تكفون شوفوا لي حل مع الماسينجر ..

[عيـون * الفجـر]

السلام عليكم

.... أبي حل تكفون أنا قدر الله علي وحملت ويندوز لايف ماسينجر نسخة إنجليزية
وأول مادخلت لقيت قائمة الإتصال عندي مافيها شي فااااضية :(

مدري وينه كل الي أنا ضايفتهم طاسين مالقيتهم
واطلع وأدخل وألقاهم عادي
بعدين جيت اليوم ودخلت ولا لقيتهم :(
والى الحين لي نص ساعه أطلع وأدخل ولا لقيتهم :(

هم يشوفونن متصله بس أنا ما اشوفهم وفاضيه قائمة الإتصال عندي

الله يعافيكم الي يدري وش المشكلة يقول لي وش أسوي :(

أف ليتي على 7.5 أحسن بس الشكوى لله

[ياسر]

نفس مشكلتي بالضبط
انا محمل نفس الاصدار وإنجليزي بعد ودخلت أمس مالقيت أحد
قلت لايكون أحد مخترق الإيميل وحاذفهم ...همن طلعت ودخلت لقيتهم ..همن هذاي اليوم مابه أحد ...لحد الآن... أصلا خايس هالإصدار بقوة ولايتذكرك ..يعني لازم كل شوي تكتب الايميل من جديد ...مع انه فيه مزايا حلوة بس له مشاكل .. ياليت أحد يلط لنا الإصدار السابق ونحذف هذا ونحمل اللي قبله
* على فكرة.. انا كنت داخل أبكتب هالمشكلة لقيتس سابقتن :cool:

[عيـون * الفجـر]

اهاا يعني البلا منهم مهب منا أغدي مشكلته تتعدل اليوم ولا بكرى

ياااااااربيه يقهرررون انا خليته وبديت أدخل من ماسينجر ويندوز العادي
لين يجي أحد ويفزع لنا
يايقول وش الحل
ولا يلط لنا على قولتك النسخة السابعه أصرف

حلوووو الماسينجر لايف يهبل وفيه مزايا شي
أهم شي إنه تقدر تكلم الواحد وأنت حالتك أوف لاين
وحركة تغيير اللون وشكله حلووو أحسن من الاول

بس حركته ذي الي اليوم بايخه تقهر وقسم غثن

زين الي فيه أحد مثلي عشان ما أنقهر زززززود .. :D

[Ryan]

اي و الله ياصققيني الصدوقين انا نفس الشئ صارلي وربي
ومن المصاله ساعات يطلع نصهم و النص الثاني حاجر عليهم
غير التعليق طبعن
انا حذفته و نزلت السابع من جديد وريحت عمري
بس نصيحه اذا بترجعون السابع لازم تحذفوون الثامن وكل توابعه و تسون ري ستارت
همن تنزلون السابع
لان لو نزلت السابع و الثامن بالجهاز راح يصير السابع بلا صوت مثل ماصاارلي قبل و حسبت البلا من جهاز ورحت فرمت الجهاز :d3bli:

[Ryan]

اذا لقيت السابع ابجدعه لكم فيذا انشاء الله لو ماتبون الثامن

[عيـون * الفجـر]

قهرررر حسافه أحمل السابع من جديد وأنا توي محمله هذا

بس يالله أبي أنا 7.5مثل حقي الاول

وإذا ماعليكم أمر أبي بعد ماسينجر بلس حقه
والباتش حق فتح أكثر من ماسينجر <---- ماتعطى وجه
حملت حق ماسينجر لايف أثري ماتهنيت بماسينجره أتهنى ببلسه

بصبر يوم على لايف وأحذفه

والله يوم دخلت المسينجر حق ويندوز طلع يهبل بعيني عند ماسينجر لايف هالشين
أحسن مابه حركة الأوف لاين <--- معجبتن بقوه خخخخخخخخخ

[ياسر]

ولاعليك أمر أخوي ريان تجيب لنا الأصدار القديم

[Ryan]

تفضلوو ياجماعة الخير هنيا تشوفوون كل اصدارات الماسنجر
تنقوا و اختاروو و من ضمنها السابع وعربي بعد:c026:


http://www.sh3bwah.com/modules.php?name=MSN

وفيه بعد الاضاافاات البلس و فتح اكثر من ماسنجر الي تبوووووون كله فيه

بس منيب عارف اذا ممنوع نحط لنك لموقع ثاني
بس انا حطيته عشان تستفيدوون

[عيـون * الفجـر]

شكـــــــــرا ريان

ماقصرت ..

[شمـ بريدة ـوخ]

ازين

:D :D