طريقه مظبوطه لمحشي الكرمب

[ميـــــان]

السلام عليكم ورحمة الله وبركاته

كلمه ورد غطاه خخخخخخخ



عندي كميه من الكرمب وودي اسوي به محشي بس ماعمري

جربت اصلحه

اللي عندها طريقه مظبوطه ومجربه لاني ابسويه واباخذه معي لوحده مابي اتوهق

[أنثى الجنون]

هلا وعليكم السلام ورحمة الله وبركاته

و ردي أنه مامنه فايده :2_11:

دشيت أحسبه مطبوخ أثاريج تبين الطريقه :blushing: ما أعرف إلا أكل

إن شاءالله يجونك الخبيرات ماشاءالله عليهن سنعات ربعاتي :exactly:

موفقه ميــان بالحشي بس لاتنسين تراني أبي أروح وياج :2_11:





:::::::::::::::::::::::::::::::::::::::::::::::::::::::::::::::::

[كنون!]

.

وعليكم السلام ورحمة الله وبركاته

احس مايبي له طريقه
اهم شي الحشوه
وهو زي ورق العنب
<<ايقاله جابت شي جديد :blushing:

[كلورا]

هلا ميان

شوفي مااعرف الطريقه بالضبط بس انه يحط بمويه مغليه الورق عشان يكون لين شوي

عاد بالضبط مادري والله ماعمري سويته بس اهلي يسوونه

اذا انتي مو مستعجله بسألك بكره امي والااختي واجيب لك الطريقه :روز2:

[أشجان]

وعليكم السلام ميان

حنا نسوي مثل ورق العنب :دايخ:
وحتى بطبخه ما ياخذ وقت مثل ورق العنب

[الوردي]

هلا اختي ميان
اولاً خوذيه وغسليه وفتحيه وحطيه بقدر بماء لحد مايغلي
ويصير الورق تقدرين تتحكمين فيه وتلفينه

والحشوة :
مثل ماتحبين وماتختلف عن حشوة ورق العنب

وصفيه في قدر مثل صف ورق العنب واطبخيه
وتقريباً يجلس ساعتين على نار هادئة
ولاتنسين الليمون وزيت الزيتون
أتمنى اكون افدتكم

[ميـــــان]

كلكم يعني ماجربتوه

انا المشكله الطرق اللي من النت يلفونه عادي اطرافه مو مقفله اخاف يطلع الرز وتتفتح

[تميمية]

بالضبط مثل ورق العنب

وترا انا اقفل اطرافه .. الفها على جوا شوي همن اكمل لفي

زي ورق العنب احس صعبه اتركه مفتوح بتتناثر الحشوة :blink1:

[ميـــــان]

حشيته اليوم

جمعت حشوه ن هنا وهناك

حطيت لحم مفروم ورز وشبت وبقدونس وكزبره وبهارات وملح وماجي وحشيته من دون لاالفه اطرافه

عاد ان شاء الله لاطبخته بكرا اوريكم النتيجه

[سنكرسه]

احسبووه فيه طريقة الكرومب انبسطت ..

والله ماعرف له ..
اذا تعلمت له علمتس<<منااك

[شمـ بريدة ـوخ]

طريقته سهله ماتبي شي
فيه طريقه اسهل من تفتيح الورق ثم حطهن بالماء

وهي انتس تقلبين الملفوفه يعني تصير القاعده فوق ثم تجيبين سكينه وتقطعين كل اللي على اطراف القاعه وتعمقينه ثم تغرسين السكينه بالقاعده وتحطينه بالدر بتبداء تتفكك الاوراق بكل سهوله ثم اذا تغير لونه طلعيه\

الحشوة
رز مصري منقع عشر دقايق تخلطين معه بصل مقطع صغار مره و طماط وتحطين شبتاو بقدونس وبهارات وماجي ثوم
انا مااحب اللحم بالكرمب يخرب الطعم
ثم حطي بقاع القدر شرائح بصل ثم صفي الملفوف بس صف الملفوف يختلف عن ورق العنب
الملفوف تسدحينه وورق العنب توقفينه

.

[Samaa]

هلا بك ميان ..

بالنسبة لمحشي الملفوف ..

أول شي نقعي رز مصري و يفضل تحطينه في ماي دافي رايح للحرارة و خليه على جنب

و بعدين في قدر حمسي بصل لين يحمر بس شوي و ضيفي عليه طماطم لين يذوب و بعدها صلصة طماطم و ملح و فلفل أسود
صفي الرز من الماي و ضيفيه ع الكشنة و حركيها زين و خليها تستوي نصف سوا و بالأخير حطي كزبرة و بقدونس و شبت و يفضل إنك تكثرين منهم لأنهم هم اللي يعطون نكهة للمحشي

حطي ع النار قدر كبير فيه ماي مغلي بكمية كبيرة

بعد كذا جيبي الملفوفة و سكين كبير حاد و شيلي الراس بمقطع طولي للداخل
يعني الناتج بالأخير بيصير حفرة مربعة حطيها في القدر مع حبوب كمون لأن الملفوف يسوي نفخة للبطن

عاد هي من نفسها تبدأ تتفكك و كل ما تفتح شيلي اللي ينفتحون و حطيهم بصفاية على جنب لين تخلصين الكمية كلها

بعدين نبدأ الحشو نجيب ورقة الملفوف و نشيل الغصن السميك اللي فيه و بعدها حطي كمية من الرز و لفيها عادي و خلي الأطراف مفتوحة لأنها تقفل من نفيها وقت الطبخ
لا تنسين تخلين خطوط العروق بالعرض عشان يسهل عليك موضوع لف الورقة

حطي اللي تحشينة في قدر في قاعة العروق السميكة أو شرايح بطاطس

بعد ما تحشين الكمية كلها و تبدأين بالطبخ حطي ماي مغلي اللي يغطي المحشي و ضيفي ملح و ماجي و زيت ذرة + شوية زيت زيتون

بالبداية خلي النار عالية لين يبدأ الماي يغلي و بعدها خففي النار لين يستوي الملفوف أو لين يخلص الماي كله ..

و بالهنا و العافية :)

هذي طريقتي في المحشي جربيها و بتدعين لي ..

[صِبا]

ماقصروا البنات ..
ماقد جربت اسويه صراحه ..
موفقه ياقلبي

[ربى !]

شوكرن للجميع :happy0039:

[إحساس طفلة]

:دايخ::دايخ::دايخ:
لو يقطعونن قطعه قطعه ماسويته ..
كثر الله خيري اذا لفيت سنبوسه وبرمضان بعد.. واحس اني سويت انجاز ..:happy0039:

ماقصروا البنات ..الله يعطيهم العافية ..
وننتظر صورك ..:دايخ:

[لووك جديد]

اشتهيته :ohno:

[الصمت]

ما شاء الله

البنات كفوا ووفوا