فوتوشب إيه حكايتوووه معايا..!!!! [الأرشيف]

بريداوي أصيل

08-07-2006, 05:32 PM

السلام عليكم ورحمة الله وبركاته,,,,

للمحترفين بالفوتوشوب
ودي اسأل عن طريقة دمج صورتين

س 1 - إذا كان عندي صورتين ابخلي وحدة كانها شفافة والصورة الثانية تظهر خلفه

وس 2 - إذا كان عندي مثلاً صورة موتر وصورة اخرى لنفود
كيف ادخل صورة الموتر واحطه على صورة نفود..!!! :D

وفيه مشكلة إذا اشتغلت على الفوتوشب يعلق معي الجهاز ولا يزين إلا إذا اعدت تشغيله همن يضيع كل الشغل هل المشكلة بطريقة تنصيب البرنامج,,,,:o

وشكراً مقدماً :D

رسـّــــاوي

08-07-2006, 11:33 PM

هلا والله بريداوي

بالنسبة لسؤالك الأول ..

في نافذة الشفائف فيه شي اسمه Opacity وبالعربي الوضوح على ما أعتقد .. الاصل ان القيمة هذي تكون 100% .. اذا قللتها يعطيك النتيجة اللي تبي .. بس المهم انك تكون حاط الاختيار على الشفيفه المطلوبة

أما السؤال الثاني ..

فكل ما عليك انك تفتح كلا الصورتين .. صورة النفد وصورة الموتر .. عاد اذا كانت صورة الموتر جاهزة ما يبي لها تعديل كان بها .. واذا كنت تبي تعدل عليها وتقص الزائد بحيث انه ما يبقى في الصورة إلا السيارة .. ثم تقوم بعملية Drag and Drop يعني وبكل سهولة .. حط الماوس على الموتر .. اضغط على الماوس واستمر مع سحب الموتر واجدعه على النفود

أما المشكلة فمالي به علم

لك التحية

Samaa

09-07-2006, 02:22 PM

كفّى وو وفى أخوي المبدع رساوي

بخصوص المشكله

ممكن إن البرنامج ما حملته كامل

او إن الميموري عندك مافيه مساحة كافية لتشغيل الفوتوشوب

بريداوي أصيل

09-07-2006, 02:45 PM

هلا رســــــــــاوي
جزاك الله خير
النقطة الاولى ضبطت معي بس لقيته " تظليل "
لكن المسألة الثانية مادري ليش إذا سحبت الصورة اللي قصيته للصورة الثانية تطلع صغيرة جداً وشلون اخليه كبيرة ,,,

حبوبة
شكراً لتس
ودي اسألتس وشو القناع ووشي فايدته :D

Samaa

09-07-2006, 02:50 PM

لكن المسألة الثانية مادري ليش إذا سحبت الصورة اللي قصيته للصورة الثانية تطلع صغيرة جداً وشلون اخليه كبيرة ,,,

اضغط Ctrl+t

راح يطلع لك مستطيل محوط الصورة وطبعا لازم تكون مختار الصورة اللي ودك تكبرها من نافذة الطبقات

بعد كذا امسك زاوية هالمستطيل و انت ضاغط على زر الشفت عشان يكبر معك مع المحافظة على أبعاده الأصليه

حبوبة
شكراً لتس
ودي اسألتس وشو القناع ووشي فايدته :D[/quote]

لا شكر على واجب

القناع أو الماسك له استخدامات كثيرة و أنا استخدمه اكثر شي في دمج الصور

يعطيك نتائج حلوه فيها

رسـّــــاوي

09-07-2006, 02:52 PM

آها .. هذا يصير لأن أبعاد الصورتين مختلفة

مثلا تلقى وحدة 600×600 .. والثانية 200×200 فإذا سحبت الثانية على الأولى تظهر صغيرة جدا

ولتفادي هالشي عندك أحد طريقتين

الأولى انك تعدل مقاس الصورة عن طريق القائمة الثالثة IMAGE .. الصورة >> حجم الصورة أو أبعاد الصورة

أما الطريقة الثانية فهي انك عقب ما تنقل الصورة .. قم بالضغط على Ctrl+T .. التحويل الحر Free Transform

والعب بالصورة مثل ما تبي

أنا شخصيا أفضل الطريقة الأولى

لك التحية

رسـّــــاوي

09-07-2006, 02:52 PM

سبقتني حبوبه

ما قصرت

للجميع التحية والتقدير

بريداوي أصيل

09-07-2006, 11:28 PM

حبوبة
رســــــــــاوي
شكراً لكما فعلا طبقت الطريقتين وضبطن معي :D
جزاكم الله خير,,,
عاد إذا تبون اصمم لكم اي شيء تراي مستعد لاني صرت فلته <<< اخذن بروحه مقلب :p

مع تحيات المصمم بريداوي :p <<< من جد اخذن مقلب :D

Samaa

10-07-2006, 02:58 PM

شفت توقيعك وجيت ركض هنا عشان أقول رايي

يللا

ننتظرك وننتظر إبداعاتك :)

بريداوي أصيل

10-07-2006, 05:24 PM

شفت توقيعك وجيت ركض هنا عشان أقول رايي

يللا

ننتظرك وننتظر إبداعاتك :)

حبوبة وش رايك بالتوقيع ... من ناحية فنية هل عنتس عليه إقتراحات او إضافات
ترى هذا تقريباً اول توقيع اسويه :D

http://www.lo7a.com/up/uploads/8dde5060f2.jpg

رسـّــــاوي

10-07-2006, 05:37 PM

تبي رأيي أنا

طبعا بشكل عام .. حلو

لكن

الكتابة لو كانت أسمك (أعرض) وأكبر حجما شوي

خلها تأخذ مساحة أكبر حتى تكون أوضح

طبعا فيه شغلة ثانية .. قد اذا كبرت الكتابة نتلافها ..

اللي هي .. انك جزء من التدرجات في الخلفية لون أبيض .. أو على الأقل مقارب للأبيض .. وهي اذا يعطيك عدم وضوح في الكتابة بسبب عدم وجود التابين

تقدر تتلافى هذا الأمر بطريقتين (بالاظافة الا تكبير حجم الكتابة)

الاولى انك ما تستخدم اللون الأبيض في الخلفية نهائيا

أو انك ... تقوم بعمل تحديد للنص .. للأسف ما أعرف بالعربي وش اسمه .. لكن بعلمك وين محله

تروح للقائمة الرابعة (Layer) وتختار منها الاختيار الخامس (Layer Style) .. ومن ثم تختار الاختيار 11 (Stroke) .. حدد سمك التحديد واللون المطلوب

لك التحية والتقدير

وإلى مزيد من التوفيق

بريداوي أصيل

10-07-2006, 09:38 PM

رســــــــــاوي
فعلا ملاحظتك في محله .... لكن عجزت القا الايقونة Bold اللي تخلي الكتب دبي :D
بس حاولت وشف وش طلع معي .... ما ادري هل هذي اللي كنت تقصد ... لاحظ المقارنة .... وعطنا رايك بالصورة الثانية :D

http://www.lo7a.com/up/uploads/8dde5060f2.jpg

http://www.lo7a.com/up/uploads/419851675e.jpg

:D

رسـّــــاوي

10-07-2006, 11:26 PM

جميل جدا

كذا أفضل

بس أنت أولا ليش ملزم على هذا الخط

ثانيا كبر حجم البنط كله .. مهب بس تسويه BOLD

عموما بالنسبة لـ BOLD فيه قائمة DROP MENU مجاورة للقائمة اللي تختار نوع الخط من خلالها ... اذا فتحت هالقائمة تلقى خيار BOLD فيها .. لكن لاحظ ان بعض الخطوط ما يمكن تسويها BOLD

بالنسبة لحركة الـ STROKE .. لو تلاحظ أعطت الكتابة شكل ... لكن شكلك خليتها على السمك الاصلي اللي هو 3 ... نزله الى 2 أو 1 حتى حسب حجم الخط .............

على فكرة أنت كيف تحفظ التصاميم اللي تسويها ..

أحسن إنك تسوي شي غلط

وبعدين يا حلو .. وراك ما تستخدم مركز التحميل اللي في المنتدى ... أحسن لك

لك التحية

:)

بريداوي أصيل

11-07-2006, 01:03 PM

هلابك رســــــــــاوي
صراحة الخط عندي إن شكله جميل ... وفعلا بعض الخطوط ماتقبل تكون Bold
وبعدين جربت خط ثاني وشف وش طلع ... ماعليش الشدة عيت تطلع زين إذا كتبته تطلع تحت السين ومير استغني عنه :D

http://www.lo7a.com/up/uploads/cc7d333cb4.jpg

اما حركة الـSTROKE صراحة رهيبة وتعطي الكتب شكل جميل
بالنسبة لحفظ التصميم
الطريقة اللي اسوي هي
ملف ... حفظ باسم ... ثم اختار اسم التصميم واختار من المستطيل اللي تحته الامتداد Jpg
ثم حفظ بعدها تطلع نافذة ثانية اختار منه الجودة ثم حفظ ....
هذي طريقتي ما ادري هل هي خطأ او صح ...

اما مركز التحميل اللي في المنتدى تصدق مافكرت استخدمه تبي تقولي ليش اقولك مادري :D

..

رسـّــــاوي

11-07-2006, 02:11 PM

هلا بريداوي

شكل الخط كذا أحلى

بس الـ Stroke سميك .. جرب حطه 2 بدل 3

طبعا ما حلى التصميم إلا إنك حطيت رساوي بدل بريداوي :)

طريقة الحفظ هذي صحيحة ..

بس بعد فيه طريقة ثانية

تحط.. File>Save for Web

على فكرة اذا استخدمت طريقة الحفظ الاولى ... تقدر تحفظ اي تصميم باستخدام صيغة psd بس هذا ما تحفظ على انها صورة .. لكن تحفظ على انها ملف فوتوشوب .. بحيث انك تقدر تقوم باي تعديل لاحقا وبكل سهولة

لك التحية

بريداوي أصيل

11-07-2006, 03:11 PM

بس بعد فيه طريقة ثانية

تحط.. File>Save for Web
هالطريقة حلوووة احس إنه للإنترنت افضل

هذي السمك 2 بدال 3 ولاحظ الفرق

http://www.lo7a.com/up/uploads/6e71e00670.gif

وهذي تجربة ثانية:D

http://www.lo7a.com/up/uploads/9a7656b9a4.gif

:D

رسـّــــاوي

11-07-2006, 03:23 PM

حلو حلو

بس وراك بتلت على الأسود

يعني في التصميم الأول التحديد الأسود مناسب

لكن في الثاني ... ما طلع حلو ... جرب الأحمر أتوقع يطلع أحلى من الأسود !!

Samaa

11-07-2006, 05:22 PM

ما شاء الله عليكم

رساوي وبريداوي أصيل

رهيبين والله

بريداوي أصيل

11-07-2006, 05:52 PM

رســــــــــاوي
الكتب بالون الاحمر فامايبين التحديد إذا كان احمر .... بس غيرت اللون وحطيته فسفوري :D

http://www.lo7a.com/up/uploads/6221ec1f7c.gif

رسـّــــاوي

11-07-2006, 09:24 PM

بريداوي أصيل

أنت رهيب

واصل واصل ..

غديك تطلع أحسن من .. تحمست يومين .. وهمن خقيت :)

لك التحية والتقدير

رسـّــــاوي

11-07-2006, 09:27 PM

كيف الحال ..

:)

:)

<<< كني ما كررت الرد

بريداوي أصيل

11-07-2006, 11:10 PM

شكراً حبوبة

شكراً رســـــاوي

طيب وش رايكم بهذا .... :D

http://www.lo7a.com/up/uploads/a830041563.gif

رسـّــــاوي

11-07-2006, 11:26 PM

آها .. ممتاز

ممتاز

اذكر حبوبه مرة قالت لي وأنا في بداية تعلمي على الفوتوشوب (بالمعنى وليس بالنص).. الآن انطلق في عالم الفوتشوب اللي ماله نهاية

تحياتي