صدور الدجاج المحشيه بالنقانق والمزريلا << مشواااار

[ام الهنوف]

السلام عليكم
ابمحط لكم الطريقه والصور
بلا مقدمه بلا جح



المقادير :


http://alqosman.net/vb/uploaded/1077_1188167198.jpg

أربعة صدور دجاج متبله وخالصه باللي تحبينه
4 هوت دوق مسلوق
يعني نقانق للناطقين باللغه الخبيه
جبنة موزريلا
شوية كزبره , حسب مذاق ابوكم يحبه ولا لأ

كوب دقيق ابيض املحيه وحطي عليه فلفل ابيض وشوية بهارات حسب ذوق حضرتس

كوب بقسماط

3 بيض

سكين :bs27:


طريقة الكرف :


امسكي صدر الدجاجه وسوي خرم بالوسط و حاولي إنه ما ينخرم من تحت
والله النشبه وش لون ابشرح لكن :e136:
امسكيه مثل مسكة الكوسه إلا بغيتن تقورونها وتحشنها
ثم اطعنيها :bs27:
فهمتن !!

ادخلي حبة الهوت دوق
ثم ادحيها جبنة موزريلا الين تقولين بس:bs27:

وكذلك الكزبره

غمسي قطعة الصدر في البيض
ثم في الدقيق
ثم في البيض
ثم في الدقيق مره ثانيه
ثم في البيض
ثم في البقسماط

ثم إقليها في زيت غزير
ولا تبربرين بالتلفون وتنسينه عشان ما تحترق ويهاوشكم ابوكم :e052:

تقدم مع الرز الأبيض والخضار المسلوقه
او البطاطس المقلي
وانا ماعندي لا خضار ولا شي
ماعندي إلا فقع :bs27:
http://alqosman.net/vb/uploaded/1077_1188167232.jpg

http://alqosman.net/vb/uploaded/1077_1188167261.jpg



الجبنه سااااااايحه وتذوب في الفم
من جددددد طعمها خيااال

بالهناء والعافيه
:c018:

[رؤوف الغطريفي]

تسلمين ام الهنوف 00

بس الرز قليل 00 جدا خصوصاً للي يضربون بالخمس
ويتربعون على الصحن

احس ان الاكلة خاصة بالطبقة الارستقراطية

اما الكادحون في الارض فمن وراءهم حبة دجاج بخاري
مع علبة ببس دايت

[لووك جديد]

---------------------------------

ياشين محبسوووه :bs29:

الصراااحه الطريقة شييييي وشكله يفتح النفس

دخلت مزاجي بقوووه بس مافهمت طريقة تدخيل السجق !!!

مشكوووره ام هنوووفه

[رؤوف الغطريفي]

لوووووووووك كان غيرك اشطر

واللي سبق اكل النبق

[حايمتن تسبده]

:bs00: :bs00:

وااوك تشششهي ..

يعطيك العافيه أم الهنوف
شرحك رهييب :c007: ..

[بنت عنيزه 2007]

يسلموووووو اختي ام الهنوف ...

واللي ماياكل نقانق اااقصد هوت دوق مالتكـ ... :bs27:

[رؤوف الغطريفي]

---------------------------------

ياشين محبسوووه :bs29:

الصراااحه الطريقة شييييي وشكله يفتح النفس

دخلت مزاجي بقوووه بس مافهمت طريقة تدخيل السجق !!!

مشكوووره ام هنوووفه



ندهن السجق بزبدة او فازلين

او نخرم لحم الدجاج بخرامة تشبه اللي تخرم بها الكوسة
والبطاطس

والله اعلم

[ام الهنوف]

تسلمين ام الهنوف 00

بس الرز قليل 00 جدا خصوصاً للي يضربون بالخمس
ويتربعون على الصحن

احس ان الاكلة خاصة بالطبقة الارستقراطية

اما الكادحون في الارض فمن وراءهم حبة دجاج بخاري
مع علبة ببس دايت

هلا محبس ..
هذا يقالك اني أعرف هاللي يسمونه اتيكيت :c018:
بلا والله ما شفت سماطنا والأطباق الثانيه
تحلف انه حلبة مصارعه :bs27:
شكرا لردك وحضورك

[ام الهنوف]

لوووووووووك

هلا وغلا
عاش من شافتس
الحمد لله على سلامتس

مافهمت طريقة تدخيل السجق !!!



هذا وانا شارحه بالقصمنجي :bs37:
شوفي يا قلبي
امسكي صدر الدجاجه بيدتس اليسار بالطول
وجيبي سكين واخرميها مع راس الصدر
يعني سقطي السكين جوة الصدر
كأنتس تحشين صاموليه :bs27:
بس لا تفتحينها من على الجوانب
فهمتي ولا اجيب السكين واطبق عليتس :bs72:

[أسيف]

شكله رهيب
تسلم ايدياتك عزيزتي

[رايقة]

ما شاء الله

لقد اشتهيت هذه الاكله الرائعه
يمي
شكرا ام هنوفه

[لووك جديد]

لوووووووووك


هلا وغلا
عاش من شافتس
الحمد لله على سلامتس

الله يسلمك يارب ويعافيتس

هذا وانا شارحه بالقصمنجي :bs37:
شوفي يا قلبي
امسكي صدر الدجاجه بيدتس اليسار بالطول
وجيبي سكين واخرميها مع راس الصدر
يعني سقطي السكين جوة الصدر
كأنتس تحشين صاموليه :bs27:
بس لا تفتحينها من على الجوانب

فهمتي ولا اجيب السكين واطبق عليتس :bs72:


انا فهمته تقريبا من شكل الصورة بس احسه صعبة وبتحسر بي ويمكن تقطع بايديني لان قطع الصدور لينه مررره ولاهيب عريضه :p

مشكوووره على التوضيح

محبس

ندهن السجق بزبدة او فازلين

او نخرم لحم الدجاج بخرامة تشبه اللي تخرم بها الكوسة
والبطاطس

والله اعلم

عط الخباز خبزه لو أكل نصه :bs27:

[ام الهنوف]

وااوك تشششهي ..
يعطيك العافيه أم الهنوف
شرحك رهييب :c007: ..

مرحبا بشيييييفة القصمان
الله يعافيك ويخليك
شكرا لردك وحضورك

[ام الهنوف]

يسلموووووو اختي ام الهنوف ...

واللي ماياكل نقانق اااقصد هوت دوق مالتكـ ... :bs27:

راعية عنيزه

هلا بك

انا ماعمر الهوت دوق طب فمي
شلته وعطيته ابونا و زرطت الباقي :bs27:
مافيه اي مشكله :bs27:

[سـلـوى]

الطبخه صراحه روعه .. يكفي شكله مغري
انا الحين فهمت شلون يخرم الصدر بس الي مافهمته بعد ماندخل النقانق شلون ندحاه جبن وكزبره والنقانق موجوده ؟

[ام الهنوف]

دمعه ...
هلا بك يا قلبي
شكرا لردك يا غاليه

[ام الهنوف]

جود

شمري عن ذرعانتس وسويها
تدرين انها ما اخذت من وقتي إلا اقل من 10 دقايق :)
شكرا لمرورك يا قلبي

[ام الهنوف]

لووووووك

لا صعبه ولا شي
ترى انا اذرق منتس بخصوص استخدام السكين
الصدر من فوق يكون عريض مره
افغصيه بيدتس وشقيه وتوكلي على الله هههههههههه

[ام الهنوف]

هلا سلوى

انتي كبري الفتحه سوي من فوق
او انك ادحيها من تحت بشويه جبن ثم دخلي الهوت دوق واحشي الجوانب جبن
يبي يسهلها الله يا بنت الحلال D:

[سـلـوى]

يبي يسهلها الله يا بنت الحلال
ام الهنوف
يجيب الله سيل :D :D :D

/

افغصيه بيدتس وشقيه وتوكلي على الله


طيب انا عندي فكره اسهل :D
وراه مايحفر الدجاج وهو جامد او بين التجمد ... اتوقع يطلع اسهل من ناحية التحكم بالحفر ولى :D

[بياض الثلج]

ماشاء الله ام هنوفه شغلتس رهيب والشكل ارهب تسلم اليديات يابعدي .. بس وش رايتس مافيه شي ثاني ندخله بصدر الدجاجه بدل هالهوت دوق صراحتن ماحبه ولا قط طب اثمي .. :c016: الحمد لله والشكر على النعمه مدري وشلون الناس ياكلونه حتى اسمه يروع .. :bs06:

[صِبا]

الله شكلها مشهي ..
الله يعطيك العافيه
كان خليتيها لين يجي دورك بالطبخ ويطيح بحسابها :bs27:

[جلنار]

تسلمين ...
زين عطيتينا شي نسوية بفطور رمضان .......

[توفي]

يعطيك الف عافية ام الهنوف

< سالفة الهوت دوغ و تدخيله بالصدر لك عليها شوي

<< ارجعي اقري وشلووون مرة ثانية

شكرا يملاااا العافية أم الهنوف

[رؤوف الغطريفي]

انا وش جابني مافيه من العنصر الذكوري الا انا

[شهد الأيام]

رووووووعه ام الهنوف رهيييبه وحلو بعد مزريلا وهوت دوق هم احب شي عندي ,,

ماشااءلله شكلها لذيذ وحلووو,,يعطيك العافيه,,

[ام الهنوف]

ثلووجه

هلا فيك
مهب لازم تاكلين الهت دوق ..
حطي مثلا لحمه مفرومه << انواااع المطرسه
او خضار مقطعه تقطيع صغير
او مهب لازم تسوينه بلشت بتس :bs27:

[ام الهنوف]

اضاوي

هلا فيك
الله يعافيك , شكرا للمرور

[ديــمـا]

يختي من امس وانا اشوف الطبخة

عجزت اهضم ان الدجاج محشي بسوسج

ممكن خضار وجبن

بس سوسج

ماش ماقبلتها نفسي

[ام الهنوف]

جلنار ..

هلا بك
عطينا انتي خرابيط لرمضان
إنتي الأبلى وحنا تلاميذك :c018:

[ام الهنوف]

توفي

هلا بك
شرفتي يا قلبي ..

[ام الهنوف]

شهوووده

هلا فيك
يا حبي لتس والله
يا زين اللي يمدح ولا يعذرب
تقل حاطه لهم بعرصي مهب هت دوق :bs27:

[مجنونهــــــــا]

http://alqosman.net/vb/uploaded/1077_1188167261.jpg

بصراحة شكله خيال ورااايقة,,,

بس ماأدري ليه إحساسي يابنت العم إنتس لاطشته ولا صلحتي منه ولاقنيزة!!!


معليش نبي نطقه حوله ولاحنب مدققين وأقول بصراحة طبختن حلوة :D



<< تسني أشوفه معه عصا المكنسة وتدورن :e052:


http://alqosman.net/vb/uploaded/1077_1188167232.jpg

أمزح معتس ياشيخة بس من جد شكل الهوت دوق بوسط الدجاج طالعن تسنه كيبل كهرب مقطوع :D



ننتظر جديدتس أيتها الشيفـ هـ :o


شوكرااان جزيلين...

[ام الهنوف]

هلا ديمو

كل ما صار الشي غريب كل ما صار أطعم
جربيه واحكمي