بنت المنفلوطي
26-07-2006, 10:54 AM
((الجزء العاشر))
كل موظفين المستشفى اللي عند الاستقبال عرفوه من كثر ما يجي..ويظنون ان له قريب مره..او ابوه مافي يوم الا ويجي واحيانا باليوم مرتين..يروح عند الكتور ويسأل عنه.. ويروح بعد ويتأكد من عند الممرضه..دخل خالد جهة الدكتور بيسأل عن سعد الين يجي موعد الزيارة..
خالد دق الباب وابتسم للدكتور وقال:السلام عليكم
الدكتور:مرحبا اخوي وعليكم السلام..تفضل..
دخل خالد بخطوات ثقيله..كل ما جا عند الدكتور يتخوف من الأسئلة..ومن الإلحاح عليه بمعرفه وش حالة سعد..بس ما يبين شئ للدكتور..
خالد يخفف حدة التوتر عنده ويسال الدكتور:شلونك يا دكتور؟
الدكتور:بخير الله يسلمك..وش اخبارك انت؟
خالد:اخباري هي اخبار سعد؟
الدكتور ابتسم وعرف اللي يبيه خالد:بصراحه الى الان ما صار شئ..
خالد:شلون يعني؟
الدكتور:باذن الله انه بخير..مرة يكون النبض عادي..وتنفسه مافيه أي شئ..واحيانا لا النبض كويس ولا تنفسه مو طبيعي..وما زال تحت مراقبتنا..
خالد:والدم؟
الدكتور:دم
خالد:اقصد تبرع الدم من اللي حصل معاه توافق..
الدكتور:على ما اعتقد حرمه اللي تبرعت..
خالد بسرعه قال:بنته يا دكتور؟
الدكتور:لا ما اظن..وحده ثانيه بس انت تاكد من الممرضة..
خالد:والى الان مغمى عليه..
الدكتور:أي وما في تطور جديد..
خالد:الله يستر يارب..
الدكتور:سعد مايحتاج منك الا الدعاء..
خالد:الله يشفيه..ويغير حاله للأحسن..
الدكتور:آميـــن..
وخالد ما تحرك من الكرسي اللي عند الدكتور وتفكيره راح لسعد وقام يفكر بحالته.. وما انتبه الى على صوت الدكتور وهو يقول:يلزمك شئ اخ خالد..
خالد بابتسامة:ابد سلامتك يا دكتور..
وراح خالد وهو محبط على الاخير..اكثر شئ كان يخاف منه خالد ان سعد يموت وما يتكلم.. اقل شئ بس كلمة تشفي غليله وتريحه من هم وعذاب الوقت اللي فات..اتجه خالد كالعاده جهة الممرضة..وكل الممرضات حاسدينها لانه يجيها باستمرار..
سعاد:جاكِ..يا هناكِ مالت علينا..
الممرضه مي :بـــنـــــت..عيب وربي عيب..(هي المسؤلة عن حالة سعد)
الممرضه حنان:اعطيني الاوراق يا سعاد..
سعاد:خوذي كلها على المكتب..(وبالها مشغول بخالد)..
خالد:السلام عليكم..
الممرضات:وعليكم السلام..
خالد خجول مره وما قدر يدخل الغرفه وصار واقف عند الباب واتكلم بسرعه..ويناظر فوق وهو يتكلم او ينشغل بالمكتب يناظر فيه من فوق الى تحت..
خالد:اقدر الاقي معلومات عن المريض سعد..
سعاد بسرعه تكلمت قبل ما ترد مي او حنان:أي اكيد تلاقي عن أي مريض بس وش بالضبط تبي تسال عنه؟
مي كاتمه بنفسها الضحكه ما تترك سعاد حركاتها..
خالد:ابغ اعرف من اللي تبرع الدم للمريض سعد..
كانت بهاللحظه حنان منشغله بالملفات اللي معها ولا التفت على خالد من تكلم بس يوم سمعت طاري الدم ومن اتبرع..اتنفضت مره وما قدرت تمسك الملف اللي ابيدها..وكانت تبي تطيح الملفات بس مسكتها عل طول ما تبي احد يحس..بس الغرفه كانت هادية وانعرف وين مصدر الصوت..سعاد ومي مهم عارفين وش السالفه وليش صارت هالحركه من حنان..جت سعاد وقالت كلمتها الي ظنت انها عبقرية زمانها وانها تعرف تتصرف بمثل هالمواقف
وقالت:بصراحه ما احد صار عنده توافق الا بنته واخوه وكلهم حالتهم ما تسمح اننا ناخذ منهم دم..واتبرعت به زميلتنا حنان وهي اللي اعطته الدم..
خالد كان بعالم من الخوف على حالة سعد وتفكيره كله انصب على سعد وحالته الخطيرة اللي تزدام يوم ورى يوم..وحركة الممرضة حنان ما حركت فيه ولا شعره..مجرد سقوط ورق بس جواب الممرضه سعاد هو اللي خلاه يرجع بذاكرته لدقايق بس ويربط الموقفين ببعض والتفت على حنان بكل بساطه لان سعاد وهي تتكلم اشرت على حنان وقال:الله يجزاك خير ما..وسكت..
حنان من يوم ما انتبهت لخالد وهي خايفه ان احد من الممرضات يعرف شئ عن خالد وعلاقته فيها لانها ما قالت للممرضات وش يكون خالد..وعرفت معزة سعد بقلب خالد وراحت سوت التحاليل وطلبت من الدكتور ما يفصح عن اسمها وما توقعت ان الجواب يطلع من الممرضات لانهم ما يملكون الاخبار الكافيه عن كل مريض وعن المتبرعين له..بس ما درت ان سعاد تولعت بخالد وصارت تعرف اخباره واخبار مريضه سعد بالتفصيل... زاد ارتباكها وحيرتها بتوقيفة خالد بوسط الكلام ورفعت عينها ووقعت عينها بعين خالد وزادها ارتباك وخوف..
خالد كل اللي سواه ابتسامة وكمل كلامه:ما قصرتي.. وخرج من الغرفه..
حنان عرفت انه ناظر بمكتبهاوشاف اسمها..واللي خلاها تنهبل زيادة حركة خالد..ابتسم وخرج.. وش يقصد بحركته..وانا منزلة راسي ما ادري وين كان يناظر..اما سعاد ومي ما زالوا منصدمين مهم عارفين وش اللي يصير حولهم وتوقعوا ان حنان من الاحراج سوت كذا..يعرفونها دومها خجولة وما تقدر تتعامل مع الرجال.. و سعاد ما علقت الا..
سعاد:ياربي وش هالثقل..بس ابتسامه وليته لاخر فمه بس..واووووووو..وقعدت على الكرسي..
مي:سعاد ما راح تتركين خبالك ما يصير..
سعاد:عاد انا امزح خليني اتسلى..
مي:تمزحيــــــــــــن(وتغمز لها)
سعاد:اييييييييي
مي:يا عمري المزح ما يكون بتتبع الاخبار وقلبك ينقبض لا جا اخونا في الله..ارفقي بحالك تراه ازين لك
سعاد:وشو تتبع الاخبار؟
مي:سعاد انا عارفتكي زييييييييييين..وش دراك ان حنان هي اللي تبرعت وان اسمه خالد وانه من عائلة
سعاد:بس بس بس لا تكملين
مي:ههههههههههههههههههه
سعاد(وكل ملامحها ما تبين الا عن حزن كبير):آآآآآآآآآآآآآآآآآآآآآآخ ياربي ليش الزواج لنا محرم
مي:وزادت حدة ألمها وشاركت سعاد بمشاعرها مع اختلاف اسبابهم الى انه يتفقون في مشكلة وحدة وهو انه محد يتزوجهم...
سعاد:ليتني مثلك يا حنان ما افكر بالزواج موليا بس عجزت وانا احاول أأقلم نفسي..
مي:والله لو مو الحاجه كان ما اشتغلت ولا فكرت ادخل هالقسم...
سعاد:هذي المشكلة الطب افضل راتب مناسب لنا ولحالاتنا بس مافي شئ زين..الا ووراه شئ شين..
مي:آآآآآآآآآآآآآآآآآخ ياربي..الطف بنا يارب...
حنان:عن اذنكم عندي مريض باروح اشوفه...
حنان من الشئ اللي صار لها ما قدرت تتكلم الا بهالجمله اللي قالتها..ما تبي خالد يعرف انها تشتغل بهالمستشفى وانها هي اللي تبرعت..وعرف مكتبها وعرف من تصاحب..خلاااااااااااص.. انقهرت مره.. بس في داخلها كبرياء عالي..يمسح عنها أي شعور ضدها ويدخل مكانه علامات الانتصار..
راحت حنان للطوارئ..تبي تبتعد عن مي وسعاد تخاف وحده منهم تعلق او تنتبه للي صار لها..وخالد من زمان ما شافته وفجأة وبدون مقدمات نكون بمكان واحد..دخلت الاقسام كلها تشوفها..ووصلت عند المريض سعد خافت من انها تتقدم وتشوفه..لايكون خالد فيه..بعدين يظن اني ما عندي ذرة حيا الاحقه بكل مكان..بس هذا شغلها وش تسوي لازم تتطمن عليهم وتعطي عنهم تقرير للدكتور لان اليوم مناوبتها..حنان تكلم روحه:خلاص بعد موعد الزيارة اروح اظمن ما عنده احد..وكملت طريقها لكل المرضى ما عدا سعد..وخرجت من باب الطوارئ وتفاجأت ان خالد قدامها يبي يدخل بس صادف حرمه وصار يكلمها وواضح انها من الزوار..التفت بسرعه حنان وكانت تبي تخرج من المكان كله بس تذكرت انها مغطية يعني ما يعرفها..حنان تمشي بشويش تبي تعرف وش السالفه وخالد وش سالفته..بس خالد ما طول دخل بسرعه على الطوارئ بعد نظرة سريعه على الممرضه..حنان تنفاضت من الداخل وخرجت بسرعه من المكان اللي هي فيه..ياربي شافني..وصارت تسرع بمشيتها على دورات المياه..دخلت دورة المياه وهي تلوم نفسها الف مرة على اللي سوته..انا حنان اسوي هالسواة..اراقب واشوف مع مين خالد..وش دخلني فيه..بعدين ليش هالملاحقه..يارب لطفك قويني وصبرني..لا اميل لشئ ما ترضاه..وفتحت النقاب ولاحظت دمعه خرجت غصب من عينها..حنان وش فيك حنان..لايكون..لا لا ...الا ذا مو معقول..وش فيك جن عقلك..تفكيرك وش به صار واطي..وقطعت تفكيرها بقرار حاسم..ما تبي تكثر بالتفكير اللي يضيق الصدر..تبي حلول وبس..واتخذت قرار وهي في اشد غضبها..يا حنان اصحي معقولة انا اقرر بهالسرعه..من دون تفكير او تباطي باصدار القرار..بس تفكيرها اليوم مو لصالحها..لبست نقابها وراحت للطوارئ وعند المريض سعد على طول...
وعند المريض سعد...دخل خالد ودخلت بعده لمياء وقعدت عل الكرسي ومسكت يد ابوها وصارت تدعي وتقرا عليه..
خالد على طول راح الجهة الثانية من السرير وصار يتمتم باذكار يدعي بها لسعد..وكتف ايدينه وصار يناظر بالسرير وقال:فراس مو مسموح له بالزيارة؟
لمياء كانت تنتظر خالد يقولها أي شئ..من قالت لها انه ما يكلمها بالتلفون ويكلم ولد عمها ما كلمها ولا كلمة..وماهي مصدقة ان خالد كلمها..ناظرت جهة خالد وهو كالعادة مكتف ايدينه ويناظر بالسرير قالت له لمياء:أي ممنوع الزيارة لفروسي..
وتم الصمت حديثهم بالزيارة واتجرات لمياء وقالت:امممم خلاص...وسكتت
خالد ولا اتحرك من مكانه او غير بنظراته وكل اللي قاله:وشو اللي خلاص؟
لمياء وحست بالقهر انها اتكلمت لانها تحس انه ما يهتم لها وقالت:ماله داعي
خالد بدون اي حركه وبصوته الثقيل قال:كملي
لمياء وهي مقهورة مرة من خالد وش على باله كل هذا كبر وهذا اللي شجعها تتكلم:اوكي انا ببيت عمي وخلاص بكون ببيتهم على طول وو؟؟
خالد على حاله وقال:ايي
لمياء وارتفع ضغطها مرة بس قبضت على فمها وصارت تتكلم وهي مسكره سنونها وواضح انها معصبه وصوتها كان واطي مرة:وخلاص ماله داعي الشغل الليلي..وهذي بطاقة الصراف ماقصرت مشكور...
استغرب خالد من حركتها وصوتها اللي صار غريب رغم ان صوتها واطي الا ان خالد حاسة السمع عنده قوية مرة وكل اللي سواه ترك ايدينه وعدل شماغه وهو يقول:هذا حقك وانتي تاخذين حقك واذا انتهى حقي عليكم ذاك الوقت براحتك ترجعين البطاقه او لا...
مدت البطاقة لمياء وقالت:الظاهر سنة كافية وخذ ما قصرت
خالد يحك باطن ايده اليسرى بظاهر ايده اليمنى ولا التفت لها ولا ناظر للبطاقة.. ويقول:ما خلص انا متاكد انه ما خلص وانا اعرف اذا خلص باقولك لا تخافين
لمياء:والله ماله داعي مكتفين والله
خالد رجع وتكتف مرة ثانيه وقال:هذا حقكم ما اخذتوا من مال غيركم
لمياء:اوكي ما قصرت يا خالد
خالد حس بالاحراج كون ان لمياء وهو بمكان واحد رغم ان المكان مكشوف وكل واحد يجي ويزور مريضه وهو توه جاي ماله الا خمس دقايق.. بس هذا ابوها لازم تقعد معاه..
خالد:ان شاء الله اليوم ابجي وآخذ فارس..وعدل بشماغه مرة ثانيه..عادته اذا يخرج من مكان..
لمياء:أي والله اتوله عليك مره
ابتسم خالد بس ما اكتملت بابتسامته لان عادل ولد عم لمياء داخل وهو معصب على الاخر..خالد يعدل شماغه ويبتسم ولمياء بنت عمه معاه الحاله وتقول اتولهت عليك..ما سمع من المتكلم بس اللي سمعه توله وعليك وركبها انه هي اللي قاعده تتكلم..وجا خالد بيخرج بس عادل وقف بطريقه وقال
عادل:وجــع يوجعك ..هيه انت لا اشوفك هنا..
خالد ارتفع واحد من حواجبه وقال:سم
عادل:سم الله بدنك
خالد ارتفع حاجبه بقوة ويناظر عادل باستحقار..
عادل:هيـــــه قلة الادب بطلها ولا اشوفك هنا..انت وش تبي مننا..عمي سعد ما يبيك ما عرفناك الا على الشر وعمي اكيد ما سلم منك...
خالد:لا تقعد ترفع صوتك..عمك هو ابو صديقي وبمقام الوالد..
عادل:صديقك مين؟ما عنده عيال
خالد:الا عنده لؤي وتوفى الله يرحمه
عادل:اقوول لا تقعد تنافخ انت بعد..لؤي ومات وش تبي..
خالد ما رد عليه ومشى بس عادل ما تركه جا ومسك طرف ثوبه وجا خالد وعطاه ضربة قوية على ايده وقال:ايدك ما تمدها على خالد
عادل:يا كلب..ومين انت عشان ما امد ايدي عليك
خالد:انا شيخك خالد
عادل:تخسى
خالد:يخسى امثالك
عادل:والله لو تجي عندنا ما يصير لك شئ طيب..هذا الناقص يغازل بنات خلق الله ..عيني عينك..
خالد ما زالت نظرات الاستحقار عادل وقال:كلن يرى الناس بعين طبعه..الشيوخ ما يسوون ذي الحركات حطها ببالك زين..ومشى خالد عنه وعادل ارتفع ضغطه على الاخر... خالد كان طول الوقت يكلم عادل بثقل وبشويش بعكس عادل اللي ارتفع ضغطه من يشوف خالد ويوم شاف هالحركه زاد حقده وصار يتكلم معاه بحدة وبسرعة..ودخل عادل على لمياء عند ابوها..
انصدم خالد باللي قدامه وحدة تكلمه وما يقدر يرد عليها.. ما يسمع شئ لانه دمه فاير وغاضب على الاخر..ويحاول يهدي نفسه ويهدي اعصابه عشان يستوعب وش تقول هالممرضة..
حنان:وش فيك خالد وش صاير؟
حنان نست كل شئ كانت تبي تسويه ونست القرار وانخرشت يوم شافت مهاوشة خالد وعادل..وهي تكلم خالد..وخالد ما يرد عليها...
خالد:ما صار شئ؟
حنان:طيب اخرج من هنا قبل لا يمسكوك..والا يصير فيك شئ..
وخرج خالد بسرعه وهو مو عارف وش السالفه بس اصلا هو متضايق من المكان اللي هو فيه.. خالد مو راعي هوشات بس يجي اصغر منه وينافخ عليه وبعد انا مو غلطان هذا الشئ اللي رفع ضغط خالد وخلاه يعصب على الاخر...
خالد:وش فيه؟
حنان بثقل ورزانه تتكلم:اكيد احد بلغ عن الهوشه وعشان كذا ابغاك تخرج من هنا لا يمسكونك..
خالد:مشكورة يا بنت الخاله..
حنان تكلم روحه:شلون درى اني انا حنان..
وخالد يكلم روحه:الله يستر على لمياء من هالخبل..
حنان:اوكي باشوف شغلي..
خالد:الله يعينك..
وافترقوا عن بعض من زمان ما تواجهوا ولا تكلموا..حنان من النوع اللي ما تحب جلسات العيال مع البنات حتى بوجود الكبار ولا تحتك بالرجال قد ما تقدر..وخالد ما يحب الجمعات عيال او بنات وبيت خالته له سنتين ما جاه...
اما لمياء من شافت ولد عمها عادل وهي تتنافض تعرف تهوره وعناده..ولما صارخ على خالد وقفت وتنتظر دورها بالهواش من عادل..
عادل:خير وشو تولهت وقدام ابوك يالخاينه والله ما اتركها لك
لمياء انهبلت من عادل وتفكيره ويسمع بالمقلوب:قسم بالله اني اقصد فروسي
عادل:فروسي ومن ذا بعد
لمياء:فراس اخوي..
عادل:امشي على السيارة
لمياء:طيب ما جت عمتي او اروى..
عادل:لا محد جا وبسرعه على السيارة تعالي معي..
لمياء من خوفها مقدرت تتكلم ولا كلمة..وش تقوله ما ابي اركب معاك وما معاك محرم..واللي هون عليها انها بوسط الناس والا لو كان مو بشوارع عامه والا مو وقت عصر كان صار لها شئ....
حالة سعد كل مالها تزيد سوء ومن سئ الى اسوء..واللي شايل هم سعد هم اثنين لمياء وخالد..وكل واحد شايل هم لسبب معين بس يجمعهم حزنهم الشديد على تعب غاليهم...
حنان بعد ما خلصت الهوشة راحت للمريض سعد واطمئنّت عليه وراحت تعطي الدكتور التقرير وتكمل اجراءات قراراها اللي اتخذته على عجل...
************************************
((لحظات تمر على الانسان بطيئة ثقيلة..تلتهم بأنفاسها ثواني عمره..تسكب عليه الملل بسخاء تلعب بأفكاره وخيالاته وتجعلها اشبه بالمجنون يتأمل اللا شئ يتحدث ويضحك للاشئ يعيش مع ذكرياته يمتلئ خياله بأحلام لاتحقق كمنظار يرى فيه أمانيه قريبة بينما تعجز يداه عن لمسها تمر اللحظات بسكون يغسل فيها النوم عينيه ويغطيهما فيتناثر الزمن حواليه سريعا لاهيا عن الحلم التي تحضنه))
***وانــتــي حــلــمــي***
<<مجلة حياة للفتيات>>
((يوم الوداع وهل ابقيت في خلدي
الا الأسى في حنايا القلب يستعر
سلبت من مهجتي ظلا نلوذ به
في راحق بهجير الشوق ينهمر
وهمت في خافقي المكلوم تلدغه
بالشوق كالنار لاتبقي ولا تذر))
<<محمد سليمان الشبل>>
((عودي الي يا روحي..عودي كي أراكِ..استنشق عطرك بكلماتكِ الرائعة..عودي لأسمع صوتك العذب يصدح بعباراتك الرنّانة..عودي فقلبي لا يحتمل فراقكِ..عودي لكي تعود الحياة لمنتدانا..عودي لتتحرك الدماء وتعود المياه لمجاريها..عودي فقلبي ينتفض وعيوني جفت من ذرف الدموع..عودي واسقيني الحب الطاهر..اخلطي حنيني برقتك..وشوقي ببسمتك..واجعلينا خليطا متجانسا من المشاعر..اغمريني بلهفتكــ بحبكــ بهدوئكـ ببسمتكــ ...جوري اعشقك))
<<انا : )>>
عادت جوري الرساله الاخيره ما تدري كم مره قرتها من الصدمه..تقرى ولا وصلت السطر الاخير تعيد تقراه وتقراه وترفع صوتها يمكن غلطت والا شئ...خيـــــــــــــــــر وش يبي ذا والله عطيته وجه بزيادة...وجوري اعشقك..اسمي ولا الدلع بعد..يعرف اسمي..من وين..من وين يعرف اسمي..واعشقك...زودها عل الاخر...وردت له رساله كلها غضب وانفعال مو صاحي وكتبت فيها...
((المجروح المظلوم المنكوب مو شغلي انا..اما تستخف بي وتسوي روحك بريئ وتحب مو عندي ذا الكلام..روح الله لايوفقك ولا يهنيك بعيشتك ان كان نيتك شر..بعدين تعال من متى المعرفه عشان تقعد تتغزل..اصغر عيالك انا تنصب علي بكم كلمة..يالله بس
تقققققققققللللللللللللللللللع... ولا اشوف اسمك بالرسايل الخاصه والا عند الاشراف..قال حب قال (وحطت وجه سخرية) ))
ما تدري جوري ليش هالانفعال اللي جاها..بس انقهرت مرة من العيال اللي يعاكسوا ويستهزؤ بخلق الله..ويجروهم لطرق الرذيلة والفساد..وانقهرت مره لانه زودها بالخاص مرررررررره..وخافت مرة لانه عرف اسمها..يعني اكيد يعرف معلومات بعد عني...
....اما المجروح اكتفى بهالرسالة....
((علموك القساوه و أنت طبعك حنون كيف تجرح دموعي و أنت وسط العيون))
كل اللي سوته جوري انها حطت المجروح من قائمة التجاهل وا رسلت رسالة خاصة للمشرف العام انها بتترك المنتدى وبعد الحاح من المشرف العام عن السبب اللي بتخرج فيه قالت له...
(عذرا اليكم..فاصبح في عيني هذا المنتدى من أسوأ ما يكون ولا اطيق احتمال اسمه او شكله.. واحس بضيق كبير عندما اكتب رد او اشارك..والسبب يكمن في مضايقات على الخاص..والعام بشكل غير ملحوظ.. لا تسألني من وكيف فانت تستطيع ايجاد من يتلاعب بكرامة وشرف الغير.. مع كل الاحترام..
عود اذان))
جوري مسحت كل الرسايل الخاصه وحطت رسالة وداع للمنتدى وكتبت فيها...
الموضوع: ((حان وقت الرحيل))..الكاتب:عود اذان
وحطت السطر الاول كله وجيه حزينه..والموضوع كله حول الخيانة والتلاعب بمشاعر الناس.. والاعضاء كلهم حزنانين على فراق افضل عضوه بالفرفشه والعضوه الرقيقه..
اما المجروح رد عليها..
((صراع مع المشاعر..خناق حول الحب..شحنات من الغضب تتولد في قلبي وروحي وكياني لفقد العضوه الرقيقه..التي ان دخلت الادبي تنسى روح المرح وتكتب بمشاعرها..بدم الموده تتكلم.. ستتلون صفحاتنا بالالوان الرماديه..وسنبكي حرقة وألما على فراقكِ..وسنكتب امنيتنا على كل حائط.. وسنننقشها على كل قلب..نتمنى عودتكِ يا عود..))
جوري انقهرت مره من رده وسحبت سلك الكمبيوتر..وهي صدق معصبه عل الاخر..واتذكرت سارونه.. اكيد تعرف شئ عن المجروح..ليش ذاك اليوم تقول باأقولك شئ بس لاتاخذين فكره مي طيبه عني.. بس ما قدرت تفتح الكمبيوتر من القهر..وتسمع صوت فيصل يتكلم بصوت عالي بالصاله وكأنه يكلم احد غريب...
كان ضايق خلقها عل الاخر واخر قرار فكرت فيه انها تترك هالمنتديات اللي ما تجيب الا وجع الراس والهم..وكانت ما تبي تخرج بس سمعت امها تناديها وخرجت..واتفاجأت بوجود عمتها موضي وعيالها عندهم...وراحت تسلم على عمتها وبنتها غادة..والتهت بالسوالف عن سالفة المجروح واتعدل مزاجها اللي ضارب له كم يوم..
فيصل:هلا والله الساعة المباركة اللي جيتوا فيها..زين تذكرتي ان لك اخ وله عيال تزورينهم..
العمة موضي:ههههه والله انكم عل البال دوم ماهو يوم..
فيصل:احححححلى يا عمه طلعتي راعية قصيد..
الحريم:ههههههههههههههههه
جوري:والله لكم وحشة من زمان عننا
العمة موضي:مشاغل الدنيا يا بنيتي..واشوى ان غادة ما عندها شئ وجيناكم هالاسبوع..
جوري:بعد بس اسبوع
العمة موضي:خير وبركة..الحمدلله ان تيسرت لنا زيارة..
فيصل يهمس لجوري:اسالي غادة باي سنة...
جوري:خير انت اسالها
فيصل:ما اقدر
جوري:ليش؟
فيصل:مالك شغل اساليها والا ؟
جوري:وش بتسوي؟
فيصل:ولا شئ
جوري:هههههههههه..ابشر....اخبارك غادة؟
غادة:بخير الله يسلمك..شلونك انتي؟
جوري:بخير..بس فيصل (يوم نطقت جوري باسم فيصل..قرص فيصل جوري وعرف انها بتورطه وبغى يقوم بس جوري هذي فرصتها تردها لفيصل مثل ما سوى بها مع سلطان).. فيصل يسال يقول باي صف؟
غادة ابتسمت من ورى العباة.. واتكلمت بصوت راخي..:مستوى رابع
جوري:شلون تراي ما افهم بالمستويات..
غادة:نهاية سنة ثانية جامعة..
فيصل ساكت وما صار ماخذ راحته مثل قبل ومقهور من جوري عل الاخر وقاعد يفكر بطريقة انتقام قوية تخلي جوري تندم على المقلب اللي سوته..
جوري:الله يعين..انا ثالث ثانوي ولا كأني ثالث..
غادة:والله بتندمين اذا طلعتي للجامعه... هي سنة وحدة ذاكري فيها وانتهينا..
فيصل:ايهي ما لقيتوا الا سالفة المذاكرة..
جوري:وانت وش دخلك عندنا
فيصل:من زينك..انا ابي عمتي موضي اشتقت لها..
جوري:خلاص انتبه لكلام عمتي وسولف معها ولا ترمي اذنك هنا..
فيصل:وش يضمني انكم ما تحشون بي..
جوري:اتطمن اذا جينا نحش ناديناك..
فيصل:من قاعد يناديني اللحين..
جوري:الله يرجك صدق منتب صاحي..
فيصل:اقول مالت على اللي معطيكم وجه خلني اروح عند الرجال ابرك..وابتسم وقال(بس اذا حشيتوا فيني نادوني)
جوري+غادة:ههههههههههههههه
فيصل:يالله عمتي عن اذنك البنات صدعوا براسي والا نا ودي ما افارقك..وباروح عند الرجال ..
العمة موضي:هههههههه.. اهم شئ بعد اللف والدوران بالشوارع انت وبدر ترجعون البيت ..مو الفجر نجي ما نلاقكم فيه..
فيصل:عارفت لنا يا عمه..ابشري على هالخشم...
وراح فيصل عند الرجال وابو فيصل بس خرج من البيت ..راح فيصل وبدر ولفلفة بالشوارع والاسواق..ويوديه فيصل الاماكن المميزة للعيال والاماكن اللي يسهر فيها..وكالعادة جا الفجر وهم برى...
اما غادة وجوري الهتهم السوالف وكل وحدة تناظر بكمبيوتر الثانية وينسخون من بعض اللي عاجبهم وتعبوا وناموا الاثنين على سرير جوري...
عمتهم موضي لها جناح خاص لها اذا جت بس كالعادة هي الوحيدة اللي تنام فيه..
عمتها موضي كل بناتها وعيالها تزوجوا..ما عندها بالبيت الا غادة..وزوج عمتها متوفي..
وغادة بالجامعه عندهم اسبوعين تفرغ قبل الامتحانات وجت لبيت خالها هي وامها..جوري استانست مرة انهم جو..وهذي نعمة من رب العالمين لان اختباراتها قربت وسالفة خطوبتها بدت تضيق عليها نفسها..وهي الى الان ما توصلت لقرار حاسم...
***************************
عادل خبر اهل البيت بسالفة لمياء وانقلب بيت عم لمياء كله ضدها.. ومحد يكلمها ولا احد يشوفها وما يقعدون معاها ولا بمكان..لمياء حبست روحه بالغرفة ولا صارت تطلع منها ابد..بس اذا اضطرت للأكل تطلع لانها تدوخ بسرعة تروح لمطبخ وتاكل لها كم لقمة بس تشوف بنات عمها والا مرة عمها وتحس بالاشمئزاز منهم تعاف الاكل وترجع لغرفتها..واللي مخوفها اكثر من كذا كله..اللي شايلة همه هو عمها الى الان ما رجع من السفر وش بيسوي لها اذا رجع.. وابوها حاولت فيهم انه تزوره ما سمحوا لها ولا زيارة من عقب ما صار لها مع خالد..حتى فراس يلهونه باي شئ اهم شئ يبتعد عنها يبون يحسسونها بالذنب..
جت وحدة من بنات عمها اللي بثالث متوسط وهي اكثرهم حنية على لمياء مع انها بالبداية كانت مثلهم بس يوم شافت البيت كله انقلب على لمياء ..بدت تحس ان لمياء انظلمت وودها تعرف لو شئ بسيط عن اللي صار..كل اللي قالهم عادل انه شافها تعاكس ولد عند ابوها ومستغلة كل يوم بزيارتها عشان تقابله وهناك يتكلمون...
دقت الباب عائشة..وتنتظر لمياء تفتح لها الباب بس ما تلاقي أي جواب منها...وصارت تنادي عليها..وتكلمها بصوت واطي ما تبي ينتبهون اهلها...
عايشة:لمياء..لمياء افتحي الباب..
لمياء:.....................................
عايشة:لمياء افتحي قبل ما يجي احد
لمياء:...............................
عايشة:يالله لميوه افتحي...
فتحت لمياء الباب وما كأن اللي قدام عايشة انسان..تعبانة ووجهها ذبلان وصاير اصفر وما تقدر تمشي على حيلها..تتسند باللي قدامها..
انهبلت عايشة من منظر بنت عمها لمياء ومسكتها عشان تسندها وقفلت الباب وراها..
عايشة:ما يصير لمياء لازم تاكلين..
لمياء:وليش آكل؟
عايشة:لازم تغذين نفسك شوفي شلون شكلك صايره صفراء تقل ورقه..
لمياء:مو اهم شئ الاكل..
عايشة:شلون مو مهم..بعدين يمكن تموتين..
لمياء:ليتني اموت ولا اعيش بالظلم..
عايشة:اعوذ بالله لا ان شاء الله ما تموتين..
لمياء:.......................
عايشة سندت لــمـيـاء وخلتها تقعد وراحت تجيب لها عصير...
عايشة:خوذي اشربي عصير...
لمياء:ما ابي ..ابعديه عني...
عايشة:مو على كيفك..لازم تشربين...
لمياء تأشر بيدها ما ابي..
عايشة:قربت الكوب من فم لمياء وخلتها غصبا عنها تشرب..لمياء شربت بس شوي من الكوب.. وعايشة ما غصبت لمياء كفاية عليها انها شربت شوي...
عايشة تناظر بلمياء..وكانت مترددة وجزمت على السؤال:لمياء انتي تقولين مظلومة صح..
لمياء اكتفت بنظرة تبين الجواب...
عايشة:طيب وش صار لك؟
لمياء تناظر قدامها بنت بالمتوسط اكيد ما اهتمت للسؤال وشلون بيجي عليّ.. وش يفهمها سالفة كبيرة وهي تحس انها صغيرة وآخذة السؤال مجرد لقافة بس تبي تعرف وش اللي صار..وتسأل كسؤال عادي ولا كأنه اهلها هم اللي ظلموني وانا الضحية...
سكتت لمياء وجلست تناظر الغرفة وتناظر عايشة وتذكرت الموقف بالتفصيل الممل من المستشفى الى البيت..الى الاهانة اللي صارت لها ولد عمه يصارخ عليها وهينها ويهين تربية ابوها ويختلق سالفة ما صارت من الاساس..وتجي مرة عمها وتكمل عليها وتذكرت كلمة بنت عمها الكبيرة اللي الى الان ترن بإذنها:محد بيجيب العار لعايلتنا الا انتي...
مسكت عايشة يد لمياء ومسحت دموع لمياء بايد لمياء وقالت لها قولي لي وش اللي صار لاتخوفيني عليك اكثر..والله اني حاسة انك مظلومة...
لمياء ناظرت بعايشة بحنية وانقلبت لمأساوية بعدها لحقد لانها من نفس العائلة..سكتت لمياء وكل اللي قالت له:اطلعي برى..
عايشة:انــــــا
لمياء وعيونها وقلبها وحواسها ما تنبأ الا بشر كبير:في غيرك هنا اطلعي بسرعة لا ارتكب فيك جريمة..
طلعت عايشة بسرعة وهي خايفة وش فيها لمياء شكلها بتذبحني وتذبح اخواني..
لمياء ما حست بالندم وكل تفكيرها انتقام من هالعايلة..والطيب ما ينفع بهالايام..وتذكرت فراس وانهارت انهيار كامل وصار يومها كله بكى على ابوها اللي انحرمت من زيارته..واللي رفضت كل العالم عشان رعاية ابوها..وتكون تحت ظله..يجيون اقرب الناس لها ويمنعونه منه..وفراس املها الوحيد بعد ابوها بعد يحرمونه منه..آآآآه ليت الزمن يرجع والا الليالي تدور..وابوي بصحته وعافيته وياخذني من هنا ولا اعيش بهالظلم..اعيش تحت ظله محد يقربني بسوء ولا انظلم..وابتسم له كل صباح واقهويه واسمع دعاوي من فمه الطاهر هي اللي تقويني ووتجدد لي القوة والنشاط..
بس لا الزمن يرجع ولا عقارب الساعة ترجع لورى ولا ثانية.. آآآآآآه...
فراس دخلوه بنادي يبدأ من بعد العصر ويكون العصر قرآن وبعدين ياخذون الكاراتيه والسباحة ويرجع الليل مهدود تعبان وينام واذا جا من المدرسة يخلونه يحل واجبته وينام ومايخلون له مجال انه يشوف اخته..وهو مستانس عل الاخر وهو بسادس ابتدائي..وعادل يقوله خلاص انت رجال عيب تدخل البيت وتخرج على كيفك..لازم اتــنـحــنــح وتدخل مثل الرجال وفراسي مستانس خلاص صار رجال.. ولمياء بغرفتها تبكي شوق والم وظلم على اللي يصير لها وتدعي عليهم ليل ونهار وتدعي ربها انه يفكها من بيت عمها ومع كل اللي يصير لها تعرف انه ولا شئ اذا جا عمها..
راحت عايشة عند امها وهي حزنانة مرة على لمياء وعلى الي يصير لها...
عايشة: امي مو حرام اللي يصير للمياء
ام عايشة:مو حرام ولا شئ هذي قليلة ادب ولازم نربيها..
وتدخلت آمنة وقالت:وجع لازم تتربى زين هذي بتفضحنا وتفضح سمعة عايلتنا
عايشة:الله يا سمع عايلتنا ما كأنه عادل كل يوم زيارة عند الشرطة
آمنة:عادل رجال وماهو عيب يدخل الشرطة اجل تبين عيال الناس يضربونه عل الفاضي والمليان
عايشة:يعننك ما تعرفين اخوكِ..اكبر داج هنا ومؤذي خلق الله..وبكره ابشركم بيدخل بقضية مخدرات..
الام:وجع انقلعي لا بارك الله فيك تتفاولين على اخوكي بس عشان هاللي ما تسوى
عايشة:انا قلت الحق وانتم تكرهون الحق
آمنة:أي حق اللي تتكلمين فيه..اكيد ضاحكة عليكي بكم كلمة وانتي صدقتيها وجاية تتفاولين على اخوكي..
عايشة:اصلا هي ما كلمتني ولا كلمة بعدين عادل اكبر كذاب كل يوم يطلع لنا بكذبة ودايم ما تصدقونه يعني يوم جت على لمياء صدقتوه ونفذتوا كل خططه...
سكتت امها وآمنة..فعلا كلام عايشة منطقي ومية بالمية..ارتسمت على عايشة علامات النتصار وقالت:لا تظلمونها وانتو ما سألتوها وش اللي صار..اكيد الموضوع فيه غلط..
عايشة برغم اللي سوته لمياء لها ما خلاها تتخلى عن لمياء بس كانت تبي تقول الحق وما عليها من احد وخصوصا يوم حكت لصديقتها اللي صار وصديقتها قالت لها انك لازم تتكلمين اقل شئ بس تقولين ان هذا غلط والباقي عليهم...وعايشة نفذت الكلام كله..
ودخل عادل بهالوقت وقال:وش الموضوع غلط...
ارتبكت عايشة وكانت خايفة مرة من عادل انه سمع شئ...بس يبان على عادل من وجهه اذا كان زعلان او لا وحمدت ربها انه ما سمع ولا شئ.....
بس اللي خرب عليها كل اطمئنانها.. آمنة اللي علمت عادل بكل شئ وعادل قام ضرب بعايشة وتكفيخ ويضربها مع بطنها..ويكتف ايدينها ويضربها ركب الى ما اغمي عليها وتركها...
الام انهبلت من ولدها اللي قام ضرب فيها وآمنة استانست ان عادل اللحين صار بصفها وكل شئ اكيد بيصير لها اذا كان عادل بصفها...
************************************
اتفقت نوف وعهود على حركه يبسونها ببيوتهم عشان يضيفون جو من الحماس والحركة ببيوتهم بعد ما استلموا مكافآتهم..واتفقو الاثنين على كل شئ بعد ما وزعوا اعمال البحث بالنت او عن طريق صديقاتهم بحركات الحفلات العائلية البسيطة والتهوا الاثنين بمفاجأتهم لعوايلهم واتحمسوا مرة نوف وعهود على الحركات وصاروا من مكتبات لمحلات ابو رياليين...لمحلات الورود وكل وحدة لقت شئ حلو تشريه للثانية وزينوا الشرايط وعلب المناديل وسلات التقديم واكواب العصير وكل شئ زينوه ما فات عليهم ولا شئ.. وعهود تذكرت ان المقلط اكبر الغرف بالبيت وهو افضل مكان للإحتفال وفكرت انها الحفلة تكون ببيتهم الحالهم من دون خوالهم او عمانهم.. لصقت بالباب عبارة كتبتها بالورق الملون وقصت الكلام بالضبط ما خلت ولازيادة وكتبت(الكلام يتجدد والناس تتغيّر ونحن شمل واحد لم نتغير).. وكتبت عبارة الاخوة والاسرة وملت المقلط منها..بالورق الملون والورد المجفف وبالكوريشة وما خلت لون من الوان الشرايط الا وعلقتها بالمقلط وطلع المقلط مكان مهيأ لاحتفال ومجهز كل التجهيز..وتنسيقه كان في غاية الروعة..حطت بالمقلط علب المناديل والسلات اللي مزينتها واوراق المسابقات واكواب العصير اللي لفت عليها الشرايط والمسجل والاشرطة والطاولات وحطتها على الطاولات وكان كل شئ جاهز وقفلت المقلط ودقت على نوف وتأكدت ان ما بقى لنوف شئ وهي مثلها سوت قفلت الغرفة اللي تبي تسوي فيها الحفلة.. والحفل بيصير ليلة الجمعة..يعني يوم الخميس بالليل.. واليوم اربعاء راحت واشترت انواع العصاير اللي مخططة عليها والفطاير من المحلات الزينة عندهم ورتبتها على اشكال خيالية ورايقة.. ومتفقة هي ونوف على مطعم مرة رايق يشترون منه العشا..وغلفت كل هدايا اخوانها وامها وابوها وكانت محضرت لهم مفاجأة كبيرة بتوريهم هيا بعد الحفلة..تمددت عهود على كنب الصالة بعد التعب والمجهود اللي سوته جتها خلود وهي متضايقة منها بس ما في احد تكلمه الا هي....
خلود:التلفزيون ما فيه شئ
عهود:مدري عنه شوفيه..
خلود:اوف ياربي وش هالطفش
عهود:خير وش فيكِ
خلود:وانتي من متى تسألين عني ولا تهمك اخباري..
عهود:لأ لأ لأ لأ لأ لأ ما يصير خلود اتكوني زعلانة من امس
خلود:أي زعلانة
عهود:تصدقين انك تافهة
خلود بعصبية ورافعة صوتها:شفتي شلون عادي الوضع عندك ترمين السبات على كيفك
عهود:أي سبات
خلود:لاترفعين ضغطي زيادة ترى استحملتك كثير
عهود:من جد انك تافهة
خلود:عهود لا تزودينها خلاص كافي كل يوم سب عل الرايح والجاي
عهود:انتي اللي كافي حساسية زايدة..عشان تافهة وانا صادقة يوم اقولها (خلود يوم قالت تافهة شوي والا تنجن من عهود ورمت عليها نظرة تكفي عن الكلام..وجت بتروح عن عهود)..
عهود مسكت خلود وقالت لها:يا بنت لاتصيرين حساسة زيادة عن اللزوم..
خلود:طيب دامك عارفة اني حساسة ليش تسبين وترفعين صوتك..انا زعولةوما اتحمل شئ خلاص..
عهود:يا خلود يا اختي الصغرى انا امزح معك والله عادي وانا لما شفتك تزعلين على أي شئ بديت اكثر عليك المزح واثقله شوي...
خلود:شفتي اعترفتي بنفسك..
عهود:طيب ما سألتيني ليش؟
خلود:ما يبغالها سؤال بس تبين تآذيني..
عهود:خطأ ما كنت اقصد كذا..كنت ابيك تتعودين على هالمزح اذا هوشة ومزح تزعلين منه وتقلبين الدنيا فوق تحت شلون لو جت مصيبة كبيرة تقدرين تتحملينها وانتي المزح الثقيل ما تتحملينه
خلود:أي والله انك صادقة اني مرة ازعل من كل شئ
عهود بابتسامة:لاع اعترفتي بنفسك انتي اللحين
خلود بابتسامة:تصدقين ما جا ببالي ولامرة انك تقصدين زي كذا بس لاتفكرين اني الى الان متقبلة اللي صار
عهود:ول عليكي يا حقودة
خلود:بدينا بالغلط
عهود:وبدينا بالزعل
عهود+خلود:ههههههههههههههههههههه
رضت خلود عن عهود ولو ان ما صفا اللي بقلبها مره لانها تقول لو انك فهمتيني كان احسن واتصلت على ليلى بنت خالتها وتبشرها باللي صار بينهم وكانت ليلى مؤيدة فعل عهود مية بالمية وحز بخاطر خلود يوم عرفت ان ليلى بعد عاجبها سواة عهود وقالت بنفسها يعني طلعوني انا الغلطانة..وهذي مشاعر ما اقدر اتحكم فيها..وقفلت التلفون خلود عن ليلى وهي تفكر بمشكلتها مع عهود معقولة بعد هالوقت كله اطلع انا الغلطانة وهي ولا شئ..صحيح انا حساسة بس هي طريقتها غلط..
عهود:خلــــــــــــــــــــــــــــــــــــــــود
خلود:نعم نعم جايه
عهود:وينك تعالي هنا...
خلود جت تجري عند اختها عهود :طيرتي عقلي وش فيه؟
عهود:مدري اقصد ..وسكتت عهود ما تكلمت ولا كلمة...
خلود:وش فيك عهود تكلمي...
عهود:منصور..
خلود:وش فيه منصور؟
عهود:منصور..منصور..منصور..وسكتت وكتمت صيحتها..
خلود:عهود تكلمي وش فيه منصور
عهود:منصور يا خلود وصارت تبكي وتشهق وتمسك منديل وتمسح وجهها..
خلود:تكفين عهود تكلمي وش فيه منصور...
عهود حطت ايدينها على وجهها وتحاول تكتم الصيحة وصارت تون وتشهق..
خلود قامت تبكي مع عهود:عهود قولي لي وش فيه منصور...
عهود اكتفت بانها اشرت على الشباك...
خلود:وش فيه؟عهود انا اسألك عن منصور...
وتعيد خلود على عهود السؤال وعهود بس تأشر لها على الشباك...قامت خلود وناظرت من الشباك.. وطاحت من الصدمة..ورفعت نفسها وصارت تبكي....عهود تعالي معي ...تعالي..
وقامت عهود معاها وراحوا للشباك يناظرون ومهم مستوعبين اللي يصير واللي يشوفونه قدامهم..
خلود:هذي جيوب المباحث
عهود:ادري
خلود:ليش جايين عند البيت
عهود:مدري
خلود:دقيتي على منصور او خالد او ابوي أي احد
عهود:لا
خلود:بتموتيني انتي..اجل وش فيكي تقولين منصور..تدرينه عنه شئ وما تبين تقولين لي..
عهود انهارت من البكاء وصارت تتكلم وصوتها متقطع:سيارة منصور تحت وهو موفيه..والمباحث هنا..ليــــــــــش؟
خلود:اعوذ بالله..لا ان شاء الله ما فيه شئ..وليش واقفيين هنا اكيد فيه شئ هنا..
عهود:ما ادري بس اهم شئ امي لاتدري (وصارت تصيح)
خلود:عهود تكفين ترى ما في الا انا وانتي خلينا نشجع بعض..وامي انا ادق عليها واقولها اننا بنام عند خالتي والعيال بالاستراحة عشان ما ترجع
عهود:امي لازم تدري واكيد بتقول ما راح اترك ابوي الحاله..
خلود:بس صعبة نعلم الناس..لو درت بتكون عند عمي وبيدرون كلهم.. اقولك انا اكلم ابوي وخالد وهم يتصرفون...
خلود راحت تجيب جوال عهود ..وعهود قاعده مي قادرة تشيل روحها من الخوف اللي خلاها شبه مشلولة.. الشرطة والمباحث محوطيين حارتهم وبيتهم بالاخص..منصور سيارته موجودة وهو موفيه..رجال الشرطة رايحيين جايين على بيتهم..كاميرات مشغلة طول الوقت وتصور بيتهم واللي حوالينه..رشاشات مصوبينها على بيت ابو خالد..ومحد يدري وش فيه..
خلود جت تركض وقالت لعهود:خالد وابوي اللحين جاين قلت لهم وش السالفة..
عهود:.......................
خلود راحت تناظر من الشباك وصرخت باعلى صوت:يمّــــــــــــــــــــــــــــــــــــه
عهود نقزت من مكانها عند خلود:وخري وش فيه
خلود:فتحوا الباب ودخلوا كل الشرطة والرجال..ياربييييييييييييييي
وقاموا يصيحون عهود وخلود...
راحت خلود ودقت على ابوها:يبه يبه يبه (وتشهق وتصيح)
ابو خالد:خلاص خلود اللحين جايين
خلود:لا يبه يبه هم..(وتصيــــــــــــــــح)
جت عهود واخذت الجوال من خلود واول ما سمعت ابوها يقول :من هم ؟
صارت تصيح عهود وسكروا الجوال لانهم مهم قادريين يتكلمون...قامت خلود وناظرت بالشباك وصرخت ونزلت راسها...
عهود:خلود وش فيه؟
خلود:شكله في احد بـبـيـتـنـا تبيه الشرطة...(وهي تصيح ويالله يالله تتكلم)
عهود:لا ياربي مو معقولة...لالالالا وش نسوي..
خلود وهي تصيح ووسط تفكيرها بالخوف جا ببالها اقتراح سليم وبوقته:اسمعي بسرعة روحي جيبي مفتاح البيت الداخلي واقفليه وانا باروح لباب السطوح واقفله تكفيــــــــــــــــــن بسرعه...
عهود راحت تنفذ اللي قالته خلود ..خلود اصبر واجلد من عهود بالمواقف القوية مع انها حساسة اكثر من عهود...بس خلود وقت الجد جد..وهذا اللي جا ببال خلود انهم يفقلون الباب واذا جا خالد وابوهم يفتحون له الباب...
راحت عهود للمطبخ وضيعت الدرج اللي امها تحط فيه المفاتيح وبعد تقليب سريع..تذكرت ان فيه تحفة مثل الجرة الصغيرة امها تحط فيها المفاتيح..وبسرعة اخذتها وقفلت الباب..
اما خلود طلعت لغرفة امها تحاول تتذكر وين مفتاح السطوح وقلبت كل ادراج امها ما لقت المفتاح..وصارت تدور بملابس ابوها وامها وجيوبهم وما لقتها..دورت بكل مكان الى تحت الشماعة ..وورى الباب..وتذكرت ان منصور هو اللي عنده وبسرعة دخلت غرفة منصور واخذت المفتاح من اول درج وطلعت للسطوح..وهي طالعة شافت عهود
خلود:قفلتي الباب اللي تحت..
عهود:أي قفلته وانتي..
خلود:اللحين رايحة..
وسكرت باب السطوح وجت بتقفله والا احد ورى الباب يدف الباب يبي يدخل..وهي تدف من داخل وواحد من السطح يدف يبي يدخل وبدا يغلبها ويدخل ايده يحاول يمسكها وهي تصرخ وتحاول تدف.. وتصرخ تنادي على عهود...
خلود:عهوووووووووووووووود تعالي بسرعة..
جت عهود ركض من تحت لخلود وشافت ايد واحد من ورى الباب صارت هي تصرخ الثانية وجت مندفعة وسكرت الباب على ايد وصرخ صرخة انهبلوا منها عهود وخلود بس فتحوا الباب شوي وسحب ايده وبسرعة سكروا الباب وقفلوه..
ونزلوا بسرعة خايفيين من مكان السطح..راحوا عهود وخلود للصالة ويبون بس يناظرون من الشباك مهم قادريين ولا اتجرؤا..بس قاعديين مكانهم وينتظروا ابوهم او خالد يجيهم.. وهم قاعديين بالصالة وشوي يوقفون..ومرة يشغلون المكيف ومرة يطفونه صاروا بحالة عجيبة ومهم مستوعبين اللي يصير لهم...قعدت عهود ونادت على خلود عشان تقعد..اول ما قعدت خلود يسمعون صوت اطلاق نار...
عهود+خلود:طلعت منهم صرخة قوية وصياح عالي مرة..لان الصوت عندهم وبدا يستمر اطلاق النار..وهم على حالهم.ويسمعون اصوات الشرطة والناس اللي ببيتهم..وعهود وخلود ما يدرون وين هم الضبط س اللي عرفوه ان في احد بالسطوح اما الاماكن الثانية ما يدرون عنها... مسكت عهود الجوال وحاولت تدق على خالد او ابوها بس ما قدرت وصارت يدّها ترتجف من الخوف..بعد ربع ساعة سكتت جميع الاصوات ووقف صوت اطلاق النار..
دق خالد عليهم وكلموه وقالوا له اللي سووه وانه بسرعة يجي...وقالوا له على صوت اطلاق النار..
وهم قاعديين على اعصابهم بالصالة يسمعون كلام وهوش وصراخ بالحوش ولايدرون وش فيه ..فجأة سمعوا صوت اطلاق نار ويصرخووووون باعلى صوت ويطلعون الدور الثاني بغرفة خلود ويبكون..
وهم قاعديين على اعصابهم خوف ورعب وجهل باللي يصير داخل بيتهم فجأة يسمعون صوت شئ يطيح وبصوت عالي....واصوات فتح ابواب وتتقفل..وهمس..وعجزوا لا يميزون من وين الصوت او وش يكون؟
عهود:خلود هذا الصوت وينه؟
خلود:من الحوش!!!
عهود:لا مو من الحوش هذاا لصوت قريب مو هنا...
خلود:لا يمه لا تقولين.طيب وش نسوي...
عهود:نروح نشوف وينه
خلود:يعني احتمال يكونون جوا البيت...
صرخت عهود على شئ مسك رجلها...
خلود نقزت من المكان الي فيه وسحبت عهود وراحوا لغرفة عهود وقفلوا الباب...
خلود:وش فيه عهود(وعينها تدمع)
عهود منهاره من الصياح:مسك رجلي يا خلود
خلود:منهو؟
عهود:مدري احد مسك رجلي..احد مسك رجلي..
خلود:والجوال وينه؟
عهود:بالغرفة تركته...
خلود:ياربي..الله يستر الله يستر...
ويسمعون طلق نار ويصرخون مرة ثالثة.. ويبكون وتلاصقوا ببعض ويتنافضون من الخوف..
عهود+خلود:طلعت صرخة قوية وتلاصقوا اكثر ببعض..وغمضوا عيونهم من الخوف..
رجال طول بعرض ومتلثم..كاسر الباب وداخل قدامهم....
الرجال:اخرجوا بسرعة انتم في امان...بسرعة تعالوا معي...
عهود:ما نبي ...روح من عندنا.. ابي ابوي وخالد(وقامت تصيح)
الرجال:بسرعة اطلعوا..لايصير فيكم شئ...
عهود وخلود ولا حركة ولا كأنه في احد..
الرجال يحاول فيهم انهم يخرجون لكن ما فيه امل انهم يتحركون وقالهم انه هو من الشرطة..ومن الخوف عهود وخلود مهم قادريين يروحون معاه..وما لقى حل الا انه يكذب عليهم...
الرجال:ابوكم تحت وهم ينتظرونكم...
خلود:طيب وينهم خليهم هم يجوون وياخذونا..
الرجال:ما يقدرون بسرعة اطلعوا...
عهود وخلود لاتجاوب ولا حركة....
الرجال يدق ويقول:بسرعة نبي مساعدة...ويطلعون رجالين معاه...ويمسكون عهود رجاليين ويسحبونها برى البيت وخلود قدر عليها واحد...
اول ما نزلوا.. دخلوهم الملحق وجاهم الرجال اللي دخل عليهم وعطاهم مـسـفـعيـيـن وعبايتين..ولبسوها عهود وخلود..خلود جت مقاسها العباة اما عهود واصلة لنص ساقها وحمدت ربها انها لابسة جلابية طويلة تستر اللي تحت وما لبست شئ قصير ويطلع سيقانها...
خلود:وش بيسوون فينا اللحين
عهود:مدري عنهم الله ياخذهم يارب...
دخل الرجال بعد ما اتنحنح وقال:بسرعة تعالوا وراي...
راحوا عهود وخلود وراه وركبهم بالسيارة وبالبداية رفضوا يركبون بس اجبرهم الرجال والمكان يخوف..جيوب ورشاشات ورجال شرطة ومصوريين ووجيه تخوف مافي شئ قدامهم الا انهم يدخلون..وركبوا ورى...
الرجال سعودي و مايدرون انه هو اللي جاهم بالغرفة لانه ملثم ...هو طول بعرض وحب يلطف الجو..بعد الخوف والشحنات اللي اكيد بخلود وعهود..
الرجال:يعني انا سواق تركبون ورى...
عهود وخلود:....................(ودهم يصفقونه من القهر فاضي يمزح)
الرجال:ترى ما في شئ بس بنفس الحارة في رجال نبغاهم وخرجنا كل اهل الحارة..
عهود:الا ببيتنا فيه واحد
الرجال:شلون في واحد..
عهود:الا بغرفة خلود في احد مسك رجلي وخرجنا احنا من الغرفة
(عهود تتكلم وهي مي مستوعبة وش تقول..تكلمت بصعوبة وهي بس تبي تثبت للرجال اننا تعرضنا لخطر ببيتنا لانه هو يحاول يخفف لهم السالفة)الرجال على طول دق عليهم وقل للشرطة اللي عند البيت ان في احد منهم داخل البيت..لانهم يحسبون بس بالسطوح لانه اللي بالحوش مسكوهم..
خلود ما قدرت تتكلم ولا كلمة واذا طلع منها صوت يطلع صوت صياحها وشهاقها..اما عهود عشانها ابعدت عن منطقة الخطر حست باطمئنان بس يخالطه خوف وكل ما تتذكر مسكة الشخص لرجلها تنتفض وتبكي..
عهود:وين تبي تودينا...
الرجال:القسم...
عهود+خلود:يصيحون ويشهقون...
الرجال:مافي أي شئ اهم شئ نبعدكم عن مكان الخطر...
عهود:وليش ما تودينا بيوت قرايبنا عمي او خالتي..
الرجال:لازم هناك ولاتخافون نوديكم استراحة نساء ويجيكم الوالد وياخذكم...
عهود+خلود:كملوا صياح..والرجال مافي كلمة الا وقالها..ويحاول يهديهم بس مافي أي فايدة.. وكل ما يتكلم يصيحون اليــن وصلوا للقسم ودلهم على مكان النساء ووصى عليهم حريم ينتبهون لهم..وجاب لهم ماء ومناديل..وهم بس يصيحون ومهم راضيين يسكتون..وكل شوي يزيد خوفهم..
قاعديين بمكان لحالهم وحرمتيين كل شوي وحده منه تناظر فيهم وتروح وهم ما زالوا على حالهم.. دخلت وحده منهم على عهود وخلود وسألتهم:تبون شئ؟!
خلود:تكفين بس قولي لي وش اللي صاير؟
الحرمة:انا ما ادري عن شئ..
خلود:تكفين بس خلينا نطمن على اخونا واهلنا وش صاير لهم!!
الحرمة:مدري..
عهود:ما تدرين والا ما تبغيين تتكلمين
الحرمة:اي ممنوعيين عن الكلام...
خلود:طيب وش القضية..لا تقولين ولا شئ بس وشهي القضية...
الحرمة:ما ادري انا ما اعرف وش الحاصل ..بس غالبا تكون قضايا اصلاح او ارهاب..(يوم قالتها بدت عهود تبكي بصمت وما يطلع منها الا صوت يبين انها تبكي وكاتمة الصيحة)
خلود كانت اصبرت من عهود وسألت الحرمة:شلون يعني اصلاح او ارهاب؟
الحرمة:مدري..هذا اللي اعرفه...
خلود:من بيتنا..يعني احد مننا..والا احد من برى..
الحرمة:مدري..بالضبط ما ادري وش الحاصل بس هذا اللي عندي...
خلود:الله يجزاك خير......
وتركتهم وراحت..تركتهم بحيرتهم بخوفهم..بقلقهم..ما يدرون الشئ لصالحهم او لضدهم..منصور وش فيه هل هو متورط معاهم او صاير له شئ...اسئلة محيرة تدور براس كل وحدة منهم كل وحدة سبحت بافكارها وكل ما يتذكرون اللي حصل بالبيت ردوا للصياح...
*****************************************
عند بيت ابو خالد..وصل خالد وابوه بالبداية منعوه الشرطة لا يدخل بس تاكدوا من الهوية ودخلوهم لان المكان محاصر وممنوع من أي احد انه يدخل..
ابو خالد يدف رجال الشرطة ويبي يدخل البيت...
الشرطي:مافي احد بالبيت
ابو خالد:والعيال وينهم؟
الشرطي:حنا أخلينا البيت ما فيه أي احد
ابو خالد:شلون مافي أي احد وين العيال؟
الشرطي:وديناهم للقسم؟
ابو خالد:ومنصور؟
الشرطي:منصور بالمستشفى
ابو خالد بعد ما دقت عليه خلود وسكرت السماعة دقوا عليه الشرطة وبلغوه باللي صار...
ابو خالد:خالد بسرعة روح للمستشفى وانا باروح للبنات..
الشرطي:يا عبدالإله الرجال بيروح تعال شوفه...
جا عبدالإله عند ابو خالد:وين تبي تروح؟
ابو خالد:باروح عند بناتي وخالد يبغى يروح المستشفى عند اخوه...
المحقق عبدالإله:انت ابو خالد..اي خلاص مافي اشكال روح هناك واحنا نلحقك...
راح ابو خالد وهو مو مطمئن عن كل بناته هم بالقسم هناك والا لا..وراح خالد للمستشفى عند منصور اللي كان بغرفة الحاله ومحوطين المكان الشرطة...
قبل ما يوصل ابو خالد..طلبت لجنة التحقيق من عهود وخلود انهم يجون ومعهم المحققات اللي معاهم.. عهود وخلود ما دروا ان اللي من اول معهم انهم محققات الى يوم سمعوا ينادون المحققات بأسمائهم وهم يحسبونهم حراس عليهم...
دخلوا عهود وخلود غرفة صغيرة وفيه كرسيين جمب بعض وقدامهم طاولة بنية مهيب طويلة والطاولة واضح عليها القدم..اتفحصت عهود وخلود الغرفة كانت مخيفة بكل الدرجات..الجدار صبغته متشققة وحراس الغرفة اول ما دخلوا كل واحد معاه رشاش كبير والشئ الكبير واللي موتهم رعب ان اللي بالغرفة عهود وخلود ووحدة من المحققات و5 رجال..
جلس واحد منهم يقلب اوراق كثيرة بايده ويعطي الثاني بعض الاوراق وهم يتبادلون الاوراق ونظرة على الاوراق والنظرة الثانية على عهود وخلود.. عهود وخلود ماتوا رعب من اللي يصير معهم ومهم عارفيين وش اللي يصير..ويدورن الرجال اللي وصلهم يمكن هو احسنهم او يقدر يساعدهم بأي شئ..بس الرجال مو من المحققين الخمس اللي جو..
قام الرجال اللي جلس والمحقق الثاني اللي معه ووقفوا باحد أركان الغرفة وما زال تبادل الأوراق وتبادل النظرات..
جت المحققة وقعدت على الجمب اليميين لهم..وجا الثلاث رجال جلسوا قدامهم... اول ما جلسوا اسندت راسها عهود على خلود وقامت تصيح وتشهق.. انهبلوا المحققين من حركة عهود وبنفس الوقت كملوا الإجراءات ولا كأن شئ صار...
المحقق الأول:اسمائكم الرباعية بسرعة...
عهود عجزت تتكلم ولا كلمة وحتى خلود ما قدرت تتكلم بس شافت ان الموضوع جدي وان ما في مجال قدامها الا انها تتكلم فجاوبت على سؤالهم بعد تقطيع وتأتأة وسكوت طويل...بالبداية رفض واحد من المحققين ان خلود تجاوب عن عهود بس عهود ما رضت تتكلم ولا كلمة واضطر انه يسمع من خلود وسجلوا عندهم..
المحقق الأل ويوجه كلامه لخلود:من كان معك وقت وقوع الجريمة
خلود تتكلم وصوتها يقطع وكان واطي بس المحققين رفضوا انهم يسمعوها اليـن ترفع صوتها ولما جت بتتكلم صارت تصيح وتتكلم:بس انا وعهود وما ادري وش صار حنا سمعنا صوت طلق نار وسيارة منصور موجودة وما في أي احد فيها...
المحقق الثاني:ومن يطلع منصور؟
خلود:اخوي مو الكبير اللي اصغر منه..
المحقق الأول:كملي
خلود:وناظرنا ولقينا سيارات المباحث ودقيت على ابوي وخالد وبعدين دخل علينا احد من المباحث وجابنا هنا...
المحقق الثالث يوزع النظرات بين عهود وخلود وعليه حركات غريبة..عهود بس تناظره وتبكي..
المحققة:ومن خالد؟
خلود:اخوي اكبر واحد..
المحققة:ايوه..وش صار بعد؟
خلود جتها حالة عهود وسكتت ومي قادرة تتكلم ولا كلمة لانها شافت المحقق الثاني يبتسم ابتسامة غريبة ويناظر فيها..تحس لسانها انخرس ولا قدرت ولا كلمة تتكلم..
المحققة حاولت بخلود تكلم مالقت أي طريقة او اسلوب ينفع معها..وكل المحققين عارفيين ان هذا من الخوف..جت المحققة وحاولت تكلم عهود بس كل ما اتكلمت عهود تبكي زيادة وتقول:ابي ابوي.. ابي خالد....
المحقق الأول:يا اخت عهود لازم تجاوبين على هذي الأسئلة
عهود كل اللي قالته:ابي ابوي..
المحقق الأول يناظر المحقق الثاني وحيرة عجيبة في عيونهم ما يعرفون وش يسوون لهم.. المحققة بدت تحاول تستدرج عهود بالكلام...
المحققة:طيب انتم كلمتوا أحد..اتصلتوا على احد..
خلود:قلت لك احنا بالبيت وما ندري عن شئ فجاة أصوات وإزعاج وصوت طلق نار واصوات رجال وهربنا للغرفة وقفلنا على نفسنا الباب...
المحقق الأول:أي بيت؟
خلود:بـيـتـنـا
المحقق الثاني:انتو اللي كنتوا داخل البيت اللي مداهمينه
عهود+خلود: ايــــه
المحقق الأول:مافي أي تحقيق..التحقيق لناس ثانيين..
المحقق الثاني:آسفين على الإزعاج..
المحققة:تعالوا معي لإستراحة النساء...
قامت عهود وهي تتنافض من الخوف وهي تناظر المحققين واحد واحد..وتتأمل الغرفة الكئيـبة وحمدت ربها انه غلطة وان ما احد يحقق معاهم..
مازالت نظرات المحقق عليها وهي تزيد خوف منه ومن نظراته.. والمكان المرعب اللي هي تمشي فيه... والبناء القديم اللي يمشون فيه..ما كأنه دائرة حكومية..
اسندت راسها خلود على اول مقعد من المكان اللي قالت لهم المحققة انهم يجلسون فيه.. وخلود وعهود ما تكلموا مع بعض من دخلوا غرفة التحقيق إلى استراحة النساء...
>>صوت من الخارج يطلب اسم عهود وخلود...
وقفوا عهود وخلود وبحركة سريعة عدلوا عبيهم وغطاهم وخرجوا والمفاجأة الكبرى إن ابوهم هو اللي يناديهم..عهود ركضت على ابوها وحبّت ايد اليمين ومسكتها بايدينها الإثنين.. وخلود حبّت راسه مسكت ايده اليسار وقالت:يبه بسرعة بنخرج من هنا...
عهود:أي والله يبه خلينا نخرج...
ابو خالد:يالله اللحين نخرج..
عهود وخلود كأنهم في حلم عجيب ما هم مصدقيين ان اللي صار لهم حقيقة وإنهم خارجيين من قسم الشرطة..
عهود تمتم:يارب ما يكون حلم..يارب خلينا ونخرج من هنا بأمان..
خلود:الحمدلله..الحمدلله يارب...
ابو خالد:وش فيكم لا تكونون خايفين..
عهود:هــا!!..لا ابدا..بس..وين السيارة!؟!!
ابو خالد:أي واضح انكم منتو خايفيين..
وخرجوا بأمان من المبنى بعد تأسف وترجي من ابو خالد انهم يسامحونه على الغلطة اللي صارت وابو خالد ما درى انهم حققوا معاهم..يظن ان هالتأسف عشانهم اخذوهم القسم...
**************************
دخل خالد مسرع على قسم الطوارئ ومحد قدر يمنعه.. قسم الطوارئ مخيف فيه اثنين يعزون عليّ سعد واخوي منصور..
سعد داوي جروحي بكلمة تريحني.. وابعد عني غبار الهم بنظرة..
منصور..اخوي وشقيق روحي..معاي بكل كبيرة وصغيرة.. فقدانك شئ قوي على قلبي..
>>ممنوع..لو سمحت يا أخ منوع..
<<خالد:اخوي توه داخل الطوارئ لازم اشوفه ضروري..
>>ياخوي هالمكان ممنوع الدخول فيه وجيب ورقة تقدر تدخل فيها..
<<خالد:بس اشوفه..اطمئن عليه واطمّن اهلي عليه..
>>قلنا لك ممنوع.. وتبيني اريحك قبل اسبوع منت شايفه.
<<خالد:شلون ما اشوفه.. يا ابن الحلال قلنا لك اخوي..
>>اخوك والا مو اخوك مالي دخل انا جايتني تعليمات وأوامر انفذها وبس..
<<خالد:طيب ليش؟وش فيه؟يعني ليش ممنوع...
>>اللي هنا مهم أي مرضى..بس اللي لهم علاقة بقضايا واحنا مهمتنا مراقبة المكان..محد يدخل ولا احد يخرج..
<<خالد عرف انه مافي مجال انه يدخل وان منصور متورط بشئ بس ما يدري وشو
راح خالد للدكتور المسؤل عن سعد.. ولقى عنده عادل...
عادل كان مبتسم وهو يكلم الدكتور بس التفت على الباب مع نظرة الدكتور للباب وانقلب وجهه وصار عابس واشمئزاز مو صاحي...
خالد ما اعطاه ولا اهتمام ولا نظرة تعبر عن كراهيته او لا مبالاته بالسالفة اللي صارت بينهم..
خالد:يا دكتور ابغاك بأمر مهم مرة...
عادل:عمي مالك دخل فيه
خالد ولا كأن في احد عند الدكتور غيره..كمّل كلامه:يادكتور اخوي عندكم وابي اطمئن عليه وممنوع الدخول..تقدر تساعدني..
الدكتور:طيب هو بنفس القسم اللي انا شغّال فيه..
خالد:والله انا ما اعرف بالضبط وين قسمك..بس مو بنفس المكان اللي موجود فيه العم سعد..
عادل:عم ما شاء الله من متى المعرفة؟
خالد:يعني لازم ارد عليك..لازم اقولك عيب هذي الحركات يا بابا..
عادل ارتفع ضغطه على الاخر وشوي والا يضربه..ووجهه احمر والدم فاير..
خالد:خلاص يا بابا لا تتكلم مع الشيوخ وما يصير لك كذا سامع يا بابا...
عادل امتدت ايده بيمسك خالد..وعلى طول خالد مسك ايده وثبتها بقوة وقال:عيب يا بابا تمد يدّك على اكبر منك..
عادل حاول يفك ايده من خالد..بس خالد مثبت يدينه بقوة.... الدكتور انهبل ما يدري وش فيه.. وخاف وبسرعة راح ينادي الرجال اللي حوالين الغرفة..جو الرجال وفكوا خالد من عادل وحاولوا يصلحوا بينهم بس ما فيه امل...كل واحد معاند من جهته.. عادل خرج وهو غاضب ويتوعد ويهدد ومعصب على الاخر...
اما خالد رجع للدكتور وتاسف له على اللي صار وانه مو مقصود...
كلم الدكتور عن منصور بس الدكتور اعتذر انه ما يقدر لانه فعلا المكان اللي فيه منصور.. مو مسموح لاي احد يزوره لانه مريض مشبوه..او مريض مجرم...
<<انصدم خالد من كلام الدكتور وزاد خوفه على منصور.. وما خلى ولا دكتور ولا مسؤل الا وكلمه عشان بس يشوف اخوه ومالقى أي نتيجة..وسأل عن حالته بس محد يدري وش فيه؟ وش قضيته؟ شلون حالته؟..
خالد من أول ما دخل المستشفى وهويفكر بحنان يمكن يلاقي عندها أي خبر.. بس متفشل مرة إنه يجيها ويكلمها وما يكلمها الا وقت الحاجة من اول وينه ما يسلم ولا يسأل..
بس اضطر إنه يروح لها ويكلمها.. اتجه خالد لغرفة السكرتيرات وهو مسرع ولا يشوف دربه بس يبي يوصل لآخر خيط من خيوط الأمل عشان يعرف وش فيه اخوه..
>>دق الباب..
<<محد يرد..
>>دق الباب مرة ثانية..
<<محد يرد..
>>دق الباب وفتح الباب..ودخل الغرفة..
<<مافي أي احد بالغرفة..ناظر بمكتب حنان..مافي أي احد..
طلع برى الغرفة ووقف عند الباب ينتظر أي أحد يجيه..وطال إنتظاره.. وراح فكره بعيد.. بمنصور وش اللي يصر له..فيه شئ أو ما فيه أي شئ.. اهله وامه وخواته..ابوه اللي يعتمد على منصور أكثر مني..والله إني مقصر..وحنان وينها بوقت الحاجة ما ألاقيها...ورجعت له المواقف معاها..إنسانة محترمة.. ما تكثر بالهرج..ولا هي جريئة.. ادق على بيت خالتي وأسأل عنها..صعبة وش بيقولون عني..الأخ يمون..بس منصور ولازم اتجاوز عاداتنا و....سبح بافكاره بعيد وراح به فكره لأول يوم يجي للمستشفى..وسعد وحالته..وصديق عمره لؤي.. وفراس اللي لؤي موصيني عليه.. ولمياء الله يعينك على بلواك..انا الرجال وعجزت استوعب اللي صار..شلون انتي يالمياء.... وآخرها منصور
ورجع لواقعه وعالمه ولتفكيره الصحيح يوم سمع صوت جواله يدق..
ابو خالد:السلام عليكم
خالد:وعليكم السلام..
ابو خالد:هــا بشر
خالد:ماصار شئ الى الان.. وممسوك على قضية..يعني بالمستشفى مقعدينه بقسم القضايا وما سمحوا لي ادخل..
ابو خالد:وما تعرف احد بالمستشفى..
خالد:ما خليت احد اعرفه الا كلمته..
ابو خالد:خلاص انا جاي اللحين اكلم مدير المستشفى..
خالد:كلمته انا بعد ويعرفني بس يقول ما اقدر ..دورو ( و ) اقوى مني..
ابو خالد:هو قال كذا..
خالد:أي والله..
وتذكر خالد صديقه أسامة وقال بسرعة...
خالد:يـبـه أسامة يمكن هو اللي يقدر..
ابو خالد:أي اسامة
خالد:اسامة عبدالعزيز..يشتغل بالمباحث وعمه او خاله رئيس هناك..
ابو خالد:خلاص كلمه وبلغني باللي يصير وخواتك وامك لا يدرون عن منصور شئ..
خالد:خير ان شاء الله..اكلمه اللحين..فمان الله...
وسكر السماعة وناظر والا هو واقف قدام باب الممرضات ومعطيهم ظهره ولهم اكثر من خمس دقايق وهم ينتظرونه يبعد..بس ما كان منتبه لهم...
خالد ابتسم ابتسامة مضحكة لانه يستهزيئ بنفسه واعتذر على اللي صار..وجا بيروح للسيارة عشان يكلم أسامة بعيد عن انظار الناس.. بس تذكر حنان ويبي يسال عنها...
خالد للممرضات:لو سمحتوا الممرضة حنان ما دوامت اليوم..؟
مي وسعاد ناظروا ببعض وهم متعجبين من سؤال خالد...ولا احد منهم جاوب...
خالد:ما دوامت ؟!!
سعاد:لا هي اخذت اجازة واحتمال تستقيل..تامرنا بشئ؟
خالد ما هو مستوعب اللي تقوله الممرضة وانتبه على اخر كلمة(شئ)
خالد:هــا!!..لا ..الله يجزاكم خير ما تقصرون...
وخرج من عندهم وهو يالله يالله يستوعب اللي يصير له..كل شوي شئ غريب يصير له.. واتراكمت عليه الافكار من كل صوب..وبسرعة راح للسيارة وكلّم اسامة...
*************************
غادة منسدحة على بطنها على سرير جوري..وجوري ترفع اغراضها اللي مالية غرفتها..
غادة:يا بنت الحلال هذي غرفة بنت يعني اكيد الحوسة موجودة..
جوري:ما اعتقد في احد مثل حوستي..
غادة:كل بنت تقول زيّك..كلنا غرفنا مثل بعض..
جوري وهي تلم اغراضها:خلاص ما باقي الا هالكيسيين
غادة:يالله انا انتظر...
جوري وانسدحت على السرير جمبها : الحمدلله خلصنا..
غادة:الحمدلله على السلامة..
جوري:هههههه..الله يسلمك..
غادة:تصدقين احلى شئ اذا جيت عندكم ما احس بثقل..
جوري:أي يا حول جوهره هي اللي تتحملكي..
غادة:الله يرجك..خلينا اكمل همن حشي...
جوري:هههههه كملي ..
غادة: والله انواع الوناسة اما عند عماني مرة استحي واصلا في رسمية بيننا وانا اكره شئ اسمه الرسمية احب الفلة والجلسات..
جوري:من جد.. انا احس اللي بينهم رسميات ما يفلونها مثلنا...
غادة:أي والله..تعالي هنا والله ياني مجمعت لك سوالف لليييييييل...
جوري:والله من اول ودي اقولك بس مستحية..
غادة:يعني انا غاثتكي بس تبين الاخبار...
جوري:حرام عليكي اصلا الغثيث..الاخبار منه ترفع الضغط...
غادة:مدري ليش احسها طنازة...
جوري:بسرعة اول خبر...
غادة:اممممم..كم تعطيني؟
جوري:اللي تبين..بس اصبري خليني اقفل الباب عشان ناخذ راحتنا...
غادة:أي والله ليتك تقفلينه...
وقامت جوري تقفل الباب وسحبت علبة المناديل وتحفة صغيرة تحط فيها اللبان(العلك)
غادة:ما شاء الله جبتي العدة كاملة..
جوري:تعرفين المناديل اذا في خبر حزين..والعلك حق الوناسة...
غادة:وشو علك عجايز..
جوري:لا لبان حريم..
غادة+جوري:ههههههههههههههههه
غادة:يالله بسرعة للاخبار...
جوري اتعدلت هي وغادة بقعدتهم وصاروا قبال بعض....
غادة:اول شئ تذكرين قريبة مرة عمي اللي دايم احكي لك عنها...
جوري:اللي ولدها مريض..
غادة:أي بالضبط.. مسكينة ولدها مرة تعبت نفسيته وصاير تعبان مرة..ودوه المستشفى ويقعد فترة عندهم ويخرجونه بس الله يعين امه..يكون مو بوعيه..
جوري:شلون يعني..
غادة:تخيلي مرة جابت له امه حليب عشان يشرب بالليل وامه تعرفينها كبيرة بالسن وجالسة عنده وهي مرة فيها نوم..وكل ما نعست صفقها كف..
جوري:اعووووووووذ بالله..
غادة:والله مقطعه قلبي المسيكينة..ويقولها لا تنامين والا ذبحتك...
جوري:يا لطيف ...لا حول ولاقوة الا بالله..طيب ليش ما يخلوه بالمستشفى خلاص ما يخرج...
غادة:والله مدري عنهم..والله انها كاسرة خاطري مرة..الله يصبرها على مصيبتها...
جوري:أي والله اللهم آمين..طيب هو من ايش جته الحالة؟نسيت القصة..
غادة:عــيــن جته..كان كل سنة يطلع الأول ومرة ممتاز..وسبحان الله جته عين ومن عقبها تعب واللحين تعب زيادة...
جوري:يا لطيف..الله يكفينا شر العين...
غادة:آميــن.. عاد امه هي اللي قايمة بالبيت ما عندها الا هو واخوه الكبير..واخوه ما رضي يتزوج عشان امه..ومسكينة هي اللي قايمة بالبيت.. وهالحرمة جاها شلل نصفي..
جوري:الله يكون بعونها..ودمعت عيونها واخذت منديل وصارت تمسح..
غادة:ما امدانا نكمل كلامنا...
جوري ابتسمت وقالت:لا والله هالحرمة مرة احزن عليها..يعني ما يطلبون من الناس ولا يرضون ياخذون صدقات وحالتهم حالة..وولدها بعد مريض من جد ودي اقدم لها أي شئ..
غادة:تصدقين عاد اعرف بعض الناس يرمون ببيتهم اغراض ويمشون والا يحطون عند الباب ويدقون الباب ويمشون عشان ياخذونها من دون لايدرون من صاحبها...
جوري:ويا خذون الاغراض..
غادة:أي اللي عرفته من بدر انهم ياخذونها....
جوري:من جد الله يكون بعونهم والله احنا بنعمه لا نحسد عليها ولا حنا حاسيين بشئ...
غادة:الآية وش تقول((وقليل من عبادي الشكور)) الله يجعلنا من هالقليل..
جوري:آمين..يارب لك الحمد كما ينبغي لجلال وجهك وعظيم سلطانك...
غادة:والبقية مافي اخبار جديدة..ما شاء الله بنات عمي كلهم ملكوا حتى اللي اصغر مني الا انا قاعدة يا حول..
جوري:هههههههههههه
غادة:وصديقاتي اعرسوا..ووحده منهم بعد جتها بنت..
جوري:أي يا حول كل الناس اعرسوا الا احنا...
غادة:قصدك الا انا..
جوري:وانا بعد....
غادة:حركات حريم اول بطليها..
جوري:لا تعلقيين ببلعومي مثل فيصل ما صار شئ الى الان...
غادة:جوري قومي بس طلعي لي شئ من جهازك...
جوري:والله ما صار شئ..
غادة:لا تحلفين بلا نصب امي ذاك اليوم تدق تبارك...
جوري:يمكن على الخطوبة..
غادة:هههههههههههههههههههههههههههه
جوري:وش فيكي...
غادة:والخطوبة وشي عندنا؟
جوري:خطوبة
غادة:لا يا عمري اذا اعلنت الخطوبة معناها تمت الموافقة...
جوري:بس انا ما قلت شئ ولا اعطيتهم أي جواب...
غادة:شلون يعني؟
جوري:انا قلت بعد ثالث ثانوي
غادة:اوكي فهموها هم ملكة وزواج...
جوري:لالالالالا لا تقوليين انا ما قلت لهم ولا شئ بس قلت انا ثالث ثانوي وما ابي شئ يشغلني عن ثالث...
غادة:غريبة من جد غريبة...
جوري:ليش؟
غادة:اللي وصل لنا انكم موافقيين وان الملكة باول الاجازة والزواج تحددونه اذا جت الاجازة...
جوري:لا عاد حرااااااااااام لا يكونون فهموها موافقة...
غادة تناظر بجوري:ليش ما تبينه؟
جوري توها تستوعب السالفة وان الكلام اللي من اول مو مزح كالعادة بينها وبين غادة: مدري..
غادة:شلون ما تدرين؟
جوري:بصراحة...........(وقالت لها كل شئ)
غادة:ياربي طيب اللي فهمتوه انكم عطيتوهم كلمة..
جوري:ما ادري وش اللي يصير بي..
غادة:يا عمري سلطان انسيه..اصلا ما يستحق انه يجي ببالك...
جوري بذهول:ليش؟
غادة:لانه مو كويّس..
جوري:غادة الرجال التزم وصديق فيصل الروح بالروح..
غادة:قلت لك انسيه ووافقي على منصور..والله لو اني منك ما افوت واحد مثل منصور.. يا بنت سمعته ما شاء الله زي الفل..
جوري:بس مغرووووووور..
غادة:يحق له الغرور..انسان ناجح بكل المقاييس وله كلمته وين ما راح ووين ما جا وهو شاب وحصل على كل هالميزات قبل لا يصير شايب..وش تبين ازين من كذ1؟
جوري:ما شاء الله يحق له الغرور..انا اكره الغرور ..الكبر اكرهه..مرررررررررة...
غادة:منتي صاحية لو ما وافقتي عليه ..ما راح يجيك واحد احسن منه...
جوري:وسلطان؟
غادة:خليه ينقلع
جوري:شلون يعني!!
غادة:شوفي انتي تجبريني اقول كلام ما ابي اقوله...
جوري:قولي طلعي اللي بخاطرك...
غادة:بس ما تنصدمين تتكدرين.. وهذي السالفة قديمة..
جوري:يمّه خوفتيني..قولي طلعي اللي داسته عني..
غادة:طيب اول شئ اللي قلتيه عن سلطان كله خرطي..وما عنده سالفة.. واشوى انك قلتي لي السالفة والا كان رحتي فيها على هالنصاب..
(جوري تسمع بانصات وماهي مصدقة اللي تسمعه)
غادة:شوفي انا سمعت من امي السالفة وهي درت من عندكم وبالموت قالت لي وش اللي صار....
جوري:قولي بسرعة وش صار...
غادة:اول شئ ابوكِ زمان..زمان مرة قبل ما ياخذ امك..كان هو وابو سلطان مرة مع بعض واصدقاء وشئ ووناسة..وعلى قولهم عاشوا عالحلوة والمرة..وحتى انهم اتزوجوا خوات..المهم ان ابو سلطان صارت له سفرات برى كثيرة وانشغلوا عن بعض.. وابو محمد..
جوري:منهو ابو محمد؟
غادة:لا تضيعين هو ابو سلطان..
جوري:أي بس عشان قلتي بالاول ابو سلطان..
غادة:عشان السالفة عن سلطان... المهم..
جوري وجميع حواسها متحمسيين معها بالسالفة:نبي اللي بعد المهم...
غادة:شوي شوي على اعصابك ما جاكي شئ..المهم ابتعدوا عن بعض شوي وانشغلوا مرة عن بعض..بعدين ابو محمد وابوكِ قرروا انهم يسكنوا ببيت واحد..طبعا كانوا متسانسيين عل الاخر..
جوري:احلفي عاد ويني انا..
غادة:ما جيتي انتي
جوري:أي حسبالي بعد مدري عن عيشتي..
غادة ومنهمكة بالسالفة:لا تقاطعيني خلاص ابقول السالفة متواصلة عشان ما اضيع..
جوري:اوكي وحطت يدها على فمها..
غادة:أي كذا تعجبيني..
جت جوري تبي ترد على غادة وتخانقها بس بدت بالسالفة غادة وسكتت جوري..
غادة:ويا قلبي سكنتوا انتو مع بعض ببيت واحد ابو سلطان وابو فيصل وقعدتوا خمس سنيين مع بعض وكانوا مرة مبسوطيين..وكل الناس تحسدهم على راحتهم اللي هم فيها لانهم بيت ملك وما في أي هواش او خصام... جا اخو ابو سلطان بيتزوج واقترح على اخوه انه يسكن بالبيت وابو سلطان وافق..اما ابوكِ ما وافق لأنه ما يظمن الراحة اللي كنتوا فيها وقال اننا كذا مرتاحيين..وخاف من المستقبل انكم ما ترتاحون..اخو ابو سلطان اللي هو( حاتم) مرة زعل وقلب الدنيا فوق تحت..وانا احنا اخوان وهذا بيتدخل فينا ومن هالكلام وصارت هوشة كبيرة بين ابوكِ وحاتم اللي هو اخو ابو سلطان..وزعل صدق وخناق.. يعني المفروض حاتم ما يكبر الدنيا لانهم احرار..والبيت كان( فيفتي ان ففتي)..يعني50% بين ابوكِ وابو سلطان عشان لو حصل شئ من هنا والا هنا او مات احد لا قدّر الله يكون المبلغ بالتساوي.. بعد الخناق اللي صار..ابو سلطان كلّم ابوكِ..بس ابوكِ كان رافض خصوصا بعد الهوشة الكبيرة اللي صارت وقال :هذي بدايتها..المهم ان ابو سلطان حاول فيه بس ابوكِ رافض مرّة..قال ابو سلطان لابوكِ: طيب تخرج وادفع لك..
وابوكِ: رافض وزعل من كلمته مرة..الحاصل ان ابوكِ بالاخير وافق بس يكون له باب مستقل عنهم ومن ورى مو من قدّام..وطبعا الحوش يصير لكم ولابو سلطان وهو ما يكون معكم بالحوش بس اللي قوّم الدنيا فوق تحت ان السطح يكون لكم جميعا..الصراحة حاتم ما يعجبني وعقله صغير
جوري:لا تحشين بياخذ حسناتك
غادة:استغفر الله العظيم بس يقهر المشاكل كلها من راسه..
جوري:يا غادة تكفين ما نبي حش...
غادة:استغفر الله..استغفر الله... أي عاد ابوكِ ما كان يكلمه كان دايم يكلم ابو سلطان هو اللي يكلمه.. المهم طنشوه على حكاية السطوح وابو سلطان ما يشوف اللي يسويه حاتم غلط يحسه عادي تعرفين اخوه واكيد بيتغاضى عنهم.. جا لكل واحد منهم بزاريين وتعرفين ان المشاكل ما تجي الا من راس البزاريين بس لو الكبار ما يتدخلون فيها كان ما في مشاكل.. كبر فيصل وكبر محمد وسلطان وهو جته بنت وسمّاها فاطمة..طبعا بنته دلوعة ترفع الضغط ومؤذية بس تبي كل شئ لها وبس تشتكي ابوها على أي شئ وطبعا حاتم ما يقصر يضرب محمد وسلطان وفيصل...
طبعا بتقولين ليش السالفة الطويلة..بس هذي هي الاساس..انا باختصر لك السالفة.. هالبنت أذّت البزران وحاتم بس يضرب من دون اهتمام هل هي صادقة او لا ومن دون مراعاة لمشاعر اخوه.. المهم ان ابوكِ ضاق خلقه على الاخر وحتى ابو سلطان مستحي منه مرّة..ابوكِ ما قدر يتحمل وكلمه وقال انا اللي باشتري البيت واعطيك نصيبك واعطي اخوك نصيبه وانتو عيشوا مع بعض.. ابو سلطان مرة مو راضي وقال انت اللي تخرج وانا اعطيك نصيبك..المهم عقب الهوشة الطويلة..وافق ابو سلطان وطبعا حاتم ما كان راضي بس غصبن عنه.... طبعا الوقت ذاك ما كان عندهم فلوس مثل اللحين..والفلوس تلعب بايدينا لعب..والمبلغ اللي طلبه حاتم وابو سلطان كان مرة كثير.. الحاصل ان ابوكي قال ان حضرتكِ وسموكِ الكريم تكونيين عروسه لولدهم بدون أي مقابل منهم وغير كذا المبلغ قل شوي...
جوري:هـ ـ ـ ـا!!!
غادة:اصبري يجيك العلم....
جمع ابوك المبلغ وعطاهم اياه وخلاص الولد كبر وتزوج..
جوري:سلطان تزوج!!!!
غادة:لا وش فيك محمد اللي تزوج وصار زعل كبير بين ابوكِ وابو سلطان..لانه محمد ولا على باله راح تزوج اللي يبيها وابوكِ حس بالقهر على اللي سواه..
جوري:وسلطان!!
غادة:سلطان ولا شئ..
جوري:شلون ما فهمت؟
غادة:اقصد ان ابو سلطان كلّمه على سلطان بس ابوكِ مرة زعل وما صدق اللي صار له لان ين ابوكِ وابو سلطان كلمة ان محمد يصير زوج لك ومحمد ولا على باله.. ورجع ابو سلطان يكلك ابوكِ عشان يصلّح غلطة ولده محمد وبيكي لولده سلطان..بس ابوكِ رفض وقال ارجع لك المبلغ..بس امك كانت مرة ودها بسلطان واقنعت ابوك فيه..والظاهر جاكي وكلمكي..ومع انه سلطان كان لك الا ان ابوكي رجع المبلغ اللي كان ناقصه..
جوري بذهول:أي اذكر وانا بثاني متوسط جاني وقال لي على سلطان وانا سكت ما رديت عليه..
غادة:ابوكِ وابو سلطان ما رجعوا مثل الأول وهذا البيت اصلا خرجتوا منه وسكنتوا بمكان ثاني وسواه فلة..
جوري:أي هذي اعرفها بس توقعت ان البيت ما كان كويس...
غادة:يوم خرجتوا منه رحتوا للديرة وسكنتوا فيها اربع سنوات..
جوري:أي قالت لي امي بس قالت ان امها تعبانة..واننا بنعدل بيتنا..
غادة:المهم انكم خرجتوا من البيت وعاد بنائه ابوكِ ورجعتوا له..وسكتت غادة ولا قدرت تكمل السالفة...
جوري:أي سالفة البيت وعرفناها بس وش اللي بعده...
غادة:ولا شئ قضت السالفة..
جوري:احلفي عاد..كملي وش سالفة سلطان؟
غادة:بس هدي اعصابك ولا تنفعلين
جوري:اقووووول كملي...
غادة:اكيد تعرفين ان سلطان التزم..
جوري:أي اعرف..
غادة:هو الصراحة ايجابي وسلبي
جوري:وشو اللي ايجابي وسلبي
غادة:يعني هو اول ما التزم قال ما ابي الجوهرة
جوري:وشــ ـ ـ ـ ـو؟
غادة:قال حرام اظلم البنت بسالفة قديمة ومدري وشو؟والخطبة تصير رسمي..هذا يوم انتي بثاني ثانوي يعني العام....وابوكِ وابو سلطان عقبها انقطعوا عن بعض وابوكي كان معطيه المبلغ له سنة ومنصور خطبكِ...
جوري:شوي شوي عليّ...
غادة:بس سلطان ومحمد ما وافقوا على هالخطوبة وابوكِ زعل مرة..وعشان كذا اقولك لك منصور وبس..والباقي خس...
جوري:بس شلون؟ماني قادرة اصدق انا لعبة عندهم...بعدين هو...
غادة:أي كملي...
وقامت تصيح جوري ما تحملت الصدمة..وان عيال خالتها اللي تدافع عنهم وكانت تكره ابوها بسببهم طلعوا هم اللي ما يبونها وان ابوها صادق بكرههم...وحكت لها كل شئ عن سلطان واخر شئ عنه سالفة الماسنجر ويوم اتكلموا عن الخطوبة...
غادة:من جد تكلم عن الخطوبة؟
جوري:اصبري باجمع اللي عندي واقولك...
اللحين امي يوم سمعت اتصالاها مع ذيك الحرمة كانت تقول: بيطلع مثل عمه اللي التزم اكيد وبيكون معقد..شكله عمه حاتم..استغفر الله حرام يشوه سمعة الملتزمين..
ثاني شئ:التزم بالترم الثاني وانا كلمته بالترم الاول..
يعني الترم الثاني التزم سلطان وقال الكلام اللي اول وانا احسب ابوي ما يبيه عشانه التزم... ونزلت راسها وتمسح عيونها من الدموع...
غادة :يا عمري والله اني خبلة يوم قلت لك السالفة..
جوري وهي تسمح عيونها:بالعكس اشوى انك قلتي لي..تدرين جتني فترة كرهت فيها ابوي احسبه يكره خوالي ومتكبر عليهم وعشان كذا كرهت منصور لانه مع ابوي دايم بعدين حاسبت نفسي ومشاري الله يسعده قالي مستحيل ابوكِ يكون فيه هالشئ...
غادة:يا قلبي..تدرين اصلا جيتنا ذي كلها عشانك...
جوري:من جد
غادة:أي ابوكِ قال اقنعوها..
جوري:يا ربي وكلهم داريين عن السالفة وما يقولون لي...
غادة:لا شوفي ترى ما يدري بها الا انتو وابو سلطان وامي وانا مثل ما قلت لك بالغلط دريت... وانا اللحين جايه بشحمي ولحمي اقولك وااااااااااافقي على منصور ازين من النذل سلطان...
جوري:حرام عليكِ..هو صادق المفروض يتركون هالعادات السخيفة واكيد هو كان يبيني اتزوج مثل خلق الله...
غادة:يا عمري ما قال هالكلام الا بعد دفع ابوكِ يعني مهر فيه فيه مهو على كيفه بس هو ما يبي.. من زينه والا من زين خشته واخلاقه...
جوري:اللي سواه هو الصح.. المفروض خطبة مثل الناس والعالم..بس انا مقهورة من نفسي اللحين كل اللي صار من ابوي لصالحي وانا احسبه ضدي...قسم بالله قهر...
غادة:يعني سالفة سلطان عادي...
جوري:اكون منافقة ان قلت لك عادي..صعبة تعيشيين وانتي ببالك واحد وعقب يصير كله اوهام واحلام..انا خمس سنيين وانا ببالي ان انا وسلطان مخطوبيين..هذا عمر مو شهريين والا ثلاثة.. تخيلي يعني من ثاني متوسط الى ثاني ثانوي اربع سنوات بعديين قالي ابوي بالاجازة على منصور وحاطه براسي اني ابرفضه وصارت ثالث ثانوي بعد وانا ببالي سلطان يعني خمس سنوات.. والله صعبة...
غادة:من جد والله صعبة بس ربي عوضكِ بشاب وسيم خلوق من عائلة كريمة يقدر الحياة الزوجية ويرجوا من جوري الموافقة...
جوري:وانا موافقة..
غادة:اححححححححححححلفي...
جوري:مايبيلها حلف...
غادة:يعني عن اقتناع ومن دون أي ضغوط..بالعربي مووووووووواااااااااافقه...
جوري:اصلا انا ما لقيت أي عذر وكنت باقول لامي واللحين بقوة اقولها موافقة..
غادة:لا عاد عيديها مرة ثانية...
جوري:اقول ولا منصور ما سواها...
غادة:اححححلى يا الحب من اللحين...
جوري: غـــــــــــادة
غادة:نعم..هلا..سمي..آمري..تدللي..
جوري:بس تكفين..
غادة:يا عيني..يا عييييييييييييييني....خليني ابشر امي وامك وخالي...
جوري:لا عييييييييب...بعديين نقولهم...
غادة:اصلا انتي ما تشوفينهم ما نادونا للعشا يعني داريين خليني ابلغهم...
جوري:روحي انتي انا باقعد هنا..
غادة:مو على كيفك بلا دلع..
جوري:ام منصور فيه عيب..
غادة:يالله بس..
غادة قامت من السرير وسحبت جوري من يدها وقومتها ونزلوا تحت....
اول ما جو عند الدرج ويسمعون اصوات مرتفعه وشكله فيه شئ صاير...
غادة:ناظري ام خالد تبكي وعهود وخلود موجوديين...
جوري:من متى موجوديين؟وش اللي صار بسرعة خل ننزل لهم....
ونزلو جوري وغادة للصالة وحضنت عهود غادة وصارت تبكي..وراحت خلود لجوري وحضنتها وصارت هي الثانية بعد تصيح...
وسكتت غادة عن الموافقة وما اتكلمت ولا كلمة...
جلسوا عهود وخلود وقالوا كل اللي صار لهم من جلستهم بالبيت الى ابوهم يوم اخذهم بس ما جابوا طاري منصور لانهم ما يعرفون وش فيه اصلا وخالد ما بلغهم ولا قالهم ولا شئ...
ام خالد تظن ان منصور مع خالد يكملون الاجراءات اللي البيت واكيد عند الرجال...
قامت ام فيصل تهديهم وجات لهم العصير والتهوا شوي السوالف وحلفت عليهم انهم كلهم ينامون عندهم والرجال اكيد يجون عندنا ويعلمونا اللي صار...
غادة وجوري وعهود وخلود كلهم ناموا بغرفة وحدة....
وام خالد راحت تنام مع العمة موضي...
بس ام خالد ما جاها النوم الين جا خالد وقالها وش اللي صار..وان منصور بس تعبان تعب عادي ما فيه أي شئ وابو خالد راح ينام مع او فيصل..وخالد وفيصل وبدر ناموا بغرفة وحدة...
*****************************
كل موظفين المستشفى اللي عند الاستقبال عرفوه من كثر ما يجي..ويظنون ان له قريب مره..او ابوه مافي يوم الا ويجي واحيانا باليوم مرتين..يروح عند الكتور ويسأل عنه.. ويروح بعد ويتأكد من عند الممرضه..دخل خالد جهة الدكتور بيسأل عن سعد الين يجي موعد الزيارة..
خالد دق الباب وابتسم للدكتور وقال:السلام عليكم
الدكتور:مرحبا اخوي وعليكم السلام..تفضل..
دخل خالد بخطوات ثقيله..كل ما جا عند الدكتور يتخوف من الأسئلة..ومن الإلحاح عليه بمعرفه وش حالة سعد..بس ما يبين شئ للدكتور..
خالد يخفف حدة التوتر عنده ويسال الدكتور:شلونك يا دكتور؟
الدكتور:بخير الله يسلمك..وش اخبارك انت؟
خالد:اخباري هي اخبار سعد؟
الدكتور ابتسم وعرف اللي يبيه خالد:بصراحه الى الان ما صار شئ..
خالد:شلون يعني؟
الدكتور:باذن الله انه بخير..مرة يكون النبض عادي..وتنفسه مافيه أي شئ..واحيانا لا النبض كويس ولا تنفسه مو طبيعي..وما زال تحت مراقبتنا..
خالد:والدم؟
الدكتور:دم
خالد:اقصد تبرع الدم من اللي حصل معاه توافق..
الدكتور:على ما اعتقد حرمه اللي تبرعت..
خالد بسرعه قال:بنته يا دكتور؟
الدكتور:لا ما اظن..وحده ثانيه بس انت تاكد من الممرضة..
خالد:والى الان مغمى عليه..
الدكتور:أي وما في تطور جديد..
خالد:الله يستر يارب..
الدكتور:سعد مايحتاج منك الا الدعاء..
خالد:الله يشفيه..ويغير حاله للأحسن..
الدكتور:آميـــن..
وخالد ما تحرك من الكرسي اللي عند الدكتور وتفكيره راح لسعد وقام يفكر بحالته.. وما انتبه الى على صوت الدكتور وهو يقول:يلزمك شئ اخ خالد..
خالد بابتسامة:ابد سلامتك يا دكتور..
وراح خالد وهو محبط على الاخير..اكثر شئ كان يخاف منه خالد ان سعد يموت وما يتكلم.. اقل شئ بس كلمة تشفي غليله وتريحه من هم وعذاب الوقت اللي فات..اتجه خالد كالعاده جهة الممرضة..وكل الممرضات حاسدينها لانه يجيها باستمرار..
سعاد:جاكِ..يا هناكِ مالت علينا..
الممرضه مي :بـــنـــــت..عيب وربي عيب..(هي المسؤلة عن حالة سعد)
الممرضه حنان:اعطيني الاوراق يا سعاد..
سعاد:خوذي كلها على المكتب..(وبالها مشغول بخالد)..
خالد:السلام عليكم..
الممرضات:وعليكم السلام..
خالد خجول مره وما قدر يدخل الغرفه وصار واقف عند الباب واتكلم بسرعه..ويناظر فوق وهو يتكلم او ينشغل بالمكتب يناظر فيه من فوق الى تحت..
خالد:اقدر الاقي معلومات عن المريض سعد..
سعاد بسرعه تكلمت قبل ما ترد مي او حنان:أي اكيد تلاقي عن أي مريض بس وش بالضبط تبي تسال عنه؟
مي كاتمه بنفسها الضحكه ما تترك سعاد حركاتها..
خالد:ابغ اعرف من اللي تبرع الدم للمريض سعد..
كانت بهاللحظه حنان منشغله بالملفات اللي معها ولا التفت على خالد من تكلم بس يوم سمعت طاري الدم ومن اتبرع..اتنفضت مره وما قدرت تمسك الملف اللي ابيدها..وكانت تبي تطيح الملفات بس مسكتها عل طول ما تبي احد يحس..بس الغرفه كانت هادية وانعرف وين مصدر الصوت..سعاد ومي مهم عارفين وش السالفه وليش صارت هالحركه من حنان..جت سعاد وقالت كلمتها الي ظنت انها عبقرية زمانها وانها تعرف تتصرف بمثل هالمواقف
وقالت:بصراحه ما احد صار عنده توافق الا بنته واخوه وكلهم حالتهم ما تسمح اننا ناخذ منهم دم..واتبرعت به زميلتنا حنان وهي اللي اعطته الدم..
خالد كان بعالم من الخوف على حالة سعد وتفكيره كله انصب على سعد وحالته الخطيرة اللي تزدام يوم ورى يوم..وحركة الممرضة حنان ما حركت فيه ولا شعره..مجرد سقوط ورق بس جواب الممرضه سعاد هو اللي خلاه يرجع بذاكرته لدقايق بس ويربط الموقفين ببعض والتفت على حنان بكل بساطه لان سعاد وهي تتكلم اشرت على حنان وقال:الله يجزاك خير ما..وسكت..
حنان من يوم ما انتبهت لخالد وهي خايفه ان احد من الممرضات يعرف شئ عن خالد وعلاقته فيها لانها ما قالت للممرضات وش يكون خالد..وعرفت معزة سعد بقلب خالد وراحت سوت التحاليل وطلبت من الدكتور ما يفصح عن اسمها وما توقعت ان الجواب يطلع من الممرضات لانهم ما يملكون الاخبار الكافيه عن كل مريض وعن المتبرعين له..بس ما درت ان سعاد تولعت بخالد وصارت تعرف اخباره واخبار مريضه سعد بالتفصيل... زاد ارتباكها وحيرتها بتوقيفة خالد بوسط الكلام ورفعت عينها ووقعت عينها بعين خالد وزادها ارتباك وخوف..
خالد كل اللي سواه ابتسامة وكمل كلامه:ما قصرتي.. وخرج من الغرفه..
حنان عرفت انه ناظر بمكتبهاوشاف اسمها..واللي خلاها تنهبل زيادة حركة خالد..ابتسم وخرج.. وش يقصد بحركته..وانا منزلة راسي ما ادري وين كان يناظر..اما سعاد ومي ما زالوا منصدمين مهم عارفين وش اللي يصير حولهم وتوقعوا ان حنان من الاحراج سوت كذا..يعرفونها دومها خجولة وما تقدر تتعامل مع الرجال.. و سعاد ما علقت الا..
سعاد:ياربي وش هالثقل..بس ابتسامه وليته لاخر فمه بس..واووووووو..وقعدت على الكرسي..
مي:سعاد ما راح تتركين خبالك ما يصير..
سعاد:عاد انا امزح خليني اتسلى..
مي:تمزحيــــــــــــن(وتغمز لها)
سعاد:اييييييييي
مي:يا عمري المزح ما يكون بتتبع الاخبار وقلبك ينقبض لا جا اخونا في الله..ارفقي بحالك تراه ازين لك
سعاد:وشو تتبع الاخبار؟
مي:سعاد انا عارفتكي زييييييييييين..وش دراك ان حنان هي اللي تبرعت وان اسمه خالد وانه من عائلة
سعاد:بس بس بس لا تكملين
مي:ههههههههههههههههههه
سعاد(وكل ملامحها ما تبين الا عن حزن كبير):آآآآآآآآآآآآآآآآآآآآآآخ ياربي ليش الزواج لنا محرم
مي:وزادت حدة ألمها وشاركت سعاد بمشاعرها مع اختلاف اسبابهم الى انه يتفقون في مشكلة وحدة وهو انه محد يتزوجهم...
سعاد:ليتني مثلك يا حنان ما افكر بالزواج موليا بس عجزت وانا احاول أأقلم نفسي..
مي:والله لو مو الحاجه كان ما اشتغلت ولا فكرت ادخل هالقسم...
سعاد:هذي المشكلة الطب افضل راتب مناسب لنا ولحالاتنا بس مافي شئ زين..الا ووراه شئ شين..
مي:آآآآآآآآآآآآآآآآآخ ياربي..الطف بنا يارب...
حنان:عن اذنكم عندي مريض باروح اشوفه...
حنان من الشئ اللي صار لها ما قدرت تتكلم الا بهالجمله اللي قالتها..ما تبي خالد يعرف انها تشتغل بهالمستشفى وانها هي اللي تبرعت..وعرف مكتبها وعرف من تصاحب..خلاااااااااااص.. انقهرت مره.. بس في داخلها كبرياء عالي..يمسح عنها أي شعور ضدها ويدخل مكانه علامات الانتصار..
راحت حنان للطوارئ..تبي تبتعد عن مي وسعاد تخاف وحده منهم تعلق او تنتبه للي صار لها..وخالد من زمان ما شافته وفجأة وبدون مقدمات نكون بمكان واحد..دخلت الاقسام كلها تشوفها..ووصلت عند المريض سعد خافت من انها تتقدم وتشوفه..لايكون خالد فيه..بعدين يظن اني ما عندي ذرة حيا الاحقه بكل مكان..بس هذا شغلها وش تسوي لازم تتطمن عليهم وتعطي عنهم تقرير للدكتور لان اليوم مناوبتها..حنان تكلم روحه:خلاص بعد موعد الزيارة اروح اظمن ما عنده احد..وكملت طريقها لكل المرضى ما عدا سعد..وخرجت من باب الطوارئ وتفاجأت ان خالد قدامها يبي يدخل بس صادف حرمه وصار يكلمها وواضح انها من الزوار..التفت بسرعه حنان وكانت تبي تخرج من المكان كله بس تذكرت انها مغطية يعني ما يعرفها..حنان تمشي بشويش تبي تعرف وش السالفه وخالد وش سالفته..بس خالد ما طول دخل بسرعه على الطوارئ بعد نظرة سريعه على الممرضه..حنان تنفاضت من الداخل وخرجت بسرعه من المكان اللي هي فيه..ياربي شافني..وصارت تسرع بمشيتها على دورات المياه..دخلت دورة المياه وهي تلوم نفسها الف مرة على اللي سوته..انا حنان اسوي هالسواة..اراقب واشوف مع مين خالد..وش دخلني فيه..بعدين ليش هالملاحقه..يارب لطفك قويني وصبرني..لا اميل لشئ ما ترضاه..وفتحت النقاب ولاحظت دمعه خرجت غصب من عينها..حنان وش فيك حنان..لايكون..لا لا ...الا ذا مو معقول..وش فيك جن عقلك..تفكيرك وش به صار واطي..وقطعت تفكيرها بقرار حاسم..ما تبي تكثر بالتفكير اللي يضيق الصدر..تبي حلول وبس..واتخذت قرار وهي في اشد غضبها..يا حنان اصحي معقولة انا اقرر بهالسرعه..من دون تفكير او تباطي باصدار القرار..بس تفكيرها اليوم مو لصالحها..لبست نقابها وراحت للطوارئ وعند المريض سعد على طول...
وعند المريض سعد...دخل خالد ودخلت بعده لمياء وقعدت عل الكرسي ومسكت يد ابوها وصارت تدعي وتقرا عليه..
خالد على طول راح الجهة الثانية من السرير وصار يتمتم باذكار يدعي بها لسعد..وكتف ايدينه وصار يناظر بالسرير وقال:فراس مو مسموح له بالزيارة؟
لمياء كانت تنتظر خالد يقولها أي شئ..من قالت لها انه ما يكلمها بالتلفون ويكلم ولد عمها ما كلمها ولا كلمة..وماهي مصدقة ان خالد كلمها..ناظرت جهة خالد وهو كالعادة مكتف ايدينه ويناظر بالسرير قالت له لمياء:أي ممنوع الزيارة لفروسي..
وتم الصمت حديثهم بالزيارة واتجرات لمياء وقالت:امممم خلاص...وسكتت
خالد ولا اتحرك من مكانه او غير بنظراته وكل اللي قاله:وشو اللي خلاص؟
لمياء وحست بالقهر انها اتكلمت لانها تحس انه ما يهتم لها وقالت:ماله داعي
خالد بدون اي حركه وبصوته الثقيل قال:كملي
لمياء وهي مقهورة مرة من خالد وش على باله كل هذا كبر وهذا اللي شجعها تتكلم:اوكي انا ببيت عمي وخلاص بكون ببيتهم على طول وو؟؟
خالد على حاله وقال:ايي
لمياء وارتفع ضغطها مرة بس قبضت على فمها وصارت تتكلم وهي مسكره سنونها وواضح انها معصبه وصوتها كان واطي مرة:وخلاص ماله داعي الشغل الليلي..وهذي بطاقة الصراف ماقصرت مشكور...
استغرب خالد من حركتها وصوتها اللي صار غريب رغم ان صوتها واطي الا ان خالد حاسة السمع عنده قوية مرة وكل اللي سواه ترك ايدينه وعدل شماغه وهو يقول:هذا حقك وانتي تاخذين حقك واذا انتهى حقي عليكم ذاك الوقت براحتك ترجعين البطاقه او لا...
مدت البطاقة لمياء وقالت:الظاهر سنة كافية وخذ ما قصرت
خالد يحك باطن ايده اليسرى بظاهر ايده اليمنى ولا التفت لها ولا ناظر للبطاقة.. ويقول:ما خلص انا متاكد انه ما خلص وانا اعرف اذا خلص باقولك لا تخافين
لمياء:والله ماله داعي مكتفين والله
خالد رجع وتكتف مرة ثانيه وقال:هذا حقكم ما اخذتوا من مال غيركم
لمياء:اوكي ما قصرت يا خالد
خالد حس بالاحراج كون ان لمياء وهو بمكان واحد رغم ان المكان مكشوف وكل واحد يجي ويزور مريضه وهو توه جاي ماله الا خمس دقايق.. بس هذا ابوها لازم تقعد معاه..
خالد:ان شاء الله اليوم ابجي وآخذ فارس..وعدل بشماغه مرة ثانيه..عادته اذا يخرج من مكان..
لمياء:أي والله اتوله عليك مره
ابتسم خالد بس ما اكتملت بابتسامته لان عادل ولد عم لمياء داخل وهو معصب على الاخر..خالد يعدل شماغه ويبتسم ولمياء بنت عمه معاه الحاله وتقول اتولهت عليك..ما سمع من المتكلم بس اللي سمعه توله وعليك وركبها انه هي اللي قاعده تتكلم..وجا خالد بيخرج بس عادل وقف بطريقه وقال
عادل:وجــع يوجعك ..هيه انت لا اشوفك هنا..
خالد ارتفع واحد من حواجبه وقال:سم
عادل:سم الله بدنك
خالد ارتفع حاجبه بقوة ويناظر عادل باستحقار..
عادل:هيـــــه قلة الادب بطلها ولا اشوفك هنا..انت وش تبي مننا..عمي سعد ما يبيك ما عرفناك الا على الشر وعمي اكيد ما سلم منك...
خالد:لا تقعد ترفع صوتك..عمك هو ابو صديقي وبمقام الوالد..
عادل:صديقك مين؟ما عنده عيال
خالد:الا عنده لؤي وتوفى الله يرحمه
عادل:اقوول لا تقعد تنافخ انت بعد..لؤي ومات وش تبي..
خالد ما رد عليه ومشى بس عادل ما تركه جا ومسك طرف ثوبه وجا خالد وعطاه ضربة قوية على ايده وقال:ايدك ما تمدها على خالد
عادل:يا كلب..ومين انت عشان ما امد ايدي عليك
خالد:انا شيخك خالد
عادل:تخسى
خالد:يخسى امثالك
عادل:والله لو تجي عندنا ما يصير لك شئ طيب..هذا الناقص يغازل بنات خلق الله ..عيني عينك..
خالد ما زالت نظرات الاستحقار عادل وقال:كلن يرى الناس بعين طبعه..الشيوخ ما يسوون ذي الحركات حطها ببالك زين..ومشى خالد عنه وعادل ارتفع ضغطه على الاخر... خالد كان طول الوقت يكلم عادل بثقل وبشويش بعكس عادل اللي ارتفع ضغطه من يشوف خالد ويوم شاف هالحركه زاد حقده وصار يتكلم معاه بحدة وبسرعة..ودخل عادل على لمياء عند ابوها..
انصدم خالد باللي قدامه وحدة تكلمه وما يقدر يرد عليها.. ما يسمع شئ لانه دمه فاير وغاضب على الاخر..ويحاول يهدي نفسه ويهدي اعصابه عشان يستوعب وش تقول هالممرضة..
حنان:وش فيك خالد وش صاير؟
حنان نست كل شئ كانت تبي تسويه ونست القرار وانخرشت يوم شافت مهاوشة خالد وعادل..وهي تكلم خالد..وخالد ما يرد عليها...
خالد:ما صار شئ؟
حنان:طيب اخرج من هنا قبل لا يمسكوك..والا يصير فيك شئ..
وخرج خالد بسرعه وهو مو عارف وش السالفه بس اصلا هو متضايق من المكان اللي هو فيه.. خالد مو راعي هوشات بس يجي اصغر منه وينافخ عليه وبعد انا مو غلطان هذا الشئ اللي رفع ضغط خالد وخلاه يعصب على الاخر...
خالد:وش فيه؟
حنان بثقل ورزانه تتكلم:اكيد احد بلغ عن الهوشه وعشان كذا ابغاك تخرج من هنا لا يمسكونك..
خالد:مشكورة يا بنت الخاله..
حنان تكلم روحه:شلون درى اني انا حنان..
وخالد يكلم روحه:الله يستر على لمياء من هالخبل..
حنان:اوكي باشوف شغلي..
خالد:الله يعينك..
وافترقوا عن بعض من زمان ما تواجهوا ولا تكلموا..حنان من النوع اللي ما تحب جلسات العيال مع البنات حتى بوجود الكبار ولا تحتك بالرجال قد ما تقدر..وخالد ما يحب الجمعات عيال او بنات وبيت خالته له سنتين ما جاه...
اما لمياء من شافت ولد عمها عادل وهي تتنافض تعرف تهوره وعناده..ولما صارخ على خالد وقفت وتنتظر دورها بالهواش من عادل..
عادل:خير وشو تولهت وقدام ابوك يالخاينه والله ما اتركها لك
لمياء انهبلت من عادل وتفكيره ويسمع بالمقلوب:قسم بالله اني اقصد فروسي
عادل:فروسي ومن ذا بعد
لمياء:فراس اخوي..
عادل:امشي على السيارة
لمياء:طيب ما جت عمتي او اروى..
عادل:لا محد جا وبسرعه على السيارة تعالي معي..
لمياء من خوفها مقدرت تتكلم ولا كلمة..وش تقوله ما ابي اركب معاك وما معاك محرم..واللي هون عليها انها بوسط الناس والا لو كان مو بشوارع عامه والا مو وقت عصر كان صار لها شئ....
حالة سعد كل مالها تزيد سوء ومن سئ الى اسوء..واللي شايل هم سعد هم اثنين لمياء وخالد..وكل واحد شايل هم لسبب معين بس يجمعهم حزنهم الشديد على تعب غاليهم...
حنان بعد ما خلصت الهوشة راحت للمريض سعد واطمئنّت عليه وراحت تعطي الدكتور التقرير وتكمل اجراءات قراراها اللي اتخذته على عجل...
************************************
((لحظات تمر على الانسان بطيئة ثقيلة..تلتهم بأنفاسها ثواني عمره..تسكب عليه الملل بسخاء تلعب بأفكاره وخيالاته وتجعلها اشبه بالمجنون يتأمل اللا شئ يتحدث ويضحك للاشئ يعيش مع ذكرياته يمتلئ خياله بأحلام لاتحقق كمنظار يرى فيه أمانيه قريبة بينما تعجز يداه عن لمسها تمر اللحظات بسكون يغسل فيها النوم عينيه ويغطيهما فيتناثر الزمن حواليه سريعا لاهيا عن الحلم التي تحضنه))
***وانــتــي حــلــمــي***
<<مجلة حياة للفتيات>>
((يوم الوداع وهل ابقيت في خلدي
الا الأسى في حنايا القلب يستعر
سلبت من مهجتي ظلا نلوذ به
في راحق بهجير الشوق ينهمر
وهمت في خافقي المكلوم تلدغه
بالشوق كالنار لاتبقي ولا تذر))
<<محمد سليمان الشبل>>
((عودي الي يا روحي..عودي كي أراكِ..استنشق عطرك بكلماتكِ الرائعة..عودي لأسمع صوتك العذب يصدح بعباراتك الرنّانة..عودي فقلبي لا يحتمل فراقكِ..عودي لكي تعود الحياة لمنتدانا..عودي لتتحرك الدماء وتعود المياه لمجاريها..عودي فقلبي ينتفض وعيوني جفت من ذرف الدموع..عودي واسقيني الحب الطاهر..اخلطي حنيني برقتك..وشوقي ببسمتك..واجعلينا خليطا متجانسا من المشاعر..اغمريني بلهفتكــ بحبكــ بهدوئكـ ببسمتكــ ...جوري اعشقك))
<<انا : )>>
عادت جوري الرساله الاخيره ما تدري كم مره قرتها من الصدمه..تقرى ولا وصلت السطر الاخير تعيد تقراه وتقراه وترفع صوتها يمكن غلطت والا شئ...خيـــــــــــــــــر وش يبي ذا والله عطيته وجه بزيادة...وجوري اعشقك..اسمي ولا الدلع بعد..يعرف اسمي..من وين..من وين يعرف اسمي..واعشقك...زودها عل الاخر...وردت له رساله كلها غضب وانفعال مو صاحي وكتبت فيها...
((المجروح المظلوم المنكوب مو شغلي انا..اما تستخف بي وتسوي روحك بريئ وتحب مو عندي ذا الكلام..روح الله لايوفقك ولا يهنيك بعيشتك ان كان نيتك شر..بعدين تعال من متى المعرفه عشان تقعد تتغزل..اصغر عيالك انا تنصب علي بكم كلمة..يالله بس
تقققققققققللللللللللللللللللع... ولا اشوف اسمك بالرسايل الخاصه والا عند الاشراف..قال حب قال (وحطت وجه سخرية) ))
ما تدري جوري ليش هالانفعال اللي جاها..بس انقهرت مرة من العيال اللي يعاكسوا ويستهزؤ بخلق الله..ويجروهم لطرق الرذيلة والفساد..وانقهرت مره لانه زودها بالخاص مرررررررره..وخافت مرة لانه عرف اسمها..يعني اكيد يعرف معلومات بعد عني...
....اما المجروح اكتفى بهالرسالة....
((علموك القساوه و أنت طبعك حنون كيف تجرح دموعي و أنت وسط العيون))
كل اللي سوته جوري انها حطت المجروح من قائمة التجاهل وا رسلت رسالة خاصة للمشرف العام انها بتترك المنتدى وبعد الحاح من المشرف العام عن السبب اللي بتخرج فيه قالت له...
(عذرا اليكم..فاصبح في عيني هذا المنتدى من أسوأ ما يكون ولا اطيق احتمال اسمه او شكله.. واحس بضيق كبير عندما اكتب رد او اشارك..والسبب يكمن في مضايقات على الخاص..والعام بشكل غير ملحوظ.. لا تسألني من وكيف فانت تستطيع ايجاد من يتلاعب بكرامة وشرف الغير.. مع كل الاحترام..
عود اذان))
جوري مسحت كل الرسايل الخاصه وحطت رسالة وداع للمنتدى وكتبت فيها...
الموضوع: ((حان وقت الرحيل))..الكاتب:عود اذان
وحطت السطر الاول كله وجيه حزينه..والموضوع كله حول الخيانة والتلاعب بمشاعر الناس.. والاعضاء كلهم حزنانين على فراق افضل عضوه بالفرفشه والعضوه الرقيقه..
اما المجروح رد عليها..
((صراع مع المشاعر..خناق حول الحب..شحنات من الغضب تتولد في قلبي وروحي وكياني لفقد العضوه الرقيقه..التي ان دخلت الادبي تنسى روح المرح وتكتب بمشاعرها..بدم الموده تتكلم.. ستتلون صفحاتنا بالالوان الرماديه..وسنبكي حرقة وألما على فراقكِ..وسنكتب امنيتنا على كل حائط.. وسنننقشها على كل قلب..نتمنى عودتكِ يا عود..))
جوري انقهرت مره من رده وسحبت سلك الكمبيوتر..وهي صدق معصبه عل الاخر..واتذكرت سارونه.. اكيد تعرف شئ عن المجروح..ليش ذاك اليوم تقول باأقولك شئ بس لاتاخذين فكره مي طيبه عني.. بس ما قدرت تفتح الكمبيوتر من القهر..وتسمع صوت فيصل يتكلم بصوت عالي بالصاله وكأنه يكلم احد غريب...
كان ضايق خلقها عل الاخر واخر قرار فكرت فيه انها تترك هالمنتديات اللي ما تجيب الا وجع الراس والهم..وكانت ما تبي تخرج بس سمعت امها تناديها وخرجت..واتفاجأت بوجود عمتها موضي وعيالها عندهم...وراحت تسلم على عمتها وبنتها غادة..والتهت بالسوالف عن سالفة المجروح واتعدل مزاجها اللي ضارب له كم يوم..
فيصل:هلا والله الساعة المباركة اللي جيتوا فيها..زين تذكرتي ان لك اخ وله عيال تزورينهم..
العمة موضي:ههههه والله انكم عل البال دوم ماهو يوم..
فيصل:احححححلى يا عمه طلعتي راعية قصيد..
الحريم:ههههههههههههههههه
جوري:والله لكم وحشة من زمان عننا
العمة موضي:مشاغل الدنيا يا بنيتي..واشوى ان غادة ما عندها شئ وجيناكم هالاسبوع..
جوري:بعد بس اسبوع
العمة موضي:خير وبركة..الحمدلله ان تيسرت لنا زيارة..
فيصل يهمس لجوري:اسالي غادة باي سنة...
جوري:خير انت اسالها
فيصل:ما اقدر
جوري:ليش؟
فيصل:مالك شغل اساليها والا ؟
جوري:وش بتسوي؟
فيصل:ولا شئ
جوري:هههههههههه..ابشر....اخبارك غادة؟
غادة:بخير الله يسلمك..شلونك انتي؟
جوري:بخير..بس فيصل (يوم نطقت جوري باسم فيصل..قرص فيصل جوري وعرف انها بتورطه وبغى يقوم بس جوري هذي فرصتها تردها لفيصل مثل ما سوى بها مع سلطان).. فيصل يسال يقول باي صف؟
غادة ابتسمت من ورى العباة.. واتكلمت بصوت راخي..:مستوى رابع
جوري:شلون تراي ما افهم بالمستويات..
غادة:نهاية سنة ثانية جامعة..
فيصل ساكت وما صار ماخذ راحته مثل قبل ومقهور من جوري عل الاخر وقاعد يفكر بطريقة انتقام قوية تخلي جوري تندم على المقلب اللي سوته..
جوري:الله يعين..انا ثالث ثانوي ولا كأني ثالث..
غادة:والله بتندمين اذا طلعتي للجامعه... هي سنة وحدة ذاكري فيها وانتهينا..
فيصل:ايهي ما لقيتوا الا سالفة المذاكرة..
جوري:وانت وش دخلك عندنا
فيصل:من زينك..انا ابي عمتي موضي اشتقت لها..
جوري:خلاص انتبه لكلام عمتي وسولف معها ولا ترمي اذنك هنا..
فيصل:وش يضمني انكم ما تحشون بي..
جوري:اتطمن اذا جينا نحش ناديناك..
فيصل:من قاعد يناديني اللحين..
جوري:الله يرجك صدق منتب صاحي..
فيصل:اقول مالت على اللي معطيكم وجه خلني اروح عند الرجال ابرك..وابتسم وقال(بس اذا حشيتوا فيني نادوني)
جوري+غادة:ههههههههههههههه
فيصل:يالله عمتي عن اذنك البنات صدعوا براسي والا نا ودي ما افارقك..وباروح عند الرجال ..
العمة موضي:هههههههه.. اهم شئ بعد اللف والدوران بالشوارع انت وبدر ترجعون البيت ..مو الفجر نجي ما نلاقكم فيه..
فيصل:عارفت لنا يا عمه..ابشري على هالخشم...
وراح فيصل عند الرجال وابو فيصل بس خرج من البيت ..راح فيصل وبدر ولفلفة بالشوارع والاسواق..ويوديه فيصل الاماكن المميزة للعيال والاماكن اللي يسهر فيها..وكالعادة جا الفجر وهم برى...
اما غادة وجوري الهتهم السوالف وكل وحدة تناظر بكمبيوتر الثانية وينسخون من بعض اللي عاجبهم وتعبوا وناموا الاثنين على سرير جوري...
عمتهم موضي لها جناح خاص لها اذا جت بس كالعادة هي الوحيدة اللي تنام فيه..
عمتها موضي كل بناتها وعيالها تزوجوا..ما عندها بالبيت الا غادة..وزوج عمتها متوفي..
وغادة بالجامعه عندهم اسبوعين تفرغ قبل الامتحانات وجت لبيت خالها هي وامها..جوري استانست مرة انهم جو..وهذي نعمة من رب العالمين لان اختباراتها قربت وسالفة خطوبتها بدت تضيق عليها نفسها..وهي الى الان ما توصلت لقرار حاسم...
***************************
عادل خبر اهل البيت بسالفة لمياء وانقلب بيت عم لمياء كله ضدها.. ومحد يكلمها ولا احد يشوفها وما يقعدون معاها ولا بمكان..لمياء حبست روحه بالغرفة ولا صارت تطلع منها ابد..بس اذا اضطرت للأكل تطلع لانها تدوخ بسرعة تروح لمطبخ وتاكل لها كم لقمة بس تشوف بنات عمها والا مرة عمها وتحس بالاشمئزاز منهم تعاف الاكل وترجع لغرفتها..واللي مخوفها اكثر من كذا كله..اللي شايلة همه هو عمها الى الان ما رجع من السفر وش بيسوي لها اذا رجع.. وابوها حاولت فيهم انه تزوره ما سمحوا لها ولا زيارة من عقب ما صار لها مع خالد..حتى فراس يلهونه باي شئ اهم شئ يبتعد عنها يبون يحسسونها بالذنب..
جت وحدة من بنات عمها اللي بثالث متوسط وهي اكثرهم حنية على لمياء مع انها بالبداية كانت مثلهم بس يوم شافت البيت كله انقلب على لمياء ..بدت تحس ان لمياء انظلمت وودها تعرف لو شئ بسيط عن اللي صار..كل اللي قالهم عادل انه شافها تعاكس ولد عند ابوها ومستغلة كل يوم بزيارتها عشان تقابله وهناك يتكلمون...
دقت الباب عائشة..وتنتظر لمياء تفتح لها الباب بس ما تلاقي أي جواب منها...وصارت تنادي عليها..وتكلمها بصوت واطي ما تبي ينتبهون اهلها...
عايشة:لمياء..لمياء افتحي الباب..
لمياء:.....................................
عايشة:لمياء افتحي قبل ما يجي احد
لمياء:...............................
عايشة:يالله لميوه افتحي...
فتحت لمياء الباب وما كأن اللي قدام عايشة انسان..تعبانة ووجهها ذبلان وصاير اصفر وما تقدر تمشي على حيلها..تتسند باللي قدامها..
انهبلت عايشة من منظر بنت عمها لمياء ومسكتها عشان تسندها وقفلت الباب وراها..
عايشة:ما يصير لمياء لازم تاكلين..
لمياء:وليش آكل؟
عايشة:لازم تغذين نفسك شوفي شلون شكلك صايره صفراء تقل ورقه..
لمياء:مو اهم شئ الاكل..
عايشة:شلون مو مهم..بعدين يمكن تموتين..
لمياء:ليتني اموت ولا اعيش بالظلم..
عايشة:اعوذ بالله لا ان شاء الله ما تموتين..
لمياء:.......................
عايشة سندت لــمـيـاء وخلتها تقعد وراحت تجيب لها عصير...
عايشة:خوذي اشربي عصير...
لمياء:ما ابي ..ابعديه عني...
عايشة:مو على كيفك..لازم تشربين...
لمياء تأشر بيدها ما ابي..
عايشة:قربت الكوب من فم لمياء وخلتها غصبا عنها تشرب..لمياء شربت بس شوي من الكوب.. وعايشة ما غصبت لمياء كفاية عليها انها شربت شوي...
عايشة تناظر بلمياء..وكانت مترددة وجزمت على السؤال:لمياء انتي تقولين مظلومة صح..
لمياء اكتفت بنظرة تبين الجواب...
عايشة:طيب وش صار لك؟
لمياء تناظر قدامها بنت بالمتوسط اكيد ما اهتمت للسؤال وشلون بيجي عليّ.. وش يفهمها سالفة كبيرة وهي تحس انها صغيرة وآخذة السؤال مجرد لقافة بس تبي تعرف وش اللي صار..وتسأل كسؤال عادي ولا كأنه اهلها هم اللي ظلموني وانا الضحية...
سكتت لمياء وجلست تناظر الغرفة وتناظر عايشة وتذكرت الموقف بالتفصيل الممل من المستشفى الى البيت..الى الاهانة اللي صارت لها ولد عمه يصارخ عليها وهينها ويهين تربية ابوها ويختلق سالفة ما صارت من الاساس..وتجي مرة عمها وتكمل عليها وتذكرت كلمة بنت عمها الكبيرة اللي الى الان ترن بإذنها:محد بيجيب العار لعايلتنا الا انتي...
مسكت عايشة يد لمياء ومسحت دموع لمياء بايد لمياء وقالت لها قولي لي وش اللي صار لاتخوفيني عليك اكثر..والله اني حاسة انك مظلومة...
لمياء ناظرت بعايشة بحنية وانقلبت لمأساوية بعدها لحقد لانها من نفس العائلة..سكتت لمياء وكل اللي قالت له:اطلعي برى..
عايشة:انــــــا
لمياء وعيونها وقلبها وحواسها ما تنبأ الا بشر كبير:في غيرك هنا اطلعي بسرعة لا ارتكب فيك جريمة..
طلعت عايشة بسرعة وهي خايفة وش فيها لمياء شكلها بتذبحني وتذبح اخواني..
لمياء ما حست بالندم وكل تفكيرها انتقام من هالعايلة..والطيب ما ينفع بهالايام..وتذكرت فراس وانهارت انهيار كامل وصار يومها كله بكى على ابوها اللي انحرمت من زيارته..واللي رفضت كل العالم عشان رعاية ابوها..وتكون تحت ظله..يجيون اقرب الناس لها ويمنعونه منه..وفراس املها الوحيد بعد ابوها بعد يحرمونه منه..آآآآه ليت الزمن يرجع والا الليالي تدور..وابوي بصحته وعافيته وياخذني من هنا ولا اعيش بهالظلم..اعيش تحت ظله محد يقربني بسوء ولا انظلم..وابتسم له كل صباح واقهويه واسمع دعاوي من فمه الطاهر هي اللي تقويني ووتجدد لي القوة والنشاط..
بس لا الزمن يرجع ولا عقارب الساعة ترجع لورى ولا ثانية.. آآآآآآه...
فراس دخلوه بنادي يبدأ من بعد العصر ويكون العصر قرآن وبعدين ياخذون الكاراتيه والسباحة ويرجع الليل مهدود تعبان وينام واذا جا من المدرسة يخلونه يحل واجبته وينام ومايخلون له مجال انه يشوف اخته..وهو مستانس عل الاخر وهو بسادس ابتدائي..وعادل يقوله خلاص انت رجال عيب تدخل البيت وتخرج على كيفك..لازم اتــنـحــنــح وتدخل مثل الرجال وفراسي مستانس خلاص صار رجال.. ولمياء بغرفتها تبكي شوق والم وظلم على اللي يصير لها وتدعي عليهم ليل ونهار وتدعي ربها انه يفكها من بيت عمها ومع كل اللي يصير لها تعرف انه ولا شئ اذا جا عمها..
راحت عايشة عند امها وهي حزنانة مرة على لمياء وعلى الي يصير لها...
عايشة: امي مو حرام اللي يصير للمياء
ام عايشة:مو حرام ولا شئ هذي قليلة ادب ولازم نربيها..
وتدخلت آمنة وقالت:وجع لازم تتربى زين هذي بتفضحنا وتفضح سمعة عايلتنا
عايشة:الله يا سمع عايلتنا ما كأنه عادل كل يوم زيارة عند الشرطة
آمنة:عادل رجال وماهو عيب يدخل الشرطة اجل تبين عيال الناس يضربونه عل الفاضي والمليان
عايشة:يعننك ما تعرفين اخوكِ..اكبر داج هنا ومؤذي خلق الله..وبكره ابشركم بيدخل بقضية مخدرات..
الام:وجع انقلعي لا بارك الله فيك تتفاولين على اخوكي بس عشان هاللي ما تسوى
عايشة:انا قلت الحق وانتم تكرهون الحق
آمنة:أي حق اللي تتكلمين فيه..اكيد ضاحكة عليكي بكم كلمة وانتي صدقتيها وجاية تتفاولين على اخوكي..
عايشة:اصلا هي ما كلمتني ولا كلمة بعدين عادل اكبر كذاب كل يوم يطلع لنا بكذبة ودايم ما تصدقونه يعني يوم جت على لمياء صدقتوه ونفذتوا كل خططه...
سكتت امها وآمنة..فعلا كلام عايشة منطقي ومية بالمية..ارتسمت على عايشة علامات النتصار وقالت:لا تظلمونها وانتو ما سألتوها وش اللي صار..اكيد الموضوع فيه غلط..
عايشة برغم اللي سوته لمياء لها ما خلاها تتخلى عن لمياء بس كانت تبي تقول الحق وما عليها من احد وخصوصا يوم حكت لصديقتها اللي صار وصديقتها قالت لها انك لازم تتكلمين اقل شئ بس تقولين ان هذا غلط والباقي عليهم...وعايشة نفذت الكلام كله..
ودخل عادل بهالوقت وقال:وش الموضوع غلط...
ارتبكت عايشة وكانت خايفة مرة من عادل انه سمع شئ...بس يبان على عادل من وجهه اذا كان زعلان او لا وحمدت ربها انه ما سمع ولا شئ.....
بس اللي خرب عليها كل اطمئنانها.. آمنة اللي علمت عادل بكل شئ وعادل قام ضرب بعايشة وتكفيخ ويضربها مع بطنها..ويكتف ايدينها ويضربها ركب الى ما اغمي عليها وتركها...
الام انهبلت من ولدها اللي قام ضرب فيها وآمنة استانست ان عادل اللحين صار بصفها وكل شئ اكيد بيصير لها اذا كان عادل بصفها...
************************************
اتفقت نوف وعهود على حركه يبسونها ببيوتهم عشان يضيفون جو من الحماس والحركة ببيوتهم بعد ما استلموا مكافآتهم..واتفقو الاثنين على كل شئ بعد ما وزعوا اعمال البحث بالنت او عن طريق صديقاتهم بحركات الحفلات العائلية البسيطة والتهوا الاثنين بمفاجأتهم لعوايلهم واتحمسوا مرة نوف وعهود على الحركات وصاروا من مكتبات لمحلات ابو رياليين...لمحلات الورود وكل وحدة لقت شئ حلو تشريه للثانية وزينوا الشرايط وعلب المناديل وسلات التقديم واكواب العصير وكل شئ زينوه ما فات عليهم ولا شئ.. وعهود تذكرت ان المقلط اكبر الغرف بالبيت وهو افضل مكان للإحتفال وفكرت انها الحفلة تكون ببيتهم الحالهم من دون خوالهم او عمانهم.. لصقت بالباب عبارة كتبتها بالورق الملون وقصت الكلام بالضبط ما خلت ولازيادة وكتبت(الكلام يتجدد والناس تتغيّر ونحن شمل واحد لم نتغير).. وكتبت عبارة الاخوة والاسرة وملت المقلط منها..بالورق الملون والورد المجفف وبالكوريشة وما خلت لون من الوان الشرايط الا وعلقتها بالمقلط وطلع المقلط مكان مهيأ لاحتفال ومجهز كل التجهيز..وتنسيقه كان في غاية الروعة..حطت بالمقلط علب المناديل والسلات اللي مزينتها واوراق المسابقات واكواب العصير اللي لفت عليها الشرايط والمسجل والاشرطة والطاولات وحطتها على الطاولات وكان كل شئ جاهز وقفلت المقلط ودقت على نوف وتأكدت ان ما بقى لنوف شئ وهي مثلها سوت قفلت الغرفة اللي تبي تسوي فيها الحفلة.. والحفل بيصير ليلة الجمعة..يعني يوم الخميس بالليل.. واليوم اربعاء راحت واشترت انواع العصاير اللي مخططة عليها والفطاير من المحلات الزينة عندهم ورتبتها على اشكال خيالية ورايقة.. ومتفقة هي ونوف على مطعم مرة رايق يشترون منه العشا..وغلفت كل هدايا اخوانها وامها وابوها وكانت محضرت لهم مفاجأة كبيرة بتوريهم هيا بعد الحفلة..تمددت عهود على كنب الصالة بعد التعب والمجهود اللي سوته جتها خلود وهي متضايقة منها بس ما في احد تكلمه الا هي....
خلود:التلفزيون ما فيه شئ
عهود:مدري عنه شوفيه..
خلود:اوف ياربي وش هالطفش
عهود:خير وش فيكِ
خلود:وانتي من متى تسألين عني ولا تهمك اخباري..
عهود:لأ لأ لأ لأ لأ لأ ما يصير خلود اتكوني زعلانة من امس
خلود:أي زعلانة
عهود:تصدقين انك تافهة
خلود بعصبية ورافعة صوتها:شفتي شلون عادي الوضع عندك ترمين السبات على كيفك
عهود:أي سبات
خلود:لاترفعين ضغطي زيادة ترى استحملتك كثير
عهود:من جد انك تافهة
خلود:عهود لا تزودينها خلاص كافي كل يوم سب عل الرايح والجاي
عهود:انتي اللي كافي حساسية زايدة..عشان تافهة وانا صادقة يوم اقولها (خلود يوم قالت تافهة شوي والا تنجن من عهود ورمت عليها نظرة تكفي عن الكلام..وجت بتروح عن عهود)..
عهود مسكت خلود وقالت لها:يا بنت لاتصيرين حساسة زيادة عن اللزوم..
خلود:طيب دامك عارفة اني حساسة ليش تسبين وترفعين صوتك..انا زعولةوما اتحمل شئ خلاص..
عهود:يا خلود يا اختي الصغرى انا امزح معك والله عادي وانا لما شفتك تزعلين على أي شئ بديت اكثر عليك المزح واثقله شوي...
خلود:شفتي اعترفتي بنفسك..
عهود:طيب ما سألتيني ليش؟
خلود:ما يبغالها سؤال بس تبين تآذيني..
عهود:خطأ ما كنت اقصد كذا..كنت ابيك تتعودين على هالمزح اذا هوشة ومزح تزعلين منه وتقلبين الدنيا فوق تحت شلون لو جت مصيبة كبيرة تقدرين تتحملينها وانتي المزح الثقيل ما تتحملينه
خلود:أي والله انك صادقة اني مرة ازعل من كل شئ
عهود بابتسامة:لاع اعترفتي بنفسك انتي اللحين
خلود بابتسامة:تصدقين ما جا ببالي ولامرة انك تقصدين زي كذا بس لاتفكرين اني الى الان متقبلة اللي صار
عهود:ول عليكي يا حقودة
خلود:بدينا بالغلط
عهود:وبدينا بالزعل
عهود+خلود:ههههههههههههههههههههه
رضت خلود عن عهود ولو ان ما صفا اللي بقلبها مره لانها تقول لو انك فهمتيني كان احسن واتصلت على ليلى بنت خالتها وتبشرها باللي صار بينهم وكانت ليلى مؤيدة فعل عهود مية بالمية وحز بخاطر خلود يوم عرفت ان ليلى بعد عاجبها سواة عهود وقالت بنفسها يعني طلعوني انا الغلطانة..وهذي مشاعر ما اقدر اتحكم فيها..وقفلت التلفون خلود عن ليلى وهي تفكر بمشكلتها مع عهود معقولة بعد هالوقت كله اطلع انا الغلطانة وهي ولا شئ..صحيح انا حساسة بس هي طريقتها غلط..
عهود:خلــــــــــــــــــــــــــــــــــــــــود
خلود:نعم نعم جايه
عهود:وينك تعالي هنا...
خلود جت تجري عند اختها عهود :طيرتي عقلي وش فيه؟
عهود:مدري اقصد ..وسكتت عهود ما تكلمت ولا كلمة...
خلود:وش فيك عهود تكلمي...
عهود:منصور..
خلود:وش فيه منصور؟
عهود:منصور..منصور..منصور..وسكتت وكتمت صيحتها..
خلود:عهود تكلمي وش فيه منصور
عهود:منصور يا خلود وصارت تبكي وتشهق وتمسك منديل وتمسح وجهها..
خلود:تكفين عهود تكلمي وش فيه منصور...
عهود حطت ايدينها على وجهها وتحاول تكتم الصيحة وصارت تون وتشهق..
خلود قامت تبكي مع عهود:عهود قولي لي وش فيه منصور...
عهود اكتفت بانها اشرت على الشباك...
خلود:وش فيه؟عهود انا اسألك عن منصور...
وتعيد خلود على عهود السؤال وعهود بس تأشر لها على الشباك...قامت خلود وناظرت من الشباك.. وطاحت من الصدمة..ورفعت نفسها وصارت تبكي....عهود تعالي معي ...تعالي..
وقامت عهود معاها وراحوا للشباك يناظرون ومهم مستوعبين اللي يصير واللي يشوفونه قدامهم..
خلود:هذي جيوب المباحث
عهود:ادري
خلود:ليش جايين عند البيت
عهود:مدري
خلود:دقيتي على منصور او خالد او ابوي أي احد
عهود:لا
خلود:بتموتيني انتي..اجل وش فيكي تقولين منصور..تدرينه عنه شئ وما تبين تقولين لي..
عهود انهارت من البكاء وصارت تتكلم وصوتها متقطع:سيارة منصور تحت وهو موفيه..والمباحث هنا..ليــــــــــش؟
خلود:اعوذ بالله..لا ان شاء الله ما فيه شئ..وليش واقفيين هنا اكيد فيه شئ هنا..
عهود:ما ادري بس اهم شئ امي لاتدري (وصارت تصيح)
خلود:عهود تكفين ترى ما في الا انا وانتي خلينا نشجع بعض..وامي انا ادق عليها واقولها اننا بنام عند خالتي والعيال بالاستراحة عشان ما ترجع
عهود:امي لازم تدري واكيد بتقول ما راح اترك ابوي الحاله..
خلود:بس صعبة نعلم الناس..لو درت بتكون عند عمي وبيدرون كلهم.. اقولك انا اكلم ابوي وخالد وهم يتصرفون...
خلود راحت تجيب جوال عهود ..وعهود قاعده مي قادرة تشيل روحها من الخوف اللي خلاها شبه مشلولة.. الشرطة والمباحث محوطيين حارتهم وبيتهم بالاخص..منصور سيارته موجودة وهو موفيه..رجال الشرطة رايحيين جايين على بيتهم..كاميرات مشغلة طول الوقت وتصور بيتهم واللي حوالينه..رشاشات مصوبينها على بيت ابو خالد..ومحد يدري وش فيه..
خلود جت تركض وقالت لعهود:خالد وابوي اللحين جاين قلت لهم وش السالفة..
عهود:.......................
خلود راحت تناظر من الشباك وصرخت باعلى صوت:يمّــــــــــــــــــــــــــــــــــــه
عهود نقزت من مكانها عند خلود:وخري وش فيه
خلود:فتحوا الباب ودخلوا كل الشرطة والرجال..ياربييييييييييييييي
وقاموا يصيحون عهود وخلود...
راحت خلود ودقت على ابوها:يبه يبه يبه (وتشهق وتصيح)
ابو خالد:خلاص خلود اللحين جايين
خلود:لا يبه يبه هم..(وتصيــــــــــــــــح)
جت عهود واخذت الجوال من خلود واول ما سمعت ابوها يقول :من هم ؟
صارت تصيح عهود وسكروا الجوال لانهم مهم قادريين يتكلمون...قامت خلود وناظرت بالشباك وصرخت ونزلت راسها...
عهود:خلود وش فيه؟
خلود:شكله في احد بـبـيـتـنـا تبيه الشرطة...(وهي تصيح ويالله يالله تتكلم)
عهود:لا ياربي مو معقولة...لالالالا وش نسوي..
خلود وهي تصيح ووسط تفكيرها بالخوف جا ببالها اقتراح سليم وبوقته:اسمعي بسرعة روحي جيبي مفتاح البيت الداخلي واقفليه وانا باروح لباب السطوح واقفله تكفيــــــــــــــــــن بسرعه...
عهود راحت تنفذ اللي قالته خلود ..خلود اصبر واجلد من عهود بالمواقف القوية مع انها حساسة اكثر من عهود...بس خلود وقت الجد جد..وهذا اللي جا ببال خلود انهم يفقلون الباب واذا جا خالد وابوهم يفتحون له الباب...
راحت عهود للمطبخ وضيعت الدرج اللي امها تحط فيه المفاتيح وبعد تقليب سريع..تذكرت ان فيه تحفة مثل الجرة الصغيرة امها تحط فيها المفاتيح..وبسرعة اخذتها وقفلت الباب..
اما خلود طلعت لغرفة امها تحاول تتذكر وين مفتاح السطوح وقلبت كل ادراج امها ما لقت المفتاح..وصارت تدور بملابس ابوها وامها وجيوبهم وما لقتها..دورت بكل مكان الى تحت الشماعة ..وورى الباب..وتذكرت ان منصور هو اللي عنده وبسرعة دخلت غرفة منصور واخذت المفتاح من اول درج وطلعت للسطوح..وهي طالعة شافت عهود
خلود:قفلتي الباب اللي تحت..
عهود:أي قفلته وانتي..
خلود:اللحين رايحة..
وسكرت باب السطوح وجت بتقفله والا احد ورى الباب يدف الباب يبي يدخل..وهي تدف من داخل وواحد من السطح يدف يبي يدخل وبدا يغلبها ويدخل ايده يحاول يمسكها وهي تصرخ وتحاول تدف.. وتصرخ تنادي على عهود...
خلود:عهوووووووووووووووود تعالي بسرعة..
جت عهود ركض من تحت لخلود وشافت ايد واحد من ورى الباب صارت هي تصرخ الثانية وجت مندفعة وسكرت الباب على ايد وصرخ صرخة انهبلوا منها عهود وخلود بس فتحوا الباب شوي وسحب ايده وبسرعة سكروا الباب وقفلوه..
ونزلوا بسرعة خايفيين من مكان السطح..راحوا عهود وخلود للصالة ويبون بس يناظرون من الشباك مهم قادريين ولا اتجرؤا..بس قاعديين مكانهم وينتظروا ابوهم او خالد يجيهم.. وهم قاعديين بالصالة وشوي يوقفون..ومرة يشغلون المكيف ومرة يطفونه صاروا بحالة عجيبة ومهم مستوعبين اللي يصير لهم...قعدت عهود ونادت على خلود عشان تقعد..اول ما قعدت خلود يسمعون صوت اطلاق نار...
عهود+خلود:طلعت منهم صرخة قوية وصياح عالي مرة..لان الصوت عندهم وبدا يستمر اطلاق النار..وهم على حالهم.ويسمعون اصوات الشرطة والناس اللي ببيتهم..وعهود وخلود ما يدرون وين هم الضبط س اللي عرفوه ان في احد بالسطوح اما الاماكن الثانية ما يدرون عنها... مسكت عهود الجوال وحاولت تدق على خالد او ابوها بس ما قدرت وصارت يدّها ترتجف من الخوف..بعد ربع ساعة سكتت جميع الاصوات ووقف صوت اطلاق النار..
دق خالد عليهم وكلموه وقالوا له اللي سووه وانه بسرعة يجي...وقالوا له على صوت اطلاق النار..
وهم قاعديين على اعصابهم بالصالة يسمعون كلام وهوش وصراخ بالحوش ولايدرون وش فيه ..فجأة سمعوا صوت اطلاق نار ويصرخووووون باعلى صوت ويطلعون الدور الثاني بغرفة خلود ويبكون..
وهم قاعديين على اعصابهم خوف ورعب وجهل باللي يصير داخل بيتهم فجأة يسمعون صوت شئ يطيح وبصوت عالي....واصوات فتح ابواب وتتقفل..وهمس..وعجزوا لا يميزون من وين الصوت او وش يكون؟
عهود:خلود هذا الصوت وينه؟
خلود:من الحوش!!!
عهود:لا مو من الحوش هذاا لصوت قريب مو هنا...
خلود:لا يمه لا تقولين.طيب وش نسوي...
عهود:نروح نشوف وينه
خلود:يعني احتمال يكونون جوا البيت...
صرخت عهود على شئ مسك رجلها...
خلود نقزت من المكان الي فيه وسحبت عهود وراحوا لغرفة عهود وقفلوا الباب...
خلود:وش فيه عهود(وعينها تدمع)
عهود منهاره من الصياح:مسك رجلي يا خلود
خلود:منهو؟
عهود:مدري احد مسك رجلي..احد مسك رجلي..
خلود:والجوال وينه؟
عهود:بالغرفة تركته...
خلود:ياربي..الله يستر الله يستر...
ويسمعون طلق نار ويصرخون مرة ثالثة.. ويبكون وتلاصقوا ببعض ويتنافضون من الخوف..
عهود+خلود:طلعت صرخة قوية وتلاصقوا اكثر ببعض..وغمضوا عيونهم من الخوف..
رجال طول بعرض ومتلثم..كاسر الباب وداخل قدامهم....
الرجال:اخرجوا بسرعة انتم في امان...بسرعة تعالوا معي...
عهود:ما نبي ...روح من عندنا.. ابي ابوي وخالد(وقامت تصيح)
الرجال:بسرعة اطلعوا..لايصير فيكم شئ...
عهود وخلود ولا حركة ولا كأنه في احد..
الرجال يحاول فيهم انهم يخرجون لكن ما فيه امل انهم يتحركون وقالهم انه هو من الشرطة..ومن الخوف عهود وخلود مهم قادريين يروحون معاه..وما لقى حل الا انه يكذب عليهم...
الرجال:ابوكم تحت وهم ينتظرونكم...
خلود:طيب وينهم خليهم هم يجوون وياخذونا..
الرجال:ما يقدرون بسرعة اطلعوا...
عهود وخلود لاتجاوب ولا حركة....
الرجال يدق ويقول:بسرعة نبي مساعدة...ويطلعون رجالين معاه...ويمسكون عهود رجاليين ويسحبونها برى البيت وخلود قدر عليها واحد...
اول ما نزلوا.. دخلوهم الملحق وجاهم الرجال اللي دخل عليهم وعطاهم مـسـفـعيـيـن وعبايتين..ولبسوها عهود وخلود..خلود جت مقاسها العباة اما عهود واصلة لنص ساقها وحمدت ربها انها لابسة جلابية طويلة تستر اللي تحت وما لبست شئ قصير ويطلع سيقانها...
خلود:وش بيسوون فينا اللحين
عهود:مدري عنهم الله ياخذهم يارب...
دخل الرجال بعد ما اتنحنح وقال:بسرعة تعالوا وراي...
راحوا عهود وخلود وراه وركبهم بالسيارة وبالبداية رفضوا يركبون بس اجبرهم الرجال والمكان يخوف..جيوب ورشاشات ورجال شرطة ومصوريين ووجيه تخوف مافي شئ قدامهم الا انهم يدخلون..وركبوا ورى...
الرجال سعودي و مايدرون انه هو اللي جاهم بالغرفة لانه ملثم ...هو طول بعرض وحب يلطف الجو..بعد الخوف والشحنات اللي اكيد بخلود وعهود..
الرجال:يعني انا سواق تركبون ورى...
عهود وخلود:....................(ودهم يصفقونه من القهر فاضي يمزح)
الرجال:ترى ما في شئ بس بنفس الحارة في رجال نبغاهم وخرجنا كل اهل الحارة..
عهود:الا ببيتنا فيه واحد
الرجال:شلون في واحد..
عهود:الا بغرفة خلود في احد مسك رجلي وخرجنا احنا من الغرفة
(عهود تتكلم وهي مي مستوعبة وش تقول..تكلمت بصعوبة وهي بس تبي تثبت للرجال اننا تعرضنا لخطر ببيتنا لانه هو يحاول يخفف لهم السالفة)الرجال على طول دق عليهم وقل للشرطة اللي عند البيت ان في احد منهم داخل البيت..لانهم يحسبون بس بالسطوح لانه اللي بالحوش مسكوهم..
خلود ما قدرت تتكلم ولا كلمة واذا طلع منها صوت يطلع صوت صياحها وشهاقها..اما عهود عشانها ابعدت عن منطقة الخطر حست باطمئنان بس يخالطه خوف وكل ما تتذكر مسكة الشخص لرجلها تنتفض وتبكي..
عهود:وين تبي تودينا...
الرجال:القسم...
عهود+خلود:يصيحون ويشهقون...
الرجال:مافي أي شئ اهم شئ نبعدكم عن مكان الخطر...
عهود:وليش ما تودينا بيوت قرايبنا عمي او خالتي..
الرجال:لازم هناك ولاتخافون نوديكم استراحة نساء ويجيكم الوالد وياخذكم...
عهود+خلود:كملوا صياح..والرجال مافي كلمة الا وقالها..ويحاول يهديهم بس مافي أي فايدة.. وكل ما يتكلم يصيحون اليــن وصلوا للقسم ودلهم على مكان النساء ووصى عليهم حريم ينتبهون لهم..وجاب لهم ماء ومناديل..وهم بس يصيحون ومهم راضيين يسكتون..وكل شوي يزيد خوفهم..
قاعديين بمكان لحالهم وحرمتيين كل شوي وحده منه تناظر فيهم وتروح وهم ما زالوا على حالهم.. دخلت وحده منهم على عهود وخلود وسألتهم:تبون شئ؟!
خلود:تكفين بس قولي لي وش اللي صاير؟
الحرمة:انا ما ادري عن شئ..
خلود:تكفين بس خلينا نطمن على اخونا واهلنا وش صاير لهم!!
الحرمة:مدري..
عهود:ما تدرين والا ما تبغيين تتكلمين
الحرمة:اي ممنوعيين عن الكلام...
خلود:طيب وش القضية..لا تقولين ولا شئ بس وشهي القضية...
الحرمة:ما ادري انا ما اعرف وش الحاصل ..بس غالبا تكون قضايا اصلاح او ارهاب..(يوم قالتها بدت عهود تبكي بصمت وما يطلع منها الا صوت يبين انها تبكي وكاتمة الصيحة)
خلود كانت اصبرت من عهود وسألت الحرمة:شلون يعني اصلاح او ارهاب؟
الحرمة:مدري..هذا اللي اعرفه...
خلود:من بيتنا..يعني احد مننا..والا احد من برى..
الحرمة:مدري..بالضبط ما ادري وش الحاصل بس هذا اللي عندي...
خلود:الله يجزاك خير......
وتركتهم وراحت..تركتهم بحيرتهم بخوفهم..بقلقهم..ما يدرون الشئ لصالحهم او لضدهم..منصور وش فيه هل هو متورط معاهم او صاير له شئ...اسئلة محيرة تدور براس كل وحدة منهم كل وحدة سبحت بافكارها وكل ما يتذكرون اللي حصل بالبيت ردوا للصياح...
*****************************************
عند بيت ابو خالد..وصل خالد وابوه بالبداية منعوه الشرطة لا يدخل بس تاكدوا من الهوية ودخلوهم لان المكان محاصر وممنوع من أي احد انه يدخل..
ابو خالد يدف رجال الشرطة ويبي يدخل البيت...
الشرطي:مافي احد بالبيت
ابو خالد:والعيال وينهم؟
الشرطي:حنا أخلينا البيت ما فيه أي احد
ابو خالد:شلون مافي أي احد وين العيال؟
الشرطي:وديناهم للقسم؟
ابو خالد:ومنصور؟
الشرطي:منصور بالمستشفى
ابو خالد بعد ما دقت عليه خلود وسكرت السماعة دقوا عليه الشرطة وبلغوه باللي صار...
ابو خالد:خالد بسرعة روح للمستشفى وانا باروح للبنات..
الشرطي:يا عبدالإله الرجال بيروح تعال شوفه...
جا عبدالإله عند ابو خالد:وين تبي تروح؟
ابو خالد:باروح عند بناتي وخالد يبغى يروح المستشفى عند اخوه...
المحقق عبدالإله:انت ابو خالد..اي خلاص مافي اشكال روح هناك واحنا نلحقك...
راح ابو خالد وهو مو مطمئن عن كل بناته هم بالقسم هناك والا لا..وراح خالد للمستشفى عند منصور اللي كان بغرفة الحاله ومحوطين المكان الشرطة...
قبل ما يوصل ابو خالد..طلبت لجنة التحقيق من عهود وخلود انهم يجون ومعهم المحققات اللي معاهم.. عهود وخلود ما دروا ان اللي من اول معهم انهم محققات الى يوم سمعوا ينادون المحققات بأسمائهم وهم يحسبونهم حراس عليهم...
دخلوا عهود وخلود غرفة صغيرة وفيه كرسيين جمب بعض وقدامهم طاولة بنية مهيب طويلة والطاولة واضح عليها القدم..اتفحصت عهود وخلود الغرفة كانت مخيفة بكل الدرجات..الجدار صبغته متشققة وحراس الغرفة اول ما دخلوا كل واحد معاه رشاش كبير والشئ الكبير واللي موتهم رعب ان اللي بالغرفة عهود وخلود ووحدة من المحققات و5 رجال..
جلس واحد منهم يقلب اوراق كثيرة بايده ويعطي الثاني بعض الاوراق وهم يتبادلون الاوراق ونظرة على الاوراق والنظرة الثانية على عهود وخلود.. عهود وخلود ماتوا رعب من اللي يصير معهم ومهم عارفيين وش اللي يصير..ويدورن الرجال اللي وصلهم يمكن هو احسنهم او يقدر يساعدهم بأي شئ..بس الرجال مو من المحققين الخمس اللي جو..
قام الرجال اللي جلس والمحقق الثاني اللي معه ووقفوا باحد أركان الغرفة وما زال تبادل الأوراق وتبادل النظرات..
جت المحققة وقعدت على الجمب اليميين لهم..وجا الثلاث رجال جلسوا قدامهم... اول ما جلسوا اسندت راسها عهود على خلود وقامت تصيح وتشهق.. انهبلوا المحققين من حركة عهود وبنفس الوقت كملوا الإجراءات ولا كأن شئ صار...
المحقق الأول:اسمائكم الرباعية بسرعة...
عهود عجزت تتكلم ولا كلمة وحتى خلود ما قدرت تتكلم بس شافت ان الموضوع جدي وان ما في مجال قدامها الا انها تتكلم فجاوبت على سؤالهم بعد تقطيع وتأتأة وسكوت طويل...بالبداية رفض واحد من المحققين ان خلود تجاوب عن عهود بس عهود ما رضت تتكلم ولا كلمة واضطر انه يسمع من خلود وسجلوا عندهم..
المحقق الأل ويوجه كلامه لخلود:من كان معك وقت وقوع الجريمة
خلود تتكلم وصوتها يقطع وكان واطي بس المحققين رفضوا انهم يسمعوها اليـن ترفع صوتها ولما جت بتتكلم صارت تصيح وتتكلم:بس انا وعهود وما ادري وش صار حنا سمعنا صوت طلق نار وسيارة منصور موجودة وما في أي احد فيها...
المحقق الثاني:ومن يطلع منصور؟
خلود:اخوي مو الكبير اللي اصغر منه..
المحقق الأول:كملي
خلود:وناظرنا ولقينا سيارات المباحث ودقيت على ابوي وخالد وبعدين دخل علينا احد من المباحث وجابنا هنا...
المحقق الثالث يوزع النظرات بين عهود وخلود وعليه حركات غريبة..عهود بس تناظره وتبكي..
المحققة:ومن خالد؟
خلود:اخوي اكبر واحد..
المحققة:ايوه..وش صار بعد؟
خلود جتها حالة عهود وسكتت ومي قادرة تتكلم ولا كلمة لانها شافت المحقق الثاني يبتسم ابتسامة غريبة ويناظر فيها..تحس لسانها انخرس ولا قدرت ولا كلمة تتكلم..
المحققة حاولت بخلود تكلم مالقت أي طريقة او اسلوب ينفع معها..وكل المحققين عارفيين ان هذا من الخوف..جت المحققة وحاولت تكلم عهود بس كل ما اتكلمت عهود تبكي زيادة وتقول:ابي ابوي.. ابي خالد....
المحقق الأول:يا اخت عهود لازم تجاوبين على هذي الأسئلة
عهود كل اللي قالته:ابي ابوي..
المحقق الأول يناظر المحقق الثاني وحيرة عجيبة في عيونهم ما يعرفون وش يسوون لهم.. المحققة بدت تحاول تستدرج عهود بالكلام...
المحققة:طيب انتم كلمتوا أحد..اتصلتوا على احد..
خلود:قلت لك احنا بالبيت وما ندري عن شئ فجاة أصوات وإزعاج وصوت طلق نار واصوات رجال وهربنا للغرفة وقفلنا على نفسنا الباب...
المحقق الأول:أي بيت؟
خلود:بـيـتـنـا
المحقق الثاني:انتو اللي كنتوا داخل البيت اللي مداهمينه
عهود+خلود: ايــــه
المحقق الأول:مافي أي تحقيق..التحقيق لناس ثانيين..
المحقق الثاني:آسفين على الإزعاج..
المحققة:تعالوا معي لإستراحة النساء...
قامت عهود وهي تتنافض من الخوف وهي تناظر المحققين واحد واحد..وتتأمل الغرفة الكئيـبة وحمدت ربها انه غلطة وان ما احد يحقق معاهم..
مازالت نظرات المحقق عليها وهي تزيد خوف منه ومن نظراته.. والمكان المرعب اللي هي تمشي فيه... والبناء القديم اللي يمشون فيه..ما كأنه دائرة حكومية..
اسندت راسها خلود على اول مقعد من المكان اللي قالت لهم المحققة انهم يجلسون فيه.. وخلود وعهود ما تكلموا مع بعض من دخلوا غرفة التحقيق إلى استراحة النساء...
>>صوت من الخارج يطلب اسم عهود وخلود...
وقفوا عهود وخلود وبحركة سريعة عدلوا عبيهم وغطاهم وخرجوا والمفاجأة الكبرى إن ابوهم هو اللي يناديهم..عهود ركضت على ابوها وحبّت ايد اليمين ومسكتها بايدينها الإثنين.. وخلود حبّت راسه مسكت ايده اليسار وقالت:يبه بسرعة بنخرج من هنا...
عهود:أي والله يبه خلينا نخرج...
ابو خالد:يالله اللحين نخرج..
عهود وخلود كأنهم في حلم عجيب ما هم مصدقيين ان اللي صار لهم حقيقة وإنهم خارجيين من قسم الشرطة..
عهود تمتم:يارب ما يكون حلم..يارب خلينا ونخرج من هنا بأمان..
خلود:الحمدلله..الحمدلله يارب...
ابو خالد:وش فيكم لا تكونون خايفين..
عهود:هــا!!..لا ابدا..بس..وين السيارة!؟!!
ابو خالد:أي واضح انكم منتو خايفيين..
وخرجوا بأمان من المبنى بعد تأسف وترجي من ابو خالد انهم يسامحونه على الغلطة اللي صارت وابو خالد ما درى انهم حققوا معاهم..يظن ان هالتأسف عشانهم اخذوهم القسم...
**************************
دخل خالد مسرع على قسم الطوارئ ومحد قدر يمنعه.. قسم الطوارئ مخيف فيه اثنين يعزون عليّ سعد واخوي منصور..
سعد داوي جروحي بكلمة تريحني.. وابعد عني غبار الهم بنظرة..
منصور..اخوي وشقيق روحي..معاي بكل كبيرة وصغيرة.. فقدانك شئ قوي على قلبي..
>>ممنوع..لو سمحت يا أخ منوع..
<<خالد:اخوي توه داخل الطوارئ لازم اشوفه ضروري..
>>ياخوي هالمكان ممنوع الدخول فيه وجيب ورقة تقدر تدخل فيها..
<<خالد:بس اشوفه..اطمئن عليه واطمّن اهلي عليه..
>>قلنا لك ممنوع.. وتبيني اريحك قبل اسبوع منت شايفه.
<<خالد:شلون ما اشوفه.. يا ابن الحلال قلنا لك اخوي..
>>اخوك والا مو اخوك مالي دخل انا جايتني تعليمات وأوامر انفذها وبس..
<<خالد:طيب ليش؟وش فيه؟يعني ليش ممنوع...
>>اللي هنا مهم أي مرضى..بس اللي لهم علاقة بقضايا واحنا مهمتنا مراقبة المكان..محد يدخل ولا احد يخرج..
<<خالد عرف انه مافي مجال انه يدخل وان منصور متورط بشئ بس ما يدري وشو
راح خالد للدكتور المسؤل عن سعد.. ولقى عنده عادل...
عادل كان مبتسم وهو يكلم الدكتور بس التفت على الباب مع نظرة الدكتور للباب وانقلب وجهه وصار عابس واشمئزاز مو صاحي...
خالد ما اعطاه ولا اهتمام ولا نظرة تعبر عن كراهيته او لا مبالاته بالسالفة اللي صارت بينهم..
خالد:يا دكتور ابغاك بأمر مهم مرة...
عادل:عمي مالك دخل فيه
خالد ولا كأن في احد عند الدكتور غيره..كمّل كلامه:يادكتور اخوي عندكم وابي اطمئن عليه وممنوع الدخول..تقدر تساعدني..
الدكتور:طيب هو بنفس القسم اللي انا شغّال فيه..
خالد:والله انا ما اعرف بالضبط وين قسمك..بس مو بنفس المكان اللي موجود فيه العم سعد..
عادل:عم ما شاء الله من متى المعرفة؟
خالد:يعني لازم ارد عليك..لازم اقولك عيب هذي الحركات يا بابا..
عادل ارتفع ضغطه على الاخر وشوي والا يضربه..ووجهه احمر والدم فاير..
خالد:خلاص يا بابا لا تتكلم مع الشيوخ وما يصير لك كذا سامع يا بابا...
عادل امتدت ايده بيمسك خالد..وعلى طول خالد مسك ايده وثبتها بقوة وقال:عيب يا بابا تمد يدّك على اكبر منك..
عادل حاول يفك ايده من خالد..بس خالد مثبت يدينه بقوة.... الدكتور انهبل ما يدري وش فيه.. وخاف وبسرعة راح ينادي الرجال اللي حوالين الغرفة..جو الرجال وفكوا خالد من عادل وحاولوا يصلحوا بينهم بس ما فيه امل...كل واحد معاند من جهته.. عادل خرج وهو غاضب ويتوعد ويهدد ومعصب على الاخر...
اما خالد رجع للدكتور وتاسف له على اللي صار وانه مو مقصود...
كلم الدكتور عن منصور بس الدكتور اعتذر انه ما يقدر لانه فعلا المكان اللي فيه منصور.. مو مسموح لاي احد يزوره لانه مريض مشبوه..او مريض مجرم...
<<انصدم خالد من كلام الدكتور وزاد خوفه على منصور.. وما خلى ولا دكتور ولا مسؤل الا وكلمه عشان بس يشوف اخوه ومالقى أي نتيجة..وسأل عن حالته بس محد يدري وش فيه؟ وش قضيته؟ شلون حالته؟..
خالد من أول ما دخل المستشفى وهويفكر بحنان يمكن يلاقي عندها أي خبر.. بس متفشل مرة إنه يجيها ويكلمها وما يكلمها الا وقت الحاجة من اول وينه ما يسلم ولا يسأل..
بس اضطر إنه يروح لها ويكلمها.. اتجه خالد لغرفة السكرتيرات وهو مسرع ولا يشوف دربه بس يبي يوصل لآخر خيط من خيوط الأمل عشان يعرف وش فيه اخوه..
>>دق الباب..
<<محد يرد..
>>دق الباب مرة ثانية..
<<محد يرد..
>>دق الباب وفتح الباب..ودخل الغرفة..
<<مافي أي احد بالغرفة..ناظر بمكتب حنان..مافي أي احد..
طلع برى الغرفة ووقف عند الباب ينتظر أي أحد يجيه..وطال إنتظاره.. وراح فكره بعيد.. بمنصور وش اللي يصر له..فيه شئ أو ما فيه أي شئ.. اهله وامه وخواته..ابوه اللي يعتمد على منصور أكثر مني..والله إني مقصر..وحنان وينها بوقت الحاجة ما ألاقيها...ورجعت له المواقف معاها..إنسانة محترمة.. ما تكثر بالهرج..ولا هي جريئة.. ادق على بيت خالتي وأسأل عنها..صعبة وش بيقولون عني..الأخ يمون..بس منصور ولازم اتجاوز عاداتنا و....سبح بافكاره بعيد وراح به فكره لأول يوم يجي للمستشفى..وسعد وحالته..وصديق عمره لؤي.. وفراس اللي لؤي موصيني عليه.. ولمياء الله يعينك على بلواك..انا الرجال وعجزت استوعب اللي صار..شلون انتي يالمياء.... وآخرها منصور
ورجع لواقعه وعالمه ولتفكيره الصحيح يوم سمع صوت جواله يدق..
ابو خالد:السلام عليكم
خالد:وعليكم السلام..
ابو خالد:هــا بشر
خالد:ماصار شئ الى الان.. وممسوك على قضية..يعني بالمستشفى مقعدينه بقسم القضايا وما سمحوا لي ادخل..
ابو خالد:وما تعرف احد بالمستشفى..
خالد:ما خليت احد اعرفه الا كلمته..
ابو خالد:خلاص انا جاي اللحين اكلم مدير المستشفى..
خالد:كلمته انا بعد ويعرفني بس يقول ما اقدر ..دورو ( و ) اقوى مني..
ابو خالد:هو قال كذا..
خالد:أي والله..
وتذكر خالد صديقه أسامة وقال بسرعة...
خالد:يـبـه أسامة يمكن هو اللي يقدر..
ابو خالد:أي اسامة
خالد:اسامة عبدالعزيز..يشتغل بالمباحث وعمه او خاله رئيس هناك..
ابو خالد:خلاص كلمه وبلغني باللي يصير وخواتك وامك لا يدرون عن منصور شئ..
خالد:خير ان شاء الله..اكلمه اللحين..فمان الله...
وسكر السماعة وناظر والا هو واقف قدام باب الممرضات ومعطيهم ظهره ولهم اكثر من خمس دقايق وهم ينتظرونه يبعد..بس ما كان منتبه لهم...
خالد ابتسم ابتسامة مضحكة لانه يستهزيئ بنفسه واعتذر على اللي صار..وجا بيروح للسيارة عشان يكلم أسامة بعيد عن انظار الناس.. بس تذكر حنان ويبي يسال عنها...
خالد للممرضات:لو سمحتوا الممرضة حنان ما دوامت اليوم..؟
مي وسعاد ناظروا ببعض وهم متعجبين من سؤال خالد...ولا احد منهم جاوب...
خالد:ما دوامت ؟!!
سعاد:لا هي اخذت اجازة واحتمال تستقيل..تامرنا بشئ؟
خالد ما هو مستوعب اللي تقوله الممرضة وانتبه على اخر كلمة(شئ)
خالد:هــا!!..لا ..الله يجزاكم خير ما تقصرون...
وخرج من عندهم وهو يالله يالله يستوعب اللي يصير له..كل شوي شئ غريب يصير له.. واتراكمت عليه الافكار من كل صوب..وبسرعة راح للسيارة وكلّم اسامة...
*************************
غادة منسدحة على بطنها على سرير جوري..وجوري ترفع اغراضها اللي مالية غرفتها..
غادة:يا بنت الحلال هذي غرفة بنت يعني اكيد الحوسة موجودة..
جوري:ما اعتقد في احد مثل حوستي..
غادة:كل بنت تقول زيّك..كلنا غرفنا مثل بعض..
جوري وهي تلم اغراضها:خلاص ما باقي الا هالكيسيين
غادة:يالله انا انتظر...
جوري وانسدحت على السرير جمبها : الحمدلله خلصنا..
غادة:الحمدلله على السلامة..
جوري:هههههه..الله يسلمك..
غادة:تصدقين احلى شئ اذا جيت عندكم ما احس بثقل..
جوري:أي يا حول جوهره هي اللي تتحملكي..
غادة:الله يرجك..خلينا اكمل همن حشي...
جوري:هههههه كملي ..
غادة: والله انواع الوناسة اما عند عماني مرة استحي واصلا في رسمية بيننا وانا اكره شئ اسمه الرسمية احب الفلة والجلسات..
جوري:من جد.. انا احس اللي بينهم رسميات ما يفلونها مثلنا...
غادة:أي والله..تعالي هنا والله ياني مجمعت لك سوالف لليييييييل...
جوري:والله من اول ودي اقولك بس مستحية..
غادة:يعني انا غاثتكي بس تبين الاخبار...
جوري:حرام عليكي اصلا الغثيث..الاخبار منه ترفع الضغط...
غادة:مدري ليش احسها طنازة...
جوري:بسرعة اول خبر...
غادة:اممممم..كم تعطيني؟
جوري:اللي تبين..بس اصبري خليني اقفل الباب عشان ناخذ راحتنا...
غادة:أي والله ليتك تقفلينه...
وقامت جوري تقفل الباب وسحبت علبة المناديل وتحفة صغيرة تحط فيها اللبان(العلك)
غادة:ما شاء الله جبتي العدة كاملة..
جوري:تعرفين المناديل اذا في خبر حزين..والعلك حق الوناسة...
غادة:وشو علك عجايز..
جوري:لا لبان حريم..
غادة+جوري:ههههههههههههههههه
غادة:يالله بسرعة للاخبار...
جوري اتعدلت هي وغادة بقعدتهم وصاروا قبال بعض....
غادة:اول شئ تذكرين قريبة مرة عمي اللي دايم احكي لك عنها...
جوري:اللي ولدها مريض..
غادة:أي بالضبط.. مسكينة ولدها مرة تعبت نفسيته وصاير تعبان مرة..ودوه المستشفى ويقعد فترة عندهم ويخرجونه بس الله يعين امه..يكون مو بوعيه..
جوري:شلون يعني..
غادة:تخيلي مرة جابت له امه حليب عشان يشرب بالليل وامه تعرفينها كبيرة بالسن وجالسة عنده وهي مرة فيها نوم..وكل ما نعست صفقها كف..
جوري:اعووووووووذ بالله..
غادة:والله مقطعه قلبي المسيكينة..ويقولها لا تنامين والا ذبحتك...
جوري:يا لطيف ...لا حول ولاقوة الا بالله..طيب ليش ما يخلوه بالمستشفى خلاص ما يخرج...
غادة:والله مدري عنهم..والله انها كاسرة خاطري مرة..الله يصبرها على مصيبتها...
جوري:أي والله اللهم آمين..طيب هو من ايش جته الحالة؟نسيت القصة..
غادة:عــيــن جته..كان كل سنة يطلع الأول ومرة ممتاز..وسبحان الله جته عين ومن عقبها تعب واللحين تعب زيادة...
جوري:يا لطيف..الله يكفينا شر العين...
غادة:آميــن.. عاد امه هي اللي قايمة بالبيت ما عندها الا هو واخوه الكبير..واخوه ما رضي يتزوج عشان امه..ومسكينة هي اللي قايمة بالبيت.. وهالحرمة جاها شلل نصفي..
جوري:الله يكون بعونها..ودمعت عيونها واخذت منديل وصارت تمسح..
غادة:ما امدانا نكمل كلامنا...
جوري ابتسمت وقالت:لا والله هالحرمة مرة احزن عليها..يعني ما يطلبون من الناس ولا يرضون ياخذون صدقات وحالتهم حالة..وولدها بعد مريض من جد ودي اقدم لها أي شئ..
غادة:تصدقين عاد اعرف بعض الناس يرمون ببيتهم اغراض ويمشون والا يحطون عند الباب ويدقون الباب ويمشون عشان ياخذونها من دون لايدرون من صاحبها...
جوري:ويا خذون الاغراض..
غادة:أي اللي عرفته من بدر انهم ياخذونها....
جوري:من جد الله يكون بعونهم والله احنا بنعمه لا نحسد عليها ولا حنا حاسيين بشئ...
غادة:الآية وش تقول((وقليل من عبادي الشكور)) الله يجعلنا من هالقليل..
جوري:آمين..يارب لك الحمد كما ينبغي لجلال وجهك وعظيم سلطانك...
غادة:والبقية مافي اخبار جديدة..ما شاء الله بنات عمي كلهم ملكوا حتى اللي اصغر مني الا انا قاعدة يا حول..
جوري:هههههههههههه
غادة:وصديقاتي اعرسوا..ووحده منهم بعد جتها بنت..
جوري:أي يا حول كل الناس اعرسوا الا احنا...
غادة:قصدك الا انا..
جوري:وانا بعد....
غادة:حركات حريم اول بطليها..
جوري:لا تعلقيين ببلعومي مثل فيصل ما صار شئ الى الان...
غادة:جوري قومي بس طلعي لي شئ من جهازك...
جوري:والله ما صار شئ..
غادة:لا تحلفين بلا نصب امي ذاك اليوم تدق تبارك...
جوري:يمكن على الخطوبة..
غادة:هههههههههههههههههههههههههههه
جوري:وش فيكي...
غادة:والخطوبة وشي عندنا؟
جوري:خطوبة
غادة:لا يا عمري اذا اعلنت الخطوبة معناها تمت الموافقة...
جوري:بس انا ما قلت شئ ولا اعطيتهم أي جواب...
غادة:شلون يعني؟
جوري:انا قلت بعد ثالث ثانوي
غادة:اوكي فهموها هم ملكة وزواج...
جوري:لالالالالا لا تقوليين انا ما قلت لهم ولا شئ بس قلت انا ثالث ثانوي وما ابي شئ يشغلني عن ثالث...
غادة:غريبة من جد غريبة...
جوري:ليش؟
غادة:اللي وصل لنا انكم موافقيين وان الملكة باول الاجازة والزواج تحددونه اذا جت الاجازة...
جوري:لا عاد حرااااااااااام لا يكونون فهموها موافقة...
غادة تناظر بجوري:ليش ما تبينه؟
جوري توها تستوعب السالفة وان الكلام اللي من اول مو مزح كالعادة بينها وبين غادة: مدري..
غادة:شلون ما تدرين؟
جوري:بصراحة...........(وقالت لها كل شئ)
غادة:ياربي طيب اللي فهمتوه انكم عطيتوهم كلمة..
جوري:ما ادري وش اللي يصير بي..
غادة:يا عمري سلطان انسيه..اصلا ما يستحق انه يجي ببالك...
جوري بذهول:ليش؟
غادة:لانه مو كويّس..
جوري:غادة الرجال التزم وصديق فيصل الروح بالروح..
غادة:قلت لك انسيه ووافقي على منصور..والله لو اني منك ما افوت واحد مثل منصور.. يا بنت سمعته ما شاء الله زي الفل..
جوري:بس مغرووووووور..
غادة:يحق له الغرور..انسان ناجح بكل المقاييس وله كلمته وين ما راح ووين ما جا وهو شاب وحصل على كل هالميزات قبل لا يصير شايب..وش تبين ازين من كذ1؟
جوري:ما شاء الله يحق له الغرور..انا اكره الغرور ..الكبر اكرهه..مرررررررررة...
غادة:منتي صاحية لو ما وافقتي عليه ..ما راح يجيك واحد احسن منه...
جوري:وسلطان؟
غادة:خليه ينقلع
جوري:شلون يعني!!
غادة:شوفي انتي تجبريني اقول كلام ما ابي اقوله...
جوري:قولي طلعي اللي بخاطرك...
غادة:بس ما تنصدمين تتكدرين.. وهذي السالفة قديمة..
جوري:يمّه خوفتيني..قولي طلعي اللي داسته عني..
غادة:طيب اول شئ اللي قلتيه عن سلطان كله خرطي..وما عنده سالفة.. واشوى انك قلتي لي السالفة والا كان رحتي فيها على هالنصاب..
(جوري تسمع بانصات وماهي مصدقة اللي تسمعه)
غادة:شوفي انا سمعت من امي السالفة وهي درت من عندكم وبالموت قالت لي وش اللي صار....
جوري:قولي بسرعة وش صار...
غادة:اول شئ ابوكِ زمان..زمان مرة قبل ما ياخذ امك..كان هو وابو سلطان مرة مع بعض واصدقاء وشئ ووناسة..وعلى قولهم عاشوا عالحلوة والمرة..وحتى انهم اتزوجوا خوات..المهم ان ابو سلطان صارت له سفرات برى كثيرة وانشغلوا عن بعض.. وابو محمد..
جوري:منهو ابو محمد؟
غادة:لا تضيعين هو ابو سلطان..
جوري:أي بس عشان قلتي بالاول ابو سلطان..
غادة:عشان السالفة عن سلطان... المهم..
جوري وجميع حواسها متحمسيين معها بالسالفة:نبي اللي بعد المهم...
غادة:شوي شوي على اعصابك ما جاكي شئ..المهم ابتعدوا عن بعض شوي وانشغلوا مرة عن بعض..بعدين ابو محمد وابوكِ قرروا انهم يسكنوا ببيت واحد..طبعا كانوا متسانسيين عل الاخر..
جوري:احلفي عاد ويني انا..
غادة:ما جيتي انتي
جوري:أي حسبالي بعد مدري عن عيشتي..
غادة ومنهمكة بالسالفة:لا تقاطعيني خلاص ابقول السالفة متواصلة عشان ما اضيع..
جوري:اوكي وحطت يدها على فمها..
غادة:أي كذا تعجبيني..
جت جوري تبي ترد على غادة وتخانقها بس بدت بالسالفة غادة وسكتت جوري..
غادة:ويا قلبي سكنتوا انتو مع بعض ببيت واحد ابو سلطان وابو فيصل وقعدتوا خمس سنيين مع بعض وكانوا مرة مبسوطيين..وكل الناس تحسدهم على راحتهم اللي هم فيها لانهم بيت ملك وما في أي هواش او خصام... جا اخو ابو سلطان بيتزوج واقترح على اخوه انه يسكن بالبيت وابو سلطان وافق..اما ابوكِ ما وافق لأنه ما يظمن الراحة اللي كنتوا فيها وقال اننا كذا مرتاحيين..وخاف من المستقبل انكم ما ترتاحون..اخو ابو سلطان اللي هو( حاتم) مرة زعل وقلب الدنيا فوق تحت..وانا احنا اخوان وهذا بيتدخل فينا ومن هالكلام وصارت هوشة كبيرة بين ابوكِ وحاتم اللي هو اخو ابو سلطان..وزعل صدق وخناق.. يعني المفروض حاتم ما يكبر الدنيا لانهم احرار..والبيت كان( فيفتي ان ففتي)..يعني50% بين ابوكِ وابو سلطان عشان لو حصل شئ من هنا والا هنا او مات احد لا قدّر الله يكون المبلغ بالتساوي.. بعد الخناق اللي صار..ابو سلطان كلّم ابوكِ..بس ابوكِ كان رافض خصوصا بعد الهوشة الكبيرة اللي صارت وقال :هذي بدايتها..المهم ان ابو سلطان حاول فيه بس ابوكِ رافض مرّة..قال ابو سلطان لابوكِ: طيب تخرج وادفع لك..
وابوكِ: رافض وزعل من كلمته مرة..الحاصل ان ابوكِ بالاخير وافق بس يكون له باب مستقل عنهم ومن ورى مو من قدّام..وطبعا الحوش يصير لكم ولابو سلطان وهو ما يكون معكم بالحوش بس اللي قوّم الدنيا فوق تحت ان السطح يكون لكم جميعا..الصراحة حاتم ما يعجبني وعقله صغير
جوري:لا تحشين بياخذ حسناتك
غادة:استغفر الله العظيم بس يقهر المشاكل كلها من راسه..
جوري:يا غادة تكفين ما نبي حش...
غادة:استغفر الله..استغفر الله... أي عاد ابوكِ ما كان يكلمه كان دايم يكلم ابو سلطان هو اللي يكلمه.. المهم طنشوه على حكاية السطوح وابو سلطان ما يشوف اللي يسويه حاتم غلط يحسه عادي تعرفين اخوه واكيد بيتغاضى عنهم.. جا لكل واحد منهم بزاريين وتعرفين ان المشاكل ما تجي الا من راس البزاريين بس لو الكبار ما يتدخلون فيها كان ما في مشاكل.. كبر فيصل وكبر محمد وسلطان وهو جته بنت وسمّاها فاطمة..طبعا بنته دلوعة ترفع الضغط ومؤذية بس تبي كل شئ لها وبس تشتكي ابوها على أي شئ وطبعا حاتم ما يقصر يضرب محمد وسلطان وفيصل...
طبعا بتقولين ليش السالفة الطويلة..بس هذي هي الاساس..انا باختصر لك السالفة.. هالبنت أذّت البزران وحاتم بس يضرب من دون اهتمام هل هي صادقة او لا ومن دون مراعاة لمشاعر اخوه.. المهم ان ابوكِ ضاق خلقه على الاخر وحتى ابو سلطان مستحي منه مرّة..ابوكِ ما قدر يتحمل وكلمه وقال انا اللي باشتري البيت واعطيك نصيبك واعطي اخوك نصيبه وانتو عيشوا مع بعض.. ابو سلطان مرة مو راضي وقال انت اللي تخرج وانا اعطيك نصيبك..المهم عقب الهوشة الطويلة..وافق ابو سلطان وطبعا حاتم ما كان راضي بس غصبن عنه.... طبعا الوقت ذاك ما كان عندهم فلوس مثل اللحين..والفلوس تلعب بايدينا لعب..والمبلغ اللي طلبه حاتم وابو سلطان كان مرة كثير.. الحاصل ان ابوكي قال ان حضرتكِ وسموكِ الكريم تكونيين عروسه لولدهم بدون أي مقابل منهم وغير كذا المبلغ قل شوي...
جوري:هـ ـ ـ ـا!!!
غادة:اصبري يجيك العلم....
جمع ابوك المبلغ وعطاهم اياه وخلاص الولد كبر وتزوج..
جوري:سلطان تزوج!!!!
غادة:لا وش فيك محمد اللي تزوج وصار زعل كبير بين ابوكِ وابو سلطان..لانه محمد ولا على باله راح تزوج اللي يبيها وابوكِ حس بالقهر على اللي سواه..
جوري:وسلطان!!
غادة:سلطان ولا شئ..
جوري:شلون ما فهمت؟
غادة:اقصد ان ابو سلطان كلّمه على سلطان بس ابوكِ مرة زعل وما صدق اللي صار له لان ين ابوكِ وابو سلطان كلمة ان محمد يصير زوج لك ومحمد ولا على باله.. ورجع ابو سلطان يكلك ابوكِ عشان يصلّح غلطة ولده محمد وبيكي لولده سلطان..بس ابوكِ رفض وقال ارجع لك المبلغ..بس امك كانت مرة ودها بسلطان واقنعت ابوك فيه..والظاهر جاكي وكلمكي..ومع انه سلطان كان لك الا ان ابوكي رجع المبلغ اللي كان ناقصه..
جوري بذهول:أي اذكر وانا بثاني متوسط جاني وقال لي على سلطان وانا سكت ما رديت عليه..
غادة:ابوكِ وابو سلطان ما رجعوا مثل الأول وهذا البيت اصلا خرجتوا منه وسكنتوا بمكان ثاني وسواه فلة..
جوري:أي هذي اعرفها بس توقعت ان البيت ما كان كويس...
غادة:يوم خرجتوا منه رحتوا للديرة وسكنتوا فيها اربع سنوات..
جوري:أي قالت لي امي بس قالت ان امها تعبانة..واننا بنعدل بيتنا..
غادة:المهم انكم خرجتوا من البيت وعاد بنائه ابوكِ ورجعتوا له..وسكتت غادة ولا قدرت تكمل السالفة...
جوري:أي سالفة البيت وعرفناها بس وش اللي بعده...
غادة:ولا شئ قضت السالفة..
جوري:احلفي عاد..كملي وش سالفة سلطان؟
غادة:بس هدي اعصابك ولا تنفعلين
جوري:اقووووول كملي...
غادة:اكيد تعرفين ان سلطان التزم..
جوري:أي اعرف..
غادة:هو الصراحة ايجابي وسلبي
جوري:وشو اللي ايجابي وسلبي
غادة:يعني هو اول ما التزم قال ما ابي الجوهرة
جوري:وشــ ـ ـ ـ ـو؟
غادة:قال حرام اظلم البنت بسالفة قديمة ومدري وشو؟والخطبة تصير رسمي..هذا يوم انتي بثاني ثانوي يعني العام....وابوكِ وابو سلطان عقبها انقطعوا عن بعض وابوكي كان معطيه المبلغ له سنة ومنصور خطبكِ...
جوري:شوي شوي عليّ...
غادة:بس سلطان ومحمد ما وافقوا على هالخطوبة وابوكِ زعل مرة..وعشان كذا اقولك لك منصور وبس..والباقي خس...
جوري:بس شلون؟ماني قادرة اصدق انا لعبة عندهم...بعدين هو...
غادة:أي كملي...
وقامت تصيح جوري ما تحملت الصدمة..وان عيال خالتها اللي تدافع عنهم وكانت تكره ابوها بسببهم طلعوا هم اللي ما يبونها وان ابوها صادق بكرههم...وحكت لها كل شئ عن سلطان واخر شئ عنه سالفة الماسنجر ويوم اتكلموا عن الخطوبة...
غادة:من جد تكلم عن الخطوبة؟
جوري:اصبري باجمع اللي عندي واقولك...
اللحين امي يوم سمعت اتصالاها مع ذيك الحرمة كانت تقول: بيطلع مثل عمه اللي التزم اكيد وبيكون معقد..شكله عمه حاتم..استغفر الله حرام يشوه سمعة الملتزمين..
ثاني شئ:التزم بالترم الثاني وانا كلمته بالترم الاول..
يعني الترم الثاني التزم سلطان وقال الكلام اللي اول وانا احسب ابوي ما يبيه عشانه التزم... ونزلت راسها وتمسح عيونها من الدموع...
غادة :يا عمري والله اني خبلة يوم قلت لك السالفة..
جوري وهي تسمح عيونها:بالعكس اشوى انك قلتي لي..تدرين جتني فترة كرهت فيها ابوي احسبه يكره خوالي ومتكبر عليهم وعشان كذا كرهت منصور لانه مع ابوي دايم بعدين حاسبت نفسي ومشاري الله يسعده قالي مستحيل ابوكِ يكون فيه هالشئ...
غادة:يا قلبي..تدرين اصلا جيتنا ذي كلها عشانك...
جوري:من جد
غادة:أي ابوكِ قال اقنعوها..
جوري:يا ربي وكلهم داريين عن السالفة وما يقولون لي...
غادة:لا شوفي ترى ما يدري بها الا انتو وابو سلطان وامي وانا مثل ما قلت لك بالغلط دريت... وانا اللحين جايه بشحمي ولحمي اقولك وااااااااااافقي على منصور ازين من النذل سلطان...
جوري:حرام عليكِ..هو صادق المفروض يتركون هالعادات السخيفة واكيد هو كان يبيني اتزوج مثل خلق الله...
غادة:يا عمري ما قال هالكلام الا بعد دفع ابوكِ يعني مهر فيه فيه مهو على كيفه بس هو ما يبي.. من زينه والا من زين خشته واخلاقه...
جوري:اللي سواه هو الصح.. المفروض خطبة مثل الناس والعالم..بس انا مقهورة من نفسي اللحين كل اللي صار من ابوي لصالحي وانا احسبه ضدي...قسم بالله قهر...
غادة:يعني سالفة سلطان عادي...
جوري:اكون منافقة ان قلت لك عادي..صعبة تعيشيين وانتي ببالك واحد وعقب يصير كله اوهام واحلام..انا خمس سنيين وانا ببالي ان انا وسلطان مخطوبيين..هذا عمر مو شهريين والا ثلاثة.. تخيلي يعني من ثاني متوسط الى ثاني ثانوي اربع سنوات بعديين قالي ابوي بالاجازة على منصور وحاطه براسي اني ابرفضه وصارت ثالث ثانوي بعد وانا ببالي سلطان يعني خمس سنوات.. والله صعبة...
غادة:من جد والله صعبة بس ربي عوضكِ بشاب وسيم خلوق من عائلة كريمة يقدر الحياة الزوجية ويرجوا من جوري الموافقة...
جوري:وانا موافقة..
غادة:اححححححححححححلفي...
جوري:مايبيلها حلف...
غادة:يعني عن اقتناع ومن دون أي ضغوط..بالعربي مووووووووواااااااااافقه...
جوري:اصلا انا ما لقيت أي عذر وكنت باقول لامي واللحين بقوة اقولها موافقة..
غادة:لا عاد عيديها مرة ثانية...
جوري:اقول ولا منصور ما سواها...
غادة:اححححلى يا الحب من اللحين...
جوري: غـــــــــــادة
غادة:نعم..هلا..سمي..آمري..تدللي..
جوري:بس تكفين..
غادة:يا عيني..يا عييييييييييييييني....خليني ابشر امي وامك وخالي...
جوري:لا عييييييييب...بعديين نقولهم...
غادة:اصلا انتي ما تشوفينهم ما نادونا للعشا يعني داريين خليني ابلغهم...
جوري:روحي انتي انا باقعد هنا..
غادة:مو على كيفك بلا دلع..
جوري:ام منصور فيه عيب..
غادة:يالله بس..
غادة قامت من السرير وسحبت جوري من يدها وقومتها ونزلوا تحت....
اول ما جو عند الدرج ويسمعون اصوات مرتفعه وشكله فيه شئ صاير...
غادة:ناظري ام خالد تبكي وعهود وخلود موجوديين...
جوري:من متى موجوديين؟وش اللي صار بسرعة خل ننزل لهم....
ونزلو جوري وغادة للصالة وحضنت عهود غادة وصارت تبكي..وراحت خلود لجوري وحضنتها وصارت هي الثانية بعد تصيح...
وسكتت غادة عن الموافقة وما اتكلمت ولا كلمة...
جلسوا عهود وخلود وقالوا كل اللي صار لهم من جلستهم بالبيت الى ابوهم يوم اخذهم بس ما جابوا طاري منصور لانهم ما يعرفون وش فيه اصلا وخالد ما بلغهم ولا قالهم ولا شئ...
ام خالد تظن ان منصور مع خالد يكملون الاجراءات اللي البيت واكيد عند الرجال...
قامت ام فيصل تهديهم وجات لهم العصير والتهوا شوي السوالف وحلفت عليهم انهم كلهم ينامون عندهم والرجال اكيد يجون عندنا ويعلمونا اللي صار...
غادة وجوري وعهود وخلود كلهم ناموا بغرفة وحدة....
وام خالد راحت تنام مع العمة موضي...
بس ام خالد ما جاها النوم الين جا خالد وقالها وش اللي صار..وان منصور بس تعبان تعب عادي ما فيه أي شئ وابو خالد راح ينام مع او فيصل..وخالد وفيصل وبدر ناموا بغرفة وحدة...
*****************************