الماضي والحاضر حتى في الكشتات

[المهاجر]

في إجازة عيد الفطر من العام الماضي
طلعت أنا ومجموعة جهة دهيماء
وتحديدا لحضور حفل مزايين الإبل
الذي أقيم هناك
المهم هذه الصور تحكي تنافسا بين الماضي والحاضر
حتى في السيارات وحتى في طريقة الكشتة
فأصحاب الجيب <<<< ماهب أخوياي
فأصحاب الجيب الجديد جابوا معهم أغراضهم وقالوا بلاش كسافة
شاي وقهوة بترامز وحلى ومكسرات من جهينة
أما أصحاب السيارة القديمة فلوا الحجاج وفرشوا الفرشات وشبوا على الدلال



أترك التعليق لكم

http://alrassxp.com/forum/images/usersimages/2702_1151670415.jpg


http://alrassxp.com/forum/images/usersimages/2702_1151670630.jpg

http://alrassxp.com/forum/images/usersimages/2702_1151670907.jpg

[جوري]

اي والله فرق

يازين الجمس الاحمر بعد يذكرن بأيام شبابي << عمرها عشرين بعد المائتين :c015:

[رسـّــــاوي]

ما مثل اذا الواحد شب على دلاله وصلح قهوته وشاهيه

قمة المتعة

يطلع للقهوة والشاهي طعم مختلف

شكرا لهالصور الممتعة يا المهاجر

لك التحية

[التوته]

مشكوووووور ع الصور
.
.
.

[وتــيــن]

اصلا ماتحلي الكشته الا انت تسوي القهوه والشاهي بالبر

يلاسلااااااااااام عليه يازين قهوة الحطب يممم<<<راحت تسويله قهوه

اخي المهاجر شكرا على الصور

[المهاجر]

جووري

رساووي

التووته

ووتين

مشكورين

على المرور والتعليق

وبالفعل ماتحلا الكشتة إلا على أصولها

[شريم]

الترامز اذا كنت بتتمشى بالسياره مافي مانع

لكن اذا بتجلس حلاته تشب وتسوي الشاهي والقهوه بنفسك

الف شكر يالمهاجر

[الغريبة شوق]

صور روعه

وما فيه احلا من قهوة الحطب في البر

يعطيك العافيه

-

[المهاجر]

الترامز اذا كنت بتتمشى بالسياره مافي مانع

لكن اذا بتجلس حلاته تشب وتسوي الشاهي والقهوه بنفسك

الف شكر يالمهاجر


هلا بك شريم
والله إنك جبتها الترامز حق التمشي واللفلفه بالسيارة
لكن التكيات مالها إلا صفر الدلال والوجار اللي يحبه قلبك

صور روعه

وما فيه احلا من قهوة الحطب في البر

يعطيك العافيه

-

هلا بشاعرة القصمان
وماحلا قهوة الخلا والحطب مع سيحة البال ............ شاعر قديم
حياك الله

[رساوي منتهي]

والله يا ريحة السمر والرمث ماتقارن ولا بعطورااااااااات قزااااااااااااز

[مجنونهــــــــا]

يالله مقارنة حلوووة,,,

جي إكس آر,,,
تحته ناس من نمونة " هييي إنتبه لا يتوصخ الثوب :cool: "
ومعهم ترامس شاهي مصلحة بالبيت أو أقرب بوفية :e070:

بينما بجانبه,,,

ونيت حوض,,,
تحته ناس من نمونة " خذ فنجال وعلوم رجال :c014: "
والشاهي والقهوة تشوفه وهو يصلحه قدامك,,, وريحتهن تعدل المزاااج :c032:

والله إن تصليح القهوة والشاهي بوسط شعيب إنه أزين عندي ألف مرة من أطلق كوفي شوب,,, خصوصاً إذا صارت ريحة الضو عالقتن به,,, كلاااااام :36_1_12[1]:


تسلم والله أخوي المهاجر على هالصور الحلوة كحلاة حضورك..


شوكرااان جزيلين...

[Samaa]

شيييييييييييييييييييييييييييي

[الصنقر]

والدال دورلك جلوف غشاما ..........شهبان بر وبالديره نشامــــــــا
يدربونك على العنا والمقاما..........ذولاك من نجد به الطيب شارات

أخوي المهاجر
إذا كنت بالطلعه ما تزين الشاهي والقهوة وتطبخ وش الفايده
هذي حلاته
لا يقربونك راعين ال gxr