الطباخ ييزيه البواخ

[سحلن]

بسم الله الرحمن الرحيم





مدخل : يقولون الطباخ ييزيه البواخ

مطلع : يقولون أهل الكشتات والروحات والجيات لامنك بغيت طبخك يجوز لخوياك خله شوي على قول من قال : زينته بشويه





مساكم الله بالرضى والعافية
اليوم أبتطفل عليكم وأتخذ زي الطباخين وما أنا منهم
لكن عندي استفسار بسيط على قولت الشاعر :
اسأل مجرب لا تسل الإطابيب ................ حيث المجرب فاهمن كل جابه


أنا الحمد لله بالطبخ على درجة وسط لم أبلغ مبلغ المتميزين ولم أنحط إنحطاط المنحطين
بس عندي مشكلة إني لاطبخت رز يصير عبيط شوي ما يصير كل حبة لحاله (نثريه على قولتهم)
أبيكم تعلمونن وشلون يصير نثري وعليكم عهد من أحجز لكم الحكاكة



دمتم بود :pinkrose:

[ذكرى]

كثر الزيت ..
او لانش الرز اقطع زبده قطع صغيره وحطه على سطح الرز ..
ولاتكثر مويه :CD

[F o F a]

مدخل : يقولون الطباخ ييزيه البواخ

مطلع : يقولون أهل الكشتات والروحات والجيات لامنك بغيت طبخك يجوز لخوياك خله شوي على قول من قال : زينته بشويه

أول مره أشوف مخرج أو "مطلع ككك " فـ بدآية الموضوع :CD

[لووك جديد]

شف الرز يبي له فنان :exactly:

الرز يختلف بانواعه

بعض الرز مايبي مويه كثيره وبعضه لا لازم تكثر الماء <<على حسب قدم الرز

انت لاتكثر الماء عليه خليه يغطي الرز شوي واذا بدا ينشف جرب حبته اذا قاسيه قوة معناه زود الماء بعد شوي

اهم شي لاتكثر الماء اذا تبيه نثري وحط زيت او زبده

[لووك جديد]

الطباخ ييزيه البواخ


كلورا وش معنى البواخ :2_11: !!!!

[باسمهـ]

:blink1:مارن علي السؤال اليوم
طيب والبهارات ماعندك سؤال عنهن <<<تبي تتأكد
شف ياخيي اهم شي الماء لا يصير كثير يعنى يالله يالله يغطي الرز اذا كنت مربصهـ من قبل

[سحلن]

كثر الزيت ..
او لانش الرز اقطع زبده قطع صغيره وحطه على سطح الرز ..
ولاتكثر مويه :CD


أنا أحط زبدة بعض النوبات بس أحطه مع اللحمه أول ما أشب عليه
لكن الزيت ما عمري حطيته
يعني تحرينه منه

[سحلن]

أول مره أشوف مخرج أو "مطلع ككك " فـ بدآية الموضوع :CD


عادي تصير عند أكبر العوايل
أنا أعرف ناس أبوهم إمام مسجد وصارت عندهم :CD

[سنكرسه]

مثل اخووي دايم رزه منعبط <<عند اخوياه طبعن
ويقول لامي لمنتس بتصلحين الغداء كبسه قولي لي ابشووف ..<<الله من العجز مافكرر يشووف ..

المهم ..
الرز اذا نقع اكثر من نص ساعه لاتكثر الماء فيه .. واذا كان مانقع يبي له ماء ..
وع قولة لووك لاتكثر الماء واذا الحبه مالانت زووده ماء قبل لاينشف مرره ..

او اذا حطيت الرز حط ملعقه بالوسط اذا طااحت فالماء كثير او قليل .. واذا ماطاحت فالماء متزن ..

ولا تنسى نبي تقرير عن رزك..:3asho:

[ذكرى]

أنا أحط زبدة بعض النوبات بس أحطه مع اللحمه أول ما أشب عليه
لكن الزيت ما عمري حطيته
يعني تحرينه منه

لا اذا فيه لحم وشحم ماله لزمه الزيت ..
اجل لاتكثر المويه لان اللحمه تطلع مويه ترى

[سحلن]

شف الرز يبي له فنان :exactly:

الرز يختلف بانواعه

بعض الرز مايبي مويه كثيره وبعضه لا لازم تكثر الماء <<على حسب قدم الرز

انت لاتكثر الماء عليه خليه يغطي الرز شوي واذا بدا ينشف جرب حبته اذا قاسيه قوة معناه زود الماء بعد شوي

اهم شي لاتكثر الماء اذا تبيه نثري وحط زيت او زبده


حنا نستخدم رز أبو كاس أو الشعلان ولا نشري إلا أقدم شئ
لكن المشكلة إذا شويت الماء صار حب
أو يزين تحتيه وفوقيه يصير حب
الله العالم إنه تبي تصفي على الرومنسي :CD

[ذكرى]

حنا نستخدم رز أبو كاس أو الشعلان ولا نشري إلا أقدم شئ
لكن المشكلة إذا شويت الماء صار حب
أو يزين تحتيه وفوقيه يصير حب
الله العالم إنه تبي تصفي على الرومنسي :CD


لا اطبخه على نار هاديه جدا عشان مايحرق تحت واللي فوق ماستوى ..

[سحلن]

:blink1:مارن علي السؤال اليوم
طيب والبهارات ماعندك سؤال عنهن <<<تبي تتأكد
شف ياخيي اهم شي الماء لا يصير كثير يعنى يالله يالله يغطي الرز اذا كنت مربصهـ من قبل



بالنسبة للبهارات أمي الله يسلمه متسفيتن إياوه تحطه لي بالعزبه
لكن تراي منب أربص الرز أغسله همن أكبه على طول
قالي واحد من أهل الصنعه لاربصته شرب من ماء التربيص ولا يشرب من ماء الطبخ
ويقول إن عاقبته شينه على البطن

[لووك جديد]

حنا نستخدم رز أبو كاس أو الشعلان ولا نشري إلا أقدم شئ
لكن المشكلة إذا شويت الماء صار حب
أو يزين تحتيه وفوقيه يصير حب
الله العالم إنه تبي تصفي على الرومنسي :CD

طيب انت قبل لاينشف الرز بشوي قلب الرز بالملاس :yelbiggrin:

شكلك تحط الرز والماء ولاتشوفه الا لخلص !!!:blink1:

لازم اوقف عنده لن اضبط حبته وطعمه قبل ينشف وبعدين اقصر النار واخليه :exactly:

[ذكرى]

^
لوك هم تلقينهم يعفسون كلش بالكاتم ويكبسونه ولايفتحونه الا لا نضج :yelbiggrin:

[سحلن]

مثل اخووي دايم رزه منعبط <<عند اخوياه طبعن
ويقول لامي لمنتس بتصلحين الغداء كبسه قولي لي ابشووف ..<<الله من العجز مافكرر يشووف ..

المهم ..
الرز اذا نقع اكثر من نص ساعه لاتكثر الماء فيه .. واذا كان مانقع يبي له ماء ..
وع قولة لووك لاتكثر الماء واذا الحبه مالانت زووده ماء قبل لاينشف مرره ..

او اذا حطيت الرز حط ملعقه بالوسط اذا طااحت فالماء كثير او قليل .. واذا ماطاحت فالماء متزن ..

ولا تنسى نبي تقرير عن رزك..:3asho:


والله سالفة الملعقة اول مره أسمع به لكن أغدين أجربه وإن ما نفعت تراي أبجزر شوشتس :CD



بالنسبة للتقرير ما أقدر أسويه لأني ما أقدر أصوره ياكلونه قبل أنتسبه :o

[لووك جديد]

وحنا نشرح من الصبح واخرته كاتم كتم الله راس العدو :blink1:

[سحلن]

طيب انت قبل لاينشف الرز بشوي قلب الرز بالملاس :yelbiggrin:

شكلك تحط الرز والماء ولاتشوفه الا لخلص !!!:blink1:

لازم اوقف عنده لن اضبط حبته وطعمه قبل ينشف وبعدين اقصر النار واخليه :exactly:




يقولون القواله إن اللي يفتش التسدر كل شوي مهب ستاد
لكن انا تراي أطبخ بكاتم أصكه والوعد الإنتساب
وإن ما طبخت بكاتم أشب عليه وأروح ألعب كورة وبعض المرات أصير حارس همن لو أطلع جاء علينا هدف يعني مشكلة

[ميـــــان]

انا الله عشت 5 سنين وانا مااعرف اضبط الرز كل يوم شكل ولون

الا يوم علمتني بنت الشحيه الطريقه كسبت اجري ومن يومه انا رزي لايعلى عليه

اهم شي اذا تبيه تثري كثر الزيت

واذا كبيت الرز لازم مويته تكون حاره تغلي وتكون على قد الرز يعني اكثر من الرز قدر انمله خخخخخخخ

المهم طول عليه النار وطبق القدر لك خمس دقايق بعده قصر عليه وخله على راحته اهم شي واهم نقطه لاتفتش القدر كل شوي

هذا اللي يخرب الرز على كلا م بن الحيه اول انا كل شوي افتش واحوق

خله على النار نص ساعه ا يمكن اقل على حسب الرز

ولطه بالهنا العافيه

[ميـــــان]

هذا اللي يخرب الرز على كلا م بن الحيه اول انا كل شوي افتش واحوق



معليش غلطه مطبعيه خخخخخخخخخخخخ

[سحلن]

^
لوك هم تلقينهم يعفسون كلش بالكاتم ويكبسونه ولايفتحونه الا لا نضج :yelbiggrin:


تصدقين تسد سويته
حطيت كل شئ وضبت مقاس الماء والملح وكتمته ولا فتحته إلا أنتسبه وطلع إنما إيه :exactly:
بس الطريقه ذي ما تصلح إلا بالكاتم

[ميـــــان]

ترا الطريقه اللي قلت لك تصلح بالكاتم بس خل المويه اقل يعني تشوف حبات الرز زين

المويه تكون زياده شوي واذا سكرته لابدى يصفر انتظر شوي دقيقتين وقصرله بعد ربع الى ثلث ساعه انكب

[سحلن]

وحنا نشرح من الصبح واخرته كاتم كتم الله راس العدو :blink1:


وأجل بقدور
حنا القدور فاهقينهن على جنب يطقن بهن الحريم بالعروس
ومباركين عرس الإثنين :CD

[سحلن]

انا الله عشت 5 سنين وانا مااعرف اضبط الرز كل يوم شكل ولون

الا يوم علمتني بنت الشحيه الطريقه كسبت اجري ومن يومه انا رزي لايعلى عليه

اهم شي اذا تبيه تثري كثر الزيت

واذا كبيت الرز لازم مويته تكون حاره تغلي وتكون على قد الرز يعني اكثر من الرز قدر انمله خخخخخخخ

المهم طول عليه النار وطبق القدر لك خمس دقايق بعده قصر عليه وخله على راحته اهم شي واهم نقطه لاتفتش القدر كل شوي

هذا اللي يخرب الرز على كلا م بن الحيه اول انا كل شوي افتش واحوق

خله على النار نص ساعه ا يمكن اقل على حسب الرز

ولطه بالهنا العافيه


يعني تأيدين كلامي إن اللي كل شوي يفتش القدر مب ستاد

[ميـــــان]

8
8
8

اكيد موب استاد من خلال خبرتي بالفتش كل شوي

[هيكارو]

الصنقر

شف وانا اختك

ابعطيك طريقه الطباخين الكشاته اللي لا يعلى عليهم:love0090:

وابتدي من طقطق الى سلام علااكم:CD

اول شي اذاا كانه لحم

حطه بالكاتم ربع ساعه امن وطف عليه بحيث مايكون منهري ولا جاسي

فص كبير بصل منعم

كشنه بزيت ملاا نص فنجال قهوه ووسط النار عليه ليمااا يتشقر ويصير كله اشقر طبعا مع التقليب
<<سر الطعم الزين بتكشين البصل زين

امن كب الطماط والحبحر والدارسين وليمون اسود وحبتين هيل وحبتين مسمار <<على حسب الطلب

وملح مهب تخلي الملح لا تكشن الطماط غلط قبلهه على طول حطه

ولا شفته انهرى الطماط كب عليه مرقه اللحم

وخله يينبر بس شوي امن حط اللحم عليه وخله على نار متوسطه

وقبل كذاا منقع الرز ساعه

علشان تعرف مقياس الماء مضبووط خذ هالطريقه

اذاانت منقعن الرز بساعه فما يبيله ماء كثير بس المقدار يكون على نفس مستوى سطح الرز بالقدر

فقط يرتفع عنه قدر ١ سانتي

واذاانت مانقعته اغرقه بالماء مقدار ٣ سانتي عن مستوى الزر بالقدر

شغله مطلوبه

خل شوي ينبر وذا بداا يتشرب الماء وحبات الرز بدت تظهر لك ليماا تحس ان الماء اسفل مره وبدا ينشنش

هنا قصر عليه مره وغطه ورح وخله بعد ربع بالكثير نص ساعه انتسبه بالهناء والعافيه


اذا فيه اي سؤال حنا حاظريين:love0090:

[هيكارو]

نسيت شغله

غلط غلط تحوق الرز بس ياع ماتحطه حركه بس علشان يتجانس مع المرق وغطه

لا تقعد كل شوي تحرك به يتكسر وينهلص

[هيكارو]

عمى يعمي العدوو

من اليوم تبي كاتم

ماعندي مااحب اتعامل معه الا باللحم اسلقه به

[سحلن]

الصنقر

شف وانا اختك

ابعطيك طريقه الطباخين الكشاته اللي لا يعلى عليهم:love0090:

وابتدي من طقطق الى سلام علااكم:CD

اول شي اذاا كانه لحم

حطه بالكاتم ربع ساعه امن وطف عليه بحيث مايكون منهري ولا جاسي

فص كبير بصل منعم

كشنه بزيت ملاا نص فنجال قهوه ووسط النار عليه ليمااا يتشقر ويصير كله اشقر طبعا مع التقليب
<<سر الطعم الزين بتكشين البصل زين

امن كب الطماط والحبحر والدارسين وليمون اسود وحبتين هيل وحبتين مسمار <<على حسب الطلب

وملح مهب تخلي الملح لا تكشن الطماط غلط قبلهه على طول حطه

ولا شفته انهرى الطماط كب عليه مرقه اللحم

وخله يينبر بس شوي امن حط اللحم عليه وخله على نار متوسطه

وقبل كذاا منقع الرز ساعه

علشان تعرف مقياس الماء مضبووط خذ هالطريقه

اذاانت منقعن الرز بساعه فما يبيله ماء كثير بس المقدار يكون على نفس مستوى سطح الرز بالقدر

فقط يرتفع عنه قدر ١ سانتي

واذاانت مانقعته اغرقه بالماء مقدار ٣ سانتي عن مستوى الزر بالقدر

شغله مطلوبه

خل شوي ينبر وذا بداا يتشرب الماء وحبات الرز بدت تظهر لك ليماا تحس ان الماء اسفل مره وبدا ينشنش

هنا قصر عليه مره وغطه ورح وخله بعد ربع بالكثير نص ساعه انتسبه بالهناء والعافيه


اذا فيه اي سؤال حنا حاظريين:love0090:


هذي الطريقه تبي ناس متقدمين في عالم الطبخ
حنا شلشله وعسانا
لكن تراي منب أربص الرز ولا دقيقه
أغسله همن أكبه على طول وبعض المرات بدون غسل من الخيشه عدال
ليتس تسمعين أبوي لابدا يهوش عند تربيص الرز
بتله شيل وحط هو وأهلي :CD

[نوني..]

عادي واذا انهرس الرز لا تهتم ولا تحتار
اقلبه سليق :CD

لا عاد الصدز كان أسدح معلوماتي بس كلهن قالوهن الله يجزاهم خير :p

[نوني..]

أغسله همن أكبه على طول وبعض المرات بدون غسل من الخيشه عدال


يا سلام رز بطعم القمل :sick0012:

[كلورا]

لوك مااعرف :blink1:

وبعد الكلمه الثانيه ماعرفتها بس الاولى اعرفها :2_11:


الصنقر

اقولك شي نفس معاناتي :cryg:

لازم الرز اللي اسويه يطلع هيكا كأنه عصيده :blink1:

بس ماعليه نكبر ونتعلم :2_11:

[لووك جديد]

8
8
ييزيه = يسده او يكفيه

البواخ = بُخار الطبخ المتصاعد من القدر :2_11:

يعني الطباخ يكفيه بُخار الاكل ومهب لازم ياكل :dribble:

[تميمية]

الصنقر ترا طريقة الملعقة بالمويه فعلاً ممتازه

ويكفي الرز تغسله مرتين وتكبه عادي مهب لازم تنقيع

[رؤوف الغطريفي]

اسمع وانا اخوك الطبيخ نفس .. يعني لو تجلس تتعلم من هنا لللصبح
انت هو انت !!

بس ابقولك سالفة الكاتم بعد ربع او ثلث ساعة من طبخ اللحم ( دجاج)
حط الرز ولازم تنقعه وخل تعليمات ابوك على جنب :yelbiggrin: ترا واضح
ان بلاك تعليمات ابوك الله يجزاه خير

على قولة هيكارو الماء فوق الرز سم ا او اقل
وشب عليه النار سبع دقايق بس
وبعدين قصر النار سبع دقايق ثانية

وانتسب 00 الله ينتسب العدو

ولاتنسانا من دعوة في جوف الليل
:yelbiggrin:

[ذكرى]

مافهمت وشلون طريقه الملعقه ؟
فهموني حبه حبه :happy0129:

[لووك جديد]

8
8
تعالي اشرحه لتس << تسني معلمه ماغير اشرح للعالم :2_11:

بتله اسويه هالحركه

لاكبيتي الرز جيبي الملعقه ودخليه بنص القدر خليه على طوله كانتس بتحركين الرز بس وقفيه بالنص بالضبط

وشوفي اذا بتلت ولاطاحت معناه مقاس الماء مضبوط:exactly:

هذا اللي اعرفه :blushing:

[ذكرى]

آها :blink1:
طيب حتى توقف الملعقه ؟
عندي انه ماراح توقف ؟

[سنكرسه]

طريقة الملعقه ..

اذا حطيتي الرز .. وانتي شاكه بالماء مقاسه او لاا .. حطي ملعقة اكل بوسط القدر ..
اذا طاحت فالمقاست مو مزبوطه .. ياكثير ياقليل الماء ..
واذا وقفت وقفه شامخه وتقول اتحداتس تطيحينن فهذا كل شي تمام وبيطلع رزتس تمام ..

<<اشتهيت رز من زماان ماتغديت :happy0129:

[سنكرسه]

رديتوو قبلي:blink1:

[لووك جديد]

ذكرى

الا توووقف غصبن عن اللي ماوده :mad1: :blink1: :laugh8kb:

[رؤوف الغطريفي]

الصنقر ...
للحين تاكلون ابوكاس !!!!!!! والشعلان ؟؟؟

جرب باب الهند :exactly:

بس يبي تربيص وغسيل ع الخفيف على شان مايتكسر

[سنكرسه]

ذكرى

الا توووقف غصبن عن اللي ماوده :mad1: :blink1: :laugh8kb:

اخووي دايم تسذب عليه الملعقه .. توقف وهمن لاطلعه طلع معبووط ..

واكتشفنا سرره .. يطبخ بالكاتم ويحط ماء عليه الله لايبلاانا<<ماتسد صار له المووقف وتورطت :love0090:

[مــ ش ـــاعل]

قالي واحد من أهل الصنعه لاربصته شرب من ماء التربيص ولا يشرب من ماء الطبخ
ويقول إن عاقبته شينه على البطن


تراه موهقك رفيتزك ذا

تبي الحبه تصير طويله ومليانه نقعه على الأقل ساعه

أنا أنقع اذا طلع أبونا للدوام يعني 6 ونص وأكبه 12 وتطلع حبته ماشاء الله :exactly:

مثل ماقالن الطباخات لا تكثر المويه لأنها هي سر االتعبيط والتليصق


عاد ورنا طبخك النوبه الثانيه :CD

[سحلن]

اسمع وانا اخوك الطبيخ نفس .. يعني لو تجلس تتعلم من هنا لللصبح
انت هو انت !!

بس ابقولك سالفة الكاتم بعد ربع او ثلث ساعة من طبخ اللحم ( دجاج)
حط الرز ولازم تنقعه وخل تعليمات ابوك على جنب :yelbiggrin: ترا واضح
ان بلاك تعليمات ابوك الله يجزاه خير

على قولة هيكارو الماء فوق الرز سم ا او اقل
وشب عليه النار سبع دقايق بس
وبعدين قصر النار سبع دقايق ثانية

وانتسب 00 الله ينتسب العدو

ولاتنسانا من دعوة في جوف الليل
:yelbiggrin:


أبوي اكبر منك خمس مرات وتبين أترك تعليماته وأسمعك :CD



شكل التوجيهات ذي صادره من مطبخ الإستراحه
لكن شكل طبخك طبخ قرم لأنك ما تبطي بالطبخ
لاشفت الواحد ما يبطي بالطبخ إعرف إنه أفندي :exactly:




ولاتنسانا من دعوة في جوف الليل
:yelbiggrin:


أبشر والله أبو لميس
هذانا ندعي عليك الليل والنهار :CD

[سحلن]

تراه موهقك رفيتزك ذا

تبي الحبه تصير طويله ومليانه نقعه على الأقل ساعه

أنا أنقع اذا طلع أبونا للدوام يعني 6 ونص وأكبه 12 وتطلع حبته ماشاء الله :exactly:

مثل ماقالن الطباخات لا تكثر المويه لأنها هي سر االتعبيط والتليصق


عاد ورنا طبخك النوبه الثانيه :CD

أم مشعل أنا ما يهمن شكل الحبة أهم شئ على قولتهم الطعم







عاد ورنا طبخك النوبه الثانيه :CD

المره الثانية نبي نبدا بالحلا :CD

[سحلن]

لوك مااعرف :blink1:

وبعد الكلمه الثانيه ماعرفتها بس الاولى اعرفها :2_11:


الصنقر

اقولك شي نفس معاناتي :cryg:

لازم الرز اللي اسويه يطلع هيكا كأنه عصيده :blink1:

بس ماعليه نكبر ونتعلم :2_11:


هماتس تقولين أطبخ ذبايح والله ما أدري عنتس شكل حتسي الليل يمحاوه النهار :CD

[سحلن]

الصنقر ترا طريقة الملعقة بالمويه فعلاً ممتازه

ويكفي الرز تغسله مرتين وتكبه عادي مهب لازم تنقيع

أجل إصلحي مع أم مشعل ومحبس
يقولون لازم يربص الرز

[رايقة]

يا سلام رز بطعم القمل :sick0012:



هههههههههههههههههههههههه

مقلعه نوني :2_11:

قصدتس بطعم الخيشه :3_61:

[أشجان]

عاد عقب هالنصايح يالصنقر
اضبط لنا كبسه وصوره :CD

اكره اسوي الرز :ohno:
كل مره شكل

احسه يرجع لنفس الطباخ :exactly:

[التنهات]

عاد اتركوا عنكم الهرج الزايد ترا ما فيه اطعم من كبسة الرجال :exactly:منعبط ولا نثري الطعم لزيييييز لآخر حبه

سبحان الله انا ما أدري وشلون يطلع طبخهم حااانط وهم يعبستون الدنيا جميع :blink1: الصنقر عسى طبخك حانط بس ؟؟؟
وبعدين الرز اذا صار منعبط له ميزه انك تقدر تكوره كور وتصفهن في صحن وتاكله بالشوكه:2_11::2_11::2_11:

[ديار]

هذي معلومات يمكن تفيد الكل:exactly:

من أسرار طبخ الأرز



تحتفظ كل سيدة بطرق عديدة
لطبخ الأرز، وقد تكون هنالك
أسرار وخفايافي أثناء الطبخ؛ لكي
تتخلص من بعض العوائق التي تجعل
الطبق غير شهي أو غير مستساغ
ونذكر هنا بعضها:




1-


يجب أن يصل الماء إلى درجة الغليان
قبل إضافةالأرز، وبعد إضافته يترك
على نار هادئة جداً حتى ينضج
ويتشرب الماء بهدوء وبطء.




2- للتخلص من تلاصق حبات الأرز
في أثناء عمل بعض الأطباق كالكبسة
مثلاً،تنصح بعض ربات البيوت
بإضافة ملعقة أو ملعقتين من زيت
الطبخ بعدجفاف الأرز وقبل تمام
نضجه،وتكون الإضافة فوق طبقة
الأرز إذا نشف الماء تحت طبقاته.

3- الكمية المناسبة من الماء
لتحضير أرز ناضج متماسك
غير متلاصق
وغير ذائب هو أن يرتفع السطح
العلوي للماء 4 سنتمترات
(نصف الإصبع تقريباً) عن سطح
الأرزبعد إضافته إلى أناء الطبخ
( أي يغمر الأرز بالماء غمراً) .



ولقياس مدى مناسبة كمية
الماء المضاف لكمية الأرز
تقوم بعض السيدات بغرس ملعقة
أكل في منتصف القدر بعد
إضافة الأرز إلى الماءفإذا سقطت
الملعقة فإن ذلك يعنى أن الماء أكثر
من اللازم وإذا لم تسقط فإن كمية
الماء متناسبةمع كمية الأرز.


4- لعمل رز نثري- أي حبيبات
مفصولة -يجب تقليل
الماء إلى أدنى درجة ومن ثم يترك
على نار هادئة جداًلفترة أطول.


تضاف البهارات والملح والنكهات
إلى الماء المغلي قبل إضافة الأرز.


- عند إضافة أي مادة إلى
الأرز كالبهارات والنكهات
والملح يجب أنتضاف هذه
المواد إلى الماء قبل إضافة الأرز
،ثم تترك لتغلي مع الماء، ثم
يضاف الأرز . وعند الاضطرار
إلى إضافة الملح مثلاً ـبعد أن يبدأ
الأرزبالتشرب ـيجب أن يضاف
الملح إلى نصف كأس من الماء
ثم يذاب جيداً ويوزع على سطح
الإناء بالتساوي ،لأنه إذا أضيفت
أي مادة بعد إضافة الأرز وبعد بدء
التشرب فإنه يفقد تماسكه ويفقد
بعض خصائصة الشهية،
ولذلك فإن إذابة المادةالمراد إضافتها
في الماء قبل
الإضافة يضمن توزيعها بالتساوي
دون تحريك الأرز.


حبة البطاطا تعيد النكهة للأرز المحترق:


6- عندماتنسى ربة المنزل الإناء
على الموقد فترة أطول تبدأ
الطبقة السفلى في
الاحتراق،وعندها تنتشر رائحة
الاحتراق في جميع الإناء ممايفقد الأرز رائحته
الشهية وطعمه اللذيذ.

لذلك ينصح بنقل محتويات الإناء
من الأرز كاملة إلىإناء آخر بسرعة
وترك الطبقة السفلى المحترقة
،أو توضع حبة بطاطس كاملة
ومقشرة داخل طبقات الأرز
،وإذا كان الإناء كبيراً يتم
غمس أكثر من حبةبطاطس
كاملة ومقشرة .





اتمنى لكم الاستفادة من هذه المعلومات

[ديار]

عند ( تنقيع الرز) بالماء
قومي بقطع برتقالة نصفين وغمسها بالارز

اثناء فترة التنقيع يتحول الرز الى لون ابيض
ناصع :yes211:

[كنون!]

لا تكثر المويه ولا تخليه يطول ع النار
اول شي خله ع نار وسط واذا شفته ينبرر قصر عليه وحط زبدة
.
للعقود حط حبحر وماجي ابيض يطلع شي :o

[أنثى الجنون]

بسم الله الرحمن الرحيم


وصباحك رضا من رب العباد

حتى أنه يزتني الأفكار إللي حصلتها من هالموضوع :blushing: حتى لو ماأذوق طبخك

ماقصروا الكل أدلوا بدلوه ..

إن شاءالله يضبط وياك خيو :exactly: ..

[سحلن]

عاد عقب هالنصايح يالصنقر
اضبط لنا كبسه وصوره :CD




لا ما ودي أحوم بتسبدكم :CD

[سحلن]

عاد اتركوا عنكم الهرج الزايد ترا ما فيه اطعم من كبسة الرجال :exactly:منعبط ولا نثري الطعم لزيييييز لآخر حبه




هذا الكلام :exactly:




سبحان الله انا ما أدري وشلون يطلع طبخهم حااانط وهم يعبستون الدنيا جميع :blink1: الصنقر عسى طبخك حانط بس ؟؟؟



هذا سر المهنة ما اقدر أبوح به (صورة واحد مستاجر بشت ساعتين ويرقى مع درج المحكمه عنده مراجعه) :CD

[سحلن]

هذي معلومات يمكن تفيد الكل:exactly:

من أسرار طبخ الأرز




تحتفظ كل سيدة بطرق عديدة

لطبخ الأرز، وقد تكون هنالك
أسرار وخفايافي أثناء الطبخ؛ لكي
تتخلص من بعض العوائق التي تجعل
الطبق غير شهي أو غير مستساغ
ونذكر هنا بعضها:





1-




يجب أن يصل الماء إلى درجة الغليان

قبل إضافةالأرز، وبعد إضافته يترك
على نار هادئة جداً حتى ينضج
ويتشرب الماء بهدوء وبطء.





2- للتخلص من تلاصق حبات الأرز

في أثناء عمل بعض الأطباق كالكبسة
مثلاً،تنصح بعض ربات البيوت
بإضافة ملعقة أو ملعقتين من زيت
الطبخ بعدجفاف الأرز وقبل تمام
نضجه،وتكون الإضافة فوق طبقة
الأرز إذا نشف الماء تحت طبقاته.


3- الكمية المناسبة من الماء

لتحضير أرز ناضج متماسك
غير متلاصق
وغير ذائب هو أن يرتفع السطح
العلوي للماء 4 سنتمترات
(نصف الإصبع تقريباً) عن سطح
الأرزبعد إضافته إلى أناء الطبخ
( أي يغمر الأرز بالماء غمراً) .




ولقياس مدى مناسبة كمية

الماء المضاف لكمية الأرز
تقوم بعض السيدات بغرس ملعقة
أكل في منتصف القدر بعد
إضافة الأرز إلى الماءفإذا سقطت
الملعقة فإن ذلك يعنى أن الماء أكثر
من اللازم وإذا لم تسقط فإن كمية
الماء متناسبةمع كمية الأرز.



4- لعمل رز نثري- أي حبيبات

مفصولة -يجب تقليل
الماء إلى أدنى درجة ومن ثم يترك
على نار هادئة جداًلفترة أطول.



تضاف البهارات والملح والنكهات

إلى الماء المغلي قبل إضافة الأرز.



- عند إضافة أي مادة إلى

الأرز كالبهارات والنكهات
والملح يجب أنتضاف هذه
المواد إلى الماء قبل إضافة الأرز
،ثم تترك لتغلي مع الماء، ثم
يضاف الأرز . وعند الاضطرار
إلى إضافة الملح مثلاً ـبعد أن يبدأ
الأرزبالتشرب ـيجب أن يضاف
الملح إلى نصف كأس من الماء
ثم يذاب جيداً ويوزع على سطح
الإناء بالتساوي ،لأنه إذا أضيفت
أي مادة بعد إضافة الأرز وبعد بدء
التشرب فإنه يفقد تماسكه ويفقد
بعض خصائصة الشهية،
ولذلك فإن إذابة المادةالمراد إضافتها
في الماء قبل
الإضافة يضمن توزيعها بالتساوي
دون تحريك الأرز.



حبة البطاطا تعيد النكهة للأرز المحترق:




6- عندماتنسى ربة المنزل الإناء

على الموقد فترة أطول تبدأ
الطبقة السفلى في
الاحتراق،وعندها تنتشر رائحة
الاحتراق في جميع الإناء ممايفقد الأرز رائحته
الشهية وطعمه اللذيذ.


لذلك ينصح بنقل محتويات الإناء

من الأرز كاملة إلىإناء آخر بسرعة
وترك الطبقة السفلى المحترقة
،أو توضع حبة بطاطس كاملة
ومقشرة داخل طبقات الأرز
،وإذا كان الإناء كبيراً يتم
غمس أكثر من حبةبطاطس
كاملة ومقشرة .






اتمنى لكم الاستفادة من هذه المعلومات








هذي الوصفة على ما قال الكافية الشافية
وبالنسبة للحراق نعاني منه إذا كان الدافور ما ينقصر أو عجاج إذا قصرته طفى وإذا زدته حرق العيش

[سحلن]

لا تكثر المويه ولا تخليه يطول ع النار
اول شي خله ع نار وسط واذا شفته ينبرر قصر عليه وحط زبدة
.
للعقود حط حبحر وماجي ابيض يطلع شي :o


وشن العقود ؟ :blink1:

[كنون!]

اسال امك عن العقود:CD << لا يصير تتن همن توهقينوة :2_11:

[سحلن]

اسال امك عن العقود:CD << لا يصير تتن همن توهقينوة :2_11:


لا والله منب ناشده
سمعتي زينه عند أمي :love0090:


مره بحدي الأسواق معي أمي جيت لمه وأثره تسلب بقواطي
يوم جيت لمه قالت وشو ذا وانا أمك
تدرون وش طلع
0
0
0
0
0
00
0
0
0
0
0
0

0
0
0
0
0
0
0
0
0
0
0
معسل :fear:

[الوردي]

الرز له عدة انواع
اذا كان ارز مزة عليك تغسلة وتخليه بالماء لمدة نص ساعة بالقليل لين تصير الحبة بيضاء
وإذا كان بيشاور اغسله وخله بالماء ربع ساعة
وافضل شي من الرز لاصار قديم

وبعدين لاكبيته بالقدر خل الموية تقريباً ارفع من الرز 1سم لأنه بقدر كتم مايحاج موية كثير
اما اذا كان بقدر عادي يكون الماء اعلى ب2سم
وكل نوعية رز تختلف عن غيرها لكن هذا اقرب شي
ولازم يكون فيه زيت
والزيت حسب كمية الرز ونوعة
يعني المزة ماتشرب زيت
والبيشاور يحتاج زيت اكثر

وأول ماتكب الرز تكون الموية تغلي والنار عالية وبعد ماتشوف الموية اختفت يعني بعد 7 دقايق
اقصر على النار
وإن شاء اكون افدتك
وعذراً على الإطالة

تراي خبيرة بالرز ولي باااااع معه

[كنون!]

هههههههههههههههههههههههههههههه
الصنقر اجل تحب الكسرات وامك معه معسل
الله لا يفضح لنا سرر :CD
.

العقود هوو الماء والملح لا ضبطته قبل ما تكب الرز
او مرق او مطاطيز هذا يسمى عقود
:rolleyes1:

[كلورا]

8
8
ييزيه = يسده او يكفيه

البواخ = بُخار الطبخ المتصاعد من القدر :2_11:

يعني الطباخ يكفيه بُخار الاكل ومهب لازم ياكل :dribble:



طلاسم هذي :2_11:

بالله من وين جت هالتسميات :2_11:

هماتس تقولين أطبخ ذبايح والله ما أدري عنتس شكل حتسي الليل يمحاوه النهار :CD

وانت مصدقني . ماعندك سالفه اجل :2_11: