زواجك تجربه خاصة بك وحدك

[نوف]

http://aycu11.webshots.com/image/31210/2002191078482127200_rs.jpg




زواجك تجربه خاصة بك وحدك







الرجال يختلفون عن بعضهم
والنساء كذلك
حتى تجاربنا بالحياة تختلف
بطريقة معالجتها وتقبلها
بين إنسان والثاني

.

الي اقصده
لازم نخلي تجربة الزواج
والتعامل مع الزوج مسأله خاصه جدا
وتجربه شخصيه علينا حنا بس نخوضها
وحنا الي نديرها

.


نحتاج إستشارة من هم اقدم منا واكبر
بس هذا مايخلينا نلغي قراراتنا وإختياراتنا
يعني نستفيد من تجربة الأم
الأخت الخاله وغيرهن
بس مااخلي فشلهن يأثر علي
او يخليني اتخوف من الزواج
ومن المشاكل الي ممكن اشوفها

.


زوجك يختلف كليا عن ابوك
او زوج اختك
الزوج إنسان مستقل بذاته
له خصوصيه معينه

.



جربي تدخلين وتبدين حياتك معه
بكل أحترام
لاتخلين كثر المشاكل الي تسمعين تأثر عليك
وأنتي من خلال تجربتك وتعاملك معه
راح تعرفين هو من اي نوع ؟

.



يمكن يكون افضل من الي حولك
ويمكن هم ملائكه عنده





الكلام طبعا ينطبق على الزوج





.

[نوف]

تتدخل كثير من الأمهات ... بشكل كبير بطريقة تعامل البنت مع زوجها

ونلقى كثير من البنات .. توقف محتاره ماتدري مين ترضي ؟
زوجها من جهه ومن جهه ثانيه امها

حتى بعض الامهات لها دور كبير بإنفصال بنتها






.

[نوف]

حتى كثير من الاقارب والاصدقاء
مايكون امين بكلامه
لو طلب احد منهم المشوره او النصيحه

[نوف]

نوع غريب من الأمهات ..



هي الي تدفع بنتها للزواج دفع ..
لإنه غني مثلا او له مركز

[نوف]

8

8

8


تسولف لي أمي أمس
عن وحده تعرفها

تقول ... عن بنتها الي سبق لها الزواج
( الحمدلله رجال غني ) <<< بس هذا الي يهمها منه :sad0049:




.

[ذكرى]

اتذكر يوم كنا بالجامعه ..
مرة كانت قدامي 2 بالمحاضرة ويحكون ..
وحده بتتزوج والثانيه لسى انسه .. :prplbiggrin:
الانسه قاعده تقنع الثانيه كيف تمسكين زمام الامور من اول الايام ..
ومو على كيفه يقولك البسي كذا ..
واصحي تطيعينه اذا قالك كذا ..
ونصايح اللهم ياكافي تقولين داخله حرب ..

ومرة كانت وحده معنا متزوجه .. تقول ان ام زوجها بتجي للرياض عشان عندها مراجعه ..
وبتسكن عندها ..ببيت ولدها طبعا ..
وتجي وحده الله يجزاها خير وتبدا تقنعها ..
ليه تسكن عندك .. وليه ماتروح تستاجر لها هي وولدها باوتيل والا اي مكان ..
وليه مايسكنون عند عمهم .. وتقول لها صدقيني بتفتحين على نفسك باب ؟..
من الاول علميهم انك مو سهله .. :ugone2far: المشكله اقتنعت... :5_40:
مسكناها انا وحده ثانيه وقلنا لها .. لاتاخذين من احد نصايح وهو مو مجرب. .
هذي ام زوجك .. وبتجي عند ولدها مو عندك انتي ..
وممكن يقولك اطلعي انت وامي تدخل .. :keda:
>>هذا ان كان رجل .. :prplbiggrin:

مشكله بعض البنات تستشير ناس ماعندهم خبره ولا خلفيه بالحياة الزوجيه ..
وبكره تاكل اصابعها من الندم ..

طبعا انا ماحب ان الوحده تشتكي لامها مشاكلها ..
طبيعه الام بتوقف معك حتى لو انتي الغلطانه .. :b055w:
يعني احيانا حبها لك وخوفها عليك ورحمتها بك .. ممكن تزيد المشكله ماتحتويها وتلملمها ..


ضروري ان الواحد مايتكلم عن مشاكل البيت والزوج الا فقط بهدف الاستشاره ..
والمهم انه يكون لشخص واعي وناصح وامين ..


وماتكون المشاكل اللي بينك وبين زوجك مووضوع حديث بكل مجلس .. :ugone2far:

استحقر الحرمه اللي تبدا بالمجلس تسب زوجها وابو عيالها.. وتنقد طريقه تعامله معها ..
خصوصا قدام اهله وخواته ..
متوذيه منه .. ماتقدرين تتحملينه ..
الله حلل الطلاق بدون مشاكل وقول وقيل .. :b055w:

[ذكرى]

نوع غريب من الأمهات ..



هي الي تدفع بنتها للزواج دفع ..

لإنه غني مثلا او له مركز



وش فيها طيب اذا كان الرجل غني وخلوق وله مركز .. :2_61:
يختي الحين من وين تلقين رجل صاحي وش عاد لاصار غني ... :orngbiggrin:

[رسـّــــاوي]

هو فيه مشكلتين ..

الأولى/

كثير من الناس وخصوصا الفتيات تدخل إلى عالم الزوجية وقد بنت صورة في مخيلتها للزواج من خلال ما تراه في المحيطات حولها .. وبما أن الناس بطبعهن يكثرن الشكاية ويكفرن العشير إلا من رحم الله .. فنجد أن الفتاة قد وضعت في مخيلتها صورة قاتمة للحياة الزوجة .. أو على الأقل في أحسن الأحوال وضعت صورة غير نقية وصافية .. فإذا دخلت الحياة الزوجية يكون لهذه الصورة تأثير على طريقة تعاملها ..
ولذلك للأسف في كثيرا من الأزواج (ذكورا وإناثا) ... قد يسمح لبض التدخلات والعوامل الخارجية من أب وأم وقريب .. وربما صديق .. للتدخل في حياته الزوجية .. ورسما معالمها .. لا على هيئة استشارة وأخذ نصيحة .. وإنما على شكل قرارات تتخذ نيابة عنه .. قد تكون هي البداية لانحراف حياته الزوجية عن طريقها ..



الثانية/

بعض الأزواج يدخل الحياة الزوجية .. ويعتبر أن له كيانا وحمى يجب ألا ينتهك ..
في نظري فإن الحياة الزوجية تتطلب ذوبان الحواجز والفوارق ..
يجب أن يصبح الزوجان كيانا واحد
وهذا لا يعني ضياع الشخصية والهيبة أو الكرامة كما يتصور البعض ... إذا رأيناها كذلك فستكون حتما كذلك
ولكن نستطيع المحافظة على شخصياتنا وكراماتنا .. مع ذواب كافة الفوارق والحواجز بين الزوجين واندماجهما في كيان واحد ..
قد يصعب شرح هذا الأمر .. ولكن لو جرب أي زوجين أن يعيشا ببساطة .. سيصلان إلى النتيجة المطلوبة



شكرا نوف

تحياتي وتقديري

[رؤوف الغطريفي]

مافيه احلى وامان من اغلاق اي استشارة
من اي شخص
وحل الامور بشكل داخلي بين الاثنين فقط

لا يوجد تدخل خارجي اياً كانت طريقته الا وزاد الامور
تعقيدا ً

ابقوا بيوتكم واسراراكم مغلقة فقط انتم من يحلها

ولا تجعلون الناس يتشرفون على اي شي داخل اسواركم

فهي انجى وافضل طريقة لكي يستمر قارب الزواج
بالابحار

[تميمية]

ذكرى

طبعا انا ماحب ان الوحده تشتكي لامها مشاكلها ..
طبيعه الام بتوقف معك حتى لو انتي الغلطانه .. :b055w:
يعني احيانا حبها لك وخوفها عليك ورحمتها بك .. ممكن تزيد المشكله ماتحتويها وتلملمها ..




أمي العكس تماماً ..

كثير توقف مع الرجال لأخر نفس :)


....

.

.

نوف المشكلة .. إن البعض يكون

لأ يعاني؟! يتحدث أكثر مما يفعل..


والبعض لا يكلف نفسة بفهم الشخص أمامة ..

ويطالب الناس بفهمة .. وهذاهو المستحيل..



كلام رساوي كثير أعجبني وجداً واقعي :)

[ميساوتا]

نوف اتوقع انه بوقتنا هذا حلو ان الوحده
قبل ماتتزوج تاخذ دورة عن الحياة الزوجيه:exactly:
لان كثير من البنات اللحين يتوقعون ان الزواج زي المسلسلات ولافلام
كلها رومانسيه وهذا شي طبيعي غلط:screama:
انا من تجربة صديقتي للزواج احس انه يجي بالتفاهم بين الطرفين
وعلى ماقالت مب كل شي يجي بسرعه
لازم فترة على بال مايفهمك وتفهمينه:yes3:

[كنون!]

.
.
.
نووف موضوع متميزز وهذا وقته :o,.,.,

.
ايضا" لاحظت كثير من البنات المتزووجات يكون رأيهن بالزواج سلبي
وهن في الحقيقه مبسوطات بس فقط مجررد شكايه :ermm:

[كلورا]

8

8

يخافون من العين وانتي الصادقه :sick0012:

موضوعك حلو نوف وبوقته

بنظري المشاكل تكون بينهم واذا ماقدروا وكبرت السالفه

يدخلون بينهم شخص ثقه وكبير بالسن لانه اكيد فاهم ومجرب

بس مشكلتهم الحين كل وحده تشاور صديقتها والمصيبه ذي تشيل وتحط وسوي واتركي

وهي بالاساس ماعندها سالفه ولا خبره

[غداً أجمل]

طيب ,,,

أحياناً يحتاج الواحد يفضفض ,,, بس الواجب تعرفين لمين تفضفضين ..

أنــــــــا غلطت أكبر غلطة بحياتي وغلطة ما تغتفر لما فضفضت لوحدة وصارت سالفتي على كل لسان !

المشكلة هالنقطة إنحسبت ضدي وبدل ما يحلون مشكلة ولدهم تناسوها وصاروا يقولون هالحرمة ما تنفع ,, تفضح بزوجها بكل مكان !!

الله حسيبهم ,, بس أرجع وأقول أنا الغلطانة ,, كان شكيت لخواتي وإلا وحدة من صديقاتي خارج نطاق العائلة أصرف..

يقولون الحياة مدرسة ,,, وهذاني تعلمت أهم درس في حياتي...

إذا سرك عجزتي تحتفظين فيه لا تتوقعين إن أحد بيحفظه !!!

[سبيسيال]

السلام عليكم ورحمة الله وبركاته
اختي غدا اجمل ....لاتندمي ولاتحملي نفسك ما لا طاقة لك به....
واعلمي ان الفضفضه من الصفات الأساسيه للمراءة .....فعندما تخرج ما فيها من مشاعر ضيق وغضب ......لإنسان قريب .........تشعر بالراحة....
وغالبا هي في هذه الأثناء لا تطلب المشوره وانما تريد اخراج ما في قلبها من هموم.
ولكن وللأسف الشديد احرصي ان لاتكون هذه الفضفضه لقريبه......"الأقارب عقارب" مقوله صحيحة الى حد ما!!!!!!
ومن تكون قريبه منك اليوم قد تصبح عدوتك غدا وتفضح اسرارك....
كذلك الصديقات...فالدنيا لاثبات لها على حال وقد تندمين على اطلاعهن على امورك الخاصه....
فتبقى الأم والأخت هن اكثر الناس قربا منك وحرصا على كتمان اسرارك.....


إذا سرك عجزتي تحتفظين فيه لا تتوقعين إن أحد بيحفظه !!!
[/glow]


وكلامك هذ هو عييييييين العقل ............
يعني اذاوصلت الوحده حدها :5_9:و بغت تفضفض
تلمح.......تدق......تطلع العيوب المقدور عليها.....

لكن لا تقول شي بتندمممممممممممممم عليه.

[نوفـــــا]

العيب اللي كثير اشوفه ان البنت اذا اقدمت على الزواج تقدم وهي جاهله كثير

عن الزواج ماتلقين اما سنعه تفهمها اهم شئ من يوم تنخطب وين يحطون العرس

وش الكوشه المناسبه وش نجيب طققات.......الخ

فتكثر المشاكل والفضفضه لابد منها ولكن ليس على كل شى ويجب اختيار الشخص

المناسب اللي احس اني اباستفيد منه

[رسـّــــاوي]

طيب ,,,


أحياناً يحتاج الواحد يفضفض ,,, بس الواجب تعرفين لمين تفضفضين ..




نعم الفضفضة مطلوبة

فالانسان قد يعجز أحيانا تحمل العبء وحده

بل ربما كان السكوت في بعض الأحيان له آثار سلبية

لكن المهم لمن نفضفض .. لا بد ألا يكون ذلك الا لمن نثق به فقط



وبالمناسبة فإن الكتابة هي وسيلة للفضفضة

لا اعني كتابة الخواطر

بل الامساك بقلم ودفتر ولنسمه "دفتر التفريغ" .. وكتابة كل ما يجول في خواطرنا

حتى لو كان مجرد كلمات لا معنى لها

المهم أن تخرج

نراها بأعيننا تخرج



اسأل الله لك التوفيق

[الذيبه]

صدقتي نوف اهم شي الخصوصيه بين الزوجين
اما من ناحية الاستشاره انا لااؤيدها بكثره لان الزوجين يعرفون مصلحة انفسهم اكثر من غيرهم

زوجك يختلف كليا عن ابوك
او زوج اختك
الزوج إنسان مستقل بذاته
له خصوصيه معينه

وكلامك هذا اتوقع انه سبب كثير من المشاكل لان البنت دايم تقول ابي واحد مثل ابوي واخواني والمقارنه اكبر غلط

وشكرا على الموضوع الحلو

[™ЯΘΘnA]

من ملاحظاتي من المتزوجين من أهلي
صارت عندي خبرة :D
يعني دورات بالمجان

وصرنا نعطي نصائح بعد :D


الحياة الزجية المفروض تكون قالب واحد ينصهر فيه الزوجين
ويكون الحب والاخلاص والايثار والاحترام
هي القيم اللي تحفظ العلاقة الزوجية
فتكون مكانة كل منهما محفوظة
كل له مكانته الذي خلقه الله بها وجبله عليها

مابين الزوجين حق لهما فقط
المفروض مايطلع عليه اي احد
الا في الضرورة القصوى فقط

مثلا استشارة من شخص فاهم وحكيم ومعروف بانه أهل للثقة

ما اتوقع لو اتزوج اني باشكي مشاكلي لاحد مهما يكون ..
يمكن أخواني استفسر منهم عن بعض الاشياء
لكن مستحيل اقولهم مشاكلي
اولا عشان اعود نفسي على حل مشاكلي بنفسي لان محد بدايم لي
وثانيا عشان اثبت لنفسي اني قادرة على ادارة بيتي وحياتي الزوجية
وثالثا لاني ابغى اثبت لاهلي ان هالمدلعة والمدللـة في نظرهم انها قدها وقدود وقادرة على تحمل المسؤلية
ورابعا ما ابغى ولد الناس يقول تزوجت وحدة ماتعرف كوعها من بوعها ولاني ابي احترامها لي مثل ما هو يبيه :)


واضيف ..
كثير من المتزوجات تنشغل باطفالها والا بيتها والا الطبخ عن زوجها
وتقول شو اعمل ماعندي وقت لازم اربي اولادي
وهذا طبعا خطا انها تنشغل بهم عنه
لازم تقسم وقتها وتحدد وقت لبيتها ووقت لاولادها
ووقت لزوجها بس

زوجة اخوي الثالث كم مره تحصل لها مشاكل مع أخوي بسبب اهمالها له
الى درجة انه يطلع من عندها ويجي عندي ينام

وانا بس اصير مصلح بينهم غثوني
والله الى درجة اروح معاها السوق واختار لها ملابس وحاقات
بس عشان تغير اسلوب حياتها الممل
حياتها ممله ورتيبة مافيه شي جديد بس اولادي وبيتي ومطبخي
والله لو انا زوجها مليت وطقة كبدي :zaraf:

طيب اوكي اهتمي باولادك بس خصص وقت بس لزوجك
اهلك ياكثرهم وزعي اولادك بين فتره وفتره عندهم منها تغيير جو لهم
ومنها تغيرين انتي حياتك

<< كاني شطحت بس مايخالف تغيير :D

[™ЯΘΘnA]

نسيت تسلمين نوف ع الموضوع المهم :)

[نوف]

نسيت تسلمين نوف ع الموضوع المهم :)



هههههههههههه

صباح الخير لك وللموضوع :happy0099:

[نوف]

ذكرى ...


اما ان المتزوجه تتلقى نصايح من بنت لسه ماتزوجت
هذا اكبر خطأ ...

الزواج تجربه خاصه جدا مااحد يقدر يتكلم عنها الا الي داخل عالمها



...



أم الزوج ...

لها تعامل خاص فيها
حتى لو مااسكنت البيت هي من اهل البيت
جت و لا راحت



غير الي قلتي عن الأم ونصايحها
المفروض مو كل صغيره وكبيره يعرف الأهل عنها




شكرا لك

[نوف]

وش فيها طيب اذا كان الرجل غني وخلوق وله مركز .. :2_61:
يختي الحين من وين تلقين رجل صاحي وش عاد لاصار غني ... :orngbiggrin:



ايه انتي قلتي غني وخلوق ... هذي صح

انا قلت بس لانه غني ....



والله فيه بنات يتقدم لهن شباب مناسبين بس للأسف
يرفضن ...

[نوف]

رسـّــــاوي ...


حتى الرجل يدخل للحياة الزوجيه وبرأسه كثير من الافكار
او النصايح ..

يحاول يطبقها على زوجته لو ماكانت تناسب ...

يسمع ويجي يطبق >>> يعني الوضع يشمل الأثنين




مراح يذوب هالجليد الي بينهم مدام واحد منهم يسمع نصايح من الي حوله
ويروح يطبقها ...


وقليل يارساوي الأزواج الي واصلين لمرحلة التفاهم ...
الي يخوف ان بعضهم ساكت صح بس تحسه ساكت على شيء


ويروح يقول للجميع واذا جاء للقريب منه ... اختار السكوت




شكرا لك

[نوف]

مافيه احلى وامان من اغلاق اي استشارة
من اي شخص
وحل الامور بشكل داخلي بين الاثنين فقط

لا يوجد تدخل خارجي اياً كانت طريقته الا وزاد الامور
تعقيدا ً

ابقوا بيوتكم واسراراكم مغلقة فقط انتم من يحلها

ولا تجعلون الناس يتشرفون على اي شي داخل اسواركم

فهي انجى وافضل طريقة لكي يستمر قارب الزواج
بالابحار




لانه فعلا بعض الإستشارات تضيع وتخرب بيوت

وحده اعرفها كان بينها وبين زوجها خلاف
وكلمناها وحاولنا إقناعها بس مافيه فايده

تصور ... راحت لدكتوره اعتقد نفسيه
ونصحتها ... بطلب الطلاق ؟؟؟

معقول هالرأي ...



على شان كذا مشاكل الزوجين بالغالب مايحلها الاهم
الا اذا اكبرت المشاكل وتطورت




شكرا لك

[نوف]

ذكرى





أمي العكس تماماً ..

كثير توقف مع الرجال لأخر نفس :)


....

.

.

نوف المشكلة .. إن البعض يكون

لأ يعاني؟! يتحدث أكثر مما يفعل..


والبعض لا يكلف نفسة بفهم الشخص أمامة ..

ويطالب الناس بفهمة .. وهذاهو المستحيل..



كلام رساوي كثير أعجبني وجداً واقعي :)





الأم الي تبي مصلحة بنتها
مو كل ماجتها البنت تشتكي
كبرت الموضوع برأسها



كثير من المتزوجين يعانون من قل فهم طرف للطرف الاخر
وعلى فكره هذا موجود بكثير اماكن موبس عندنا
وشفت وسمعت تجارب من هالنوع




شكرا لك

[نوف]

نوف اتوقع انه بوقتنا هذا حلو ان الوحده
قبل ماتتزوج تاخذ دورة عن الحياة الزوجيه:exactly:
لان كثير من البنات اللحين يتوقعون ان الزواج زي المسلسلات ولافلام
كلها رومانسيه وهذا شي طبيعي غلط:screama:
انا من تجربة صديقتي للزواج احس انه يجي بالتفاهم بين الطرفين
وعلى ماقالت مب كل شي يجي بسرعه
لازم فترة على بال مايفهمك وتفهمينه:yes3:



يقولون فيه دورات عن الحياة الزوجيه
بس ارجع واقول الدراسه نظري غير لماتطبقين على الواقع



مافيه زواج بالعالم عسل طول الوقت
ولا مشاكل طول الوقت


طبعا التفاهم هو كل شيء
بس بعض الاوقات يجيك طرف
رأسه يابس مثل مايقولون



شكرا لك

[نوف]

.
.
.
نووف موضوع متميزز وهذا وقته :o,.,.,

.
ايضا" لاحظت كثير من البنات المتزووجات يكون رأيهن بالزواج سلبي
وهن في الحقيقه مبسوطات بس فقط مجررد شكايه :ermm:


يعني نقول مبروووك ؟ :o


للأسف فيه هالنوعيه
وهذي تضيع ...
وموجوده عند الرجال مثل النساء



شكرا لك

[نوف]

8

8

يخافون من العين وانتي الصادقه :sick0012:

موضوعك حلو نوف وبوقته

بنظري المشاكل تكون بينهم واذا ماقدروا وكبرت السالفه

يدخلون بينهم شخص ثقه وكبير بالسن لانه اكيد فاهم ومجرب

بس مشكلتهم الحين كل وحده تشاور صديقتها والمصيبه ذي تشيل وتحط وسوي واتركي

وهي بالاساس ماعندها سالفه ولا خبره






8

8

8


بنظري المشاكل تكون بينهم واذا ماقدروا وكبرت السالفه

يدخلون بينهم شخص ثقه وكبير بالسن لانه اكيد فاهم ومجرب

بس مشكلتهم الحين كل وحده تشاور صديقتها والمصيبه ذي تشيل وتحط وسوي واتركي

وهي بالاساس ماعندها سالفه ولا خبر


مختصر مفيد ..

شكرا لك

[نوف]

طيب ,,,




أحياناً يحتاج الواحد يفضفض ,,, بس الواجب تعرفين لمين تفضفضين ..

أنــــــــا غلطت أكبر غلطة بحياتي وغلطة ما تغتفر لما فضفضت لوحدة وصارت سالفتي على كل لسان !

المشكلة هالنقطة إنحسبت ضدي وبدل ما يحلون مشكلة ولدهم تناسوها وصاروا يقولون هالحرمة ما تنفع ,, تفضح بزوجها بكل مكان !!

الله حسيبهم ,, بس أرجع وأقول أنا الغلطانة ,, كان شكيت لخواتي وإلا وحدة من صديقاتي خارج نطاق العائلة أصرف..

يقولون الحياة مدرسة ,,, وهذاني تعلمت أهم درس في حياتي...

إذا سرك عجزتي تحتفظين فيه لا تتوقعين إن أحد بيحفظه !!!





هو مثل ماقلتي لازم نفضفض بس الطرف المقابل من يكون
نوع من الناس يسمع لك ويحفظك ويساعدك
ونوع اخر يسمعك ولا يحفظك ولا يساعدك



اكيد هالي تكلمتي عنها حبت تسمع لك مو على شان تساعدك


من كلامك فعلا اخطأتي باختيارك وياكثر مايصير لنا مثلك
وبدل ماتصغر المشكله تكبر
وبدل ماتحل يلام صاحب المشكله




( إذا سرك عجزتي تحتفظين فيه لا تتوقعين إن أحد بيحفظه !!! )


اخالفك بهالنقطه ... السر الخاص فيك ممكن تقولين عنه كذا
بس السر الي سببه مشكله او المشكله الي لازم حالها مااعتقد هذا سر
بل نوع من الألم إنك تحتفظين فيه ولا تحاولين حله




شكرا لك

[نوف]

السلام عليكم ورحمة الله وبركاته
اختي غدا اجمل ....لاتندمي ولاتحملي نفسك ما لا طاقة لك به....
واعلمي ان الفضفضه من الصفات الأساسيه للمراءة .....فعندما تخرج ما فيها من مشاعر ضيق وغضب ......لإنسان قريب .........تشعر بالراحة....
وغالبا هي في هذه الأثناء لا تطلب المشوره وانما تريد اخراج ما في قلبها من هموم.
ولكن وللأسف الشديد احرصي ان لاتكون هذه الفضفضه لقريبه......"الأقارب عقارب" مقوله صحيحة الى حد ما!!!!!!
ومن تكون قريبه منك اليوم قد تصبح عدوتك غدا وتفضح اسرارك....
كذلك الصديقات...فالدنيا لاثبات لها على حال وقد تندمين على اطلاعهن على امورك الخاصه....
فتبقى الأم والأخت هن اكثر الناس قربا منك وحرصا على كتمان اسرارك.....



[/glow1]








الام مثل ماقلتي والأخت هم اقرب الناس للفضفضه
لان سرهم سرك
ومايألمك ويتعبك يتعبهم

[نوف]

العيب اللي كثير اشوفه ان البنت اذا اقدمت على الزواج تقدم وهي جاهله كثير

عن الزواج ماتلقين اما سنعه تفهمها اهم شئ من يوم تنخطب وين يحطون العرس

وش الكوشه المناسبه وش نجيب طققات.......الخ

فتكثر المشاكل والفضفضه لابد منها ولكن ليس على كل شى ويجب اختيار الشخص

المناسب اللي احس اني اباستفيد منه



مهما قدمت الأم من نصايح وتجارب
الا إن الموضوع يبقى خاص فيها
تعطيها امها بالشكل العام لكن هالانسان الي ارتبطت فيه
مااحد راح يعرف نوعيته الا هي

[نوف]

صدقتي نوف اهم شي الخصوصيه بين الزوجين
اما من ناحية الاستشاره انا لااؤيدها بكثره لان الزوجين يعرفون مصلحة انفسهم اكثر من غيرهم

زوجك يختلف كليا عن ابوك
او زوج اختك
الزوج إنسان مستقل بذاته
له خصوصيه معينه

وكلامك هذا اتوقع انه سبب كثير من المشاكل لان البنت دايم تقول ابي واحد مثل ابوي واخواني والمقارنه اكبر غلط

وشكرا على الموضوع الحلو



أنا مثلك احس صعبه كل ماصار شيء دقت البنت على امها
وعطتها موجز هاليوم
مع سماع رأي امها وتوجيهاتها بها اليوم

نخلي التدخل في المواقف الصعبه
لكن المشاكل الصغيره .. هنا تبرز شخصيتها وفهمها وطريقة معالجتها




كثير بنات يتعقدون من الزواج بسبب وضع الأب وطريقة تعامله مع الأم




شكرا لك

[نوف]

من ملاحظاتي من المتزوجين من أهلي


صارت عندي خبرة :D
يعني دورات بالمجان

وصرنا نعطي نصائح بعد :D


الحياة الزجية المفروض تكون قالب واحد ينصهر فيه الزوجين
ويكون الحب والاخلاص والايثار والاحترام
هي القيم اللي تحفظ العلاقة الزوجية
فتكون مكانة كل منهما محفوظة
كل له مكانته الذي خلقه الله بها وجبله عليها

مابين الزوجين حق لهما فقط
المفروض مايطلع عليه اي احد
الا في الضرورة القصوى فقط

مثلا استشارة من شخص فاهم وحكيم ومعروف بانه أهل للثقة

ما اتوقع لو اتزوج اني باشكي مشاكلي لاحد مهما يكون ..
يمكن أخواني استفسر منهم عن بعض الاشياء
لكن مستحيل اقولهم مشاكلي
اولا عشان اعود نفسي على حل مشاكلي بنفسي لان محد بدايم لي
وثانيا عشان اثبت لنفسي اني قادرة على ادارة بيتي وحياتي الزوجية
وثالثا لاني ابغى اثبت لاهلي ان هالمدلعة والمدللـة في نظرهم انها قدها وقدود وقادرة على تحمل المسؤلية
ورابعا ما ابغى ولد الناس يقول تزوجت وحدة ماتعرف كوعها من بوعها ولاني ابي احترامها لي مثل ما هو يبيه :)


واضيف ..
كثير من المتزوجات تنشغل باطفالها والا بيتها والا الطبخ عن زوجها
وتقول شو اعمل ماعندي وقت لازم اربي اولادي
وهذا طبعا خطا انها تنشغل بهم عنه
لازم تقسم وقتها وتحدد وقت لبيتها ووقت لاولادها
ووقت لزوجها بس

زوجة اخوي الثالث كم مره تحصل لها مشاكل مع أخوي بسبب اهمالها له
الى درجة انه يطلع من عندها ويجي عندي ينام

وانا بس اصير مصلح بينهم غثوني
والله الى درجة اروح معاها السوق واختار لها ملابس وحاقات
بس عشان تغير اسلوب حياتها الممل
حياتها ممله ورتيبة مافيه شي جديد بس اولادي وبيتي ومطبخي
والله لو انا زوجها مليت وطقة كبدي :zaraf:

طيب اوكي اهتمي باولادك بس خصص وقت بس لزوجك
اهلك ياكثرهم وزعي اولادك بين فتره وفتره عندهم منها تغيير جو لهم
ومنها تغيرين انتي حياتك

<< كاني شطحت بس مايخالف تغيير :D







صدقيني عذبه


الزواج بالذات حاله خاصه وتجربه خاصه
اذا كنتي خارج إطار الزواج لايمكن تقدرين تبتين بمواضيعه
وتساعدين بحل مشاكله ...


التعامل مع رجل ( الزوج ) واستمرارك معه اربع وعشرين ساعه
طول الأيام .. امك وأختك مالتصقتي فيهم مثل وضعك معه


اكثر من يفهمك واكثر من يقدرك اذا وفقتي باختياره
واكثر من يحافظ عليك


حتى لو اخذتي موقف منه بوقت ورحتي تكلمتي واشتكيتي
تلقينك بعد شوي تذوب المشاكل بينكم وترجعون مثل اول وافضل



للأسف ...
بعض المتزوجين بنات وشباب ينهون حياتهم عن طريق كثرة الكلام
يعني المشكله الصغيره ... بدل مايتحملها او يحاول حلها مع الطرف الثاني
يروح يقتش عن حلها من ناس يمكن هم بالاصل ماجربوا مثل هالوضع




( ما اتوقع لو اتزوج اني باشكي مشاكلي لاحد مهما يكون ..
يمكن أخواني استفسر منهم عن بعض الاشياء
لكن مستحيل اقولهم مشاكلي
اولا عشان اعود نفسي على حل مشاكلي بنفسي لان محد بدايم لي
وثانيا عشان اثبت لنفسي اني قادرة على ادارة بيتي وحياتي الزوجية
وثالثا لاني ابغى اثبت لاهلي ان هالمدلعة والمدللـة في نظرهم انها قدها وقدود وقادرة على تحمل المسؤلية
ورابعا ما ابغى ولد الناس يقول تزوجت وحدة ماتعرف كوعها من بوعها ولاني ابي احترامها لي مثل ما هو يبيه :) )

8

8

8


فيه مشاكل ... مهما بلغتي من حلم وثقافه ومعرفه لابد من تدخل طرف ثالث
لان سكوتك عنها نوع من الانتحار ...

الرجال انواع ... يجي لك واحد فيه من القسوة او الشدة او عدم الفهم
بطريقه معه ماراح تقدرين تتكلمين كلمه وحده

بهاللحظه لابد من مشاركة اهلك ... ودايما يتم إختيار الأم او الأخت بالبدايه
وإذا تطور الامر لابد من تدخل رجال العائله


واعطيك مثال ...
نوع من الرجال يضرب
نوع أخر متساهل ومهمل لأمور الدين


هالانواع وغيرها
ماراح تقدرين تحلينها بنفسك






( واضيف ..
كثير من المتزوجات تنشغل باطفالها والا بيتها والا الطبخ عن زوجها
وتقول شو اعمل ماعندي وقت لازم اربي اولادي
وهذا طبعا خطا انها تنشغل بهم عنه
لازم تقسم وقتها وتحدد وقت لبيتها ووقت لاولادها
ووقت لزوجها بس )


إجابتك هنا ... عذبه
تدل فعلا إن التجربه ضروريه


انا مع هالزوجه الي تقولين عنها ...
وين الوقت الي بتفضى له

اذا بسلامته يبي اطفال كل سنه
ويبي بيت نظيف
ويبي اكل اشكال والالوان

وبعضهم مايبي الشغاله تطبخ

هالنوع ... من وين تلقى زوجته وقت تفضيه له ولطلباته الخاصه
اتمنى بمثل هالحاله ... تطالعين جهة زوج هالمرأة الي بنظرك مشغوله عنه ...





( زوجة اخوي الثالث كم مره تحصل لها مشاكل مع أخوي بسبب اهمالها له
الى درجة انه يطلع من عندها ويجي عندي ينام )


طبعا فيه زوجات مهملات وفيه ازواج نفس النوع
بس بالنسبة لزوجة اخوك ... هل سمعتي رأيها فيه
تعامله معها ... اذا كانوا للحالهم بدون وجود احد

جربي تنظرين للموضوع ... ان زوجها ماهو اخوك ؟






( وانا بس اصير مصلح بينهم غثوني
والله الى درجة اروح معاها السوق واختار لها ملابس وحاقات
بس عشان تغير اسلوب حياتها الممل
حياتها ممله ورتيبة مافيه شي جديد بس اولادي وبيتي ومطبخي
والله لو انا زوجها مليت وطقة كبدي )

اخوك كيف هو معها ؟ كيف تعامله ؟
يمكن يكون هو سبب هالمشكله الي هي فيها

أنتي تدرين ياعذبه ...
إن بعض الزوجات ... توصل لطريق مسدود مع زوجها
بهالحاله هي ماتبي الطلاق على شان اولادها
فتلقينها تختار وضع الا مبالي ...




( طيب اوكي اهتمي باولادك بس خصص وقت بس لزوجك
اهلك ياكثرهم وزعي اولادك بين فتره وفتره عندهم منها تغيير جو لهم
ومنها تغيرين انتي حياتك )


ماجابت الزوجه اطفال على شان توزعهم على القرايب
جابت اطفال على شان تتحمل هي وزوجها مسؤليتهم

مو من واجبها توزيع اطفالها على شان بسلامته ...



وانا مثلك شطحت بعيد
ويمكن ابعد منك



تحياتي

[نوف]

كل كلمه كتبتها هنا ...

صحيح أنا اتكلم عن الزوجه ...
بس الموضوع ... مقصود فيه الزوج والزوجه


يعني الكل ينظر له بزاويته

مثل مافيه زوجات تعاني
فيه ازواج اكثرمعاناة

[توفي]

صباح الفل والياسمين

.. عيني عليك باردة .. موضوع فريد ومميز ..

ما أحس أقدر أتكلم كثير بهالمواضيع إلا بعد تجربة ..

بس باختصار شديد .. التعميم .. شي مو حلوو أبد

شخصيات البشر متباينة .. وصعب تعامل الكل .. نفس التعامل ..

لازم تعاملين كل انسان على حسب قدراته .. وعناده ومستوى ذكائه ... الخ

الزبدة .. باللي يناسب شخصيته ..

وفي ناس لهم وضع خاص وتعامل غير برضو .. زي أهلك .. وزوجك ..

تسلم هالديات اللي كتبت لنا هيك موضوع ..

شكرا .. نوفي

[نوف]

صباح الفل والياسمين

.. عيني عليك باردة .. موضوع فريد ومميز ..

ما أحس أقدر أتكلم كثير بهالمواضيع إلا بعد تجربة ..

بس باختصار شديد .. التعميم .. شي مو حلوو أبد

شخصيات البشر متباينة .. وصعب تعامل الكل .. نفس التعامل ..

لازم تعاملين كل انسان على حسب قدراته .. وعناده ومستوى ذكائه ... الخ

الزبدة .. باللي يناسب شخصيته ..

وفي ناس لهم وضع خاص وتعامل غير برضو .. زي أهلك .. وزوجك ..

تسلم هالديات اللي كتبت لنا هيك موضوع ..

شكرا .. نوفي



صباحك شهد ....



هذا الي حنا نقول ... افضل مانتكلم الابعد تجربه
اشياء ثانيه ممكن تعليمها نظري ...
الا الزواج والتعامل مع الزوج ... هذا لابد التعابش فيه وبعدين
التعامل معه



اكيد إن التعميم مو صحيح
كل إنسان يختلف عن الثاني



الاهل لهم تعامل خاص فيهم
ومهما سوينا هم اهلنا ..



يسلم لي هالحضور وهالكلام الحلووو

تحياتي

[نوف]

للكلام بقيه ...



اذكر زمليه لي كانت متأخره بالزواج
وكان الباقي متزوجات ومخلينها المرجع لهم
كيف يتعاملون مع ازواجهم واطفالهم <<< أنا كان لي موقف مخالف :o



حتى وحده قالت لها ليتك تجين تربين لي اولادي ..


وهي الله يذكرها بالخير ... مصدقه ...
وتعطيهم من هالنصايح والغريب اغلبها قايمه على الشده في التعامل
والحده ...


بعد فتره تزوجت ... وصار عندها بنت ...

الغريب صارت تجي تبكي عندنا من كثر فشلها
في التعامل معها >>> مع انها صغيرة

تقول ماقدرت اتعامل معها
احسها عنيده مره ...


من هالكلام كله ... اقول
سهل إصدار النصايح
لكن صعب بكثير من الأحيان تطبيقها


حتى النصايح الصادره عن تجربه ممكن تناسبنا
بس كثير من الاحيان ماتناسب غيرنا






.

[جـــــراح]

.

.


موضوع مميّز .. و الأميز فيه أن العنوان يحكي كل شيء .

إذا تجاوزنا مسألة هل نستشير أم لا فتبقى الإشكالية الأصعب ( من هو الذي سنستشيره ومتى وكيف ؟)

وفق صعوبة نجاحنا في إستشارة الأنسب أميل إلى رأي أخي محبس ومن وافقه في أن بيتك سر من أسرارك لايجب أن يطلع عليه أحد .

عدا التدخل في مشاكل العنف الجسدي وهي طلب مساعدة وليست إستشاره فالباقي يسهل أمره مادام محدوداً بين الزوجين .


شكراً نوف .


تحياتي .

[بنت الشيحية]

هلا بك نوف
تصدقين نوف انا متأكده ان نصف المشاكل الزوجيه من الإستشارات الخارجيه
كثير ناس تعطيك نصائح هي في الحقيقه لاتناسبك ولكن يراها الآخرون جيده
والمشكله الكبرى ان بعضهم ينفق نصائحه لوجه الله ولايعمل بها
يعني المشكله ان البعض ماجرب نصيحته حتى يهديها غيره!!!!
صحيح ان قلبه عليه وبعضهم خايف عليك لكن لاتؤمن بشئ مالم تكن قد قمت بتجربته من قبل

انتي ذكرتي باالعنوان ان(( زواجك تجربه خاصه بك وحدك)) ..ممتاز

وانا اقول ايضا زوجك او زوجتك يختلف وتختلف عن الآخرين
فبعضهم باالين يلين وأكثر وبعضهم بالشده يتأدب
وبعضهم باالرفق والعدل وبعضهم بالإستسلام وبعضهم لاينفع معه العناد وبعضهم باالتنازل والتسامح ووو كلن حسب نفسيته وطبيعته يكون التعامل معه

فنحن جميعاً نعلم طبيعة ونفسية وشخصية ازواجنا وزوجاتنا وعلى اساسها
لابد ان يكون التعامل حتى في المشكلات

انا اعلم ان عنادي وإصراري لن يجلب لي أدنى نتيجه وربما يقودها لم لايحمد عقباه لذلك من المفترض من البدايه ان اقدم تنازلاتي في سبيل حياتي

انا علم ايضاً ان تواضعي وإنخضاعي سيرفعني درجه في قلب زوجي

بعضنا يصطدم اما مشكلاته ويتوقف تفكيره لذلك كمن سبقني الفكره فعلينا
اختيار الشخص المناسب حين استشارته

والأهم والمهم ان نشرح نفسية وطبيعة ازواجنا حتى تكون النصائح في مكانها المناسب
لاشك ان المرونه والتسامح واللين والتنازل والتضحيه من اهم مسببات النجاح في الحياة الزوجيه طبعا في الحالات الطبيعيه


شكرا لك نوف

[نوف]

.

.


موضوع مميّز .. و الأميز فيه أن العنوان يحكي كل شيء .

إذا تجاوزنا مسألة هل نستشير أم لا فتبقى الإشكالية الأصعب ( من هو الذي سنستشيره ومتى وكيف ؟)

وفق صعوبة نجاحنا في إستشارة الأنسب أميل إلى رأي أخي محبس ومن وافقه في أن بيتك سر من أسرارك لايجب أن يطلع عليه أحد .

عدا التدخل في مشاكل العنف الجسدي وهي طلب مساعدة وليست إستشاره فالباقي يسهل أمره مادام محدوداً بين الزوجين .


شكراً نوف .


تحياتي .




المميز فيه تواجد جراح ....


ماادري ... بس احس الرجل اقل إستشاره من المرأة
لكن بنات حواء مايستغنون عنها لو على خفيف

يعني البعض مايطلع عن نطاق العائلة
بس الخوف هو لما نستشير ناس ابدا مايبون لنا الخير


طبعا هو الافضل ... التفاهم بين الاثنين
لكن لما يوصلون طريق مسدود
وتتعطل عندهم لغة التفاهم





شكرا لك

[نوف]

هلا بك نوف
تصدقين نوف انا متأكده ان نصف المشاكل الزوجيه من الإستشارات الخارجيه
كثير ناس تعطيك نصائح هي في الحقيقه لاتناسبك ولكن يراها الآخرون جيده
والمشكله الكبرى ان بعضهم ينفق نصائحه لوجه الله ولايعمل بها
يعني المشكله ان البعض ماجرب نصيحته حتى يهديها غيره!!!!
صحيح ان قلبه عليه وبعضهم خايف عليك لكن لاتؤمن بشئ مالم تكن قد قمت بتجربته من قبل

انتي ذكرتي باالعنوان ان(( زواجك تجربه خاصه بك وحدك)) ..ممتاز

وانا اقول ايضا زوجك او زوجتك يختلف وتختلف عن الآخرين
فبعضهم باالين يلين وأكثر وبعضهم بالشده يتأدب
وبعضهم باالرفق والعدل وبعضهم بالإستسلام وبعضهم لاينفع معه العناد وبعضهم باالتنازل والتسامح ووو كلن حسب نفسيته وطبيعته يكون التعامل معه

فنحن جميعاً نعلم طبيعة ونفسية وشخصية ازواجنا وزوجاتنا وعلى اساسها
لابد ان يكون التعامل حتى في المشكلات

انا اعلم ان عنادي وإصراري لن يجلب لي أدنى نتيجه وربما يقودها لم لايحمد عقباه لذلك من المفترض من البدايه ان اقدم تنازلاتي في سبيل حياتي

انا علم ايضاً ان تواضعي وإنخضاعي سيرفعني درجه في قلب زوجي

بعضنا يصطدم اما مشكلاته ويتوقف تفكيره لذلك كمن سبقني الفكره فعلينا
اختيار الشخص المناسب حين استشارته

والأهم والمهم ان نشرح نفسية وطبيعة ازواجنا حتى تكون النصائح في مكانها المناسب
لاشك ان المرونه والتسامح واللين والتنازل والتضحيه من اهم مسببات النجاح في الحياة الزوجيه طبعا في الحالات الطبيعيه


شكرا لك نوف





هلابك اكثر


صادقه انتي ..
حتى الكثير ينصح بشيء هو مو قادر يطبقه على نفسه

وبعدين ممكن التجربه الي تناسب غيرك
مو اكيد تناسبك

خاصه ان الي تتعاملين معه مثلا ... الزوج ... شخصيته غير
شخصية الي قدمت لك النصيحه





الشكر لحضورك

[نوف]

بعض النساء ... اتكلم طبعا عن العالم الخاص فيني ...

فعلا تضيّع برأيها وطريقة تحديها
ونصحها إن الزوجه ماراح تكون زوجه لها مكانتها الا اذا

صار صوتها عالي بالبيت ... وتخالف بكل امر

والغريب البعض تطالب .. بالتعامل بنوع من التكتم وعدم الوضوح مع الزوج

[نوف]

الرجل لطبيعته وتكوينه اغلب الاحيان >>> اعتقد ؟

يميل للتكتم في علاقته بزوجته
حتى لو كان فيه مشاكل نلقاه يحاول يحلها بينه وبينها


لكن لو اجيب الموضوع من ناحيه ثانيه
اقول في الغالب ... الرجل هو الي يمشّي رأيه
ويسوي الي يشوف أنه مناسب من وجهة نظره هو وبس




على شان كذا المرأة تشعر بنوع من الظلم او بشكل ابسط تتضايق
وتشعر ان فيه مشكله .. بينها وبينه ... هو ماشي على رأيه

وبمعنى ثاني ( كأنه مطنش زوجته ورأيها )

[نوف]

الغريب ان فيه بعض الزوجات ...

اعتقد انها تكون حياتها طبيعيه مع زوجها
او يمكن اكثر من سعيده معه

وملبي لها كل طلباتها


ومع هذا كثيرة الشكوى ...

اعتقد هذي ( يقال في عالم النساء ) تخاف من العين :hmmm3:



بس ممكن تشكيها يكون له نتايج سلبيه على وحده مقدمه على زواج
او تكون زوجه جديده

[بنت الشيحية]

^
^
كلامك صحيح يانوف
وبعض الناس كثيرة الشكوى تبي كل شي كامل وكل شي متوفر وكل شي تمام!!
يعني ماتغفل عن امور او تتنازل عن بعضها مقابل ماهي عليه من نعيم
تبي الدنيا تكمل لها لذلك تكثر الشكوى
.
.
الي تكثر الشكوى عشانها تخاف من العين
وش حادها اساساً تشتكي لاتشتكي ولاتمدح تسكت افضل
.
.
فيه حريم ورجال ايضاً يسبون بعضهم في المجالس!
وينشرون غسيل بعض
ياخزياه بس

[نوف]

^


^

كلامك صحيح يانوف

وبعض الناس كثيرة الشكوى تبي كل شي كامل وكل شي متوفر وكل شي تمام!!

يعني ماتغفل عن امور او تتنازل عن بعضها مقابل ماهي عليه من نعيم
تبي الدنيا تكمل لها لذلك تكثر الشكوى
.
.
الي تكثر الشكوى عشانها تخاف من العين
وش حادها اساساً تشتكي لاتشتكي ولاتمدح تسكت افضل
.
.
فيه حريم ورجال ايضاً يسبون بعضهم في المجالس!
وينشرون غسيل بعض
ياخزياه بس














ماادري ليه ماتلزم الصمت هالنوع من الزوجات

يعني مثل ماقلتي لاتشتكي ولا تمدح





اما من ناحيه نشر الغسيل ( الخاص ) مثل مايقولون

استغرب انا بعض الزوجات والازواج مايقوم بعمل ولا بتصرف

خاص ولا عام داحل بيته الا هو متكلم فيه مع صديقه








ماادري وش المتعه والفايده في الخوض بهكذا امور




بعض الزوجات واعتقد الازواج .. تتعمق بالكلام عن علاقتها الخاصه مع زوجها