إحم إحم لا أحد يقوم :)

[حلم العالم]

السلآم عليكم ورحمة الله وبركآته ،، أسعد الله صبآحكم بكل خير ،، بصرآحة وبدون مقدّمآت أبي أدخل بالموضوع
<== نآوي يشحذ :eek:

أنآ إنسآن قدّر الله علي وتعرّضت لموجة الغبآر الأليمة اللي اجتاحت ارآضي العآصمة ( الرياض) ومآدريت عن نفسي الا وانآ طآير فوق مع حبيبآت الرمل الهآدئة:D ( لدرجة انّي أحس ان خدودي تبي تشقّق) <== مآيلعب مستأجر الخد الأيمن حق نآنسي :p (إيه صح البآرح عيد ميلآدهآ وأبي أهديهآ اعنية وجوآلهآ مشغول) ،، ما أبي تطوّل عليكم المهم طار بي الهوآء ومادريت الا وانآ طايحن هنآ عندكم كيف مدري سبحآن الله :rolleyes: ، وبعد كذآ قلت نجلس ندور ونشوف اللي بالمنتدى وأثركم ماشاء الله تعرفون بعض قلت أبي ادخل عرض واتعرّف بأي طريقة أبسوّي ميآنة ،، ورحت كتبت موضوع أبي تصميم من وحده اسمهآ حبوبه :D
<== مآيعرف اسلوب الدخلة عرض لا تلومونه

فيآليت كل وآحد يدخل يقول اسمه ، عنوانه ، طوله ، كم عدد الشيبات اللي بشعره ;)

وأرجو انكم ماتشرهون علي ولا اكون ضيف ثقيل عليكم بس مستانس أحس انكم رهيبين وحبوبين ،، ولكم منّي جزيل الشكر .. :)



اخوكم حلم

[Samaa]

هلا والله أخونا حلم العالم

هلا بك وحياك ومرحب الساااااااااااااع

إيه انا حبوبه عندك مانع ؟؟ <<< وخر عنها هالشريّه

أنا حبوبه بنت أبوي

عمري 6 سنوات

فيني 3 شعرات بيض

اطول من علقة الإصبع باصبع

أما العنوان أكيد

خلية القصمان :)

...............

بخصوص التوقيع ترى ما أسوي تواقيع ببلاش

يعني

عطني راتب الشهر هذا وأنا أصلح لك أحسن توقيع

:)

...............

هلا بك مره ثانيه

[حلم العالم]

هلآ والله وغلآ فيك اختي حبّوبه ،، شكرآ فري متش على ردّك السريع ، وبعدين يالله ابسطي انآ قآيلن لأخوي أول شخص يرد علي ابعطيه سهمين من أسهم القصمآن خخخخخ:D أمزح أمزح أقصد اعطيه هديّه:o ، عآد انتي لا تصيرين طمآعه ويكفي الهديه يعني التصميم ببلآش ، المفروض تسوّين دعآية علشآن نزورك كل وقت
<== متأثّر بالمخآزن الكبرى:p

ايه صح نسيت اقول ونعم والله حمولتن طيبه يابنت ابوتس ،، و 6 سنوآت أجل؟ العمر كلّه بس ماتلآحظين انّه المفروض الحين تكونين بفصل أولى باء وش مجلّسك هالوقت بالمنتدى :eek:

<== والله الملقوف

وحيّآك الله وهلآ بك مرتن أخرى وتشرّفنآ :)



أخوك حلم

[ميهير]

وعليكم السلام ورحمة الله وبركاته
.
حبوبة اعذرين .... تراى عجز أكتب
.
.
هلا والله أخونا حلم العالم
.
هلا بك وحياك ومرحب الساااااااااااااع

إيه انا عاشق الرياض
.
عمري 160 سنة

فيني 1300 شيبة

اطول من علقة الإصبع بعشر اصابع

أما العنوان أكيد الرياض

أو خلية القصمان :)

.
كخخخخخخخخخخخخخ
.
.
ومن ناحية التوقيع أنا بسويلك توقيع ببلاش ..... بس على وورد .... يصلح لك ... ولا قل ما أبيه ؟
.

[حلم العالم]

هلآ والله فيك اخوي عآشق الري ري ( دلع الريآض طبعآ يآآآآي ) ،، انآ بصرآحة كنت شآك لكن الحين تأكدت انّكم من عآلم الأقزآم السبعه وعلي بآبآ :p ( وش دخّل هذي بذي لا تدقّقون خخخخخ) بس أهم شي انه شي غريب وقديم وبس :D
<== عسى ماتكلّفت

أجل حبوبه عمرهآ 6 وانت 160؟ شكلكم فآهمين غلط تحسبون اقصد بالعمر عدد المشآركآت يمكن :p خخخخخ

عمومآ ونعمين فيكم وعسآهآ عآمرة يآرب :o ،، وبالنسبة للتوقيع امممممممم
أرد لك بعدين يمكن اخلّيك تسويه لي بالإكسل
<== بيشوف العرض الأول لحبوبه ويرد لك ( <== يقال له ذهين ايه هين:D )

ومشكورون مرتن ثانيتن على الرد والترحيبن ودمت بخيرون..:)




أخوك : حلم العالم

[عبدالرحمن]

هلا والله أخونا حلم العالم

هلا بك وحياك ومرحب الساااااااااااااع

إيه انا الكحلي

أنا الكحلي ولد أبوي

عمري 6 سنوات الا عشر شهور

فيني 3 شعرات بيض و2 فول و1 مقلقل

اطول من علقة الإصبع باصبع وشوي

أما العنوان أكيد

خلية القصمان :)

...............

بخصوص التوقيع ترى اذا لقيت احد يصلح لك لا تنسى اخوك الكحلي بتوقيع

يعني

عطن توقيع وخذ توقيع

:)

...............

هلا بك مره ثانيه

[هامورة الاسهم]

حياااااااااك الله اخووووووووي

انا مثلك جديده ماعرف احد وعلشاان ماراح اقولك اسمي وعمري لين اتعرف عليهم اكثر
:d

[دلال]

حياااك حلم العالم

والله حنا بلشين بأحلامنا وانت تجمع احلام العالم :(

حياك مره ثانيه ومعك

دلال بخش مرغلاني

من جهة الطول والعرض ما اعرفها .. لكن اذا تبي اعلمك بالمساحه والمحيط علمتك :D << اقول تلايطي

[حلم العالم]

هلآ والله وغلآ اخوي التسحلي ( بالقصيمي يعني لا تزعل وتحسب انك سحليّه خخخخخخ) :D


عمري 6 سنوات الا عشر شهور

أحس اني تقل اكتشفت شي خطير ان كل اللي ردّوا الرقم 6 مشترك بينهم :rolleyes:

<== تكفى تلايط لا عاد تكتشف مرتن ثآنية :p

فيني 3 شعرات بيض و2 فول و1 مقلقل

هههههههههههههههههههههههههه من جد شكل الشعر الأبيض طآغي على فروة رأسك بس سآلفة الفول والمقلقل الله اعلم وش قصّتهآ ،، على حسب خبرآتي السآبقة (<== اوخس يالشآيب) أنك يمكن كنت تمزح مع وآحد أقوى منك شوي همّن تضآربتو وقآم يحلت (= يرمي) عليك بيض وطمآط فأدّى ذلك الى وجود المقلقل والفول :eek:

<== آبووووك يالاكتشآف :o



بخصوص التوقيع ترى اذا لقيت احد يصلح لك لا تنسى اخوك الكحلي بتوقيع

ليس عندي ايّتهآ مآنع بس بشرط تتوسّط لي عند حبّوبه تسوّيه لي ببلآش
<== نآوي نيّه بس مهب قآيلن وشّي :D


أشكرك بالنهآية على ردّك وترحيبك ودمت ..:)



أخوك حلم العآلم

[حلم العالم]

دمعة مقهور ، هلآ والله بتس معنآ في منتدآنآ المتوآضع منوّره
<== مسوّي يمون رآعي دكّآت بالمنتدى مادرى انّه مايعرف الا يكتب موضوع ويرد بس ( أقول اهآآ بس):D


انا مثلك جديده ماعرف احد

كم مآشية يعني؟ خخخخ

<== يآشين خفّة الدم عقب صلآة الظهر :p

هلآآ مرة ثآنية فيك اختي دمعة وعسى الله يبدّل دمعآت القهر بدمعآت الفرح والوناسه ودمتي.:)



اخوك حلم العآلم

[حلم العالم]

هلآ والله ومسهلآ بأم بخش :D


والله حنا بلشين بأحلامنا وانت تجمع احلام العالم

أول شي لحظة انتي بلشتن بأحلام وآجد يمكن ( يقظه ، كآبوس ، ربيع هاهاها)
<== اقول اخررس لا يجيك الكعب :p

انآ احم احم واعوذ بالله من كلمة انآ اقصد بالأحلآم الزينه مهم أحلآم الكويتيّه خخخخ:eek:

<== برضوه ينكّت على الظهريّه ( يآصبر الأرض علي);)

دلال بخش مرغلاني

الأسم الأول على العين والرآس ، لكن الأوسط والاخير يفتح الله أحس انّه اسم أرض صحراء توّهم فآتحينه خخخ
<== والله من زين الهرج:o


من جهة الطول والعرض ما اعرفها .. لكن اذا تبي اعلمك بالمساحه والمحيط علمتك

حشى قآعد اسولف مع قآرمن* خخخخ:p


* القآرمن هو جهآز ليس له طعم ولا رآئحة يعمل على تحديد الإتجاهآت علشآن ماتضيع (<== والله من حلآة الوصف ):p


عالعموم مشكورة اختي دلآل على الرد والترحيب ودمتي..:)


اخوك مهب حلم العالم ( علشآن ماتزعلين ) :D

[بنت الشيحية]

حياااااك الله حلم العالم

وصلت خير واختيار موفق لمنتدى القصمان

الله يحييك بأرضك وبدارك والبيت بيتك

حياك

[شقحه الحضريه]

حياك الله
انا شقحه شقح الحضري
العمر من زمان جدي
الطول الله العالم ان طولي طول النخل اللي بمزرعة ابوي اللي ب...
اطول وحده بالقصمان <::خافت تقول من عايلة الأقزام
الشعر كله ابيض
وشنب توه خاط

[قـمــرهـم]

هلا ومرحبا ..

حيااك الله ..

[مجنونهــــــــا]

هلا والله ومرحباً بحلوم العالم:D ,,,

عز الله مقامك <== هماه قال لا أحد يقوم:p

الله محييك بيننا يالغالي,,,

معك أخوك مجنونهــــــا ولد صبحي الصغير مدوحس:cool:
العمر: أصغر من أخوي الكبير بخمس سنين عداً ونقداً:p
بي شعرتن بيضاء براسي بس شكله نغرت من اللي حوله وصارت أسوده;)
الطول: أطول شوي من أخوي الكبير اللي فوق:rolleyes:
العنوان: www.alQosman.net آخر بيت على يدك اليمنى:) ...

هذي بطاقة الأحوال,,,

وحياك الله بيننا مرتن ثانية,,,

وتقبل تحياتي...
أخوك
مجنونهــــــــا

[حلم العالم]

هلآ بنت الشيحيّه ،، الله مير يحيّيتس ، وش علومكم عسآكم طيبين وش أخبآر الوآلد والوآلده والإخوآن ،، وشلون جدّتكم وخآلتس اللي سآكن جنبكم ، وبنت جيرآنكم اللي جايّه عنقز عسآه طآبت؟:D

<== دخل جو ماينعطى وجه :p

أصلاً ماتدرون هذآ تمهيد علشآن تحس انّي اعرفه وتجيب لي قهوه وشآهي :eek:


مشكورة اختي على الترحيب والرد ..:)

حـلم العآلم

[حلم العالم]

هلآ بشقحقح <== والله من زين الميآنه:D

<== شقحقح على وزن هدبدب خخخخخخ


انا شقحه شقح الحضري

وش رآيتس تصيرين شقحه شقح متشقّح شقّيحآ ( فعله فعل متفعّل فعولآ ):p

<== متأثر بالنحو سيبويه الدحمي:p

العمر من زمان جدي


يعني تحسّين انتس منذ مبطي وانتي بالدنيآ؟:D


الطول الله العالم ان طولي طول النخل اللي بمزرعة ابوي اللي ب

اهآآآ هنآ نوقّف!! طيب يمكن تكون فسيله يعني صغنونه وتصيرين أقصر من حبوبه خخخخ ،، عمومآ الطول كلّه :D

<== يسمع بالعلوم:eek:


الشعر كله ابيض
وشنب توه خاط

كلّه أبيض يمكن نقول انتس بديتي تعجّزين لأنتس من زمآن وانتي حيّه

<== بيجيه الكعب بعد 5 ثوآني :p

أمّآ الشنب توّه خآط صعبه شوي يالسحليّه ( <== يحس انّه قآل كلمة ربّمآ تهوي به تحت البدروم ) :D


آسف اختي على الكلآم اللي نصّه مآله دآعي لكن ونعم والله موآصفآت فل أوبشن

<== يحآول يخفّف الشحنآت اللي رآح تكتسبهآ :p

تقبّلي تحيّآتي : اخوك حلم العآلم:)

[حلم العالم]

هلآ والله بمجنونهآ ،،

هلا والله ومرحباً بحلوم العالم

هلآ بك اكثر لكن ماتلآحظ انّك أضفت فوق كآهلي حلومن وآجد ،، حلم وآحد ويخب علي :D

<== لا أحد ينآقشه بالانجليزي ( <== فآهم غلط ):p


عز الله مقامك <== هماه قال لا أحد يقوم

خخخخخ ذكّرتن بالزوله ،، يقولون أحلى كلمه عند السعوديين عز الله مقآمك ،، علشآن مايقوم ، مقآمك عزيز مج مج :D

<== بدى يمون :eek:


الله محييك بيننا يالغالي

تحيآ وتدوم يالغلآ ممكن وآحد شآهي على ذوقك؟:D


معك أخوك مجنونهــــــا ولد صبحي الصغير مدوحس

نوبتن أحس انّك من حقّون جدّه ونوبه أحس انّك من ربع النيل لأن على ما اظن ان صبحي مدري احمد صبحي مدري محمد صبحي ممثّل ولا لا؟ :p

<== جآزت له كلمة نوبه :D


العمر: أصغر من أخوي الكبير بخمس سنين عداً ونقداً

بس هنآ على حسب ،، نرجع ونقول كم عمر اخوك الكبير أخآف انّه فوق الخمسين خخخخخ:p


بي شعرتن بيضاء براسي بس شكله نغرت من اللي حوله وصارت أسوده[/
QUOTE]

بصرآحه انآ ما افهم بشغلة النيقآتيف :p

<== عآش مصرّف :D


[QUOTE]العنوان: www.alQosman.net (http://www.alqosman.net/) آخر بيت على يدك اليمنى

طيب أطلع لي بفنيلة وسروآل علشآن أصدّق انه بيتكم خخخخ:p

<== يآصبر الآرض على هالآدمي:cool:


الله يحييك ويبقيك اخوي مجنونهآ وعسآك تسلم على مرورك وتعليقك وترحيبك ..

اخوك حلم العآلم :)

[التوته]

وعليكم السلام ورحمة الله وبركاته


حياك في القصمان :)

[EXILE]

وعليكم السلام ورحمة الله وبركاته


حياك في القصمان :)