عبــــــــــــــاية الفراشه

[أسيف]

الســــــــــــــــــــلام عليـــــكمـ

عباية "الفـــراشة" وعباية "الوطواط".......

أنتشرت بشكل خيالي

عباية الفراشة/ الوطواط.

معروفة بأنها عبايات فضفاضة وواسعة..مما يجعلها تئدي دورها في الستر

وأنا من وجهة نظري أشوفها أحسن من اللي قبلها (العباة المخصرة والضيقة)..

ســـــــــــــــؤالي ؟؟؟؟؟؟؟؟؟؟

هل هذي موضة دينية وفي صالحنا أو موضة صهيونية ضدنا..

[دلال]

مساء الورد دموووعه

الصراحه ما شفت ذا العباه لكن اذا كانت سوداء ومهيب مزركشه وواسعه وفضفاضه
اشوف ما فيها اي اشكاليه
لسبب بسيط وهو كل شي قابل للتغيير والتحسين
اهم شي ما تكون مبرزه للجسم وخلافه

دمتي حريصه

[ツRose Lover]

واسعة وفضفاضة لكنها وللأسف على الكتف شفتها كثير.....................

[وتــيــن]

انا من ناحيتي انها مهب زينه لان البنات يبدون عاد يتطورون

شيئاً فشيئاً وبالنسبه للبنات اللي يلبسونه ازيلهم تسترهم

اقصد البنات اللي مافيه امل انهم يلبسون بايه على الراس

والله يهدي كل البنات يارب

واصل العبايه ستر ولاهيب زينه

وشكرا دمووووووووعه

[عيـون * الفجـر]

صحيح إنه أفضل من الي مخسره

لكن على الكتف..!!

وأنا أشوف كثير يلبسونه
بس تصير ماسكة على المعصم أول اليد ويصير عليه قطع ملونه

مادري مادخلت مزاجي ..

وبعدين هذي عباية ليش الموضات

كله للستر مب فستان ..

[جلنار]

انا عندي اشد من المخصرة
<<<<لان هذي كانت معروف الحكم فيها شرعا واجتماعيا..
بس هذي دخلت مزاج ناس عاقلين لانهم يعدونها ساترة ...<<وانا اشوف انها فيها زينة
والعباية للستر مب لزينة

[شقحه الحضريه]

انا شفت انواعه منها
فيه اللي مخيطه مع الجوانب مخصره وطالع منها الزيادات
مدري شلون اوصفه
وفيه اللي تكون طايحه مره يعني القماش مره طايح على الجسم
اعتقد ان مثله مثل المخصره

[أسيف]

كلنا نقول عبـــــــــاية الراس تـــــــاج على روسنا كلنا

الصقر
دلال
اسيل

وتــيــن
عيـون * الفجـر

جلنار

شقحه الحضريه

سعدت بارئكم وحضوركم

[نبض الحياة]

بصراحة انا لما شفتها انبهرت بمظهرها

لانها ملفته حقيقتا! و ما ايدت الفكره اني اكون لابستنها مثلا

فاليوم رحت افصٌل عباه...فشفت العجب ...مما اثار إعجابي بهذي العباة بالذات لكن حكمت عقلي بالنهاية و قلت مثل ما انا مبهورة فيها الحين قبل اللبس عيل كيف بعد
ما البسها و امام الناس! أكيد بكون ملفته

و هكذا بكون فتنه....فابعد عنها احسن و أغني لها..........و هذا رايي و سلمتوا

طرح جميل أختي :)

[ذكرى]

كلنا نعرف ان المراة اذا ماتت تكفن بعبائتها

فخلي عبائتك تشرف انك تتكفنين وتلقين ربك فيها

هذي وجهة نظري

بعدين الفراشة والسمكة والاوطواط والجرادة ومدري وش بعد

كلها زينه وليس من الاصل ستر الزينة بزينه

خلكم عقلانين

يعني لو شفتو وحد لابسة عباية راس عاجية وحدةلابسة الفراشة ايهم تلفت نظرك اكثر؟؟

[ليمونه حامضه]

أنا بنظري عباية الفراشه للي يلبس عباية كتف عاديه أحسن له..
أما وحده تلبس عباية راس وتتركها عشان عباية الفراشه ساتره أشوف هذا غلط وانا ماأدري..

[الفارسة%...]

والله ياأختي العزيزه

طرح جيد وسؤال من وحده غيورة على دينها


لكن ابقول لك كلام عن الحجاب سمعته وصرت اردده لكل وحده تلبس وهي انه الصلاة لما فرضت منذ 1427 سنة هل تغيرت هل كانت صلاة الظهر اربع ركعات والآن اختصرناها الى الركعتين
الصلاة هي هي كما فرضت لهذا لماذا التغيير بالحجاب الحجاب هو هو كما فرض
فمن غيرت في حجابها غيرت في دينها !!!...


هذا والله أعلم

[قمر الزمان]

والله ياأختي العزيزه

طرح جيد وسؤال من وحده غيورة على دينها


لكن ابقول لك كلام عن الحجاب سمعته وصرت اردده لكل وحده تلبس وهي انه الصلاة لما فرضت منذ 1427 سنة هل تغيرت هل كانت صلاة الظهر اربع ركعات والآن اختصرناها الى الركعتين
الصلاة هي هي كما فرضت لهذا لماذا التغيير بالحجاب الحجاب هو هو كما فرض
فمن غيرت في حجابها غيرت في دينها !!!...


هذا والله أعلم
صدقت.....................

[ديــمـا]

برأيي

الحجاب ماله شكل ولا تصميم ثابت

اهم شي تندرج فيه المواصفات المعروفة شرعاً

انا اشوف الفراشة ساترة فيه موديلات منها فيها الوان وخرابيط

وفيه بعضها لا

عموما اهم شي مايفصل الجسد ولايبين ماتحته

[™ЯΘΘnA]

يعطيكي العافية

وكلام الفارسة 100%100 صحيح

الله يجزاها خير ويهدينا يارب

[القشراء]

تشكررات دموووعه صدق الحين البنات الله يهدين يلبسون كل جديد في العبائات بدون
مايحكمون عقلهمـ..:36_19_1[1]:
قبل فتره كنت في حفل وكانت اللي بجنبي مره الله يهديه عباته كانت الوطواط والاقمشه اللي طايحه على جنب ذهبببي بشكل ملفت والله ما اقول الا الحمد لله والشكر.. آخر زمن عبايه مزخرفه بذهبي :c038:

[شمـ بريدة ـوخ]

وعليكم السلاااااام والرحمه

كلنا نعرف وش حكم العبايات الي ظهرت وحكم لبسها وايش هي مواصفات العبايه الشرعيه
مافي احد يجهل الاحكام ولا فيه عذر للي يلبسنهن
لكن الي ابي اقوله هو
عباءة المرأة تاجها فهل يوضع التاج على الرأس ام على الكتف ؟؟؟؟؟؟؟!!!!!!!
( واللبيبه بالاشارة تفهم )
.

[عواطف]

السلام عليكم ..

اذا صرتي بالبر وعند البحر ـ مثلا مثلا ـ وش تلبسين ..؟ تقعدين بعباتك حقت الراس عشرين طعش ساعة والابجلال مايستر..؟

أنا عندي عباية كتف كنها العباية اللي تسمى اسلامية مخيطة من الامام ومافيها غير فتحة راس" البسها على كتفي "يعني جلابية سادة سواداء وسيييييييييييييييييييييعة" .. وفوقها زي حجاب المصريات بس اقصر شوي ويسمونه الحجاب الكويتي .. هذا بالسفر والرحلات بس.

[عواطف]

بالمناسبة .. اشوف ان العباية ـ التي ذكرتُ ـ مستوفية شروط الحجاب الشرعي الثمانية :

ساتر لجميع البدن، ليس زينة في نفسه، لايشف ما تحته ، واسع فضفاض غير ضيق وحجابي الكبير مايحدد كتوفي وشكل جسمي، غير معطر، لايشبه لباس الرجال لانه مخيط من الامام ومشلح وبشت الرجل كتافي مفتوح من الامام، لايشبه لباس الكفار وليس ثوب شهرة.

أفتونا مأجورين ..؟

[جلنار]

8
8
ان الحمد لله نحمد ه ونستعينه ......<<<صدقت عمرها بتفتي :D
<<<
لالالا ... الصراحة انا مثلك اشوفها ساترة ووحدة قالت لي عليها تقول البسها بالسوق ..
صرااحة عجبتني .. بس عجزت اشريها احسني اذا لبستها احس اني مصرية استحي ..<< ماادري وش زودنا عنهم :)

عااد تدرين يمكن نروح مكة وافكر اشريها ...
تعرفين محل بالرياض يبيعها <<< عشان اسرع لي .. مافي وقت وماعندي احد كيفي يدور بي الاسواق
ادورها

[طايرتن بالعجة]

عباءة المرأة تاجها فهل يوضع التاج على الرأس ام على الكتف

هل هذا القول آية من القرءان .. أم حديث لرسول الله ..لنلزم باتباعه !!


العباءة للستر .. مهما كان وضعها .. على الرأس أم الكتف .. المهم أن تستر البدن فلا تشف ولا تصف ..


والعباءة الفراشة منها ما يصف الجسم وهي المجنحة التي خيطت من تحت الكم الى الأسفل .. <<< وهذه فعلا برغم جمالها أنأى بنفسي عن لبسها


ومنها ما يستر الجسم وهي غير مجنحة .. <<< تنطبق عليها شروط الحجاب الشرعي

كيف نحكم عليها بأنها غير ساترة لمجرد أنها توضع على الرأس !!

أنـا ألبس هذه العباءة وفي الأسواق بشكل خاص .. ولن أرض لنفسي غير الستر ..

لا أعلم لم العادات عندنا تعيق عقولنا عن التفكير !!!!!!!

[رايقة]

تصدقون مرة شفت وحده بغرناطه كان شكله مره جذااااااااااب وكانها بتنزف ليلة زواجها
المصيبه انها كانت لابسه عباية راس مخصره من الاعلى ووسيعه من الاسفل كانها ((كالوش))
المهم انها كانت لابسه لثامه اوبرقع وسسيع والله ماتذكر
المهم انها تمشي وتتمطرخ وتنورتها بيضاء مبينه من فتحات العبايه على جنب
بس كان شكله بصراحه شئ
كانها حلاوة ملفوفه((الله يهديها)) حزنتني بشكلها
بالنسبه لععبايه الفراشه احس نها تبرز الصدر!!
والله يهدينا

[طايرتن بالعجة]

بالنسبه لععبايه الفراشه احس نها تبرز الصدر!!
والله يهدينا


لن يبرز اذا كانت الطرحة كبيرة تستره ..

[ديــمـا]

انا البسها تقريباً بكل مكان وزي ماقالت طايرة
البس معها طرحة كبيرة
مرة مريحة وساترة

لاتقعدون تفتون الله يعافيكم :D

مافي شي يقنن شكل الحجاب
اهم شي تنطبق عليه الاحكام الشرعية

[رايقة]

طيب سؤال؟؟
هل تقومين بتغطيه الرأس والعيون؟؟
والا تحطين الغطاء على الراس بدون تغطية العيون؟؟

[عاشقة الجنة]

سبحان الله ..
أستغرب من بعض الردود هنا - ومن غير تحديد - ..

أولاً مو أنتم اللي تفتون ..
والله سبحانه وتعالى يقول : (( فاسألوا أهل الذكر إن كنتم لا تعلمون )) ..

مو كل أحد يفتي من راسه ..
واعلموا إنكم محاسبون على كل كلمة ..
ولو أحد بيمشي على كلامكم بيجي يوم القيامة بيتمسك برقابكم وبيقول : ياربي هم من أضلون ..

اتقوا الله فيما تقولون .. ولا تفتون وأنتم لا تعلمون ..
العلماء وهم العلماء اذا ما عرفوا قالوا : لا أعلم ومن قال لا أعلم فقد افتى ..
فما بالنا نحن نفتي بلا علم :(

عباية الفراشة ملفتة للانتباه .. وتبين الصدر بعد ..
عن نفسي شفت وحده بسوق خريص بلازا وبجد كانت اكبر فتنه ..
انت يالحرمه لما تشوفينها تعجبين فيها فما بالك بالرجال ؟؟!

اختي الصغيرة - توّها بزر - ..
المهم الا الا تقول اشتروا لي عباة ..
يا بنتي انت توّك صغيرة وكله واحد ..
شرينا لها الفراشة .. وعن جد كانت روعة عليها ( وهي بزر ) ..
وكل من شافها قال مملحتها العباة << لو كبيرة وش قالوا ؟؟!

بحثت في النت عن حكم عباة الفراشة ولم أجد للحين ..
لكن لقيت فتوى عن عباة الكتف ( وتدخل فيها الفراشة ضمناً لأنها عباة كتف ) ..

وهذا نص فتوى رقم 21352 بتاريخ 9/2/1421هـ من اللجنة الدائمة للبحوث العلمية والإفتاء برئاسة الشيخ عبدالعزيز آل الشيخ وعضو هيئة كبار العلماء الشيخ عبدالله الغديان وعضو هيئة كبار العلماء الشيخ بكرأبوزيد وعضو هيئة كبار العلماء الشيخ صالح الفوزان

نص الفتوى : العباءة الشرعية للمرأة هي "الجلباب" وهي ماتحقق فيها قصد الشارع من كمال الستر والبعد عن الفتنة وبناء على ذلك فلابد لعباءة المرأة أن تتوافر فيها الأوصاف الآتية:
أولاً : أن تكون سميكة لاتظهر ماتحتها, ولا يكون لها خاصية الالتصاق.
ثانياً : أن تكون ساترة لجميع الجسم , واسعة لاتبدي تقاطيعه.
ثالثاً :أن تكون مفتوحة من الأمام فقط , وتكون فتحة الأكمام ضيقة.
رابعاً ألا تكون فيها زينة تلفت إليها الأنظار , وعليه فلا بد أن تخلو من الرسوم والزخارف والكتابات والعلامات .
خامساً : ألاتكون مشابهة للباس الكافرات أو الرجال.
سادساً : أن توضع العباءة على هامة الرأس ابتداء .

وبناء على ذلك لايجوز لبس أي من العباءات التي لم تتوافر فيها الشروط الواجبة ولايجوز كذلك استيرادها ولا تصنيعها ولا بيعها وترويجها بين المسلمين لأن ذلك من التعاون على الإثم والعدوان والله جل وعلا يقول ( ولا تعانوا على الإثم والعدوانواتقوا الله إن الله شديد العقاب) واللجنة إذ تبين ذلك فإنهاتوصي نساء المؤمنين بتقوى الله تعالى والتزام الستر الكامل للجسم بالجلباب والخمار عن الرجال الأجانب طاعة لله تعالى ولرسوله صلى الله عليه وسلم وبعداً عن أسباب الفتنة والافتتان ..وبالله التوفيق وصلى الله على نبينا محمد وآله وصحبه وسلم ,,,,انتهت الفتوى

ومن الذين أفتوا أيضاً بعدم جواز لبس العباءة على الكتف الشيخ العلامة ابن جبرين حفظه الله تعالى ذكر ذلك الشيخ في كتاب فتاوى علماء البلد الحرام ..

أظن هالفتوى تغني عن الكلام ..

وبعدين باسأل اللي يلبسونها هل يرضون أن يموتوا وهم لابسوها ؟؟!

أنت شوفي مقياس الأشياء اللي تسوينها بمنظار الموت ..
هل أرضى ربي ياخذني وانا عليها والا لا ؟؟!

همسه :
للي يقولون عباة الراس تشغل وعباة الكتف أحسن ..
فيه عباة الراس المغلقه وتقدرين تفصلين شيء يمسكها براسك من فوق - زي الطرحه من قدام وتربط من ورى - وهذي شفتها ششخصياً ولا اذتها ولا شيء ..
وبعدين فيه العباة حقت المصريّن اللي تكلمت عنها عواطف ..

هذا واللهم اني بلغت اللهم فاشهد ..

والله يفتح على قلوبكم ويريكم الحق حقاً ويعينكم على اتباعه ..
ويريكم الباطل باطلاً ويعينكم على اجتنابه ..
ولا حرمكم الله من الجنة :)

تحياتي ..

[رايقة]

الله يجزاك خير عاشقة الجنه
ماقصرتي

[بنت الشيحية]

بالنسبه لي مااحسن من عباة ام خيط الوسيعه الي يدخل معتس خمس حريم:D

هاذي عباتي بالأماكن العامه

اما من بيت لبيت فهي الفراشه الواسعه بس على الراس

الفراشه الي على الراس الواسعه بدون جنحان:D هاذي افضلها بس بعد مب بالأماكن العامه

الستر زين يابنات حنا مادور الي نكشخ به او الي نتزين فيه خصوصا لاحنا السوق

لأنه اكثر مكان تتواجد فيه الحريم

يعني انتي رايحه للسوق وشوله اكشخ البس عباة ساتره افضل

[عاشقة الجنة]

بينما كنت أتجوّل بالنت وجدت هذه ..
وها أنا أنقلها لكم :)

رسالة إلى كل من تلبس عباءة مخالفة

أختي العزيزة : السلام عليكم ورحمة الله وبركاته ؛ وبعد:
انقل إليك هذه الكلمات وأملي أن تكون لها في قلبك متسعاً .
أختاه : سئل الشيخ / محمد بن عثيمين - رحمه الله - عن لبس العباءة التي في أطرافها أو أكمامها قيطان أو غيره ؟
فقال عن لبسها : ( محرم حيث إنه يؤدي إلى الفتنة ، فيا أختي المسلمة هل يعقل أن تستري الزينة بزينة أخرى ؟ وهل شرع الحجاب إلا لاخفاء تلك الزينة ؟! فلنكن على بينة من أمرنا ولنعلم أن أعداء الإسلام يحيكون ضدنا مؤامرة على الحجاب فيا أيتها المسلمة ! أنقذي نفسك فإن متاع الدنيا قليل والآخرة خير لمن اتقى فلا تغتري بمالك ولا جمالك فإن ذلك لا يغني عنك من الله شيئا وإني أنذرك وأحذرك بأن النبي صلى الله عليه وسلم قد عرضت عليه النار ورأى أكثر أهلها النساء ، وأنذرك بأن النبي صلى الله عليه وسلم قال في النساء وأنت إحدهن ( اتقوا الدنيا واتقوا النساء فإن أول فتنة بني اسرائيل كانت في النساء ) وأنقذي نفسك من النار ، اعلمي أنك أعجز من أن تطيقي عذاب النار ، فإن الجبال لو سيرت في النار لذابت فأين أنت من الجبال الراسيات والصم الشامخات ؟ انقذي نفسك من النار ، واستجيبي لمنادي الحق واعملي أن من ترك شيئا لله عوضه الله خير منه وإن الأخرة هي مسعانا وإن طالت الامال في الدنيا فماذا تريدين يا أخيه من هذه العباءة المزركشة التي تشترينها بالمئات وأنت توضعين في القبر في كفن من أرخص الأقمشة فهل تنفعك هذه العباءة في ظلمة القبر ؟! فتذكري نفسك وأنت في هذا الموضع ) انتهى كلامه رحمه الله ..

لا حرمكم الله الجنّة :)

[النور]

تصدقون مرة شفت وحده بغرناطه كان شكله مره جذااااااااااب وكانها بتنزف ليلة زواجها
المصيبه انها كانت لابسه عباية راس مخصره من الاعلى ووسيعه من الاسفل كانها ((كالوش))
المهم انها كانت لابسه لثامه اوبرقع وسسيع والله ماتذكر
المهم انها تمشي وتتمطرخ وتنورتها بيضاء مبينه من فتحات العبايه على جنب
بس كان شكله بصراحه شئ


صادزه ترا فيه عبايات عالراس تفتن اكثر من اللي عالكتف
يعني تجيتس لابسه عالراس وهي مررره مخصره و كلها زينه لا وبعد تلقينها تمشي وتمييع


لكن ابقول لك كلام عن الحجاب سمعته وصرت اردده لكل وحده تلبس وهي انه الصلاة لما فرضت منذ 1427 سنة هل تغيرت هل كانت صلاة الظهر اربع ركعات والآن اختصرناها الى الركعتين
الصلاة هي هي كما فرضت لهذا لماذا التغيير بالحجاب الحجاب هو هو كما فرض
فمن غيرت في حجابها غيرت في دينها !!!...


الله الحين لين صارت العبايه عالكتف غيرت دينها كله؟؟؟
ترا ماقد سمعنا احد يقول بان اللي ماتلبس عبااايه بالمررررررره مغيره دينها شلون عاد باللي عبايتها عالكتف
بعدين تبين تفهميني ان الصحابيات كانوا يلبسون نفس عباياتنا الحين؟؟
وريني صورتها اللي شفتيها :D





عموما حنا عندنا عقل ونعرف نقرا ونفهم مايحتاج كل ماطق عود حصاه رجعنا لشيخ
الحجاب له شروط معروفه وهي اللي يحكم بها اي شيخ
فاذا كانت العبايه على هالشروط مافيه اي اشكال
وترا العبايه على الراس مو من شروط الحجاب
واذا قدر احد يثبت لي بان الصحابيات يلبسون نفس العبايه اللي عالراس الان راح التزم فيها على طول

من ناحيتي البس عالكتف فراشه ولو ماكانت فراشه مو مشكله عندي اهم شي انها واسعه شوي ومافيها زينه

بعدين بالله شلون تبون الشيخ يقول عن العبايه عالكتف تجوز اذا اللي يساله يقول له ياشيخ وش تقول بالعبايه على الكتف وهي تفتن؟؟
باللهي؟؟ تقول له تفتن وتبيه يقول تجوز؟؟
يعني عندنا ناس يكلمون المشايخ يبونهم يقولون حرام باللي هي به
لو كان الشخص صادق و وصف العبايه فعلا كان قال الشيخ مافيها حاجه

[ديــمـا]

8
8
8
عشان كذا اقول يبغى لنا فقيهات وعالمات يفتون بامور النساء

بالله رجال وش فهمه بعباية فراشة ولا عباية الذبانة

[حلم العالم]

لآ حول ولآ قوّة الآ بالله

اللهم أرنآ الحق حقّاً وارزقنآ اتبآعه ، وأرنآ البآطل بآطلاً وارزقنآ اجتنآبه:(

نهآية الزمآن ، هذآ الظآهر ، الله أعلم وش يكون بالبآطن ..

[دلال]

يا عيني على حوارات البرتقاليات :D

انا شفت عباة الفراشه الصراحه ما جازت لي لها جناحين تقل طايره تبي تقلع

لكن الحجاب ما شرع إلا للستر سواء عباة كتف او راس
انا قبل فتره شاهدت افغانستانيات بالحرم المدني
متحجبات بقطع قماش ملون ومغطيات وجيهن فيه رغم انه قصير يصل للركبه بينما الثوب مغطي رجولها .. وانا لما ناظرت فيهن ما شفت من جسدهن ولا شي ما عدا الكفين
هل هذا يعني انهن غير متحجبات ؟ او حجابهن ناقص ؟؟

أكيد لااا

لكن العاده جرت عندهم ان الحجاب على هذه الصوره .. مثل العاده عندنا ان العباه لازم يكون لونها اسود ولازم تكون على الراس .. وغير هذا النموذج نرفضه و نستغربه << وجة نظر ليس إلا

[مس القصيم]

اهم شي الـنيــه :)

<<لحد ياخذ بكلامي >>من زينه بالله وش قلتي >> لا بس خفت ..

[عاشقة الجنة]

منتجع آسيا اللي بعنيزة مسوّي فعاليات ونشاطات هالأسبوع ..
وسبحان الله أمس كان النشاط عن الحجاب .. وكان يتكلم عن كل الأمور اللي طرحتوها ..

لي عودة بإذن الله مع الحجة والبرهان :)
بس ياليت تكونون قد الكلام اللي قلتوه ..
وإني إذا أثبت إن الصحابيات يلبسون العباة على الراس تلبسونها :)

رزقنا الله واياكم العلم اليقين .. وثبتنا على الدين ..
لا حرمتم الجنة :)

[بنت الشيحية]

عاشقة الجنه

الله يقويتس ونحتريتس بكل آذانن صاغيه

الله يخليك على الإهتمام

الله يرزقنا جميعا حسن الثبات

[القشراء]

لكن العاده جرت عندهم ان الحجاب على هذه الصوره .. مثل العاده عندنا ان العباه لازم يكون لونها اسود ولازم تكون على الراس .. وغير هذا النموذج نرفضه و نستغربه << وجة نظر ليس إلا

نفس راايي .. واضيف ..
ياحلوات .. مهب المبداء وسيعه ولا على الكتف المهم مهب تلفت للنظر ..
وحنا من طلعت قلوبنا وعباياتنا في السعوديه هي العباة اللي تصير على الراس وواسعه وسوداء
يعني اي عباة غير هذه تعتبر ملفته للنظر ..
..

لو نسأل اي بنت ليش تلبسين هذي العبايه (اي عباة غير اللي على الراس ووسيعه)
وش بتجاوب ...!! بتقول ..احسن .. والعباة اللي على الراس تفشل..!!!
يعني لابسته للزينه ..!!!

[عاشقة الجنة]

السلام عليكم ورحمة الله وبركاته ..
عدت كما وعدتكم سابقاً :)



صادزه ترا فيه عبايات عالراس تفتن اكثر من اللي عالكتف


يعني تجيتس لابسه عالراس وهي مررره مخصره و كلها زينه لا وبعد تلقينها تمشي وتمييع




هذي برضه حرام حتى لو كانت على الرأس اساساً .. وفتوى ابن عثيمين اللي نقلتها أول شيء تأكد على كذا ..






سئل الشيخ / محمد بن عثيمين - رحمه الله - عن لبس العباءة التي في أطرافها أو أكمامها قيطان أو غيره ؟






فقال عن لبسها : ( محرم حيث إنه يؤدي إلى الفتنة ، فيا أختي المسلمة هل يعقل أن تستري الزينة بزينة أخرى ؟ وهل شرع الحجاب إلا لاخفاء تلك الزينة ؟! فلنكن على بينة من أمرنا ولنعلم أن أعداء الإسلام يحيكون ضدنا مؤامرة على الحجاب فيا أيتها المسلمة ! أنقذي نفسك فإن متاع الدنيا قليل والآخرة خير لمن اتقى فلا تغتري بمالك ولا جمالك فإن ذلك لا يغني عنك من الله شيئا وإني أنذرك وأحذرك بأن النبي صلى الله عليه وسلم قد عرضت عليه النار ورأى أكثر أهلها النساء ، وأنذرك بأن النبي صلى الله عليه وسلم قال في النساء وأنت إحدهن ( اتقوا الدنيا واتقوا النساء فإن أول فتنة بني اسرائيل كانت في النساء ) وأنقذي نفسك من النار ، اعلمي أنك أعجز من أن تطيقي عذاب النار ، فإن الجبال لو سيرت في النار لذابت فأين أنت من الجبال الراسيات والصم الشامخات ؟ انقذي نفسك من النار ، واستجيبي لمنادي الحق واعملي أن من ترك شيئا لله عوضه الله خير منه وإن الأخرة هي مسعانا وإن طالت الامال في الدنيا فماذا تريدين يا أخيه من هذه العباءة المزركشة التي تشترينها بالمئات وأنت توضعين في القبر في كفن من أرخص الأقمشة فهل تنفعك هذه العباءة في ظلمة القبر ؟! فتذكري نفسك وأنت في هذا الموضع ) انتهى كلامه رحمه الله ..










أما بالنسبة لــ :



المهم انها كانت لابسه لثامه اوبرقع وسسيع والله ماتذكر



هذي برضه حرام .. وأنقل لكم هالفتوى :



س: في الآونة الأخيرة انتشرت ظاهرة بين أوساط النساء بشكل مُلفت للنظر وهي مايسمى بالنقاب، والغريب في هذه الظاهرة ليس النقاب، إنما طريقة لبس النقاب لدىالنساء، ففي بداية الأمر كان لا يظهر من الوجه إلا العينان فقط ثم بدأ النقاببالاتساع شيئاً فشيئاً فأصبح يظهر مع العينين جزء من الوجه مما يجلب الفتنة ولاسيما أن كثيراً من النساء يكتحلن عند لبسه، وهي أي النساء إذا نوقشن في هذا الأمراحتججن بأن فضيلتكم قد أفتى بأن الأصل فيه الجواز، فنرجو توضيح هذه المسألة بشكلمفصّل وجزاكم الله خيراً؟


ج: لا شك أن النقاب كان معروفاً في عهد النبي صلى الله عليه وسلم وأن النساء كن يفعلنه كمايفيده قولهصلى الله عليه وسلم فيالمرأة إذا أحرمت: {لا تتنقب }فإن هذايدل على أن من عادتهن لبس النقاب، ولكن في وقتنا هذا لا نفتي بجوازه، بل نرى منعه،وذلك لأنه ذريعة إلى التوسع فيما لا يجوز، وهذا أمر كما قاله السائل مشاهد. ولهذالم نفت امرأة من النساء - لا قريبة ولا بعيدة - بجواز النقاب أو البرقع في أوقاتناهذه - بل نرى أنه يمنع منعاً باتاً، وأن على المرأة أن تتقي ربها في هذا الأمر وألاتتنقب، لأن ذلك يفتح باب شر لا يمكن إغلاقه فيما بعد [الشيخ ابن عثيمين].



وياليت من احتج بأن النقاب لبسنه الصحابيات يلبس القفازات كما كن الصحابيات يلبسنه ..


أو يضعن النقاب عينا واحداً كما كن يفعلن على الأقل :(




الله الحين لين صارت العبايه عالكتف غيرت دينها كله؟؟؟




ترا ماقد سمعنا احد يقول بان اللي ماتلبس عبااايه بالمررررررره مغيره دينها شلون عاد باللي عبايتها عالكتف






يبدو إنك فهمتي قصد الفارسة غلط .. أو الفارسة ما عرفت توصل لك قصدها صح .. عموماً بأتلقف وأشرح قصدها :) بعد إذن الفارسة طبعاً :D

هي مو قصدها غيّرت دينها كله .. وبالطبع الواحد مو إذا فعل معصية يحكم عليه بتغيير الدين .. لأن الواحد يأثم على المعصية نفسها ولا يعتبر غيّر الدين إلا على حسب نيّته في ذلك .. يعني زي اللي يقولون عن الحجاب الاسلامي الصحيح : ( وش هالتخلف ) والا ( قراوية ) أو .. أو ... الخ .. قصدهم الاستهزاء بها وبالتزامها .. فعندها يعتبر ( كافر ) وبالفعل غيّر دينه .. وأنقل لكم هالفتوى :
س : ماهو حكم من يستهزئ بمن ترتدي الحجاب الشرعي وتغطي وجهها وكفيها ؟
ج : من يستهزئ بالمسلم والمسلمة من أجل تمسكه بالشريعة الإسلامية فهو كافر سواءاً كان ذلك في احتجاب المسلمة احتجاباً شرعياً أم في غيره لما رواه عبدالله بن عمر – رضي الله عنهما – قال رجل في غزوة تبوك في مجلس : ما رأيت مثل قرائنا هؤلاء أرغب بطوناً ولا أكذب ألسناً ولا أجبن عند اللقاء فقال رجل : كذبت ولكنك منافقف لأخبرن رسول الله صلى الله عليه وسلم .. فبلغ ذلك رسول الله صلى الله عليه وسلم ونزل القرآن فقال عبدالله بن عمر : وأنا رأيته متعلقاً بحقب ناقة رسول الله تنكبه الحجارة وهو يقول : يارسول الله إنما كنا نخوض ونلعب ورسول الله صلى الله عليه وسلم يقول : (( قل أبالله وآياته ورسوله كنتم تستهزئون * لا تعتذروا قد كفرتم بعد إيمانكم إن نعف عن طائفة نعذّب طائفة بأنهم كانوا مجرمين )) – التوبة – فجعل استهزاءه بالمؤمنين استهزاء بالله وآياته ورسوله . وبالله التوفيق [ اللجنة الدائمة ] ..
أما قصد الفارسة بجملتها


لكن ابقول لك كلام عن الحجاب سمعته وصرت اردده لكل وحده تلبس وهي انه الصلاة لما فرضت منذ 1427 سنة هل تغيرت هل كانت صلاة الظهر اربع ركعات والآن اختصرناها الى الركعتين






الصلاة هي هي كما فرضت لهذا لماذا التغيير بالحجاب الحجاب هو هو كما فرض

فمن غيرت في حجابها غيرت في دينها !!!...









فهو :


إن الدين واحد في كل زمان ومكان .. ولا تتغيّر العبادات بتغيّر العصور ولا الأمكنة .. وبما أن الحجاب عبادة مثله مثل الصلاة فلا يصح التغيير فيه .. فهل يصح قصر الصلاة الرباعية إلى ركعتين باعتبار أن المشاغل الآن زادت وليس هناك متفرغ من الوقت ؟؟! وبما أن الجواب طبعاً – وبلا خلاف – أنه لا يجوز ذلك لأن هذا شرع .. فكذلك الحجاب .. فليس معنى أنه ( تبغين تاخذين راحتك بالسوق وأنت شايله الأغراض .. أو تبنين تتكشخين بعباتك عند حمولتك وأهلك ) أن تغيّري عباتك عن مواصفاتها الشرعية لأنها عبادة أصلاً وشرع سماوي مثلها مثل الصلاة , قال تعالى : (( يا ايها النبي قل لأزواجك وبناتك ونساء المؤمنين يدنين عليهن من جلابيبهن )) ..

أتمنى أن تكون الجملة ومقصدها وضح :)




بعدين تبين تفهميني ان الصحابيات كانوا يلبسون نفس عباياتنا الحين؟؟






وريني صورتها اللي شفتيها





ترى مو شرط الصورة على فكرة .. ويكفي الكلام الثابت اليقين :)
ولو بيصورون العصور الأولى لنا العباة كان صوروا الرسول صلى الله عليه وسلم من باب أولى ..
وبعدين الحين لو بسألك شيء عن صفات الرسول أكيد بتقولين .. فهل شفتي الرسول صلى الله عليه وسلم ؟! ومن وين لك صورته ؟!
بالطبع لا عندك لا صورة ولا شفتيه لكن الكلام جاك عن طريق النقل والنقل المتواتر بعد .. والنقل المتواتر واجب علينا اتباعه وتصديقه – واذا ما صدقتيني ارجعي لكتاب الحديث حق أولى ثنوى وشوفي حكم الحديث المتواتر ايش - << يحلفون اني كنت دافورة بسم الله عليّ خخخ ..

من هنا أقولك عبيات الصحابيات كانت مب لم عباياتنا ولاهب جنبها أصلاً ..
بالله حنّا وشو عند الصحابيات ؟؟! :(

يكفي إنهم أول ما أمروا بالحجاب لم يجدن شيئاً يحتجبن به فــ (( شققن مروطن واختمرن بها )) .. وخرجن يمشين (( كان على رؤسهن الغربال )) <<< ترى حتى ذي أحاديث من دروس متوسط والثنوي وثابته بعد :)

أما حنّا نتسحّب تسحّب عشان نلبس العباة .. ونناقش بالأحكام غصب – الله يهدينا - :(
فأكبر ظلم إننا نشبه عبايات الصحابة بنا .. أو حتى نشبّه أنفسنا بالصحابيات :(



عموما حنا عندنا عقل ونعرف نقرا ونفهم مايحتاج كل ماطق عود حصاه رجعنا لشيخ






الحجاب له شروط معروفه وهي اللي يحكم بها اي شيخ

فاذا كانت العبايه على هالشروط مافيه اي اشكال
وترا العبايه على الراس مو من شروط الحجاب







حبيبتي النور .. عيوني أنت ..
ترى كلامك هذا كبير والله .. انتبهي :(
ترى كم كلمة يلقيها المرء لا يلقي لها بالاً وتهوي به في النار ..
أدري إنك ما تدرين عمق اللي تقولينه والا كان ما قلتيه ..

أولاً العقل لما يجي النقل نوقفه تماماً ..
يعني أول ما يجينا الدليل نعمل فيه غصبٍ على عقولنا ..
والله سبحانه وتعالى يقول : (( فاسألوا أهل الذكر إن كنتم لا تعلمون )) ..
وهذا دليل واضع وصريح بسؤال أهل العلم .. ومن هم أهل العلم إذا ما كانوا المشايخ ؟؟!
فهل بتوقفين الدليل وتمشين على عقلك ؟؟!

ولا تحسبين إننا حنّا أهل علم .. والله ما وصلنا لعلمهم أنا واياك ولا شعره :(
هل حفظنا القرآن كاملاً والأحاديث الصحيحه ؟؟!
هل نعرف تفسير القرآن والأحاديث ؟؟!
هل نعرف الأصول التي يمشي عليها الدين ؟؟!
هل .. وهل .. وهل ؟؟ باتعب لو بسأل نفسي أنا وإياك :(
فحنّا لا حنّا أهل علم ولا يحزنون فهل بنجعل نفسنا محل للفتيا ؟؟!
اذا معنى ( الله الصمد ) ما نعرفه تبينا نتكلم بالحجاب بعد ؟؟!

وحتى لو كانت الشروط على قولتك واضحه .. من طلّع الشروط هذي غير هم ؟؟!
ومن وين طلعوها أصلاً غير من القرآن والحديث ومعرفتها بهمها حق المعرفه ؟؟!

وبعدين من قال إن العباية على الرأس مو من شروط الحجاب ؟؟!
من وين جبتيها أصلاً وأنا جايبه فتوى فوق لـ اللجنة الدائمة للبحوث العلمية والإفتاء برئاسة الشيخ عبدالعزيز آل الشيخ وعضو هيئةكبار العلماء الشيخ عبدالله الغديان وعضو هيئة كبار العلماء الشيخ بكرأبوزيد وعضوهيئة كبار العلماء الشيخ صالح الفوزان يقولون فيها عن العباية على الرأس من ضمن شروط الحجاب ؟؟!وهذا الشرط كما قالوه :
سادساً : أن توضع العباءة على هامة الرأس ابتداء

يعني اللجنة الدائمة باللي فيها .. ورؤسائها من آل الشيخ والغديان وابو زيد والفوزان غلط وحنّا اللي صح ؟؟!
سؤال باترك جوابه لعقلي وعقلك اللي همّشناه في أمور الدين لوجود النقل لكننا بنشغله في أمور التفكّر والتأمل ..

واذا قدر احد يثبت لي بان الصحابيات يلبسون نفس العبايه اللي عالراس الان راح التزم فيها على طول

يارب أقدر اثبت لك :)
اسمعي يا وخيتي .. الله وش يقول بكتابه والرسول صلى الله عليه وسلم في سنته ..

يقول سبحانه وتعالى : (( يدنين عليهن من جلابيبهن )) ..
وأظن ما يخفى أي عارف باللغه إن الإدناء هو من الأعلى إلى الأسفل ..
والصحابيات هم أعلم الناس باللغه لأنهن نشأن عليها وكانت الواحدة منهن من لغتها تتكلم شعراً عند الرد على إحداهم .. فهل يعني هذا إنهم بيسمعون الآية تقول ادنوا جلابيبكم ومو مدنينها وهم أعرف الناس أن الإدناء من أعلى لاسفل و أحرص الناس برضه على الدين واتباعه ؟؟!

وبعدين تبينهم يسمعون قول الله تعالى : (( ذلك أدنى أن يعرفن فلا يؤذين )) وما يحطون العباة على روسهم – وخصوصاً إنهن كن معروفات عند الرجال قبل فرض الحجاب ولو رأى الواحد منهم كتوفهن لعرفهن - ؟؟!
ومحد ينكر إن الوحدة تعرفينها من كتوفها .. وأنت يالحرمة شوفي نفسك تعرفين أقاربك بالسوق وشلون ..
فهل تبين ( أمهات المؤمنين ) و ( من بشّرن بالجنة ) يخلّون أحد يعرفهم ؟؟!

وتبينهم يسمعون قوله صلى الله عليه وسلم : (( لعن الله المتشبهين من الرجال بالنساء والمتشبهات من النساء بالرجال )) ويلبسون هالعباة وهي فيها تشبه بلبس الرجال ؟؟! – لو لاحظتي العباة على الكتف زي ثوب الرجال ومحد ينكر كذا - ..

وتبينهم بعد يسمعون قول الرسول صلى الله عليه وسلم : (( اتقوا الدنيا واتقوا النساء فإن أول فتنة بني إسرائل كانت في النساء )) ويدرون إن أكثر أهل النار النساء كما ذكر الرسول الكريم .. ويجعلون نفسهم محل للفتنة ويعرّضون نفسهم للإثم الذي قد ينالهم بسببه العذاب ؟؟!
ومحد ينكر إن عباة الكتف قد تفتن حتى لو كانت ساترة ووسيعة على قولتكم لأنها أصلاً تبرز الرأس والعنق و .. و .. الخ ..
وبعدين اللي يلبسون طرحة وسيعة هل بالله ما تطيح أبد ؟؟! إذا الطرحة اللي تحت عباة الراس تطيح حتى لو أنت مثبتته من كثر ما تتحركين ؟؟! وبعدين عن جد مو شكل الوحدة حلو بالكتف حتى لو طرحته وسيعة ؟؟! هذا غير إن القليل من اللي يلبسون عباة الكتف ما تكون طرحهم مزركشه أو فاتنه :(
وبعدين لا تقيسون على نفسكم يالحريم .. شوفوا نظرة الرجال لكم إيش << لأن هم اللي ينفتنون مهوب أنتم هذا إذا ما انفتنا حنا بعد يالحريم ببعض من جمال ما نشوف :(

نرجع للاثباتات أن الصحابيات يلبسون عباة الراس :
فاطمة بنت الرسول صلى الله عليه وسلم يوم شافت الحريم وشلون تكون جنازتهم .. حزنت على نفسه لأنه بيكون واضح شكل جسمه لمّا يشيلونها ( وهي ميّته )( بالجنازة ) فقالت لهم يغطّونها بشيء فوق الجنازة – ومن هنا صاروا يغطّون الحريم بالعبايات فوق الجنايز – فهل تتوقعين هذي الصحابية اللي كانت تخاف ينكشف وشلون هيئة جسمها وهي ميته ( وماراح تكون وقتها فتنة أبد ) بتحط على نفسها عباة كتف وهي عايشة وهي وقتها أدعى للفتنه ؟؟!

هذا آخر شيء – وصل لعلمي – اقدر أقنعك فيه عن لبس الصحابيات للعباية على الرأس مو الكتف ..
ولو بتسألين هالسؤال لشيخ يمكن يفيدك أكثر :)
عموماً إذا ما اقتنعتي بعد كل اللي قلته ومصّرة على أنهم يلبسون عباة كتف فاقنعيني واثبتي لي وصدقيني أنا اللس بأبدأ اشتري عباة كتف مهوب أنت .. ووالله العظيم إني أقول هالكلام وأنا أصدق ما يكون وإن بغيتي حتى أصور العباة اللي باشتريها وأنزلها هنا أو أي شيء تطلبينه بس اثبتي لي أول :)
وإذا ما أثبتي لي أتمنى منك تحققين وعدك بلبس العباية على الراس وعلى طول زي ما قلتي :)

وعموماً أنقل لك هالفتوى عن حكم وضع العباءة على الكتف واللي هي للشيخ ابن جبرين واختصرتها أنا بردّي فوق : ومن الذين أفتوا أيضاً بعدم جواز لبس العباءة على الكتف الشيخ العلامة ابن جبرين حفظه الله تعالى

سئل فضيلة الشيخ ( ابن جبرين ) : انتشر بين نساء المسلمين ظاهرة خطيرة وهي لبس بعض النساء العباءة على الكتفين وتغطية الرأس بالطرح والتي تكن زينة في نفسها وهذه العباءة تلتصق بالجسم أو شهره وتصف الصدر وحجم العظام ويلبسن هذا اللباس موضة .. ما حكم هذا اللباس ؟؟! وهل هو حجاب شرعي ؟؟! ةهل ينطبق عليهن حديث النبي صلى الله عليه وسلم : (( صنفان من أهل النار لم أرهما ... )) أفتونا مأجورين ؟؟!

ج : فلقد أمر الله النساء المؤمنات بالتستر والتحجّب الكامل فقال تعالى : (( يا ايها النبي قل لأزواجك وبناتك ونساء المؤمنين يدنين عليهن من جلابيبهن )) – الأحزاب – والجلباب هو الرداء الذي تلتف به المرأة ويستر جميع بدنها ومثله المشلح العباءة المعروفة .. والأصل أنها تلبس على الرأس حتى تستر جميع البدن فلبس المرأة للعباءة هو من باب التستر والاحتجاب الذي يقصد منه منه الغير عن التطلع ومد النظر , قال تعالى : (( ذلك أدنى أن يعرفن فلا يؤذين )) .. ولا شك أن بروز رأسها ومنكبيها مما يلفت الأنظار نحوها فإذا لبست العباءة على الكتفين كان ذلك تشبهاً بالرجال وكان فيه إبراز رأسها وعنقها وحجم المنكبين وبيان بعض تفاصيل الجسم كالصدر والظهر ونحوه مما يكون سبباً للفتنة وامتداد الأعين نحوها وقرب أهل الأذى منها ولو كانت عفيفة ..
وعلى هذا فلا يجوز للمرأة لبس العباءة فوق المنكبين لما فيه من المحذور ويخاف دخوله في الحديث المذكور وهو قوله صلى الله عليه وسلم : (( صنفان من أمتي من أهل النار )) إلى قوله : (( ونساء كاسيات عاريات مائلات مميلات رؤسهن كأسنمة البخت المائلة لا يدخلن الجنة ولا يجدن ريحها )) والله أعلم ..

وفيه شيء أخير بهالموضوع وهو : مغسّلات الموتى عندما تكون عبائة المرأة التي يأتون بها أهلها مزركشه أو على الكتف أو لا تحمل مواصفات العبائة الاسلاميه فإنهم يرمون بها بعيداً ولا يضعونها على الميته .. ويستبدلونها بعباة إسلامية ساترة .. فعلى ماذا يدل ذلك ؟؟!
لاقوا ربكم بعباة ساترة ولا تجعلوا المغسّلات يتبرعون لكم بعبائة أنتم تستطيعون لبسها وأنتم أحياء :(



بعدين بالله شلون تبون الشيخ يقول عن العبايه عالكتف تجوز اذا اللي يساله يقول له ياشيخ وش تقول بالعبايه على الكتف وهي تفتن؟؟






باللهي؟؟ تقول له تفتن وتبيه يقول تجوز؟؟

يعني عندنا ناس يكلمون المشايخ يبونهم يقولون حرام باللي هي به
لو كان الشخص صادق و وصف العبايه فعلا كان قال الشيخ مافيها حاجه







:)

طيب هي تفتن أساساً يكذبون يعني ؟!
ثانياُ : من قالّك أنهم يبون المشايخ يقولون حرام باللي هو بوه .. داخله نواياهم؟؟! يمكن جد يبون يتفقهون بأمور دينهم وخايفين على أنفسهم من الإثم ..
ثالثاُ : من قالك إنهم مهوب صادقين ؟! أو بالأصح من قالّك هالمشايخه ما عندهم علم بالشيء المطروح ؟!
ترى مهوب كل مشايخنا عميان .. وندرة اللي ما يشوفون وأقل من أصابع اليد الوحدة – هذا اذا ما بعضهم مات الله يرحمه :( - .. فلمّا يصيرون يشوفون ما أظن يخفى عليهم اللي يصير بأسواق العبايات .. هذا غير إن اللي يسألون ما يقصرون ويجيبون أنواع العبايات والنقابات لحد الشيخ ويخلونه يفتي فيهن – وهذي قسم بالله إنها صايرة - .. عدى إن الحين صار يصير فيه دروس تعرض للنساء عن طريق البروجكتر لشيخ من المشايخ فيصير بآخر شيء أخذ الأسئلة من النساء وطرحها على الشيخ .. وبعضهن تضع مع السؤال الشيء الذي تسأل عنه – بكيسه – ويشوفه الشيخ ثمن يعرضه على النساء وبعد ذلك يذكر الحكم فيه .. يعني ببساطة ما يخفى عليهم شيء .. وماراح يفتون إلا بعلم :)



عشان كذا اقول يبغى لنا فقيهات وعالمات يفتون بامور النساء





بالله رجال وش فهمه بعباية فراشة ولا عباية الذبانة









فيه نساء يفتون .. وان بغيتي جبت لك رقم بعضهم على الخاص :)
ثانياً الرجال أفهم بفتنة عباة الفراشة من الحرمه .. لأنهم هم اللي ينفتنون مهوب حنّا :)
ثالثاً : راجعي ردّي على النور فوقك بالضبط :)

اللهم أرنآ الحق حقّاً وارزقنآ اتبآعه ، وأرنآ البآطل بآطلاً وارزقنآ اجتنآبه

آمييييييييييييين ..
وياليت تنقلون لنا وجهة نظركم يالرجال في المرأة التي تلبس العبائة الاسلاميه من المرأة التي تلبس غيرها .. وهل تكون محطّ الفتنة أم لا .. شاكرين لكم ..

يا عيني على حوارات البرتقاليات :D

يا عمري والسود اللي للحين ما تلوّنن مالهن شيء :D
أمزح :p


العاده عندنا ان العباه لازم يكون لونها اسود ولازم تكون على الراس

حبيت أقول بس إن العبائة عبادة ليست عادة :)
أحسّك كنت تبغين تقولين عرف البلد << يقال مهب زي بعض :confused:

بالنسبة لعرف البلد .. يعني ما أقدر أقول بشيء ما أعرف له ..
يمكن الوضع عند البلدان المجاورة يكون غير عنّنا ويمكن لا .. مدري :(
أسألوا مفتي أنا مالي دخل :)

قلت اللي أعرفه واللي أجهله ما أتكلم فيه << بلاهم ما تكلموا عنه بمنتجع آسيا يوم موضوع الحجاب :D:p




اهم شي الـنيــه






<<لحد ياخذ بكلامي >>من زينه بالله وش قلتي >> لا بس خفت ..









صح (( إنما الأعمال بالنيّات )) بس عاد وش بتتحمل نيّتنا ووش بتخلّي ؟؟! :(
وبعدين مو معقول نعمل بالشيء المخالف للشرع ثمن نقول أهم شيء النية ؟؟!





الله يرزقنا جميعا حسن الثبات



آميييييييييين وإياك :)







لو نسأل اي بنت ليش تلبسين هذي العبايه (اي عباة غير اللي على الراس ووسيعه)


وش بتجاوب ...!! بتقول ..احسن .. والعباة اللي على الراس تفشل..!!!


يعني لابسته للزينه ..!!!





صدقتي ولا فض فوك :)

*





*




قبل لا أطلع بأقولكم هالفتوى ( دام الموضوع كله عن الحجاب وما يلحقه ) ..



سئل الشيخ ابن عثيمين : ما رأي فضيلتكم في أن كثيراً من النساء يخرجن إلى الأسواق لقصد الشراء من أصحاب المحلات التجارية يخرجن أيديهن والبعض الآخريخرجن الكف مع الساعد وذلك عند غير محارمهن وهذا أكثر الموجود في الأسواق ؟!
ج : لا شك أن إخراج المرأة كفيها وساعديها في الأسواق أمر منكر وسبب للفتنة لا سيما أن بعض هؤلاء النساء يكون على أصابعهن خواتم وعلى يواعدهن أسورة وقد قال الله تعالى للمؤمنات : (( ولا يضربن بأرجلهن ليعلم ما يخفين من زينتهن وتوبوا إلى الله جميعاً أيها المؤمنون لعلكم تفلحون – النور - .. وهذا يدل على أن المرأة المؤمنة لا تبدي شيئاً من زينتها وأنه لا يحل لها أن تفعل شيئاً يعلم ما تخفيه من هذه الزينة فكيف بمن تكشف زينة يدها ليراها الناس ..
إنني انصح النساء المؤمنات بتقوى الله عزوجل وأن يقدمن الهدى على الهوى ويعتصمن بما أمر الله به نساء النبي صلى الله عليه وسلم اللاتي هن أمهات المؤمنين وأكمل النساء أدباً وعفة حيث قال لهن : (( وقرن في بيوتكن ولا تبرجن تبرج الجاهلية الأولى وأقمن الصلاة وآتين الزكاة وأطعن الله ورسلوه إنما يريد الله ليذهب عنكم الرجس أهل البيت ويطهركم تطهيراً )) ليكون لهن نصيب من هذه الحكمة العظيمة (( إنما يريد الله ليذهب عنكم الرجس أهل البيت ويطهركم تطهيراً )) وأنصح رجال المؤمنين الذين جعلهم الله قوامين على النساء أن يقوموا بالأمانة التي حملوها واسترعاهم نحو هؤلاء النساء فيقموهن بالتوجيه والارشاد والمنع من أسباب الفتنة فإنهم عن ذلك مسؤولون ولربهم ملاقون فلينظروا بماذا يجيبون (( يوم تجد كل نفس ما عملت من خير محضراً وما عملت من سوء تود لو أن بينها وبينه أمداً بعيداً ويحذكم الله نفسه والله رؤوف بالعباد )) – آل عمران - ..
والله أسأل أن يصلح عامّة المسلمين وخاصتهم ورجالهم ونسائهم صغارهم وكبارهم وأن يرد كيد أعدائهم إنه جواد كريم ..

تذكير :

http://www.alqosman.net/vb/uploaded/1103_1156132396.jpg

رابط ذا صلة :

http://www.islamway.com/?iw_s=Lesson&iw_a=view&lesson_id=5713 (http://www.islamway.com/?iw_s=Lesson&iw_a=view&lesson_id=5713)

*





*


والله يا شكل دمعة مقهورة بتتوطّى ببطني إني استوليت على موضوعه




:D



معليش دمّوعه سامحينا .. وابد ان حطيت أي موضوع لي خوذي راحتك فيه زي بيتك << بترقّع :p


جزاكم الله خير جيمعاً ..
وأرانا وإياكم الحق حقاً وأعاننا على اتباعه وأرانا الباطل باطلاً وأعاننا على اجتنابه ..
ولا حرمكم الله الجنة :)

[عاشقة الجنة]

صورة التذكير اللي ما طلعت فوق :)

http://www.alqosman.net/vb/uploaded/1103_1156132396.jpg

تعديل حديث (( كان على رؤسهن الغربال )) ..
مو كان ترى .. كأنّ :)

لاا حرمكم الله الجنة ..

[القشراء]

عاشـــــقة الجنه
ماقصرتي ..الله يجزاس الجنه ..
لي عوده بعد قرائت ردتس^_^

[دلال]

يا عمري والسود اللي للحين ما تلوّنن مالهن شيء
أمزح

هههههههههههههههههههههه

وربي ما دريت ان لونك اسود الا بعد ردك ذا كنت مفكره ان جميعكن برتقالي

شوفي يا عاشقة الجنه وكلنا ان شاء الله عاشقين الجنه

عندنا مجلس مخصص للبنات .. واللى يستطيعن دخوله يلون اسمها باللون البرتقالي
انا شفت ردك بموضوعي يا كثركن وعرفت انك ما تدرين شي عن المجلس

لكن انتظري راح اقولهم يفعلون اسمك وتوقعي اللون البرتقالي في اي وقت

بالنسبه لرك جزاك الله ألف خير على المجهود وجعله الله في موازين حسناتك

[عاشقة الجنة]

القشراء واياك يارب ..
والله يثبتنا واياكم على الدين ..
ولا حرمتي الجنة :)

هههههههههههههههههههههه

وربي ما دريت ان لونك اسود الا بعد ردك ذا كنت مفكره ان جميعكن برتقالي

يعني شقطت سهواً :D

شوفي يا عاشقة الجنه وكلنا ان شاء الله عاشقين الجنه

عندنا مجلس مخصص للبنات .. واللى يستطيعن دخوله يلون اسمها باللون البرتقالي
انا شفت ردك بموضوعي يا كثركن وعرفت انك ما تدرين شي عن المجلس

إيه ذاك اللي يقول خاص :(
ولمّا تدخلين القسم ما تلقين مواضيع :mad: :D

لكن انتظري راح اقولهم يفعلون اسمك وتوقعي اللون البرتقالي في اي وقت

تسوّين خير :rolleyes: خلينا نشوف هالمحجوب :cool:
بس عسى عندكم شيّن زين << بتنلفع :D

بالنسبه لرك جزاك الله ألف خير على المجهود وجعله الله في موازين حسناتك
وإياك يارب :)
وعجلي بالتفعيل يالصقرة << تسمعهم يقولون تسذا :p

الله يجزاك خير يارب ويجعل ذا بموازين حسناتك يوم القيامة ..
ويفرج لك مثل ما فرجتي لي ..
ويرزقتس الزوج الصالح الحنون والذرية الصالحة ..
وكان معرسه ما يطق عليتس ثانيه ;) :D
ويمتع عيونتس بنظر الرب عزوجل في جنات النعيم :)

دمعة مقهورة ثاني مرّة أقولتس سوري :p
بس ياختي مدري وراه أحس هالموضوع بيتي :D
الله يخليتس يارب ويصلح لتس بنتس ويرزقتس برّه ;)
ولا يحرمك الله الجنة :)

[أسيف]

الف شكر لكل البنات اللي مرو وشاركو بارأهم

اختي عاشقة الجنة الله يجزاتس خير وكثر الله من امثالك صراحة وجودك هنا فخر لنا

والله يهدينا ويجنبنا الفتن ويجمعنا واياكم بجنات النعيييييييييييييييم

[طايرتن بالعجة]

اليكم فتوى للشيخ سلمان العودة حفظه الله ..

وكان نص السؤال كالآتي ..

ما راى فضيلة الشيخ الجليل فى لبس عباءة الكتف الفضفاضة بدون اى نوع من انواع الزينة ولبس طرحة كبيرة معها تخفى معالم الكتف والصدر

وجائت الاجابة ..

جـــائز

وهنا انبه ان الشيخ حفظه الله تعالى لم يفتى بحل لبس عباءة الكتف مطلقا
انما مقيدة بشروط
ان تكون فعلا فضفاضة وغير ملفتة
وبدون زينة
وان تكون الطرحة كبيرة وساترة لمنطقة الاكتاف والصدر




يا عالم الله يهديكم ..

مو كل شيء جديد علينا حرام على طول ..
والا ترى التلفزيون أول ما طلع قالوا حرام ..والراديو ..والنت ..
ياكثر ما قيل لنا حرام وعقب كم سنة نفس اللي أفتوا بحرمته يرجعون يقولون ما فيه شيء ..

بالله عليكم اذا كان حكم كشف الوجه للمرأة بدون تبرج وزينة البعض قال بجوازه ..
وحتى علمائنا ما ينكرون هالخلاف وان ما قالوا به..
وش الأولى .. بالحرمة .. عباءة الكتف الساترة أو كشف الوجه ..
يا ليت يكون عندنا عقول متفتحة شوي .. يعني لازم نصير كلنا طقم ..نفس الأفكار والهوى ..
ما دام الأمر ما يمس الثوابت ..فالله يهديكم لا تحرمون وتنكرون وبس ..
انتم تجيبون فتاوى اللي يقول حرام ..لكن تغيبون الفتاوى اللي فيها جواز ..
اذا نتم مرتاحين للتحريم .. حرموه على أنفسكم ..لكن مالكم حق تحرمونه على الجميع ..
ولا لكم الحق انكم تعتقدون بهدايتكم من بد الناس لأنهم يخالفونكم في هواكم ..
ولعلمكم ...أغلب المشايخ عندنا يحكمون على حسب العادات ..أو خوف من ردة فعل من يخالفهم الرأي ..
والدين دين يسر .. مو عسر وتضييق .. الأصل في الامور التحليل الا اذا كان فيه عله للتحريم ..
وعندنا الأصل التحريم للأسف .. والتحليل ما وافق الهوى ..

[بنت الشيحية]

عاشقة الجنه

بارك الله فيك وجزاك الله خير وجعله الله في ميزان حسناتس يارب

وربي يهدينا جميعا ويرينا الحق حق

اللهم ثبت قلوبنا ياررررررب

تكفين لاتروحين عنا ماشاء الله ماخليتي شي بسم الله عليتس

اي عقل وثقل تتحلين ماشاء الله ربي يخليتس لأهلتس يارب

على فكره من دخلتي علينا وانتي معجبتني

يارب اصير زيك:D >>غيره ايجابيه;)

والله لو انا مالبس عباة ابد وقريت كلامك العسل لاألبس خيشه بعد:D

لكن فعلا كبرت بعين نفسي:D واقول الحمد لله اني لااعرف لعباة الكتف طريق

بل اكرهها كره

الله يثبتنا يارب ويامقلب القلوب والأبصار ثبت قلبي على دينك

ماقصرتي يابعدي

[عاشقة الجنة]

اليكم فتوى للشيخ سلمان العودة حفظه الله ..


وكان نص السؤال كالآتي ..

ما راى فضيلة الشيخ الجليل فى لبس عباءة الكتف الفضفاضة بدون اى نوع من انواع الزينة ولبس طرحة كبيرة معها تخفى معالم الكتف والصدر

وجائت الاجابة ..

جـــائز


وهنا انبه ان الشيخ حفظه الله تعالى لم يفتى بحل لبس عباءة الكتف مطلقا


انما مقيدة بشروط
ان تكون فعلا فضفاضة وغير ملفتة
وبدون زينة
وان تكون الطرحة كبيرة وساترة لمنطقة الاكتاف والصدر




يا عالم الله يهديكم ..

مو كل شيء جديد علينا حرام على طول ..
والا ترى التلفزيون أول ما طلع قالوا حرام ..والراديو ..والنت ..
ياكثر ما قيل لنا حرام وعقب كم سنة نفس اللي أفتوا بحرمته يرجعون يقولون ما فيه شيء ..

بالله عليكم اذا كان حكم كشف الوجه للمرأة بدون تبرج وزينة البعض قال بجوازه ..
وحتى علمائنا ما ينكرون هالخلاف وان ما قالوا به..
وش الأولى .. بالحرمة .. عباءة الكتف الساترة أو كشف الوجه ..
يا ليت يكون عندنا عقول متفتحة شوي .. يعني لازم نصير كلنا طقم ..نفس الأفكار والهوى ..
ما دام الأمر ما يمس الثوابت ..فالله يهديكم لا تحرمون وتنكرون وبس ..
انتم تجيبون فتاوى اللي يقول حرام ..لكن تغيبون الفتاوى اللي فيها جواز ..
اذا نتم مرتاحين للتحريم .. حرموه على أنفسكم ..لكن مالكم حق تحرمونه على الجميع ..
ولا لكم الحق انكم تعتقدون بهدايتكم من بد الناس لأنهم يخالفونكم في هواكم ..
ولعلمكم ...أغلب المشايخ عندنا يحكمون على حسب العادات ..أو خوف من ردة فعل من يخالفهم الرأي ..
والدين دين يسر .. مو عسر وتضييق .. الأصل في الامور التحليل الا اذا كان فيه عله للتحريم ..

وعندنا الأصل التحريم للأسف .. والتحليل ما وافق الهوى ..

:)
:)
:)

هدّي أعصابتس طيب :D

ترى أنا ما حكمت بهدايتي ..
بالعكس يمكن أكون اردى منكم :(
ولا اللي قلته عبارة عن هواي ;)

وللمعلومية تراي أعرف ناس يلبسون عباة كتف ..
وبعضهم على قولتك يفتشون ..
ومنهم من أموت عليه ومنهم من لا أنكر حبه بقلبي :o
يعني مو شرط إني قلت الحين هالكلام إني ما أحبكم في الله << باثبت هالنقطه :)
ويعلم الله ما قلته الا عشان خوفي عليكم وودي بالأحسن لكم :)

وادري إن الأصل بالأمور التحليل ما لم تظهر علة للتحريم ..
وأدري عن وجهة نظر اللي قالوا بكشف الوجه أيش :)
وكلها يمكن حفظناها حفظ من كثر ما قيلت :D

فتوى سلمان العودة أول مرة أسمعها ..
واعرفي إني لا يمكن أقول أنه غلطان ..
أصلاً أنا منب شيء عنده :(
وهو شيخ له قدرة وعلمه ..
وبعدين هو أخطأ والا أصاب له أجر ..

بالطبع إذا على الصيغة اللي جاه السؤال به ماراح يقول مو جائز ..
لأن محل الفتنة راح وحتى الكتوف والصدر ما بانوا ..
بكذا تصير زي عباة المصريّين اللي قالت عنها عواطف أول شيء ..
ولو رجعتي لأول رد لي بالموضوع كان شفتي إن قلت اللي تبي تاخذ راحته بالعباة تلبس زيّه :)
وبالعكس مريحة وحلوة وكم مرة أفكري أشتري مثله بس ما أدري وين هي بوه :D

أما عن اللي جبت فتاوى له باين وش هو من قبيلة :D

وبعدين بسأل اللي يلبسون عباة كتف بشكل عام هل يتقيدون بالعباة اللي بفتوى سلمان العودة ؟؟!
وهل عباتهم وطرحتهم حتى مافيها شيء من أنواع الزينه ؟؟!
يعني أي أحد يستفتي بفتوى الشيخ ما يأخذ أنه جائز وبس ..
لازم يطبّق الشروط اللي بالفتوى ..

وحدة قبل كم يوم تقول أنا سامعة الكتف بالتلفزيون حلال ( وهي تلبس عباة على الراس بس كموم زينه ) ..
إذا حقت الراس فيها زينه - اللهم عافها ولا تبتلينا جميعاً واهدها عاجلاً لا اجلاً- وش بتصير عباة الكتف حقته ؟؟
برضه يعني زي ما قلت ما ناخذ الفتوى بس بالجواز ونحط كل شيء على راس الشيخ وهو من اللي يسونه بريء :)

بالنسبة للعلماء اللي حرموا كل شيء جديد على قولتك ..
هم ما حرّموه لشيء حرموه لاستخدامه بشيء ..
وترى دايم يقولون عن الأشياء الجديدة إنها ذات وجهين ..
فيها الخير والشر ..

يعني حرام للي بالشر واللي بالخير حلال ..
وهم يفتون حسب الشخص الموجّه وسؤاله ..
يعني أنت إذا شفتي شيخ يقول شيء لا تحكمين نفسك بالسائل الا اذا كان السؤال عام أو يفيدك لمّا يصير لك الشيء ..
بس واحد يقول النت فيه فساد ..
والدش حريمن مفصّخ ورقص ..
والرادو اغاني وش تبينه يقول غير التحريم ؟؟! :confused:
شوفي الضد للشيء ذا واعرفي انه حلال خصوصاً اذا كان فيه خير :)

تعبت من الحتسي تصدقين :D
شوي وارجع لهرجتس الثاني :p
دقايق بس لا تبعدين :D

ويا حبي لتس :o
ولا حرمك ربي الجنة :)

[عاشقة الجنة]

بالله عليكم اذا كان حكم كشف الوجه للمرأة بدون تبرج وزينة البعض قال بجوازه ..
وحتى علمائنا ما ينكرون هالخلاف وان ما قالوا به..
وش الأولى .. بالحرمة .. عباءة الكتف الساترة أو كشف الوجه ..

أول شيء بالنسبة لكشف الوجه ..
تراه ما يجوز << والله يا أنا شكلي بانطقّ :D
والأدلة بكتاب ثالث ثنوي حق الحديث ( اللي قبل المناهج الجديدة ) << مهوب قلتلكم يحلفون إني دافورة بسم الله عليّ :D :p
وعلى قولتك العلماء ما قالوا بوه ..
لكن بنفس الوقت ما ينكرونه ..
لأنه هذا منهج إمام من الأئمة << أو أكثر مدري ..
أما ليه الإمام قال فيه ؟؟!
فالله أعلم حسب ما اخذنا لأنهم هم كانوا بعيدين عن المدينه .. ولا يوصل لهم أحاديث النبي صلى الله عليه وسلم ..
لكن لما يوصلهم الحديث يتركون ما قالوا ويأمرون الناس بتركه ويخلونهم يمشون على الحديث .. لكن الظاهر إنه اللي اشتهر القول بالكشف .. وعلى فكرة اللي قال بالكشف ما كان يخلّي بناته يكشفن ..
وفيه ردود كثيرة على تحريم كشف الوجه بس عجزتن أبحث عنه وأجيبه ( لأن مو هذا مقام الكلام هنا ولأننا الحمدلله كلنا ما نمشي عليه لأننا عارفين بحرمته ) ..

وش الأولى .. بالحرمة .. عباءة الكتف الساترة أو كشف الوجه ..

يعني اذا صار ذا حلال يصير ذا حلال :confused:
وان صار ذا حرام يصير ذا حرام :confused:
أنت هنا ترى عملتي بمدأ القياس ..
وأنا مقدر أقول لك شيء هنا لأني مهوب انا اللي احكم :)
وزي ما قلتلك قبل كشف الوجه حرام :)


يا ليت يكون عندنا عقول متفتحة شوي .. يعني لازم نصير كلنا طقم ..نفس الأفكار والهوى ..
ما دام الأمر ما يمس الثوابت ..فالله يهديكم لا تحرمون وتنكرون وبس ..



آمين الله يهدينا جميعاً :)
يا حبي لك والله إن عقلي متفتح وكل شيء << بدت تمدح نفسه :rolleyes: :D :p
بس مو معنى تفتحي إني أنكر الحكم أو ما أنقله لكم ..
يبقى التفتح غير ونقل الحكم غير ..
والرسول صلى الله عليه وسلم يقول : (( بلّغوا عني ولو آية )) ..
وأنا هنا بس بلّغت مهوب أنا اللي حرّمت ولا هوب أنا اللي أنكرت :)
والأمر على قولتك ما يمس الثوابت العقيدية ..
ومو لازم نصير طقم .. (( لكم دينكم ولي دين )) ..
(( وإنك لا تهدي من أحببت )) ..
ومو معناة إن المخالف لهوانا - ولو إن اللي قلته مهوب هوى - نكرهه ..
بالعكس دورنا النقل والتبليغ ..
وحنّا نحبكم قبل كل شيء زي ما قلت أولاً ..
ومو عدم عملكم بالفتوى بيكرّهنا فيكم ولا شيء ..
تبقى ذي معصيه .. ويمكن عندكم أعمال خير ما يندرى عنه والا تستغفرون وربي يغفر لكم ..
ويمكن أنا اللي نقلت الفتوى أكون أعجبت بنفسي لأني ألبس عباة راس وغيري لا ويحبط عملي ..
ما يندرى اللي بالقلوب ولا شيء .. ربي اللي يعلم :)


انتم تجيبون فتاوى اللي يقول حرام ..لكن تغيبون الفتاوى اللي فيها جواز ..



قلت بالأول إني ما كنت أعلم بالفتوى الا منك ..
والا قالته سمعته بالتلفزيون ما اهتميت << يمكن عشان عندها قنوات فقلت يمكن من أحد مفتين القنوات اللي يقولك ( ساعة وساعة ) ..


..لكن مالكم حق تحرمونه على الجميع ..


كلنا أمة وحدة ترى ..
واللي ينطبق عليكم ينطبق علينا :)
وبالنسبة للمخالفين سمعت أنه الانسان ما يأثم اذا مشى على فتوى عالم ..
بس أهم شيء يشوف الشروط نفسها ويتبعها ..
والواحد ما يصلح الواحد يتتبع المحلّلين << هذا له شيء بالآخرة على ما أعتقد بس مدري ..
يعني مو إذا أفتى فلان بالتحليل نتبعه .. بس اذا بكره بفتوى ثانيه قال بالتحريم نقول لا ماحنا بعاملين بالفتوى حقته ونروح لعالم ثاني محلّل ( لازم ننتبه ) ..


والدين دين يسر .. مو عسر وتضييق


صح ..
ومعك مية بالمية ..
بس الدين زي ما هو يسر له أحكام تتبع ممكن تكون شاقّه بس فيها مصلحة للفرد والمجتمع ..
فهل يعني هالأحكام ما نسويها عشان الدين يسر ؟؟! :confused:
على كذا أصعب ما على الانسان الصلاة ( اللي يخليها الشيطان على الانسان تقل جبل خصوصاً الفجر ) فهل نقول الدين يسر ونصليها بعد طلوع الشمس وخروج الوقت ؟؟! :confused:

هذا اللي عندي بس ..
وارجع وأكرر مو معنى كلامي هذا إني أقول هالكلام لكره ..
بالعكس حبكم وربي بوسط حشاي << ياعيني :o :D
والمخالفين للرأي من العلماء ما نقول فيهم شيء ..
بس بعد أنتم لا تقولون عن اللي حرّموا شيء :)

وترى هالموضوع كبير ( اللي هو الخلاف ) ..
وكم مره تصير فتاوي ويختلفون فيها ..
كلن يمشي على دليل وكلن على مسألة ..
فيجب علينا حنا عدم تتبع المحلّلين زي ما قلت أولاً ..
ثانياً نشوف وش اللي يرضينا نلاقي ربنا فيه ..
والرسول صلى الله عليه وسلم قايل من ألف سنة ومئات من العوام أنه بتجينا شبهات ..
وأنه من اقتى الشبهات فقد استبرأ لدينه وعرضه ..

ولا نحسب هالدنيا طويلة ..
ترى كلها ما تساوي عند الله جناح بعوضه ..
وأتلانا خرقه بيضا وعقبه قبر وحساب وعقاب ..
ويا جنه ويا نار << وللأبد ..

الله يجعلنا من أهل الجنة يارب :)

[عاشقة الجنة]

الله يجزاتس خير وكثر الله من امثالك

آميييييييين واياك يارب :)
وجزاك الله خير على فتح الباب لي في الرد على الموضوع :)
والله يخلي لتس كل من تعزّين ويحقق لتس كل اللي تبين ..
ولا يحرمك الجنة :)


وهنا انبه ان الشيخ حفظه الله تعالى لم يفتى بحل لبس عباءة الكتف مطلقا
انما مقيدة بشروط
ان تكون فعلا فضفاضة وغير ملفتة
وبدون زينة
وان تكون الطرحة كبيرة وساترة لمنطقة الاكتاف والصدر


طايرة بالعجّه جزاك الله خير على ذكر الفتوى ..
وإن شاء الله أكون أفدتك بالرد اللي فوق ..
وسامحيني كان صدر خطأ مني وأنا مدري :)
الله يوفقك يارب ..
ويسخّر لك أهل السماء والأرض ..
ويفتحها بوجهك وين ما رحتي ..
ويمتّعك برؤية وجه الكريم في الفردوس الأعلى ..
اللهم آمين ..

بارك الله فيك وجزاك الله خير وجعله الله في ميزان حسناتس يارب
وربي يهدينا جميعا ويرينا الحق حق
اللهم ثبت قلوبنا ياررررررب

آمييييييين واياك يارب :)
وجزاك الله خير ..
وسخّر شموعتس لتس :D


تكفين لاتروحين عنا


وش تعطينن أول ؟؟ :D << يا شين اللي يتميلحون :p
تسلمين يالغلا والله يخلّيتس يارب :)
وبالنسبة للروحة نقول إن شاء الله لا بس يمكن :D << من سجّلت بالقصمان وهي سافهتن أبو المواقع اللي هي به << يا شين اللي ماعنده توازن :(
بس يعلم الله إن حبيت هالمكان وبقوّة :o :)


اي عقل وثقل تتحلين ماشاء الله


ودّتس أمي تسمعتس بس :D
والله إن تقول : أيه هيّن :confused: :p
تراي مهبولة وخرشه بس هاليومين طافيه :(
اصبري وتشوفين :rolleyes:
وخلّي عنتس هالهرج :D

على فكره من دخلتي علينا وانتي معجبتني
يارب اصير زيك:D >>غيره ايجابيه;)

وأنا كل أبوكم معجبينن << وحده استحت :o :D
وأنا يارب أصير زيّك بعد ( عن جد ترى يوم تفرجت على مواضيعك اكتشفت أنك ابداع بس شكلتس ما دريتي عن روحتس :p ) ( تجيّن للمواقع اللي أنا به ؟؟ ;) ) << بيشوتونن حقين الموقع :cool: :D

جزاتس الله خير على كلامتس :)
ووفقتس دنيا ودين ..
ويصلح لتس كل أمورتس ظاهرها وباطنها ..
ولا يحرمك الجنة :)

[عاشقة الجنة]

يعني اذا صار ذا حلال يصير ذا حلال :confused:
وان صار ذا حرام يصير ذا حرام :confused:
أنت هنا ترى عملتي بمدأ القياس ..
وأنا مقدر أقول لك شيء هنا لأني مهوب انا اللي احكم :)
وزي ما قلتلك قبل كشف الوجه حرام :)


بما أنه ما تعدّل فوق قلنا نعدل برد ثاني << يا صبر الموضوع عليّ :D

أشيل الثلاث سطور الأولى لأني شكلي وأنا أرد ما قريت الجملة زين << للحين تقول وش جاب كلامتس لكلامي :( :p ثانياً لأني شكيت بروحي ذا قياس والا لا :( :D

أيهم أولى بالحرمة ؟؟! << سؤالك :o

مدري لأن مهوب أنا اللي أحكم :)
بس كشف الوجه حرام .. وعباة الكتف << على قول البعض حرام :)

بس تبين الجد اللي تفتش وجهه من غير مكياج ولا شيء صح تفتن ..
بس ميه بالميه أقل فتنه من اللي جسمه كله بارز وفاتنته العباة ;)
لأن ذي متغطيه وما يندرى وش وراه والكل بيحس إنه ملكة جمال ..
أما اللي فاتشه وساترة إن طلعت شينه محد التفت له :D
وعموماً أحس الرجال هم اللي يحكمون :rolleyes: بس حمكهم مهوب ديني بحيث نمشي عليه :D
اسألي شيخ أزين :)

لا حرمك الله الجنة :)

[طايرتن بالعجة]

وبعدين بسأل اللي يلبسون عباة كتف بشكل عام هل يتقيدون بالعباة اللي بفتوى سلمان العودة ؟؟!
وهل عباتهم وطرحتهم حتى مافيها شيء من أنواع الزينه ؟؟!
يعني أي أحد يستفتي بفتوى الشيخ ما يأخذ أنه جائز وبس ..
لازم يطبّق الشروط اللي بالفتوى

!!!!!!!!!!

فتوى الشيخ سلمان ..بالصيغة اللي جاء فيها السؤال .. واضحة وضوح الشمس ..
وفيه تنبيه كتب تحتها في هالمسألة .. بأن الجواز ليس مطلق ..انما يلزم تطبيق شروط الحجاب الشرعي الواردة في السؤال الذي طرح عليه ..


أمــا عن تسائلك ... هل اللي يلبسون عبائة الكتف يتقيدون بها أم لا !!

فاللي تاخذ الفتوى بشكل مطلق ولا تطبق الشروط .. بتحاسب على هالشيء ..
ومخالفة البعض للشروط ما يعني اننا نرفظ هالعباءة ونحكم بعدم جوازها !!



بالطبع إذا على الصيغة اللي جاه السؤال به ماراح يقول مو جائز ..
لأن محل الفتنة راح وحتى الكتوف والصدر ما بانوا ..

وهذا اللي كنا نحاول نثبته من قبل .. وقلناه لكنكم مصرين على ان كونها على الرأس شرط أساسي !!


وحدة قبل كم يوم تقول أنا سامعة الكتف بالتلفزيون حلال ( وهي تلبس عباة على الراس بس كموم زينه ) ..
إذا حقت الراس فيها زينه - اللهم عافها ولا تبتلينا جميعاً واهدها عاجلاً لا اجلاً- وش بتصير عباة الكتف حقته ؟؟

فتوى الشيخ سلمان ما جبتها من التلفزيون ..جبتها من موقع خاص بالشيخ .. يعني مصدر موثوق ..

وهذي أنت بنفسك قلتيها .. اللي تبي تتزين ولا يهمها الأمانة في تطبق الحكم بشروطه ..
بتتزين ..سواء كانت عبائتها على الرأس أو الكتف ..
وما نقدر نقول للي يلبسون عباياتهم على روسهم تراكم غلطانين لأن فيه ناس يستغلون قول العلماء
بوجوب أو جواز عباءة الرأس ..فيلبسونها مزينة أو مخصرة رغم كونها على الرأس ..


يعني زي ما قلت ما ناخذ الفتوى بس بالجواز ونحط كل شيء على راس الشيخ وهو من اللي يسونه بريء


ومن قال بهالشيء .. ولا وحدة قالت تتبعوا الرخص وحطوها على رأس الشيخ !!!!
هذي مسألة حلال وحرام .. مسألة جواز وشرعية أو لا ..
والصادقة مع نفسها ..ما يكون همها انها تدور شيخ يفتي لها بالجواز باللي هي به ...عشان تسوي اللي براسها .. وعلى كل ربي أعلم بنيتها ..وهو اللي بيحاسبها ..ومهما تعذرت بفتوى شيخ عشان تبرر غلطها ..فماراح تقدر تتعذر قدام الله ..




يعني أنت إذا شفتي شيخ يقول شيء لا تحكمين نفسك بالسائل الا اذا كان السؤال عام أو يفيدك لمّا يصير لك الشيء ..
بس واحد يقول النت فيه فساد ..
والدش حريمن مفصّخ ورقص ..
والرادو اغاني وش تبينه يقول غير التحريم ؟؟!
شوفي الضد للشيء ذا واعرفي انه حلال خصوصاً اذا كان فيه خير


أنــا معتس بهالشيء .. ولا أظن ان فيه وحدة تخالفنا ..
وبالمقابل .. وش نقول بوحدة تقول للشيخ ان عبائة الكتف شكلها زين وضيقة وتبين المفاتن ؟
أكيد بيقول حرام ..
وعشان كذا .. نشوف الضد مثل ما قلت .. ونعرف انه حلال ..
يعني عبائتي وان كانت على الكتف .. فهي واسعة وساترة وغير شفافة ولا فيها أي شيء من الزينة
وطرحتي كبيرة جدا وتغطي كل ما قد يفتن ..


وعلى فكرة اللي قال بالكشف ما كان يخلّي بناته يكشفن ..

في اعتقادتس .. ليه يقول بالكشف ..مع انه هالشيء ما يوافق هواه أو عادته :rolleyes: ..
هذا لأنه .. ينظر للأدلة .. ويفتي بما يمليه عليه علمه بالأدلة بكل أمانة .. حتى وان كانت الأدلة عكس هواه ..
هو جائز لكنه غير مجبر لتطبيقة على بناته ..لأنه ليس واجب .. وللناس انهم يعلمون بجوازه ويعملون بهالرخصة ..

وتأكدي ان كشف الوجه لا يوافق هواي .. ولو أكد لي جميع العلماء اباحته ..فلن أكشف وجهي ..
ليس لشيء الا لأن هواي بتغطيته .. وراحتي في اعتقادي بوجوبه ..
لكني رغم ذلك ما أقول اني أنا اللي على حق ..واللي كاشفة وجهها بدون زينة ولا تبرج على باطل ..
لا .. هي اقدمت على أمر ارتاحت لجوازه كما أفتى لها العلماء ..
وأنا أقدمت على أمر ارتحت لولجبه كما أفتى البعض الآخر ..

وأقدر أجيب أدلة كثيرة على جواز كشف الوجه بدون زينة ... لكني موب عجزة ..
لكن ما لي مصلحة في ايرادها .. لأني ما أعمل بهالرخصة ولن أعمل .. عاد اللي تبي تكشف
تجيب هي الأدلة :D ..



ومو عدم عملكم بالفتوى بيكرّهنا فيكم ولا شيء ..

أنا عن نفسي موب جاهلة لقول بعض العلماء ان عبائة الكتف حرام ..
لكنكم جهلتوا قول البعض الآخر بجوازها :) ..

أنا أعلم القولين .. وأعرف شروط كل منهم وحجته .. وخلاص ..
أعمل باللي أرتاح له ويرضي ربي في اعتقادي ..طبعا بعد تطبيق الشروط للجواز ..يعني موب من راسي :rolleyes:


تبقى ذي معصيه .. ويمكن عندكم أعمال خير ما يندرى عنه والا تستغفرون وربي يغفر لكم


:D :D ما فيه فايدة ..
فتوى الشيخ سلمان واضحة .. تقولين معصية .. هل يعني هذا ان الشيخ قال سووا هالمعصية
بعد تطبيقكم للشروط :D


والمخالفين للرأي من العلماء ما نقول فيهم شيء ..


انت تقولين اننا عصينا الله لأننا أخذنا بقول العلماء المخافين على حسب ردك ..

تبقى ذي معصيه


بس بعد أنتم لا تقولون عن اللي حرّموا شيء


ما قلنا شيء !!!
ما فيه ولا وحدة قالت ترى عبائة الرأس حرام ولا حتى قلنا لا تعملون بفتواهم ..
و كلنا على ما أظن نلبس عبائة الرأس بعضنا دائما والبعض أحيانا <<< مثلي :D

الموضوع أساس كان عن عبائة الفراشة ..اللي على الكتف .. موب عن عبائة الرأس ..
يعني مجال حديثنا بالأساس عن عبائة الكتف ..
بس انتم الله يهديكم .. قمتوا تدافعون عن عبائة الرأس كأننا نقصنا من شأنها .. !!
وقلتوا عبائة الكتف حرام بالرغم من اننا قلنا اننا نعني الساتر منها !!



وفي ردي قلت ..
والدين دين يسر .. مو عسر وتضييق

رديتي علي بقولك ..

صح ..
ومعك مية بالمية ..
بس الدين زي ما هو يسر له أحكام تتبع ممكن تكون شاقّه بس فيها مصلحة للفرد والمجتمع ..
فهل يعني هالأحكام ما نسويها عشان الدين يسر ؟؟!
على كذا أصعب ما على الانسان الصلاة ( اللي يخليها الشيطان على الانسان تقل جبل خصوصاً الفجر ) فهل نقول الدين يسر ونصليها بعد طلوع الشمس وخروج الوقت ؟؟!

وهل قلت ان الدين لأنه يسر موب عسر .. اعصوا الله وسووا اللي على هواكم بدون قيود أو شروط ..
الحقيقة اني سبق وقلت ما أعنيه بهذه الجملة في ردي

ما دام الأمر ما يمس الثوابت

الدين يسر وفيه مجال للتيسير بالاجتهاد في حدود ..
أما اذا تعلق الأمر بالثوابت ..مثل الصلاة كما ذكرتي .. فلا مجال للاجتهاد والقول انه يجوز له يصلي
بعد ما تشرق الشمس بدون عذر ...
أعتقد ان كلامي كان واضح جدا .. و ما يحتمل انك توقفين لي على الكلمة وتناقشيني فيها ..
وكأني أعارضك .. الا اذا كنت تشكين في نيتي ( وما أظن هالشيء )..


أحس ان الموضوع أبسط بكثير مما يبدو ..
الأمر حسمناه بالفتواى .. عرضتي فتوى التحريم .. وعرضت فتوى الجواز ... والى هنا ..
كل وحدة تستفتي قلبها ... والله أعلم بالنوايا ..




أخيرا بس حبيت أوضح نقطة ..

ومو معناة إن المخالف لهوانا - ولو إن اللي قلته مهوب هوى - نكرهه ..
بالعكس دورنا النقل والتبليغ ..
وحنّا نحبكم قبل كل شيء زي ما قلت أولاً ..
ومو عدم عملكم بالفتوى بيكرّهنا فيكم ولا شيء ..

وارجع وأكرر مو معنى كلامي هذا إني أقول هالكلام لكره ..
بالعكس حبكم وربي بوسط حشاي

أنــا ما قلت انكم تكرهونا أو حنا نكرهكم .. وما جبت طاري الحب والكره في كلامي ولا حتى لمحت له
ما كان فيه داعي تأكدين كل شوي .. لأني ما أعتقد ان الأمر بيوصل لأننا نكره أو نحب عشانه ..
كلنا متفقين على شيء واحد ..أصل ..ثابت .. وهو الستر ..
لكن اختلافنا في الوسيلة لهالستر بس ..
والحقيقة كنت ناوية ما أطول بردي هذا ..
لكني حبيت آخذ وأرد معك .. لأصل بك شوي شوي ..لنقطة الاتفاق وليس الاختلاف ..

وجزاك الله خير على دعوتك والله يكتب لك مثلها :) ..

[عاشقة الجنة]

:)
:)
:)

طايرة بالعجّة يبدو أن الموضوع مهوب خالص مني أبد :D
صدقيني بإذن الله لي عودة لكلامتس ;)

ولاحرمك الله الجنّة :o

[جلنار]

جزاااااااااك الله خير ..
عاشقة الجنة ...
وحنا القصمان نفتخر بووووووووجودك معنااااا ...

[عاشقة الجنة]

^
^

جزاك الله خير جلنار ..
والله يجعلنا عند حسن ظنكم ..
ولا حرمكم الله الجنة :)

*
*

فاللي تاخذ الفتوى بشكل مطلق ولا تطبق الشروط .. بتحاسب على هالشيء ..
ومخالفة البعض للشروط ما يعني اننا نرفظ هالعباءة ونحكم بعدم جوازها !!

بالعكس مخالفة الشروط تحكم بعدم الجواز ..
لأن هالشروط هي أساس الفتوى أصلاً وإذا عدمت عدم الجواز :)

وبالمقابل .. وش نقول بوحدة تقول للشيخ ان عبائة الكتف شكلها زين وضيقة وتبين المفاتن ؟أكيد بيقول حرام ..
وعشان كذا .. نشوف الضد مثل ما قلت .. ونعرف انه حلال ..
يعني عبائتي وان كانت على الكتف .. فهي واسعة وساترة وغير شفافة ولا فيها أي شيء من الزينةوطرحتي كبيرة جدا وتغطي كل ما قد يفتن ..

لا .. وقفي :)
كلامي واضح اللي قلته فيه ..
إذا كان ضدّه فيه خير مو شيء ثاني ..
يعني مو تحكمين على الكتف أو غيره من المسائل على نفس كلام السائل ..
قد يكون الضد ما فيه خير ؟؟1
أو يكون الضد يتساوى فيه أشياء كثيرة ..
يعني مو تحكمين بكلامي على كل شيء :)

أنا أقصد بكلامي أول شيء ( الضد ) الأشياء اللي يكون فيها وجهين للاستخدام ( كالنت + الرادو + التلفزيون ) .. لا تحكمين فيه بشيء ثاني :) << هالكلام بغض النظر عن عباة الكتف أو غيره ..


في اعتقادتس .. ليه يقول بالكشف ..مع انه هالشيء ما يوافق هواه أو عادته ..
هذا لأنه .. ينظر للأدلة .. ويفتي بما يمليه عليه علمه بالأدلة بكل أمانة .. حتى وان كانت الأدلة عكس هواه ..
هو جائز لكنه غير مجبر لتطبيقة على بناته ..لأنه ليس واجب .. وللناس انهم يعلمون بجوازه ويعملون بهالرخصة ..


كلامك صح وأنا معه ..
لكن الأدلة اللي جته بحثوا فيها العلماء وفنّدوها واحد واحد ..
والسبب في حكمهم على هالأدلة اللي قلتي هو عدم معرفتهم بالأدلة الأخرى << زي ما قلتلك أول شيء لبعدهم عن المدينة المنورة ولعدم وصول الأحاديث لهم ..

لكني رغم ذلك ما أقول اني أنا اللي على حق ..واللي كاشفة وجهها بدون زينة ولا تبرج على باطل ..
لا .. هي اقدمت على أمر ارتاحت لجوازه كما أفتى لها العلماء ..
وأنا أقدمت على أمر ارتحت لولجبه كما أفتى البعض الآخر ..وأقدر أجيب أدلة كثيرة على جواز كشف الوجه بدون زينة ... لكني موب عجزة ..
لكن ما لي مصلحة في ايرادها .. لأني ما أعمل بهالرخصة ولن أعمل .. عاد اللي تبي تكشفتجيب هي الأدلة ..

ما نقول اللي تكشف وجهها على خطأ لعملها بأحد المذاهب ..
يعني ما نخطئها لعدم معرفتها بتفنيد العلماء لقول الامام الذي أجاز الكشف ..
واذا الانسان ما بلغه الحكم ما يحاسب عليه لعدم علمه ..

لكن مو معناة هذا إننا إذا شفناها ما نبلغها تحريم كشف الوجه << وأرجع وأقولك إن العلماء مسكوا كل أدلة المبيحين للوجه وفنّدوها وقلتلك موجودة بكتاب ثالث ثنوي الفصل الأول المناهج القديمة ( إلا إذا ما كنتي من الدفع اللي ما درسوا ذاك الكتاب فذا شيء آخر ) ..

واذا جزمتي وجبتي الأدلة عندي استعداد تام لتفنيدها واحد واحد وحتى لو أخذ الموضوع مني وقت وصار في الدعوى اتصال بمشايخ وبحث بكتب – لاقتناعك بالجواز بغض النظر أنت تعملين فيها والا لا – ..

وأحب أقولك إن هذي مو رخصة .. وتعريف الرخص غير :)

أنا عن نفسي موب جاهلة لقول بعض العلماء ان عبائة الكتف حرام ..
لكنكم جهلتوا قول البعض الآخر بجوازها ..

قلتلك بالأول ما عرفت بقول العلماء الآخر :)
ولو لاحظتي أنا سكت عن النقاش في عباة الرأس من جبتي الفتوى ..
لأني عارفة أني ما يصلح أغلّطها وخصوصا أن العالم مجتهد ولكل مجتهد نصيب ..
ولو باخطّئها أنا اللي بيكون علي الإثم ..


أنا أعلم القولين .. وأعرف شروط كل منهم وحجته .. وخلاص ..
أعمل باللي أرتاح له ويرضي ربي في اعتقادي ..طبعا بعد تطبيق الشروط للجواز ..يعني موب من راسي


وأنا قلتلك لا تعملين الحين ؟؟ :)
أنا سكت من شفت الفتوى ولا قلت عن اللي موافقة للشروط شيء :)

ما فيه فايدة ..
فتوى الشيخ سلمان واضحة .. تقولين معصية .. هل يعني هذا ان الشيخ قال سووا هالمعصيةبعد تطبيقكم للشروط

أنا مدري ليه تفهموني غلط ؟؟
لهالدرجة ما عندي أسلوب خخخ ..
يعني بالله راح أقول ( سوو معصية بس طبقوا شروط ) ؟؟!

اللي أقصده خارج فتوى الشيخ سلمان العودة ..
وكلامي اللي قلته عام – لو لاحظتي أسلوبي بالجُمل - ..
يعني يدخل فيها اللي يلبسون عباة كتف ككل ( مهوب أنت يا حلوة << أنت عملتي على شروط فتوى واللي يقرأ الموضوع ككل مو شرط يكون زيّك :) ويمكن تكون عباتهم مخالفة للفتوى تماما ) ..
فأنا رديت على كلامك بشكل عام ( على المخالفين ) لأني أدري إن ذا اللي يدور ببالهم ..
فاللي قلت مو لك ولا للي عملوا بفتوى مشايخ ..
وسوري إن كنت حطيته تحت اقتباس لك بحيث خليتك تحسبينه لك وهو مو لك ..
وأعترف بخطأي :)

وهذا اللي كنا نحاول نثبته من قبل .. وقلناه لكنكم مصرين على ان كونها على الرأس شرط أساسي !!

لأن هذا اللي قالته اللجنة الدائمة بالفتوى حقتها ( اللي ذكرتها بالردود السابقة ) ..
فمن أنا اللي أنكر قول لجنة كاملة وأنا ما معي دليل ؟؟! << قبل ورود فتوى العودة ..
من هنا قلت بكونها شرط أساسي :)

وما نقدر نقول للي يلبسون عباياتهم على روسهم تراكم غلطانين لأن فيه ناس يستغلون قول العلماءبوجوب أو جواز عباءة الرأس ..فيلبسونها مزينة أو مخصرة رغم كونها على الرأس ..

لا نقدر نقول يا قمر :)
وبالحجة والدليل ..
وفيه فتاوى بردودي فوق فيها حكم الزينة بالعباة واللي ذكرتي ..
فلا يعني كونها على الرأس إننا نسكت عن بلاها أبداً..
ومفروض نناقشها لحد ما تقتنع واذا ما اقتنعت نقول : اللهم هل بلّغت اللهم فاشهد وخلصنا :)

انت تقولين اننا عصينا الله لأننا أخذنا بقول العلماء المخافين على حسب ردك ..

برضه فهم غلط :)
أنا أقول هنا إن العلماء المخالفين للرأي ( يعني لرأي العلماء الآخرين ) ما نقول فيهم شيء ..
ولا قلت إن أخذكم لفتواهم مصية ..
بل قلت : (وبالنسبة للمخالفين سمعت أنه الانسان ما يأثم اذا مشى على فتوى عالم ..) ..
ولو راجعتي ردي فوق تلقينها :)

وبعدين فيه نقطة بابينها هنا– بشكل عام مو لك ولا عن هالموضوع - :
الواحد إذا راح لمفتي ( خرطي ) وأقصد فيهم حقين الفضائيات .. اللي يقولون لك الأغاني حلال و مدري أيش حلال ( من الأسئلة اللي تطرح بالفضائيات ) .. ويروح يلغي فتوى صحيحة ومدعمه بالأدلة وياخذ فتوى ( الخرطي اللي قلت ) عشان يحتج فيها مع علمه بخطأها .. هذا هل تتوقعين عمله صح ؟؟!
<< سلمان العودة مو خرطي وله ثقله بالعلم ( خشية أن تقولين أن قصدي بقول هالجملة هذا ذكرته << خافت تنفهم غلط بعد :) ) .. بس ذا تعليق بسيط على من يأخذ بفتوى ( خرطي ) مخالف لرأي عالم ..

ما قلنا شيء !!!
ما فيه ولا وحدة قالت ترى عبائة الرأس حرام ولا حتى قلنا لا تعملون بفتواهم ..
و كلنا على ما أظن نلبس عبائة الرأس بعضنا دائما والبعض أحيانا <<< مثلي

الموضوع أساس كان عن عبائة الفراشة ..اللي على الكتف .. موب عن عبائة الرأس ..
يعني مجال حديثنا بالأساس عن عبائة الكتف ..
بس انتم الله يهديكم .. قمتوا تدافعون عن عبائة الرأس كأننا نقصنا من شأنها .. !!
وقلتوا عبائة الكتف حرام بالرغم من اننا قلنا اننا نعني الساتر منها !!

شوفي لا تقولين ما قلتوا شيء بصيغة الجمع ..
يمكن أنت ما قلتي بس غيرك قال ..
وأنا ما جيت طابّه للموضوع وبقوة الا عشان فيه غلط ..
الموضوع انقلب لشيء آخر تماماً لو جيتي للحق ..
صار فيه فتوى بغير علم .. وصار فيه تطنز ..
وتنقيص لعباءة الر أس ومجاهرة بالاثم ..
وصار فيه مناقشه بغير وجه حق ..وياليتها على كذا بس ..
<<<< بغير ذكر أسماء وحتى لو ناقشتيني أنت أو غيرك هنا ماراح أتكلم ( مو عشان الحق مو معي منب مناقشة بالعكس ) لكن السكوت في هالمواضع هو المطلوب لا غيره ..
وإن بغيتي راجعي الصفحات أنت وشوفي وناظري من بدأ بالانقاص من الشأن ..

أعتقد ان كلامي كان واضح جدا .. و ما يحتمل انك توقفين لي على الكلمة وتناقشيني فيها ..
وكأني أعارضك .. الا اذا كنت تشكين في نيتي ( وما أظن هالشيء )..

فهم خطأ برضه :)

أنا يوم أقتبس منك هنا منب أناقشك ..
واللي خلقني منب أناقشك .. أنا أزود على كلامك ..
بحيث يكون للي يدخلون الموضوع من أعضاء وزوار ..
يعني مو أساساً لك لأن أصلاً من قلتي فتواك بالأول خلاص وقفت عن النقاش ..
وأنا أول ما بديت معك بالرد الأخير قلتلك أنا معك وصح ميه بالميه ..
هذا دليل الموافقة مو النقاش ..
هذا إثراء لقولك بحيث تعم الفائدة القارئ .. فهمتي ؟؟
يعني مو يجي أحد ويقرأ جملتك ويقول صح على طايرة ..
وينسى الجانب الآخر ..
ولانيب أشك بنيتك ولا يحزنون :)

أنــا ما قلت انكم تكرهونا أو حنا نكرهكم .. وما جبت طاري الحب والكره في كلامي ولا حتى لمحت له
ما كان فيه داعي تأكدين كل شوي .. لأني ما أعتقد ان الأمر بيوصل لأننا نكره أو نحب عشانه ..

في أي موضوع يحتد فيه النقاش يظل هناك شيء في نفس الطرف الآخر للطرف الأول ..
من هالباب برئّت نفسي من هالشيء بحيث ما تظنون إني متقصدة وداخلة هالموضوع لشر ..
أو كره لشخص اللي يناقشون هذا أولاً ..

ثانياً اللي يدعون إلى الله – ولو إني ما وصلت ولا جزء منهم – يحاولون يأكدون في كلامهم حبهم للطرف الآخر وحرصهم عليه ومن هنا كان ذكري لذلك ( والله وراء القصد ) ..

وجزاك الله خير على دعوتك والله يكتب لك مثلها ..

آآآآآآآآآآآمين وإياك يا أرحم الراحمين :)

&
&

الحين باخرج لشيء عام خارج نطاقك << عشان ما تظنين ان هالكلام لك نبهتك :)
الكلام للي يلبسون عبيات كتف عامّة << لأن الموضوع عام ومو خاص لأشخاص ..

هل اللي يلبسون عباة كتف – مطابقة للشروط اللي بفتوى سلمان العودة – يلبسونها بقصد الشهره ؟؟!
ترى هنا الوضع غييييييييييير بتاتاً .. لأنه يدخل فيها شيء ثاني بخلاف حكم العودة ..

ثانياً : اللي ماشيين على فتوى العودة هل يغيرون عباة الكتف بتغيّر الموضة ( حتى حقين عباة الراس هل يغيرونها تبع الموضة ) ؟؟ ترى حتى هنا الدعوة غير ..
لأنه متى صارت العباة موضة ؟؟ ومتى صرنا نغيرها حسب المواسم ؟؟
هنا ما قصدنا فيها العبادة أصلاً .. لا صارت شيء ثاني ..

يعني مرة عباة عمانية ومرة عباة فرنسية ومرة عباة فراشة << وهذا غرض الموضوع من الأول أساساً ..
لا وعباة للمدرسة وعباة للسوق وعباة للزواجات وعباة وعباة وعباة .... ( خوذي وخلي ) ..

يعني حنّا وين شخصيتنا ؟؟!
مع الخيل يا شقراء ؟؟!

ترى ذي مخططات صهيونيه قصدها من الأول تغيير عباة المرأة ..
يعني بيمسكوننا حبة حبه حتى ما نلبس ..
وما يخفى علينا كيف كان الحال بسوريا ومصر وغيرها من البلدان من قبل وكيف صار حالها الحين ..

روحوا الحين السوق وشوفوا ..

من أول نقول جدة والرياض ..
والحين حتى القصيم – استغفر الله - ..
الواحد يروح للسوق والمنتزهات ويتفرج وينصعق ..
والهيئة تلاحق يمين ويسار وكله واحد ..

يعني إذا حنّا يا بنات السعودية – بنات الحرمين – نسوي كذا وشلون غيرنا ؟؟!

قسم بالله ما كأننا من أمة محمد ..

وين الدين وتأثيره فينا ؟؟!

الحجاب الحين عند بناتنا وحريمنا كله غلط بغلط – إلا مارحم ربي - ..
النقاش صح صار لعباة الكتف وعباة الراس وطوّلنا فيه بجد بس معليش – شيء يبيّن أحكام ديننا - ..
لكن مو هو الغرض الأساسي الغرض أكبر ..

الغرض : الحجاب كله كيف كان وكيف صار ؟!
والغرض : شخصيتنا حنّا يالفتاة المسلمة ..

الصوت طالع .. وضحك وكركره ..
يدين طالعه وعيون مجمّله ..
كعب وخلاخيل .. وعطور ..
نقش بالعباة وزينه ..
و .. و ... و ...

إلى متى يعني ؟؟!
الوحدة إذا ماتت ولقت ربها على كذا بترضى ؟؟!

( كفى بالموت واعظاً يا ناس ) ..
واعرفوا إن الله يبعثك وأنت تسوّين آخر عمل لك بحياتك ..
فتخيلي نفسك تتمخطرين بالسوق وكل المعاصي اللي قلتها تو تسوينها ..
ترضين تبععثين لأرض المحشر وأنت كذا ؟؟!

تشوفين اللي على يمينك يسبح ويتسغفر ..
واللي يقوم وهي يقرأ قرآن ..
واللي يقوم يلبي ..
واللي .. واللي .. واللي ..
وأنت تقومين بحالتك اللي ذكرت يرضيك ؟؟!

يعني تدرين أنت بجنة والا نار ؟؟!
وهل تعطين صحيفتك باليمين والا اليسار ؟؟!

مشكلتنا نفكر بالدنيا وبس ناسيين كل شيء عن الآخرة ..
ألهانا التكاثر وهوى النفس والشيطان :(

مدري وش أقول أكثر ؟؟!
الموضوع يطول وحسبي فيه ما ذكرت هنا ..

كل اللي أقوله خلاص منب راجعة للموضوع للتناقش في عباة الكتف أو الراس .. لأن الكل عرف حكمها سواءاً بالتحريم .. أو بالجواز مع الشروط المذكورة ..
بس اذا فيه شيء آخر غير هذا أنا جاهزه وبارجع باذن الله ..

وما كان من خطأ هنا فهو من نفسي والشيطان ..
وما كان من صواب فهو من الله ..

والله يهدينا جميعاً ..
ولا حرمكم الله الجنة :)

[النور]

تدرين كنت برد عليتس رد طويل عريض وبقتبس كل شي ارد عليه
بعدين هونت
بختصر اللي بقوله لك

ابيتس تعرفين ان كل كلمه قلتها بردي اول عارفتها زين وفاهمتها ومتاكده من اني اقصدها
وكل كلمه بقولها الحين نفس الشي


اول شي راح اوضح لتس مساله العقل والنقل
ماراح اوقف عقلي وامشي على الدليل مباشره الا اذا كان صريح وصحيح ومافيه اي دليل اخر خالفه
اماا اذا المساله فيها احاديث ضعيفه وموضوعه او اجتهاد و يختلف في فهم معناها من شخص لشخص
هنا راح اشغل عقلي
راح اطلع على راي المجتهدين جميعا بدون تعصب لاحد منهم لانه هو الشيخ فلان او لانه من الدوله الفلانيه او لانه على المذهب الفلاني ترا الدين موب حكر لناس
بعدين راح امشي على كلام اللي يقنعني منهم واللي ارضى اني اقابل ربي فيه سواء كان موافق لهواي او لا(استفت قلبك )


ومن ناحية محاولة اثباتتس لكون عبايات الصحابيات نفس عباياتنا
انت ما اقنعتيني لانك ماجبتي لي اي دليل صريييييح وثاابت بان الصحابيات يلبسون مثل عباياتنا
ابي ايه قرانيه او حديث من الرسول صريح (مايحتمل الاجتهاد )صحيح ( مو ضعيف ولا موضوع)
ولاتجيبين لي احاديث متوسط والثانوي
ترانا نعرفها ونعرف احاديث الجامعه بعد


وبقول لك حاجه ولا تزعلين
طريقة استدلالتس بالادله اللي اوردتيها ومحاولة اثباتتس انها توضح كون عباية الصحابيات عالراس ( نفس عباياتنا )ضحكتني


بعدين ترا انا ماقلت لتس ان عباياتهم عالكتف عشان اثبت لتس واقنعتس ولا ادعيت علمي باللي يلبسونه
لكن انت اللي تقولين تعرفين وش يلبسون اقنعيني
لا انت ولا اي شيخ (مع اني ما اتوقع فيه شيخ ادعى علمه بموديل عبايات الصحابيات )تقدرون تثبتون لي ان الصحابيات كانوا يلبسون نفس العبايات اللي تلبس الان عالراس (نفس الشكل الموووديل)بشروطي اللي طلبتها لان مافيه ولا دليل صريح صحيح ولا ايه صريحه تثبته

لكن انا من طلبي هذا ابي اوضح لتس انه العبايه اللي عالراس الان مو اكيد انها بنفس شكل اللي يلبسونها الصحابيات انما هي اجتهاااد بانها الاستر
اذا السالفه فيها اجتهاد انا اخذ على اجتهاد اللي يقنعني مو اللي يقنعتس وما راح احرم اجتهاد اللي اقنعتس
انا مارح البس العبايه عالراس مثل ماطلبتي لانتس ما اقنعتيني
وماعلي منتس تلبسين عبايه عالكتف عالراس اقتنعتي ما اقتنعتي شي يخصتس
انا ماعندي ادله توضح شكل عبايات الصحابيات ولا انت عندتس
لذلك ماتقدرين تفرضين العبايه عالراس وتحرمين اللي عالكتف اذا كانت ساتره سواء فراشه او غيرها
فاللي بيلبس عباته على راسه مانقول له حرام ونفس الشي اللي على كتفه وهي ساااتره
المساله اختلااف واللي مايقنعتس قد يقنع غيرتس


اللي لاحظته ان انت تحاولين قدر المستطااع تثبتين الشي اللي متعوده عليه فقط وماعندتس الا كم دليل درستيهم بالثانوي
كلامتس غير مقنع بالمره واي شخص عنده عقل ويفهم ماراح يقتنع فيه
لذلك انا انهي النقاش معتس:)


و انا ولله الحمد مقتنعه بعباتي على كتفي لانها ساتره وراضيه تمام الرضى باني اقابل ربي فيها
وانها توضع على جنازتي
في امان الله

:)

[طايرتن بالعجة]

بالعكس مخالفة الشروط تحكم بعدم الجواز ..
لأن هالشروط هي أساس الفتوى أصلاً وإذا عدمت عدم الجواز

وش اللي بالعكس !!!!
انت بكذا تقلبين كلامي فوق حدر .. وتفهمين على كيفتس !!!!
ردي واضح وما فيه مجال للفهم الخاطئ له !!!
وهذا هو ..

فاللي تاخذ الفتوى بشكل مطلق ولا تطبق الشروط .. بتحاسب على هالشيء ..
ومخالفةالبعض للشروط ما يعني اننا نرفظ هالعباءة ونحكم بعدم جوازها !!

أتوقع انه واضح .. بس انت ما فهمتي ..

قلت مخالفة ..البعض <<< أي مخالفة بعض الناس للشروط ..
ولم أقل .. مخالفة بعض الشروط .. فرق بين الكلمتين ..

فرق بين كلامي وتفسيرتس له ..
اقري ردي زين ..وكرريه وحاولي تقلبينه في مختس يمكن تفهمينه ..



رديت بهالرد ..

وبالمقابل .. وش نقول بوحدة تقول للشيخ ان عبائة الكتف شكلها زين وضيقة وتبين المفاتن ؟أكيد بيقول حرام ..
وعشان كذا .. نشوف الضد مثل ما قلت .. ونعرف انه حلال ..
يعني عبائتي وان كانت على الكتف .. فهي واسعة وساترة وغير شفافة ولا فيها أي شيء من الزينة وطرحتي كبيرة جدا وتغطي كل ما قد يفتن ..

ورديتي علي بالرد هذا ..

لا .. وقفي
كلامي واضح اللي قلته فيه ..
إذا كان ضدّه فيه خيرمو شيء ثاني ..
يعني مو تحكمين على الكتف أو غيره من المسائل على نفس كلام السائل ..
قد يكون الضد ما فيه خير ؟؟1

هل تعنين ان العباءة اللي كتبت عنها في ردي .. انها واسعه وساتر وغير شفافة وكل الشروط اللي
قال عنها الشيخ في عبائة الكتف ..
فيها شيء ثاني غير الخير !!!! هل هي شر رغم سترها !!!! وبرغم فتوى الشيخ فيها بالجواز !!!

من الخطأ انتس تشوفين ردي على شيء معين .. وتردين علي برد فيه تفسير خاطئ لكلامي ..
وتقولين انتس تقصدين الامور بشكل عام ..
حنا نتكلم عن عبائة الكتف .. وردي اللي فوق أتكلم فيه عن العباءة .. ومو عن امور عامة ..
ومع ذلك تقولين : فيه شيء ثاني ( وش الشيء الثاني اللي يضاد الخير ..غير الشر .. )
انتبهي لكلامتس زين .. وتذكري انتس تتكلمين عن أمر جـــائز ..




هو واحد من أثنين ..

اما انك غير قادرة على التعبير عن ما تريدين بشكل صحيح ..
أو أنك غير قادرة على فهم ما تقرأينه بشكل جيد ... <<< وهذا ما ارجح ..
والنقاش مع من يتصف بأحد هذين الأمرين أو أحدهما لا يجدي ..

أسف لقولي مثل هذا القول .. لكن لا بد منه .. ولا يعني هذا أن في نفسي شيء عليك :) ..


ونصيحة ... لا تقرأين أي رد وأنت تبحثين عن الخطأ فيه وتفترضينه ..والا كان تفسيرك له خاطئ ..
وردك عليه أشد خطأ ..

[ديــمـا]

العرف والعادات والتطبع غلبت العقل

لوتفكرنا وتدبرنا ماأحتجنا لهلكم من الفتاوى

موضوع واضح

:)

[رسـّــــاوي]

في رأيي ان الموضوع اخذ اكبر من حجمه

[بنت الشيحية]

عاشقه الجنه

قبل كذا شكرتك واليوم وبكره ابشكرك ..ربي لايحرمك الأجر والتعب والإجتهاد

ويكفى انك الحين تحاولين الجهاد بارك الله فيك وبإخلاقك

اتمنى ان اكون صاحبة حجة مثلك..الله يهدينا جميعا

تصدقين ازدتت فخر بعباتي الي كنها خيمه

وقسم بالله اني ازدت فخر وابشرك حتى عبايتي الفراشه الي على الراس الواسعه

وقسسسسسم بالله ابرميها بالزباله

واستبدلها بخيمه جديده:)

الله يجزاك خير حبيبتي تعبتي معان كثيييير الله يجعل لك بكل حرف حسنه وكل حسنه بعشرة امثالها

والله يجعله في موازين اعمالك

لله درءك من بنت
.
.
.
النور
انا ولله الحمد مقتنعه بعباتي على كتفي لانها ساتره وراضيه تمام الرضى باني اقابل ربي فيها
وانها توضع على جنازتي
في امان الله

النور وقسم بالله وجعن قلبي وبطني يوم قريت كلامك هاذا:(

عسى الله لاياخذ بكلامك ولايكتبها لك يارب

اخي الكريمه استغفري ربك لاتقولين اتمنى تكون فوق جنازتي تراها كبيره الكلمه وانتي ماتدرين اختي

حتى لو كانت حلال حنى بشر ضعفاء مازلنا جاهلين بالدين حتى اختنا عاشقة الجنه رغم كل

الي ذكرت لنا الا انها مازلت جاهله بالدين

نبتعد عن الشبهات افضل لنا جميعا

[Be-Smart]

وش هالزحمة :eek:

فيه ناس بدات تتفنن في الفتاوا لدرجة انها ممكن تخترع دين جديد بحجة سد الذرائع !!

بالنسبة للحجاب حكمه واجب !!

لاكن كشف الوجه جائز وبعض الاحيان يكون واجب ;)

اما العباية هذي فما انزل الله بها من سلطان !! مجرد اجتهادات احتمال الخطاء فيها اكبر من احتمال الصحة :rolleyes:


الحجاب الاسلامي هو تغطية اجزاء من الراس واسفل الرقبة !!

[حلم العالم]

جزآك الله خير ، وأثآبك الله على مآتقومين به اختي ..

أظن أن الموضوع مثل مآقآل أخوي رسّآوي أخذ أكبر من حجمه ، وأنتي مآقصّرتي كفّيتي ووفّيتي ..

[رايقة]

((وتأكدي ان كشف الوجه لا يوافق هواي .. ولو أكد لي جميع العلماء اباحته ..فلن أكشف وجهي ..))

ياحبي لتس ياطايره نحن كمسلمات لا ننظر للشئ من ناحيه ((يوافق هوانا او ما يوافق))


بس عندس سؤال وين القى عباية المصريات اللي تقول عنها عواطف؟؟؟

[طايرتن بالعجة]

جود ..

أنا معك فيما قلت ...
وما أقتبستيه من ردي .. يعني ..أنه في حال الاباحة ..فالأمر متروك للناس ان ارادوا التطبيق أو لا ..
مثل أكل التفاح ..مباح ... فلانه تحبه فلها أن تأكله ..أما أنا التي لا احبه ولا أستسيغ طعمه ..
لست مجبرة على تناوله ..لأنه ببساطة أمر مباح وليس واجب التطبيق ..

هذا ما قصدته في ردي ..

أما عن عبائة المصريات ... اشتري عبائة الفارشة بدون خياطات تحت الابط لتكون أكثر سعة
وستجدينها في محلات مركز المعيقلية ان كنت في الرياض ..لأن أغلب المحال لا تبيع الا المخصرة
أو المزينة ..أو الفراشة بخياطات ..
أما الطرحة كما هي عند المصريات .. تعبت من البحث عنها ..والكل يقول : لا نبيعها جاهزة ..
يعني لا بد من تفصيلها ..

[النور]

النور
انا ولله الحمد مقتنعه بعباتي على كتفي لانها ساتره وراضيه تمام الرضى باني اقابل ربي فيها
وانها توضع على جنازتي
في امان الله

النور وقسم بالله وجعن قلبي وبطني يوم قريت كلامك هاذا:(

عسى الله لاياخذ بكلامك ولايكتبها لك يارب

اخي الكريمه استغفري ربك لاتقولين اتمنى تكون فوق جنازتي تراها كبيره الكلمه وانتي ماتدرين اختي

حتى لو كانت حلال حنى بشر ضعفاء مازلنا جاهلين بالدين حتى اختنا عاشقة الجنه رغم كل

الي ذكرت لنا الا انها مازلت جاهله بالدين

نبتعد عن الشبهات افضل لنا جميعا

لايوجعتس قلبتس ولا حاجه
ماقلت الا اللي ارضى فيه واللي مقتنعه انه صحيح
لو ماكنت ارضى بالشي هذا كان مالبستها من اساس :)

[بنت الشيحية]

النور حبيبتي مب اي شي نرضاه لنا يكون حلال

اختي اردي انتس انا وانتي مازلنا جاهلين وانتي بكلامك هاذا وكأنك احببت ان تحشر معك

ومعروف ان المؤمن يحشر مع مايحب

والا معقوله كل شي نحبه يكون حلال.. ادري انتس مقنعه فيها وانا ماابي اقنعتس لأني جاهله

واتوقع عاشقه ماقصرت..بس بغيت اقولتس استغفري بس

بعض الألفاظ تؤدي بنا الى النار

اتمنى انتس ماتدرين على كلامي لأني ماابغى منتس الا تستغفرين بسسسس

[طاب الخاطر]

السلام عليكم ورحمة الله وبركاته
عن نفسي لا أعرف هذه ولا الثانية
ولله الحمد والمنه العباية واحدة تستر
تفاصيل وأجساد النساء


في أمان الله

[سـ ـحّّـ ـارة]

انا البسها ومااشوف فيها شي بصراحه..
واول ماطلعت كنت لما اشوفها على البنات احسبها لابسه عباية راس
وطاحت على كتفها:D
هذا والله اعلم..

[بنت بريده]

السلام عليكم
اول شي احب اشكر صاحبه الموضوووع على الطرح الجيد والهادف والذي يفيد اغلب بنات المنتدى
ثانيا انا من وجهت نظري المتواضعه اشوف انها مافيها شي اذا كانت واسعه ومافيها زخارف ولا رسومات وسلاسل وخلافه من الاكسسورات لانه الستر مطلوووووب ويابنات المشكله مو مشكله عبايه كتف او راس العمده على البنت نفسها يا ما شفنا بنات لابسات عبايات راس ومسوين الي ما يتسوووووى يعني مو على العبايه على صاحبه العبايه
تبقى وجهت نظر
تحياتي