والله زودتوها شوي؟

[نور الرياض]

الحين ابي اعررف ليه كل مااكتب موضوع تحذفونه
بس مااقول الا الشرهه مو عليكم على اللي مسجل عندكم
والله ماحطيت مقاطع اباحيه عشان تسوون كذا والا يممكن اللي يحطون هالشيء
موضوعهم ماينحذف ههههههههه والله حاله
بس هالحرركه ترى باايخه شوي واللي سواها يواجهني ويقولي السبب؟؟؟

[بنت الشيحية]

اعصابتس نور

وش دعوه بالعكس القصمان مستحيل يحذف شي الا يجد انه مخالف طبعا هاذا الشي

من وجهة نظرهم وتبع لقوانينهم

حنا هنا اعضاء وهم المسؤلين يعني لازم نتبع قوانينهم مهما كانت تضايقنا

ومب شرط عزيزتي تكونين حاطه موقع اباحي

المسـأله ومافيها قوانين بغض النظر عن رضانها فيها من عدمه

اتمنى انتس ماتستعجلين بالحكم والنظره الي اخذتيها عنا

فوالله بالعكس انا اشوفهم اكثر انصاف وعدل وخصوصا بالمواضيع

وانا يعجبوني بإهتمامهم بحذف المواضيع المخالفه

واختي لاتزعلين على موضوع محذوف الله واكبر وش عاد ترى راس ماله موضوع

خليك اختي اكبر من كذا لو هي حسنه خسرناها ماتضايقنا مثل كذا:)

نصيحه مني اختى اذا بتستمرين لاتعاتبين ولاتاخذين بخاطرتس فوتي ..الله واكبر وش عاد

اتمنى لتس اقامه سعيده في ربوع القصمان

[نور الرياض]

ادري ياقلبي ن راس ماله موضوع لايقدم ولاياخر
بالنسبه لي وانا اللي ضايقني ان موضوعي عادي
واقل من عادي يعني مافيه ااي شيء يستاهل انه ينحذف
وانا بحطه لك عشان تتاكدين بنفسسك
واذا كان هالموضوع مخالف بنطرهم فالحمد لله على العقل ههههههههههههههاي
وانا ماحطيت هالموضوع الا للضحك ولسعة الصدر لااكثر ولا اقل

قبل لا ابدا بالموضوع اتمنى من الشباب انه ما يزعلون ...
و ياخذون الموضوع بروح رياضية...


ليش الشباب يلبسون الشماغ

بعد الدراسه والمشورة توصل بعض العلماء للأهداف الرئيسية للبس الشماغ
وهي على النحو التالي :




×?°سبب عربجي×?°
يستخدم في الضرب وذلك عند لويه عدة لويات
ومن ثم جلد الضحيه



×?°سبب نفسي×?°
لتغطية الصلع واللي يكون شعره مزيت مثل الهنود



×?°سبب اقتصادي×?°
بدل المناديل



×?°سبب مناخي او طقسي ×?°
اذا طلع الواحد ايام البرد يتلثم به علشان ماينتفه البرد
وايام الشمس علشان الشمس ماتحرررق وجهه



×?°سبب امني ×?°
يتلثم اذا مر من عند حارة ناس متضارب معهم



×?°سبب علمي×?°
يعلق البراشيم بالشماغ او ينزل الشماغ ( يعني نازل من جانب الوجه يغطي الاذن والكتفين) ويكون حاط سماعة الجوال باذنه وخويه اللي في السياره فاتح الكتاب ويغششه



×?°سبب طبي ×?°
اذا جاه صداع يلف راسه بالشماغ



×?°سبب رياضي×?° (وهاذي الظاهره منتشره كثييييير)
اذا كان بالملعب يتابع مباراة فريقه .. اذا جاب فريقه قوول يرفع الشماغ بيده ويلووح به

[بنت الشيحية]

طيب نور

حلو انتس مقنعه ان موضوع لاراح ولاجا

طيب يمكن عشانه منقول؟

عموما لاتاخذين بخاطرتس عادي وانا اختس اهم ماعلينا انتي تبقين معنا

بالنسبه لي يهمني انتي تبقين والله العظيم

القصمان يفخر بأي عضو جديد

لأنه اختار القصمان

اصبري ووورينا جديدك بأسرع وقت ولو عندك همه وقوة عزيمه

بكره ابيك تنزلين موضوع جديد بس بشرط يكون من ابداعك حتى لو كان بسيط

انتظرك

[نور الرياض]

تسلمين ياعمرري
لكن اتمنى ان اللي حذف الموضوع هو اللي راد علي
وعالعمووم ماحصل الا الخير

[رسـّــــاوي]

الأخت نور الرياض ..


المنتدى يرحب بإبداعات الأعضاء .. ومجهوداتهم


المشكلة والله أعلم مع هذا الموضوع (منب مشرف سواليف) .. انه موضوع قديم جدا .. منتشر ومكرر


وهذا يعتبر سبب وجيه للحذف


لك التحية والتقدير

[حلم العالم]

بالفعل مثل مآقآلوا الأخوآن بنت الشيحيه ورسّآوي

نتمنّى لك أختي نور الإقآمه معنآ ومآتصيرين حسّآسه بزيآده عن اللزوم

ويآليت تدخلين مجلس سوآليف على كيفك وتقرين موضوع لبنت الشيحيّه بعنوآن الحسآسيّه وإن شآء الله ترتآحين شوي:)

أو روحي شوفي موضوع لمويه بآرده يهدّد باللي حذف موضوعه وهو مآعنده سآلفه مع أنّه تعبن عليه << يحآول يستفز:D

بالتوفيق أختي ..

[مويه بارد!]

نور الرياض..

هدي اعصابتس تراه الدعوى شماغ وعقال:D

أنا واعوذ بالله من كلمة أنا انحذف لي موضوع كتبته ثلاث ايام ويالله جمعت صوره وبالاخير لقيت والدينه محذوف:D

صح انه حطمني بشكل ماتتصورين بس تفهمت الوضع..خاصتن ان المشرف ماحذفه من الباب للطاقه كان له وجهة نظر وانا تبين الصراحة مااقتنعت فيها بس دريت انه يطبق القانون وان الدعوى مهوب استقعاد..ولهذا مازعلت بل بالعكس عزمت ياسر اللي حذف موضوعي على حفلة شاي بملحقنا:p

تعوذي بالله من ابليس ونبي مواضيع انتي تكتبينه وينسخها غيرنا من هالمنتدى مهوب العكس;)

لمزيد من التفاصيل راجعي هالموضوع
http://www.alqosman.net/vb/showthread.php?p=28579&posted=1#post28579

[ديــمـا]

وش فيك معصبة
وبواجه ومدري ايش
هدي اللعب بشويش
كل مافي الموضوع
أن الموضوع مكرر ومكرر الى ماشاءالله مكرر بقوة

وحنا نحذف المواضيع المكررة بدون ابلاغ العضو

وبس

[الغريبة شوق]

نور الرياض

يسعد صباحج

اللي قبلي ما قصروا جزاهم الله خير

بس حبيت اقول لج: هلا بج بالقصمان

وبانتظار مواضيع من ابداعج

وشكرا لقلبج

:)

[ياسر]

نور الرياض
هدي
هدي
الموضوع انحذف لأنه مكرر وقديم جدا .. وتكرر كثير كثير بالقصمان ....مهوب انا اللي حاذفه ... يا ديما يالسامر ..<< يبي يورطهم
مع اني متعهد الحذف بسواليف بس قهر هالمرة سبقون :D
ماسبق مزح ... والحقيقة ان حذف المواضيع أمر لا يسعد أبدا المشرف ولكن توجهات الموقع هي اللي تفرض عليه هذا الشئ ...ودائما نحب ان نرى ابداعات العضو ... هذا ما يعني انه مافيه مواضيع منقولة ... لكن إذا ماكانت مكررة فحنا نقبلها على مضض
نور الرياض ...طولي بالك ... وحنا بإنتظار جديدك ...

[نور الرياض]

احذفي ياخت ديما بس مو قبل ماتبلغيني
وهذا اللي عرفناه بكل المنتديات يبلغون قبل الحذف والا انتم منتداكم قوانينه غيرر هههههههه والله حاله
عالعمووم انا تاركه لكم المنتدى كله احذفوا واضيفوا ممثل ماتبون

[رساوي منتهي]

كل الموضوع ما يسوى هالزعل والله ياماوياما مواضيع راحت بس

حنا نجتمع ليه ننبسط ونفله ونستانس ونفيد ونستفيد لاكن اختي ما انصحك بالزعل لان اللي يزعل من الاشياء التافهه اللي زي هذي مستحيل انه يتأقلم مع جو المنتديات

باختصار المنتديات يبغى لها وساعة بال


تحياتي لك واتمنى انك ترجعي بكلامك

[هواي نجدي]

لالالالا حبيبتي ان شاء الله المشرفين يرضونك لاتزعلين

هنا بالقصمان كلنا اخوان ولا بيننا خلاف وراتس زعلانة

ان شاء الله يزول الزعل و نرجع احسن من الاول

[ديــمـا]

عزيزتي


الحذف تم دون بلاغ العضو ومادامك خبرة بالمنتديات اكيد مر عليك هالموضوع مئات المرات

والمكرر ليس مكانه السواليف .

الحذف ماله علاقة بشخصك الكريم قدر ماهو تنظيم للمجلس حتى مايتحول من سواليف على كيفك إلى منقول على كيف كيفك

تحياتي لك وأتمنى تتفهمين الموضوع

[السامر]

فعلا غريبه وشلون هالموضوع فلت من قبضة متخصص الحذف ياسر

اقول يانور الرياض وسعي صدرتس ويمكن ديما نست ترسل لتس رساله

الله لايعيده من سباق تسيف ضاعت طاسته هالمشرفه