ذكرى
06-07-2006, 04:43 PM
.
.
.
ثلاث سنين انا اخطط لهذا اليوم يابو سعود .. تيسر حالي وجاهز اوفي وعدي بوقته
وفجأه جتني تتعذر تقول تاخرت الوعود .. وانا مستغرب واسمع كاني وعدها خنته
حسبت انها تمازحني وتتصنع جفا وصدود .. ضحكت بوجها من قلب مع انها بايخه النكته
وقالت ارضى بالواقع قلبي ماهو المعهود .. تغير كل شي صوبك نصيبي مااظن انت
كنت فيوم محبوبي ولكن مااظن نعود .. وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود .. ترى ماخنتك بغفله ولا كلمته وشفته
بصراحه .. اهلي قالولي بانه ولد اصل وجود .. وجتني امه بالصوره وبكلمات المدح اخته
سكت وقلت هي فرصه مدام الجود في الموجود .. وقالوا كل من حولي علامات الرضى سكته
وانا فكرت دام امه واخته ماعليهم زود .. اكيد اني براضيهم اذا وافقت واخترته
واراضي اهلي واخواني مدام ان الفرح مقصود .. عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود .. اوافق واعتذر باجر واقول الراي غيرته
تبي تشرح لي المنقود تصدق عاد يابو سعود .. تبيني اقتنع وارضى بحال عمري ماعشته
انا ماني بقايلها عسى يفرش ثراها ورود .. بعد ماحطمت حلمي وطعم الموت جربته
عسى بفستانها اشواك وفي ثوبه عقارب سود .. ونار تحرق الكوشه وتحرق بيتهم حتى
وموت بليلة الدخلة يبرد حرتي ياكود .. ولا احس انها بحضنه يلامس خد لامسته
علي اهون اذا ماتوا ولابنفس السرير رقود .. ترى صعب علي اتخيل اللي ماتخيلته
عسى قاع الثرى يقسى ويتحول صخر جلمود .. وحفار القبر يرفض يسوي فوق مقدرته
ترى دفنة عديم الذات تلوع حتى جبد الدود .. ومن خان العهود ومات تعافه حتى مقبرته
عسى ربي يجازيهم بحبل من مسد ممدود .. يعلقهم من اطرافه وفوقه نار وتحته
انا ماني حقود وشين ولاني من نسل نمرود .. ومن حط نفسه بوضعي بيقول اللي انا قلته
مادام الفعل له ردة فعل والله ابشري بردود .. بدعي دامني حي وبغرس للدعا نبته
وبسقيها نزيف القلب ودمع مارحم الخدود.. وتكبر والثمر ثاري من اللي خانني وخنته
انا نذر علي اكتب وافجر هالقصيد رعود .. واسمع كل بشر صوتي عجبته ولا زعلته
واردد للي يسمعني اذا حبيت حط حدود .. انا حبيت دون حدود وشوف اللي تكبدته
ثلاث سنين انا ابني وجت صوره بكل برود .. خذت مني شقى عمري وحلم قلت حققته
ثلاث سنين انا اخطط لهذا اليوم يابو سعود .. وتوافق من كلام اخته وصوره اربعه في سته
.
.
ثلاث سنين انا اخطط لهذا اليوم يابو سعود .. تيسر حالي وجاهز اوفي وعدي بوقته
وفجأه جتني تتعذر تقول تاخرت الوعود .. وانا مستغرب واسمع كاني وعدها خنته
حسبت انها تمازحني وتتصنع جفا وصدود .. ضحكت بوجها من قلب مع انها بايخه النكته
وقالت ارضى بالواقع قلبي ماهو المعهود .. تغير كل شي صوبك نصيبي مااظن انت
كنت فيوم محبوبي ولكن مااظن نعود .. وصل من قبل ماتوصل وانا ذاك الصبر عفته
ولكن تكفى صدقني ويشهد ربي المعبود .. ترى ماخنتك بغفله ولا كلمته وشفته
بصراحه .. اهلي قالولي بانه ولد اصل وجود .. وجتني امه بالصوره وبكلمات المدح اخته
سكت وقلت هي فرصه مدام الجود في الموجود .. وقالوا كل من حولي علامات الرضى سكته
وانا فكرت دام امه واخته ماعليهم زود .. اكيد اني براضيهم اذا وافقت واخترته
واراضي اهلي واخواني مدام ان الفرح مقصود .. عطيت الناس انا كلمه ومعاهم وقتي حددته
ولا اقدر اغيرها ترى عند العرب منقود .. اوافق واعتذر باجر واقول الراي غيرته
تبي تشرح لي المنقود تصدق عاد يابو سعود .. تبيني اقتنع وارضى بحال عمري ماعشته
انا ماني بقايلها عسى يفرش ثراها ورود .. بعد ماحطمت حلمي وطعم الموت جربته
عسى بفستانها اشواك وفي ثوبه عقارب سود .. ونار تحرق الكوشه وتحرق بيتهم حتى
وموت بليلة الدخلة يبرد حرتي ياكود .. ولا احس انها بحضنه يلامس خد لامسته
علي اهون اذا ماتوا ولابنفس السرير رقود .. ترى صعب علي اتخيل اللي ماتخيلته
عسى قاع الثرى يقسى ويتحول صخر جلمود .. وحفار القبر يرفض يسوي فوق مقدرته
ترى دفنة عديم الذات تلوع حتى جبد الدود .. ومن خان العهود ومات تعافه حتى مقبرته
عسى ربي يجازيهم بحبل من مسد ممدود .. يعلقهم من اطرافه وفوقه نار وتحته
انا ماني حقود وشين ولاني من نسل نمرود .. ومن حط نفسه بوضعي بيقول اللي انا قلته
مادام الفعل له ردة فعل والله ابشري بردود .. بدعي دامني حي وبغرس للدعا نبته
وبسقيها نزيف القلب ودمع مارحم الخدود.. وتكبر والثمر ثاري من اللي خانني وخنته
انا نذر علي اكتب وافجر هالقصيد رعود .. واسمع كل بشر صوتي عجبته ولا زعلته
واردد للي يسمعني اذا حبيت حط حدود .. انا حبيت دون حدود وشوف اللي تكبدته
ثلاث سنين انا ابني وجت صوره بكل برود .. خذت مني شقى عمري وحلم قلت حققته
ثلاث سنين انا اخطط لهذا اليوم يابو سعود .. وتوافق من كلام اخته وصوره اربعه في سته