دعوة تعاااااااااااااااااارف

[رساوية]

السلام عليكم ورحمة الله وبركاته...

بما اني عضوة جديدة على المنتدى حبيت أتعرف عليكم اذا كان ودكم..

لكن أرجوا الصدق في المعلومات واللي بيألف من عنده يسكت أحسن له يعني ياتصدق أو تذلف>>ماعنده وقت

فياليت كل واحد وده نتعرف عليه يكتب عن نفسه لنزيد التعارف ولكن أرجع وأقول الله بالصدق..

أما عن نفسي أنا رساويه من الرس>>>اسمك رساويه يعني من وين من لندن!!!!
متزوجه وأنتظر مولودي الأول والجديد عن قريب يعني بس كم يوم انشاء الله
هواياتي الكمبيوتر سابقا وتجميع خلقان لولدي حاليا..
أكره التسبيع والكنس..
أحب الأفلام الهنديه لأني أموت على الصياح إذا مر يوم وأنا ما صحت يضيق خلقي..
هذي كل المعلومات اللي تحضرني الحين ولما أتذكر شي راح أزيدكم بس الله الله بردودكم..

اختكم الحلوة...رساوية:p :p

[Samaa]

ههههههههههههههههههههههههههههه


ضحكتيني وربي


الله يفرج عليك بالسلامه

و الله يجعله من مواليد السلامه

[أسيف]

هلا بالرساويه اكيد كلك ملح اجل
وانا مثلتس رساااويه
ومتزوجه مثلتس
هوايتي الكمبيوتر والسفرر
احب الطبخ وتجميع كل ماهو جديد من حلى وصياني وبسسسسسسسسسسس

[أسيف]

اي صح نسيت اقولتس الله يهون عليتس
ويرزقك الولد الصالح

[ديــمـا]

:D

الله يهون عليتس

امانة تعلمينا لاولدتي عشان نسير عليتس كلنا
ونحفلتس

:D :D :D

[نوف]

هلابك رساويه .. معنا هنا

انا بريداويه .. ساكنه الرياض :)

تولدين بالسلامه ان شاء الله .. وربي يهون عليك

[رساوية]

هلا حبوبه..أنا ماقلت ادعي لي أنا قلت اكتبي شي عن روحتس يمل الصلاح بس يالله العوض ولا القطيعه دعوة تكفي يمل العااااااااااااافية...

دمعه مقهورة اشوا فيه أحد متزوج أحسب بس أنا العجوز بينكم...وبعدين ماشاء الله عليتس طباخه>>>أجل اذا ولدت لاتنسينا من الحلى ترى عندنا ضيوف لزقات يفرحون اذا سمعوا ان وحده مولده تلقينهم جايين فطور وغداء وقهوه وعشاء ولا وبعد يجون بين الوجبات

ديما...شكلك مارديتي الا عشان تلقين لك مشوااااااااااااار بالعطله وتدوجين:36_5_11[1]: بس تدرين دام فيها حفااااااااااااااله حياتس الله بس حفالتس قبلك:p ...

نوف شرفتينا أنتي وأهل بريدة مع ان بي عقدة منهم بس يالله عشانك نحاول نتخطى العقدة..

طيب وين الباقين والا أعضاء المنتدى بس أربع!!!!!!!!!!!!!!!!!:confused: :confused:

[الموووج]

هههههههههههههههههههههههههههههههههههههههههههههههههههههه
<<< ميت ضحك على رد رساوية الاخير


ياهلا والله وغلاا اختي رساوية

والف مبرووك والله يهوون عليك ويرزك الولد الصالح البار انشاء الله



تبين اكتب لك عنهم انا ؟ <<< للحين ما تاب قبل كم سنه حط موضوع عن الاعمار وبغوو يجلدوونه :36_1_19[1]:


بالنسبه لي انا موزمبيقي من الفلبين عايش بايران وهواياتي القراءة والسباحة وركوب الخيل ولا تهون جمع الطوابع :c008:


لا عااد امززززح انا سعودي من منتدى القصمان بعد
هواياتي الكمبيوتر وقراشيعه ومشاكله و مدري شبعد يمكن اكمل بعدين :36_11_10[1]:


يالله عااد تراي رديت عشان ما تقولي ان ما فيه الا اربعه ( وجه ميت ضحك)

فمااااان الله

[رساوية]

هلا الموووج


اشوا سعودي انت احسبك لبناني بس حلو اللي نبهتنا...

انت واجاباتك اللي مثل خشتك أقول اعقل ورد رد سنع والا انزلع((انقلع)):cool:


بس يالله مايخالف نتلهى بام شوشه لما تجي المنقوشه


ننتظر المزيد...

اشوا صاروا أعضاء المنتدى 5 ولله الحمد والمنة

[ياسر]

طاااااااااااااااااااااااااط
<<< جاي يمشي تالاف وخمس وثلاثين ريال وهللتين
احم
بسم الله
اعرفكم بنفسي
ياسر .....من الاسم يتبين لكم اني من الرس :D ... متزوج ومبسوط ولله الحمد وعندي من الابناء 3 الله لايخلي عيني منهم يارب ....
العمل / اشتغل شغلة طيبة ولله الحمد وبراتب زين بس اكره دوامي ...تسذا من الله
الحالة الإجتماعية / مر ذكرها
الحالة اللي مهيب اجتماعية / ماتم ذكرها
ويكفي الظاهر
احسبينا يارساوية صرنا ستة كككككككككك

[رساوية]

مبروك لقد تم اضافة عضو سادس...



ياسر...هلا فيك تصدق ذكرتن بولد جيراننا اسمه ياسر لايكون النذل تزوج ولا عزمنا على عرسه...

أخبار عيالك ماودهم يتعرفون على واحد جديد...انشاء الله اذا جاء ولدي ابجدعه عليهم عشان يربونه.....


أما عن الدوام الله ياخذ ابليسك ذكرتن بالأيام السوداء أيام الدوام الزفت>>بس خلاص ابحول فراشه احسن لي.
مشكووووووووووووووووور على مرورك وننتظر ذكر الحالة اللي مهب اجتماعية>>من الرس يعني البلاغة فطرة بي.....


وين الباااااااااااااااااااااااقي

[ذكرى]

سلاااااااااااااااااااااااااااااااااااااامز


انا رساوية بعد بس سااكنه بالرياض


بالعشرينات من العمر


هواياتي النت بعد والدوجة

ممممممممممممممممم

وش بعد

ادرس بالكليه

الظاهر هيك بدك يعني يكفي

[بنت الشيحية]

هلا رساويه

اعرفتس بنفسي شيحية بنت القصمان

متزوجهولله الحمد رغم بعض المشاكسات:D يعني مثلتس عجوز:D لي شمعتين ربي يخليهم لي ويخلي لتس ويهون عليتس يارب

عمري بالعشرينات

هواياتي منول قبل النت الكتابه على دفتر ابو 100 واخلصه بيومين>>أرنوب صغير:D

والحين منكبه بالنت:D

مثلتس اكره التسبيع وترويش العيال:D بس الكنس ماعندي مشكله

يعني بالمختصر شغل البيت مايشكل علي بس شغل البزران مااواديه:( كذلك الطبخ اكررررررره

أتوقع مابقى الا وصف بيتنا

الا على فكره تراني بالرياض ووصف البيت بيجيتس بالفاكس:eek:

[رساوية]

أطلق وحده لا تنسينا اذا كان عندك مشوار اعزمينا تراي طفشانه هاليومين...

بنت الشيحية من زمان وأنا ودي أسأل بس مستحيه:p >>مايليق

بس وش أصلح البلاغة طغت على الحياء..انتي نفسك اللي بمنتدى الرس اكس بي...


وعلى ترويش العيال أن أقول خليهم يصنقون ازين وشو له النظافه بس لا تصلحين شي يتعبك..



ننتظر

[بنت عنيزة]

مساء الخير رساوية ..

اولا الله يهون عليتس يارب ..

ثانيا .. انا وردة نجدية باريسية من باريس نجد يعني جيران حنا والرس ..

هوياتي .. النوم http://www.alqosman.net/vb/images/smilies/biggrin.gif ومشاهدة التلفزيون وخاصة المسلسلات الشامية ..
أحب الطبخ ودائما اقول لأهلي راح اسوى لكم اليوم اكلة ولا كل الأكلات بس للأسف
احيانا ما تطلع الاكلة زينة لاني اخذ مقاديرها من مواقع الانترنت ..
بس حبة حبة واطلع احسن طباخة بالعالم http://www.alqosman.net/vb/images/smilies/biggrin.gif

نورتي المنتدى ..

[رساوية]

الصقر...ابشر بالصورة بس انت خل أولد وأرتاح من كابوس الولاده وراح ارسلك أحلى نونو بالدنيا الله يخليه لي وللشعب السعودي وللأمة العربية والعالم كله..

وردة نجدية...أنا كنت مثلك ولازلت بالطبخ مرة تصيب وعشرة تخيب والشي الوحيد اللي أضبطه المكرونه بس خلي عنك خرابيط النت وخوذي كتاب نخبة الأطباق لأمل الجهيمي...جناااااااااااااااان وروعه......


مشكورين عالمرور والله يخليكم للأمة العربية..

مازلنا ننتظر المزيد..

[لحن الحياة]

حياك الله رساويه
منورره المنتدي00

[النمر الأسود]

هههههههههههههههههههههههههههههه

أول مره اضحك من قلب ما أدري ليش ؟؟؟؟؟؟؟؟ تذكرت خالاتي لا بدن يتهاوشن مثل هرجكم

عموما شرفتينا رساوية في بيتك الثاني منتدى القصمان ، والله يسهل عليك بمولودك

ويتربى في عزكم 0


أما عن بطاقة التعرف ، فالله يستر بس خوذيها مني وهي كالتالي : ــ

الأسم / النمر الأسود

الهواية / كتابة القصص وتربية الحيوانات المفترسة 0

السكن / البكيرية سابقا ً ــ عنيزة حاليا ً ــ باريس نجد

وبس

وشكرا ً

[رساوي منتهي]

رساوي منتهي <<<هاذا اللقب<<<الاسم <<عبدالرحمن بن عبدالله<<<من الرس عمري 21 <<فاكن الله من الزواج وللاه الحمد<<<هواياتي النت اكتشاف الاشياء الغامضه احب اتعلم بنفسي <<

موضف وللاه الحمد وادرس بنفس الوقت وعما قريب الدبلووووووم انشاء الله

[™ЯΘΘnA]

السلام عليكم ورحمة الله وبركاته...

بما اني عضوة جديدة على المنتدى حبيت أتعرف عليكم اذا كان ودكم..

لكن أرجوا الصدق في المعلومات واللي بيألف من عنده يسكت أحسن له يعني ياتصدق أو تذلف>>ماعنده وقت

فياليت كل واحد وده نتعرف عليه يكتب عن نفسه لنزيد التعارف ولكن أرجع وأقول الله بالصدق..

أما عن نفسي أنا رساويه من الرس>>>اسمك رساويه يعني من وين من لندن!!!!
متزوجه وأنتظر مولودي الأول والجديد عن قريب يعني بس كم يوم انشاء الله
هواياتي الكمبيوتر سابقا وتجميع خلقان لولدي حاليا..
أكره التسبيع والكنس..
أحب الأفلام الهنديه لأني أموت على الصياح إذا مر يوم وأنا ما صحت يضيق خلقي..
هذي كل المعلومات اللي تحضرني الحين ولما أتذكر شي راح أزيدكم بس الله الله بردودكم..

اختكم الحلوة...رساوية:p :p


ههههههههههههههه

ياحليلك كبيتي كل شي :D

الله يهون عليك ويرزقك الولد الصالح :)

حياكي حبيبتي بيننا :)

[السامر]

هلا وغلا

البيت بيتك

والله يسهل عليك