المساعد الشخصي الرقمي

مشاهدة النسخة كاملة : وحده منغثه

طنش تعش تنتعش
15-04-2009, 09:04 AM
ودي اسالكن ياحريم ابشوف انتن مثلي

الحين اذا تزينت لرجلي مايقولي شي مثلا وش هالزين ولا تسلمين ... الخ



واذا شافن متزينه وانا باطلع يعني معزومه

يبدا يتشره ايه ازين للناس ولا انا الله يخلف

ماغير يغثن ولا بعض الايام اصير ابروح لاهلي والبس تنوره وبلوزه من دون مكياج
تعرفن روحت الاهل الله يخليهم لنا ماتبيله قطعت قلب

يتشره بعد وه بس اتهاوش انا وياه
علمنن انتن مثلي ولا العيب بي انا يعني هو طبع بهم







عسى الله يسخرهم لنا
ذكرى
15-04-2009, 09:09 AM
عادي وسعي صدرتس ..
هذا العرس وانا اخيتس .. :o

ابدي تزيني له وروحي عنده قولي له ابو فلااان وش رايك بلبسي عشان ينتبه انتس متكشخه :love0090:
ترى بعضهم ماهناش مايميز بس انه حاط بباله اذا بتطلعين للناس تزينين ..

وخليه هو بعد يتزين لتس ..
طووول ماهو بالبيت يلبس ثوب وشماغ وعقال :CD
اجل انتي تكشخين وهو مدود بسروال السنه ؟؟؟ :sick0012:
ترى مثل ماله حق بعد انتي لتس حق .. :exactly:
عشان عقبه يحرم يقولتس تكشخي :CD
مــ ش ـــاعل
15-04-2009, 09:49 AM
واذا شافن متزينه وانا باطلع يعني معزومه

يبدا يتشره ايه ازين للناس ولا انا الله يخلف



معناتها يبيك متزينه ومرتبه

لا تهملين نفسك ولا تتزينين كأنك بتطلعين خليك وسط

أهم شي لا تكون ريحتك ريحه مطبخ وتستقبلينه بلبس المطبخ

البسي لبس هادي وأهم شي مريح لك وأبتعدي عن القمصااااااااان :5_9: ياهن غثيثات باللبس والشكل بكذا بترتاحين وهو يرتاح ومايغار من طلعاتك

موفقه يارب
طنش تعش تنتعش
15-04-2009, 06:05 PM
ياذكرى تبينه يلبس ثوب بالبيت سان يقعد يصيح
مير ان شاء الله اببدا اهوشه
مشكوره الله يوفقس
طنش تعش تنتعش
15-04-2009, 06:08 PM
والله يام مشعل منب البس قمصان عنده
بعد انا تطق سبدي اذا صرت ابتزين كل يوم
لا انا احس انه بس يبي يغثن
مشكوره اختي الله يوفقس
صمت الخواطر
15-04-2009, 09:11 PM
انا مثلك واردى وحتى اذا لبست وكشخة مايعجبه ذوقه صعب ويبيني اكشخ كل يوم واحط مكياج ثقيل:sick0012:تعبت نفسيا وكرهت الزواج :cryg:طيب صعب كذا ما اقدر وراي طبخ وتنظيف وكوي غييير طلباته مدري وش ازين
جـــــراح
15-04-2009, 09:37 PM
.

.


الخطأ يبدأ من هنا ..

المرأة كالرجل يجب أن تكون أنيقة ومرتبه ورائحتها زكيه من أجل نفسها أولاً .

إذا كنا ننطلق من شياكتنا وأناقتنا ونظافتنا لإرضاء الآخر قبل أن نشعر بوجوبه لأنفسنا فإن الوضع سيصبح مملاً لأنك تفعله بانتظار رضا أو ثناء منهم .

أتصور أن الرجل الذي يبدي إعتراضه حين تتجمل زوجته إستعداداً لإحدى مشاوير زياراتها .. معه حق إذا كان لايرى منها شياكة أو مظهراً مرتباً خلاف أوقات المناسبة .

وهو كالزوجة التي لها الحق في الإعتراض على زوجها حين لاتراه متعطراً إلا باستعداده للذهاب لمناسبة مــا .

أنت تتجملين وتتأنقين لنفسك أولاً .. حينها لن يجد الزوج فارقاً في مظهرك في أي وقت ولأي سبب .


تحياتي .
نونا!
15-04-2009, 10:36 PM
:blink1:
:blink1:
:blink1:


:sick0012:
رايقة
17-04-2009, 12:29 AM
.

.


الخطأ يبدأ من هنا ..

المرأة كالرجل يجب أن تكون أنيقة ومرتبه ورائحتها زكيه من أجل نفسها أولاً .

إذا كنا ننطلق من شياكتنا وأناقتنا ونظافتنا لإرضاء الآخر قبل أن نشعر بوجوبه لأنفسنا فإن الوضع سيصبح مملاً لأنك تفعله بانتظار رضا أو ثناء منهم .

أتصور أن الرجل الذي يبدي إعتراضه حين تتجمل زوجته إستعداداً لإحدى مشاوير زياراتها .. معه حق إذا كان لايرى منها شياكة أو مظهراً مرتباً خلاف أوقات المناسبة .

وهو كالزوجة التي لها الحق في الإعتراض على زوجها حين لاتراه متعطراً إلا باستعداده للذهاب لمناسبة مــا .

أنت تتجملين وتتأنقين لنفسك أولاً .. حينها لن يجد الزوج فارقاً في مظهرك في أي وقت ولأي سبب .


تحياتي .

أنت تتجملين وتتأنقين لنفسك أولاً .



:exactly:

:yes211:
رؤوف الغطريفي
17-04-2009, 06:26 AM
أنت تتجملين وتتأنقين لنفسك أولاً

:exactly:


دواء لمن ينفع معه الدواء
ياسر
17-04-2009, 03:24 PM
ماهنا ازين من الكلمة اللينة والطيبة
أما المناقر والصوت العالي يزيد الطين بلة
اقعدي معه جلسة رواقة وتكلموا بهدوء وابتسمي له ووصلي له وجهة نظرك بشكل ودي جدا
تجدين اللي تبين منه
كلورا
17-04-2009, 03:28 PM
:blink1:

:ohno:

<< آخذه دور نونا :CD
كنون!
18-04-2009, 12:32 AM
وانتم مصدقين :2_11:
مير جراح فرح جايبن حاصله
ههههههههههههههههههههههه

والا محبس دواء لمن لا ينفع مدري وشو
اقول خليك بالمباراة بس :CD
هههههههههههههههههههه

وتكلموا بهدوء وابتسمي له
بشكل ودي جدا
وش عنده فوزيه الدريع
ههههههههههههههههههههههههههههه
.
والله يام مشعل منب البس قمصان
اهم شي نفيله نص كم
:CD





.
اجل مكسفين بكن رجالكن :2_11::CD هههههههههههههههههههههههههه
ذكرى
18-04-2009, 12:36 AM
^

قولي اللهم لاشماته :blink1:




الحين كلكم خليتوها هي المهمله ؟؟



اي نعم اكشخ واتلبس واهتم بنفسي حتى لو ماكنت متزوجه ..
بس ما ألزم بشي انا ماابيه .. وبالمقابل الطرف الثاني مافيه اي اهتمام بشكله ولا بريحته ؟؟ :mad1:
كنون!
18-04-2009, 12:39 AM
قولي اللهم لاشماته :blink1:
اللهم لا شماته :fear:
بنت الشيحية
18-04-2009, 01:54 AM
هماتس طنش تعش تنتعش
وراتس زعله اجل :yelbiggrin:

شوفي
طبعا باالمناسبه نبالغ اكثر لأن المناسبه مهب دايم واوقاتها محدوده 5ساعات باالكثير
بعدين حتى باالمناسبه نزمل ونمل وحنا ماغير جالسين وحاطين رجل على رجل
اجل كيف وانا باالبيت ابروح اسبع والا اكوي والا اغسل والا اشوف طلبات العيال والا والا ..ألخ
قولي له كذا
الأهم انك تكونين نظيف دايم ومكياجك على وجهك مايفارقك بس خفيف طبعا ولبسك انيق
وعلى قولة ام مشعل ابعدي عن القصمان وحنا بخير :yelbiggrin: يعني ماكثر الله الا الأسواق مليانه البسه ناعمه وهاديه وانيقه والأهم تكون مريحه ممكن مثلا اذا زوجك يحب الكشخه باالحيل تخصصين يوم بالأسبوع تكشخين مررره وبكذا تكونين ارضيتيه ولاتكلفتي كل يوم

والله يستر علينا وعليكم
مدرس خصوصي
18-04-2009, 02:20 AM
8

8

بنت الشيحيه ..!!
وعلى قولة ام مشعل ابعدي عن القصمان وحنا بخير :yelbiggrin:

اذا ابعدت ما تقدر تقراء مشاركاتكم:happy0129: ..!!



طنش تعش تنتعش ..!!

كل شي تخلوونه مشكله وتجلسون تصيحووون :mad1:..!!

واعتقد الرجل مب يجي لمكم بالمطبخ او عند الغسيل ويقول تلبسوا واكشخو وتمكيجوووو :rolleyes1:..!!

الرجل يبي الكشخه بغرفة الجلووس ووقت جمعة العاائلة اللي قبل وقت النووم :rolleyes1:..!!

مب تنقلين ريحة المطبخ لكل مكان :rolleyes1:..!!

استخدمن مريلة المطبخ على شان تقلل من ريحة الزيت والبصل والثوووم :happy0129:..!!


وشكل بكرا بتجي وحده تصيح تقول ان رجلي يقولي جيبي لي ماء :5_9: ..!!
رايقة
18-04-2009, 11:46 AM
^
^
ههههههههههههههههههه

:2_11:
شمـ بريدة ـوخ
18-04-2009, 02:46 PM
8
8
عبدالرحمن
وهو وراه مايجيب لروحه يامل الكسامير :happy0129: شغالتن عند ابوه هي :happy0129: << تحارش :2_11:
.
.
.
طنش تعش تنتعش
شوفي وانا اختس الرجل غالبا كل الصبح يصير طالع للدوام ثم يجي الظهر وينام ثم يقوم العصر ويطلع عندتس كل هالوقت صيري حوسه واشتغلي ونظفي والبسي قمصان وصيري مدوده وكل ابو شي :happy0129: همن لاذن المغرب قومي وتسبحي وتزيني وزيني قهيوه واقعدي احتريه
وشوفي انتي لاتزينتي استشيريه قولي وش رايك فيني يابو فلان اليوم عسى مكياجي اعجبك عسى لبسي اعجبك لان الرجال ماعندك احد اكود احد ينبهه عشان كذا هو يكون حاط بباله انه بس بطلعات تزينين ولا انتبه انتس تزينين بالبيت <<< بس مب كل يوم تقولينله تدبلين تسبده :happy0129: بين فتره وفتره لما ترضين غروره

.
ويوم قلتي انتس لالبسي بلوزه وتنوره لاهلتس نغر
فانا اقولتس شكل رجلتس من النوع اللي يحب التيورات والحركات يعني مايعجبه لبس البيت الناعم فابدي البسي له تنانير وبلايز بس مب بلايز ام كم طويل :happy0129:
مدرس خصوصي
19-04-2009, 12:14 PM
شموووخ بريدة ..!!

عبدالرحمن
وهو وراه مايجيب لروحه يامل الكسامير :happy0129: شغالتن عند ابوه هي :happy0129: << تحارش :2_11:

اذا تكسررررر انتي اللي تبين تبلشين به :happy0129: ..!!




اعتقد اذا الزووجه ( تحب ) زوجهااا بمعنى الحب الحقيقي لو يبي الشمس كان جابته له وتحس بوناااسه وهي تنفذ طلبه :rolleyes1:..!!
أشجان
19-04-2009, 01:06 PM
^
والزوج الي يحب زوجته
ما يغثه بطلباااااااته :mad1:
شمـ بريدة ـوخ
19-04-2009, 06:07 PM
عبدالرحمن

طيب الزوج وراه مايلبي طلبات زوجته ولى مايحبه :sick0012:
مدرس خصوصي
19-04-2009, 06:26 PM
اشجاااااااااان ..!!


والزوج الي يحب زوجته
ما يغثه بطلباااااااته :mad1:


اذا هي منغثه فهي مب تحب زوجهاااا :rolleyes1:..!!
مدرس خصوصي
19-04-2009, 06:29 PM
شمووخ بريدة ..!!


عبدالرحمن



طيب الزوج وراه مايلبي طلبات زوجته ولى مايحبه :sick0012:



اكيد بيلبي كل طلباتهاااا لكن مب ملبي طلباتهاا الغير معقوووله :rolleyes1:..!!

وياااكثر طلباتهاا الغير معقووله:rolleyes1: ..!!
مــ ش ـــاعل
19-04-2009, 06:42 PM
شجونه _ شموخه

الرجل رجل والحرمه ماتقارن نفسها فيه مهما كان

المرأه عاطفيه بطبيعتها والرجل عقلاني بطبيعته ومانقدر نفرض صفه ثانيه لأن هالصفات جبلها الله سبحانه علينا

والرجل ماتزوج وأختار زوجه من بين نساء العالم الى حتى يرتاح لها وتخدمه بعيونها

ومقابل هالشي يلبي لها طلباتها على قدر ماهي مسعدته ومريحته :قلب:
مدرس خصوصي
19-04-2009, 06:59 PM
8

8

8

ااااام مشعل ..!!

كلاااام عين العقل:exactly: ..!!



الله يسعدك :rolleyes1:..!!
مــ ش ـــاعل
19-04-2009, 09:17 PM
ماعليك زود دحمني

ويسعدك أن شاء الله

:yes211:
جلنار
20-04-2009, 12:59 AM
عاااادي الرجال تعبيرهم قليل .... مب مثلنا لازم نتكلم بكل شي ..
فاليوم اللي انتي متزينة ..هو فاهم وحاط في باله ..بس مايعبر ..
بس شكل رجلتس شرووه يبي كل يوم نيولوك ...الله يعينك ويسعدكم ,,
طنش تعش تنتعش
20-04-2009, 12:18 PM
والله يهالقصمان راعين فزعات
ويلومنن لمني قلت الحب القصيم واهله
بس تدرون ياعليكم تعليقات تبعد كل من قال انا هم وغم
والله مشكوره على ردودكم
تصدقون اني نسيت مشكلتي من الضحك على التعليقات
عابره
21-04-2009, 03:30 AM
كنون: كخخخخخخخخخخ

والله يالحريم جوارات
وإذا قال وراتس تلبسين للناس وأنا لا ؟ عادي خليه يهرج واخسريه :yelbiggrin: وقولي البحر أمامك والجدار وراءك خخخ


تذكرت أقصوصة.. تسمحون أقوله لكم:yelbiggrin:

فيه وحدة رجله يتشره دايم زيك يعني
المهم في يوم حبت تكشخ لزين الحلايا
ويوم شرّف تالي الليل لقاه طاقه التنورة والبلوزة والميك أب
قال له: خير؟ وين تتروحين له هالحزة؟ كخخخخخخخخخخخخخخخخ

أضحكوا بلا فشكلكم دايم تفشلونن:blushing:
طنش تعش تنتعش
21-04-2009, 07:24 AM
لكن ياعابره مشكلة الرجل مايسهج
يعني قهر اتزين له واحط ماوراي وما دوني ولايشوفه شي
ومشكوره حبيبتي على الرد
مــ ش ـــاعل
21-04-2009, 07:48 AM
فيه وحدة رجله يتشره دايم زيك يعني

المهم في يوم حبت تكشخ لزين الحلايا
ويوم شرّف تالي الليل لقاه طاقه التنورة والبلوزة والميك أب
قال له: خير؟ وين تتروحين له هالحزة؟ كخخخخخخخخخخخخخخخخ


ههههههههههههههههههههههههههه وهو صادق يا عابره

أجل تالي الليل طاقه له بلوزه وتنوره :CD

عسى ماشر هههههههههههههههه

دحكتيني ع الصباحيه :laugh8kb:
كنون!
24-04-2009, 02:49 PM
عابرة ههههههههههههههههههه
المفروض انه لابستن قميص همن فوقه التنورة
يعني القميص بدل البلوزة <<تخيلي بس :2_11:
ايه وش على شان
على شان لا شافته تسذا تسلح التنورة وخلاص ماتسنه صار شي :2_11:
<<امحق افكار تعرفينه انتي وكشرتس :CD
™ЯΘΘnA
27-04-2009, 10:46 PM
مممم يمكن يبغى التغيير :rolleyes1:

ولانك تللبسين غيييير لطلعة ولا لزيارة فهو يشوفك مختلفه
فيبغى هالاختلاف
ويبغى هالمختلفة وهالشكل بالذات :exactly:

يمكن انت تلبسين وتتعدلين لكن مش بالطريقة اللي تلفتين الغير اللي يبيها هو :exactly:

حاولي تغيرين من شكلك بتبديل نمط لبسك وشكلك
والبكل والربطات والشباشب
مو لازم تكشخين بتنورة وبلوزة لا
يعني اشتري بجامات بيتيه ملونة والوان يحبها وانتي تحبينها برضو
ولاتقولين غالي وماغالي
لان الان السوق فيه تنوع غير طبيعي بالاسعار
والله يخلي لكم الرياض واسواقه رخص مناسب لجميع الفئات :exactly:

حاولي تطلبين منه انه يوديك السوق ويحس بمعاناتك بالتسوق والاختيار ويختار معاك :yes211:
يمكن فيه شي بخاطره مش عارف يقوله لك شي طبيعي سعودي :CD:CD

يمكن يجي احد ويقولي تراك تدلعينهم لا مش دلع هذا

الرجل طفل :2_11: بس كبير :CD ويحب التدليع :2_11: والتغيير :yes211:ويمل الروتين :exactly:
طنش تعش تنتعش
29-04-2009, 02:09 AM
ياعذبة التجريح
مرة شرالي بجامه بصراحه ماعجبتن بس قلت بلبسه
يوم لبسته قالي مهب زينه قلتله
عاد انت الي شاريه
ومن الفشيله قال ايه داري
مدرس خصوصي
30-04-2009, 07:51 PM
عذبة التجررريح ..!!

يمكن فيه شي بخاطره مش عارف يقوله لك شي طبيعي سعودي :CD:CD

هو عارف وش يبي لكن متاكد ان اللي هو يبي مب طالع عليهااااا حلووو لذا يسكت احسن :rolleyes1:..!!


واحد يقووول انه سافر لاحد الدوووول وشاااف مادري فستان او بجامه او مادري وشو على وووحده وجاز له هاللبس واشترى لزوجته مثله ويووم لبسته زووجته طلع عليهااا خن بط :rolleyes1:..!!



بعض النااس لو يلبس خيشه طلعت عليهاااا حلووووووووووووووه والبعض لو يلبس افضل وافخم واغلى الملاااابس طلع عليهاااا خن بط:rolleyes1: ..!!
مويه بارد!
30-04-2009, 09:39 PM
ياحليله رجلتس غيار يامال الدقمه :happy0005:

عادي عادي (وجه بشير غنيم)
تزين له وتزبطي له وتكشخي له وساحريه :love0090:

ههههههههههههههههههههههههههههههههههه
هههههههههههههههههههههههههههههه
هههههههههههههههههههه
تدرين وراه ضحكت
ضحكت على ساحريه
يوم تسأل مصريه الشيخ البسام الله يرحمه
تقول رجلي مهملني وقاسي
وقاله خلتس طيبه وجامليه وساحريه
قالت المصريه طيب ياشيخ اروح لساحر علشان اسحره؟
ويبدو ان الشيخ مافهم قال ايه ساحريه
قال المقدم ياشيخ ياشيخ تراه تحسبك يوم تقول ساحريه
روحي لساحر قال ويييييييييين وش تبين انتي
ويقلب الحلقه عن السحر والسحره :yelbiggrin:

ايه وين رجعنا لساحريه
رجلتس يحب اللبس ..
روحي بسوق مكيل بالرياض مخرج 14
فيه لبس فراشه..تعالي يوم وادخلي
عليه كأنتس فراشه تطير وانتي بكامل
مكياجتس وهو داخل
مع الباب طيري له وقولي له
اللي يسره بيستانس تراه :exactly:

مثلا مثلا اكشخي لبس سهرة
والبسي فوقه مقطع عجز وغدفه

اذا هاوشتس قال وش هاللبس
هذا لبس..؟؟
على طول شيلي هالمقطع والغدفه
واسحريه بما يسره قولي وش رأيك الحين ؟:exactly:

مع تحيات د. ميل على وزن د. فيل :happy0129:
™ЯΘΘnA
30-04-2009, 10:40 PM
ياعذبة التجريح
مرة شرالي بجامه بصراحه ماعجبتن بس قلت بلبسه
يوم لبسته قالي مهب زينه قلتله
عاد انت الي شاريه
ومن الفشيله قال ايه داري


ههههههههههههههههههههههه والله الفشيلة مسكين

اذاً ابوكم يبغى كم مره دورة بالسوق :2_11:

يعني خليه كل مره هو اللي يختار لك والا انتي تختارين وهو يؤكد هالاختياااار :exactly:

ولما تجين تلبسين اساليه اش البس هذا والا هذا :love0090: << وانتي هيك

بس مش دائما تسالينه يعني فاجئيه بلبس غير وحركتااااات غير

دوووك قلبووو :pinkrose:
™ЯΘΘnA
30-04-2009, 10:45 PM
عذبة التجررريح ..!!



هو عارف وش يبي لكن متاكد ان اللي هو يبي مب طالع عليهااااا حلووو لذا يسكت احسن :rolleyes1:..!!


واحد يقووول انه سافر لاحد الدوووول وشاااف مادري فستان او بجامه او مادري وشو على وووحده وجاز له هاللبس واشترى لزوجته مثله ويووم لبسته زووجته طلع عليهااا خن بط :rolleyes1:..!!



بعض النااس لو يلبس خيشه طلعت عليهاااا حلووووووووووووووه والبعض لو يلبس افضل وافخم واغلى الملاااابس طلع عليهاااا خن بط:rolleyes1: ..!!


هههههههههههههههههههههههههههههههههههههه

والله يحووول يالسعوديات اذا خربت من الحمل والولادة جاوا يبون يعدلون ويكشخون :mad1:
ماكان من الاول الاهتمام والتعديل والتكشخ وشراء الملابس والتغيير والاناقة :sick0012:

وراه لما كبرت وتغير جسمها يحول بسبب اطفالكم :fear:جيتوا الان تبون وتبون :2_11:


واللهي كل مرة تفتحون آفاق جديدة لنا يالبنات بالتفكير جدياً بحياتنا المستقبلية :love0090: ميرسي :pinkrose:
ذكرى
30-04-2009, 10:58 PM
الرجل طفل :2_11: بس كبير :CD ويحب التدليع :2_11: والتغيير :yes211:ويمل الروتين :exactly:

ياحياة الشقاء والغرابيل :CD
والبنت من بيدلعها اجل ؟
والا تشبع تدليع قبل تفكر تتوهق فيه ؟ :rolleyes1:


المفروض الزوجين ببدايه حياتهم يتفقون على المصارحه ..
يعني اذا هي ترغب بشي منه او هو يرغب بشي منها يصارحها :exactly:
عشان مابكره اذا طنت براسه يعرس قال هي ماتسوي وهي ماتفعل ...
على الاقل تكون عارفه وش هي مقصره معاه بأيش ... :rolleyes1:
مدرس خصوصي
01-05-2009, 01:19 AM
لميس ..!!

المفروض الزوجين ببدايه حياتهم يتفقون على المصارحه ..
يعني اذا هي ترغب بشي منه او هو يرغب بشي منها يصارحها :exactly:
عشان مابكره اذا طنت براسه يعرس قال هي ماتسوي وهي ماتفعل ...
على الاقل تكون عارفه وش هي مقصره معاه بأيش ... :rolleyes1:


بعض الاشياااء ما يصير لهاا طعم الا اذا جات فجاءه من غير تخطيط وطلب:rolleyes1: ..!!