الجلسات العائلية .. ايش يعكر صفوها ..؟

[توفي]

السلام عليكم ورحمة الله وبركاته ..

ازيكووووو .. عاااملين ايه ..؟

.. بعد طحن ومطاحن .. وطق ومطاقق .. وذبح وذبيح ..

مع الامتحانات .. نعود إليكم .. << طيب .. وبعدين ..؟

اكسيوزمي يعني .. خلوني أتدرب على كتابة المقدمات .. اغدي العقدة تروح:confused0047:

صراحة .. الله يهدي الإدارة وأصحاب الموقع .. يعني جد ماله داعي تكلفون على أنفسكم وتغيرون الستايل حق المنتدى .. وبوية جديدة .. ومزارع وبيوت قديمة .. وحديقة ورد .. كله عشاني .. نجاحتي ذي :party0002:

جد جد شكرا .. :pinkrose:

يعني أقترح هدية النجاح .. كل سنة .. مو لازم كل ترم .. معليش ما أحب أكلف على أحد .. :rolleyes: << :happy0083:

نوخش في موضوعنا لهذا الصباح ( صوت عصافير تزقزق ):daisy:

نحن نعلم ما للاجتماعات الأسرية سواء اليومية .. أو

أسبوعية .. أو شهرية .. الخ .. من توثيق أواصر المحبة

بين أفراد الأسرة .. وتطبيق لماجاء به النبي صلى الله

عليه وسلم .. من أمر بصلة الرحم والتزاور .. لكن من

المؤكد بطبيعة الحال .. وجود بعض المنغصات لهذه

الجلسات ..

أقول عاد .. ترا طاقتي خلصت << كل ذا عشان كتبت كم كلمة بالفصيح < ياساتر :bucked:

يعني .. نغزة ولا دقة مالها داعي من الخالة << الخالة

تاخذ ابعاد ( أخت أم .. أم زوج .. حرمة كبيرة .. الخ :happy0083:) ولا مهايط من بعض الأقارب ..

ولا تفشيل ... الخ .. ولا عدم مراعاة .. المشاكل طبعا مالها حصر ..

بس لو زادت واستمرت .. ممكن تسبب بـ حل الجمعة أو خلافات مالها تالي لا سمح الله .. :worried2:

أنتم ..

ايش المشاكل اللي تواجهكم بجمعاتكم .. الدورية .. أو

حتى الصغيرة < يعني وقت الغداء بالبيت أو

العشاء ..أو حتى قهوة المغرب أو العصر << كلن

وكيفه عاد :sleeping:

أشياء تحسونها مضايقتكم :sad0099: .. مواقف شفتوها أو سمعتوها .. من غيركم ..

على فكرة .. وش شعوركم .. وأنتم مقررين تسحبون على جمعة أسرية .. تحوم كبد العدو .. شعور جميل:happy0083:

بس ولوو وصل الرحم .. حلو .. لو اضطريت تضغط على نفسك .. :pinkrose:

كم مرة قلت أو بالموضوع :worried2:

[رؤوف الغطريفي]

ماطال من شي مله

فتش عن الحريم في مثل تلك المواضيع

بالنسبة للرجال لا يوجد مشكلة ولا مناغر
بالعكس سعة صدر وفلة حجاج

بس البلى بالقسم الثاني

وش لابسه فلانه
وش حاطه علانه

بالاخير تبي تصفى على جلسة رجال بس

[ذكرى]

البساطه وعدم التكلفه مطلوبه بالتجمع العائلي ..
كل ماصارت ابسط كل ماستمرت اكثر واطول ..

هذا اولا ..

ثانيا .. غالبا المشاكل تجي من الاطفال .. او الشباب اللي ببدايه المراهقه ..
يعني بنات فلانه متسلطين على بنتي .. يخلون كل البنات يزاعلونه >>ترى دايم تصير .. :z:
او عيال فلان خربو ولدي .. وصار يجيب افلام للبيت .. او لقيت بلوتوث مش ولابد بجواله من عيال فلانه .. :blink1:
او احيانا ... شغاله فلانه عطت شغالتي جوال .. :tongue:


وهلم جرا ..
عموما .. المشاكل موجوده بكل اجتماع ..
وبيد الشخص يكبرها او يصغرها .. :oldwshout:

[كلورا]

هلا توفي

صباحك مكرونه <<<< مشتهيه مكرونه هالوقت :rolleyes5cz:

بالنسبه للموضوع وش دراك عندنا سهره عائليه بالمزرعه الليليه

اعترفي لايكون عنود والا مي <<< بنات عمي :D

المهم انا امووت بشي اسمه جمعات وطلعات احب النااس الكثير

وبالعكس الحمد لله مافيها اي نوع من المشاكل اذا كنتي تقصدين العايله القريب (اعمام واخوال)

اغلبها مشاكل الصغار واحنا مانتدخل خلهم يتزاعلون ويرجعون يتراضون

الحمد لله كلهم عاقلين حريمنا :)

الا اذ تقصدين العايله كلها القريب والبعيد فهذي حدث ولا حرج

واغلبها من مكر النساء يعني شي مو مستغرب :happy0030:

[رايقة]

عن اذنك توفي برد على محبس

بالنسبة للرجال لا يوجد مشكلة ولا مناغر
بالعكس سعة صدر وفلة حجاج

قريب لي اعرفه معرفه شخصيه
دايم يروح لاستراحه وفيه واحد يجدع عليه حكي كله غيره طبعا وراه وظيفته زينه ومتزوج بنت الفلان وعنده ....االخ

المهم انه دايم يفوت له هالمره على العشاء قام وخلاهم :smilies3: لان ذاك زوده حبتين

عاد كلن قام يتعذر منه وذاك تفشل ورط يحسبه بيعديه له هالمره <<اتق شر الحليم اذا غضب

عاد لاتقول الرجال مابينهم حسد <<بس يبقون اهون من الحريم هههههههه

بس ولو والله فيهم شئ من الحسد الله به عليم :ohno:

[رايقة]

بالنسبه لي

مافيه اي مشاكل بلاستراحات والجمعات بالعكس سعة صدر وفله

بس يمكن تلقين وحده او ثنتين يبحلقون ويعلقون ذولي عطيهم طناش لان وجودهم زي عدمهم ونادر مايجون :wassat:

الخلاصه مافيه شئ ينكد الحمد لله حتى بزارينا متفقين الحمد لله اصلا هي مره بالشهر مايصدقون يتشاوفون :biggrinbounce2:

شكرا توفي موضوع رائع جدا

[كنون!]

:sad0049:
وة بس يا توفي جيتي على الجوورح الكبير
بما اننا حنا الي اغلب شي يتجمعون عندنا
والل كنت احب الجمعا والوناسه
بس اللحين لاء وارفض ويضيق صدري
واليوم بيتجمعوون عساهم الي منب قايله :EmpPack3_8:

الي يخرب من ناحيتنا
حريم الاخوان والمهايط والتسذب وحنا وانتم وياي وهي ماتسوى شي :5_40:
موب كلهن بس يعني
وخواتي وحريم اخواني يعتبرون البيت استراحه يعني اي بزاريننا حوسو على كيفكم
ما احد يساعدني ابد :EmpPack3_8:
وانا اصير شغاله من يهضلون لما يذلفون
مافيه امل احد يعرف الاصووول
ابروح اصيح شوي :sad0049:

[السلطان]

الي يخرب الجلسه العائليه بلبيت هو الجوال اذا دق لازم اطلع بلحوش عشان الأرسال
جو البيت مافيه امل يجي وكل مايدق لازم اقطع سالفتي مع اهلي او مع الي يسير علي بلبيت
كله عشان ارد

[توفي]

ماطال من شي مله

فتش عن الحريم في مثل تلك المواضيع

بالنسبة للرجال لا يوجد مشكلة ولا مناغر
بالعكس سعة صدر وفلة حجاج

بس البلى بالقسم الثاني

وش لابسه فلانه
وش حاطه علانه

بالاخير تبي تصفى على جلسة رجال بس

ايه الرجال أحسن ابكثير .. بس ولو يظل بهم حقهم .. من حسد وتناغر .. << لكن مو كثير :rolleyes:

الحريم .. الله يعافينا يارب .. :sad:

شكرا .. محبس

[توفي]

البساطه وعدم التكلفه مطلوبه بالتجمع العائلي ..
كل ماصارت ابسط كل ماستمرت اكثر واطول ..

هذا اولا ..

ثانيا .. غالبا المشاكل تجي من الاطفال .. او الشباب اللي ببدايه المراهقه ..
يعني بنات فلانه متسلطين على بنتي .. يخلون كل البنات يزاعلونه >>ترى دايم تصير .. :z:
او عيال فلان خربو ولدي .. وصار يجيب افلام للبيت .. او لقيت بلوتوث مش ولابد بجواله من عيال فلانه .. :blink1:
او احيانا ... شغاله فلانه عطت شغالتي جوال .. :tongue:


وهلم جرا ..
عموما .. المشاكل موجوده بكل اجتماع ..
وبيد الشخص يكبرها او يصغرها .. :oldwshout:

كلهاااا تعتمد على حسن الدبرة .. والتعقل وبس .. والعيال .. مشاكلهم ومناغرهم له أول ماله تالي..

حتى بعد الشغالات .. والله مالها تالي بلاويهم بينهم .. خصوصا اذا اجتمعوا .. دروس خصوصية من

كبيرهم :sick0012:

هلا وغلا .. ذكرى

[توفي]

هلا توفي

صباحك مكرونه <<<< مشتهيه مكرونه هالوقت :rolleyes5cz:

بالنسبه للموضوع وش دراك عندنا سهره عائليه بالمزرعه الليليه

اعترفي لايكون عنود والا مي <<< بنات عمي :D

المهم انا امووت بشي اسمه جمعات وطلعات احب النااس الكثير

وبالعكس الحمد لله مافيها اي نوع من المشاكل اذا كنتي تقصدين العايله القريب (اعمام واخوال)

اغلبها مشاكل الصغار واحنا مانتدخل خلهم يتزاعلون ويرجعون يتراضون

الحمد لله كلهم عاقلين حريمنا :)

الا اذ تقصدين العايله كلها القريب والبعيد فهذي حدث ولا حرج

واغلبها من مكر النساء يعني شي مو مستغرب :happy0030:




صباحك لازانيا :sad0099: << حتى ذي مشتهية

أنتِ نفسي بالضبط .. أحب الجمعات وهيك .. يمكن أكون مي :happy0083:

خوفك من المشاكل اللي من تحت لـ تحت كوكو .. هذي تأثيرها فتاك :eplus2:

شوفي أهم شي المبزرة لا يدخل فيها الكبار .. وتضبط الأمور .. :rolleyes:

اله يتمم عليكم .. :pinkrose:

شكرا .. كوكو شانيل

[صِبا]

الجمعات حلوووه بس عندنا نادره ..
يمكن مرره بشهر او شهرين ..
طبعا غير الزيارات العائليه لكن كجمعه قليل عندنا ..


احس المراهقين مصدر للهواش احيانا مدري ليش :rolleye0018:..
مثلا ليش بنتك تلبس كذا لاتعطينها وجه ترا بتخرب عليك
وكل وحده تنصح الثانيه وهي يبي لها من ينصحها ثم يصير الجو مكهرب نوعا مااا :smilies3:..
حتى الجوال اذا عطيتيه الصغير والا الصغيره ثم صارت جمعه
وراكم عطيتوووه بتخربونه توووه عليه وعساااك تفتشينه وووو ..


والا غير كذا عاااادي ..
احس اكثر ناس يوسعون صدوروهم بالجمعات الصبايا :character0001:
لاعليهم من الصغار ولا الكبار ..


يسلمو توفي :love0041:
وصباحك كابتشينو :o:

[توفي]

بالنسبه لي

مافيه اي مشاكل بلاستراحات والجمعات بالعكس سعة صدر وفله

بس يمكن تلقين وحده او ثنتين يبحلقون ويعلقون ذولي عطيهم طناش لان وجودهم زي عدمهم ونادر مايجون :wassat:

الخلاصه مافيه شئ ينكد الحمد لله حتى بزارينا متفقين الحمد لله اصلا هي مره بالشهر مايصدقون يتشاوفون :biggrinbounce2:

شكرا توفي موضوع رائع جدا


ايوووه كذا كلووو تمام .. أهم شي البزران لا يتشاوفون كثير .. << حقن الله يصلحهم

والله أبد .. الرائع جدا .. مرورك .. وردك ;)

[توفي]

:sad0049:
وة بس يا توفي جيتي على الجوورح الكبير
بما اننا حنا الي اغلب شي يتجمعون عندنا
والل كنت احب الجمعا والوناسه
بس اللحين لاء وارفض ويضيق صدري
واليوم بيتجمعوون عساهم الي منب قايله :EmpPack3_8:

الي يخرب من ناحيتنا
حريم الاخوان والمهايط والتسذب وحنا وانتم وياي وهي ماتسوى شي :5_40:
موب كلهن بس يعني
وخواتي وحريم اخواني يعتبرون البيت استراحه يعني اي بزاريننا حوسو على كيفكم
ما احد يساعدني ابد :EmpPack3_8:
وانا اصير شغاله من يهضلون لما يذلفون
مافيه امل احد يعرف الاصووول
ابروح اصيح شوي :sad0049:

ههههههههههههه حلوة عساهم للي منب قايلة < تحسين من قلب :2_7:


الا صادقة .. أنا ما يغثني الا هالمهايط :wassat: على ووش .. مايسويها إلا حديث نعمة :yelbiggrin:

عاد البزرااااان لا إله إلا الله .. أبد ادبغيهم والعني جدفهم .. وشوتيهم << كور حشى مو أوادم :happy0129:

بالتي هي أحسن .. ولا تنسين الرشاوي :biggrinbounce2: ترا تسلك معهم :happy0129:

أبد كل ما حسيتي بـ مغثة .. ترا هالموضوع ينتظرك .. حيااك

هلا بك عنود

[توفي]

الي يخرب الجلسه العائليه بلبيت هو الجوال اذا دق لازم اطلع بلحوش عشان الأرسال
جو البيت مافيه امل يجي وكل مايدق لازم اقطع سالفتي مع اهلي او مع الي يسير علي بلبيت
كله عشان ارد



بالله عاد :worried2:

عادي حطه صامت :happy0083:

بس جد سالفة مكالمات الجوال .. بايخة ذي إذا طووول :mad1:

حياك .. السلطان

[توفي]

الجمعات حلوووه بس عندنا نادره ..
يمكن مرره بشهر او شهرين ..
طبعا غير الزيارات العائليه لكن كجمعه قليل عندنا ..


احس المراهقين مصدر للهواش احيانا مدري ليش :rolleye0018:..
مثلا ليش بنتك تلبس كذا لاتعطينها وجه ترا بتخرب عليك
وكل وحده تنصح الثانيه وهي يبي لها من ينصحها ثم يصير الجو مكهرب نوعا مااا :smilies3:..
حتى الجوال اذا عطيتيه الصغير والا الصغيره ثم صارت جمعه
وراكم عطيتوووه بتخربونه توووه عليه وعساااك تفتشينه وووو ..


والا غير كذا عاااادي ..
احس اكثر ناس يوسعون صدوروهم بالجمعات الصبايا :character0001:
لاعليهم من الصغار ولا الكبار ..


يسلمو توفي :love0041:
وصباحك كابتشينو :o:

حلوة يا ضوضو .. عشانها قليلة :cool0016:

المراهقين .. الله يهديهم .. أحيان بتسرعهم واندفعاهم يخربون أشياء كثير بين الأهل :strongsad:

عاد بيني وبينك .. بعض الناس مهو قصده نصح .. قد ما يقصد تصيد أخطاء :no21:

.. الصبايا .. من جد عالم آخر :shifty: .. بس ذولا مشاكلهم .. رعب

حياك الله .. اي والله مشتهيته بهالصبحية .. شكلووه مافيش جاهز << اذا تحمست لروح اسوويه:biggrinhat:

هلا وغلا .. أضاوي

[كنون!]

توفي بتخليني اجيب العيد :ha3:

اي رشاوي يختي هذولي مهوب مثلنا <<حسيت اننا عجز
تخيلي بالمتوسط ومنافخ يوم اني قلت اكنسن :crym:
قلت خل اكل تبن واكنس انا اصرف <<بها اللحظه حسيت اني سالي :(

[اذكر الله]

ما ادري وش المشاكل صراحه ولكن الي اعرفه انه اكثر
المشاكل العائليه تعتبر تافهه وتحمل مالا تحتمل ...

والحل انه الواحد يكبر عقله ولا ينظر للأمور الصغيره ...


تحياتي وبالتوفيق لحياة خاليه من المشاكل ...



سبحان الله وبحمده سبحان الله العظيم

[توفي]

كنووون يا حبيلك قدمي العيد شهرين ما يخالف .. :2_59:

طيب ساحريهن << أمي تقول سالفة شيخ قصمنجي .. كلمته مصرية تشكي من رجلها .. قالها طيب ساحريه ( يقصد لاطفيه وليني الكلام معاه )..

قالت يا شيخ : أسحره هنا ولا بـ مصر ههههههههههههههههههههههههههههههههههههه << والمة بنت اللذينا

--

اذكر الله

ايه .. فعلا عند الرجال .. مافيش بروبلمز تذكر .. أو يكون موجود بس أكيد الأغلب يكبرون روسهم ..

بالنهاية اهي تعتمد على تهويل الأمر وتصغيره .. من جميع الأطراف ..

آمين يارب ..

شكرا لك

[دحيم]

رغم حبي للوحده الا ان الاجتماعات العائليه رائعه في حال كانت القلوب سليمه وبدون حواجز وقيود أي دون تهميش رأي الشباب لأن بعض الشيبان ارادوا ذلك ، تعجبني العوائل التي تتشارك في شراء استراحه أو في الخروج للبر أو السفر مع بعض وتكون الكلمه شورى بينهم وتكون القلوب صافيه .


اعتقد ان طريقه التربيه والبيئه التي يعيش فيها كل شخص هي من يحدد نوع الجلسه العائليه ومدى الراحه فيها.

[توفي]

للأسف .. مأ أحب الوحدة كثير ..

و القلووب صعب .. تكون كلها سليمة ومتصافية .. إلا ما يطلع قلب قلبين ثلاثة<< حلوة ذي :birgits_giggle:

وتهميش رأي الشباب .. إن شاء الله يختفي هالشيء .. مو حلووو أبد . بس المشكلة أنها تجي من الشيبان

يعني صعب تحاججهم وتحاكيهم على هالشيء ..

يبقى على الشباب يتفهمون هالموضوع .. :yes4lo:

وفعلا .. شيء جميييل جدا .. تفاهم العائلات على ما ذكرت .. رحلات وغيره ..

شكرا .. دحيم

[لووك جديد]

هلا توفاااا

حنا عندنا اجتماع اسبوعي بخالاتي الامور تمام ولا في مشاكل الحمد لله بس يعكر هالاجتماع لاجا العيال الكبارين وصارت لهم الجلسه مع خالاتي وحنا منطقين داخل وكل وحده تناظر الثانيه :(

وكل ماقلنا الاجتماع لنا مهب لهم قالن خالاتي وش نسوي عيب نقول لهم لاتجون :(

صرت اكره هالاجتماع وسويت احتجاج وجلست شهر مااحضره << قويه ماتلعب :yes3:

وتقل خفت جياتهم شوي << اخواني وعيال خالاتي قويناهم بس عيال خوالي صعبه شوي :no3:

بس اشوا لهم فترة مايجون << الله يجزاهم خير :happy0030:

وفيه اجتماع عايلتنا كل شهر عمومتي وعماتي هذا الحمد لله اوكيه الرجال بحالهم وحنا بحالنا ومبسوطين ماشاء الله :exactly:

تضل الاجتماعات الشهريه اقل مشاكل لان كلن يفرح بالثاني عكس اللي يتشاوفون كل اسبوع وكل يوم :Whatever_anim:

شكرا توفا

[خيّالة]

كسرت خاطري كنون <<<<<< من جد تاثرت, شوي وتجيب الكناسه وتجي تساعد :EmpPack3_8:

الحمد لله ماعندنا اي مشاكل مع احد, وبالعادة جلساتنا نطلع منها براحة بال, يمكن لانها قليلة جدا بحكم المشاغل
يمكن بالشهر او الشهرين مرة نجتمع,,

الواحد يحس انه اشتاق للثاني, والا لو كل ساع الواحد شاد رحاله ورايح عند اهله, ملوا الناس من شوفته وصارت المشاكل,,
حتى الاطفال الي اشوف الاخوات مشتكين منهم, اذا شاف ولد عمه كل اسبوع مل منه,, خلوا شوفاتهم نادره وبيعرفون غلا بعض!

بكل الحالات احنا كعائلة (الوالدين والاخوة والاخوات) كلنا نحب الوحدة حتى مع بعض, البيت دائما هاااادي وكل واحد بغرفته :pinkbiggrin:
مافيه احد منا يعرف يصارخ!! واذا صار واحد صارخ تقولين مصيبة صايرة بالبيت, الكل يطلع من غرفته هههه!! :2_51:

[ميساوتا]

الحمدلله الاجتماعات العائليه مرة وناسه
حنا نجتمع مع خوالي كل اربعاء واذا كان فيه احد جاي من سفر نصير نجتمع كل يوم
لين يسافر ومع ذلك وناسه والله ولانمل من بعض الله يديم علينا
حتى عماني مع انا مانشوفهم الا بالاسبوعين مرة بس وناسه
يمكن عشان انا احب الوناسه والجمعات بس برضه من جد وناسه

[كنون!]

كسرت خاطري كنون <<<<<< من جد تاثرت, شوي وتجيب الكناسه وتجي تساعد :EmpPack3_8:
هههههههههههههههههههههههههه
لبى قلبتس
مدري وش جان كبيت العشاء يمكن لاني معصبه ذاك اليوم :spy:

[توفي]

هلا لوووكة .. حياك ..:wm12:

حنا عندنا اجتماع اسبوعي بخالاتي الامور تمام ولا في مشاكل الحمد لله بس يعكر هالاجتماع لاجا العيال الكبارين وصارت لهم الجلسه مع خالاتي وحنا منطقين داخل وكل وحده تناظر الثانيه

ايه من جد .. صادقة ما احب هاللحظة .. يله وش انسوي حتى اهم لهم حق يقعدون مع الخالات << تقل سبة :biggrinumbrella1:

صرت اكره هالاجتماع وسويت احتجاج وجلست شهر مااحضره << قويه ماتلعب

اخس يا قووية :eartoear:

وتقل خفت جياتهم شوي << اخواني وعيال خالاتي قويناهم بس عيال خوالي صعبه شوي :no3:

يلله عاد بلا طمع :roflmao3:



صادقة والله .. أحسن أن الاجتماعات ما اتصير بكثرة .. عشان ما تطلع مشاكل .. بين العوائل ..

العفو .. لووكة .. نوورتي

[توفي]

الحمد لله ماعندنا اي مشاكل مع احد, وبالعادة جلساتنا نطلع منها براحة بال, يمكن لانها قليلة جدا بحكم المشاغل
يمكن بالشهر او الشهرين مرة نجتمع,,

ايه من جد .. شي حلو .. كثرة الزيارات واللقاءات .. غير مرغوب فيها .. وتسبب أمور الكل في غنى عنها ..

بكل الحالات احنا كعائلة (الوالدين والاخوة والاخوات) كلنا نحب الوحدة حتى مع بعض, البيت دائما هاااادي وكل واحد بغرفته

لاااا .. عن نفسي ما أحب الوحدة إلا بحالات معينة .. يازين الأنس بمن تحبين .. سواء أهلك أو من يعز عليك ..

مافيه احد منا يعرف يصارخ!! واذا صار واحد صارخ تقولين مصيبة صايرة بالبيت, الكل يطلع من غرفته هههه!!

الله وناسة << همها الصراخ والحرارة يختفون من الكرة الأرضية :blink2:

هلا .. حياك خيالة .. نورتي

[توفي]

الحمدلله الاجتماعات العائليه مرة وناسه
حنا نجتمع مع خوالي كل اربعاء واذا كان فيه احد جاي من سفر نصير نجتمع كل يوم
لين يسافر ومع ذلك وناسه والله ولانمل من بعض الله يديم علينا
حتى عماني مع انا مانشوفهم الا بالاسبوعين مرة بس وناسه
يمكن عشان انا احب الوناسه والجمعات بس برضه من جد وناسه

وناسة :happy0005:

الله يتمم عليكم .. ويهنيكم ..

حياك ميساوتا .. نورتي