقيد لكن هذا لايعني ان نهرب من البخل لنقع في الإسراف والتوسط حسن في كل شيء .

وليس من مُتع الدنيا أن نحرم أنفسنا الإختيارات المفتوحه . لكن بنفس الوقت ليس من العقل أن نرمي أو نكدّس ثلث مانشتريه !


شكراً جـــود .


تحياتي .


اكيد لاضرر ولاضرار
انا شخصيا احب اكتب بورقة ارتب وافضل واحدد اللي ابي وومكن اخذ اشياء زياده
مب موجوده بالورقه اصلا <<:fear:

بس اهم شئ مانسي اللي انا جايه على شانه واللي هي الاساسيات ..

احيانا اذا رحت وانا ماكتبت ورقه انسسسسسسسسسى وش انا جايه عشانه :ohno:

وهنا تقع المشكله<<:96b:
لذلك ورقة المقاضي تريحك وتعرف وين تروح على طول سيدااا :2_11:

شكرا جراح

[رايقة]

لقيت فاتورة عندي طول قريح
تبون فواتير والا طلبات الي بورقه :fear:

كنون
هاتيهن كلهن يابعدي


لححين محد تجرأ ونزل صورة ورقة طلبات ولا مقاضي :happy0039:

[كنون!]

.





http://up.arab-x.com/July09/rdq69547.jpg (http://up.arab-x.com/)
جوود شوفي http://www.getsmile.com/emoticons/smileys-91853/aiw/happy.gif
اتحداكم تدرون وش حنا شارين http://www.getsmile.com/emoticons/smileys-91853/aiw/tongue.gif

عاد لاتدققون بالحيل بالشاشه <<قولي مشكله المبزرة

[رايقة]

^
قب
http://www.getsmile.com/emoticons/smileys-91853/aiw/unsure.gif

<<بلعت ريقه http://www.getsmile.com/emoticons/smileys-91853/aiw/wacko.gif

ماشاء الله عليكم ياكنون
اطول ورقة مقاضي شفته بحياتي :دايخ:

الله يبارك لكم بهن
وه بس يمال العافيه :قلب:

[ليالي]

انتي مجنونه وش هاذي لااله الا الله تبارك الله

اشك انها لكم الحالكم

[ابو الفله]

الحلو ان المجموع ما تعدى 310 ريالات.

[ليالي]

مااصدق كنون كم الحساب

[فجر]

كانون

:2_11:

ماتبعد عن فواتيري بس انا مبلغي يصير اكبر
الا اخر روحة لي الي بنزله هالحين المبلغ ماتجاوز
الخمس مية وانا طايرة عيوني كيف ولماذا هو الدنيا رخصت :3_61:
من تالي صاير كل شي نار اشتري اشياء بسيطة واطق الالف :ohno:

[فجر]

http://up4.m5zn.com/9bjndthcm6y53q1w0kvpz47xgs82rf/2009/8/1/09/oqr35x5ef.gif



جود السموحة ماعطاني المحاسب مع العجلة ورقة الحساب وانا طارت
بوهتي بدوا يصكون الابواب وخفت بس عوضتك بصور للروحة الي كانت
برعاية العثيم :96b:

[كنون!]

جوود ههههههههههه ياحبي لتس
ليالي وابوالفله صراحه ناسيه كم الحساب يبي لي ارجع اشوف واتأكد :دايخ:
فجرر ياحركه انتي وشوله تاخذين مبزرة معتس

[رايقة]

http://up4.m5zn.com/9bjndthcm6y53q1w0kvpz47xgs82rf/2009/8/1/09/oqr35x5ef.gif



جود السموحة ماعطاني المحاسب مع العجلة ورقة الحساب وانا طارت
بوهتي بدوا يصكون الابواب وخفت بس عوضتك بصور للروحة الي كانت
برعاية العثيم :96b:




http://mishaal905.jeeran.com/images/مشاركه%20مميزه.JPG



:قلب:





وش هالحركات البركات
قسسسم انتس رهيبه فجر :exactly:

روعه الصور مررره حركه رهيبه
وهالطحاير ياحبيلهم ياناث وه بث بسم الله عليهم
وش عندتس ههههههه قط تسوين بروفا :2_11:


اهم شئ معتس بطاقه اكتساب حقت العثيم
كانه مب عندتس طلعي لتس وحده وتمتعي بالهدايا :دايخ: :exactly:

يمال العافيه والله فجر :قلب:

[نونا!]

88

ياحبيلهم ياناس هالطحارير
وه بس :روز2::روز2::روز2::روز2::روز2:

[ابو الفله]

جوود ههههههههههه ياحبي لتس
ليالي وابوالفله صراحه ناسيه كم الحساب يبي لي ارجع اشوف واتأكد :دايخ:
فجرر ياحركه انتي وشوله تاخذين مبزرة معتس

وين جراح عنتس يوريتس الشغل، أجل ما تدرين كم الحساب! :fear2:

[فجر]

كنون
ماخذة المبزرة يوسعون صدري وصدورهم ما احب اروح بلحالي لاي مكان
لازم معي احد لوهم طحارير

[فجر]

جود

:2_11:
تستاهلين كل زين مشرفتنا ولو عندي زود ماقصرت
ياما سوينا بروفات من يوم يولدون لحد مايصيرون اطول مني وانا ماغير شغالة بالبرفات :happy0129:
الا وشي بطاقة الاكتساب ماعندي شي ولا عمري سمعت فيها ياحسافة الهدايا الي طارت

[فجر]

نونا

تراهم يسالون عنك ذاك اليوم يقولون وين نونا ماراحت معنا :wink0st:

[رايقة]

فجر تعالي هنااا:روز2:


http://www.iktissab.com/participants_ar.aspx